=بس انا مش امير أنا احمد! ضحكت _لاء قصدي أنك طيب يعني =وانتي كمان طيبة وحلوة باسني من خدي = ودلوقتي بقينا صحاب برقت ورجعت خطوة ل ورا وباباه ضحك *اطلعوا فوق بقي عما كوثر تحضر الغدا مسك أيدي وشدني وطلعنا أوضته =اقعدي اقعدي ، هوريكي كل ألعابي ، عندي حاجات كتير اوييي قعدت علي السرير = دا قطر ، شوفتي كبير ازاي؟ _اه حلو اوييي =وعندي خيمة هناك مليانة كور ، بس الدبدوب دا اكتر حاجه بحبها
كان حاضنه وبعدها مده قدامي ف خدته _اشمعنا دا اكتر حاطه بتحبها؟ =ماما كانت جيبهولي _.. =بس هي سافرت وسابتني ، بس اكيد هترجع عشان هي كانت بتحبني اوييي واكيد وحشتها زي ما هي وحشتني ، صح ؟ أنا عارفة إن مامته متوفيه ، بس شكله كان بيحبها اوي ، صورتها وصورته علي الكومودينو ، وفي بوستر كبير علي الحيطة بصورتهم جه قعد جمبي ف بعدت ف قرب تاني _الاه جري أي يا احمد؟
=مش احنا صحاب؟ _اه ، عاوز ايي بقي؟ =عاوزك تقنعي بابا يوديني الملاهي _تروح لوحدك؟ =أيوة _بس هو مش هيرضي انك تروح لوحدك هرش في راسه وبصلي من فوق لتحت =اممم ، خلاص تعالي معايا وخلاص اتكلمت بتريقة _شكرا علي عطفك علينا يا احمد والله ، مش عارفة من غير كرمك دا كنت عملت ايي =انتي كده مش صحبتي ، المفروض تقولي ماشي نروح سوا ، عشان أنا معنديش صحاب خالص
_خلاص بطل شحتفة ، هنروح بكرة =اقسم بالله ؟ باسني في خديي =انتي احسن صاحبه في الدنيا _يبني بقي يبني ، هي كل ما تعطل تديها بوسه ولا اييي؟ ضحك = مبسوط اوي اني هخرج ، بفضل قاعد هنا لوحدي _خلاص هخرجك كل اسبوع وقف قدامي =وبابا هيرضي؟ _سيبهولي أنا هقنعه ، بس بشرط =اطلبي أي حاجة هعملها _تاخد الدوا ربع أيده =لاء لاء دا طعمه وحش اوييي ربعت أيدي قصاده _يبقي مفيش خروج يمعلم
قومت من مكاني وجيت امشي مسك أيدي =خلاص خلاص مديت أيدي قدامه _اتفقنا؟ =اتفقنا نزل عشان نتغدي ، اتغدينا وهو طلع اوضته وانا قعدت مع باباه _عاوزة اعرف مواعيد الدوا بتاعته *هو وافق ياخده؟ _عيب عليك والله ، انت بتشك في قدراتي؟ *ربنا يصلح حالك يبنتي يا رب ، مرة الصبح ومرة بليل ، هتلاقي العلاج في الدرج عنده في الاوضة _تمم ، اه وهنخرج بكرة نروح الملاهي *مش هتعرفي تستحمليه ، ولا تسيطري عليه خليكوا في البيت احسن
_متخافش هعرف ، هو لازم يخرج بردو ، طول ما حالته النفسيه وحشه العلاج مش هيبقاله فايدة *خلاص الي تشوفيه _ممكن اطلب منك طلب؟ *اكيد طبعا الي انتي عوزاه _عاوزة حضرتك تشغل عندك في الشركة واحد كان معايا في الكلية ، احمم صديق للعيلة يعني *معاه كلية تجارة؟ _ايوة ، هو شاطر جدا ف لو يعني المرتب يبقي كويس هتبقي عملتلي خدمة كبيرة اوييي *خليه بجيلي بكرة ويعتبر نفسه اتقبل ، وبمرتب كويس اوي كمان يستي
_بجد شكرا ، مش عارفة اقولك اييي طلعت وانا بجري ، دخلت الاوضه بتاعتي ورنيت عليه _ها يسيدي هتلبس أي بكرة وانت رايح الشركة؟ ° هو وافق؟ _اكيد طبعا ، وبمرتب كبير كمان *متيلا بقي يبيبي! _صوت مين دي يعبدالله؟ مريم سمير 🤍. احببت مختلا 🤍.البارت التالت _ها يسيدي هتلبس أي بكرة وانت رايح الشركة؟ ° هو وافق؟ _اكيد طبعا ، وبمرتب كبير كمان *متيلا بقي يبيبي! _صوت مين دي يعبدالله؟
