مالك ماسك الشبشب و بيجري وراهم بص لقي اللي بتستخبي تحت ورا الكنبة بخوف مالك بيتسحب علشان متحسش بيه لحد ما قعد على الكنبة ملك طلعت رأسها تبص تشوفة فين لقيته في وشها ضحكت ببلاهه و قالت: أحلي مسا عليك يا ريس مالك خلع الحزام و لفة لفتين على ايدة ملك شافته كدا جريت و هو جري وراها ضر’ب ضر’بة بالحزام يدوب جت حاجة بسيطة عليها ملك : عااااا اهدي يا سعادة البيه الحليوة اهدي يخويا هتعمل عقلك بعقل عيلة طلاق تلاتة عيلة
مالك بغيظ : بقي انا مقعدكم في حصة تاريخ مش كدا تعاليلي بقي يا حلوة لحسن دا انتي غلاوتك عندي فوق ما تتخيلي ملك بتجري لمحته هيضر’ب نطت و هي يتقول: أركب الهوا وقفت على ناحية من السفرة و هو وقف الناحية التانية بصتله ببلاهه و قالت: و مالها حصة التاريخ جميلة حصة التاريخ ظل أنا أصلاً بدأت افهمه منك كنت بجيب فيه كحك في المدرسة مالك بغيظ : انا بقي ظالم و هتتربي النهارده يا جميلة
ملك : الله يخربيت جميلة علي اللي جابوها في ساعة واحدة حطت ايديها في وسطها و قالت: هو أنت يا سعادة البيه الحليوة جاي تتشطر عليا انا طب ما تشوف اللي جريوا يستخبوا في اوضهم دول وإلا عشان أنا الدعييفة اللي فيهم ملحقتش اجري مالك : دعييفة انا يا ستي ظالم مالك كان قريب من اوضة ريا اللي واقفة تتفرج عليهم و مبسوطة أوي و قالت : أيوة كدا يا مالك ربيها و خدلي حقي من حتت الخدامة اللي محدش عارف يشكومها دي
ملك : اسكتي بدل ما اجي أشيل الشعرتين اللي فاضلين كانت بتكلمها و هي مركزه مع مالك اللي ضر’ب ريا حزام على رجلها و قال بزعيق: ادخلي جوه ريا صوتت من الوجع و قفلت في وشهم الباب و هي بتبرطم مالك رجع بص لـ ملك اللي بتضحك و مش واخدة بالها و في حركة سريعة كان قدمها و ضر’بها بالحزام ضر’بة على رجلها ملك : جريت على طرف السفرة التاني و هي بتصوت و بتقول:- عااا بتوجع يا سعادة البيه الحليوة بتوعج والله
مالك : هتسمعي الكلام وتقصري الشر وإلا لا ملك بعند و هي حاطة اديها على رجلها مكان الضر’بة : الله و أنا مالي يا لمبي دا نسمة هوا تعدي في وقت حر دا انا محدش بيسمع صوتي ولا بيحس بحركتي دا انا الدنيا جاية عليا أوي مالك : جري وراها و هي طلعت على السفرة و جريت لاخرها عملت اديها على شكل مايك و قالت: واحد اتنين تلاتة هبا بصت على مالك و قالت: سلام كبير أوي لـ أبو رحاب اللي مشرفنا في المنطقة
وليد و حازم جم من وراها و قالوا: هااااااا ملك لعبت حواحبها لـ مالك وقالت: و سمعني سلام لو مكنتش انتي تدلعني مين هيدلعني مالك حط ايدة على وشه بقلة حيلة و ضحك عليها و على خفة دمها اللي كفيلة تخرجوا من أي مود مالك : ربنا يهديكي يا بنتي ملك بغمزة: يا رب يا بابي ملك جت في دماغها فكرة و حلفت لتعملها بصت لـ حازم و وليد و عينها لمعت بخبث
