_ مخصماااااك _ وابعد عني انا مش طايقاك _ بسم الله انتي بتطلعي منين _ نفسي تفهموا ان الاغنيه دي عشان ننكد عليكم مش عشان ترقصوا عليها _ ما هي بصراحة حلوة _ حلوة!! … بقا الهيبة دي كلهااا يا دكتور محمد بتغني مخصماك محمد: بت انتى اوعي تقولي قدام حد _ اطلاقاً يا دكتور طلعت موبايلي و انا ببتسم : دا انا هذيع صوت و صورة محمد : لا نورا بقولك ايه اعقلي يا حبيبتي
طلعت اجري و من بعدها عينك ما تشوف الا النور لفينا الجنينة كلها after 5 minutes _ يا محماااااااااااااد نزلني من هنا بالله عليك كان واقف بيضحك و هو ماسك موبايله و بيصورني وانا متشعلقة على الشجرة زي الكوالا بالظبط _ انت بتصور ايه بطل ند’الة بقا همسح الفيديو والله بس نزلني بصلي وهو بيبتسم بخبث: قولي انا اسفة _ لا والله _اه والله
بيستغل الموقف بس انا هتمسكن لحد ما اتمكن برضو حاولت اتصنع البراءة كدا عشان احاول أثر عليه: انا اسفة يا محمد نزلني بقا بصلي بتفكير وهو بيهز راسه: لا لا مش عجباني كمان مرة.. عايزها تطلع من قلبك اتعصـ’ـبت و رفعت ايدي اشاورله او بمعني اصح اشوح بإيدي كدا بس ملحقتش عشان لقتني على الارض بصيت للسما وانا بخبط على قلبي: انا ممو’تش.. انا لسه عايشة
لقيت صوت جاي من تحتي: ما هو لو مقومتيش دلوقتي انا اللي همو’ت و لحظة ادراك اني وقعت فوقيه قومت بسرعة و انا وشي بيجيب الوان _ انت كويس _انتي بتاكلي ايه حر’ام عليكي _قصدك ايه… قصدك انه انا تخينة _ لا لسمح الله مين قال كدا _ انت لسه قايل ضحك و اههههه من ضحكته اللي بتدوب قلبي دي _انا يبنتي
ربعت ايدي و وقفت قصاده: مخصماااااك ضحك و بدأ يغني هو اصلا صوته جميل _وابعد عني انا مش طايقا’ك وانا لا اراديا لقتني بضحك و برد عليه _ سيبني مش عايزة ابقى معاك _ متورينيش وشك تاني _مخصماااااك مسكت خرطوم الماية بتاع الزرع و انا برش عليه اتكلم وهو بيجري _لا يا نورا كدا جنا’ن فضلت اجري وراه لحد ما غر’قته هو يسكت لا طبعاً غفلني و اخد الخرطوم و في ثانيه كنت غر’قـانة انا كمان
_ دا انت الواحد ميعرفش يهزر معاك يا جدع بعد عني الخرطوم و هو بياخد نفسه و بيضحك _معاهدة سلام مسكت جمبي وانا بتنفس بالعافية _معاهدة سلام نـــــــــــــــــــــــــــــيــــــــــــــــــــــــرة وائـــــــــــــــــــــل _________________________ _ انزلي يا نورا يلا عمي تحت _ يا محمد انا مش عايزة اشوفه… مش عايزة اشوف مراته ولا بنته عيطت بقهـ’ـر و انا بفتكر
ماما و بابا اللي اتطلـ’ـقوا و كل واحد منهم سابني و راح يعيش حياته و اتجوزوا و انا اللي فضلت عايشة مع جدي وعمي 20 سنة من غيرهم… كل واحد فيهم عاش حياته و نسيوا ان عندهم بنت اصلا قطع تفكيري محمد وهو بيطبطب على كتفي _ ممكن تهدي.. انا عارف انك زعلانة من عمي بس لازم تنزلي تسلمي عليه _ مش عايزة اشوفه لا.. افهموني بقا
قطع كلامنا صوت بابا اللي واقف على الباب _ مش عايزة تشوفيني يا نورا بصتله بجمود من غير ما اتكلم لكن دمو’عي كانت مغر’قة وشي لقيته بيقرب مني و قعد جمبي على الكرسي محمد قام عشان يسبنا مع بعض لكني مسكت حرف التيشرت بتاعه وانا بترجاه بعنيا انه ميسبنيش طبطب على ايدي و بصلي بحنية فهمت من نظرته انه بيقولي مخافش بعدها مشي و اتبقيت انا وبابا.. بصيت للفراغ و لحظات من الصمت
