#البارت_الثامن #عمياء_ولكن #سمراحمد #كاتبة_الظلام _ايةة بصدمة :- ينهااااار طيين دكتور محمد متولى عبد العال ابن الدكـ,ـتور متولى عبدالعال _محمد بتريقة:- بيقولوا _اية بتوتر:- وانا…..وانا…وانا بقول ايه الادب والاخلاق والكرم ده كله وبخوف وترجى :- مش هتقوله صح؟! _محمد:- دانا هخليه ينفخك بقا بابا زى المربع _ايه:- انا اسفة بالله مش هقول كدا تانى بس متقولوش وهمشى ومش هتشوف وشى تانى بس الله يـ,ـسترك لو عرف مش هطلع من ام الكلية دى يرضيك برضو كدا،اسيبك لضميرك بقا ،وقامت بسرعة واتجهت ناحية الباب عشان تمشى
_محمد:- هو انا قولتلك تمشى _اية :- منا ..منا _محمد ببرود:- كنتى عايزة ايه _اية :- خلاص مش عايزة حاجة _محمد :- تعالى اترزعى وقولى كنتى عايزة ايه _اية قعدت وهي بتفرك أيدها:- كنت عايزة أسألك على دكتور أسر هو فين ؟! _محمد:- دكتور أسر مبقاش فاضى اصلا _اية :- ليه حصل ايه؟! _محمد:- بيجهز لفرحه ياستى _اية بصدمة:- فرررح؟! فرح ايه _محمد:- اصله خطب من كام يوم وفرحه بعد شهر
_اية:- خطب مين ؟! _محمد :- وانتى مالك وليه بتسالى _اية:- هقولك بس جاوبنى _محمد بصلها وهو مش عاجبه الحوار :- خطب بنت اسمها عبير بنت راجل اعمال مشهور _اية:- طب وجميله _محمد:- جميلة مش دى المريضة بتاعته برضو _اية :- اه بس كان باين عليهم، ان علاقتهم مش مجرد علاقة دكتور ومريضته _محمد بمكر:- لاء هما فعلا كانو الاول دكتور ومريضته بعدها بقوا اصدقاء مش اكتر ولا اقل _اية ف سرها :- يعنى انا ظلمت جميلة ،وبعدين بصت للدكتور:- شكرا جدا يادكتور
_محمد ببرود – العفو ،مش هتقولى بقا كنتى بتسالى ليه _اية:- لااء اصل جميلة كانت عايزة تشوفه وتعرف هو مبقاش يروح عندها ليه فبعتتنى _محمد بخبث:- اه قولتيلى طب مهى معاها رقمه _اية باارتباك:- متسالها هي وانا مالى ، معلش هستاذن عشان عندى مشوار مهم _خرجت أية _محمد:- بقا انتى عيزانى أقولك كل حاجة فكرانى اهطل ولا مغفل عشان اقولك جميلة كانت بالنسبة لاسر ايه ،انا مستحيل اقول اسرار صحبى اللى ماأمنى عليها ،مش هريحك برضو
_____في بيت رجب___ _جميلة:- انا لازم امشى انا عارفة انكم تعبتوا معايا شكرا بجد وكفاية تعب لحد كدا _عنايات :- تمشى ايه وانتى ف الحالة دى ؟! _شروق:- تعب ايه ياجميلة ربنا يقويكى على اللى انتى فيه وربنا يعلم انتى دخلتى قلبنا ازاى _جميلة :- عارفة دا كله والله بس لازم امشى ،خرجونى بس من هنا ووقفولى تاكسى يبقى كتر خيركم وانا هوصفله بيتى واروح ،جت تقف جميلة داخت ووقعت
_عنايات سندتها وبخوف :- مش هسيبك تمشى وانتى كدا ،انا عارفة أن اهلك خايفين عليكى ،بس مش هسيبك غير وانتى مفكيش خدش واحد يابنتى مقدرش اسيبك كدا _جميلة :- بس انا… _عنايات :- خليكى وسطـ,ـينا لحد اما تخفى عشان تقدرى تحافظى على نفسك ولو على مهند وعمك رجب فاديكى شـ,ـايفة طول الوقت ف الصيد عشان نلحق نجهز جهاز شروق _شروق:- خليكى بقا ياجميلة _فكرت جميلة بعدها وافقت تقعد لحد اما تخف