° ديي ، دييي بنت خالتي _بنت خالتك في اوضتك الساعه عشرة بليل! ° اه مهو خالتي هتبات عندنا كام يوم ، واحنا اكتر من الاخوات ، في أي يمريم مالك! _.. ° هو انتي مش واثقة فيا ؟ _اكيد واثقه فيك ، بس طلعها من الاوضه مش لازم تقعد معاك في نفس الأوضه ، واه مش لازم بردو تقولك يبيبي ضحك ° حاضر ، المهم دلوقتي هو وافق بجد ؟
_اه والله ، روحله الشركة بكرة وهتتعين علي طول ، هو قالي يعتبر نفسه شغال خلاص في الشركة ° حبيبتي ربنا يخليكي ليا ، مش عارف من غيرك كنت هعمل اييي _ولا يهمك يحبيبي أنا معملتش حاجه ° طب هقفل دلوقتي بقي عشان ألحق انام ، تصبحي علي خير يحبيبتي _وانت من أهل الخير قفلت وانا مضايقه ، حاسه إن فيه شئ غريب! ، الباب خبط ف فتحته _ايوة يا احمد في حاجه ؟
=مش جايلي نوم _طب استني اجي اديك الدوا قبل ما انسي دخلت اوضته وطلعت الدوا من الدرج _يلا يا احمد بقالي نص ساعه مسكاه! =ريحته قالبه الاوضه _عشان تبقي كويس =لي هو انا عيان؟ _أرحم امي العيانة واشرب =.. _ملاهي بكرة ها ، وقولت لباباك ووافق ، ف لو مخدتوش ممكن.. خده من أيدي =مخدوش لييي؟ دا حتي طعمه حلو شربه ووشه كرمش ف ضحكت _اعملك عصير يضيع طعمه؟ =فيه عصير في التلاجة دييي
_انت عندك تلاجه في اوضتك ؟ دا ظلم يجدعان أنا معنديش واحدة في اوضتي =خلاص خليكي قاعدة معايا هنا _انا مبحبش التلاجات اصلا يمعلم =هو انتي عندك كام سنه يمريم؟ _٢٣ =كتير اوييي _اي اموت ولا اييي؟ =لاء لاء خليكي مسلياني _الله يكرمك =نتفرج علي التليفزيون ؟ _متنام احسن =مش جايلي نوم والله ، نتفرج سوا وهنام بعدها _طب افتحه فتح التليفزيون وقعد جمبي ، كان فيلم رومانسي ، البطل قرب من البطلة ف لقيته قرب مني
_انت بتقرب لييي يا احمد؟ =تعالي نمثل زيهم _لاء دا فيلم مش حلو اصلا ، استني اقلب شد مني الريموت وقرب كمان البطل قال للبطلة أنها حلوة اوييي =انتي حلوة اوييي كان بيبصلي في عنيا ، كانت عنيه بريئه ، عمري ما شوفت عينين حلوة كده! مد أيده وحط خصلات شعري ورا ودني زي ما عمل البطل ، لاء جيم اوفر بقي مش هينفع قومت من مكاني _انت لازم تنام
=مش عاوز دلوقتي _يسطا مش هينفع نمثل انا مش خريجة فنون مسرحية أصله قفلت التلفزيون ، جيت امشي مسك أيدي =خلاص افضلي قاعدة لحد ما انام _يعم لو شاريني فكرني دافع فيا كام =اقعدي يمريم بقي _ماشي يسيدي ، ها مش عاوز تنام لييي بقي؟ =عاوز بكرة يجي بسرعة عشان نخرج _قد كده نفسك تخرج؟ =اوييي _انت طيب يا احمد ، العالم برا مش زيك كده =اكيد الناس حلوة وكويسة
_لاء ، فيه ناس وحشه ، اب بيبيع بنته عشان الفلوس! العالم مش وردي ابدا عيطت لما افتكرت الي ابويا عمله فيا =متزعليش ، أنا عرفت إن الناس حلوة لما شوفتك _.. =ومينفعش تفضلي تعيطي ، شكلك احلي وانتي رايقة مسحت عياطي _ماشي يعم مقبولة منك =احنا هنفضل مع بعض ، احنا الاتنين حلوين ، ف مش هتعيطي تاني ، أنا عاوزك تفضلي معايا _.. =عشان انتي طيبة ، وبابا كمان قالي انك طيبة