مقطعهاش غير صوت بابا _ انا اسف يا نورا بصتله وانا ببتسم بسخرية _ اسف؟… حضرتك اسف على ايه بالظبط.. على اني عيشت طول عمري زي اليتيمة و ابويا عايش… و لا انك مش بتسأل عليا و لا عشان سامية اللي شرطت عليك تسبني عشان تتجوزك بص في الارض مكنش عارف يرد اصل هيرد يقول ايه.. مسحت دمو’عي و حاولت استجمع شجاعتي وقفت و انا بتكلم بهدوء
_لو سمحت معتش تيجي تاني قام وقف قصادي كان بيعيـ’ـط انا اول مرة اشوفه كدا حسيت ان قلبي حن و اني عايزة احضـ’ـنه لكن لفيت وشي الناحية التانيه وانا بتجنب اني ابص ليه اتكلم بصوت مبحوح _ انا اسف نـــــــــــــــيــــــــــــــــــــــــــــــرة وائــــــــــــــــــــــــــل مقدرتش اقاوم مشاعري و اترميت في حضـ’ـنه و انها’رت من العيا’ط سكتت بعدها بشوية و رجعنا قعدنا هاديين…لقيته بيبص على ساعته بتو’تر _في ايه
مسك ايدي و ابتسم بتو’تر ملحوظ _ انا لازم امشي دلوقتي عندي طيارة _طيارة… طيارة ايه انت مسافر هز راسه بمعنى ايوا.. سحبت ايدي بسرعه و اتكلمت بصد’مة و انا مش مستوعبة اللي قاله _ يعني انت جاي تسلم عليا في الخمس دقايق دول… يعني حتى معرفتش تيجي قبلها تقعد معايا كام يوم _ نورا انا… _ انت ايه… هتقولي اسف تاني
_ كل حاجه جت فجأة و مكنتش مرتب للسفر…سامية تعبا’نه و مضطرين نسافر عشان تتعالج هناك _ لو سمحت امشي _ اختك هتفضل معاكي هنا _ اختي …. يعني انت جاى عشان تسيب بنتك عندنا _ مينفعش تسافر معايا عشان دراستها و مينفعش تقعد لوحدها كنت في لحظة ادراك انه مجاش يشوفني دا جه عشان يسيب بنته هنا .. دا حتى مأنكرش دا _ خلي بالك من اختك يا نورا
ابتسمت بكسـ’ـرة _ يعني انت مكنتش جاي تسلم عليا انت كنت جاي عشان بنتك التانيه اتكلم بعصـ’ـبية: انتى ازاي بتفكري كدا رديت بصوت عالي : انا بكر’هك… بكر’هك و بكر’ه بنتك و مراتك سبت الاوضه و طلعت اجري وانا بعيـ’ـط كنت حاسه إني تايهه مش عارفه انا رايحه فين لقيت رجلي بتوديني على اوضة محمد…. انا اصلا مليش غير محمد محدش بيحبني غيره هو و جدي…هو الامان بالنسبالي و كل حاجه في دنيتي من يوم ما وعيت على الدنيا و هو جمبي
انا بحبه لا انا بعشقه مش مجرد حب عادي دا وصلت اوضته ولقيت الباب مفتوح كنت لسه رايحة اجري عليه و اترمي في حضنه لكن… لكن اتسمرت مكاني لما لقيت اختي في حضنه…… #يتبع #البارت_الاول #بقلم_نيرة_وائل #اسڪريبت #وحيدته وصلت اوضته ولقيت الباب مفتوح كنت لسه رايحة اجري عليه و اترمي في حضنه لكن اتسمرت مكاني لما لقيت اختي في حضنه محستش بنفسي غير و انا بجيبها من شعرها و هي بتصر’خ
اتكلمت بعصـ’ـبية و انا لسه مسكاها _ انتي بتعملي ايه هنا… سافري مع ابوكي متقعديش هنا امشي لقيت محمد ز’قني بعيد عنها لدرجه ان ضهري اتخبط في الدولاب و صر’خت بو’جع لكنه جري يطمن عليها و اتجاهلني لا اتجاهلني ايه دا مكنش شايفني فعلاً لقيته بيبصلي بعصـ’ـبية و زعـ’ـقلي _ ايه اللي انتي عملتيه دا… انتي اتجـ’ـننتي بصتله بصد’مة و انا بحاول استوعب اللي حصل لكن حتى معطنيش فرصة استوعب و لقيته مسح على وشه بعصـ’ـبية
