في ايه يا حبيبتي صوتك جايب لاخر الدنيا ” مقدرتش ارد عليها و رجعت اقعد تاني.. قفلت الباب وجات تقعد جنبي ايه اللي حصل يا حبيبتي.. انتي اتخانقتي أنتي ويوسف؟ ” بصيت على التليفون اللي كان في الأرض وهي اخدت بالها منه.. شالته من الارض وبدأت تقرأ اللي فيه.. ياابن الجز*مة!!.. انا عارفة والله يا حبيبتي من الأول انه عيل مش بتاع جواز.. انا عارفاه عشان كدا كنت رافضة جوازك منه،، معلش يا حبيبتي بس دا درس ليكي عشان تتعلمي.. تعالي في حضني
” كانت لسة هتحضني بس انا بعدت عنها وبصيتلها بنظرة شك متستغربيش يا حبيبتي انا في النهاية زي امك ويهمني امرك.. مش معنى انك انفصلتي انتي وابني يبقا اسيبك ومليش دعوة بيكي.. تعرفي اني كان نفسي اخلف بنت بس ربنا ما ارادش وخلفت حازم.بس من ساعة ما شوفتك اعتبرتك زي بنتي بالظبط ” خدتني في حضنها و بدأت تطبطب عليا.. الدموع زادت وبدأت اعيط أكتر اهدي يا حبيبتي.. هو ميستاهلكيش،، دا أنتي جوهرة تستاهلي راجل جدع يحافظ عليكي ويشيلك جوا عنيه،، بس يا حبيبتي اهدي متعيطيش
” جرس الباب رن.. سابتني وقامت تفتح وسمعت صوت حازم اللي لقيته دخل بعدها ب ثواني واتخض لما شافني يا نهار ابيض ايه اللي حصلك دا يا ريهام ” بصيتله ومردتش عليه.. بس امه ردت مكاني كان عندك حق يا حبيبي.. الواد طلع نصاب فعلا و طلقها = طلقها!!!،، حسبي الله ونعم الوكيل.. انا والله يا امي كنت عارف من الاول مصدقاك يا حبيب ماما.. انا بس صعبانة عليا ريهام متستاهلش كدا خالص
= احنا مش هنسيبها يا ماما.. هنفضل جنبها ” ساعتها بصتله.. سكت شوية وبعدها كمل كلامه ايوا يا ريهام هنفضل جنبك مش هنسيبك أبدا والبيت دا بيتك مش هتسبيه،، هتفضلي قاعدة فيه لحد ما تقفي تاني على رجلك ” قرب مني أكتر وقالي صدقيني هترجعي احسن من الأول وانا جنبك لو محتاجة مني اي حاجة يا ريهام قولي.. انا لسة بحبك ومش هسيبك والايام هتثبتلك اني مكنتش وحش أوي كدا زي ما كنتي شايفاني
” بعدها نزل هو و امه وانا فضلت لوحدي.. كنت عاملة زي التايهة مش عارفة افكر.. مفيش حاجة في دماغي غير كلامه ليا ووعوده بأنه عمره ما هيسيبني.. راح فين كل دا ،، معقولة خدعني بكلامه ، طب نظرة عنيه كانت برضو كدب ، ممكن تقول اني معيشتش معاه كتير يخليني ازعل اوي كدا بس بالنسبالي انا كأني عيشت معاه سنين.. دخلت اوضتي اترميت على السرير ونمت.. كان هو الحل الامثل ليا دلوقتي.. صحيت متحركتش من على السرير كنت حاسة ب دوخة وصداع شديد جدا.. قومت بصعوبة و اخدت مسكن و رجعت السرير تاني فضلت قاعدة لحد تاني يوم الصبح..
