عزة: حتي لو أنتي مش عـاوزة دي الأصـول.. خليكي هنا معانا لحد ما يخرج من المستشفي وبعدين ارجعي شقتك… بصتلها و بعدين بصيـت لبابا اللي فضل ساكت لأنه موافقها في كلامها و أخدت شنطتي و خرجت و طلعت شقتي تاني.. دخـلت أخدت شاور و غيرت هدومي و حضـرت أكل و أخدته ورجعت ليه المستشفـي.. وصلت هناك.. كان صاحي و قاعد ساكت و هي جنبـه أول ما شافني مقدرش يحط عينه في عيني…
ليلي: الدكـتور قال يخرج أمتي! عبد العزيز: يومين كدا.. ليلي: هتـروح ي عمي ولا هتفضلوا هنا.. عبد العزيز: لا ي بنتي هستني شـوية.. ليلي: طيب انا جيبتلكم حاجه خفيفه تاكلـوها.. أديتلهم الأكـل و أخدت الأكـل اللي أنا عملاهوله وقعدت قدامـه… مالك: مش جعـان.. ليلي: لازم تاكل.. حتي لو مش جعان. مالك: و دي ازاي بقي.. ليلي: كل عشان العـلاج.. مالك: قولتلك مش عـاوز أكـل.. ليلي: تعالي.. تعالي اكلي جوزك يمكن بقي يقرف مني ولا حـاجه…
سيبتهم وخـرجت برا… مش هقدر.. مش هقدر اقول اني مكرهتوش لأنه حسسني قليله اووي.. ازاي كان بيقولي ان حالتنا صعبه وانه قد اي مستحمل و اني انا كمان لازم استحمل و هو اصلا مبسوط في حياتة و عايش عادي كدا.. و المطلوب مني اي دلوقتي أكله و اهتم بيه.. و أقلق و اخاف عليه.. عشان مبقاش قليلة الأصل.. فضـلت قاعده برا و شايفاه في الأوضة وهو شايفني و انا برا.. لحد ما لقيتهم خرجـوا..
منال: ادخلي عاوز يتكـلم معاكي.. ليلي: في حاجه!؟ منال: ي بنتي ادخلي و شوفيه عاوز اي! ليلي: طيب.. دخلت و قعدت قصـاده و فضلت ساكته و بهزر في رجلي بتوتر.. مالك: أنا.. كنت بحبها من ايام الكلية.. ليلي: مش مهتمه اعرف حاجه عنك ولا عنها. مالك: اسمعيني.. ليلي: الجوزاة دي أكبر غلطه في حياتي… طب كنت قولي بدل ما أنا هبلة و بتعامل معاك علي أني زوجـة و بحاول اقرب منك..
ليه خليتني أقلل من نفسي و أنت مش عاوزني.. مالك: انا كنت عاوز أحل المشـكلة.. بس في نفس الوقت مكنتش مستعد أتخلي عن ندي.. ليلي: كنت اتفق معايا.. كنت من الاول مسميتهاش جوازة.. مالك: يعني كانت هتبقي عادية وقتها.. ليلي: اه.. مكنتش ههين نفسي معاك. مالك: و هو لما تقربي مني دي اهانه!! ليلي:مش عاوزة كلام تاني في الموضوع دا… اظنك عرفت رد فعلي و قراري لما انا جيت هنا و مش عاوزة نقاش…
مالك بغضب: لا مش عشان انا بقيت عاجز تقوليلي مش عاوزه نقاش.. انتي مش هتخرسيني.. ليلي: بتزعقلي! يعني انت اللي غلطان و بتزعق! مالك: انا خرجتهم عشان نتكلم مش عشان أنتي تقوليلي مش عاوزة نقاش.. ليلي: عاوز اي ي مالك.. من الأخر كدا.. مالك: عاوزك تفهمي اللي أنا مريت بيه وقتها.. ليلي: اسمعني انت ي مالك.. بالنسبالي جوازنا كان حقيقي ف لو أنت فاكر أنه عشان وضعنا انا هتساهل مع فكـرة أنك متجوزها و عايش و مبسوط و ممثل عليا دور التعيس تبقي غلطـان..
