كنت عايشه مع خالتى

كنت عايشة مع خالتي من وأنا طفلة صغيرة بعد وفاة أمي وأبويا في حادثة، وفضلت معاها لحد ما بقى عندي ٢٥ سنة كاملين، كانت هي الأم والأب وكل حاجة ليا في الدنيا، لدرجة إن أولادها كانوا بيغيروا مني لأنها كانت بتعاملني معاملة خاصة جدًا بعيدا عنهم.. ياما حاولوا يمشوني ويعملوا فيا مقالب صعبة بس خالتي كانت حاطة شرط قاسي أوي، إني يوم ما همشي من الشقة هي هتمشي معايا، وانهاردة بس خالتي مشيت من الشقة، بس مشيت لدار الحق، وكنت عارفة إن بعد مراسم العزاء أول حاجة هتتعمل هي طردي من الشقة وكفاية عليا أوي كدا..ش

عشان كدا جمعت حاجتي كلها وجمعت المبلغ اللي خالتي ادتهوني من فلوس كانت بتحوشها ليا عشان أقدر استأجر شقة وأعيش فيها لأنها كانت على يقين إني مش هكمل بعد وفاتها، وفعلًا بناتها لما لقوني جمعت حاجتي ضحكوا وأنا مستنتش لحظة واحدة ومشيت من المكان كله..

وربنا أكرمني وخدت شقة كويسة في مكان شعبي أعيش فيها ودفعت إيجار ٣ شهور وبدأت أشوف حياتي هتمشي ازاي بعد ما بقيت لوحدي تمامًا، اشتغلت أكتر من شغلانة بس للأسف كنت بمشي منهم بسرعة، مرة حد يعتدي عليا، مرة أحس بالقلق من صاحب الشغل، مرة اتهان بدون أسباب، وبدأت أشوف الدنيا قاسية أوي ومبقتش عارفة هروح فين ولا ممكن أعمل أيه في حياتي..

لحد ما جتلي زيارة قاسية أوي من بنات خالتي، وقالولي إنهم عرفوا إني خدت مبلغ من خالتي قبل موتها وإن ده حقهم، وهددوني لو مرجعتش الفلوس أو اللي باقي منها هيأذوني، وواحدة منهم كان جوزها محامي قالي إنه هيعملي محضر ويحبسني، بكيت قدامهم يمكن يرحموني بس كنت شايفة شياطين قدامي، قلتلهم إني دفعت منهم ٣ شهور إيجار وصرفت منهم، قالولي أجيب الباقي وهيسيبوني في حالي..

فعلًا رجعتلهم الباقي واتفاجئت إني مش معايا أي فلوس أعيش منها، وكمان شهر واحد وهبقا مطالبة بعد كدا بدفع الإيجار، وفضلت أجري وأدور على شغل لحد ما واحدة دلتني على شغل في كوافير بيدفع مبالغ كويسة ومش شرط خبرة..

جريت على هناك في نفس اليوم وقابلت صاحبة الكوافير، ست كبيرة وتحس إنها سرحانة ومش مركزة في كلامها وبتتكلم بصعوبة، أول ما شافتني وافقت بيا واتفقنا على مبلغ كويس أوي، وفعلًا بدأت شغل معاها ومع بنتين كمان معاها، عرفت إن الشقة اللي فوق الكوافير بتاعت الست وعايشة فيها، وعرفت إن الست مريضة نفسيًا ومش متزنة بس شهادة لله كانت بتتعامل باحترام كامل معانا..

ومن وقت للتاني أثناء الشغل كنت بلاحظ إن الست بتكلم نفسها، بتركز مع الفراغ، وأوقات كتير كانت بتبص بسرعة ناحية مكان ما وكأنها شايفة حاجة بتجري أحنا مش شايفنها، البنات كانوا بيشتغلوا ٥ أيام وأنا طلبت اشتغل ٧ أيام كاملين لأني فعلًا محتاجة الفلوس بسبب الإيجار اللي عليا وكمان كنت بتعالج من تعب مستمر في بطني وبحتاج أدوية باستمرار.. وكنت بحاول فوق الشغل أراعي الست واهتم بيها وتحديدًا في اليومين اللي كنت ببقا فيهم لوحدي في الكوافير وأوقات كتير كنت بطلب منها تطلع ترتاح في شقتها وأنا اهتم بالكوافير والزباين والفلوس، وكانت بتسمع كلامي فعلًا وتطلع شقتها..

ومع الأيام بدأت تثق فيا وتحكي معايا، وكانت بتقولي إنها محتاجة حد يعملها أكل لأنها مريضة وينضفلها شقتها ويهتم بيها، وبدون تفكير قولتلها إني ممكن أعمل كدا، ولما عرفت ظروفي والإيجار الكبير اللي بدفعه عرضت عليا أعيش في الشقة اللي فوق الكوافير لأنها هتقعد فترة مع أختها ومش عايزة تكون الشقة فاضية وكمان مش هتاخد مني أي إيجار، فضلت أفكر بس مدتنيش فرصة وخلتني فسخت عقد الإيجار وطلعت الشقة نضفتها وسكنت فيها في يوم وليلة..