_وانت كمان طيب اوييي حضني =يبقي هنفضل سوا بعدت عنه بسرعة _اه ، تصبح على خير بقي خرجت من عنده ودخلت اوضتي ، كنت متوترة وبترعش ، ازاي هتفادي كل دا؟ يا رب يخف بسرعه نمت وصحيت علي خبط في الباب =أنا جاهز دعكت عيني _جاهز ل ايي؟ =للخروجة يلا يلا إلبسي _احمد الملاهي بيترحلها اخر النهار مش الساعه سبعة الصبح! =اوه اسف اصلك مقولتليش _كويس انك صحتني عشان اديك الدوا
=نامي يمريم عشان تلحقي تصحي اخر النهار _تعالي هنا =مش جاي يستي خلاص بقي شوحلي ب ايده؟ طلقوني يجماعه فتحت الدرج ومسكت العلاج = يمسهل الحال يا رب خده ونزلنا فطرنا ، الساعه جت خمسه وخرجنا ، ركبنا كل حاجة سوا ، عشت معاه طفولتي الي اتحرمت منها ، لأول مرة اضحك واتبسط كده! كان الوقت معاه لطيف وحلو اوييي _كفايه كده =هنركب العربيات يعني هنركبها _يحبيبي انت ركبتها مرتين لحد دلوقتي ، وفي كل مرة بترجعنا ورا
=علي فكرة بقي أنا مولود في عربيه _كارو ، اخرك والله اصل دي مش سواقة ركبنا للمرة التالتة وروحنا ، دخلنا الاوضه وهو فضل يتنطط وهو بيضحك = دا احسن يوم في حياتي ابتسمت لما شوفته مبسوط = هنروح تاني امتي؟ _اممم لو سمعت الكلام وخدت العلاج هوديك كل اسبوع =طب يلا ادهوني بسرعة ازاي حاجه بسيطة كده تفرح حد للدرجة ديي؟ ، اديته العلاج ودخلت اوضتي ، اتصلت بعبدالله
° كنتي فين؟ ، أنا رنيت عليكي كتير _كنت برا يعبدالله بتزعق ليي؟ ° وكنتي فين بقي؟ _.. ° كنتي فين يمريم؟ _كنت مع احمد ، بخرجه شويه في الملاهي ° نعم يختي؟ خرجتي مع العبيط دا؟ _عبدالله متقولش عليه كده ° وانتي مالك محموقه كده لي؟ سكت ف قفل ، أنا مالي صحيح؟ ، فضلت ارن عليه مكنش بيرد عليا ، نمت وصحيت علي رن الفون ، فتحت _زعلانة منك اويي ، أنا كنت متصلة اطمن عملت ايي في الشركة و.. عبدالله ساكت لييي؟
° أنا تعبان اوييي يمريم اتنفضت من مكاني _تعبان مالك؟ ° سخن ودايخ وبطني بتتقطع _طب ، طب تعرف تروح لدكتور؟ ° مش عارف اعمل اييي حاجه ، تعرفي تجيلي البيت؟ _ أجيلك البيت!!! #احببت_مختلا 🤍.البارت الرابع ° مش عارف اعمل اييي حاجه ، تعرفي تجيلي البيت؟ _ أجيلك البيت!!! كح ° اه ، تعبان اويي يمريم ومحدش جمبي _ يحبيبي أنا جمبك بس مش هعرف اجي ، احمد وأبوه موجودين هنا
الخط اتقفل ، اعمل اييي دلوقتي ؟، معرفتش اعمل حاجه غير اني اعيط ، الباب خبط ف فتحت لقيت احمد =مالك يمريم بتعيطي لييي؟ مسحت عياطي _مفيش ، تعالي اديك الدوا اديته الدوا ونزلنا فطرنا ، طلعت اوضتي وفضلت راحة جايه فيها مش عارفه اعمل اي ، اروح اشوفه ؟ ملوش حد غيري الساعه جت خمسه ، عبدالله بعتلي لوكيشن البيت الي قاعد فيه ، لبست وخرجت وانا بتسحب ، وقفني صوت احمد
=راحة فين؟ _وطي صوتك ، راحة ، راحة مشوار =خديني معاكي _لاء ، واطلع فوق يا احمد يلا مسك أيدي =عشان خاطري عشان خاطريييي شديت أيدي بقوة _مقولتلك لاء! هو انت عبيط مبتفهمش؟ رجع لورا = أنا مش عبيط _احمد أنا اسفه أنا.. جري من قدامي ، جيت احصله افتكرت عبدالله ف مشيت ، فضلت مستنيه لحد ما لقيت تاكسي ووصلت ، طلعت بشويش وخبطت فتحلي ° كنت متاكد انك جاية
