💙 #محكمه_الاسره التفاعل مش حلو ، لو التفاعل حلو هنزل واحد تاني النهارده إن شاء الله 🤎🤎البارت التالت 🤎 #محكمه_الاسره بقلمي رُقــيــ ـه مــحـمـ ـد 💙 _هو اي الهبل ده ، ازاي طفل عنده ست سنين ، طفل لا راح ولا جه ، ايوه بيكون مدرك الي حواليه بس مش لدرجه انه يتأثر من موقف ولا موقفين عاشوه !!!!
( طبعا انا بالذات مكنش ينفع اتكلم أبدا ، انا اكتر واحده اتأذيت وكتمت جوايا وحاربت وكبت جوايا مشاعر كتيره ، الكلام ده كنت بقوله من ورا قلبي ، عشان اثبت لنفسي اني قدرت اساعده واخليه يتخطي ، بس للاسف لحد النهارده لا أنا ولا هو قادرين نتخطي ! )
بصلي الدكتور الي كان تقريباً لسه متخرج بشفقه : مش شرط علفكره ، هو إنسان والإنسان بيحس بكل حاجه ، ده الطفل الي بيكون لسه جنين في رحم أمه ، بيحس بكل حاجه حواليه ، انا عموماً مش هكتبله علي ادويه نفسيه ، هو محتاج اب وام ، حتي لو مش موجودين ، فـ انتي تقدري تكوني الاب والام دول علفكره ، اقعدي واتكلمي معاه وحاولوا تتناقشوا اكتر في كذا مواضيع ، وشوفيه محتاج اي ، وانا عارف إنك جديده هنا ، لو عوزتي اي حاجه ، انا هنا اعتبريني صديق ليكي ، وهكون دايما في خدمتكم .
_ متشكره جداً يا دكتور. علي الرحب و السعه . خدت احمد بحزن ورجعنا السكن تاني ، نيمته بسرعه وانا بوصي البنات عليه عشان نازله ادور علي شغل ، كل بنت هنا أهلها بيبعتهولها الفلوس ، بس انا معنديش أهل . دورت كتير ، كتير بطريقه مزعجه لحد ما فكرت الكارت بتاعه بتاع الدكتور عادل خدت رقمه بسرعه من علي الكارت ورنيت عليه وانا عندي ربع امل أنه يلاقيلي شغل
_ دكتور عادل .. انا اسفه اني بتصل دلوقتي ، انا مسك… انا كنت بدور علي شغل بس للاسف ملقيتش ، فلو حضرتك تعرف حد محتاج اي بنت للشغل ياريت تقوله عليا * براحه بس ، طيب عدي عليا بكره إن شاء الله في العياده وانا هكون لاقيتلك شغل _ تمام متشكره جدا والله * العفو… السلام عليكم _ وعليكم السلام ورحمه الله وبركاته روحت بفرحه وانا عندي امل إن شاء الله اني بكره اكون بشتغل ، مصاريف الجامعه كتير اوي ، واكلي وأكل احمد ومصاريفنا ، محتاجه مبلغ محترم، محتاجين شغل ، ولو لقيت ورديتين مش هقول لا .
روحت وغيرت ونمت جمب احمد الي لسه مصحاش فتحت موبايلي وبقلب علي الفيس لاقيت بوست علي صورنا مكتوب فيه كـالتالي « بالله عليكم الي يلاقي ولادي ، بنت وولد ، البنت في أولي كليه ، والطفل عنده ٦ سنين ، مسك وأحمد ، عندهم حاله نفسيه صعبه ، وهربوا من البيت مع انهم عايشين احلي عيشه ، الي يلاقيهم ليه مكافأه ماليه ضخمه» بصيت بخضه علي البوست وااانا مش قادر استوعب الي هو منزله !
البارت التالت خلص يا قراء ، معلش قصير شويه علوا التفاعل يا سكاكر بقلمي رُقــيــ ـه مــحـمـ ـد 💙 #محكمه_الاسره ✨🫳🏻 البارت الرابع #محكمه_الاسره بصيت بخضه علي الموبايل وانا مش قادره استوعب الي منزله ! ده وصل بيه أنه يسوء سمعتنا ويبين إننا احنا المرضي نفسين! طيب يا سيدي شكراً ، هنا بقي قررت اني اروح ابلغ عنه طبعاً كنت اقدر اعمل كده وانا في بيته ، بس كان ممكن يبعتلي حد يمو\تني ، اه توصل لـ كده ، ده لا عنده حبيب ولا قريب .