مالك عدل لبسة و قال: أنا رايح الشركة و انتوا خلوا بالكم من ريا لحسن ريا وسكينه دي تاكلها ملك : متخافش عليها يا سعادة البيه الحليوة هحطها في عنيا و غنت و حياة عنيك و فداها عنيا أنا بحبك قد عنيا و بقت تهز كتافها مالك هز راسة بقلة حيلة و خرج ملك نزلت جري من على السفرة و قالت: بعد ما اخلص ترويق و عمايل أكل عوزاكم في مهمة قومية و بلاش جبن و تسبوني قدام سعادة البيه الحليوة لوحدي ها
وليد : فيه في دماغك اية أعرف بس شكلك ناوية على خراب الديار يا عبلة ملك : لو مجبتش الـ ١٠٠ ناقة الحمر مفيش جواز يا عنتر حازم : لاااا بد من أن تاني بيها يا عنترة عبلة ملكت ديار بني عبس ملك : بس يا شيبوب انت و تعالوا ساعدوني ريا قاعدة في الاوضة بغيظ و قالت: اللي إسمها جميلة دي مبوظة عليا كل مخططتاتي كدا مش نافع لازم أخلص مهمتي في أقرب وقت
ملك قاعدة بتغسل السجاد و حازم بيحول ليها ماية من الحمام وليد كان بينفض و يروق على الرغم من اعتراضة في الأول بس اندمج معاهم ملك بصت بضحكة شغلت السماعات على اغنية : يا مدلع يا مدلع يا سايبني في نار قلبي مولع
وليد بص على منظرهم اللي خالي من أي دلع و نزل ضحك و ملك اللي كل شويه ترفع اديها على رأسها و تضحك و تغني و تهز كتفها بترقص بشكل مضحك مسكت جردل الماية و زقلته على حازم اللي شهق و قال بنبرة انوثية: ينفع كدا تبلي هدومي كدا استهوي اه يا جميلة يا قاسية و قضوا اليوم كله في الترويق لحد ما قعدوا بتعب وليد : كنتي بتفكرني في اية بقي يا جميلة اتحفينا
ملك بخبث : سعادة البيه الحليوة لو عرف اعتبرنا في المقابر يا سعادة البيه كنافة بالمنجة حازم بفضول: ليه هنعمل اية ملك بخبث : هنتفح مدرسة رقص بتبع….. الكاتبة Zährä Ęssäm همسات ليله حكايات آخر الليل خادمة قلبي بقلم زهرة عصامخادمة قلبي ١٩ ملك بخبث : سعادة البيه الحليوة لو عرف اعتبرنا في المقابر يا سعادة البيه كنافة بالمنجة حازم بفضول: ليه هنعمل اية ملك بخبث : هنتفح مدرسة رقص
وليد و حازم في صوت واحد: ايية ملك : اسمعوني بس وليد : لا دي هربت منك على الآخر رقص اية دا مالك كان كرشنا كلنا من البيت ملك : استهدي بالله بس يا سعادة البيه كنافة بالمنجة خد مني و اشتري دي مدرسة صغيرة يدوب لينا إحنا التلاته حازم : لا متعمليش حسابي معيش فلوس اشتري مالك هينفخ اللي جابوها ملك : خلاص يبقي تمثيل ورقص يلا نبدأ و بعد ساعات من محاولة اقناعهم
مالك داخل الشقة لقي الوضع كالتالي وليد و حازم و ملك لابسين عبايات قصيرة أول ما شافوه داخل ملك مسكت الطبلة و بقت تطبل و تغني و هما يرددوا وراها ملك : جاموسة راحت تقابل جاموسة حازم و وليد : اااااه ملك : جاموسة راحت تقابل جاموسة يعيني ملقتهاش جاموسة يا ليلي لقتها بقرة يا عيني يا ليل و اااااه و ادلع يا عريس يا ابو لستة نايلو حازم و وليد مسكوا الساجات و بقوا يخبطوا بيها و ملك تطبل و تغني
