عند فهد فضل يدور عليها يومين متواصلين و مرجعش بيته و حس اد ايه أنه كان انانى مع فيروز و أنه غلط ( بس اكيد الندم مش كفاية ) و سال عنها فى كل مكان تروحه و راح لمعتز يدور معاه و اول ما خبط الباب لقى عشق اللى فتحت فهد باستغراب : انتى بتعملى هنا ايه عشق و كلام اتجمد فهد : بقولك بتعملى هنا ايه يا عشق ازاى
مقاطعة معتز : عشق مراتى و لما تبلغ السن القانونى هيكون رسمى أنا معملتش حاجة غلط فهد : انت هتستعبطنى يا معتز فهد بص بصرامة لعشق اللى الدموع متجمدة فى عيونها فهد : ادخلى البسى مش هتقعدى هنا معتز : انت بتقول ايه ديه مراتى بقولك فهد : اللى سمعته عشق قاصر يعنى لو نزلت اقرب قسم هاخدها منك دلوقتى لانى ابقى جوز اختها معتز ضحك باستخفاف : ايه ده بجد طيب انزل يا فهد ساكت ليه …. و بضحكة سخرية لاء خوفتنى … على اساس اصلا هتعترف بجوازك من فيروز … انت جاى ليه اصلا
فهد : فيروز هربت و بدور عليها عشق : انت عملت ايه فى اختى يا فهد معتز: تلاقيها مقدرتش تستحمله هو و عقده فهد : طيب اخرس يا معتز علشان مش عايز اخسرك ادخل البس علشان هننزل دلوقتى أنا مش قادر افكر فى اى حاجة لحد ما القيها __________________________________ عند فيروز و اول يوم شغل ليها و بعد انتهاء اليوم لقيت خالد ( صاحب المحل ) جايب لها اكل و عصير و جايب لنفسه
فيروز : حضرتك ده إيراد اليوم و تقدر تراجع دفتر الحسابات خالد : طيب اقعدى ناكل و نبقى تتحاسب فيروز : لاء شكرا لحضرتك أنا اكلت فى الغدا و محتاجة امشى خالد : هو مش تطفل منى بس انتى عندك سكن فيروز : أيوة …. بصراحة لاء بس هقعد فى اى بانسيون قريب لحد ما القى سكن خالد : بانسيون ؟! .. مظنش ينفع بنت زيك تقعد فى مكان زى ده اكيد فاهمة قصدى
فيروز بصتله باستغراب و زعل شوية خالد : و الله بتكلم خوفا عليكى مقصدش حاجة يا آنسة فيروز فيروز : شكرا لحضرتك أنا محتاجة حضرتك تراجع الحسابات علشان امشى خالد : طيب ممكن تاكلى لحد ما اشوف الحسابات فيروز :قعدت و كلت حاجة بسيطة خالد : انتى مش اول مرة تشتغلى فى محل ملابس صح فيروز : لاء اول مرة خالد : بجد اصلك الصراحة شاطرة جدا إيراد انهاردة زيادة عن اى يوم أنا هديكى جزء من الزيادة ديه علشان تعبك معانا و عايز منك طلب توافقى عليه
فيروز : طلب ايه ؟ خالد : تروحى معايا البيت فيروز : نععععععععم يتبع ….. قولولى رايكم في الكومنتات ✨❤️ اسفة على التاخير 🙂 فى بارت كمان بليل تعوضيا عن التاخير 🌝✨ #عشقت_مخادعتى بارت 24 #ندى_احمد بارت 25 💖 فيروز : طلب ايه ؟ خالد : تروحى معايا البيت فيروز : نععععععععم خالد : أنا التعبير خانى معلش … أنا أقصد تقعدى مع والدتى و اختى فى البيت و انا هنام انهاردة فى المحل لحد ما تلاقى ليكى سكن و ده احسن من فكرة البانسيون و على الاقل هتقعدى فى مكان امان مع ستات زيك ده غرضى مش اكتر
فيروز : شكرا لحضرتك بس أنا مقدرش اوافق بحاجة زى ديه خالد : بس ده احسن من انك تقعدى فى بانسيون و الصراحة أنا ارتحتلك يا آنسة فيروز و عايز اساعدك و ده وضع مؤقت لحد ما تلاقى سكن كويس و بعد إلحاح شوية من خالد فيروز وفقت و اتعرفت على أخته و والدته و كانوا ناس طيبين جدا و خالد فعلا نام فى المحل فات شهر و خالد لقى لفيروز فى خلال الشهر ده شقة صغيرة فى العمارة اللى قصداه و كل يوم كان بيحاول يقربها منه اكتر
_____________________________________ عند فهد طلق سارة بعد ما اكتشف أنها كانت بتضحك عليه و أنها اصلا مش حامل و ده كان مخطط منها و من والدته علشان يستفيدوا بأكبر نصيب من أسهم شركته