اسكريبت بقلم ايه محمد

ليلي ببكـاء: جوا ي بابا و محدش بيقـولي اي حـاجه.. مش عـارفه اعمل اي! محمود: أهدي ي بنتي خـير بإذن الله.. عبد العزيز: ي رب يعديها علي خير.. محمود: متقلقش ي عبد العزيز هيبقي كويس.. عبد العـزيز: ي رب.. بعد شـوية الدكـتور خـرج و بصلنا لفترة و بعدين اتكـلم.. الدكـتور: متقلقوش ي جمـاعه هو عدي مرحـله الخـطر.. لكن.. عبد العزيز: لكن اي ي دكتور.. لو محتاج يتنقل من المستشفي انقـله..

الدكتـور: للاسف أحنا مضطرين نعمل بتر لرجله الشمـال من بعد الركبه.. الجزء اللي تحتها بس. ليلي بصدمه: بتر!! عبد العزيز: بتر.. بتر يعني اي مفيش اي حل غيره.. مفيش اي علاج ينفع!! الدكتور: للاسف رجـله كانت متضرره بشكـل كبير من الحادثة.. أحمدوا ربنا انه لسه عايش.. أحنا محتاجيـن توقيعكم بالموافقه عشان نعمـل البتر..   شوفت عمـي وهو بيمضـي علي الورقه و جواه حزن و قهر الدنيا.. كنت واقفه في زاوية مش مصدقه و مش عـارفه اعمل اي ولا أقـول اي و ي تري لما يفوق و يعـرف هيبقي رد فعله اي!!

  بعـد كام ساعه وصلت أمي و مرات عمي و أخواته و أخواتي و الحزن كان علي وشوش الكـل.. كان لسه متخـدر لما نقلوه علي الترولي من اوضة العمليات لأوضة عادية في المستشفي و كـلنا روحنا وراه.. الدكـتور: بعد اذنكم ي جماعه بلاش زحمه في الأوضة خلوه يرتاح.. محمـود: خد أخواتك و ولاد عمك ي معتز و امك و مرات عمك معاك.. يلا كله يروح وجودكم ملوش داعي.. منال: لا انا مش همشي و أسيب أبني.. هفضـل معاه..

عبد العزيز: روحي ي منال يلا بلاش غلبه.. هتقعدي تعملي اي.. منال: هقعد مع ابني و لو مليش اي لازمه… انا هفضل هنا و مش همشي.. مشيوا و أتبقي مرات عمي و عمي و أنا في الأوضـة.. بعد فترة حسيته بدأ يفوق.. ليلي بدموع: مالك انت سامعني!! عبد العزيز: انا هروح أبلغ الدكتور.. ليلي: بيفتح عنيه اهو.. مالك ب ألم: اي اللي حصـل! ليلي: إنت عملت حادثه بس أنت بقيت كويس..

مالك بتذكر: ايوا عربية خبطتني..جسمي كله واجعني و رجلي وجعاني أوي.. ليلي: معلشي هو تأثير البنج بيروح.. اكيد الدكتور هيديلك مسكـنات..   دخـل الدكـتور و هنا بدأت اترعب..   الدكـتور: هتبقـي كويس ان شاء الله ي استاذ مـالك.. أحمد ربنا انت حـالتك كانت صعبه أوي.. مالك: الحـمد لله ي دكتور.. بس أنا حاسس بوجع جامد اوي في رجـلي.. الدكـتور: أستاذ مـالك أنا بعتذر جـدا ليك بس أحنا أضطرينا.. نعمل بتر في رجل حضـرتك..

مالك: ااي!! هو بيقول اي!! ليلي: مالك اهدي عشان خاطري.. مالك: اهدي اي و قرف اي انت بتخرف تقول اااي!!!! ليلي بحزن: أمر ربنا.. اصبر ي مالك.. مالك بصدمه شال الغطا من عليه.. مالك: لا.. لا… لا أنا محصلش فيا كدا… لااااا.. انت عملت كدا ليه.. مين ادالك الحق تعمـل كدا… منال بدموع: استهدي بالله ي ابني الحمد لله انها جت علي قد كدا.. مالك: اطـلعوا برا.. كلكوا برا يلا..

عبد العزيز: تعالوا برا سيبوه لوحدوا.. ليلي: لا مش هخـرج.. مالك: اخـرجي برااا.. مش عاوز حـد هنا.. مش عاوز حد.. اخـرجوا… الدكـتور حقنه مهدأ في المحـلول و خرجوا كلهم من عنده.. الدكـتور: انا شايف أن وجـودكم هنا ملهوش داعي دلوقتي هو هينـام و مش هيصحي غير بكـرا الصبح.. ليلي: مش ينفع معاه مـرافق! الدكـتور: أيوا ينفع بس مش عـاوزين نضغط عليه.. ليلي: عمي لو سمحت انا هفضل هنا و لو احتاجت لأي حد هكلم حضـرتك.

عبد العزيز: ماشي ي بنتي خليكي مع جوزك.. فضـلت واقفه قدام أوضته و ببصله وهو نايـم..كنت زعلانه عشـانه اوي.. مكنتش عارفه هتعـامل معاه ازاي بعد كدا و خصوصا أنه اكيد مش هيبقي عـاوز شفقـه عليه او هيستحمل النظرة دي في عين حد.. و خايفه اي حاجه اعملها توصله احساس زي دا.. مش عـارفه هتصـرف ازاي و ي تري هشتغـل ولا لا و هو هيوافق ولا لا..

