رممت حطامي .♥️ بارت 6 *جه تاني يوم* *ف بيت امجد* امجد- فارس اصحى يحبيبي الساعه 11 فارس = حاضر يجدو ساعه كده وهقوم بس امجد – يحبيبي معادنا مع الناس 3 قوم يدوب تلحق انت كسلي ليه النهارده فارس وهو بيقوم = قومت يجدو اهو امجد – قوم يلا يحبيبي خد دش كده واجهز عشان نعدي ع المأذون ونروحلهم فارس وهو بيتاوب= حاضر يجدو قايم اهو *خرج امجد وساب فارس يجهز*
*قام فارس خد دش وبعد رقت جهز فارس.. خبط امجد ع الباب* فارس – اتفضل امجد = ايه يحبيبي .. الله اكبر ايوه كده ايه الشياكه دي كلها فارس – طالعلك يجدو امجد = طب يلا بقا الساعه 12 ونص يدوب نعدي ع الماذون ونوصل فارس – حاضر يجدو يلا ____________________________ *عند رهف* صفاء عمتها = بت يرهف قومي يلا رهف – ايه بس يعمتو = يلا عشان تلحقي تلبسي الناس جايين ع 3 ومصحتيش من نفسك ليه
*قامت رهف بنفخ* رهف- حاضر قايمه اهو *مشيت صفاء تجهز المشاريب* رهف لنفسها = كتب كتاب ايه ده اللي الساعه 3 ياربي *قامت رهف تاخد دش وتجهز لبسها* *بعد ساعه ونص وقفت رهف قدام المرايه بعد مالبست وبتعمل شعرها* *دندنت بسخريه* – كتبوا كتابك ينقاوة عيني احلى كلام بينك يحلوه وبيني .. ماهو يا الناس دي بتضحك علينا يا انا اللي حظي زفت *دخلت عمتها وقطعت حديثها لنفسها* صفاء= هااا خلصتي الساعه 2 والناس ع وصول
رهف – خلصت يعمتو *ملامح رهف مكنتش محتاجه لمكياج جميله من غير حاجه كانت لابسه دريس ابيض قصته سيمبل طالعه فيه ولا الملايكه عيونها مش زرقا ولا شعرها اصفر لكن ملفته لاي حد يرمي نظره عليها زينت كل ده بتاج رقيق حطته ع شعرها وبقت فعلا ملكه* *دخلت عليها بنت عمتها الصغيره حنين اقرب واحده لرهف ف البيت عمرها 13 سنه* حنين -يلاهوي ع العروسه القمر دي ينااس رهف= حنونتي تعالي هاتي بوسه كده خلي اليوم يحلو
*باستها رهف واتكلمت حنين* حنين بخفوت – بقولك ايه يا هرفرف رهف = قولي يحنونتي حنين – حطيلي روج رهف بصوت عالي نسبياً= رووج مره واحده حنين – بس بس وطي صوتك هتفضحينا.. روج بس والله مش احنا ف فرح رهف = طيب اقنعتيني.. تعالي *حطتلها رهف وجريت حنين ع بره* *دخلت عليها عمتها وحامله اخبار* – جهزي نفسك هما طالعين ع السلم اهو = جاهزه يعمتو -طيب خليكي لحد ما اناديلك
*طلع امجد ومعاه فارس والمأذون وحازم استقبلهم بحراره كالعاده ضايفتهم عمتها ودخلت تنادي رهف عشان يبدأوا* صفاء= يلا يرهف عشان هيكتبوا الكتاب *سمعت رهف كلام عمتها و ضربات قلبها بتعلى كل دقيقه اتوترت وخافت وقلقت ف نفس الوقت او يمكن مش عارفه شعورها ابه بالظبط* *شدتها عمتها وخرجت بيها لما لقتها واقفه مش عارفه تتحرك خرجت بزغروطه* امجد – اهلا اهلا اهلا بعروستنا الجميله *رفع فارس نظره لما سمع جده وثبته عليها .. رخت ملامح وشه ولمعت عيونه وبعدها جت ابتسامه عبرت عن الجمال اللي شايفه وكأنه اول مره يشوفها*
حازم للمأذون = كده نبدأ بقا دلوقتي. *بعد دقايق وكان المأذون قال كلمته الشهيره* المأذون- بارك الله لكما وبارك عليكما وجمع بينكما في خير الف مبروك وربنا يتمم ع خير *زغرطت عمتها زغروطها سمعت الشارع* *ف اللحظه دي كانت مشاعر رهف متلغبطه مش عارفه هي مكسوفه ولا قلقانه ولا متوتره ولا اصلا فرحانه وزيها فارس*
*حضنتها عمتها لأول مره وباركتلها بس رهف كانت ساكنه مبتحاولش تبادلها الحضن.. اللي فوقها من شرودها حضن ابوها ليها ع رغم اشتيقاها للحضن ده بس هي محستش بأي حاجه كان ماسخ حاولت تحس بيه وبقربه بس مقدرتش يمكن عشان عارفه ان ده كله شو او عرض بس قدامهم* *بارك امجد لفارس وخده ف حضنه وهو فرحان بيه لكن فارس كان ف حيره ومش عارف المفروض يعمل ايه انقذه جده وهو بيوشوشه*
امجد = روح ع مراتك وباركلها بطريقتك ياللي مبتفهمش فارس – مانا مش عارف اعمل ايه امجد = بوس راسها احضنها اي حاجه بفولك مراتك *خرج امجد م حضن فارس وراح يبارك لعمتها وابوها* *اما فارس اتجه لرهف وقف قدامها للحظات وهو متردد لكن هي كانت شارده ف تفكيرها قرب منها وطبع بوسه ع جبينها* *خرجت م تفكيرها وهي بتبصله بصدمه اتكلم فارس وهو بيقرب منها* – اسف بس جدو هو اللي قالي والله
*بعدها حاوطها بإيده وشالها ولف بيها .. مسكت ف رقبته وسط هيصه من بنات عمتها اللي كانوا بيصوروها وفرحانين* *نزلها وبعدت عنه بسرعه و ف وسط صدمتها بس استغربت انها حست بحضنه هو عن ابوها حست ولاول مره انها ف امان رغم الاتفاقيه وكذبهم بس كانت متطمنه* *وقف فارس جنبها* *قربت عليهم بنت عمتها الاكبر 20 سنه كنزي وقالت* كنزي- ماتقربوا شويه كده خليني اصوركوا صوره حلوه *بص فارس لرهف ونفذ كلام كنزي*
كنزي – لا مادي مش صوره ماتضحكي شويه يرهف وبعدين هي مش مراتك ماتقرب شويه خلي الصوره تطلع دمها خفيف. *ابتسمت رهف غصب عنها اما فارس قرب منها وحاوط وسطها وضمها ليه.. بصتله رهف بغيظ وهي بتحاول تبعد* فارس بخفوت لرهف= كله لاجل الصوره عايزينها تطلع دمها خفيف بقا اصبري امجد وهو بيقوم – طيب يجماعه انا هضطر استأذن للاسف عشان اروح الشركة عمتها = ع طول كده ي امجد بيه اقعد معانا شويه نحتفل
امجد – معلش مره تانيه مضطر والله حازم = سيبي الباشا ع راحته ي صفاء اكيد عنده شغل كتير امجد – طيب عن اذنكم بقا.. السلام عليكم *قام فارس يلحق جده* امجد = انت رايح فين فارس – جاي معاك! امجد = معايا فين انت تاخد مراتك وتخرجوا تتغدوا بره.. ف حد لسه متجوز يسيب مراته ويمشي فارس – يعني يجدو هتروح لوحدك امجد = فين لوحدي ده مانا معايا السواق يلا ادخل.. بعد اذنكوا طبعا يجماعه فارس هيخرج شويه هو ورهف
حازم – اكيد طبعا *راح جده الشركه اما فارس مسك رهف من ايديها وخدها من وسط الكل ونزل بيها لتحت بعد ماخلى حد يجيبله عربيته وركبوها وف طريقهم للمطعم* رهف = هو اللي انت عمال تعمله من الصبح ده ايه مش فاهمه فارس بإستعباط – بعمل ايه. *بصتله رهف بغيظ* كمل فارس – يبنتي طب اعمل ايه والله جدو هو اللي قالي باركلها واحضنها وبنت عمتك هي اللي قاعده تقول قربوا من بعض وانا معنديش استعداد الاتفاق يتكشف بشويه كلام فارغ يعني
رهف = تعمل مكسوف وبعدين مش كلام فارغ ملكش حق تلمسني اصلا فارس -اعمل مكسوف ازاي انتي شيفاتي توتو … و ع فكره ليا حق المسك ونص احنا لسه كاتبين الكتاب لو ناسيه يعني انتي مراتي هه *اكتفت رهف بالسكوت وكأن الكلمه سدت بوقها* *بعد لحظات م السكوت اتكلمت رهف بفوقان* رهف= لا بقا ع فكره ملكش حق احنا اتجوزنا جواز ورقي لو كنت ناسي هه *اتنهد فارس وكمل ف طريقه*
*بعد شويه وصلوا المطعم دخلوا قعدوا* فارس = هتاكلي ايه رهف – اي حاجه فارس = طب فكي البوز عشان انتي مش ف الهوا لوحدك احنا سوا يعني *بصتله رهف بإبتسامه سمجه* *طلب فارس الاكل* رهف – مبعتليش الصور فارس= صور ايه رهف – الصور اللي اتصورناها انبارح فارس برخامه= عيزاهم ليه.. يهموكي ف حاجه! رهف بعصبيه خفيفه – اه يهموني هو مش انا فيهم يبقا يهومني فارس = طيب بعتهملك
بصت رهف ع فونها رجعت نظرها لفارس والضيقه ماليه ملامحها وقالت – ع فكره رخامه فارس= انتي مش قولتي ان الصور هماكي عشان انتي فيهم بعتهملك اهو رهف – مقصوصين بعتهم مقصوصين.. ابعتهم معدولين لو سمحت فارس = الاحترام حلو بردو.. لازم يعني احمر عيني رهف – طب اتلهي وابعت = اتلهي.. يبنتي احترمي اني اكبر منك -مكنوش 3 سنين دول *قاطع حوارهم الويتر وهو بيحط الاكل* فارس = يلا ناكل يمو لسان طويل شكلي هتعب معاكي لسانك بجد اطول منك
رهف – وانت عضلاتك مقويه قلبك اوي فارس= تصدقي خساره فيكي الفسحه اللي كنت مخطط ليها رهف – بجد انت هتفسحني فارس= كنت رهف – لا ليه كنت ليه انا شكلي هغير وجهه نظري فيك.. شكلك محترم وجدع فارس= لا بجد دلوقتي بقيت جدع رهف – طول عمرك والله يجدع انا كنت بهزر معاك.. قولي بقا هتفسحني فين فارس – والله كنت بفكر ف دريم بارك رهف = بتفكر ليه يلا نروح
فارس بدلع مصطنع – لا اديني يومين افكر *ضحكت رهف عليه وقالت* رهف – لا معلش وافق دلوقتي عشان خاطري فارس = طيب يستي عشان مبحبش اكسر بخاطر حد بس.. نخلص اكل ونروح *ابتسمت رهف بحماس وكملوا اكل* رهف – يلا بقا احنا خلصنا اكل اهو فارس = حاضر.. حااااضر بنت اختي مش مراتي *هدي حماس رهف لما سمعت الكلمه واتكلمت بتوتر* رهف- هو ممكن متقعدش كل شويه تقول مراتي وكده
فارس = اشمعنا بتضايقي؟ رهف – مش بالظبط يعني بس متقولهاش وخلاص فارس = حاضر يمراتي *استغفرت رهف وفهمت انها لما تكون عيزاه يبطل حاجه متقلوش عليها* فارس – يلا قومي بقا *قامت رهف ورجع حماسها لما افتكرت فسحتها* *وصلوا للمكان وكانت رهف بتبص بإعجاب مسك فارس ايديها بصتله رهف وهي بتسيب ايده = اي ده انت استحلتها فارس – يبنتي الدنيا هنا زحمه ولو توهتي مني مش هعرف اجيبك
رهف = مش هتوه وبعدين ف تيليفون ده لو حصل يعني فارس – خلاص براحتك متزوقيش بس رهف= طب يلا بقا مش هنضيع اليوم واحنا واقفين هنا فارس بغيظ- ييلا *ركبوا اكتر من لعبه ورهف الفرحه كانت ماليه قلبها ومبطلتش ضحك كأنها اول مره تبقا مبسوطه ف حياتها.. ورغم انها كان نفسها من زمان ف فسحه زي دي بس كانت خايفه من معظم اللعب عشان كده شاركها فارس ف كل اللعب اللي ركبتها بس مكنش مجبر بالعكس كان مبسوط زيها حتى وهي بتصوت وبتضحك بصوت عالي*