مكنش جايلي نوم لحد الساعة 12 الضهر لقيت جرس الباب رن.. قومت فتحت لقيت حازم واقف وشايل صنية في ايده ايه دا = خليني ادخل الاول.. الحاجة هتقع مني ” رجعت ل ورا وهو دخل.. قفلت الباب و دخلت لقيته حط الصنية على السفرة ايه دا يا حازم = فطار.. انا قولت اكيد مش هتقدري تعملي لنفسك حاجة وممكن تكسلي ف عملتلك انا بنفسي ” ابتسمت ابتسامة خفيفة شكرا يا حازم تعبت نفسك بس انا مش جايلي نفس للاكل
= والله ازعل دا انا واقف بقالي ساعة عشان اعملك الاكل دا وبعدين مش كنتي دايما تقوليلي نفسي تعملي فطار زي المتجوزين وتجيبه ليا لحد السرير.. اينعم احنا مش متجوزين ولا في سرير بس الفطار موجود اهو الحمدلله ” ابتسمت يلا بقا عشان تفطري.. شكلك مكلتيش حاجة من امبارح #بقلم : #عمرو راشد ” قعدت وهو قعد قدامي.. مكنش ليا فعلا نفس لاي حاجة بس هو بدأ يعملي سندوتشات ويحطهم قدامي في الطبق
اظن دلوقتي هتاكلي بقا عشان أكتر من كدا هأكلك انا بنفسي ” قطمت قطمة صغيرة من السندوتش بس كدا انا اطمنت عليكي.. هسيبك بقا تفطري براحتك ” نزل وانا رجعت قعدت على السفرة تاني.. مسكت السندوتش وبدأت آاكل بس سمعت تليفوني بيرن.. قومت و رديت كانت امي ايوا يا ماما = ايه اللي انا سمعته دا ايه؟ = هو صحيح طلقك؟ ” سكت ومردتش.. وهي تقريبا فهمت ف كملت كلام
معلش يا حبيبتي.. انتي تستاهلي أحسن منه بكتير.. بصي يا ريهام انا راجعت نفسي و راجعت كلامك اللي أنتي قولتيه.. اكتشفت انك معاكي حق يا بنتي.. انا فعلا قسيت عليكي كتير وكنت متحكمة بزيادة بس والله يا حبيبتى انا ما اتمنى حاجة من الدنيا غير اني اشوفك سعيدة في حياتك سواء كان مع حازم او مع غيره.. حتى لو مكنش حازم هو اللي جه اتقدملك.. انا عايزة اشوفلك حد مناسب،، حد ترتاحي معاه.. خايفة عليكي من كلام الناس.. الناس مبترحمش يا ريهام ولا انا اترحمت بعد ما ابوكي سابنا.. عشان منفتحش في حاجات قديمة..
انا كل اللي عايزاكي تعرفيه اني امك اللي عايزالك الخير دايما وبس = و انا بحبك أوي وعارفة انك تعبتي بعد ما بابا سابنا عشان كدا مقدرش ازعل منك.. ربنا يخليكي ليا وكفاية عليا مكالمتك دي تنسيني كل زعل الدنيا ممكن بكرا اجيلك كمان = تنوري يا امي في اي وقت
” حتى لو حصل خلافات بينا هتفضل امي هي السند الوحيد ليا في الدنيا اللي مقدرش اعيش من غيرها.. عدا أسبوع والحال مستمر.. مكنش في اي حاجة غير حازم و اهتمامه بيا.. حرفيا كان كل شوية يطلعلي.. مرة فطار ومرة غدا ومرة حاجات حلوة.. كان عايز يخرجني من الزعل دا بأي طريقة،، حتى دلوقتي هو عندي والمرادي جايب اكل وفاكهة كتير جدا بس دا كتير يا حازم = خلصيهم انتي بس وهتلاقي عندك زيهم
شكرا يا حازم انا بجد تعباك معايا أوي = متشكرنيش يا ريهام انا مستعد اعمل اي حاجة عشانك كفاية اللي انت بتعمله = مش كفاية اي حاجة.. قولتلك الايام هتثبتلك انك كنتي غلطانة في حكمك عليا بس انا مش زعلان منك.. انا بس عايزك تعرفي ان انا أكتر واحد في الدنيا ممكن يحبك ويعملك كل اللي أنتي عايزاه ” كنت مبتسمة وأنا بسمعه لحد ما هو سكت وبص ليا باستغراب