مالك: اومـال جيتي ليه دلوقتي!؟ ليلي: عشـان خاطر بابا و لحد ما يسد الدين انا هفضل مراتك و لوقتها دوري اني أفضل جنبك في تعبك عشان مبقاش قليلة الأصل.. مش عشان أنا خايفه عليك.. سيبته وخـرجت.. مش عارفه انا غلطـانه ولا لا.. يعني هو في وضع دلوقتي اكيد حزن الدنيا فيه لأنه فقد رجله و أنا أكمـل عليـه.. انا مبقيتش عارفه المفروض أتصـرف ازااي.. لازم أكتم غضبي طالما انا اللي قررت أكمـل..
ندي: ليلي.. ممكن أطلب منك طلب.. ليلي بضيق: أتفضـلي.. ندي: ممكـن أفضـل معاه الليلة دي.. ليلي بسخرية: مكنتش هفضل هنا أصلا.. شوية و همشي.. ندي: علفكـرا مالك كان مضطـر علي كدا.. و علفكرا ابوكي هو اللي عليه دين مش أبو مالك… سابتني و مشيـت.. قعدت ساكته.. في الأول وفي الأخر مالك عمل كدا عشان خاطر بابا.. هو كل اللي حصل دا كان بسبب اي اصلا!!! أخدت شنطـتي و رجـعت البيت تاني..
ليلي: بابا.. أنا موافقـة أتجـوز عمـاد.. ويتبع.. بقلمي آية محمد…ليلي: بابا.. أنا موافقـة أتجـوز عمـاد.. محمود: اي! ليلي: الدكـتور قال ان في خلال شهـر واحد مالك هيقدر انه يركب الرجل الصناعيه.. وكمان مراته التانيه مسابتوش و أنا واثقه انه هيخرج من المستشفي علي شقتها هي مش شقتـي.. أنا هطلق ي بابا لأن أنا مش قادرة صدقني.. و عشان موضوع عمـاد ف أنا موافقه أتجـوزة عشان يقبل يتنازل عن الدين..
محمود: و أنتي بقي مفكـراني هقبل باللي أنتي بتقوليه دا!! أنتي مقدرتيش تعيشي مع مالك هتقدري ازاي تعيش مع اللي اتجـوزك غصب عنك.. أنا مش هسمحـلك تعكي حياتك بالشكـل دا… الموضوع دا يتقفـل أنتي فاااهمه… بـابا معاه حق قفل الموضوع و مر شهر بالفعل.. الموقف لغبطني و خلاني أخد قـرار غلط بس هو كان موجود و وقفنـي… أنا عـارفه أن جواز مالك مني كان غصب عني و وقتها انا كمان مكنتش عاوزاه..
و تصرفه بجـوازة كان غلـط و دا غلط مقدرتش أسامحه عليه بس يمـكن حبه ليها هو اللي خلاه يعمـل كدا… وهي كمـان بتحبه… وقفت معاه في شدته.. شهر كـامل وهي عكـازه.. زي ما قولت راح علي شقتها مش علي بيتي و قتها زعلت أوي و يمكن لسه لحد دلوقتي متضايقه بس لسه التعب الحقيقي مبدأش… عبد العزيز: جـرب تمشي عليها كدا… ليلي: اسنديه ي ندي.. مالك: لا لا أنا كويس… انا حاسس أني هقدر امشي عليها بشكـل طبيعي..
ليلي: الحمـد لله.. منال: الحمد لله ي ابني انها جت علي قد كدا.. مالك: أنا راضي.. أنا عـارف أنه عقاب علي اذيتي لحد مهم اوي و ليه حق عليا… ليلي: أنت هترجع الشـغل أمتي! مالك: ممكـن أتكـلم معاكي شوية! منال: طب بقولك اي ي ندي تعالي وريني عندك اي نعمل غدا.. ندي: ماشي ي ماما.. عبد العزيز: أنا هروح افتح المحـل.. سلام عليكم.. ليلي: و عليـكم السلام.. مالك: ليلي! أنتي بتكـرهيني!
ليلي: أنت قللت مني و فرقت في معاملتك بيني و بينهـا.. ب إسم الحب.. بس أنت ملكش سلطان علي قلبك.. أنا مسمحـاك.. بس أنا مش هقدر أسامح نفسي لو فضـلت مكملـة في الجـوازة دي.. مالك: لو وعدتك أني أعدل بينكـم.. ليلي: لا.. لا ي مالك أنا أسفه.. مش هقدر.. الحمد لله أنت بقيت كويس.. ممكن بعد اذنك تجيب المأذون و ننهي المسأله دي في أسرع وقت.. مالك: طب و الدين اللي علي ابوكي!!