_ اطلعي برا يا نورا صد’متي فيه كانت اكبر بكتير من صد’متي في بابا ساعتها حسيت ان نفسي بيضيق و قلبي و’جعني… طلعت اجري من الاوضة كنت بجد تايهه مش مجرد احساس لا.. بس المرة دي مكنتش عارفه اروح لمين…. فضلت اجري لحد ما طلعت برا البيت وقفت في الشارع و انا ببص حواليا لقيت اني قريبة من المقا’بر بعد فترة كنت نايمه جمب قـ’ـبر جدي و بعيـ’ـط
_ وحشتني اوي… انا محتجالك ليه مشيت و سبتني يا جدو انا ليه الكل بيسبني…عارف محمد النهارده ز’عقلي و مد ايده عليا هربت من الكل و جريت عليه اترمي في حضنه بس لقيت حضنه مش فاضيلي… لقيت غيري مكاني… رحت ليه هر’بانة من الأذ’ي لقيته هو كمان آذ’اني… كنت زي الطفل اللي بيجري على امه عشان يعيـ’ـط في حضـ’ـنها بس لقاها بتضر’به عشان يبطل عيا’ط انا حسيت اني خسـ’ـرت اماني النهارده
نـــــــــــــــــــــــــــــيــــــــــــــــــــــــرة وائــــــــــــــــــــــــــل في الاخر نمت من التـ’ـعب و محستش بنفسي غير و الدنيا ضلمة كنت خا’يفة و مش عارفه هروح ازاي لحد ما سمعت صوت خطوات بتقرب مني فضلت متسمرة مكاني و غمضت عيوني بر’عب حسيت بنور بيضر’ب في عيني و صوت محمد وهو بيتكلم بلهفة _ نورا… انتي كويسة اول ما لقيته قدامي حسيت روحي رجعتلي تاني و نسيت كل حاجه حصلت جريت عليه و اترميت في حضـ’ـنه وانا بعيـ’ـط.. طبطب على ضهري و اتكلم بقـ’ـلق واضح
_ نورا في ايه.. متقلـ’ـقنيش عليكي افتكرت كل اللي حصل و انها’رت من العيا’ط لكن بدل ما ابعد عنه فضلت ماسكة فيه اكتر.. لقيته شالني و مشي بيا مكنتش قادرة اجادله و اقوله نزلني…. فضل شايلني لحد ما وصلنا عربيته قضينا طول الطريق ساكتين اول ما دخلنا البيت لقيت جنة اختي بتجري عليا و بتحضني وهي بتعيط _ لو عايزاني اسيب البيت انا همشي والله… لو وجودي مضا’يقك همشي
بادلتها الحضن و فضلت اعيط طول عمري نفسي يكون ليا اخت كان نفسي دايما اشوفها و نعيش مع بعض… بس هي دايما كانت بعيدة… كنت بحقـ’ـد عليها لأنها اخدت بابا مني عندها عيلة و انا بابا نسى ان عنده بنت تانيه اصلا هي اخدت مني بابا و دلوقتي جايه تاخد محمد… محمد!! ز’قتها بسرعه و انا بفتكر محمد و سبتها و طلعت اوضتي اترميت على السرير لحد ما نمت من العـ’ـياط و التعـ’ـب
صحيت تاني يوم على صوت جنة وهي بتصحيني و مبتسمة _ نورا… اصحي يلا عشان نفطر سوا بصتلها بضـ’ـيق و رديت ببرود _ هو انتي مش قولتي هتمشي… ممشتيش ليه بصتلي بإحرا’ج و الدمو’ع اتجمعت في عيونها _ لما حضـ’ـنتيني امبارح افتكرت انك عايزاني قلبي حن ليها حسيت اني عايزة اتأسفلها لكن قطع كلامنا دخول محمد وهو بيتكلم بعـ’ـصبية _ البيت دا بيتها زي ما هو بيتك عايزاها تمشي تروح فين
استغربت طريقته دي تاني مرة يدافع عنها تاني مرة يقف في صفها هو بيعمل كدا ليه رديت عليه ببرود _ وانت مالك بصلي بغيـ’ـظ و وجهه كلامه لجنة _ ممكن تسيبنا لوحدنا شويه هزت راسها و مشيت وهو قعد على جمبي على حرف السرير لقيته مسك ايدي و اتكلم بحنية _ مالك يا نوري نـــــــــــــــــــــــــــــيــــــــــــــــــــــــرة وائــــــــــــــــــــــــــل مردتش عليه و لفيت وشي الناحية التانيه لكنه لاحظ الدمو’ع اللي