رهف بأنبساط وضحك وحماس = ااه.. انا بجد مبسوطه اووويي اول مره اضحك كده ف حياتي اليوم تحفهه *كان بيتفرج عليها فارس وهي بتتكلم بفرحه كبيره ومبسوط عشانها* كملت رهف وهي باصه لفارس – بجد شكرا جدااا مش عارفه اقولك ايه فارس – متقوليش حاجه كفايه انك مبسوطه *ابتسمتله رهف وسكتت* فارس= تحبي تروحي ف حته تانيه ولا نروح رهف – اممم كنت هقولك نروح البحر شويه .. بس الوقت اتأخر
فارس = ايه يعني هو انتي رايحه لوحدك انا معاكي اهو *ابتسمتله رهف بأمتنان ركبوا العربيه واتجه فارس للبحر وصلوا ونزلوا قعدوا ع الصخور كَمرتهم الاولى* فارس – عارفه لو مكنتيش قولتي وجينا انا كنت هروحك واجي اقعد شويه رهف = ليه فارس – ليه ايه رهف = اصل انت قولت انك بقيت تيجي هنا يا حزين يا مبسوط ف ايه المود اللي كنت هتيحي بيه فارس – هتصدقيني لو قولتلك لسه مش عارف بس حاسس اني برتاح لما باجي
رهف = ايه االي مخليك مش مبسوط بقا.. خطتك ماشيه زي ماهي اهي وفرحنا بعد بكره وجدك ابتدي يخف وكلها كام شهر بعني ونطلق وتتجوز حبيبتك *فارس كان محتاج يتكلم مع حد ويفضفض وقال يحكيلها بس لما فكر ف الامر لقى انها ممكن تنهي الموضوع وتفركش الخطه وهو مكنش عايز ده يحصل ف اكتفى بسكوته احسن* رهف تاني – الموضوع كبير للدرجادي فارس = مش الفكره بس مش عارف والله يمكن عشان اكيد كنت اتمنى ان الجواز يكون حقيقي مع حد مش مغصوب عليا مثلا اللي هو الطبيعي يعني فهماني
رهف – اممم فهماك فارس = وانتي بقا ايه اللي مضايقك رهف – انا! فين اللي متضايقه ده فارس = هنقعد نضحك ع بعض بقا اتكلمي ع طول زي ماكلمتك رهف – بص عشان حاجات كتير اوي ( كملت بأبتسامه ع امل تداري حزنها الساكن قلبها من ساعة موت امها بس نسيته النهارده لاول مره ) هو انا اصلا مفتكرش يوم مكنتش متضايقه فيه يعني ممكن بطنش واعدي بس مببقاش مبسوطه
فارس = ليه كل ده رهف – يااااه كده انت عاوزني احكيلك حياتي م الاول بقا وبعدين مانا حكيالك اصلا فارس = بس باختصار انتي بس قولتلي ع معاملة عمتك وابوكي لما سابك ليها بس رهف – طيب مدام حابب تسمع هحكيلك م الاول
*ابتدت رهف تحكيله عن ابوها ومعاملته لامها وموتها ف عز شبابها بسببه ولما رماها لعمتها تربيها وهي عيله ف ابتدائي ومسالش فيها م ساعتها وازاي كانت بتعاملها وانها مشافتش يوم كويس معاها واتحرمت من طفولتها وشبابها وكانت محبوسه دايما ف البيت وبتراقب العالم اللي بره من شاشة فونها وانها وافقت تدخلها جامعه بالعافيه بعد محايله كتير واللي كان بيساعدها وخلاها تكمل دراستها جوز عمتها ف وجوده كانت الحياه هينه ع قلب رهف شويه وعمتها مكنتش بالفظاعه دي بس بعد ما مات الحياه سائت حكتله انه قد ايه كان شخص كويس من غيره كان زمانها بلا تعليم و متجوزه جوازه اي كلام
وشايله الهم اكتر* رهف = يعني حتى بابا لما حضني النهارده انا محستش بحضنه مش عارفه اوصلك اللي حسيته بس انا كنت دايما بتمنى الحضن ده و لما حصل انا مكنتش مرتاحه وهو حاضني المفروض الحضن امان بس انا كنت خايفه ف حضنه .. بس ياسيدي وده كمان باختصار يعني التعب النفسي والجسدي كمان مش هعرف اوصفهولك واثار كل اللي حكتلك عليه ده بردو مش هعرف اقولهولك وتفاصيل تانيه كتير كانت بتحصل
*كانت صعبانه ع فارس اوي وزعل عشانها وكمان كان فخور بيها ان بعد كل ده طلعت بنت محترمه محافظه ع تربية امها ليها وحاربت عشان تعليمها وشغلها وعشان مترميش نفسها بعد كل ده لحد ميستاهلهاش* فارس بعد سكوت طويل- مش قولتلك شكلك وراكي كتير رهف بضحك = ياسيدي اهي بتعدي مموتناش يعني .. والقوي بجد اللي مهما حصل ف حياته يكبر ويبقا احسن مش يضعف ويبقا اسوء فارس – عندك حق.. بس رغم كل العقل اللي طالع منك ده انا مش شايفك بردو غير طفله
رهف = اي ده ليه فارس – ليه ايه انتي مشوفتيش شكلك وانتي ف الملاهي رهف وهي بتضحك = لا انا عاقله جدا والله بس ف استثناءات بقا دي ملاهي يعم فارس- هو انتي اول مره تروحي رهف =اممم فارس – عشان كده.. كان ناقص تاخدي اللعب معاكي وانتي ماشيه رهف= طب والله مشبعتش وعايزه اروح تاني فارس -شكلي هندم ع الفسحه دي رهف = طب خد الكبيره بقا.. طول ال 5 شهور دول خرجاتي وفسحاتي عليك وكل اسبوع فسحه شكل
فارس بمزح – الغي رحلتشي .. واذا كان ع الخطه نفركشها رهف وهي بتضحك = انت مش فاهم اصل انا حاسه اني مش مستفاده كفايه فارس – يستي والله عيوني..بس متاخديش ع كده عشان انا بفرهد بسرعه رهف = يعني هحاول مطلبش حاجه تاني فارس – طب يلا بقا عشان اتاخرنا رهف = يلا فارس – بس مش قبل ماناخد صوره رهف – تاني فارس وهو بيطلع فونه = اه.. وكل مانيجي هنا كمان
رهف – طيب يلا *اتصوروا صوره شبيهه باللي قبلها بس المختلف ملامحهم كانت فرحانه ومرتاحه اكتر وانهم المرادي متجوزين* *وصلها فارس واطمن انها طلعت وروح هو كمان* عمتها = ايه يعروسه مرضتش ارن عليكي واضايقك اهو وسبتك براحتك رهف – شكرا يعمتو عن اذنك بقا هروح انام احسن تعبانه جدا *سابتها وخلت بسرعه قبل ماتبوظ اليوم عليها* *افتكرت رهف تفاصيل اليوم وهي بتغير هدومها وكانت مبسوطه جدا وكانت متشعلقه ف اليوم مش عيزاه يخلص*
*سمعت صوت مسدج ووراه رنه مسكت فونها لقته فارس* فارس= الو يرهوفتي رهف – ياااادي النيله فارس = اول مره اشوف واحده بتضايق لما حد يدلعها – انا ياسيدي.. هاا اؤمر = جدو اتفق مع باباكي من كام يوم وجهزوا القاعه والمعازيم وكل حاجه ف كنت بفكرك بالفستان بكره عشان متاكد انك ناسيه – يلاهوي انا فعلا ناسيه = طيب انا عارف اتيليه كويس جدا هنجيب منه الفستان بكره نروح سوا وبالمره نعدي ع الميكب ارتيست بس يارب نلاقيها فاضيه بكره
– ماهو الوقت كان ضيق جدا = يلا اللي حصل بقا.. المهم بكره ع الساعه 4 بإذن الله هعدي عليكي ونروح – تمام هستناك =اشطا يلا سلام *قفلت رهف وافتكرت فريده صاحبتها اللي معزمتهاش واكيد هتزعل بس هي هتتفهم وضعها وقالت هترن الصبح عليها تعزمها* ____________________________ مُنيره سيف.🤍 ✨ اولى رواياتي ♥️رممت حطامي .♥️ بارت 7 *صحيت رهف بتستعد لليوم واول حاجه عملتها كلمت فريده تعرفها* رهف-الو يفيرو وحشتيني
فريده= عاش من سمع صوتك .. عامله ايه طمنيني عليكي – والله اهو بنحاول نبقا بخير المهم انتي طمنيني عليكي و ع بنوتك = الحمد لله والله ف نعمه – يارب دايما ف زحام من النعم يحبيبتي =اللهم امين يروحي وإياكي -المهم يفردوتي كنت عايزه اقولك حاجه كده هتصدمك وهتفرحك بردو = خير يارب قولي – انا فرحي بكره =…. -الو بت يفريده = فرح مين -فرحي =فرح ولا انتي اتلغبطتي وقصدك خطوبه
-لا للاسف فرح =طب وبتقوليلي دلوقتي ليه ده لسه بدري.. مش كنتي خلفتي الاول رهف وهي بتحاول تكتم ضحكتها- بصي انتي عارفه مش بخبي عليكي حاجه ف انا هحكيلك بس طبعا الكلام ده سر واوي كمان – اخلصي قلقتيني = بصي يستي ده مش جواز حقيقي واصلا مكنش ف خطوله هو يوم جه يتقدم فيه ويوم جه يتفق فيه ويوم كتبنا الكتاب وبكره الفرح -انا مش فاهمه حاجه =لا فتحي مخك كده.. الجواز ورقي يعني متجوزين قدام الناس ع الورق وبس لمده 5 شهور وبعدين هنطلق
– وده ليه =طيب هحكيلك بس بالله بطلي غباء واسمعيني كويس وافهمي – هحاول *ابتدت وهف تحكيلها الظروف اولهم ان عمتها مش هتسيبها وكده كده هتجوزها واعلنت عليها الحرب ف وافقت ع الفكره دي يمكن حاجه تتغير ومتضطرش تتجوز جواز حقيقي وكمان ان فارس مستفاد عشان جده والبنت اللي بيحبها* فريده- الله يعمر بيت حياتك ايه يبت مفيش حاجه تمشي مظبوط ابدا انا حاسه اني ف فيلم هندي رهف = اهو اللي حصل بقا المهم متزعليش مني اديكي شوفتي الموضوع جه ازاي انا نازله النهارده اصلا اجيب الفستان واحجز ميكب
فريده – ازعل ايه بس انتي يتزعل عشانك مش منك رهف = يستي متكبريش الموضوع والله يبنتي الغريبه بقا انا مرتاحه جدا ومبسوطه كمان عن اي وقت فات.. كفايه اني هبعد شويه عن البيت ده فريده- ربنا يفرح قلبك ويسعدك يحبيبتي.. ابعتيلي عنوان القاعه ع الواتس وهتلاقيني اول المعازيم بكره وطبعا قوليلي ميعاد اللي هتروحي فيه للميكب وهاجي معاكي اكيد رهف = تسلميلي يفرودتي هقفل انا بقا اجهز حالي كده عشان انزل
فريده – طيب يحبيبتي ربنا معاكي.. سلام *قفلت رهف وبعديها ع طول لقت فارس بيرن عليها* فارس=الو يرهف ازيك رهف – الحمد لله تمام فارس = جاهزه ولا ايه رهف – لا لسه هقوم اهو فارس = طيب اجهزي بقا ع بال مااجي انا لسه هنزل اجيلك رهف – خلاص ماشي هخلص واستناك فارس = اشطا يرهوفتي رهف – لا حول ولا قوة الا بالله.. يلا يعم اقفل فارس = بومه
*قفلت رهف ف وشه قاصده تردهاله* *بعد ساعه ونص خلصت رهف وقعدت استنت فارس بعد شويه رن عليها* فارس بحده – انا تحت انزلي =ماشي نازله *استغربت رهف من طريقته بس مفكرتش كتير ونزلتله* *ركبت رهف العربيه* رهف -ايه بقا هتوديني فين فارس بغضب= قولتلك انبارح اني عارف اتيليه اكيد هنروح عنده يعني رهف – هو انت بتتكلم كده ليه فارس = بتكلم عادي ماله كلامي رهف بضيقه وعصبيه – ملهوش واقولك ع حاجه مش جايبه حاجه انا طالعه