ليلي: الحـمد لله بابا سد مبلغ الشهر دا و لسه ليا 3 شهور عدة هيحاول يدفع فيهم الباقي… متقلقش عليا مش هتجـوز واحد زي عمـاد.. بعد سنتين. ليلي: علي مهـلك.. براحه.. ارتاحي و متفكريش في حاجه.. قدر الله و ما شاء فعل.. ندي ببكـاء: أنا كنت فرحانه اوي اني حامل.. مكملتش شهـرين حتي.. ليلي: احمدي ربنا أحسن ما كنتي تتعلقي بيه أكتر.. ندي بحزن: قلبي واجعني.. ليلي: معلشي ي ندي.. اختبار من ربنا ليكي.. استحملي..
خـرجت من أوضتها و سيبتهـا ترتاح و بعدين روحت للمطبخ اساعد مرات عمي.. منال: هي اتصلت بيكي انتي ليه!! ليلي: قالتلي اتصلت بمامتها و تليفونها مقفول و كمان تليفونك مقفول ف اتصلت عليا و جبتك وجيت.. منال: مش هتريحي قلبي ي ليلي… ليلي بضيق:ي مرات عمي انا مستحيل اوافق علي اللي طلبتيه و الموضوع انتهي.. هو مالك عارف انك عاوزة تجـوزيه عشان الخلفه.. منال: وافقي انتي بس ملكيش دعوة بمالك..
ليلي: يبقي مش عارف.. الافضل تقوليله و بالنسبة ليا انا مش هتجوز مالك لو حصل اي.. تمام.. انا همشي بقي خليكي مع مرات ابنك.. سلام.. سيبتها ومشيت… انا مش عارفه هو ليه حظي من الدنيا مع ناس بتفكر في مصلحتها وبس… الاول اتجـوزت مالك وقلت عشان خاطر بابا ميتحبسش وعشانه هعمل اي حاجه.. و بعدين مالك يطلع متجوز و عايش عادي و بكل بجاحه يقولي هعدل بينكوا.. و بعدين امه تقولي اتجوزية عشان تجيبلنا حته عيل… هو انا الحيطه المايلة بتاعتهم ولا اي…
مفيش اي حد بيحس بيا.. ليه حاسين اني جبل ممكن استحمل و لا اتجـرح.. رجعت بيتي و قـعدت قدام التليفزيون بتفرج علي المسلسل لحد ما لقيت مالك بيرن بصيت للرقم بضيق و بعدين رديت.. مالك: ازيك ي ليلي! ليلي: الحمد لله انت أخبارك اي!؟ مالك: بخيـر الحمد لله.. كنت عاوز اشكـرك عشان جيتي لندي لما كانت تعبانه.. ليلي: مفيش داعي للشكـر.. ألف سلامه عليها وربنا يعوض عليكم ي رب..
مالك: ي رب.. و ماما قالتلي علي الموضوع اللي كلمتك فيه.. انا اسف اوي والله ي ليلي هي اكيد ضايقتك بس انا قولتلها متفتحش الموضوع دا تاني لا معاكي ولا مع غيرك.. ليلي: مالك.. خليك جنب مراتك.. لازم تبقي انت اول حد هي تفكر فيه في موقف زي اللي حصل.. موبايلك ليه مبتردش عليه وقت الشغل افرض حصل حاجه ضروريه معاها مهو الشغل مش أهم منها.. خليك معاها.. مالك: معاكي حق.. انا اسف بجد
ليلي: اعتذر ليها هي.. يلا سلام عشان ورايا مسلسل.. مالك: سلام.. قعدت اتفـرج علي المسـلسل و قدامي طبق الفشار بتاعي لحد ما لقيت بابا و ماما جايين ورا بعض.. ليلي: اي مالكوا! محمود: كنا عاوزين نقولك حاجه.. ليلي: قولوا.. في حاجه ولا اي! عزة: فاكرة في فرح اختك من اربع شهـور ام أحمد اللي جت سلمت عليكي.. ليلي: ااااه.. امم مالها ام احمد ي ماما.. عزة: ابنهـا طالبك للجواز.. ليلي: مين احمد!