اتجمعت في عيوني… لقيته فتح دراعه و اتكلم _ تعالي عيطي هنا… دا مكانك اللي بتعيطي فيه دايما ساعتها معرفتش امسك نفسي و اتكلمت بعصـ’ـبية وعياط _ وهي كانت بتعمل ايه في حضنك… طالما دا مكاني يبقى غيري كان بيعمل ايه فيه… وليه كل شويه تدافع عنها… انت مديت ايدك عليا عشانها بصلي بصد’مة ساعتها _مديت ايدي عليكي امتى رديت بسخرية _ انت حتى مش فاكر… حقك ما انت ما اخدتش بالك جريت عليها و رز’عتني انا في الدولاب و حتى لما صر’خت مبصتليش
هز راسه بنفي و اتكلم بسرعة -انا اسف… انا مأخدتش بالي والله.. نورا انا اسف كانت اتقطـ’ـعت ايدي قبل ما تتمد عليكي رديت بسرعة و عفوية _ بعد الشر ضحك و انا ضحكت على ضحكته _ضحكت يعني قلبها مال و خلاص الفرق ما بينا اتشال ربعت ايديا و لفيت وشي الناحية التانيه _ لا يا محمد … انت امبارح كسر’تني انا اول مرة احس اني يتيمة بجد
بدون مقدمات لقيته حضني.. دقات قلبي زادت ساعتها و اتو’ترت حاولت ابعد لكنه مسابنيش _ انا اسف.. حقك على قلبي اختك كانت منها’رة عشان والدتها و زعلا’نه عشان عارفه انك مش عايزاها… البنت كانت محتاجه حد يطمنها في النهاية هي الصغيرة يا نورا.. لكن انتي محدش يقدر ياخد مكانك….انا اسف اني اتعصبـ’ـت و اسف اني مديت ايدي عليكي متزعليش مني يا نوري… أدي جنة فرصة و قربوا من بعض هي طيبه
وبتحبك و انتي كمان بتحبيها بس بتكابري… حقك عليا كمان مرة عيطت ساعتها و مسكت فيه زي الاطفال فضل يطبطب عليا لحد ما هديت _ يلا جهزي نفسك عشان ننزل نفطر في الجنينة هزيت راسي بإيجاب طبطب ع كتفي و نزل لمستوايا _حاولي تتقبلي اختك هي ملهاش ذنب في حاجه خرج من الاوضة و انا فضلت بفكر في كلامه هو عنده حق جنة ملهاش ذنب في كل دا
قومت اخدت شاور و لبست و قررت انزل افطر معاهم و اعمل زي ما محمد قالي ادي جنة فرصة خرجت من اوضتي عشان انزل لمحت اوضة جنة اللي كان بابها موارب عيني و قعت على صورة كبيرة متعلقة على الحيطة ليها هي وبابا مشيت ناحية الاوضة بخطوات بطيئة و فتحت الباب لقيت صور ليها هي و بابا في كل حتة كانت صور من اول ما اتولدت لحد سنها دلوقتي وكلهم بابا معاهم فيها و كمان سامية كانت عايشة سعيدة
كان عندها عيلة… كان معاها ابويا!! مشيت و ضر’بت بكف ايدي تابلوه صغير لصورتهم كان على المكتب سمعت صوته بيتكـ’ـسر زي ما كنت سامعة صوت قلبي بالظبط جريت على اوضتي تاني و فتحت الدولاب طلعت منه البوم الصور فضلت ادور على صورة ليا مع بابا لكني ملقتش… مفيش ليا معاه اي صورة.. حسيت ساعتها بالنقص و الحر’مان مشاعر كتير كانت جوايا كنت عايزة اصرخ بعلو صوتي لكن مقدرتش
نفسي كان بيضيق طلعت في البلكونة عشان اقف في الهوا لقيت جنة و محمد قاعدين بيفطروا و بيهزروا صوت ضحكهم كان واصلي فوق حسيت بنا’ر قلبي بتزيد جنة هتاخد مني كل حاجه دخلت اوضتها وانا حرفيا مش شايفة قدامي كنت اول مره في حياتي اكون عصبيـ’ـة بالشكل دا فتحت البلكونة كانوا لسه قاعدين في الجنينة مسكت الصور كلها حدفتها منها لقيتها بتصر’خ تحت و كلهم ابتدوا يز’عقوا ليا لكني مهتمتش و فضلت ارمي كل حاجتها
