نادين وسيف بيجرو عليها وبيلاقو الجنينه كلها بتولع نادين بفزع: سيف اتصل بالمطافي بسرررررعه.. مي هاتي مايه نطفي قبل ما تدخل علي البيت بسررررررعههه سيف بيروح يتصل بالمطافي ومي بيتجيب مايه وبيطفو النار هي ونادين و كف ايدها بيتحرق وهي بطفي النار برغم م كدا مزالت بطفي فيها ومهماش الحرق وألم ايدها بعد 10 دقايق المطافي جت وطفت الحريق نادين بتنظر للجنينه اللي متبقاش منها غير رماد و بتقعد علي الارض وبتمسك الرماد و بتعيط
سيف بيقرب منها عشان يحاول يهون عليها بس مي بتمنعه مي: سبها دلوقتي تطلع كل اللي ف قلبها وبعدين هي اللي زراعه كل حاجه بأديها وكانت كل ما تبقي مخنوقه بتيجي تقعد فيها وبالاخص المشتل ده كان كل حاجه بالنسبالها سيف بعصبيه: اما نفسي اعرف مين عمل كدا وانا مش هرحمه… بس ده كان قاصد انه يولع في الجنينه مش في الفيلا كلها مي: اشمعنا؟ سيف: اصل لو قاصد الفيلا كلها كان بدأ من عند الباب اما هو لف لحد الجنينه و ولع فيها وبكدا هو عارف ان نادين بتحب المكان ده بذات
نادين ومزالت بتعيط: وانا هعرف مين ال عمل كدا وهتشوفو هعمل في اي سيف بيمسك ايدها: انتي اتحرقتي نادين: حرق بسيط سيف: ده كف ايدك كله وبسيط!!… مي هاتي علبه الاسعاف الاوليه بسرعه مي: حاضر بيدخلو البيت وبيقعدها وبيحطلها كريم وبيلف الشاش علي ايدها سيف بخوف عليها: نادين انا بقول كفايه لحد كدا سبيهم ف حالهم لان هما مش هيسيبوكي وانا خايف عليكي نادين: متخفش عليا يسيف انا عرفه بعمل اي وبتطلع اوضتها
مي: أستاذ سيف.. انا خايفه علي مدام نادين اويي اتغيرت لدرجه انا معرفتهاش سيف: ايوا مش دي نادين اللي انا عارفها حاسس اني بكلم واحده تانيه مي: كله بسبب فارس حسبي الله ونعم الوكيل في بجد سيف: طب انا همشي عشان الوقت اتأخر ***************************في الصباح وبالتحديد ف الشركه نادين بتدخل الشركه وكل بينظرلها وف نظرات فخر واعجاب ليها وف نظرات اندهاش من اللي هي عملته وبتسمع بنتين بيتكلمه مع بعض
البنت1: انا بجد عجبني اللي عملته في الحفله امبارح كانت جامده اويي وثابته كدا دي حتي منزلتش دمعه واحده م عنيها البنت2:ايوا ياريت اطلع زيها وف شجعتها بجد نادين بتبسم لمه بتسمع كلامهم وهي داخله مكتبها بتنادي علي السكرتيره منه(السكرتيره): نعم يأستاذه نادين نادين: رسلان وفارس موجودين منه: لا لسه مجوش نادين: مش ده الميعاد المفروض يجيو في؟ منه: ايوا نادين بضحك: اه صح نسيت هيجو ازاي بعد فضيحه امبارح بس عموما لمه يجيو تقوللهم ف اجتماع انهارده الساعه 11
منه بإبتسامه: تمام.. حاجه تاني نادين: اهه فنجان قهوه بس منه: حاضر..والف سلامه علي ايد حضرتك نادين: الله يسلمك يحبيبتي منه بتخرج من المكتب نادين بضحكه بسيطه: ده هيبقا اسوء اجتماع مر عليكو ان شاءلله وبتجلها مكالمه نادين بأبتسامه: كنت عارف انك هترني عليا. •••••••••••••••••••• نادين: هنتقابل بكره بس بشرط… تعلني الخبر من دلوقتي و اه عايزاكي وتقوليلها بنفسك •••••••••• نادين: اوكي باي ****************************في بيت رسلان ساره بتدخل البيت
رسلان بحده: كنتي فين ساره: اتخنقت وانا في الاوضه امبارح فاطلعت اشم شويه هوا بره رسلان بيضر*بها بالقلم ساره: ااهه… انا عملت اي رسلان : بعد كل ده وعملتي اي..و انتي ليكي نفس اصلا تطلعي من اوضتك بعد الفض*يحه بتاعت امبارح ده انا مش عارف هروح الشركه بأنهي وش وانتي اتخنقتي فا طلعتي تشمي شويه هوا يابجحتك بجد ساره بتفضل بصاله وسكته مبتتكلمش رسلان: اطلعي علي اوضتك متورنيش وشك الفتره دي عشان انا مش طايق اشوفك و بشخط اااطلعييييييي
ساره بتطلع علي طول وبتفقل الباب جامد أسر: صباح الخير رسلان بضيق: صباح الزفت أسر: مالك… ساره لسه مرجعتش رسلان: ليه راجعه الهانم قال اي اتخنقت وطلعت أسر: طب هدي نفسك وبعدين اي مش هتروح الشركه انهارده؟ رسلان: لا أسر: اصل نادين عامله اجتماع مهم جدا نهارده رسلان بستغراب: اجتماع اي وهي مين هي عشان تعمل اجتماع المفروض انا اللي اقول ف اجتماع ولا لا دي هي ليها 30 ف الميه من الشركهم اكتر يعني اكنها معندهاش حاجه