اتصلت بمصحه نفسيه وقولتلهم كـ الآتي _ السلام عليكم ورحمه الله وبركاته ، لو سمحت كنت عايزه ابلغ علي واحد مدمن هو رافض خالص أنه يتعالج ، بس بيأذيني جسدياً ، ويضرب ويبهدل . ” العنوان اي يا فندم ؟! _ العنوان **** . ” تمام النهارده هنكون عند حضرتك _ تمام ماشي متشكره جداً. قفلت بحزن ورضا مع بعض ، متضايقه اني وصلت للـمرحـله دي ، بس عشان انقذ نفسي واحاول مخليش احمد يحس بـ أي حاجه خالص .
نمت بخوف علي احمد وكأنه فعلا ابني ___________ بنوم_ الو ” يا خبر انتي لسه نايمه ولا اي ؟ ، مش وراكي جامعه _ اتكلمت بنوم: هلبس وهروح اهو ، اي ده مين معايا. ” انا دكتور عادل ، متتأخريش عليا النهارده ، عشان انتي بقيتي سكرتيرتي خلاص فقت بفرحه : متشكره جدا والله ، تمام مش هتأخر ، السلام عليكم ” وعليكم السلام ورحمه الله وبركاته. _ قمت بنشاط وانا بصحي احمد عشان يروح الحضانه الي اشتركتله فيها ، وبدأت أطبق الـتربيه الايجابيه الي اتعلمتها من النت .
_ قوم اغسل سنانك يلا وصلي ويلا نرتب الشقه ” طيب ما اشمعني هما ميرتبوش! _ احنا يوم وهما يوم . ” طيب ، بابا مسألش عليا ؟ بصيت له بحزن : سأل ، وانا طمنته عليك . ” ماشي ، هنروح لدكتور عادل النهارده ؟ _ ايوه يا حبيبي البارت خلص حاولت اطولهلكم شويه بقلمي رُقــيــ ـه مــحـمـ ـد 💙 #محكمه_الاسرهبصيت علي الباب الي اترزع بفزع والشقه الي ضلمت فجأه ، قمت بسرعه لميت هدومي واي حاجه تخصني و…
حمزه : في اي يا رُقـيـه مالك ؟؟ بصت مراته بفزع وهي بتدخل لين بنتها اوضتها زينب : في اي يا بنتي ما تحكي بصيت لحمزه بعيون وارمهٖ _ ضربني يا حمزه ، ضربني عشان بدافع عن علاقتنا الي شبه انهارت ، ضربني عشان قولت لا ! اتكلمت بإستغراب: لا علي اي ، انا مش فاهمه حاجه
اتكلمت بعياط : يونس مبيجيش البيت خالص يا زينب ، يا حمزه انا مقبلش بوضع زي ده ، أما بيجي بيروح عند مامته ، حتي مش بيسلم عليا ، النهارده شفته صدفه في البيت ! ، صوتي عليِ وانا بدافع عن حقي ، واني مش هقبل بالوضع ده ، واني انسانه استحق إنه يبقي ملهوف أنه يروح بسرعه عشان يشوفني ، مش يبقي نافر مني ! . بص علي كدمات وشي الي ظاهره جداً واتكلم وهو بيجز علي سنانه
* هو الي ضربك كده ؟؟؟ حطيت وشي في الأرض بحزن اتكلم بعصبية: مش ده الي حاربتي الدنيا كلها عشانه ، مش قلتي يا إما هو يا إما بلاش ، مش ده الي وقفت قصادنا وعصيتينا عشانه اكتلمت بكسره: انا بحبه يا حمزه بحبه ! هو استكتر عليا الحب ، الشعور مش متبادل ، انا بنام كل يوم معيطه عشان مش قادره اني اعيش لوحدي ، بس مش لدرجه انه يمد أيده عليا يا حمزه ، انا مقبلش بإهانه زي دي أبدا ، هو كسرني يا حمزه كسرنيٖ .
* ده انا هروح اكسر دماغه بصت عليه زينب بخبث : والي يخليك تكسر دماغه بس بالقانون . بنفاذ صبر * انجزي يا زينب ” هنروح نسجل الواقعه في القسم ، والكدمات باينه جدا ، يعني محضر بالاعتداء على رُقــيـه بالضرب ، ودي فيها سجن أقل حاجه ٣ سنين . بصيتلها بقلق: بس انا مش عايزه ءاذيه بصلي بعصبيه : ده انا الي هأذيكي لو مجيتيش معايا حالا يا زفته ، رُقــيـه يا حبيبتي ، الي زي يونس وأمثاله مينفعش يتسابوا كده ، ما دام هما مش قد الجواز ، بيتجوزوا لي ؟ ، احمدي ربنا إنك مخلفتيش منه .