لحد ما لقيت حد حضني من ضهري و كتفـ’ـني بإيده مبقتش عارفه اتحرك.. عرفت انه محمد فضلت اصر’خ و حاولت ابعد لكن معرفتش معرفش فضلنا على الحال دا قد ايه لأني مكنتش حاسه بحاجة كنت بصر’خ و بعيـ’ـط و بطلع تراكمات و حرمان سنين حسيت ان رجليا مش شيلاني وقعت من محمد في الأرض وانا لسه بعـ’ـيط و مش قادرة اتنفس… كان لسه حاضني لمحت جنة واقفة على الباب بتعيـ’ـط ساعتها لا ارادياً
لقتني بمسك في محمد اكتر كأني خايفه يهر’ب مني نـــــــــــــــــــــــــــــيــــــــــــــــــــــــرة وائــــــــــــــــــــــــــل ______________________ ” بعد اسبوع ” _ وبعدين يا نورا بقالك اسبوع حابسة نفسك في الاوضة مش كفاية كدا _ انا مرتاحة كدا مش عايزة انزل و لا اشوف حد يا محمد لفيت وشي الناحية التانيه و هو طلع تذكرتين من جيبه و ابتسم بخـ’ـبث _طيب حيث كدا بقا اشوف حد تاني يروح معايا السينما
بصتله بطرف عيني لقيتها تذاكر فيلم بحبه اوي شدتهم من ايده بسرعة و زقته ناحية الباب وانا بطلعه برا _حيث كدا بقا انزل البس و انا خمس دقايق و هكون جاهزة لبست بنطلون وايد ليج ابيض و بلوزة بيبي بلو و لميت شعري حطيت ميكاب خفيف اداري بيه ملامحي الباهتة بصيت للمراية و ابتسمت وانا بفتكر محاولات محمد عشان يطلعني من الاكتئاب الفترة اللي فاتت… مكانش بيسبني لحظة
بعد مدة نزلت و انا بتمنى مشوفش جنة تحت والحمدلله ملقتهاش فعلاً… روحت اشوف محمد عشان اتأخر وصلت اوضته و كنت لسه هخبط سمعت صوت جنة عنده في الاوضة كنت هفتح الباب لكن قاطعني صوت عمي _ ابوكي ما’ت يا نورا #يتبع #بقلم_نيرة_وائل #اسكريت #البارت_التاني #وحيدتهروحت اشوف محمد عشان اتأخر و كنت لسه هخبط سمعت صوت جنة عنده في الاوضة كنت هفتح الباب لكن قاطعني صوت عمي
_ ابوكي ما’ت يا نورا حسيت إني اتجمدت مكاني.. و رعشة سرت في جسمي كله بصتله بعدم فهم _ ا.. ازاي يعني _ كان عنده مشكله في القلب و سافر يتعالج لكن اتوفى النهارده في العملية هزيت راسي بمعني لأ و ضحكت _ انت قصدك سامية مش بابا..هي اللي كانت تعبانه لقيته بيطبطب على كتفي و عيونه بتدمع _ ابوكي اللي كان تعبان مش سامية
هزيت راسي يمين وشمال بشكل هيستري و دموعي نزلت _ لا.. لا يا عمو انت غلطان دي سامية…بابا هو اللي قالي طلع محمد و جنة من الاوضه على صوتنا جريت على محمد _ عمي بيقولي بابا مات… محمد قوله انه سامية اللي كانت تعبانة مش بابا… بابا كويس عمي فهم غلط اكيد لقيته بيبصلي بحزن و اخدني في حضنه من غير ما يتكلم بدأت اعيط بصوت عالي _ محمد قول لعمي انه غلطان… قوله يلا
قاطعنا صوت ارتطام قوي بالارض.. كانت جنة اغمى عليها و وقعت لقيت محمد بعد عني وجري عليها شالها و دخلها اوضته قعدت في الارض قدام الاوضة و انا مش مستوعبة اللي بيحصل كانت افكار كتير بتدور في دماغي… اهمها انه بابا مشي و سابني افتكرت اخر مرة كان هنا فيها و كلامنا و قتها… كان صوتي بيتردد في وداني ” انا بكهر’هك.. بكر’هك و بكر’ه بنتك و مراتك ”
حطيت ايدي على وداني مش عايزة اسمع الصوت دا… مش عايزة افتكر انه اخر كلام بينا قلتله اني بكر’هه احساسي بالذنب كان بيقـ’ـتلني… هزيت راسي بنفي وانا بقول لنفسي _بابا عايش… هما كدابين.. بابا هيجي قاطعني صوت عياط جنة اللي كانت فاقت حطيت ايدي على ودني تاني و انا بزعق _ اسكتي… ابويا مما’تش…. متعيطيش اسكتي نـــــــــــــــــــــــــــــيــــــــــــــــــــــــرة وائــــــــــــــــــــــــــل جريت على اوضتي و قفلت الباب فتحت الدولاب و طلعت عروسة كان جبهالي وانا صغيرة