فارس = خدي يبنتي رايحه فين *نزلت رهف م العربيه وطلعت فوق جري* *نزل فارس وقفل العربيه وطلع وراها وهو بيشتم نفسه انه كبر الموضوع* عمتها – اي ده طلعتي ليه تاني رهف = مفيش حاجه *دخلت رهف اوضتها* فارس – ازيك يطنط عمتها بأستغراب = هو ف ايه فارس – مفيش حاجه.. هي رهف فين عمتها =دخلت اوضتها فارس – فين الاوضه عمتها = اهي *اتجه فارس للاوضه* عمتها – سبحان الله اتلم تنتون ع تنتن مجانين زي بعض
*خبط فارس ع الاوضه* *استغربت رهف عشان ف العاده بيدخلوا ع طول بس قالت يمكن بنت عمتها* رهف = اتفضلي فارس – اسمها اتفضل *اتخضت رهف وقالت* رهف = انت ايه اللي طلعك ورايا وازاي اصلا تدخل الاوضه *قفل فارس الباب وبصلها* فارس- وانتي ازاي تسبيني وتطلعي كده رهف= انت بتقفل الباب ليه فارس- اقعدي عايز اتكلم معاكي رهف = مش قاعده.. ومتأمرنيش فارس بضحك- يعني ايه مش قاعده انتي وقفالي كده تخوفيني يعني ولا ايه
رهف = يادمك فارس- طب اقعدي بقا رهف = ادي قعده.. يانعم فارس – معلش متزعليش رهف بأستهزاء= حياتي بقت احسن بكتير فارس – تؤ نتكلم بجد شويه بقا رهف = ع اساس بهزر انا -بصي انا كنت متضايق منك =وده ليه إن شاء الله – عشان قفلتي ف وشي السكه الصبح اتعدلتله رهف وبصتله= وانت لما عملتها قبل كده كنت عملت الحوار ده كله فارس – يستي انا عندي عقده مبحبش حد يقفل ف وشي
رهف = لا بقا داين تدان متعملهاش وانا مش هعملها – يشيخه يخربيت لسانك =قل ادبك كمان – يبت انتي انا عمر ماحد كلمني كده =واديه جه بقا رهف وهو بيزقها من كتفها – طب قومي خلينا نروح مشوارنا رهف وهي بتزيح ايده = ايدك لاتوحشك يعسل.. ومش رايحه ف حته فارس -طب يشبح معلش قومي وعدي الليله رهف = بس بشرط فارس – كمان = اه.. لو مش عجبك بلاش
فارس ب نفاذ صبر – قوووولي =هنروح البحر بعد مانخلص وتجبلي حمص الشام وتجبلي دره مشوي وايس كريم .. استنى افتكر فارس – لسه هتفتكري انتي هتاكلي كل ده ف وقت واحد رهف = اه ملكش دعوه انت بس.. اه واخر حاجه تأكلني فيوتشيني عشان بحبها فارس – تاخدي الفيزا عندك استضافه اسبوع رهف = لا ملوش لزوم خليها معاك فارس – هي كلمه واحده يلعن ابو اللي يزعلك رهف = لا تخاافوا ولكن احذروا
*ضحكوا وقاموا يروحوا مشوارهم راحو الاول للأرتيست واتفقوا معاها بعد محاولات كتير انها هتروح بكره م الساعه 4 وبعدها وصلوا للاتيليه* رهف – بص بقا قبل ماندخل اللي عملته يوم دريس كتب الكتاب متعملش ربعه هنااا دول فساتين فرح مش هقعد اقيس ده كله = انتي حلك البيجامه صدقيني -والله لو ينفع مكنتش اترددت *دخلوا الاتيليه وبدأوا يتفرجوا* شاورت رهف ع فستان معين وقالت- حلو ده *اكتفى فارس بنظره وسكت*
رهف = الله هو انت اللي هتلبس ولا انا فارس – عملياً انتي اللي هتلبسي علمياً بقا انا اللي شكلي هلبببس رهف = تجصد ايه بالكلام الماسخ دِه فارس – ولا حاجه يروحي = طلعت روحك – بعد الشر عليا يمهزقه انتي *بعد ربع ساعه م الفرجه اتكلمت رهف* = وبعدين انا تعبت م اللف ده.. انا اصلا ولا عيزاه منفوش ولا طويل – بصي حطيت عيني ع اتنين.. لو سمحتي
البنت= ايوه يفندم فارس- بصي هي هتقيس ده واللي هناك ده كمان ونشوف الافصل بينهم ونظبطوا عليها ممكن تجيبهولها تقيسهم البنت = حاضر .. ثواني *جابت البنت اول فستان ودخلت رهف تقيسه خلصت وخرجت* *بص فارس لثواني بأنبهار وقال* فارس- لفي كده رهف = نعم – يبنتي صفي نيتك بقا لفي اشوف الفستان = اااه بس مش هينفع -اشمعنا =… – ايههه = السوسته – مالها = هيكون مالها يهني مفتوحه ومش عارفه اقفلها
*قام فارس بتلقائيه قرب منها بس لحقته رهف* -اي ده رايح فين = هقفلهالك -لا طبعا = هو ايه اللي لا خلصيني يبنتي – بقولك لا السوسته واصله لنص ضهري.. نادي البنت تعملها. ده ايه العشم اللي واخدك ده = بس بس انا غلطان دانتي قفيله – يعم اخلص فارس = لو سمحتي معلش البنت- ايوه يفندم فارس= معلش هي محتاجه مساعدتك ياريت تدخلي تشوفيها البنت – اه اكيد طبعا
*دخلت البنت ساعدها وخرجت وبعديها خرجت رهف* فارس- هتلفي ولا ف حاجه لسه عايزه تتقفل رهف= بوقك فارس- ايه رهف = ايه *لفت رهف وكان فارس بيحفظ شكل الفستان عشان يقارنه باللي لسه هتقيسه* فارس – طيب لو سمحتي اديها التاني تدخل تشوفه بردو البنت= حاضر *دخلتلها الفستان التاني واخدت وقت لحد ما لبسته وكان فارس اخد لفه ف المكان وطلع فستان تاني خلصت رهف وطلعت* *بس فارس مكنش واخد باله*
رهف – فارس *رفع نظره بسرعه ع رهف اللي كانت واقفه قدامه بفستان سيمبل اكتر م اللي قبله مش طويل ومش منفوش اوي زي ماهي طلبت* اتكلم فارس بتلقائيه= مظنش هيبقا حلو كده ع حد غيرك اتكسفت رهف وحطت وشها ف الارض وقالت – طيب هدخل اقلعه فارس = استني بس.. انا كنت اخترت واحد تاني وانتي جوه من رايي مظنش انك محتاجه تقيسيه ده حلو اوي بس تعالي شوفيه وقولي رايك بردو
رهف بعد مابصت للفستان نظره سريعه- لا عجبني ده اكتر فارس= جدعه بتفهمي.. ما تديني لفه كده رهف – يوووه لا *ادته رهف ضهرها ودخلت تغيره* فارس بضحك= مانتي لفيتي بردو يهبله *بعدين فارس افتكر ان لسه ف تعديلات ف الفستان جري وراها* فارس- استني استني خدييي رهف = ف ايه فارس – نسيت التعديلات يبنتي تعالي عشان نعدله الاول وبعدين ناخده رهف = اه اوكي *راحوا للبنت عشان فارس يشرحلها*
فارس – بصي الفستان حلو جدا مش ناقصه حاجه هو بس عايز يتضيق شويه البنت= حاضر يفندم هاخد المقاس وبإذن بكره او بعده بالكتير يكون خلص رهف بضحك – لا بكره ايه دانا فرحي بكره البنت بصدمه= بكرهه رهف – اه والله بكره ف احنا بقا محتاجينك تعمليه دلوقتي وقدامك ساعه اتنين براحتك المهم ناخده واحنا مروحين البنت = هو حضرتك هتشتريه مش كده فارس – بالظبط كده البنت – طيب حضرتك هتدفع نص المبلغ وهتاخد وصل وبإذن الله بعد ساعتين هتاخده مني
فارس = مفيش مشكله *دفع فارس نص المبلغ واخدوا الوصل وراحوا ع يتغدوا لحد الساعتين مايعدوا* فارس= ادي الفيوتشيني رهف – لا بقولك ايه دي مش جِميله ده عقاب فارس = مزعل مارلين مونرو انا عشان تعاقبني رهف وهي بتاكل – هو ده اللي عندي فارس = صبرني يارب *خلصوا اكل وشربوا قهوه وعدت الساعتين* فارس – طب يلا بقا الساعتين عدوا رهف = يلا *حاسب فارس وركبوا العربيه ووصلوا للاتيليه*.
رهف- ايه يبنوته.. خلصني البنت = ايوه يفندم الفستان ع الكاشير اديه الوصل وباقي المبلغ وهيدهولك فارس – تمام شكرا ليكي بس كنا محتاجين نقيسه بردو عشان نتاكد م المقاس تاني البنت = مفيش مشكله ثواني اجيبه واجي رهف لفارس- يلاااااهوي هو كل شويه هعيد.. كل دقيقتين هعيد بقاااا فارس = تصدقي فعلا انتي بتفكريني بيها رهف – هتضايق كده يعني دي قمر ودمها خفيف فارس = عندك حق *جت البنت دخلت رهف تقيس ولقته مظبوظ عليها وقررت مش هتوريه لفارس وطلعت بهدومها*
فارس – اهو ده اللي كنت خايف منه.. ضيق صح رهف = تؤتؤ فارس – امال ملبستيهوش ليه رهف = لبسته وطلع مظبوط وعجبني ف قلعته فارس – ومورتنيش ليه رهف بلا مبالاه= بيقولوا فال وحش وبعدين كلها بكره وتشوفه فارس – تؤ انتي هتهزري رهف = هو انت مش شوفته مره وقولت مش محتاج غير يتضيق وانا قيسته لقيت مقاسه حلو ومظبوط وبس قلعته فارس بضيقه -طب يلا يرهف
*حاسبوا ع الفستان واخدوه وركبوا العربيه* *اتجه فارس للبحر من غير كلمه عدى ربع ساعه وهو ساكت ومركز ف الطريق* رهف وهي بتتمايل برقه = ياللي زعلان مني ومخاصمني ومش عايز تاني تكلمني ( كملت وهي بصاله) واخد ع خاطرك اوي مني..( علت صوتها نسبيا) ماخلاااااص يعم فارس بخضه مصطنعه- أعوذ بالله من الشيطان الرجيم رهف بضحك = ايه يببلاوي شوفت عفريت فارس وهو بيبصلها _ انيل رهف = خد بالك غلطاتك كترت
فارس – براحتي رهف = قال عامل مقموص فارس – عشان غلطانه رهف = لا مش غلطانه.. انا عيزاها مفاجأه ياسيدي الله مش كفايه انت اللي مختاره فارس- طب يختي وصلنا رهف = يلاااا *قعدوا ع الصخور كعادتهم وسابها فارس وراح يجيب طلباتها* فارس – ادي الحمص وادي الدره خلصيهم ونبقا نجيب ايس كريم واحنا ماشيين رهف = ايوه كده دلعنيييي فارس – بتزعلي رهف = من ايه فارس – لما بدلعك
رهف = لالا مش قصدي الدلع ده اصلا فارس – طب كلي *اندمجت رهف ف الحمص التسليه المفضله ليها ومأخدتش بالها من فارس اللي بيصورها وهي بتاكل* رهف – بقولك ايه تعالى نتصور بالدره والحمص قبل مااخلصهم *اتصوروا كالعاده والصوره جمعتهم مع الليل والقمر والبحر* رهف – المود ده عايز اغنيه واحده بس فارس = ايه هي حمحمت رهف وبدأت غُنى- الليل وسماه ونجومه وقمره.. قمره وسهره شاركها فارس وغنو سوا بصوت واحد
“وانت وانا يحبيبي انا يحياتي انا كلنااا كلنا ف الحب سوا” *ضحكوا ع المود اللي الجو نداهم ليه وهما لبوا الندا* فارس = بتحبي انتي ام كلثوم رهف – يووووه جدااااا بقا الاغاني القديمه دي حاجه متتوصفش بس بتوصف.. مش مجرد اغنيه لا ده مشاعر ع هيئه اغاني حزن فرح حب فراق غير صوتهم الرايق ده كل حاجه قديمه حلوه بصراحه وتحس فيها خير فارس= يسلام ع الكلام.. بصراحه عندك حق بس انتي والله صوتك حلو
رهف بضحك – يجدع اوعى تقول كده =لا ليه والله صوتك يتسمع يعني عادي مش وحش -طب اتحمل بقا اللي هيحصلك = خير يارب -هتلاقيني كل مااشوف وشك اغني ولو مشفتوش هبعتلك ريكوردات واتس اب = طب دي حاجه مش وحشه بالعكس هو انا اطول اسمه صوتك كل شويه حمحمت رهف بخجل – امم طب يلا نروح ولا ايه فارس بضحكه خفيفه = يلا يستي رهف – بس منستش الايس كريم ع فكره