وكمان بقت بتديني أجازات وراحة كتير من وقت للتاني وبقت بتزود مرتبي وبتديني مكافآت كتير، لدرجة إني حسيت إن الدنيا أخيرًا ضحكتلي تاني، وكان اهتمامها الوحيد إني مسبش الشقة أبدًا مهما حصل وأهتم بالكوافير في اليومين اللي البنات بياخدوا فيهم أجازة، وكدا كدا هما يومين مبيجيش فيهم زباين غالبًا لأنهم في نص الغاسبوع والشغل بيكون هادي تمامًا..

لحد ما في يوم كنت لوحدي في الكوافير ودخلت عليا بنت وقعدت على الكرسي واتفاجئت بيها مرة واحدة، ابتسمت بهدوء وسألتها عن طلبها لكنها شاورت على شعرها وفهمت إنها عايزة تعمله استشوار بطريقة معينة، وفعلًا بدأت أشتغل وأسرّح شعرها لكني اتفاجئت بجرح في راسها لسة حي، لدرجة إني أول ما لمسته لقيته بيجيب دم..

اتوترت جدًا وطلبت منها تستنا لحد ما أطلع أجيب شاش وقطن وأغيرلها على الجرح، وطلعت فعلًا جبت الحاجات وأول ما رجعت ملقتهاش، البنت اختفت، وكل اللي سابته بقعة دم على الكرسي، مسحت الدم من على الكرسي وفضلت شاغلة بالي غصب عني لحد ما اليوم انتهى، ولما طلعت الشقة اتفاجئت بحاجة غريبة أوي..

شوفت بقعة دم شبه البقعة اللي كانت على الكرسي، ولكنها كانت على السرير، حسيت بخوف غير طبيعي وبدأت أفتش عن البنت أحسن تكون طلعت ورايا لكن الشقة كلها كانت فاضية، فضلت متوترة لحد وقت النوم وفين وفين لما قدرت أنام، بس مسافة ما نمت بدأت أسمع صوت بكاء غير طبيعي، قمت من نومي مخضوضة لقيت واحدة واقفة بتبكي قدام السرير بتاعي..

حسيت برعب غير طبيعي وفتحت النور لقتها نفس البنت اللي كانت في الكوافير ومجروحة، اتكلمت بتوتر وسألتها عن سبب وجودها في البيت لقتها سابتني ومشيت، قمت أجري وراها لقتها دخلت الحمام وفضلت تعيط، قربت منها بخوف لقتها بتشاورلي على البانيو بتاع الحمام ولقيت عليه بقع دم كتير أوي، ولقيت جمب البانيو شاكوش قدايم كنت شوفته تحت السرير من فترة، مسكت الشاكوش بخوف ومبقتش عارفة أعمل أيه، ومسافة ما سهوت عنها لحظة بصيت تاني ملقتهاش، قمت أجري أدور عليها في الشقة كلها ملقتهاش..

رجعت وأنا مرعوبة وبدأت أضرب على البانيو لحد ما اتخلع بسهولة، وتحت منه لقيت فراغ كبير وجثة، جثة متحللة، مستنتش لحظة وجريت على المركز وبلغت والظابط مسبنيش وخد قوة من القسم وجه معايا وهناك كانت الجثة في مكانها، قبضوا على صاحبة الكوافير واعترفت إنها مشتركة في  البنت دي..

صاحبة الكوافير كانت بتشغل بنات عندها وكمان كانت بتطلعهم شقتها وتأجرهم لزباين رجالة وبفلوس كتير، لحد ما شغلت البنت دي معاها وأكتر من حد طلبها لكن البنت رفضت تمامًا حد يقرب منها وسابت الشغل، والست استدرجتها ورجعتها الشغل وطلعتها شقتها بالحيلة واعتدوا عليها عشان يصوروها وتقبل تشتغل معاهم، لكن البنت صرخت وقاومت وكانت هتفضحهم فضربوها على راسها وماتت قدام عنيهم، فدفنوها تحت البانيو..

وفضلت صاحبة الكوافير تعاني من رعب مالوش أول من آخر هو اللي خلى حالتها كدا، لحد ما واحد دجال قالها لو بنت تانية سكنت شقتك فترة الرعب هيختفي من ناحيتك، عشان كدا سكنتني مكانها لكن يشاء ربك اكتشف كل حاجة وأبلغ عنها..

يمكن خسرت أكل عيشي بس مزعلتش، وحمدت ربنا إني حافظت على نفسي لحد انهاردة، ودعيت للبنت اللي دفعت حياتها عشن تحافظ على شرفها، لأن شرف البنت غالي أوي، أغلى حتى من حياتها، وأنا واثقة إن ربنا هيكرمني في مكان تاني أحسن من ده وإن كل اللفة دي والمرمطة كانت لحكمة وعشان أجيب حق البنت المسكينة دي واتعلم أهم درس في حياتي، شرف البنت أغلى من كنوز الأرض كلها..شهدت أسعار الذهب تراجعاً ملحوظاً على المستويين العالمي والمحلي، حيث انخفضت الأونصة بمقدار 81 دولاراً والجرام في مصر بنحو 100 جنيه، ويرجع ذلك إلى ارتفاع الدولار الأمريكي، ويتوقع الخبراء أن يشهد السوق مزيداً من

التقلبات في الفترة المقبلة. . #الذهب #أسعار_الذهب #اقتصاد