تاجى فين دى من البندر يعنى لاتعرف عوايدنا ولا هتقدر على عيشتنا حامد قال…صح انت عندك حق بس دى بت عمك وكانت قاعده مع امها دلوك بقت تتخانق مع جوز امها ومش عايزه تفضل هناك اتجوزها وهاتها تقعد وسطينا يا قاسم عشان خاطرى قاسم قال …. كمان جواز طب وقدر ما هى بت عمى برضك وقاعده معانا فى نفس البيت كيف كده بس يا جدى ده انا هتجوزها كمان شهر واحد
حامد قال…الشرع حلل اربعه قاسم برق بشده وقال….ايه هو ده دى قدر كانت تجيب اجلى حامد قال…لا متخافش عادى اللى خلى بت البندر موافقه قدر مش هتوافق قاسم قال…لا هى كمان عايزه تتجوزنى حامد قال….يعنى لو انت حبيت هى على فكره شافتك قبل كده وعجبتها قاسم قال…اتحشم يا جدى عيب الكلام ده انا هطلع انام وانت اتصرف مع بنات عيالك انا مش هتجوز حد عيالك يجيبو وانا اتدبس وطلع على اوضته بس جات عينه على اوضه تانيه راح فتح الباب ودخل وكان فيها بنت جميله فى ال١٧
وقفت بغضب وقالت…قولتلك ميت مره تخبط قبل ما تخش ايه ده انت داخل زريبه قاسم قال…تصدقى يا قدر انى بكح وانا داخل الزريبه عشان البهايم متتخلعش قدر قالت…لا والله وانت خايف على البهايم لتتخلع ومش خايف عليا انا قاسم قال…البهايم عادى تخاف بس انتى لأ انتى مينفعش تخافى من اى حاجه فى الدنيا طالما انا معاكى قدر قالت…انا مش بقول كده عشان بخاف انت مينفعش تدخل كده افترض انى بغير هدومى ولا بس قاسم قاطعها
وقال…ولا حتى مش لبساهم اصلا مش بس بتغيريهم فيها ايه يعنى قدر قالت….هو ايه اللى فيها ايه هو انت داخل عند واحد صاحبك قاسم قال.. لا طبعا انتى ست وست الستات كلهم كمان بس هتبقى مرتى يعنى عادى لو شوفت المدارى اهو ابرد بيه نارى قدر زقته تطلعه بره وهى بتقول….اما ابقى مرتك ابقى شوف اللى عايزه و ادخل كيف ما تحب انشاء الله حتى تدخل الحمام لاكن دلوك لا يلا عاد اطلع بره واتعلم تخبط على الباب اتعب نفسك حبه
قاسم قال بمشاكسه ….لا مش هتعبها دلوك هنتعب سوا بعد شهر وغمزلها وقال…..ها واخده بالك انتى قدر قالت من جوه ….يالهوى كفايه فضايح عاد يا مافضوح روح اوضتك قاسم ضحك وقال ….خلاص خلاص رايح اهه وقدر كانت واقفه ورا الباب ببتسامه بس سمعت صوت عربيه راحت بصت فى البلكونه بس وقفت بصدمه لما شافت بنت في العشرين نازله من العربيه لابسه لبس ضيق جدا ودخلت البيت عندهم قدر راحت بسرعه وقفت على السلم وشافت قاسم وهو بيسلم عليها كانت حرفيه هتموت من الغيظ نزلت بسرعه
وقالت …..قاسم مين دي قاسم قال… تعالي يا قدر سلمي عليها دي راندا بنت عمك هتيجي تقعد معانا قدر مالت عليه وقالت بصوت واطي…… ما قولتليش ليه انها جايه تقعد وتقعد فين اصلا بلبسها ده قاسم قال بصوت واطي….. احنا مالنا احنا تقعد كيف ما تقعد ان شاء الله من غير هدوم اصلا احنا هنقولها امشي دى ضيفه وجايه عندنا ودى جايه فى ضيافه جدك وبعدين انا كنت جاي اقولك وانتى قعدتي تتكلمى معاى ونسيت اقولك ده انا نسيت اصلا انا جاي ليه
قدربصتله بغيظ وقالت….. اصبر علي يا قاسم ان ما خبطتك على نفوخك ده نزلتلك الذاكره دي خالص عشان ما تنساش حاجه تاني ما ابقاش انا قدر بتضحك عليا ما قولتليش ليه انها جايه ياض وبعدين كيف تجيبها قاسم قال ….انا مالي انا بقولك جدك اللي جابها ما بتفهميش ليه اهه حتى اساليه قدر قالت…… ما هي المصيبه ان هو اللي جايبها بكره يقولك اتجوزها قاسم بص قدامه وقدر بصيتله بحده
وحامد قال…. ايه يا قدر يا بنتي مش هتسلمي على بنت عمك ولا ايه سلمي عليها وخديها تبات معاكى في اوضتك تونسك وتونسيها قدر بصيتله بغيظ وقالت…. اخدها اوضتي ما اخدهاش ليه تعالي يا حبيبتي قاسم ميل على جد و وقال…. انت متاكد انها هتونسها حامد قال….اه هم بنتين كيف بعض يعني هيتصاحبه ليه لا قاسم قال….. ربنا يستر عاد انت اللي جبتها وانت اللي حطيتها شوف البت قدر بتبصلها كيف والله هتاكلها انا خايف تطبخهالنا على العشاء
حامد بص على قدر وشافها ماسكه ايدها وحط ايدها التانيه على ظهرها وبتقول…. انتى ما بردناش إياك يا حبيبتي جايه كده في الهوا مش تلبسيلك حاجه لا قدر الله تاخدك لطشت برد ونرتاح منك قاسم قال……لا تصاحبه و طلع على أوضته وبقى يشتغل ويرسم في الورق بتاعه والباب خبط قال وهو مشغول… ايوه ادخل دخلت راندا وقالت… بقولك ايه يا قاسم البنت اللي جوه دي على فكره متوحشه جدا انا خايفه منها تمام لو سمحت ابقى تعال اتطمن عليا كل شويه لا تعمل فيا حاجه ولا حاجه
قاسم قال……لا اهدى ليه يا ريا وسكينه قاعدين معاكي في الاوضه ما تخافيش ما بتعملش حاجه هي بس دخلت قدر بسرعه وقالت ….قاسم خد تعالى عايزاك قاسم لسه هيروحلها بس رندا قالت.. ايه هو ده انتى مش شايفاه واقف معايا ولا انتى مش بتشوفي قاسم لسه هيرد قدر قربت منها وقالت… لا بشوف وشايفاكي واقفه معاه وبنادي عليه وهو هيسيبك وحياجيني خد يا قاسم تعال قاسم قال بضيق.. عايزه ايه يا قدر
قدر قالت.. عايزاك هوريك حاجه هنكه قاسم ابتسم بخفه وقال… ماشي جاي اهو معلش يا رندا انتى دقيقتين بس هشوفها واجي هشوفها بس عايزه ايه و راح عندها وقال …..خير قدر بصت لراندا وابتسمت بنصر وحطت ايدها فى ايده ومشيت بيه وقالت…. تعال عايزاك بعيد شويه وراحت في البلكونه