اجمل قدر بقلم جيجي

وقالت….. بقولك ايه البنت دي حذاري  اشوفك واقف معاها فاهم ولا لأ والا والله العظيم يا قاسم انت ما هتعرف انا هعمل فيك ولا فيها ايه انت مش متخيل انا هعمل فيك ايه لو لقيتك قريب منها بس قاسم قال …..بقولك ايه بطلى  الكلام ده مش عشان تغيظيها وغيره الحريم دي تقعدي تطلعيني عيل وخ يا قاسم وهيسيبك وهيجيني وما اعرفش ايه تمام تكلميني على ان راجل البيت تقولى خد يا سى قاسم   لوسمحت عايزاك انا بقى اسمح ولا ما اسمحش دى بتاعتي

قدر قالت بغيظ…. قاسم انت جدك قالك تتجوز البت اللى جوه دى صوح قاسم قال بارتباك …..ايه ليه بتقولي كده قدر قالت …..عشان  لما سالتك السؤال ده تحت ما ردتش عليه  وغرزت  راسك كده كيف النعام ودلوك بردك لما بسالك ما بتردش على السؤال  انت جدك قالك اتجوز البنت دي  وجايبها عشان تعجبك وتتجوزها وتسيبني قول  الحقيقه  ما تكدبش قاسم قال بسرعه …..لا والله هو عايزني اتجوزها عليكى مش عايزنى اسيبك  هو عايزنى اتجوزها عليكى

قدر لطمت على خدودها وقالت….. وامري تتجوزها عليا طب كنت اتجوزتي انا الاول قاسم قال … ما هو عايزنى اتجوزها تاني عايزني اتجوزك انت الاول افهمي عشان هي عندها مشاكل هناك ومش عايزه تقعد فاهي جات تقعد هنا قدر قالت….نهار ابوك وابوه اسود من قرن الخروف عايز تتجوز عليا عايز تتجوز  تاني مش اما تتجوز اولاني عارف يا قاسم انا لو لمحت طرف رجلك كده ظهرت عندها ولا اشوفك واقف جنبها انا بس

قاسم قال.. خلاص عاد  عرفنا ايه ده اديلك ساعه بتزنى  في نفس الموضوع قلتلك حاضر خلاص مش هقرب منها ومين قالك اصلا انى وفقت اتجوزها ولا اتجوز غيرها انا مش هتجوز غيرك  انا قولتلو القلب ده ما يحبش غيرك ولا يدق لغيرك لانه بقى ملك يديك اصلا وما بقاش عنده ولا دقه لغيرك حطي  يدك  وانت تسمعى دقاته بتدق باسمك قدر قالت……ايوه ايوه كل بعقلي حلاوه صدقت انا ما انا شوفت قلبك وهو بيدق جوه كان ناقص تتحزم وترقص على دقاته  البنيه

قاسم  ضحك بخفه وقال…. ما انا معزور بردك انا اول مره اشوف رجلين حرمه لكن لو تتكرمى عليا وتوريني طرف رجليك صدقيني مش هتملى عيني اى واحده تانيه

قدر بصتله بطرف عينها وقالت …….اتحشم  ياض و انسى موضوع رجلي ولا طرف شعري ولا طرف يدي  حتى ده  فى احلامك مش هتشوفه  واتعدل كده  وحزارى  الاقيك واقف جنبها انا  قلتلك اهه ومشيت وقاسم اتنهد بياس وراح على اوضته وقعد على  الكنبه وبقى يكمل شغل بس  النوم غلب عليه ونام  عند قدر كانت فى اوضتها هتنام بس شافت رندا بتبص للصوره بتاعت قاسم اللى معلقه قدر راحت نزلتها وحطتها فى دولابها وبصتلها بحده و قالت…فى حاجه ياختى

رندا قالت…. لا قدر بصتلها بقرف و مشيت راحت عند قاسم و دخلت عنده لقته نايم على الكنبه قدر اخدت الغطاء من على السرير وراحت تغطيه بس قاسم مسك ايديها و نايمها جنبه وقدر شهقت بخضه  وقاسم وبص لعيونها بعشق وقال.. انا مش عايزك تغطيني انا عايزك تدفيني قدر بصتله بغيظ وقالت….. ايه اللي عامله ده اوعى لحد ياجي قاسم قال….. اللي ياجي ياجي عادي يعنى ما فيش حد في البيت مش عارف اني بحبك وميت فيكى