فارس= حااااضر *جاب فارس الايس كريم وركبوا العربيه* رهف – اي ده مجبتش لنفسك ليه فارس = عشان هسوق مثلا رهف – كنت جبت اكلناه الاول ومشينا فارس = عادي بقا مش مشكله رهف – طب بص هناكل منه سوا فارس = يستي لا هو انا بتوحم رهف وهي فطسانه ضحك- حلوه بتوحم دي فارس = اعملك ايه مانا مش هموت يعني لو ملكتهاش رهف – لا بعد الشر.. بس انا بجد مش هاكلها والله غير لما تاكل معايا.. مش مستعده يجيلي مغص
بصلها فارس بقرف = تصدقي.. مش هرد عليكي رهف – يلا خد كل حبه وسبلي حبه فارس = بس مفيش غير معلقه واحده ودي كبايه مش هتعرفي تاكليها كده رهف _ عادي انا مش بقرف كل الاول وهاكل وراك فارس = انا مش واكل حاجه رهف _ لا مانا حلفت متهزرش فارس = صومي 3 ايام رهف – لا مش قادره انا *مسكت رهف المعلقة وحطله ايس كريم ومدت ايديها قريب من بوقه عشان ياكل*
فارس = بردو رهف – ماتيلا بقااا *اكل فارس منها المعلقه* *ودور العربيه ومشي* رهف _ ليههه هو انت هتاكل معلقه واحده فارس = ده لو امي مش هتعمل كده ماخلاص يبت بقا هو انا بريل عليها رهف – جتك القرف انا هاكل مكانك فارس = مش عملتيلي فيها جدعه ومبقرفش رهف – مانا مش بقرف فعلا فارس = طب كلي بقا *ابتدت رهف تاكل وفارس كان بيفكر انه كل يوم بيكتشف فيها حاجه حلوه وبرغم لسانها الطويل الا انه بيضحك من قلبه وهو معاها ومبيبقاش عايز اليوم يخلص تقريبا كده زيها بالظبط*
*وصل فارس لبيت رهف* فارس – وصلنا *بص فارس لرهف لقاها غرقانه ف نومها حاول يصحيها* فارس = رهف اصحي -…. =يرهوفتي.. اصحي يبنتي وصلنا *كانت نايمه نوم عميق حقها بعد اللف ده كله قرر فارس انه هيشيلها ويطلعها نزل فتح الباب قرب منها وهوووب* رهف بصوت عالي نسبيا وهي بتمسك ايده- امسك متحرش فارس= بس بس يخربيتك هتفضحينا رهف – بتعمل ايه يسطا فارس = يبنتي وصلنا وقعدت اصحيكي نايمه ولا كانك ميته ف قولت هشيلك واطلعك بس
– لا يخويا مستغنيين عن خدماتك عندي رجلين حتي شوف وسعلي كده *نزلت رهف م العربيه وعدلت هدومها* فارس = خدي فستانك يختي رهف وهي بتاخد الفستان _ يلا اتكل.. واه شكرا ع التوصيله فارس = شكرا ايه دانتي كنتي هتلمي عليا اهل المنطقه – تستاهل مانت اللي قليل الادب = اصوت انا والم عليكي الناس.. ع فكره انتي مرااااتي وفرحنا بكره – وقولتلك قبل كده ( وطت صوتها شويه) جوازنا ورقي يعني قدام الناس بس (رجعت نبرتها للعادي) ف متظيطش بقا
= متظيطش ( زقها من كتفها) طب يلا اتكلي انتي – مانا طالعه اهو يلا انجوي =متظيطش و انجوي من بوق واحد هذا غير لائق – انا براحتي = يلا يماما ع فوق *بصتله رهف برفعة حاجب وسابته وطلعت* *ركب فارس عربيته وروح* *كان كل واحد ف اوضته بيفكر ف بكره وحياته بعد بكره هتبقا شكلها ايه*
*اما فارس ف زياده ع تفكيره انه حاسس بعدم رضى عشان بيظلم رهف رهي متستاهلش كل ده وقرر انه ف اقرب وقت مناسب هيقولها اللي حصل بس كل ماتيجي ف باله مريم حزنه وألمه بيتجددوا.. وان وجود رهف مهون كتير وشاغله عن التفكير ف الموضوع* *ناموا الاتنين عشان بكره يوم طووييييل وهيستعدوله من بدري* ________________________________ مُنيره سيف 🤍 ✨رممت حطامي .♥️ بارت 8 *اليوم المنتظر .. ياترا هيعدي بسلام ولا لا هنشوف*
*صحي فارس ع صوت تيليفونه اللي كان بيرن كتير* فارس لنفسه – مريم!! بترن ليه دلوقتي دي فارس بصوت نايم- الو مريم=ايوه يفارس فارس- ايه يمريم مريم =عايزه اشوفك النهارده ضروري فارس – معلش يمريم النهارده مش هينفع عندي شغل كتير جدا مريم بسخريه- شغل .. لا معلش اركن شغلك شويه وانا مش هكمل ساعه *فارس لما حس بسخرية مريم واصرارها الغريب قرر يقابلها ويشوف اللي عندها ويرجع يجهز للفرح*
فارس= تمام.. ساعه من دلوقتي هكون ف الكافيه اللي بنقعد فيه يعني ع الساعه 12 مريم – تمام *قام فارس ياخد دش ويلبس وبعدين نزل وراح ع الكافيه.. بعد شويه وصل ولما دخل لقاها قاعده مستنياه* فارس – عامله ايه يحبيبتي .. وحشتيني جدا مريم بتزمر – وانت كمان فارس وهو بيقعد= مستنيه بقالك كتير ولا ايه مريم – لا من شويه فارس= طب خير قوليلي ف ايه قلقتيني *مسكت مريم فونها فتحته وعملت حاجه وبعدين وجهت الفون ف وش فارس*
مريم – ممكن افهم اي ده *بص فارس بإستغراب بعديها احتلت الصدمه ملامحه* *كانت صورته هو ورهف ف العربيه وهي بتأكله الايس كريم* فارس = اي ده .. مين صورها مريم – اه يعني الاهم عندك مين صورها فارس = مش قصدي بس مستغرب مريم – مين دي يفارس وعلاقتك بيها ايه عشان تأكلك ف بوقك فارس= طيب اهدي وهفهمك مريم – تفهمني ايههه ماكل حاجه واضحه ومفهومه بصلها فارس بحده عشان علت صوتها وقال
فارس= اولا متعليش صوتك ثانيا تقفلي بوقك وتسمعي الاول *استغربت مريم من طريقته اللي اول مرن يعاملها بيها* مريم بغضب – اتفضل *حكى ليها فارس الموضوع بإختصار م اول ما جده تعب وكان شرطه يتجوز رهف والدكتور منع العصبيه عنه ف كان لازم يوافق لحد الاتفاقيه وانه النهارده الفرح* فارس = مرضتش اقولك عشان متزعليش وقولت هما 5 شهور وخلصنا وابقا احكيلك بعدين مريم – اوووف طمنت قلبي فارس= بس كده
*بصتله مريم بإستغراب* مريم – مش فاهمه فارس= اصلك يعني متضايقتيش ولا زعلتي حتى مريم بعدم فهم – انت مش قولت انه جواز ورقي فارس = يعني مش المفروض مثلا تضايقي ان ف حد هيتكتب ع اسمي غيرك حتى لو مش حقيقي ف هو جواز رسمي بردو او حتى تضايقي انها هتقعد معايا ف اوضه واحده او حتى انه هيبقا ف فرح وقدام الناس هي مراتي ايه كل ده ميضايقش
مريم بتوتر – لا لا اكيد متضايقه يعني بس قولت انه الحمد لله انه طلع مش حقيقي وكده يعني. *بصلها فارس لوهله وعيونه مليانه غضب* فارس= تمام.. انا همشي عشان اللحق اجهز.. واه لو عايزه تيجي الفرح تعالي ياريت هبعتلك لوكيشن القاعه هنوصل ع 8 مريم بإصطناع غيره – كنت عايزه اجي بس قولت مش هقدر اشوفك وانت قاعد جنبها فارس بإستهزاء = لا تعالي هبقا اقف.. وكمان عشان متسبنيش لوحدي ولا ايه
مريم – حاضر. *مشي فارس بحزن ع عربيته وهو بيكلم نفسه* – ازاي انا كنت معمي للدرجادي ومش شايف حقيقتها دي كأنها بني ادمه تانيه عمري ماعرفتها خافت ع سرقتها تضيع منها ومكنش فيه ذرة غيره او ضيقه عليا وانا مستغرب ازاي فجأه حبي ليها اتحول لكره ده لو مكنش ده حصل كنت هكره نفسي ع اني لسه بحبها.. الحمد لله اني عرفتها ع حقيقتها قبل مااتدبس. *اشترى فارس شويه حاجات لزوم شياكته ف الفرح ورجع البيت*
امجد – ايه ياعريس نزلت م بدري يعني كنت فين فارس وهو بيرفع ايده بالاكياس = كنت بجيب شويه حاجات عشان الفرح وكده يجدو امجد – ماشي يحبيبي اطلع اجهز بقا عشان الساعه 3 *هز فارس راسه بإيجاب وافتكر ميعاد رهف للميكب طلع اوضته ورن عليها* فارس – الو رهف = ايوه يفارس – كنت بفكرك بميعاد الميكب روحتي ولا لسه = ف الطريق اهو لسه نازله – طيب كويس لما تخلص بقا وتجهزي وكده اديني رنه واجي اخدك ونروح القاعه
=حاضر – حضرلك الخير يرهوفتي =انت قبلي.. يلا سلام *قفلوا* فارس بإستغراب- لا دي اكيد مش رهف معقوله اتقبلت الدلع كده وسكتت.. سبحانه مغير الاحوال *قام فارس يجهز* ____________________________ *اما رهف بعد نص ساعه كانت وصلت هي وعمتها وبناتها وابتدوا يجهزوها* بعد شويه سألتها البنوته – هتعملي حنه رهف =لالا عمتها – هو ايه اللي لا.. اسكتي انتي ايش فهمك .. ايوه يقمر هتعمل رهف = يعمتو مش عايزه انا مبحبهاش
عمتها- لا هتبقا حلوه عليكي اسمعي مني.. ( وجهت كلامها للبنوته) بصي خليهالها سوده بصت البنت للعروسه – هتعملي؟ بصت رهف لعمتها بضيقه = هتنيل .. بس مش هعمل ف ايدي انا ولا ف رجلي كنزي بصت للبنوته – هقولك فكره اجمد .. اكتبيلها عند رقبتها هنا فارس بصت رهف لكنزي بغضب = انتي بتقولي ايه اللي يخربيتك عمتها – والله فكره حلوه يبت يكنزي .. كأنه وشم كده رهف = مش هعمل انا الكلام ده متحلموش
عمتها بعند – هتعملي يرهف وغصب عنك اما نشوف كلام مين اللي هيمشي *سكتت رهف واستسلمت للامر الواقع* *وبدأت البنت ترسملها fares ع عضمة رقبتها *بعد ساعات جهزت.. كانت جميله بكل ماتحمله الكلمه من معنى ميكب خفيف لكن زادها جمال فوق جمالها فستان سيمبل وتاج رقيق كأنها اميره من اميرات ديزني* رهف – الو يفارس فارس = ايه خلصتي رهف – اه خلاص يلا تعالى بسرعه بقا الساعه 7 فارس = مانتي اللي طولتي.. حاضر جاي
*قفل فارس ونزل لجده* فارس – ايه يجدو خلصت امجد = سيبك مني بس ايه الحلوه دي فارس – يعني هجيبه من بره يجدو.. يلا بقا عشان يدوبك نلحق امجد – طب بص روح بعربيتك وانا هروح بعربيتي مع السواق فارس – ليه يجدو مانروح مع بعض امجد – لا يناصح عشان توصل رهف للقاعه انت وهي.. وانا هروح وراكوا انا واهلها فارس بمزح = مش عارف الواحد من غير جدو كان هيعيش ازاي
*نفذ فارس كلام جده بس ف الطريق رن امجد ع فارس وفكره بالورد و نزل جابه وبعد ساعه كانوا وصلوا للمكان* *دخل فارس بالورد ووراه امجد لحد ماوصل وشاف رهف مدياه ضهرها وبنات عمتها واقفين يصوروا الفيرست لوك* فارس بضحك – ايه يجدعان اعمل ايه كنزي = لف ليهااا *قرب فارس منها ولف .. شافها والخجل محمر خدودها وعيونها مليانه توتر وهو كان هادي او هدي لما شافها بس عيونه كانت بتقول كلام كتير ف جمالها اتلخص ف الاغنيه اللي اشتغلت فجأه*
