فهد حس بأد ايه هو ندمان على خسارته لفيروز و على معاملته ليها و قرر أنه يبع نص شركته ليها بيع و شراء لحد ما جاله خبر أنهم لقوا بطاقة فيروز فى قسم فى حى من أحياء اسكندريه بعد ما لقوها واقعة فى الشارع و سافر اسكندرية يدور عليها لحد ما قدر يعرف مكانها و راح لها المحل و اول ما شافته اتوترت جدا و من كتر التوتر اغمى عليها
فهد : فيروووووز و شالها و ركبها عربيته و طلع على اقرب مستشفى الدكتورة : مبروك المدام حامل فى شهر و نص هى بس ضعيفة شوية ركبنلها محلول اول ما تخلصه تقدر تاخدها و تمشوا فهد كان مبسوط جدا و مش مصدق من كتر الفرحة و دخل لفيروز الاوضة لقى خالد فى الاوضة فهد استغرب و لسه هيسال مين ده خالد : أنا خالد صاحب المحل اللى بتشتغل فيه فيروز
فهد بيسلم عليه و بيشد شوية على أيده : تشرفنا .. أنا فهد جوز فيروز خالد أنصدم و حس بالاحراج و قرر يمشى فهد بص لفيروز اللى متجنبه حتى تبص فى وشه فهد : فيروز أنا آسف فيروز : طلقنى فهد : انتى بتقولى ايه فيروز : زى ما سمعت طلقنى يا فهد فهد : بس أنا بحبك يا فيروز و مستعد أثبتلك انى اتغيرت فيروز و هى الدموع متحجرة فى عينيها : محدش بيتغير يا فهد
فهد : لاء اوعدك أنا اتغيرت علشانك يا فيروز ارجوكى ادينى فرصة علشانى و علشان ابننا فيروز : ابننا ؟ …. هو أنا فهد بمقاطعة : حامل _________________________________ عند عشق تستيقظ فى الصباح لتجد معتز محضر الفطار و قاعد جنبها يتأمل فيها عشق : انت ايه جابك اوضتى ده مش اتفقنا يا معتز معتز : كان اتفاق منيل و احنا أن شاء الله هنفضل اخوات و اصحاب بس لحد امتى
عشق : معرفش بس لحد ما اطمن معتز : براحتك يا عشقى بس علشان تعرفى اد ايه أنا بحبك و عايز بس تكونى مبسوطة عشق : أنا عايزة اطمن على فيروز معتز : فهد : لقى فيروز امبارح بليل عشق : بجد طيب أنا هروحلها معتز : مش قبل ما تفطرى عشق بفرحة طفولية : حاضر ________________________________ فيروز : بس ده مش ابنك يا فهد فهد : انتى بتقولى ايه
فيروز : زيى ما سمعت مش أنا كنت فى نظرك واحدة خا*ينة و كنت بحض*ن السواق يومها انت حتى مسالتنيش و اغت*صبتنى بكل دم بارد أنا يومها كنت هقع و هو سندنى و اعتذر بس انت حتى مرضتش تسمع اعتبر ده مش ابنك و طلقنى و كل واحد مننا يروح لحاله أنا ما صدقت لقيت شغل و مكان اعيش فيه و مش عايزة ارجع اعيش معاك
فهد : أنا طلقت سارة و مستعد أعلن جوازنا رسمى قدام كل الناس و اعوضك عن كل حاجة شوفتيها معايا و مش هخليكى تفتكرى ليا غير الحلو بس انتى بس روحى معايا على بيتك و اى شرط تقوليه أنا موافق عليه فيروز : أنا مش هروح معاك فى حتة فهد : ادينى بس فرصة واحدة أصلح فيها كل حاجة فيروز : فى حاجات مينفعش فيها الاسف يا فهد علشان عمر الرماد ما هيرجع نار تانى
فهد : لاء ممكن نرجع انتى و انا موجودين و كمان لازم تدينى فرصة علشان ابننا يا فيروز و روحوا البيت بس فيروز كان عندها شروط و كان أهمهم أن فهد ميحولش يقرب لفيروز بأى شكل كان و لا حتى يقعدوا فى اوضة واحدة و يسيبها لحد ما تخلص امتحاناتها و يعترف بجوازهم رسمى فهد عمل حفلة عزم فيها كل عائلته و عائلة فيروز علشان يعلن جوازهم فهد مستنى فيروز تنزل الحفلة
و هى نازلة براحة على السلم و لابسة فستان اوف وايت رقيق و حجاب نفس اللون خطفت قلب فهد و فهد مسك ايديها بتملك و قعد جنبها و هو مبسوط