قدر قالت…… ايوه بقى بأمارة الجوازه الثانيه راح تتجوز عليا من قبل ما تتجوزني  انا مش  هقبل بواحده تشاركني فيك انا مش عايزه ضره انا حمدت ربنا تلت مرات يعني في جوازتى منك مره عشان امك ماتت وانا اخدت مكانها  والمره الثانيه ان ابوك مات عشان اخد مكانه والمره التالته عشان بقيت من نصيبي لو فكرت تلعب بديلك كده ولا كده انت الحر بجد مش هقولك حاجه تانيه قاسم قال ….حلو التهديد لا كده اجمل بكتير بصى يا قدر انا عايز اتكلم معاكى شويه قدر قعدت

وقالت…. اتكلم شويه بس الاول قولي انت نومت من غير عشا ليه غلب عليك النوم وانت شغال ولا انت ما نزلتش عشان ما نفسكش تتعشى يعني ولا مش جعان قاسم قال ….لا نومت وانا شغال قوليلى  بقى بعد شهر كده اما تكملي 18 ونتجوز هتعملي معايا ايه احلامك يعني قدر قالت ….انا ما هيبقاش عندى احلام طبعا لو انا اتجوزتك لان انت احلامي بس تقدر تقول اني عايزه ولد يطلع شبهك عشان يشيل اسمك هنربيه سوا انا وانت ولوان انت مش هتعرف تربي لان انت اصلا مش متربي بس هنحاول  قاسم ابتسم بخفه

وقال….. مش متربي الله يكرم اصلك بقولك ايه قدر قالت بابتسامه ….ايه قاسم قال….. قومي من جنبي قدر قالت… .ليه  كده خلاص انت اتقمصت بسرعه كده ليه قولي بقى انت ايه احلامك يعني هتعمل ايه معايا وما تتسفلش عشان مخبطكش بقلبت يدي قاسم خبط ايد على التانيه وقال…..يا بت  ده انا لما بكون قاعد مع عصام صاحبي على القهوه ما بيقوليش اخبطك بكفة يدي والله تصدقي

قدر قالت….. اصدق طبعا عشان انت بتاعي حبيبي وجوزي ومحجوز ليه انت تاج راسي محدش في الدنيا يدلعك ولا يفرحك ولا يهزقك حتى غيرى انا بس اللي مسموحلي  انكد عليك  وانا بس اللي مسموحلي ادلعك وانا اللي مسموحلي اتدلع  عليك  عشان انت بتاعي لوحدي ملكيه خاصه وانا كمان ملكيتك يعني انت مثلا لما بتقولى  ما تطلعيش لوحدك ما تكلميش حد عمري ما زعلت ولا شفتها كيف من الستات بتشوفها انها خنقه وفرض رايي وتحكم منك لا بالعكس انا دايما بشوفها انك بتحبني وعشان بتحبني بتغير علي زي ما انا بعديها انت تعديها

قاسم قال…..الله يكملك بعقلك قدر قالت… قولى يا قاسم انت هتتجوز البنت دي يعني هتسمع كلام جدك قاسم قال ….لا طبعا انا ما اقدرش اتجوزك غيرك ولا اقدر احب غيرك يلا عاد بطلى جنان وروحي نامى ما تقعديش سهرانه ودماغك تودي وتجيب قدر قالت …..انا دماغي مش بتودي وبتجيب قاسم قال…. امال ايه اللي مقعدك صاحيه لحد دلوقتي قدر قالت….. البنت المهفوفه دي قاعده صاحيه ما حبتش القعده معاها شويه وهجيبها من شعرها تحت رجلى  قاعده تبحلق  فى الصوره بتاعتك  اللي في الحيطه وباصه فيها ومش راضيه تنزل عينها بنت وحشه بشكل بس قطعت جملتها