_ انت كويس؟ أي الي تاعبك ؟ ° ادخلي طيب بدل ما حد يشوفك! دخلت بسرعه وقعدت علي كنبة _ مالك يعبدالله؟ ° بطني بتوجعني اوييي مش عارف في ايي _طب قوم غير هدومك ونروح لدكتور مسك أيدي ° أنا بقيت احسن لما شوفتك سحبت أيدي _احمم ، طب عملت أي في الشركة؟ ° اتعينت ، بس أبوه شكله بيعزك اويي شافني واشتغلت مسألش عن اي مؤهل حتي _طب والمرتب كويس؟
° كويس اه ، المهم انتي هتخلعي من سي احمد الي متجوزاه دا امتي؟ _فترة بس ° يخوفي الفترة تطول ، وتتعودي علي الي متجوزاه دا _عبدالله انت عارف اني مش بحب حد غيرك! قرب ° وانا كمان _انا اتاخرت اوييي ، لازم امشي قومت من مكاني ف وقف قدام الباب ° ايي عاوزة تروحيله؟ _اروح ل مين؟ ° بقولك أي يمريم انتي متغيرة معايا ، ومش مبسوط بالحال دا
_ولا انا مبسوطة بس أي في ايدنا؟ ما باليد حيلة ° نتجوز _بجد؟ يا ريت يعبدلله يا ريت ° حالا اتقدم خطوتين ف رجعت ل ورا _ في أي يعبدالله؟ انت اتجننت؟ ° وانتي عاجبك العبيط دا؟ _افهم دا مش ب ايدييي ° امال ب ايد ميننن؟ زعقت _ ابويا ، الي باعني وشوفت التمن قصاد عيني ، أنا كل حاجه عوزتها مخدتهاش ، أنا طول عمري خايفه ، لحد ما اتقابلنا وحبينا بعض ، أنا قولت لاء بس محدش سمعني!
كنت بعيط وبترعش ف قعدني تاني ° أنا آسف يحبيبتي ، حقك عليا _ أنا لازم امشي أنا اتاخرت ° استني هعملك حاجه تهديكي ، مش هتمشي في الشارع وانتي معيطة كده دخل المطبخ ف مسحت عياطي ، جه وفي أيده كوباية لمون _ مش عاوزة حاجه ° والله هتشربيها ، عشان خاطري خدتها من أيده وشربتها _ همشي أنا بقي ، اتجدعن في الشغل يعبدلله ، مش هنلاقي شركة تاني
ابتسملي وقومت ، حسيت بصداع جامد ودوخة مسكت دماغي وانا بحاول أسند علي الحيطة الي قدامي ° مالك يمريومة في ايي؟ _مش عارفه ، مش.. كنت هقع مسكني ، شالني وقعدني علي الكنبة ابتسم بمكر ° انتي ملكي ، محدش هياخدك من ايديي ، هتفضلي دايما ليا دي اخر حاجه كنت سمعاها ، بعدها مش سامعه حاجه اصلا! ، غمضت عيني والسواد بس الي كان قدامي فتح اول زارين من البلوزة الي كنت لبساها
فجأة الباب خبط ، شالني دخلني الاوضه ، فتح الباب وكان أحمد! ° ايوة؟ في حاجه؟ =مريم فين ؟ ° مريم مين؟ زقه ودخل =أنا عارف انها هنا ، مريم ، مريم! ° انت مين وبتعمل أي هنا؟ =أنا احمد ضحك وبصله من فوق لتحت ° انت جوزها! =هي فين؟ ° يلا يالا يعبيط من هنا ، يلا احسنلك =أنا مش همشي غير لما هي تيجي معايا ° بقولك يلا من هنا عشان مزعلكش
طلع من جيبه مسدس = هو انا ممكن اقت*لك زي ما البطل عمل مع الشرير؟ بلع ريقه ورجع خطوة لورا ° سيب المسدس دا من ايدك =متخافش عندي ميا سحرية حاكي أنا الحوار دا لمريم قبل كده نزل وهو بيجري ، احمد دخل فضل يدور عليا في كل الاوض لحد ما لقاني ، شالني ونزلني تحت في العربيه بتاعتهم ، وصلنا الفلة وصحيت وانا بصوت وانا علي السرير وبفتكر الي حصل