“ايوه انتي احلى واحده شافتها عييني يكفي انك نظره منك بتداويني” *اداها فارس البوكيه وباس راسها برقه وحط ايدها ف ايده ومشيوا للعربيه* *بعد ماركبوا رهف كانت ساكته م التوتر والكسوف بس قطع سكوتها فارس لكن زاد توترها* فارس- انا شوفت حاجه كده بس عايز اتأكد منها رهف بأستغراب= ايه فارس – لاحظت ع رقبتك كده كان ف حرفين Fa الباقي مشفتوش اوي الفستان كان مخبي رهف بتوتر = بص مش انا اصلا ومكنتش عايزه ومتفكرنيش بقا و تضايقني
فارس بضحك – بس بس اهدي.. بس احكيلي اللي حصل وايه كمالة الكلمه عشان الفضول قتلني رهف= عمته اجبرتني اعمل حنه وانا اصلا مش بحبها تقوم كنزي اللي تتشك ف لسانها تقترح الفكره الهباب دي اني اعمل اسمك وشم ع رقبتي وطبعا عمتي عجبها الفكره وعندت معايا وادي اللي حصل ف الاخر فارس بضحك – بس شكله حلو والله رهف بغضب = بجد والله ده اللي همك فارس – يستي ف ايه كلها شهر ويتمسح ده حنه يعني
رهف = وانا اعمل اسمك ليه انااا فارس – يعني انتي كلك اصلا هتبقي ع اسمي وزعلانه م الحنه *اكتفت رهف بالسكوت والتوتر* *وصلوا القاعه وابتدى الفرح .. كانت رهف بترقص وسط صاحبتها وبنات عمتها وفارس كمان وسط اصحابه لحد مالمح مريم بعينه .. راح للدي چي* فارس – بقولك ايه اعملي رقصه سلو دلوقتي = اغنيه معينه فارس – لا عادي *راح فارس لرهف ودخل وسط كل دول اخدها م ايديها وهي بتبصله باستغراب ع اللي بيعمله.. واشتغلت اغنية*
” خليني ف حضنك يحبيبي ده ف حضنك بهدى وبرتاح” *حاوط فارس وسطها وهو بيتمايل ع الاغنيه وكان مركز ف عيونها وده وترها* رهف بتوتر – انت بتعمل ايه فارس = حطي ايدك ع كتفي ايه عمرك ماشوفتي سلو قبل كده رهف بغضب – لا شوفت بس ايه لزمتها يعني فارس = طبيعي يعني ف اي فرح ف سلو “لو تبعد عني ولو ثانيه بتجنن يحبيبي عليك” *ميل فارس بسرعه ع ودنها*
فارس – انا اسف *ملحقتش رهف ترد عليه وفجأه لقت نفسها ف حضنه وبيلف بيها ع كوبليه* “وبتحلى الدنيا ف عيني وانا جنبك ف متبعدنيش حبك فعلا بيخليني اتمسك بالدنيا واعيش” *نزلها بخفه وهو لسه ماسك ف حضنها* رهف – لو مبعدتش دلوقتي هفضحك فصيحه بجلاجل فارس وهو بيبعد بسرعه وبيضحك= بجلاااجل رهف بضيقه – ااااه فارس = طب فكي وشك عشان الناس شيفانا *بعد ساعتين من رقص وفرهده وتوتر وكسوف رهف وكمان فارس اللي كان بيحاول يحرق د.م مريم الفرح خلص*
فارس – تعالى يجدو معانا والسواق يوصل اهل رهف ويرجع امجد – يحبيبي لا روحوا انتوا والسواق بعد مايخلص هيرجعني رهف – لا يجدو تعالى معانا ليه التعب بس كده كده رايحين لمكان واحد *وافق جده ودعت رهف عمتها وبناتها وباباها كمان ركبوا العربيه واتجهوا للڨله وبعد ماوصلوا* امجد لرهف – بصي بقا انتي هنا ست البيت اي حاجه عايزه تعمليها براحتك زي بيتك بالظبط اتصرفي زي مانتي عايزه ولو احتاجتي اي حاجه قوليلي او قولي لفارس وهاتي اللي عيزاه
رهف = شكرا يجدو امجد – يلا يفارس اطلع وخد عروستك معاك ونص ساعه وهخلي وفاء تطلعلكوا الاكل( وفاء المسوؤله عن تنضيف البيت والاكل) فارس وهو بيمسك ايد رهف = حاضر يجدو *دخلوا الاوضه* رهف – ايههه اوعى ايدي فارس = مابالراحه يختي هو انا هاكلها رهف – طب بص بقا عشان منعملش كل يوم خناقه هنتفق ع شويه حاجات عشان ال5 شهور دول يعدوا ع خير *بصلها فارس بملل*
رهف – اول حاجه باب الاوضه تخبط قبل ماتدخل ومتدخلش الا لما اقولك تاني حاجه هتنام ع الكنبه بص عشان مظلمكش انا يوم وانت يوم ثالثاً حط ف بالك دايماااا ان احنا جواز ورقي هه فارس- خلصتي ولا لسه رهف – بص مخلصتش بس مش فاكره تاني ف لما افتكر بقا هقولك فارس – طب انا داخل اغير رهف – اتفضل *دخل فارس اخد دش من فرهدة اليوم ولبس شورت وتيشيرت وطلع*
*صوت خبط الباب* فارس – اتفضل وفاء – الاكل يبني فارس – شكرا يطنط وفاء حطيه هنا *حطت الاكل وخرجت* فارس- يلا عشان ناكل رهف – اكيد مش هاكل بلبسي ده كل انت لحد مااخلص *سابته رهف ودخلت وطلعت تاني* رهف – هو انا هلبس ايه فارس – نعم رهف – هي عمتو قالتلي اجيب معايا بس انا نسيت فارس – نسيتي اه.. طب خليكي بالفستان بقا رهف – لا فستان ايه بالله عليك مش هينفع دانا حاسه اني بتخنق
فارس – طب اعمل ايه.. ده مفيس ولا ست ف البيت غيرك *سكت فارس شويه وقال* فارس – هو مفيش غير حل واحد رهف – ايه هو *قام فارس وفتح دولابه طلع منه بيجامه واداها لرهف* رهف – ده اي ده بقا فارس – مش لاقي حل غير كده رهف – طب انت اكيد ملاحظ انها كبيره اوفر عليا فارس – ده طبيعي يعني التيشيرت بالنسبالك كاش مايوه رهف بسخريه – هاهاها سخيف
*دخلت رهف واخدت دش لبست البيجامه وبصت ف المرايه* رهف – ايه الهطل اللي انا فيه ده بقا *شمرت رجل البنطلون ودخلت التيشيرت فيه ورفعت شعرها وطلعت* *شافها فارس وانفجر ضحك* فارس وهو بيضحك – هياكل منك حته رهف – لا بص عدي الليله كده عشان مش طايقه نفسي اصلا فارس ولسه بيضحك – طب اقعدي كلي يلا *قعدت رهف بنفخ وكلوا سوا بس فارس مقدرش يبطل ضحك* رهف – لو زورت مش هنقذك ع فكره
فارس بضحك – مانا بصراحه مش قادر شكلك مسخره رهف بتزمر – وبعدين يعني هتفضل تضحك للصبح فارس – لالا انا خلصت اكل هقوم انام بقا *قام فارس م ع الاكل واحتل السرير بجسمه* رهف – انت رايح فين فارس – ايه هنام رهف- ع السرير فارس – اه بكره ابقي نامي عليه رهف – تصدق مفيش دم.. قوم عشان تنزل الاكل ده انا اكيد مستحيل انزل كده *قام فارس نزل الاكل وطلع لقاها نايمه ع السرير ومتغطيه*
فارس – اي ده انتي يمااا قولتلك انا اللي هنام هنا النهارده رهف -………. فارس – يبنتييي *مفيش رد قرب منها لقاها نايمه بسكون كأنها منامتش بقالها اسبوع اخد مخده من جنبها ونام ع الكنبه قعد يفكر شويه انه عايز يقول لرهف ع مريم لحد ماغلبه النوم وقرر انه بكره هيقولها* _________________________ مُنيره سيف 🤍✨رممت حطامي .♥️ بارت 9 مُنيره سيف ✨💗 *صحي فارس قبلها بص ع السرير لقاها نايمه زي ماهي من انبارح قرب منها*
فارس – رهف قومي الساعه 12 .. *على صوته شويه* فارس – رهفف يابنتي.. انتي موتي ولا ايه يخربيتك دانتي متقلبتيش حتى *علي صوته جامد وهو بيهزها من كتفها* فارس – رهفففف رهف بخضه = ايه ف ايه بتجعر ف ودني كده ليه ع الصبح فارس – بجعر لا لمي لسانك يعسل عشان ممدش ايدي رهف – مدها كده وريني.. ف حد بيصحي حد بالغباء ده فارس بملامح غضبانه – بردو لسانك طويل.. هو انا فاهملك انتي ميته ولا نايمه
رهف وهي بتتمطع – بعد الشر عليا *صوت خبط الباب* فارس – ايوه وفاء م ورا الباب – صباح الخير ببني استاذ امجد بيستعجلكوا عشان الفطار فارس – حاضر ربع ساعه ونازلين رهف- انا مش نازله. فارس – اكيد مش هينفع جدو مستنينا. رهف – وانا هنزل ازاي كده بقا. فارس بضحك – مش عارف بصراحه رهف بنفخ – مش هنخلص بقا فارس – يستي صباح الخير.. بس مش عارف اعمل ايه
فارس – بصي الدولاب عندك اهو دوري بقا وشوفي حاجه تنفع *راحت رهف ع دولابه وبعد تدوير اخدت رهف تيشيرت بيج وليجن ابيض كانت لبساه تحت الفستان ودخلت لبست وعدلت شعرها وطلعت* فارس – لا برافو بتفكري رهف – الجيش قالك اتصرف فارس – بس لبسي شكله حلو عليكي والله رهف – مانا عجبني كام حاجه كده هبقا اجربهم فارس – ليه انتي ناويه تعيشي ف دولابي كتير. رهف – لا طبعا بس عندك لبس حلو مش هلاقيه ف الحريمي
فارس – لا انا اسايبك تاخدي راحتك ف دولابي بس عشان معندكيش لبس.. لكن انسي يروحي رهف – قول يارب.. يلا ننزل عشان جدو *قرب فارس ومسك ايديها بس رهف شدتها وقالت* رهف – ولاااا والمصحف هزعلك فارس – انتي مجنونه يبنتي يعني لسه متجوزين انبارح هننزل مش طايقين بعض كده رهف – لا ازاي لازم تلزيق فارس هو ده تلزيق مش احسن مااعمل كده *حاوط كتفها وقربها لحضنه* رهف وهي بتبعد عنه – يعم اوعى كده
فارس – لمي دورك بقا *رحع فارس مسك ايديها ونزلوا سوا ع السفره* امجد – اهلا اهلا كل ده عشان تنزلوا فارس بضحك – معلش يجدو رهف مكنتش لاقيه حاجه تلبسها *بصتله رهف بصدمه واتكلمت بلجلجه* رهف – اا اصل يعني انا نسيت بصراحه اجيب هدوم ف اضطريت اخد تيشيرت يعني من عند فارس لحد مااجيب. امجد – ولا يهمك يحبيبتي اطلبي اللبس اللي عيزاه ويجيلك لهنا او لو مش حابه اونلاين انزلي هاتي براحتك.
رهف – لا هنفطر و ف بيدج كويسه هبقا اطلب منها *ابتسملها امجد بلطف ع عكس فارس اللي مش قادر ميضحكش كل مايفتكر شكلها* امجد – طيب انا خلصت اكل يولاد هنزل الشركه وانت طبعا اجازه يفارس فارس – خلي بالك ع نفسك يجدو. *مشي امجد وساب فارس ورهف يكملوا اكلهم* فارس – رهف التفتتله رهف – نعم فارس بتنهيده – كنت عايز اقولك ع حاجه رهف بقلق – ايه قول
*سكت فارس شوبه* رهف بعقدة حاجب – ف ايه يفارس قلقتني فارس – بصي هو انا مش عارف ابتدي ازاي رهف بتوتر – ابتدي م اي حته وانا هفهمك. فارس – الموضوع يخص مريم رهف – مالها فارس – كلام جدو عليها طلع صح رهف وهي بتحاول تفتكر الكلام – معلش فكرني اي كلام فارس – كان بيقول انها وهماني انها بتحبني وانها عيزاني بس عشان فلوس وكده رهف بصدمه – طب وانت عرفت منين.