وقاسم قال …..صورتي لا هو انتى حاطه صوره ليه في اوضتك كيف ما شوفتهاش قدر قالت بارتباك …..ايوه يعني هي واحده حطيتها كده مره بقلبها اصلا عشان متشوفهاش قاسم قال….وحطها ليه قدر قالت….عشان اما اصحى الصبح واكسل اقوم  اشوفك اتفزع اقوم ناطه  يلا تصبح على خير هي هتكون نامت
ومشيت بسرعه وقاسم قال بابتسامه …صح العشق جنان وحنان وعزه كمان ههه ونام هو كمان في صباح يوم جديد رندا راحت على اوضه قاسم حطيت ايدها على شعرو قاسم مسك ايدها  ونايمها جنبه

وقال …..انا لو كنت عارف انك هتهتمي بيا كده لما تيجي البت دى والله كنت جبتها من زمان بس قطع جملته لما شاف راندا وقال …..ايه ده انتى ايه اللي جابك هنا راندا قالت….  جيت اشوفك اصل انا كنت عايزه اشتري شويه حاجات وجدي قالي اخدك معايا  قال انك مش هترضى اروح لوحدي قاسم قال….اه ما ينفعش تنزلى  لوحدك خلاص انتى انزلى  استنيني تحت عند جدي وانا هغير واجيكى  هوديكى  مطرح ما انتى عايزه

راندا قالت ….ماشي هستناك ونزلت  وقاسم اخد شاور ونزل قعد على طاوله الفطار وكانو بياكلوا وحامد قال…. روح مع بنت عمك يا قاسم السوق عايزه تجيب كام حاجه كده نسيت ما تجيبهم من مصر قدر شرقت وبقت تكح قاسم ادالها  كوبايه الميه وقال…. اشربي بسم الله قدر بصتله وحامد قال ….مالك يا قدر  في حاجه ولا ايه قدر قالت …لا ما فيش هيكون في ايه يعني خطيبى اللي هتجوز و بعد شهر قاعد تطلعه وتسنكحه مع الحته قاسم بصلها بغضب

وحامد قال….. ايه الكلام ده يا قدر هو عشان هيبقي جوزك ما ينفعش يطلع مع حد تانى  لو انا  موافقتش على جوازتكم مش هتتجوزو ودي بنت ولدي كيف ما انت بنت ولدي ما انتم قبل ما تتخطبوا كنتوا بتطلعو وتجيبوا الحاجات من السوق  ولا كنا بنسيبك تطلعي لحالك مش كان يطلع معاكي هيطلع معاها عدى وبطلى الغيره اللى مالهاش عازه دي ملهاش عازه دلوقتي قدر قالت…. صح حركات بايخه  غيرة بنات يا جدي الحمد لله وقامت من على الاكل قاسم لسه هيروح وراها

حامد قال….ودي بنت عمك السوق ما تخليهاش تروح لحالها الناس هناك محدش يعرفها  وهي جديده هنا  وجيب حاجتها اللى ناقصه  واحرسها قاسم قال …..ماشي يا جدي وطلع هو وراندا وكان طول الطريق ساكت بس رندا قربت منه و قالت …..ايه رايك ده احلى ولا ده قاسم قال…. اللي تشوفيه يا رندا انا ما بعرفش في الحاجات دي رندا قالت ……ماشي بعد شويه كان وصلوا البيت ورندا  طلعت على الاوضه و قدر كانت  قاعده بضيق على السرير ورندا فردت الهدوم وكان في هدوم للنوم

وقالت ….تعرفي يا قدر يا بختك بقاسم والله زوقه حلو قوي بصي كده تعالي اتفرجي شوفى  نقينا ايه سوا قدر بصت على الهدوم بغيظ وطلعت بسرعه من عندها على اوضه قاسم وفتحت الباب ودخلت بغضب وقالت… روحت جبت معاها القمصان صح قاسم قال…. قدر انا ما جبتش حاجه هي اختارت لحالها اهدي

قدر قالت…. طب ما انا هاديه انت شايفني متعصبه ولا متضايقه واتضايق ليه اصلا انت بتعمل حاجه تضايق ايه يعني لما ياخدوا خطيبى ويروح مع واحده تانيه لو انت اللى قومت من على ترابيزه الاكل انا ما كنتش طفحت ولا حطيت لقمه واحده فى بقى  الا لما جيت واكلتك اصلا انت كنت عايز كده