=اهدييي مفيش حاجه _اي الي حصل؟ وازاي جيت هنا؟ =هو الواحد الي كنتي عنده دا بتحبيه؟ عيطت وسكت = خلاص عادي ، المهم معتيش تمشي من غيري ، خديني بعد كده في كل المشاوير _انت عرفت تجبني هنا ازاي اصلا ؟ طلع مسدس من جيبه ف برقت = متخافيش دا لعبة _لعبة! ازاي وهو زيه زي الحقيقي بالظبط! =يبنتي أنا ألعابي بتيجي من برا مصر عيب عليكي _وبعدين؟ =خوفته بيه وجري
_انت أي الي خلاك تيجي ورايا؟ =لما لقيتك بتدوري علي تاكسي ومش راكبة العربيه بتاعتنا قولت احصلك بالعربيه _شكرا انك جيت =هو مين دا؟ صاحبك زييي؟ _لاء ، دا.. ، أنا كنت غبية اوييي ، ازاي مشوفتش حقيقته حضني =متعيطيش ، هو وحش عشان زعلك كان حضنه دافي ، مكنتش خايفة ، كنت متطمنة ومش بترعش ، كان بيضحكني وبيهزر عشان ابطل عياط ، هو ازاي فيه حد زيه كده؟ ازاي أساعد أنه يرجع طبيعي ويسيب الإنسان الجميل الي قدامي دلوقتي دا؟
=مش زعلانه؟ _خلاص والله بقيت حلوة ، هات بقي الدوا عشان تاخده =لاء يمريم عيطي احسن ضحكت واديته الدوا ، فضلنا نتكلم عن اي حاجه والغريبة اني كنت مبسوطة معاه! ، قلبي الي كان بيوجعني هدي ، بس! ازاي عبدالله يعمل فيا كده ؟ ، والله مهسيب حقي وهرجعه منه تالت ومتلت الصبح في الشركة* _صباح الخير ، ينفع تتأخر كده! ° مرييمممم!!! احببت مختلا 🤍. مريم سمير 🤍.البارت الخامس
الصبح في الشركة* _صباح الخير ، ينفع تتأخر كده! ° مرييمممم!!! _ينفع تقولي مريم عادي كده وانا مديرة الحسابات ومرات مدير الشركة الي بتشتغل فيها؟ ° نعم؟ _اه مهو أنا طلبت من حمايا اشتغل ف وافق علي طول ، ثم اني يعني قليلة يشتغلني زيك؟ لاء شغلني مديرة °يمريم انا.. _نحفظ المقامات بقي مش ممكن كده! ، قال قولي يبودي ، ينفع الي عملته امبارح دا؟ ° أنا هشرحلك _حطيتلي حاجة في العصير عشان أفقد الوعي؟ هي جامدة بس ادهست في كل الافلام العربي كنت فكراك كرييتف
° أنا بس كنت عاوز .. _عاوز اييي؟ أنا كنت فاكرة أنك بتحبني ، ان ربنا عوضي ب كل حاجه وحشه شوفتها بيك ، انا كنت واثقه فيك عشان كده جيتلك ° يحبيبتي اسمعيني.. _ لو قربت خطوة كمان يا هتكون مطرود ° انتي مش فاهمة حاجه! _انا كنت فاهمة غلط ، دلوقتي عرفت كل حاجه ، اتفضل علي مكتبك ° هو انا هشتغل هنا! _ شوفت ازاييي قلبي طيب ومش هرفدك؟
مشي من قدامي وهو متعصب ، قعدت علي الكرسي ولأول مرة كنت أحس اني قوية! اني مش بتهز ، لأول مرة اخلي عقلي الي يشتغل واركن قلبي في جمب ، دا انا قلبي عاوز صرمة ، اقسم بالله عاوزة ادشملني . الباب خبط _ادخل =سيباني أنتي في العربية كتير خلي بالك _تعالي يا احمد ، بقولك أي تيجي نهرب؟ =نروح فين؟ _اي داهية ، أنا قدامي ورق مش فاهمة فيه اي حاجه ، كان لازم الانتقام اوي يعني؟
=تيجي نروح الملاهي؟ _ممكن بعد ما اخلص شغل؟ =خلاص ماشي قعد قدامي وحط أيده علي خده وبصلي _بتبصلي كده ليي؟ =اصلك شكلك حلو اوي في اللبس دا _اول مرة ألبس فورمال قرب مني ف وقفت _ احمد انت رجعت لشغل الافلام؟ فضل يقرب مني لحد ما وصلنا للحيطة ، فك شعري وسابه ينزل علي كتفي = كده احلي ، احسن ما تكوني ربطاه كان باصصلي في عيني ، ابتسمت _ لا انت اتطورت ، أنت يتخاف منك بعد كده!