اخدتها و مشيت عند السرير لكني و قعت في الارض قبل ما اوصله… مقدرتش اقوم تاني نمت مكاني وحضنت العروسة وانا بفتكر يوم ما جبهالي _ نورا تعالي شوفي جبتلك ايه جريت عليه وانا بضحك _ نعم يا بابي طلع العروسة من شنطة هدايا صغيرة و ضحك _ايه رأيك حلوة حطيت ايديا على عيوني بخوف _لا يا بابي مش حلوة.. شيلها تاني بابا بصلي بعدم فهم لكن جه محمد اخدها منه و دخلها الكيس تاني وقف قدامي و مسك ايدي نزلها من عيوني
_خلاص يا نورا متخافيش انا شيلتها ساعتها اتكلم بابا _ في ايه يا نورا.. معجبتكيش ليه رد عليه محمد وهو بيمسك ايدي _ نورا بتخاف من العرايس يا عمو… مش بتحبهم فوقت من الذكرى دي على صوت صريخ تحت… كان صريخ جنة حضنت العروسة اكتر و انا خايفة… كنت عايزة محمد كنت محتاجه يقولي ” متخافيش ” … لكنه فضل مع جنة تحت قعدت فترة طويلة محدش طلع ليا لحد ما سمعت أخيرا صوت على الباب كانت مرات عمي… مقدرتش اقوم من مكاني ولا ارد على حد
بعد شويه محمد كان بينادي عليا و هو بيخبط لكني مكنتش حاسة بكل دا… كنت في عالم تاني وقتها بستجمع ذكرياتي المحدودة جدا مع بابا… بفتكر كل موقف بينا و كل مرة كان بيجيلي فيها… مكنتش حاسه باللي بيحصل حواليا لحد ما لقيت محمد قدامي و بيقومني غالباً كسر الباب و دخل _نورا… انتي كويسه… انتي مش بتردي عليا ليه مكنتش برد عليه و لا كان في مني اي رد فعل على اللي بيعمله
لحد ما لقيته مسك دراعاتي الاتنين و بيهزني _نورا فوقي… ردي عليا اتكلمت بصوت مبحوح _بابا جاي صح _عمي اتوفى يا نورا… هو اللي كان تعبان مش مراته _لا… متقولش كدا هو جاي.. بابا كويس و هيرجع حضني و هو بيعيط فضلت اردد كلامي _بابا كويس… بابا هيرجع… مما’تش هيرجع فضلت كدا لحد ما نمت في حضنه __________________________ ” بعد مرور شهرين ”
فات شهرين على وفاة بابا… كنت رافضة اتقبل اللي حصل لكن في النهاية لازم نرضى و انا رضيت بقضاء ربنا لكني مقدرتش اتخطى انه اخر مرة شوفته فيها اتخانقنا… كنت بندم نفسي على كلمة بكر’هك اللي طلعت مني وقتها… انا عمري ما كر’هته انا كنت بحبه اوي منكرش انه محمد كان بيساعدني طول الفترة اللي فاتت لكنه دايما كان جمب جنة اغلب الوقت… كنت مستغربة قربه منها بالشكل دا
مش عارفه هما قربوا من بعض كدا ازاي و امتى لكن مكنتش في حالة اعلق على حاجه زي دي…. بس اللي حصل النهارده فهمنى كل حاجه نـــــــــــــــــــــــــــــيــــــــــــــــــــــــرة وائــــــــــــــــــــــــــل _محمد فين يا عمي _ في الجنينة تقريبا… اطلعي اقعدي معاه في الهوا شويه هزيت راسي و طلعت الجنينة لكني ملقتش حد كنت هدخل تاني لحد ما سمعت صوت جاي من ورا شجرة كنت بقعد تحتها انا و محمد
دايماً… عرفت انه قاعد هناك و روحت عندها لقيته قاعد هو و جنة و كان لسه هيقربلها لكن قاطعهم صوتي المهزوز نـــــــــــــــــــــــــــــيــــــــــــــــــــــــرة وائــــــــــــــــــــــــــل _ انتوا بتعملوا ايه لقيت محمد اتنفض من مكانه و بعد عنها و هي قامت تجري على جوا لكني مسكت دراعها و وقفتها اتكلمت تاني و انا شفايفي بترتعش و بضغط على دراع جنة _ ايه اللي كان بيحصل دا _ نورا سيبي دراعي انتي بتوجعيني