عزة: هيكون مين يعني! ليلي: اه.. طيب ابنها طالبني اعمل اي.. عاوز اي يعني.. محمود: ي بت بطلي اللماضة.. ارد ع الراجل اقوله اي! ليلي بهدوء: قوله يجي ي بابا و اللي فيه الخير يقدمه ربنا.. عزة بفرحه: بجد.. ليلي: علفكرا انا موافقتش.. لسه بدري ع الموافقه.. عزة: المهم ان المبدأ موجود. ليلي: حاسه اني قاعده علي قلبك ي عزة.. عزة: اه الصراحه زهقت منك.. مبتعمليش معايا حاجه و مقضياها اكل طول النهار..
ليلي: انا بتهان في بيتك ي حاج.. محمود بضحك: الله ي عزة لو متدلعتش في بيت ابوها يعني هتدلع فين! عزة بغضب: عند الست ندي.. كنتي بتعملي اي هناك ي بت.. ليلي: كانت تعبانه و ملقتش حد غيري تتصل بيه اسيبها.. عزة: لا الف سلامه ي حنينه.. ليلي: اسكتي ي ماما دي خسرت الجنين.. عزة: بجد.. لا حول ولا قوة الا بالله.. مكنتش اعرف.. ليلي: زعلانه عليها والله ي ماما برغم اني لا بحبها ولا مالك بس زعلت عليهم..
عزة: مهو من اللي عملوه فيكي.. ليلي: لا ي ماما.. اوعي تكوني شمتانه فيهم.. ربنا يرزقهم بالذرية الصالحه دي حاجه صعبه ي ماما… عزة: عارفه ي بنتي.. ربنا يكملك بعقلك و توافقي ع العريس ي رب.. ليلي: شوف بردو.. طب اي رايك بقي علي قلبك.. عزة: م انتي كدا كدا علي قلبي لحد ما ام-وت يعني بعد ما تتجوزي ما انا هفضل شايله همك.. ليلي: بعد الشر عليكي ي ماما…
حاسه ان أهلي شايلين فوق طاقتهم و خايفين عليا ب زيادة.. خايفين اني ارفض فكرة الزواج بسبب تجربتي.. بس لا أنا عاوزة اعيش حياة مستقرة ويكون ليا بيت و اطفال و زوج محب.. بس الوقت.. حسيت اني محتاجه وقت لنفسي ارتاح فيه…اخد هدنه و لما حسيت ان حد مناسب اتقدم قولت اي المانع… انا عارفه أحمد دا انه شاب كويس و عيلته محترمه.. صحيح معرفش عنه كتير وعشان كدا مقولتش موافقه ولو حتي مبدأيه.. لان قراري لازم يكون سليم..
يوم الرؤية الشرعية كان جـاي ومعاه اخته و والدته و عمه… والدته: انتي بتشتغلي اي ي ليلي!؟ ليلي: مصممه في شركه دعايا.. أخته: الله ديزاينر.. ليلي ب ابتسامه: اه.. أحمد: هي عاوزة تبقي مصممه و انا بصراحه بشجعها انها تدخل الحاجه اللي حباها.. والدته: بس دي جايبة مجموع طب.. أحمد: اي المشكله ي ماما هي تدرس اللي حباه.. والدته: طيب.. خلاص مش وقته.. عزة: طيب نسيبكم تتكـلموا.. قعدت معاه لوحدي و كنت متوترة مع اني حاسه اني اخر فترة شخصيتي كانت شديدة مش حساسة زي الاول…
أحمد: متوترة! ليلي: لا.. لا انا تمام.. أحمد: علفكـرا أنا كنت خاطب من فترة او كنت كاتب كتابي عليها بس توفاها الله.. ليلي: ربنا يرحمها.. من قد اي! أحمد: يعني من خمس سنين كدا.. ليلي: أنت عندك كام سنه.. أحمد: 32.. ليلي: أنا 26.. أحمد: طيب كلميني عن نفسك.. ليلي: انا.. يعني انا معنديش حاجه اقولها اوي.. اهم حاجه طبعا اني كنت متجـوزة و اتطلقت.. كان ابن عمي ف هتشوفه كتير لو حصل نصيب…