بصيتله بقلق وخوف ، مش عايزه اي مكروه يصيبه لاني بحبه ، ولسه بقياله ، بس كده ده فيها سجن ٣ سنين ، يعني مش قرصه ودن مثلاً! تاني يوم خرجت مع حمزه في طريقنا للقسم . _ لو سمحت عايزه اعمل محضر . ” تمام اتفضلوا ، في مين ؟ _ في جوزي بصلي بإستغراب _ تمام ماشي ، السبب اي ؟ _ الاعتداء بالضرب بصلي بحزن وهو بيدون الي قولته
” هتتعرضي علي الطب الشرعي ، في اي إصابات مثلاً تسبب في عاهه ، الجرح ن*زف ، كدمات وخـ.. _ في سبع غرز في أيدي بصلي أخويا بصدمه بصيت علي الارض بحزن ” معاكي تقرير من المستشفى ؟ _ ايوه اتفضل ، العقوبه قد اي ؟ ” القانون بيقول إن الضرب الي تسبب في كدمات أو خياطه ، من سنه لـ ٣ سنين ، أما الضرب الي تسبب بـ عاهه مستديمه مثلاً ، من ٣ سنين لـ ٥ سنين .
بصيت بانتصار: تمام الجواب هيجيله امتي ” في ظرف يومين خرجت انا وحمزه الي مكنش علي علم أبدا بـ الغرز الي في أيدي حمزه : مقولتليش لي ؟ _ حمزه معلش مش قادره اتكلم ، ينفع نأجل الكلام ونروح دلوقتي بصلي بحزن وركبنا العربيه ومشينا عدي يومين وانا مرتاحه اني باخد حقي وانا قاعده حاطه رجل علي رجل ، وكله بالقانون _ يا ليلو يا مسكره هاتي بوثه ، يا ختي حلـ….
الباب خبط بعصبيه ولين اترمت في حضني بخوف ، خرج حمزه من مكتبه بذعر ” في اي يا بني ادمـ.. ، اي ده هو انت ، ادخل يا يونس انت مش غريب . بصيت له بقلق بسبب ملامحه الي مكانتش بتبشر بالخير أبدا * اختك بتشتكيني في المحاكم ، دي تربيه بنات اصول يا حمـ..
بصلو حمزه بسخريه : لا وانت تعرف الأصول اوي ، المفروض اني كنت جيتلك اول ما جتلي اكسر دماغك الي فكرت إن رُقـيـه ملهاش رجاله تتحامي فيهم ، وايدك الي فكرت تتمد عليها ، مش هلومك بس انت مش را*جل ، انت عايزها تتقبل الشتيمه والاهانه والضرب يلا ؟
، لي اخر راجل في الدنيا ، الله يرحم ايام مكنت بتجري وراها بالشهور عشان بس نوافق عليك ، يا شيخ ده القانون قال إن ضرب المرأه ممنوع وإن مده فاعله ٣ سنين مستريح ، والشرع حرم ضرب الرجل للمرأه إطلاقا ، والامه أجمعت علي عدم ضرب المرأه ، تقوم انت يا سكر تضربها ! بصلي بعصبيه : طلباتك اي؟ بصيت له بانتصار : هتطلقني اتكلم بسرعه: موافق حسيت بكسره قلبي وقتها بس كملت بعدم مبلاه .
_ وكمان هتديني مؤخري كامل ، ودهبي الي خدته وبعته عشان تعملك مشروعك الفاشل الي فشل يا فاشل ، وفضلت مستحمله اتكلم بعصبية: بس كل ده مستحيل ” خلاص نحقق المستحيل كلنا في السجن ؟ بصلي بتفكير وغضبه الي محتل ملامحه : موافق موافق وفعلا اليوم الي بعديه اداني كل حقوقي كامله ، واتنازلت عن المحضر
وعدي سنه كامله ، اشتغلت في مجال الحلويات ، والحمد لله اسمي بقي في السوق واضح ، وفتحت محل حلويات خاص بيا ، وما شاء الله ناجح ، وبوصل كمان اوردرات ، واول ما فتحت المحل ، بعت ليونس تورتايه مرسوم عليها كفتين الميزان الي مرسومين علي المحكمة