فارس – ادهم صاحبي هو اللي ساعدني رهف – ازاي *بدأ فارس يحكيلها انه ادهم دخل ع فونها وعرف منه كل حاجه وحكالها ع محمد اللي بتكلمه وانه بيشجعها ع النصب* فارس – ويوم ماكنا بناكل ايس كريم ف العربيه انا شوفته رهف – شوفت مين فارس – محمد ده يبنتي.. كان بيراقبني ولما ركبنا وكنتي بتاكليني شوفته وهو بيصور كمان رهف – امممم كمل *حكالها انها رنت عليه يوم الفرح وهو كان عارف ليه قابلته وواجهته بالصوره وقالها ع الاتفاقيه وانه مخبي عليها انه عرف عشان عاوز ياخد حقه منها وانها جت الفرح*
فارس – وبصراحه لما رقصت معاكي سلو كان عشان اضايقها.. بس هي اصلا مش فارقلها هي المهم عندها اني كام شهر واطلقك عشان اللي خططتله يتنفذ.. بس عارفه ربنا بيهون ع قلبي حبي ليها كأنه مكنش موجود حرفيا مش عارف ازاي *رهف بتنهيده اتكلمت بحنيه باينه ف صوتها وعيونها* – مش عارفه اقولك ايه هو اكيد الموضوع يضايق ( حطت ايديها ع ايده بتطبطب عليها وكملت ) بس متزعلش بص لقدام ارمي كل اللي فات ورا ضهرك ومتلتفتلوش.. ركز ف اللي جاي هتلاقي ربنا بيعوضك.
*كان بصصلها فارس بهدوء ولما خلصت مسك ايديها وطبع بوسه عليها*. *اتوترت رهف من اللي عمله وسحبت ايديها بصت للطبق اللي قدامها وهي بتبلع ريقها* *ابتسم فارس ع توترها وخدودها اللي احمرت من كتر الخجل* فارس – انا عرفت الموضوع ده قبل مانتجوز *بصتله رهف بهدوء وكمل* فارس – وخوفت بصراحه احكيلك رهف بإستغراب – ليه فارس – مش عارف كنت خايف م ردة فعلك .. او تلغي الاتفاقيه والجوازه كلها
رهف – هعمل كده ليه.. احنا عاملين ده كله عشان جدو مش عشانها فارس – طمنتيني.. ربنا يكملك بعقلك رهف بضحك – طب قوم ساعدني نشيل الاكل. فارس – لا لا طنط وفاء هتشيله رهف – ايه يعني نساعد طنط وفاء قوم بقا بطل كسل *قاموا وساعدوا فعلا طنط وفاء اللي حبت رهف اوي من ساعة ماجت* رفاء – تسلم ايديكم يحبايبي تعبتوا نفسكوا ليه بس. رهف – فين التعب ده بس
فارس – اهو بنريحك شويه.. ( كمل بضحك) بس انا هتعبك دلوقتي وفاء بحب – تعبك راحه فارس – شويه قهوه كده من ايديكي الحلوين دول وفاء – عيوني رهف – يسلموا يطنط بس اقعدي افطري انتي وانا هعملهاله فارس – وهتعرفي بقا ولا هتعمليها خفيفه رهف – انت كمان بتتأمر *زقته رهف بره المطبخ* رهف – اطلع بره ولما اعملها هجبهالك *ضحكت وفاء عليهم وطلع فارس ياخد دش ويبدل لبسه*
رهف – قوليلي بقا يفوفو سكره ايه وفاء بضحك – مظبوط يحبيبة فوفو رهف – طب لحد ما القهره تستوي بقا انا هعمل نسكافيه اعملك معايا وفاء – لا يحبيبتي تسلمي يارب رهف – تسلمي ايه هعملك *عملت رهف القهوه والنسكافيه اخدت وفاء النسكافيه بتاعها وطلعت رهف لفارس* *فتحت رهف ودخلت حطت الحاجه اخدت المج بتاعها وقعدت تشغل فيلم* *خرج فارس م الحمام بالشورت وف ايده التيشيرت وكان عارف ان رهف بره*
*ولما شافته رهف لفت وشها* رهف بشهق – ايه قلة الادب ده فارس – انتي ايه الاوفر ده.. حسستيني اني طالع عريان رهف – اخلص البس فارس – ولو ملبستش يعني رهف – هسيبلك الاوضه وانزل فارس بخوف مصطنع- لا لا خلاص والله انا هلبس بسرعه اهو مقدرش ع بعدك *بصتله رهف بقرف* رهف – دمك خفيف اوي لدرجة قرفت م نفسي *لبس فارس التيشيرت وقعد جنبها* رهف – قهوتك هناك اشربها قبل ماتبرد
*قام فارس خد القهوه ورجع مكانه وبعد اول رشفه* فارس – اي ده رهف – ايه فارس – كنت شاكك ف قدراتك انا .. القهوه رهيبه رهف – اي خدمه.. عد الجمايل بقا فارس – طب متنسيش تجيبي لبس عشان مش هسمحلك تلبسي لبسي اكتر م كده رهف – صح فكرتني *طلعت رهف فونها وجابت البيدچ وقلبت شويه واختارت كام حاجه وبعد شويه* رهف – فارس بص كده *قرب فارس منها*
رهف – بص دي احلى ولا دي. فارس – السوده طبعا. *كانت السلوبته التريندي اللي ع شكل دب* رهف – اجبلك واحده فارس – ع اخر الزمن هلبس ده. رهف – ايه يعني بيبقا شكلها حلو اوي.. بص هجبلك فارس – عافيه رهف – حاجه زي كده.. هجبهالك سوده بردو *طلبت رهف الاوردر* رهف – بتقولي بكره الاستلام فارس – طيب كويس نستحمل يوم *سكتوا شويه وبعدين اتكلم فارس* فارس – انا مليت
رهف – وانا كمان. فارس – تعالي نعمل اي حاجه طيب رهف – زي ايه فارس – مش عارف رهف – جاتلي فكره.. حمل فيلم حلو وانا هنزل اعمل فشار واشوف ف ايه للتسليه تحت فارس – اشطا.. بس فيلم ايه رهف – اي حاجه *نزلت رهف تعمل الفشار وجابت بيبسي وشوكولاته وطلعت* رهف من بره الباب- يفاااارس فارس – ايوه يخربيتك خضتيني رهف – افتحلي والنبي. *قام فارس فتحلها الباب*.
فارس – ايه كل ده رهف – اوعى بس دخلني. فارس – انتي هتاكلي كل ده رهف – هناااكل .. حملت الفيلم. فارس – اتنين رهف – حملتهم ايه. فارس – واحد رعب وواحد كوميدي رهف – جدع .. شغل الرعب الاول والاخير الكوميدي عشان اعرف انام بس. *شغل فارس الفيلم وقعدرا ع السرير وقدامهم التسليات* فارس – بقولك ايه مش عايز صويت رهف – انااااا لا لا .. ولااااااا فااارق معايااا
*و اول ما الفيلم اشتغل مبطلتش خضه وصويت* فارس – ماتتهدي بقا دانتي رعبتيني اكتر م الفيلم *فتح فارس تلاجة الاوضه الصغيره* فارس – طب بقولك ايه هنزل اجيب مايه مفيش هنا *مسكت رهف ايده وبصتله بخوف* رهف بصدمه – هتنزل وتسيبني فارس – هو انا سايبك ع الدائري .. هنزل بسرعه واجي رهف – لا والله ماهيحصل رجلي ع رجلك فارس – طب انزلي انتي هاتي رهف – لا بالله عليك تعالى معايا
فارس – امال عملالي فيها جدعه اوي. رهف – معلش انا عيله صغيره والله *نزلوا يجيبوا مايه وهي قافشه ف ايده* فارس وهو فطسان ضحك – ماتسيبي ايدي يما *ادركت رهف الوضع الحالي وافرجت عن ايده* *اخد فارس المايه وطلع جري وهو لسه بيضحك وسابها* رهف وهي بتجري وراه – يغداااار *دخل فارس الاوضه ودخلت رهف وراه* رهف بغضب – مش هثق فيك تاني فارس بصحك – مانتي اوفر بصراحه مكنش فيلم ده
رهف – اقعد ساكت *قعدوا كملوا الفيلم وبعد شويه استغرب فارس سكوت رهف التفت ليها ولقاها غرقانه ف نومها* فارس – انتي منهم بتنامي ف نص الفيلم. *شال فارس اكلهم .. بصلها شويه وهو مركز ف ملامحها ابتسم بلطف وغطاها ونزل الحاجه* فارس – اهلا يجدو الحمد لله ع سلامتك. امجد – الله يسلمك يحبيبي ايه الاخبار فارس – كله تمام الحمد لله. امجد – طيب الحمد لله انا هروح انام بقا عشان مش قادر واليوم النهارده كان طويل
فارس – مش هتتغدى طيب امجد – كلت ف الشركة يحبيبي .. يلا تصبح ع خير فارس – اطلع انام انا كمان *طلع فارس اوضته و قعد ع السرير وقال* فارس – وعشان النهارده دوري اني انام هنا وكمان ضهري اتكسر من نومة الكنبه ف انا هنام هنا واللي يحصل يحصل بقا *نام فارس جنبها بهدوء عشان متصحاش واتغطى معاها*
بصلها فارس سرح ف ملامحها وقال ف سره- انا متاكد ان انتي العوض اللي قولتي ان ربنا هيعوضني بيه .. وانا مش قادر ابعد فكرة اني ممكن احبك غصب عني لاني فعلا حاسس اني ابتديت اتعلق بيكي.. والوقت اللي ظهرتي فيه ف حياتي كان مناسب جداا بشكل ميتصدقش قارنتك بمريم وعرفت قد ايه انا كنت مغشوش انتي جميله يرهف رغم لسانك اللي عايز قطعه ساعات اكيد ربنا محطكيش ف حياتي عشان تخرجي منها زي مادخلتي بس ده مش قراري لوحدي ده قرارك معايا
* اتنهد وايده راحت تجاه وشها غصب عنه مشى ايده ع خدودها ومسح ع شعرها بخفه* فارس بخفوت – تصبحي ع خير يرهوفتي ____________________________رممت حطامي .♥️ بارت 10 مُنيره سيف 💗✨ ______________ *بعد ساعات ف نوم عميق ولأن فارس نومه مش هادي زيها بعد ماكان ع طرف السرير مبقاش ف بينهم غير سنتي بتتلاقى انفاسهم فيه .. قلقت رهف فتحت عيونها وكانت اول حاجه تشوفها ملامح وشه ساكنه نايم بإرتياح*
*كانت بصاله وهي مش مدركه اللي هما فيه.. بعد لحظات وسعت عينيها وصرخت بأعلى صوتها* *صحي فارس مغزوع وكتم بوقها بإيده بسرعه* فارس بخضه – ايه ف ايه *شالت ايده م ع بوقها* رهف بزعيق – انت ايه اللي نيمك هنا فارس – بس بس يخربيتك صوتك واصل لتحت رهف – ايوه بردو ازاي تتجرأ تنام جنبي فارس – هو ايه تتجرأ دي هو انا بوستك م بوقك رهف – تعرف انك مش محترم
فارس – عارف رهف وهي بتزقه بالمخده – قوم نام ع الكنبه فارس – ع فكره يعني ده دوري انام النهارده ع السرير رهف – حتى لو بردو كنت صحيني فارس – عندك حق انا اسف عشان طلعت محترم ومصحتكيش من نومك ولا شيلتك هبدتك ع الارض *بصتله رهف بقرف وقامت اخدت مخدتها وغطاها ونامت ع الكنبه* *رجع نام فارس ع السرير وبعد شويه قرب فارس ع الكنبه خبط ع كتفها*
فارس – قومي رهف – عايز ايه فارس – قومي يزفته نامي ع السرير رهف – اتكلم بأدب يولد فارس – طب قومي رهف – وده اشمعنا يعني الادب اللي نزل عليك فجأه ده فاري – معلش هنعمل ايه مبادئي متسمحش *قامت رهف وهي رافعه راسها وبتتمشى براحه* فارس وهو بيزقها – ما تنجزي رهف – ايدك لو اتمدت تاني هقطعهالك ع فكره *استفزته بصلها بخبث وقال وهو بيقرب* فارس – بجد والله هتقطعيها
رهف بتوتر من نظرته – اااه مثلا يعني فارس – طب وريني كده رهف – انت بتقرب ليه يجدع انت فارس – عشان تقطعيلي ايدي رهف بإبتسامة توتر – يجدع ده مجازاً مجازاً يعني انت قفوش اوي *خبط فارس ع كتفها وهو بيقول* فارس – طب يحلوه مدام مش قد الحاجه متقوليهاش احسنلك *رجع فارس ع الكنبه وكانت رهف بتبصله بغيظ كمل نومه بس رهف معرفتش تنام بسهوله ولاول مره تتكلم مع نفسها بصراحه*