حازم بمياعة: الله عليكي يا ابلتي ملك : أنزل لم النقطة بقي يا سعادة البيه كريم شانتيه و بصت لـ مالك و قالت: شخلل جيبك و نقطنا الله إحنا مش عاملين العرض دا زينة يا سعادة البيه الحليوة مالك الصدمة لجمت لسانة و مبقاش عارف يعمل اية ملك خدتة قعدته على الكنبة و هو فاتح بوقة و مش قادر يستوعب مالك بداخلة: حتي وليد اللي مبيطقش حد يا قادرة ملك شاورت لـ حازم و وليد و قالت: يلا فقرت الرقص
مسكت الساجات و وقفوا التلاتة صف واحد و بقوا يقولوا مع بعض يلا معايا اتنين دربن دح و الغرزة الضيقة اتنين دربن دح و الغرزة الضيقة ملك شغلت اغنية و بقوا التلاتة يعملوا عليها نفس الحراكات مالك : قلب البيت كبارية هو دا اللي أنا كنت خايف منه بص على اوضتة بخبث و دخل في هدوء من غير ما حد يحس بيه فتح الدولاب و خرج منه عصا و قال: و ربنا لربيكم انتوا التلاتة يا شوية عرر
مالك خرج و حط العصاية ورا ظهره و على وشة ابتسامة وليد : الحقوا مالك بيضحك ملك : بيج احية هو دا الهدوء اللي قبل العاصفة أنا عارفة حازم بيولول و بيقول: انا اية اللي خلاني اسمع كلامكم هنتشلوح كلنا مش هيعتق حد فينا ريا كانت خرجت تتفرج عليهم لما سمعت صوت الأغاني مالك قرب منهم و التلاتة وقفوا انتباه مالك : برافوا عاوز احجز الفرقة لفرح واحد معرفة الاتفاق مع مين
ملك شاورت على وليد و وليد شاور على حازم و حازم شاور على ملك مالك : منين بيودي على فين ملك بشجاعة: ٥٠٠٠ جنية ايجار الفرقة ساعة قولت اية مالك ضر’ب بالعصا على تربيزة جمبهم و قال: قولت لا اله الا الله تعالولي يا شوية اوباش ورحمت ابوكوا لربيكوا من أول و جديد ملك أول ما شافت العصا تنحت و قالت و هي بتدلك رجليها: انت مش هتضر’بني بالبتاعة دي صح أنا لسة ضر’ب امبارح مخفش
مالك : و و إنتي بيهمك حاجة كنتي عملتي حساب للضر’ب بتاع امبارح و سكتي لكن إزاي متقدريش تقعدي دقيقة من غير مشاكل صح ملك هزت راسها في الأول بـ اه و بعدين هزتها تاني بسرعة بـ لا حازم كان بيحاول يتسحب يبعد عنهم لكن مالك لمحة و ضر’بة على رجلة بالعصا حازم : ااااه حرام عليك يا مالك أنا مظلوم والله اخوك اللي غصب عليا ملك بخوف: سعادة البيه كريم شانتيه
حازم : عاوزه اية ملك : بتوعج حازم هز رأسه بـ أه من غير كلام ملك بصت لـ مالك بعيون قطة و قالت : هتضربني يا سعادة البيه الحليوة و أنا أصلا بسكوتة مش هستحمل واحدة من دي مالك : تؤ تؤ تؤ تؤ مش هياثر فيا جو الصعبانية دا جري ناحيتهم و التلاتة صرخوا و جريوا ورا بعض مالك : قالبين البيت كبارية يا ولاد الصر’مة و الله لربيكم
ريا بقت تسقف و تقول: يلا يا مالك ربيهم التلاتة عشان يبقوا يتحالفوا ضيدي تاني ملك بصتلها بغيظ و قالت و هي بتجري : على فكرة بقي يا سعادة البيه الحليوة دي فكرتها هي مش كدا يا سعادة البيه كنافة بالمنجة وليد بغيظ من ريا قال: أيوة حتي كانت عاوزة تجبلنا بدل رقص و أنا اللي اعترضت مالك بسخرية: لا كتر خيرك يا راجل و بص لـ ريا و قال:- بقي انتي بقي اللي محرضاهم