لقيت محمد شدها من ايدي و وقفها جمبه و مسك ايدها _ انا و جنة بنحب بعض و هنتخطب قريب #يتبع #بقلم_نيرة_وائل #البارت_التالت #اسكريبت #وحيدتهلقيت محمد شد جنة من ايدي و وقفها جمبه و مسك ايدها _ انا و جنة بنحب بعض و هنتخطب قريب الكلمة نزلت على قلبي قسمته اتنين حطيت ايده على شفايفه عشان ميتكلمش _اسكت متقولهاش… اسكت شال ايدي و اتكلم تاني
_ نورا انا اسف بس انا حبيتها هي ضر’بته بالقلم على وشه مكانش قلم واحد انا فقدت اعصابي و فضلت اضر’به كتير و انا بصرخ _ ليه….ليه عملت فيا كدا ليه انت عارف اني بحبك ليه تأذيني فيك وقعت على الارض و انا منهارة نزل لمستوايا و مسك ايديا _ انا اسف زقيته بعيد و وقفت تاني بدأت كل حاجه توضح قدامي لقيت اجابة لكل الاسئله اللي كانت بتدور في دماغي الفترة اللي فاتت
ابتسمت بوجع _الف مبروك… الف الف مبروك مشيت بسرعة قبل ما حد منهم يرد و طلعت برا البيت كله فضلت اجري في الشوارع و انا بعيط مش عارفة انا رايحة فين… انا خسرت و جنة اخدت مني كل حاجه احساس الخذلان صعب اوي.. توقعت الاذى من الكل الا منه عمري ما تخيلت انه ممكن يأذيني و يكسرني بالشكل دا كنت ماشية بعيط و مش شايفة قدامي فجأة لقيت نفسي في الارض مش عارفه ايه اللي حصل
اتاري عربية خبطتني قعد قدامي الشاب اللي خبطني كان باين على وشه القلق _انتي كويسه… نروح المستشفى مردتش عليه و قومت وقفت بلهوجة و مشيت من وسط الناس اللي اتلمت واللي كانت بتسأل انا كويسه و لا لأ… كانت خبطة بسيطة محصلش ليا حاجة مشيت من غير ما ارد على حد وصلت للبحر و مكنش في حد غيري في المكان وقفت قصاد البحر وانا بصر’خ بعلو صوتي احساس انك خسرت كل حاجه… انه مبقاش ليك حد في الدنيا دي
ان الكل بيسيبك… هو انا ليه الكل بيسبني؟! فضلت امشي ناحية البحر لحد ما نزلت و الماية غطت جزء كبير مني كانت محاولة انتحا’ر بدون وعي مني… فجأة حسيت بحد بيشلني وبيشدني بعيد… افتكرت انه محمد بس طلع نفس الشاب اللي خبطني بالعربية فضلت اصرخ وانا ببعد عنه كنت عايزة امو’ت مكنتش عايزة حد يلحقني… طلعني من البحر و لقيته مسكني من دراعي و بيهزني _انتي مجنو’نة… كنتي عايزة تمو’تي نفسك
زقيته و زعقت بصوت مبحوح _ انت مالك بيا… مسبتنيش اغر’ق ليه ممو’تنيش ليه بعربيتك لقيته زعق اكتر مني _ ايه اللي يخليكي عايزة تنهى حياتك بالشكل دا ليه تعملي في نفسك كدا… مفكرتيش في اهلك في الناس اللي بتحبك..انتي ليه انانية كدا انهار’ت وانا بصر’خ فيه _انا مليش حد… مفيش حد بيحبني معنديش اهل كلهم بيسبوني و يمشوا… مبقاش ليا حد قلت كدا و دوخت كنت هقع لكنه حاوطني بإيده و لحقني
اخر حاجة شوفتها كانت وشه و بعدها معتش حسيت بنفسي نـــــــــــــــــــــــــــــيــــــــــــــــــــــــرة وائــــــــــــــــــــــــــل _______________________ _ انت ازاي هتخطب جنة وانت عارف انه نورا بتحبك _عشان انا بحب جنة يا بابا ….. بحبها من زمان لما كانت بتيجي مع عمي _ طيب و نورا اتنهد و هو بيرجع شعره لورا _نورا بالنسبالي زي اختي اتربينا سوا كانت حد ضعيف و انا دايما اللي بحميه حد محتاج ليا طول الوقت…. بحس دايما انها مسؤلة مني