هتفضلي ساكتة؟ = ماانت عارف مبعرفش ارد على الكلام دا جايز عشان قدامك = جايز طيب انا هنزل وابقي ابعتيلي رسالة ردي فيها عليا = ممكن اتأخر فيها شوية دي استناكي العمر كله ” اتكسفت وبصيت في الارض طب حيث كدا همشي انا بقا ” مشي وانا قفلت الباب وراه.. يارب اللي في بالي ميكونش صح ويكون قلبي بيدق من الخوف أو التوتر أو أي حاجة غير اللي في بالي
” نزلت من عندها و ركبت عربيتي وفضلت ماشي لحد ما وصلت مخزن قديم كنت شاريه من فترة عشان اخزن فيه بضاعة.. دخلت وكانت امي واقفة.. بوست ايدها كل حاجة ماشية زي ماانتي عايزة بالظبط يا امي = برافو يا حبيب ماما حاسس ريهام بدأت تحبني تاني = ماهو دا اللي لازم يحصل يا حازم.. لازم ريهام تحبك وتمو*ت فيك كمان هيحصل يا ماما ” امي بصت وراها ولا ايه يا يوسف
” كان متعلق ومربوط ب جنازير.. ووشه مليان كدمات وجروح كتير جدا لدرجة ان ملامح وشه مش باينة.. امي قربت منه قولتلك متلعبش معايا اللعبة دي.. استفادت ايه،، شايف وصلت نفسك لفين.. اللي حصلك دا يا حبيبي الجزء الأول.. لسة بقا الجزء التاني بس دي مرحلة ممكن منوصلهاش الا لو طلقت ريهام رسمي!! #عمرو_راشد #لا_تخبري _زوجك 6 #يتبعاللي حصلك دا يا حبيبي الجزء الأول.. لسة بقا الجزء التاني بس دي مرحلة ممكن منوصلهاش الا لو طلقت ريهام رسمي
” يوسف بص ليها وهو مش قادر ينطق اسمع كلامي يا يوسف.. اسمع كلامي عشان تكسب،، على الاقل عشان تعيش يا حبيبي.. انا لو ضغطت عليك شوية كمان هتمو*ت ف ليه بقا تتعبنا وتتعب نفسك ” نظرة الش*ر كانت هي الحاجة الوحيدة اللي باينة في عنيه اتفووو ” امي مسحت وشها و زعقتله اسمع يالاا.. انا ممكن اقت*لك دلوقتي ومحدش هيحس بيك وساعتها ريهام هتبقا ارملة ومش هنحتاج منك تطلقها.. اوعا تكون فاكر انك كدا بتلوي دراعنا،، انت لسة متعرفنيش بس ماشي هسيبك تفكر تاني
” كان واقف جنب يوسف اتنين رجالة.. امي شاورتلهم وقالت العشا بتاعكو جاهز يا رجالة.. مش عايزاكو تحرموه من حاجة ” امي مشيت وشاورتلي اروح وراها بس قبل ما امشي روحتله وقولت انا لولا ان ماما مش عايزة تقت*لك دلوقتي.. انا كنت خلصت عليك من بدري ” مردش عليا و اكتفى انه يبصلي بس.. سيبته ومشيت ورا ماما.. خرجت برا لقيتها مستنياني انت عملت ايه مع ريهام = كل حاجة ماشية كويس
انا قصدي الموضوع اللي متفقين عليه = عيب عليكي يا ماما.. انا عارف بعمل ايه كويس برافو حبيب ماما.. بكرا ريهام دي تبقا بتاعتك ومحدش يتجرأ ياخدها منك ” عدا أسبوع كمان مكنش في حاجة شاغلاني غير حازم واللي بيعمله.. هل انا فعلا ظلمته ولا هو كان يستاهل مني فرصة يثبت انه ممكن يتغير بس هيتغير ازاي وامه مسيطرة عليه كدا.. خايفة لو رجعتله يرجع تاني زي الاول.. انا ايه اللي انا بفكر فيه دا،، انا ازاي نسيت يوسف بالسرعة دي ، قلبي بين نا*رين وعقلي مشتت وخايفة اغلط.. سمعت جرس الباب رن قومت فتحت لقيتها امي
عاملة ايه يا حبيبتي = الحمدلله طمنيني عليكي أنتي انا بخير يا حبيبتي.. كنتي قاعدة بتعملي ايه = مفيش كنت سرحانة شوية سرحانة ف ايه = في اللي حصلي هيكون ف ايه يعني وهو ايه اللي حصلك يا حبيبتي.. ماانتي زي الفل اهو = انا بقيت تايهة يا ماما.. بقيت مش عارفة افكر ولا آاخد قرار انتي اللي عملتي في نفسك كدا يا ريهام = عملت ايه الواد اللي أنتي اتجوزتيه دا.. مكنش ليها أي لازمة تعملي كدا.. يا حبيبتي دا ام حازم قالتلي انه عيل من الشارع يعني منعرفش عنه حاجة
