تاني يوم.. كان نازل الشغل لقاها لابسة لبس خروج وبتجهز علشان تخرج _انتي رايحة فين؟ _عندي مشوار مهم لازم اروحه _مشوار اية؟! وبعدين انا مش قولت مفيش خروج غير بأذني اتنهدت_ طيب ممكن اخرج _اعرف رايحة فين الاول _هشتري شوية حاجات لـ المطبخ و.. سألها بنفاذ صبر_ اية؟ _هدور علي شغل _طيب ادخلي اوضتك.. انا هخلي سهي تشتري حاجات المطبخ _بس.. _قولت ادخلي اوضتك _والشغل؟ _انسيه.. طول ما انتي علي ذمتي مصاريفك عليا، سامعة؟
_مينفعش.. _لا ينفع.. اية اللي يمنعه اصلا؟ بص لساعته_ انا متأخر.. لازم امشي، لما اجي ابقي نتكلم براحتنا، لكن انسي حكاية الشغل دي ومشي وسابها _هتعملي اية؟ قالتها سهي من وراها، اللي بقيت صديقتها وتعرف كل حاجة بتحصل معاها قالت باصرار_ هروح المقابلة واللي يحصل يحصل.. وبعدين هو هيعرف منين؟ سهي بقلق_ نور.. يوسف بية لو عرف هيطين عيشتك _ما هو كدا كدا مطينها.. انا همشي ومشيت.. وسهي بتبص علي مكانها بقلق.. خاصةً وهي عارفة قد اية يوسف مبيحبش حد يكسر كلامه
يتبع.. لـ زينب سميـر دا عبارة عن اسكريبت طويل حبة او قصة قصيرة، يعني مش هيطول.. والنوع دا من القصص انا مش بحب اختار ليه اسم.. فكل واحدة تميز القصة بأسم خاص بقي 😅 رأيكم فيها اية لدلوقتي؟ وافتكروا اسم ” زينب سمير ” كويس الفترة دي لاني هطول معاكم حبة بحكايات مختلفة بأذن الله 💚_3_ – الأخير – دخلت اوضتها بعد ما رجعت من مقابلة الشغل، لقيت يوسف قاعد قدامها علي كرسي، وباين من قعدته انه مستنيها من زمان
اتفزعت من جواها لما شافته وشافت الهدوء المبالغ فيه اللي ظاهر عليه _انا قولت اية؟ قال جملته وهو بيقرب منها_ انا اسفة، كانت فرصة ومينفعش اضيعها _انتي كسرتي كلامي _انا مش زيك.. معنديش اي حاجة، لو انت طلقتتي دلوقتي او طردتني مش هلاقي مكان يأويني، ارجوك افهمني، انا معاندتكش وخلاص _انا قولتلك ان كل مصاريفك عليا _وانا مفروض اصدقك؟ فجأة تقولي انتي مراتي وفجأة تقولي انتي خدامتي، فجأة تعامليني كويس ومرة واحدة تتغير، انا مش عارفة اتعامل معاك ازاي
_خروجك من غير اذني مش هيعدي بالساهل _اعمل اللي تعمله.. معدتش تفرق _والله! _يوسف انا تعبانة.. ارجوك قدر _انا فاهم اللي بيحصلك ومقدر.. بس انا جوزك من حقي كلمتي تمشي عليكي _حاضر.. هسمع كلامك لحد ما نطلق.. بس اسمحلي اشتغل لو وافقوا عليا _استني نشوف هيحصل اية وابقي اقرر وسابها ومشي.. ** علي العشا.. كان بياكل لوحده.. دخلت هي بالمية_ انا عارفة اني مينفعش اعملك حاجة، بس سهي مش فاضية فأنا جبتلك مية
_اقعدي يانور _ها؟ _اقعدي.. كلي معايا _لا انا مش جعانة _نور.. اقعدي لو سمحتي انا مش بحب اكل لوحدي _بس.. _خلصي انا جوزك وبقولك اقعدي قعدت وبدأت تلعب في الاكل بس مكانتش بتاكل _انا جايبك علشان تلعبي بلاكل؟ كلي وخلصي _حاضر بدأوا ياكلوا_ انتي وصلتي لـ اية في التعليم؟ ولا متعلمتيش اصلا _انا خريجة كلية تجارة _معقول! انا فكرت انك هتشتغلي في محل او حاجة من النوع دا بصتله بسخرية مريرة_ مكنتش متوقعها دي صح؟
_احم.. مقصدش _انا مكنتش هشتغل خدامة وولا كنت هخلي ماما تكمل، كنت هبدأ اشتغل في المجال بتاعي وهخلي ماما ترتاح في البيت، كفاية عليها كدا.. بس موتها خربط كل خططي، فجأة بعد ما كنا ساكنين في القاهرة بقي لازم اسكن في الصعيد وسط العيلة، وبعدين لازم اتجوز حد منهم علشان يطمنوا عليا، مكنش قدامي حل غير اطلب المساعدة من والدك وهو متأخرش.. كان بيسمع ليها باهتمام..