أسر: مش عارف منه السكرتيره بتاعتها هي اللي اتصلت بيا وقالتلي رسلان: خلاص هغير هدومي وهروح المهم عملت اي ف الموضوع اللي قولتلك عليه أسر: عملت زي ما طلبت مني حرقت الجنينه كلها رسلان: برافو عليك هي لسه شافت حاجه *************************ف بيت فارس فونه بيرن فارس بنوم: الو ماجد: انت فين يفارس كل ده فارس: فين يعني ف البيت ماجد: مش هتيجي الشركه؟ فارس: لا ماجد: اصل نادين عامله اجتماع مهم اويي وطالبه انك انت ورسلان تكونو حاضرين
فارس بستغراب: اجتماع وكمان نادين اللي عامله؟ ماجد: اه فارس: خلاص مسافه السكه وجي نشوف ف اي تاني ماجد: تمام *************************عند ساره ساره بترن علي فارس بس مش بيرد عليها ساره بضيق: اوف رد بقا… وبتبعتله رساله ساره: فارس لو مردتش عليا هجيلك لحد البيت وانا مبهزرش تمام الباب بيخبط ساره: اتدخل نوال: أستاذه ساره ساره: خير ينوال نوال: في واحده اسمها ميرا عايزه حضرتك ساره: اه ميرا تمام روحي اعمللها قهوه اعقبال منزل
نوال: حاضر بعد 5 دقايق ساره بإبتسامه: اوه ميرا ذات نفسها هنا معقول ميرا: عشان جايه لحاجه مهمه ومينفعش بعد شغلك معانا واخلي حد تاني يجي يقولك الخبر ده ساره: خبر اي؟ ميرا: أستاذه ساره احنا بجد كان نفسنا تكملي شغل معانا بس بعد اللي سمعنا وال الاخبار التكتب عنك وسوري ف الكلمه بس بعد الفضيحه بتاعت حضرتك هتأثر علينا وعلي شغلنا و انتي اكيد مترضيهاش علي شركتنا ساره: بطلي لف و دوران وقولي ع طول قصدك اي
ميرا: اقصدي اننا بنتأسف منك مش هنقدر نكمل معاكي ساره بعصبيه: يعني بتطردوني بس بالزوق صح؟ ميرا: لا طبعا لو كدا كنت بعت حد هو اللي يقولك الكلام ده ومكنتش جيت انا ساره: طيب بس من حقي اعرف مين البديل غيري ميرا: اكيد… وهي استاذه نادين ساره بعصبيه اكتر: اطلعي برهه ميرا؛ انتي بتطروديني؟ ساره بز*عيق: بررررررههه قولت بررررره ميرا بتاخد شنطتها وبتمشي ساره بصويت: اعععععععاااااااااااااااا.. وبتاخد نفس انا هوريكي ينادين انا هوريكي وبتطلع اوضتة رسلان بدور علي المسد*س وبتلاقيه
ساره بشر: فضحتيني وشوهتي سمعتي وخليتي فارس يبعد عني وكمان خدي شغلي……وبتحط الطلق هنشوفي مين اللي هيندم ف الاخر *************************ف غرفه الاجتماعات كل الكل متجمع فيها رسلان وفارس وأسر وماجد فاضل نادين بيعدي 5دقايق ونادين بتدخل رسلان: انتي ازاي تعملي اجتماع من غير متاخدي اذني الاول نادين بضحك: اخد اذنك وبضحك اكتر… انت اللي بعد كدا هتاخد إذني ليكون بعلمك بس رسلان بسخريه: ده ال هو ازاي بقا
نادين: اهه صح نسيت اقولكم مش انا بقيت المديره الكبيره والتنفذيه و اي قرار انا ال هخدو ومفيش قرار يطلع بدون مكون موافقه عليه فهمتو ولا لسه؟ كلهم فضلو يبصولها بستغراب نادين:طيب هفهمكو اكتر انا اللي اشتريت الاسهم اللي كانو فارس عايز يبعيها فارس ورسلان بندهاش: اييي انتي نادين بإبتسامة : ايوا يعني انا ليا 60ف الميه من الشركه يعني تلات تربع الشركه بتاعتي رسلان بيجز علي اسنانه بعصبيه وبيخبط بأيده علي المكتب
نادين بستفزاز: تؤ تؤ تؤ كنت جاي الشركه عشان تاخد الاسهم وتطرد فارس من الشركه وتنتقم منه وطبعا كان ف نيتك توقعني ف حبك و تاخدني من فارس وبكدا تكون دمرته ع الاخر صح… اوبس كشفت خططك رسلان كان ف حاله صدمه أسر بيكلم نفسه بصوت منخفض: ايي ده ازاي عرفت كل ده فارس بتفاجأ: معقول ده صح؟ نادين: طبعا طبعا… رسلان: انتي عرفتي كل ازاي؟ نادين: مش مهم دلوقتي المهم انك كشفتك…وبتتكلم جد وبصوت عالي: مش عايزه اي تأخير بعد كدا مفهوم زيكو زي اي موظف ف الشركه ماشي اظن كلامي واضح وبكدا انتهي الاجتماع ولسه هتكمل بتقاطعها
ساره وهي مسكه المسد*س وموجه عليها: مش الاجتماع بس اللي انتهي وانتي كمان هتنتهي ينادين كلهم بيقومو يقفو وكل الموظفين اتلمه