= كفاية اني كنت مطمنة معاه يا ماما تاني هتقوليلي الكلام دا.. حبيته واطمنت وانا معاه ،، وكان مالو حازم يا ريهام؟ = حازم كان بعيد عني.. مش شبهي في اي حاجة والواد دا هو اللي كان شبهك؟ ” سكت ومردتش عليها.. مكنش في فايدة اني أحاول اقنعها باللي في دماغي وهي مصممة على رأيها حازم راجل يا ريهام وكفاية انه لسة مقعدك في بيته حتى وانتي مش على ذمته
= بس ماشي ورا امه و امه دي كانت عملتلك ايه؟.. شوية خلافات وبتحصل في اي بيت،، يعني عايزة تفهميني انك لو كنتي كملتي مع الواد اللي بتحبيه دا مكنتوش هتتخانقو؟ = مش عارفة اي بيت بيحصل فيه خناقات يا حبيبتي.. مش عشان حصلت خناقة نهد البيت.. فوقي وراجعي نفسك قبل فوات الأوان يا حبيبتي
” بعد ما امي مشيت انا بقيت في حيرة اكتر.. انا بس نفسي اشوفه او اعرف منه عمل كدا ليه،، اصل هو لو مش بتاع جواز كان قالي من الأول لكن ليه يضحك عليا ويوهمني انه بيحبني وبعدين طب ماهو انا كدا لسة على ذمته.. مفيش ورقة رسمي تثبت اني اتطلقت.. الموضوع فيه حاجة غلط #بقلم : #عمرو راشد ” روحت المخزن.. دخلت لقيته لسة متعلق ايه يا يوسف.. اوعا تكون محتاج حاجة؟،، انا موصي محدش يحرمك من اي حاجة
” رفع راسه وبص ليا كانت الكدمات زادت في وشه أكتر لدرجة ان عينه اليمين ورمت وقفلت تماما واضح ان الرجالة ايديها كانت تقيلة شوية ” قربت منه ماهو انت اللي مش عايز تسمع الكلام يا يوسف.. ريحنا و ريح نفسك يااخي دا انت عنيد جدا بصراحة يعني ” كان بيتنفس بصعوبة ولكنه نطق وقالي ابقا خلي رجالتك تنشف شوية.. ايدهم ناعمة زي النسوا*ن ” بلع ريقه وكمل ولا هتقولهم ازاي.. نسيت انك تربية نسوا*ن و ايدك اطرى منهم يا زمزومي
” وبدأ يضحك.. اضحك يا يوسف.. اضحك أكتر عشان اللي جاي هيكون تقيل وهيخليك تعيط بدل الدموع د*م ” زعقت للرجالة اللي كانت واقفة انا عايزكو تبسطوه على الاخر.. عايزه يمو*ت من الضحك وياريت تشدو عليه شوية عشان بيقول عليكو نسو*ان.. وروني بقا هتعملو فيه ايه ” مشيت وسيبتهم معاه.. بس وانا ماشي سمعته بينادي عليا حازم ” وقفت وبصتله.. ضحك وقال سلملي على امك
” خرجت وانا متعصب جدا مكنتش شايف قدامي.. ركبت العربية ومشيت.. وانا راجع البيت جيبت اكل وعصير ل ريهام.. جيبتلها كل الاكل اللي بتحبه عشان أحاول ارجعها ليا تاني وانسيها يوسف دا نهائي.. وفعلا جيبته و روحتلها اتعشيتي = لا لسة طب يلا جيبتلك الاكل ” خدت مني الاكل وانا واقف على الباب وبعدها بصتلي ب استغراب ايه مش هتدخل؟ = لا انا هنزل عشان ماما مستنياني هناكل سوا لا عشان خاطري يلا.. مش معقول هتجيبلي اكل لحد البيت وتمشي يعني
= لا عشان تعرفي تاكلي براحتك وبعدين بقولك ماما مستنياني.. هسيبك انا بقا يلا باي ” نزلت عند امي.. فتحت الشقة و دخلت لقيتها قاعدة في الصالة وحاطة رجل على رجل مساء الخير يا ماما = مساء النور يا عيون ماما مالك قاعدة كدا ليه ؟ = مستنياك هو في حاجة ولا ايه؟ = انت كنت عند البت دي بتعمل ايه كنت جايبلها اكل = ليه ان شاء الله عادي يا ماما وبعدين مش دا كلامك اصلا.. انتي اللي طلبتي مني ابقا انا المسؤول عن أكلها وشربها