الباب خبط وعبدالله دخل علي طول ، شافه وهو قريب مني ف جز علي سنانه =ايدا دا هو نفسه بتاع امبارح! _اه ، في حاجه يعبدالله؟ ° الورق دا مطلوب توقعيه ، بس شكلي جيت في وقت مش مناسب _حط الورق علي المكتب ولما ابقي اقرأه ابقي أوقعه وروح شوف باقي شغلك حط الورق علي المكتب وطلع بسرعة ورزع الباب! رجعت بصيت ل احمد لقيته رافع حاجبه _في ايييي؟ =هو انتي وهو صحاب؟
_لاء =بتحبيه اكتر منيي؟ _يعم لاء ، دا مجرد معرفة قديمة ودلوقتي بيشتغل في الشركة بس =أنا وانتي الي صحاب بس؟ _اعز صحاب باسني في خدي= خلاص اتفقنا _ولا! احنا في الشركة ، اقعد علي الكرسي لحد ما اخلص يا مفيش خروج انت حر قعد علي الكرسي = انتي قادرة علي فكرة ضحكت _ وانت كمان والله ، سيبني اشتغل بقي اي الورق والقرف الي قدامي دا بجد! ، حاولت اخلص اكبر كم من الشغل ، علي فكرة بقي الست ملهاش الا بيت احمد!
خلصت وروحنا الملاهي معاه بحس ب امان بحس براءة ، ضحكه طالعة من قلبي بدون تكليف ، معاه حسيت إن الدنيا لسه بخير! =يعني اي هنمشي يعني ؟ _يحبيبي الملاهي دي مش ملك الي جابونا ، هنيجي تاني إن شاء الله =وعد؟ _وعد ، يلا نروح عشان اتأخرنا روحنا واتعشينا ، طلعنا الاوضه واديته الدوا =هتروحي بكرة الشركة؟ _اه ، منا الي اتنطط وقولت لباباك سيبلي الحسابات وقومت مشوحة ب أيدي كده
=الشغل صعب؟ _اوييي بس هحاول فيه ، المهم اتبسطت النهارده ؟ =اه اوييي ، نتفرج علي فيلم ؟ قومت من مكاني بسرعة _لاء يبابا انسي =لييي؟ _بتقلب واحد تاني ، خليك طيب احسن ، تيجي احكيلك حدوتة؟ =بجد؟ ماما دايما كانت بتحكيلي حواديت نام علي السرير ، مسك أيدي وحطها بين أيده الأتنين ، حكيت حدوتة بحبها ف نام ، جيت امشي لقيته لسه ماسك أيدي! ، ابتسمت وسحبتها بشويش ، رتبت شعره الي كان نازل علي عينه ، أنا مصاحبة الواد الكاريزما دا!
دخلت اوضتي ونمت ، صحيت علي صوت احمد ، اديته الدوا وفطرنا وروحت الشغل ، دخلت المكتب لقيت عبدالله مستنيني جوا _ خير في حاجه؟ ° انتي اتغيرتي اوي يمريم ، عمرك ما كنتي بتعامليني كده _ والله انت علي اخترت اتعامل معاك ازاي ، أنا فعلا ندمانة علي كل لحظة ضيعتها معاك ° وهتضيعي تاني _ نعم يا اخويا؟ ° مش حرام الجمال دا يبقي مع عيل عبيط زي الي شوفته دا؟
_ اخرس دا احسن منك ومن عشرة زيك ° اوه دا حب بقي _ملكش دعوة بيا يعبدالله احسنلك ، أنا ممكن اوريك وش هيفاحئنا احنا الأتنين ، ف خليك بعيد ، بدل ما تبقي برا الشركة خالص ° دا اخر كلام عندك؟ _ أيوة وتسمح تروح علي مكتبك بقي؟ قام من مكانه ووقف قدامي ° محضرلك مفاجأة حلوة اوييي بليل ، هشوف بقي يا انا يا سي احمد بتاعك
مشي وانا قعدت علي المكتب ، هيعمل ايييي دا ؟ ، أنا لازم أمشيه من هنا ، بس مضمنش هيعمل أي لو طرده ، كملت شغل وروحت البيت اتغديت مع احمد وعمو ، فضلنا قاعدين انا وهو في الجنينه ودخلنا بليل ، الباب خبط ف فتحت لقيت راجلين ومعاهم بالطو _في أي؟ انتوا مين؟ وعاوزين اييي؟ •احنا تبع مستشفى الأمراض العقلية ، وجايين ناخد المدعو أحمد عاصم عشان يتعالج هناك