رهف لنفسها – انا خايفه احبه او اتعلق بيه ماهو مش طبيعي اعيش مع حد 24 ساعه ومياخدش ف قلبي اي مكان وانا مش هسمح لنفسي ده يحصل مش هسمح اعيش تجربه امي تاني لازم اسيطر ع قلبي عشان مروحش ف داهيه ____________________________ *صحي فارس ودخل ياخد دش وكانت رهف صحيت وبتحاول تتجنبه مكنتش بتبصله ولا بتحاول تتكلم معاه.. نداهم جدهم للفطار وبعد ماخلصوا راح امجد ع شركته وسابهم يكملوا فطار*
رهف – كمان ساعه والاوردر هييجي فارس – لما يوصل قوليلي وهستلمه. *خلصوا اكل ووفاء عملتله قهوه ورهف عملت لنفسها نسكافيه* *كان فارس مستغرب طريقتها وتجنبها ليه ومتضايق من معاملتها* رهف – المندوب ع الباب *قام فارس وطلعله اخد منه الاوردر ودخل اخدته منه رهف وطلعت ع الاوضه وطلع فارس وراها* فارس – الهدوم حلوه رهف – اه فارس – طب فين حاجتي رهف – قدامك اهي فارس – هو انا ضايقتك ف حاجه
ردت عليه رهف بلامبالاه – لا هتضايقني ف ايه يعني فارس – طيب امال بتكلميني كده ليه رهف – عادي بتكلم عادي *سكت فارس لما حس انها بتصده بطريقه حاده* *دخلت رهف اخدت دش ولبست من اللي جيباه وخرجت* فارس بحب – قمر.. حلو عليكي رهف – شكرا فارس – لا مانا مش فاهم يعني ف ايه رهف بصوت عالي – يسيدي مفيش حاجه هي دي المعامله اللي المفروض اعاملك بيها م الاول اللي بيني وبينك مصلحه وبس وكلها كام شهر وتنتهي ودي الطريقه الطبيعيه اللي اعاملك بيها
*اتصدم فارس من ردها وزعل من كلامها اخد موبايله ومفتاح عربيته ونزل* *قعدت رهف ع السرير وهي بتاخد نفسها بصعوبه* رهف – ايه الغباء اللي انا قولته ده مكدبش لما قال عليا دبش.. مانا بردو مشوفتش منه حاجه وحشه بس اعمل ايه ماهو غصب عني (سكتت شويه بعدين كملت) لا بس انا اتغابيت واكيد زعل من كلامي وهو لسه طالع من موقف زي الزفت لما يرجع هبقا احاول اصلح الموقف
*رجع امجد البيت سأل وفاء عليهم* وفاء – بصراحه هما شكلهم متخانقين الصبح بعد ما حضرتك مشيت بشويه فارس خرج بس كان شكله متعصب ومتضايق اوي وست رهف منزلتش من ساعتها امجد – تمام شكرا ي وفاء *طلع امجد لرهف* *صوت خبط الباب.. افتكرته هو وجريت تفتحله* رهف – جدو اتفضل امجد – هو فارس مش هنا ولا ايه رهف بتوتر – لا هو خرج م شويه وقالي انه صاحبه عايزه وهيخلص ويرجع
امجد – اممم.. بصي يرهف هكلمك عن فارس شويه انا مدرك كويس اوي ان انتوا ملحقتوش تتعرفوا حتى ع بعض.. فارس موت ابوه وامه مره واحده خلاه يدور ع اي حد يحبه ويهتم بيه ويخاف عليه حد يشاركه حياته عشان ميحسش انه لوحده.. ظهرت واحده ف حياته ف الوقت ده من غير ماادخل ف تفاصيل بس هي وهمته انها بتحبه ووهمته هو كمان انه بيحبها عرفت تدخله ازاي ادته كل اللي ناقصه بس عشان طمعها ف فلوسه او اي حاجه تيجي منه
هو مش مقتنع ب ده لكن دي الحقيقه انا معرفش علاقتكوا عامله ازاي حاليا بس الاكيد انها مش احسن حاجه.. ف انا ليا رجاء منك ف حاجه رهف – اكيد طبعا يجدو امجد – انا اختارتك ليه عشان عارف انك عكس مريم ف كل حاجه وانك انسب واحده ليه.. فارس طيب وحنين هتلاقي فيه كل اللي ممكن تتمنيه ف حد بس هو عايز حد يحتويه ويحبه يعوضه عن اللي خسره فجأة اعملي ده يرهف هو محتاجك محتاج حد يكون جنبه شاف كتير ف حياته ( حط ايده ع ايدها بطبطبه) خليكي انتي عوضه يبنتي
*عيونها دمعت حطت وشها ف الارض وندمت اكتر ع الكلام اللي قالتهوله الصبح* رهف – حاضر يجدو متقلقش امجد – ربنا يسعدكوا يحبيبتي .. انا هروح انام بقا رهف – تصبح ع خير امجد – وانتي م اهله *راح امجد لاوضته وساب رهف لتفكيرها* رهف لنفسها – طيب وانا.. انا كمان خايفه مش عاجبني اللي انا فيه نفسي اعيش زي كل البنات بس مش عارفه.. حاجه بتمنعني خايفه اعيش نفس التجربه.. مش هنكر اني مشدوداله بس مش هينفع وكمان انا مقدرش اجبره عليا
*عدى وقت ورهف حيرانه حست بغيابه ولما بصت ف فونها لقت ان الساعه 2م قررت انها ترن تشوفه فين* *مسكت فونها ورنت لقته مغلق* رهف – حلاااوتكك.. ايه القلق ده بقااا هو انا ناقصه *فضلت ساعه ترن وبردو مغلق ومن كتر توترها وقلقها قعدت تعيط وتشتم نفسها انها السبب ف كل ده* رهف بعياط – رد ياخي بالله عليك بقا.. طب انزل ادور عليه ف الشوارع ولا اعمل ايه *قاطع كلامها فتح الباب*
*كان فارس و ملفوف ع راسه شاش وايده فيها جبس جريت رهف عليه بخضه اول ماشافته و حضنته وكان عياطها ف حضنه بيوضح كل القلق والتوتر اللي عاشت فيه لما اتاخر* *بَعَد فارس ايده عن جسمه لما لقى رهف بتجري ناحيته وكان مستغرب م اللي عملته لكن حاوطها بإيده التانيه محاوله منه انه يطمنها* فارس – هششش بس اهدي عشان جدو ميصحاش رهف بشحتفه – ايه اللي عمل فيك كده انت كويس صح انا اسفه انا السبب مكنتش اقصد
*رتب فارس ع شعرها وبيحاول يهديها* فارس – بس اهدي بس الاول وهحكيلك رهف – اهو هديت اهو فارس – طب اقعد بس واقولك *لاحظت مشيته وهو مش قادر يمشي ع رجله.. دخلت تحت دراعه وحاولت تسنده وقعدوا ع السرير* رهف وعيونها مليانه دموع – احكيلي بقا فارس – لما خرجت من هنا رنيت ع ادهم روحنا كافيه كده بنقعد فيه ع طول خدنا قعدتنا يعني ومشينا ع 12 بس وانا بعدي الطريق عشان اركب العربيه كنت سرحان شويه ف موتوسيكل خبطتني
*شهقت رهف بصوت عالي وزادت دموعها* رهف – انا السبب صح فارس – يبنتي سبب ايه اسمها قدر عادي وحصل خير انا كويس اهو رهف – طب كمل فارس – خدني ادهم المستشفى وكان فيه 5 غرز ف راسي وكسر ف الايد اداني علاج وقالي اغير ع الجرح كل يوم وخلاص رهف – ورجلك فارس – لا دي كدمه بسيطه الحمد لله *بصتله رهف بنظرة ندم* رهف – انا بجد اسفه متزعلش مني الصبح انا مكنتش عارفه بقول ايه
فارس – لا متعتذريش انتي فعلا كنتي صح اللي بيني وبينك مصلحه وبس *حطت رهف وشها ف الارض وملقتش رد* فارس – طيب انا هقوم اغير رهف – لوحدك فارس – اه عادي رهف – لا مش عادي مش هتعرف *قعدت رهف ع ركبتها* فارس – انتي بتعملي ايه قومي *مهتمتش رهف لكلامه وقلعته الشوز* رهف – ثواني هجبلك لبس *قامت رهف ع دولابه طلعتله تيشيرت وبنطلون.. فارس كان بيبصلها بعدم فهم*
رهف – بص هقلعك دراعك ده الاول وبعدين رقبتك وبعد كده بقا براحه ع الدراع اللي فيه الجبس *فارس كان ساكت بيبصلها وبس.. قربت رهف منه وبدأت تعمل زي ماقالت ولبسته التيشيرت الجديد عكس ما قلعته القديم* رهف بلجلجه – طيب يعني اظن انك هتعرف تلبس البنطلون عادي فارس بإستفزاز – طب ماتكملي جميلك *ادته رهف باقي اللبس* رهف – هو انت اتغديت فارس – لا مليش نفس *طيب انا هنزل ع بال ماتخلص لبس هكون طلعت*
*سابته رهف ونزلت ع المطبخ حطت اكل ليهم واخدته وطلعت* رهف بره الباب بخفوت – فارس يفااارس فارس – ثواني *قام فارس وفتحلها* فارس – اي ده يبنتي رهف – هناكل سوا فارس – بس انا مش جعان رهف – بس انا جعانه فارس – خلاص كلي انتي رهف – لا يا هناكل مع بعض يا بلاش. *كلوا سوا ف سكوت وبعد شويه انتهوا نزلت رهف الاكل وطلعت تفحصت علاجه ولقت علاج بيتاخد بعد الاكل فتحت منه وادتهوله*
فارس – اي ده رهف – لبان فارس بضحك مصطنع – هموت مش قادر رهف – مانت بتسأل اسئله مش منطقيه .. ده علاجك يعني هيكون ايه *اخد فارس منها العلاج* رهف – بالشفا يارب .. قوم كده بقا ونام ع السرير فارس – وانتي هتنامي فين رهف – ع الكنبه فارس – مش هيحصل رهف – لا بطل مش وقته مبادئ.. مش هينفع تنام ع الكنبه وانت كده *بصلها فارس وهو بيصطنع البراءه واتكلم*
فارس – خلاص يبقا تنامي ع السرير بردو رهف – لا أخاف اخبطك فارس – هو انتي بتتحركي اصلا .. يلا يلا *قام فارس ونام تحت الغطى* *قامت رهف بهدوء وعدلت عليه الغطى وبعدين لفت ونامت جنبه بس كان بينهم مسافه كويسه واللي بردو هيكسرها فارس غصب عنه* *بعد شويه اتكلم فارس* فارس – رهف.. انتي نمتي التفتتله رهف بسرعه – لا .. عايز حاجه فارس – لا بس يعني كنت عايز اقولك انا اسف
رهف بعقده حاجب – ع ايه فارس – يعني عشان قلقتك وحسستك بالذنب وكده رهف – لا خالص المهم انك بخير دلوقتي الحمد لله فارس – الحمد لله .. تصبحي ع كل خير رهف – وانت م اهل الخير *لفت رهف ضهرها تاني وبعد محاولات كتير ناموا الاتنين* ____________________________
*تاني يوم صحي فارس ولقى رهف دافنه راسها ف رقبته حاسس بنفسها الدافي كانت كمشانه ف حضنه بس المرادي من غير ماياخد هو خطوه ناحيتها استمتع بقربها منه ودقات قلبه المتوتره اختلطت معاها الفرحه من وجودها جنبه وقربها منه باس راسها و محاولش يتحرك واتمنى يفضل كده اكبر وقت ممكن بعد ربع ساعه من حالة فارس حركت رهف راسها غمض عيونه بسرعه ومثل النوم خرجت رهف من حضنه بهدوء محاوله منها انه ميصحاش ساعتها حس فارس بالفراغ من تاني*
*حطت ايديها ع بوقها وقالت بخجل لنفسها “يعني هو ميتحركش م مكانه وانا اللي اروح ارمي نفسي ف حضنه.. مني لله”* *قامت رهف اخدت دش وغيرت لبسها سرحت شعرها وطلعت عند فارس قربت منه لقته نايم* رهف بخفوت – فارس .. فارس قوم عشان تفطر *كان بيمثل انه نايم ولما مردش عليها اتنهدت رهف وهي بصاله مشت ايديها ع كتفه بحنيه وهي بتصحيه* رهف – فارس قوم يلا *فتح فارس عيونه*
فارس – صباح الخير رهف – صباح النور .. يلا قوم عشان تفطر وتاخد علاجك وكمان اغيرلك ع الجرح وجهز نغسك بقا عشان جدو هيتخض اول مايشوفك *ساعدته رهف انه يقوم* رهف – يلا عشان جدو مستنينا *وقفت جنبه وحطت ايده ع كتفها* رهف – اسند عليا *كان حريص فارس انه ميتقلش ايده عليها نزلوا براحه واول ما جده شافه قام بسرعه وراح نحيته* امجد – اي ده اي ده ايه اللي عمل فيك كده