= مظبوط فلاش باك انت بتحب البت دي يا حازم = أوي يا ماما.. بحبها أوي ولو قولتلك اني ممكن ارجعهالك تاني = ياريت بس ازاي بس بعد ما اتجوزت الواد دا بسيطة احنا هنشيله خالص من الصورة عشان المكان يفضالك يا حبيبي وبعدها بقا انت وشطارتك = هنشيله ازاي سيبها عليا دي = بس انا خايف متقبلش ترجعلي تاني ماهو عشان كدا لازم تملكها كويس.. لازم تخليها متعرفش تستغنى عنك
= اعملها ازاي دي ” طلعت حبوب وحطتها قدامي على الترابيزة ايه دا يا ماما = الحبوب دي هتحطها في اي حاجة هي بتشربها أو أي نوع اكل هحطها ازاي برضو.. دي حبوب = و هي الحبوب دي مش ممكن تسيحها يا حازم لحد ما تبقا بودرة.. ركز معايا شوية عشان الموضوع دا محتاج دماغ صاحية حاضر = خد الحبوب دي خليها معاك و متستخدمهاش غير لما اقولك حاضر بس الحبوب دي بتعمل ايه يعني.. انا مش عايز اعمل حاجة تضرها
= لا يا حبيبي احنا مش هنضرها.. احنا بس هنخليها معانا علطول عشان بعد كدا متسيبناش وتمشي بااك طب ووصلت ل ايه دلوقتي = متقلقيش يا امي.. خطوات بسيطة و ريهام هتبقا ملكي طول العمر جدع يا حبيب ماما ” عدا أكتر من اسبوعين وانا مواظب على الجرعة بتاعتها لحد ما خلاص اتأكدت انها أد*منت وكان اكبر دليل ليا لما سيبتها يومين من غير ما احطلها الجرعة في اي حاجة وروحتلها بعدها عشان اطمن عليها.. فتحتلي الباب وكان شكلها متغير تماما.. شكلها متبهدل كأن دي مش ريهام اللي انا اعرفها
مالك يا ريهام = مفيش تعبانة شوية تعبانة من ايه = قولت تعبانة يا حازم.. خلاص بقا كفاية أسئلة طب انا معايا حاجة هتريحك شوية ” طلعت علبة الحبوب من جيبي و فتحتها طلعت حباية ومديت ايدي بيها امسكي دي هتريحك ” خدتها مني بدون تفكير بعدها سندت دماغها على الكنبة.. قربت منها وهمست في ودنها دلوقتي هترتاحي أوي
” بدأت اقرب منها اكتر و ابو*س فيها وهي كانت في عالم تاني لحد ما نامت على الكنبة وانا قل*عت كل هدومي وبدأت اكمل.. خلصت ونمت،، صحيت على صوت تليفوني وهو بيرن كانت هي نايمة جنبي.. قومت لبست و خدت تليفوني وخرجت برا و رديت.. كان رضا واحد من الرجالة اللي سايبهم مع يوسف ايه في ايه = يا باشا احنا بقالنا هنا كتير و داخلين على شهر وانت مال اهلك.. انت مش بتاخد حقك يبقا متفتحش بوقك
= يا باشا انا خايف على الواد اللي معانا دا يمو*ت ونروح في داهية لا متقلقش.. خلي بالك منه انت بس و اوعا يحصله حاجة.. الواد دا لو ما*ت انا هخلص عليك انت واللي معاك ” قفلت معاه ولسة هرجع الأوضة لقيتها واقفة في وشي هو مين دا يا حازم = مين ايه انت تعرف مكان يوسف = سيبك من يوسف وتعالي معايا انت تعرف مكانه صح؟ = قولتلك انسي يوسف دلوقتي