_ اييييي!!! احببت مختلا🤍. مريم سمير 🤍.*البارت السادس الباب خبط ف فتحت لقيت راجلين ومعاهم بالطو _في أي؟ انتوا مين؟ وعاوزين اييي؟ •احنا تبع مستشفى الأمراض العقلية ، وجايين ناخد المدعو أحمد عاصم عشان يتعالج هناك _ اييييي!!! *هو فين المريض؟ _انا جوزي مش مريض! وبعدين هو أي ظيطة؟ مش لازم تتأكدوا من كلامكم دا ؟ أو حد يشتكي مثلا ، أو حتي بلاغ! *الاستاذ عبدالله جاسر قدم بلاغ إن جوز حضرتك رفع عليه مسدس قبل كده ، وأنه ممكن يأذي أي حد بالمسدس الي معاه دا وأنه خطر علي كل الي حواليه
_مسدس؟ مسدس اييي؟ =فيه حاجه يمريم؟ مين الناس دييي؟ _اطلع انت دلوقتي حالا *ميصحش كده يمدام لازم ناخده دلوقتي _انا مش هسيبكم تاخدوه ، هو بيتعالج في البيت ومش مشكل أي خطر ، وبعدين المسدس دا مجرد لعبة! *لعبه أي يفندم! بعد اذنك ابعدي من طريقنا عشان نشوف شغلنا دخلوا هما الاتنين وكتفوا احمد ولبسوه البالطو بالعكس وكل واحد مسك ايد =مريم ، مريم متسبنيش أنا خايف قفلت باب الفلة _سبوه ، محدش طالع من هنا
=أنا معملتش حاجة ، سبوني أنا مبعملش حاجه وحشه *بعد اذنك يمدام افتحي الباب دا ، احنا كل الي بنعمله دا لأجل مصلحتكم =مش بيأذي حد قولتلكم ، احمد هيبقي كويس ، بياخد علاج وماشي عليه وهيبقي حلو في اقرب وقت ، هو مش هيخرج من هنا ولو مخرجتوش انتوا الاتنين حالا هقفلكم ام المستشفى بتاعتكم دييي _انا عاوز بابا اتصلت ب باباه يجي وجه بسرعة ° اقدر افهم أي دا؟ ورابطين الولد كده لييي؟
* احنا تبع مستشفى الأمراض العقلية ، هو ابنك سليم ؟ ° بيتعالج هنا مش محتاجين مستشفى * بس ابنك مشكل خطر كبير علي كل الي حواليه و.. _بقولكم اييي انتوا الاتنين! هو حد دافعلكم حاجه؟ *ازاي يهانم تشككي فينا؟ _ عبدالله صح؟ ، اصل يعني مش معقول بنقولكم بيتعالج هنا ومسدس لعبه وانتوا مصرين تاخدوه! ، ممكن توروني حاجه تثبت انك تبع المستشفى ؟ بصوا هما الاتنين ل بعض * طب خلاص لو بيتعالج هنا هنمشي
_هي سلطة؟ طب ما نيجي نتفق احنا؟ هدفعلكم قرشين بس تقولولي عبدالله عاوز اييي؟ خليت عمو يجيب مبلغ ووحطيته قدامهم _ها؟ مش التعامل معايا احسن من عبدالله ؟ تلاقيه قالكم لما المصلحة تخلص هيديكم الفلوس ، بس لو عاوزين رأيي؟ الفلوس علي الطربيزة احسن من الفلوس علي ما تفرج هما الاتنين خدوا الفلوس بلهفة واتكلم واحد فيهم *عبدالله اتفق معانا ناخده ونجبهوله ، وبعدين يفهمكم أنه اتخطف ويطلب الفدية الي هو عاوزها من أبوه
_تمم يرجالة ، بس من مصلحتكم إن عبدالله مبعرفش أي حاجه من الي حصلت ديي ، عشان البوليس لو أتدخل تبقي انتوا برا الحوار *بوليس أي يهانم لاء مش هنقول حاجه _عين العقل ، مع السلامة مشوا وانا قعدت جمب احمد _متخافش محدش هياخدك من هنا طلع يجري بسرعة وهو خايف ، كنت هطلع وراه بس وقفني صوت باباه *في أي يمريم؟ أي الي بيحصل هنا دا ! _اوعدك إن كل المشاكل ديي هتخلص قريب