فضـلت قاعده لحد الفجـر روحت اتوضيت و صليت و رجعت لقيت باب الأوضة مفتوح.. جريت بسـرعه لقيت بنت من سنـي قاعده جمبه و بتبصله ب شرود و كأنها بتفكر في عالم تاني و ماسكه ايده.. ليلي: مين حـضـرتك!! ندي: أنا.. مراته..   و يتبع.. #آية_محمد جماعه هو اسكـريبت ف مفكرتش اوي في الاسم يعني لو انتوا عاوزين اسم اقترحوا.. هو مش هيعدي خمس بارتات يعني.. متنسـوش التفاعل لأنه الشئ الوحيد اللي بيطمني انكم حبيتوا البارت..ندي: أنا.. مراته..

ليلي: اي!! ندي: مـراته.. مراته.. انتي ليلي صح! هو جـراله اي! ليلي بصدمه: مش مصدقه.. مستحيـل.. إنتي كدابة.. ندي: لا.. انا مش كدابة و الدليل اني عرفاكي.. انا و مالك اتجـوزنا قبل فرحكم ب أسبـوع لأنه اضطـر علي جوازتكم و كنا بنحب بعض و انا اصريت نتجـوز و الأول.. ليلي بصدمه: يعني مالك متجـوز عليا! متجـوز عليا.. قعـدت قصادهم و أنا مش قادرة أصدق.. معقول اتجـوز!! عايش حياته مع اللي بيحبها و معيشني انا في العذاب دا..

ندي: هو الدكـتور قالكـم اي! ليلي بجمود: حصله بتر في رجله.. ندي بصدمه: بتر!! ي حبيبي ي مالك.. ليلي: خليكي مع حبيبك.. أنا هروح.. خـرجت من المستشفي كان لسه الصبح بيطـلع وفضلت واقفه شوية لحـد ما لقيت تاكسـي و وصلت للبيت.. منال: اي دا انتي جيتي امتي متصلتيش ليه بحد يروح لمالك.. ليلي بسخرية: متقلقيش ي مرات عمي.. مراته معاه. منال: مراته!!! ليلي: اه هو انتي متعرفيش ان ابنك متجـوز عليا..

منال: ي بنتي والله ما أعرف.. أنا هاخد ابوه و نروحله.. ليلي: مع الف سلامـة.. طلعت شقتـي ولميت هـدومي و نزلت لبيت ابويا.. كلنا عايشين في نفس العمارة.. محمود: انتي جيتي امتي ي ليلي! ليلي: من شوية ي بابا.. محمود: و اي الشنطـة دي! ليلي: بابا انا هطـلق.. محمود: اي!! ادخـلي.. ادخلي اقعدي وفهميني!! ليلي ببكاء: طلع متجـوز ي بابا.. محمود: متجـوز! مين اللي قال الكلام دا! ليلي: مراته جات المستشفي.. سيبتها معاه وجيت.. انا مش هكمل معاه ي بابا..

انا مكانش ليا ذنب في الجـوازة دي ولا انا اللي أجبرته عليا.. انا كمان كنت مجبـورة بس قولت لا خلاص بقي جوزك حبيه.. و حبيته ي بابا.. عايشين زي الأغراب و تقريبا مبنشوفش بعض.. بيرجع الساعه 11 بليل و هو بيخلص شغل 4 وعمري ما ظنيت انه ممكن يكون متجوز و عايش حياته و قولت تلاقيه بيشوف اصحابه.. يطـلع متجـوز.. هو انا ذنبي اي في الجوازة دي ي بابا.. محمود: الذنب ذنبي أنا ي بنتي.. أنا اللي عاجـز اسد الدين ل عماد و أنا مكنتش عاوزك تتجـوزيه و دا كان شرطه عشان يتنازل…

ليلي: بصي ي بابا انا هطلق و ب المؤخر و الدهب بتاعي نسد الدين اللي عليك.. محمود: طلاق بعد شهرين!! عزة: طلاق!!! مين اللي بيطلق!؟ ليلي: انا ي ماما. عزة: ليه! عشان اللي حصل لمالك.. و هو ذنبه اي ي بنتي! دا بدل ما تبقي بنت أصول و تقفي جنب جوزك و تكوني عكازه تسيبيه! ليلي: أنا عمري ما كنت هعمل كدا.. بقولك متجـوز غيري.. انا مش هقبل كدا ابدا…

عزة: متجـوز!! محمـود: بس أنا مش شايف أنه وقت ينفع تسيبي فيه جـوزك. ليلي: بمعني!! انا جيت هنا عشان انتوا اكتر ناس هتخاف عليا.. عشان انتوا اللي هتحسوا بيا.. محمود: ي بنتي حاسس بيكي وعارف أن كرامتك موجوعه.. بس مش الوقت ده اللي تاخدي فيه قرار زي دا.. اسمعي خليكي في بيتك لحد ما يرجع كويس.. عمك كان بيقول هنتصرف و نشوف موضوع الرجل الإصطناعيه وبعدين هيرجع تاني يبقي طبيعي وقتها بنفسي هاجي و أخدك و تقعدي في بيتك هنا معززة مكرمه لحد ما تقرري..

ليلي: هو ليه كل مره أنا اللي باجي علي نفسي!   عـزة: ي بنتي دا لمصلحتك.. أولا عشان أبوكي يبقي عنده وقت يكمل اللي باقي من الدين و ثانيا عشان انتي لسه متجوزة قريب و ثالثا عشان متبقيش سيبتيه في وقت زي دا محتاج وقفتك معاه.   ليلي: و مين قالك أن بعد دا كله انا عاوزة اقف معاه!