” لقيتها جريت و دخلت الأوضة عشان تلبس انتي رايحة فين = انا هبلغ يا حازم.. هبلغ انك انت اللي خا*طفه طيب روحي بس ساعتها مش هتاخدي مني أي حاجة ” طلعت علبة الحبوب وحطيتها قدامها دي تنسيها خالص وتنسيني انا كمان ” قعدت على السرير وبدأت تعيط.. روحت وقعدت جنبها بصي يا حبيبتي لو عايزة ترجعي ل يوسف انا معنديش مشكلة بس يوسف مش هيعرف يريحك زيي.. انا اللي عارف أنتي محتاجة ايه وعشان كدا لازم تنسي يوسف خالص يإما هزعل منك وانا زعلي وحش ومش هتحبيه
= حاضر ” في نفس اللحظة تليفوني رن.. كان صلاح ، رديت عليه وصدمني باللي قاله الحق يا باشا.. الواد هرب!! #عمرو_راشد #لا_تخبري_زوجك 7 #يتبعالحق يا باشا.. الواد هرب = انت بتقول ايه الله يخربيت ابوك.. بتقول ايه!! احنا ضر*بنا عليه نار واتصاب في دراعه بس قدر يهرب = اقفل.. اقفل واهرب من عندك انت واللي معاك ” اتنفضت من مكاني وجريت على باب الشقة ونزلت بسرعة على شقة امي.. فتحت و دخلت وبدأت ازعق انادي عليها
ماما.. يا ماما انتي فين = انا اهو يا حبيبي في ايه البسي بسرعة احنا لازم نمشي من هنا = نمشي ليه.. ايه اللي حصل يوسف هرب = هرب!!.. هرب ازاي الله يخربيتك مفيش وقت نتناقش.. يلا البسي بسرعة = ما تقف على بعضك كدا و انشف شوية و احكيلي حصل ايه انا لقيت صلاح بيكلمني وبيقولي انه هرب منهم بس بيقول انه مصاب ب طل*قة في دراعه = طيب يعني هو دلوقتي شبه مي*ت.. خايف من ايه بقا؟
يوسف لو شاف حد فينا هيقت*لنا يا ماما.. اللي عملناه فيه مش شوية = يا حبيب ماما انا عاملة حساب لكل حاجة.. انا ممكن انزل دلوقتي اعمله محضر واجيب شهود انه اته*جم عليا وعايز يقت*لني وانتي فاكرة ان محضر هيخليه يقف وميعملش حاجة = حبيبي انا ممكن ب طلقة واحدة اخلص عليه.. يوسف اللي انت خايف منه دا دلوقتي مش قدامه كتير في الدنيا طب قوليلي هنعمل ايه دلوقتي = ولا اي حاجة.. احنا هنروح نقعد في شقة تانية لحد ما نشوف هيحصل ايه
و ريهام؟ = ما تتحر*ق ريهام.. دي بت مد*منة عايز منها ايه يا ماما انا بحبها = يا حمار افهم.. ريهام دي هي اللي هتجيبلنا يوسف لحد عندنا.. لازم نسيبهاله طب يلا
” يعني يوسف كل دا كان مخطو*ف.. يعني ممكن ميكونش طلقني بجد.. انا مش مصدقة اللي انا فيه،، حاسة اني بحلم.. لقيت قدامي علبة الحبوب بتاعت حازم وواضح انه نسيها.. قومت فتحتها وخدت منها حبايتين.. رجعت ل ورا ووقعت السرير ونمت.. فوقت على صوت خبط شديد جدا على الباب.. قومت مفزوعة وجريت بسرعة فتحت الباب لقيته قدامي.. صرخت من منظره.. كان وشه تقريبا متشوه و بينزف.. كان ماسك دراعه وواضح انه مصاب فيه.. دخل الشقة وبدأ يدور يمين وشمال بعدها رجعلي وقالي
هو فين؟ = هو مين دا ” قرب مني وقالي حازم فين؟ = نزل.. كان عندي ونزل،، هو مش تحت
” هز راسه بالنفي.. بعدها مشي خطوتين بالعدد ناحية باب الشقة ووقع على الأرض.. جريت عليه بسرعة بدأت أحاول اسنده.. كان الموضوع صعب أوي عليا بس حاولت بكل قوتي لحد ما قدرت اخليه يقوم و ينام على الكنبة.. بعدها جريت على الحمام وجيبت شاش وقطن وكل الاسعافات اللي عندي وبدأت اعالجه.. كان مفيش مكان في وشه مفيهوش جر*ح.. كان منظره صعب أوي.. كنت بعيط ومنهارة عليه.. شيلت التيشرت اللي كان لابسه لقيت جسمه مليان علامات زرقا وفي إصابة في دراعه.. قومت بسرعة وجيبت تليفوني واتصلت ب دكتور كان صاحب بابا وعشرة عمره..