انا بحبها بس مش الحب دا… حب اخوي مش جواز وكلام من دا منكرش ان لو جنة مكنتش ظهرت كنت اتجوزت نورا.. لكن كل حاجه اتغيرت دلوقتي _ لو نورا حصلها حاجه يا محمد انا مش هسامحك ابداً _ و لا انا هسامح نفسي يا بابا… دورت عليها في كل حتة بس مش لاقيها _ احنا بقينا وش الفجر و مش عارفين راحت فين… معقول تكون سافرت لأمها
_ مش عارف يا بابا انا هتجـ’ـنن نـــــــــــــــــــــــــــــيــــــــــــــــــــــــرة وائــــــــــــــــــــــــــل _____________________________ فتحت عنيا لقيت نفسي في اوضة غريبة مسكت راسي بوجع وانا بحاول استوعب انا فين لقيت الشاب اللي كان معايا امبارح نايم في الارض جمبي و ساند راسه على حرف السرير صر’خت اول ما شوفته وهو صحى مفزوع _ في ايه انتي كويسه نطيت من على السىرير و وقفت الناحية التانيه _ انت مين و ايه اللي جابني هنا
كنت واقفة قصاد المرايا لمحت انعكاسي فيها كنت لابسة قميص رجالي واصل لحد ركبتي بصتله بصدمة _انت عملت فيا ايه اتكلم بلجلجة _اهدي هفهمك والله دموعي نزلت واتكلمت و جسمي كان بيرتعش _انطق ايه اللي حصل امبارح قرب عليا بقلق _ لا لا متعيطيش انا معملتش حاجه والله… انتي اغمى عليكي امبارح وانا جبتك هنا بس هدومك كانت غرقا’نة و خليت الخدامة تغيرلك انا ملمستكيش
مسحت دموعي بكف ايدي _ وهي فين الخدامة _روحت امبارح .. هي كانت جايه تنضف الشقة و مشيت مش بتشتغل علطول هنا نـــــــــــــــــــــــــــــيــــــــــــــــــــــــرة وائــــــــــــــــــــــــــل هزيت راسي بخو’ف _طيب انا عايزة اروح _ طيب نفطر الاول بعدين امشي _ لا مينفعش اقعد معاك اكتر من كدا لقيته قرب مني و اتنهد _انا لو عايز اعمل حاجه كنت عملتها امبارح…. يلا نفطر بعدين نشوف هتروحي فين
هزيت راسي و مشيت وراه وانا ساكته لقيته دخل المطبخ و بدأ يحضر الفطار وانا فضلت واقفة عند الباب بصلي برفع حاجب _مش هتساعديني _هاا اكيد حاضر _ ناوليني طبق الجبنة طيب مسكت الطبق لكنه وقع من ايدي و اتكسر نزلت في الارض المه لكن الازاز جر’ح ايديا لقيته قرب مني و شدني حط ايدي تحت الحنفية _انتي مش بتبطلي تأذي نفسك ساعتها عيـ’ـطت بصلي بقلق
_ في ايه يبنتي عيا’طي زاد اكتر و مردتش عليه _بتو’جعك طيب.. هحطلك عليها مرهم و اطهرهالك متخافيش بدأ يطهرلي الجر’ح ولفه بشاش وانا كنت هديت شوية جاب الاكل وحطه قدامي بهدوء _يلا افطري هزيت راسي بنفي _مش عايزة _افطري بدل ما تدوخي مني تاني سمعت كلامه و بدأت أكل لأني كنت فعلاً جعانة خلصنا الفطار وجاب الشاي و قعد قدامي _انتي حكايتك ايه بقا
_انت اللي مين و ازاي لحقتني امبارح _بتردي على سؤال بسؤال اتنهد وشرب شويه شاي _فضلت ماشي وراكي بالعربية بعد ما خبطتك عشان اتأكد انك كويسه وشوفتك وانتي بتحاولي تنتحـ’ـري انتي ازاي تفكري في حاجه زي دي… ازاي عايزة تم*وتي كافـ’ـرة و تخسري دنيتك و اخرتك قومت وقفت _انا عايزة اروح شدني من ايدي وقعدني تاني _هتخرجي كدا ازاي بصيت على هدومي و اتنهدت _هدومي فين يا….
ابتسم _ خالد.. بشمنهدش خالد