ريا لسة هتتكلم مالك كان في خطوة ناحيتها فجريت معاهم مالك بقي يجري وراهم و اللي يلحقة يضر’بة ملك أخدت ضر’بة و قالت: ينهار ملحوث والله بتوجع يا سعادة البيه الحليوة دا أنا جميلة سيبني بقي مالك : مهو عشان انتي جميلة لازم تتربي من أول و جديد و أنا اللي هربيكي بقي تعالي يا بطة ملك بضحك : و أنا ماني ها مالك : ليكي نفس تقلشي كمان و جري وراهم كانت الضربة المرة دي من نصيب وليد
وليد : خف ايدك دي بقي بتوجع مالك هو انتوا لسة شفتوا حاجة انت يا وليد يا اللي انا مطمن طول ما انت هنا يطلع منك كل دا ساجات يلا ناقص تهز وسطك شوية ملك بضحك : عملها قبل ما تيجي اعمليها تاني يا سعادة البيه كنافة بالمنجة اعملها وليد بصراخ: اسكتي يخربيت دماغك هو ناقص ولعة ملك بصت لـ مالك اللي خلاص جاب آخرة و بصت عليهم و قالت: الجري نص الجدعة اجروا لحسن باين هيعملنا بطاطس مهروسة
كلهم جريوا و مالك جري ورا ملك اللي كانت خلاص هتقفل الباب لكن مالك لحق الباب قبل ما بتقفل و دخل وراها و قفله هو ملك بتحذير: أنت هتعمل اية والله لو ضربتي انت مش عارف هعمل ايه ملك بحاجب مرفوع: هتعملي اية يعني ملك بثقة: هعيط و محدش هيعرف يسكتني مالك رمي العصا و وقف قدامها شدها لحضنة و بقي يشم ريحيتها و هو بيقول: وحشتيني يا ضي عيوني و جننتيني معاكي مش جننتيني لوحدي انتي جننتي البيت كله بص في عيونها اللي تاه فيها و كمل : تعبتي قلبي معاكي
ملك : سلامة قلبك يا سعادة البيه الحليوة بس برضوا مش هتاثر فيا مش مرديتش تدافع عني و كمان سايبهم يقولوا عليا خدامة مالك بتتهيدة: بحبك ملك : ها مالك : بحبك و محبتش حد و لا هحب حد غيرك ملك بدموع: بس انت سبتها تهيني و لا كانك بتحبني مالك : كنت عاوز أشوف وليد و حازم حبوكي لـ درجة اية وليد اللي مكانش بيطيقك أصلا قبل بالهبل بتاعك بقيتوا حلف يا جميلتي
بص في عنيها جامد و قال: عاوز أشوف لونهم الحقيقي شيلي اللانسيز ملك برقت هي مكنتش متوقعة يطلب منها طلب زي دي بصت لية جامد و قالت بتوتر…… يتبع… الكاتبة Zährä Ęssäm همسات ليله حكايات آخر الليل خادمة قلبي بقلم زهرة عصام بكرة الجمعة بس باذن المولى هيكون في فصول بدل يوم الأحد 👍خادمة قلبي ٢٠ مالك بص في عنيها جامد و قال: عاوز أشوف لونهم الحقيقي شيلي اللانسيز
ملك برقت هي مكنتش متوقعة يطلب منها طلب زي دي بصت لية جامد و قالت بتوتر : انت بجد عاوز تشوفني يا مالك مالك : يا قلب مالك من جوه انا حبيتك و تقبلتك كدا زي ما انتي بروحك الشقية و شكلك الملعبك انا عاوز اشوف عيونك اللي بضعف قدامها دي ملك يضحك: قول كلام غير كدا يا حليوة دا انت لسة نافخني أنا و اخواتك كل واحد عصتين كمان شوية هتمدني على رجلي
مالك ضحك و مسك المنديل و قال: مش هتنازل النهارده عن إني أشوف عيونك يا ملكة قلبي ملك بصتلة بفرح و أخدت منه المنديل و راحت قدام المراية شالت اللانسيز غمضت عنيها و خدت نفس و خرجته ببطئ و لفت لية