الو = ايوا يا دكتور ياسر.. انا محتاجاك تجيلي حالا ايه يا ريهام في.. هي والدتك كويسة؟ = كويسة يا دكتور .. جوزي هو اللي تعبان ، تعالى بسرعة ارجوك طب اديني العنوان = هبعتهولك حالا ” بعتله العنوان في رسالة وفعلا بعد ساعة الا ربع بالظبط كان وصل.. دخل وشاف يوسف وهو نايم بنفس شكله دا محتاج يدخل مستشفى = لا بلاش مستشفى مش هينفع يا ريهام.. هو حصله ايه يا بنتي؟
= معرفش هو غايب بقاله اكتر من عشرين يوم ” الدكتور قرب من يوسف وبدأ يفحصه دا واخد طل*قة في دراعه ولازم نلحقه حالا ” الدكتور فتح شنطته و جاب منها المقص وبدأ يفتح الجر*ح وشال الط*لقة من دراعه.. بعدها بدأ ينضف الجر*ح ويخيطه هو كدا هيبقا كويس بس هو محتاج راحة = شكرا جدا يا دكتور.. انا مش عارفة اقولك ايه بجد متشكرنيش يا بنتي.. انا كتبتله علاج وفيتامينات ياخدها وبإذن الله هيكون كويس
” الدكتور مشي وانا فضلت قاعدة جنبه طول الليل معرفتش انام.. قاعدة وباصة عليه بس.. يا ترى عملو فيك ايه يا يوسف.. حصلك ايه في الايام اللي فاتت دي.. يارب كتبت عليا وجع القلب طول عمري بس بلاش يوسف.. متوجعش قلبي عليه يارب،، فضلت قاعدة لحد ما الصبح طلع عليا والشمس ظهرت.. عيني كانت غفلت شوية لحد ما حسيت بيه بيتحرك قومت بسرعة و بصيتله يوسف = انا فين؟ متقلقش يا حبيبي انت في بيتك
” حاول يقوم لكن انا منعته انت تعبان يا يوسف بلاش تتحرك.. انت محتاج راحة = مفيهاش راحة يا ريهام.. شكلها مفيهاش راحة تاني ايه اللي حصلك.. مين اللي عمل فيك كدا؟ = كان فاكرني هخاف و اطلقك.. كان فاكر انه هيفضل خا*طفني طول العمر ومش هعرف اوصله حازم هو اللي عمل كل دا = و امه.. هما الاتنين جهزتلهم تصريح دفن وقريب هيحصل طب دا حصل ازاي فلاش باك
انا قلبي مش مطمن يا يوسف = انا معاكي يا روح يوسف.. يا قلب يوسف خليك معايا متسبنيش = انا مش هسيبك أبدا.. يلا بقا ادخلي لمي هدومك عشان هنمشي حاضر ” دخلتي أنتي و كنتي بتحضري الشنطة.. ساعتها لقيت رسالة من ام حازم بتقول انها عايزة تقعد معايا عشان نتفاهم وبعتتلي عنوان اروحلها فيه.. بعدها دخلت وقولتلك ريهام = نعم يا حبيبي انا هروح مشوار صغير كدا و راجع
= رايح فين لما ارجع هقولك.. لمي هدومك بس وجهزي حاجتك كلها عشان هرجع ونمشي علطول = متتأخرش انا مقدرش اتأخر عليكي ” نزلت من عندك و ركبت تاكسي و روحت على العنوان.. كانت منطقة مقطوعة ومفيهاش بني آدم واحد.. اتصلت بيها انتي فين؟ = وراك.. بص وراك هتلاقيني ” مجرد ما بصيت ورايا لقيت راجل ضر*بني ب حديدة على دماغي.. محستش بحاجة ووقعت على الأرض ولما فوقت لقيت نفسي مربوط ومتعلق في مخزن قديم
بااك #بقلم : #عمرو راشد وعرفت تهرب ازاي؟ فلاش باك ” كان في اتنين رجالة هما اللي مموجودين معايا دايما.. كلمت واحد فيهم بقولك ايه انا عايز ادخل الحمام = مفيش يا عم بقولك عايز ادخل الحمام ” التاني رد وقاله