كملت_ وانت كمان متأخرتش، رغم كل اللي بتعمله انا مش شايلة منك.. جَاميلك بيغفرلك، بس اعتقد المشكلة دلوقتي اتحلت، انا برأيي نطلق وكل واحد يروح لحاله زي ما كنت عايز انت من الاول.. عمي رفيع حكالي علي شروطك _انا موافق.. بس عندي الاول شرط _اية هو؟ _مش هتبقي خدامة من انهاردة و.. _واية؟ سألته بحدة _هنتعامل فترة ك اصحاب.. واي حد يشوفنا هنقول اننا قرايب، فترة بس.. اعاملك فيها ك يوسف وتعامليني ك نور.. علشان اعتذرك من خلالها عن معاملتي القديمة ليكي، بعدها لو عايزة تطلقي.. هطلقك
_وانا موافقة.. ** فات كام يوم.. التعامل بينهم اتغير خالص، بقيوا بيقعدوا سوا مع بعض كتير وبيوصلها الشغل اللي اتوافق عليها فيه كل يوم ويرجع ياخدها منه، حواجز كتير اتكسرت من بينهم.. ظهرت شخصية يوسف الطيبة.. الحنينة اللي مامتها كانت بتحكيلها عنه _تحبي نتغدي برة سوا؟ _ياريت اخدها مطعم.. طلبوا اكل وقعدوا يتكلموا سوا _الله! جـو اية الصدفة الحلوة دي! _ميار.. ازيك عاملة اية قربت وحضنته، اتضايقت نور بس حاولت متبينش دا
_بقيت كويسة بعد ما شوفتك، فينك مختفي يعني؟ بطلت تيجي النادي _معلش مشغول شوية _مين القمر دي؟ بصلها شوية من غير رد.. ونور بتبصله بزعل قالت_ نور.. قريبته كمل هو_ ومراتي _واو انت اتجوزت.. بس حقيقي زوقك حلو اوي، هسيبك انا بقي مع المزة دي وغمزت ليه ومشيت _لية قولتلها؟ _مش هخبي تاني، انتي مراتي.. وعلي فكرة ما دمت قولت لميار كدا يبقي الخبر اتزاع واتغسل واتنشر في الصحف كمان
_بس انت مكنتش عايز كدا _لو مكنتش عايز مكنتش قولتلها.. نور انا اسف علي كل اللي حصل، انا غلطان وندمان علي كل اللي عملته، انا اسف.. وارجوكي اعطي لـ جوازنا.. انا اكتشفت اني بحبك.. اعطينا فرصة وصدقيني انا هعوضك _انا.. _معقول لسة زعلانة مني؟ انا عارف اني وجعتك كتير بس اعذريني، انا فجاة لقيت نفسي مفروض اتجوز واحدة ولا اعرف عنها حتي اسمها _انا عذراك.. احم انا كمان بحبك _اية؟
_بحبك _بتحبني.. قالت انها بتحبني ياجدعان قال الجملة بصوت عالي فالكل انتبه _يوسف الله! _يلا _يلا فين؟ والاكل _بلا اكل بلا بتاع.. احنا لازم نروح نحجز قاعة الفرح حالا دلوقتي وعملها احلي فرح.. وقضوا اجمل شهر عسل.. ومعيشها ك اميرة بعد ما كانت مجرد خدامة.. اول ما قدرها وعرف قيمتها.. اتغيرت مكانتها في حياته.. كذلك انتي.. متسمحيش لحد يعاملك ك خدامة.. يااميرة يابلاش خلصت 🙈 لـ زينب سميـر
العريس هرب ليلة الفرح.. ورجع بعدها ندمان ياتري هتسامحه؟ لو عايزين تعرفوا احداث الرواية.. وهي اكبر من دي بكتير واحداثها اكتر.. استنوا ” نيـرة والعابث ”