فارس – متقلقش يجدو انا تمام بس حادثة موتوسيكل ادهم كان معايا روحنا المستشفى ايدي اتجبست بس و 5 غرر ف راسي ورجلي دي كدمه مش حاجه كبيره امجد – الحمد لله الحمد لله طب نروح لمستشفى تانيه.. كتبولك علاج فارس – مش مستاهله يجدو كتبولي علاج و رهف مش متوصيه متقلقش امجد – طب تعالى اقعد كل *سنده امجد بعدت رهف وراحت ع السفره وزقتله الكرسي.. قعد امجد وفارس وقعدت رهف جنبه*
*لاحظت رهف ان فارس مش عارف ياكل* رهف – ثواني انا هأكلك فارس – لا لا كلي انتي انا هاخد وقتي *مهتمتش رهف لكلامه وبدأت تأكله وسط نظرات امجد السعيده بيهم وفارس المبسوط من اهتمامها بس مش فاهمها ولا فاهم التناقض اللي هي فيه* امجد – طيب يولاد انا رايح الشركه لو حصل حاجه يرهف رنيلي *هزت رهف راسها بإيجاب.. مشي امجد وكملت رهف اللي كانت بتعمله* فارس – خلاص مشي مفيش داعي تاكليني
رهف – ع فكره مبعملش كده عشان هو قاعد *سكت فارس وبعد شويه اتكلم* فارس – طيب انا شبعت الحمد لله.. كملي اكلك انتي بقا رهف – انا بردو كلت الحمد لله.. حاول تطلع لوحدك وانا هعملك القهوه واجي *طلع فارس الاوضه وشويه وطلعتله رهف بالقهوه* رهف – قهوتك فارس – تسلم ايدك رهف – انا حضرت الحاجه عشان اغيرلك ع الجرح *اتعدل فارس ف قعدته قربت منه وبدأت تعقمله الجرح وتغير عليه وبعد ماخلصت*
رهف – سلامتك فارس – الله يسلمك. *عدى بينهم اسبوعين وسط اهتمام رهف بيه وبجرحه مقصدش جرح راسه بس جرح قلبه كمان قربت منه اكتر وفهمته اكتر اعتنت بيه كأنه طفلها فك فارس غرزه وكان مستمتع بقرب رهف منه وبأهتمامها بيه نسته مريم ووجعه م اللي حصل اتصاحبوا اكتر وفهموا بعض بس نقارهم وخناقهم كان لسه مستمر* رهف – ولاا بقولك ايه ابعد عني احسن هكسرلك ايدك التانيه فارس – يبت انا عملتلك حاجه بقولك دي بوسة اصحاب بريئه يعني
رهف – بوسه وبريئه ازاي يعني اتلم يعم بقولك فارس بغمز – ولو متلمتش. رهف بغمز – هتزعل فارس – هتعرفي رهف – تحب تجرب فارس – لا محبش انتي مجنونه وعارفك. *بعد شويه من سكوتهم* فارس – رهف رهف – خير. فارس – هو انا لو قولتلك مش هطلقك هتعملي ايه بصتله رهف بعدم فهم – مش هطلقني ازاي يعني فارس – بعني مش هلتزم بالاتفاقيه اللي بينا ومش هطلقك
*اتوترت رهف ومكنتش لاقيه إجابه* رهف -…….. فارس -رهف انا بحبك *بصتله رهف بصدمه وعيونها وسعت وسرحت لدقيقه ورجعت راسها للارض تاني وهي متوتره وخجلانه عيونها قلقانه وخايفه لكن ملامحها مبسوطه .. مأنكرتش ان الفتره اللي فاتت كتر قربها منه هز قلبها وفشلت كل محاولاتها انه متتعلقش بيه لكنه حصل عجزت رهف عن الرد لكن فارس كان متابع ملامحها وتوترها وفهم بعض من اللي جواها فهم انها خايفه وعايزه ومش عايزه*
فارس بحب – انا مش عاوز ردك .. انا بس عاوزك تعرفي اني اتدهولت وعيونك سحلوني وبجد ايقنت اني عمري ماحبيت ف حياتي قبلك .. اللي عيشته معاكي مظنش هعرف اعيشه مع حد تاني ولو هعرف انا مش عاوز اعيشه غير معاكي انتي دخلتي حياتي وكان ف ايدك سعاده وراحه ولو مكنتيش ظهرتي ف حياتي كان زماني لسه مغشوش ف مريم.. ع قد مانا كنت متضايق عشان جدو غصبني عليكي ف انا دلوقتي عايز انزل اديله مليون بوسه عشان اكتشفت انك هديه افرح بوجودها مش اتضايق عشان دخلت حياتي
*رفعت رهف عيونها لفارس وكانت مليانه دموع* فارس – الله الله ليه كده بس يرهوفتي. رهف بلجلجه – بس انا خايفه فارس – مني رهف – مش بالظبط بس فارس – بس ايه *حطت رهف وشها ف الارض* فارس وهو بيرفع وشها – ع فكره انا مش غريب عشان تخبي اللي جواكي ولا انا بردو اللي هستغل خوفك بالعكس خالص انا بقولك بحبك يعني عمري مهأذيكي رهف- مش عايزه ينتهي بيا الحال زي امي خايفه الاختيار يكون غلط انا نفسي اعيش ده بس مش عارفه.
*مسك فارس ايديها محاوله منه انه يطمنها والمرادي سكتت رهف* فارس – بصي كده عندك 5 صوابع شايفه ان هما شبه بعض *بصتله رهف وهزت راسها بالنفي* فارس – بلاش ده يستي انتي حكتيلي عن باباكي وحكتيلي عن جوز عمتك هل هما شبه بعض رهف – لا خالص
فارس – طيب عرفتي بقا ان مفيش حد شبه التاني.. كلنا ف حياتنا ناس مؤذيه انا اهو لسه طالع من علاقه توكسيك ليه بقا مخوفتش وقفلت ع قلبي .. لأني متأكد ان انتي مش زيها انتي مش زي اي حد اصلا انا حبيتك بعقلي وقلبي ومدام دول اتفقوا يبقا الاختيار صح.. شوفيني بعقلك يرهف هل انا ممكن أأذيكي او اكون شبه باباكي *بصت رهف ف عيونه للحظات كان بيتكلم بصدق*
ضحك فارس وقال بمزح – انا عارف ان عيوني حلوه بس عايز إجابه رهف بتنهيد – لا .. بس النفوس بتتغير فارس – انا مبعرفش أأذي يرهف كنت أذيت مريم وخدت حقي مكنش حد هيلومني .. وحتى لو اتغيرت مش هتغير عليكي انتي .. يبت بقولك بحبك اقوم اصوت والم عليكي الناس عشان تصدقي رهف بضحك وهي بتمسح عيونها – لا *مسك فارس وشها بين كفوفه ومسح دموعها طبع بوسه ع خدودها وضمها لصدره و ع عكس الايام اللي فاتت سكنت رهف ف حضنه وحاولت تهدي ضربات قلبها*
فارس بهمس – فاكره يوم الحادثه لما نمتي جنبي رهف بخجل – اممم فارس – كنت صاحي قبلك بكتير ع فكره *بعدت رهف عنه بصدمه* رهف – بتهزر صح فارس يإبتسامه – تؤتؤ بأمارة لما كنت نايمه ف حضني .. معرفش انا ايه ده افرض انا مش عايز يعني فارس بضحك- خدي بس رايحه فين *قامت رهف جري ونزلت ع تحت* *نزل فارس وراها ولقاها بتحط الغدا* فارس – اي ده امال وفاء فين
رهف – استأذنت من جدو واخدت اجازه اسبوع فارس – امال مين عمل الاكل بصتله رهف بإبتسامه واسعه – انااا فارس وهو بيصطنع القلق – ربنا يستر بصتله رهف بقرف – دوق بس وبعدين ابقا اتكلم *انتهوا م الاكل* فارس – لا عاش الاكل تحفه رهف – اقل حاجه عندي فارس – طب يست الجامده ايه رايك لو روحنا دريم بارك رهف بفرحه – بجد فارس – بجد جدا *جريت رهف من قدامه وهي بتقول*
رهف – نص ساعه وهتلاقيني جاهزه *ضحك فارس ع طفولتها وطلع وراها.. خلصت رهف لبس وطلعتله* رهف – يلا فارس – طب البس انا كمان طيب رهف – اه سوري.. استنى اجبلك اللبس *جابتله رهف لبسه ولبسته التيشيرت وسرحتله شعره كعادتها من اسبوعين* رهف- خلاويص .. يلا بقا فارس – يلا يرهوفتي *ركبوا العربيه وبعد وقت كانوا وصلوا ونزلوا .. مسك فارس ايديها بصتله رهف بكسوف ومشيوا سوا.. بعد شوية لف ركبوا سوا اشتغلت اللعبه ولفت بيهم ف الهوا*
رهف بصوت عالي وضحك – فاااارس فارس بنفس تون الصوت – عيوووونه رهف – انا مبسوووطه اووييي *بصلها فارس بحب وهو بيضحك ومسك ايديها* رهف بصوت عالي – فااااارسس فارس بضحك و بنفس التون – قلببببه رهف بصوتها العادي – انا بحبك فارس بصدمه وفرحه – ايه .. قولتي ايه *بصتله رهف بحب وكسوف* رهف – بحبك فارس بضحك – قولي والمصحف انا مش بحلم صح .. نزلني يعمممم *ضحكت عليه رهف اما فارس مكنش مصدق اللي سمعه بعد شويه من ضحك فارس وقفت اللعبه شدها من ايديها ونزلوا للارض*
فارس بحماس – انتي قولتي ايه فوق رهف بضحك – انا!! مقولتش حاجه فارس – لا بالله عليكي قولتي ايه.. عشان خاطري رهف بتوتر – قولت بحبك *وسعت عيونه واتحرك حركات عشوائيه* فارس – اووووووف .. لا يلا نروح رهف – نروح ايه مركبناش الا لعبتين بسس مكملناش اليوم فارس – دانا اليوم عندي كده فل اووي.. اديني ثانيتين *مسك فونه وعمل حاجه* فارس – الو مريم مريم – ايوه يفارس
فارس – بقولك ايه كل اللي بينا انتهى اه وعشان منقعدش نرغي كتير انا عارف حقيقتك وبالنسبه لرهف انا بحبها بجد وجوازنا حقيقي وسلميلي ع محمد *قفل ف وشها السكه ورهف كانت بصاله بزهول* فارس لرهف – لالا متبصليش كده ده اللي كان لارم يحصل م بدري بلا انتقام بلا قرف المهم وجودك جنبي دلوقتي *مسكت رهف ف دراعه وقالت بلهفه* رهف – طب وديني البحر فارس – نروح البحر
*بعد شويه كانوا وصلوا للبحر ونزلوا قعدوا* فارس – دلوقتي اقدر ارد ع سؤالك اللي كل مره بتسأليه رهف – سؤال ايه فارس – جاي مبسوط ولا حزين رهف – اااه جاوب فارس – انا جاي مبسوط لدرجه اني عايز اوزع انبساط ع كللل الناس دي بصتله رهف بإبتسامه لطيفه – يارب دايما تفضل مبسوط *قضوا وقت لطيف سوا وكالعاده اخدوا صورتهم قبل مايمشوا والمرادي كانوا عارفين هما عايزين ايه*
*روحوا البيت متأخر وكان امجد نايم طلعوا ع اوضتهم غيروا واتجهوا ع سريرهم* فارس – انا بجد مش مصدق اللي بيحصل .. رهف اللي لو كنت لمست ايديها بس تلم عليا الناس نايمه جنبي برضاها عادي كده *ضحكت رهف بكسوف وسكتت .. شدها لحضنه وحاوطها بإيده*
رهف بهمس – انا مطمنه بيك.. لما حضنتني يوم كتب الكتاب انا كنت حاسه بأمان محستهوش ف حضن ابويا ولما انا حضنتك يوم الحادثه كل قلقي وخوفي راح عارف احساس ان انت طول حياتك هربان ولقيت حد يحتويك ويطمن قلبك ويكسر خوفك انت عملت كده كنت دايماً بتطمني من غير ماتقصد كان لازم احبك انا فعلا لقيت فيك كل اللي اي حد يتمناه بس طبعا انت مش لأي حد غيري هااا
*شدد فارس ع حضنها اكتر* فارس – انا مش عارف ارد ع اي كلمه م اللي قولتيهم بس انا حاسس بقلبي الفرحه حرفيا مش سيعاه هلخص كل ده ف بحبك يرهوفتي وجدااااا رهف بمزح – بحبك يفروستي .. كفايه اني كنت حطام وانت بقا رممت حطامي .♥️ ____________________________ نهيناهااا بسعاده 🫶🏻🌚 ممنونه جداا لتشجيعكم وكلامكم القمر وبصمتكم اللطيفه اللي سبتوها ع كل بارت وبجد مظنش هلاقي اصحاب لطاف زيكم كده مهما نزلت 100 روايه حلوه شكراا جداااااا م كل قلبي لكل حد شجعني بكلمه حلوه ♥️🥹
نلتقى ف روايه اخرى🌚💗 مُنيره سيف .♥️📌