طلعت ل احمد لقيته قاعد علي الارض في اخر الأوضو وماسك صورة مامته وبيعيط ، قعدت جمبه وانا بطبطب عليه _متخافش أنا معاك =الناس دول عاوزين اييي؟ كانوا عاوزين ياخدوني فين؟ _مفيش حبيبي ، انسي الي حصل =مريم هو انا عبيط؟ _لاء طبعا =امال مش بعرف افكر زيكم لييي ، لي مش بعرف اعمل اي حاجه لوحدي؟ _يا ريتنا كلنا زيك يا احمد ، يا ريت قلوبنا طاهرة زيك =يعني أنا حلو؟
حضنته _ احلي حاجه في الدنيا والله ملست علي شعره ف هدي ، مش عارفة مالي بس اول مرة احس الاحساس دا! قومنا قعدنا علي السرير واديته الدوا ونام ، نمت وصحيت روحت الشركة ، طلبت من السكرتيرة تقول ل عبدالله يجي علي مكتبي _صباح الخير يحبيبي رفع حاجبه ° صباح النور ، في اييي؟ _انا فكرت كتير اوي يعبدالله ، مكنش ينفع نسيب بعض واروح لواحد زي احمد دا
° اخيرا عقلتي! _ أيوة وعرفت قيمتك ° وحشتيني _ احنا في الشركة! المهم اخبارك اي الفترة دييي ° والله الحال مش ولابد ، عليا ايجار متأخر _وهتعمل اييي؟ ° والله أنا عندي فكرة بس انتي الي ممكن متوافقيش _ معقوله اتأخر عليك في طلب! ° حماكي ما شاء الله معاه بحر فلوس يعني لو خدنا حبة مش هيحس ب حاجه _قصدك ايي! ° يعني هو بيعزك ، ف مثلا لو طلبتي اييي مبلغ عمره ميتأخر عليكي خصوصا انك قبلتي تتجوزه ابنه الاهبل ، وممكن المبلغ دا يحل مشاكل كتير لينا
_ قصدك ليك! ° هو انا وانتي أي يمريوم؟ مش واحد ولا اي؟ _ اكيد ، حاضر يحبيبي ، أنا ممكن اخلي المبلغ مبالغ كتير ويمكن نص ثروته كمان ° ازاييي! _ عنده في الخزنة الي هنا فلوس كتير ، لو جبت منه المفتاح وجيت بليل قلبت الي فيها محدش هيحس ب حاجة ° اييي الدماغ ديي! طب وهتعرفي تجيبي المفتاح دا؟ _عيب عليك ، سهله اوييي ° خلاص بكرة تكوني اتصرفتي وجبتهولي ، عشان تتطلقي منه ونتجوز ، مش دا الي نفسك فيه من زمان؟
_ أيوة طبعا ، روح بقي مكتبك عشان محدش يحس ب حاجة ° حاضر يحبيبتي مشي وانا قعدت وانا مصدومة ، ازاي مكنتش شيفاه كده؟ دا انا طلعت عامية! روحت من الشركة ونمت من التعب ، صحيت علي خبط في كتفي =اصحييي بقينا بليل _ايوة يا احمد في أي! =عاملك مفاجأة _مفاجاة اييي؟ فوقت لقيته لابس بدلة حلوة اوييي ، كان شكله مختلف! = قومي معايا بسرعة _هنروح علي فين؟
=قولتلك مفاجأة لبست ونزلنا ركبنا العربيه مع السواق ، وصلنا مطعم وقعدنا علي طربيزة ، كنت مستغرباه ، في ايي يمعلم؟ = كل سنه وانتي طيبه _ وانا طيبة! لييي؟ = مش النهارده عيد ميلادك؟ _ وعرفت منين؟ =العصفورة قالتلي _ اه ، هو انت احمد؟ = أيوة يمريم في اييي؟ مكنتش نبرة صوته طفولية ، كان بيتكلم كأنه راجل ناضج ، حتي نظرة عينه اتغيرت! طلع من جيبه علبه ، فتحتها لقيتها خاتم
_ يسطا في أي يسطا؟ انت كويس ؟ =أنا كويس وبحبك _ ايييي! مريم سمير 🤍. احببت مختلا 🤍.البارت السابع مكنتش نبرة صوته طفولية ، كان بيتكلم كأنه راجل ناضج ، حتي نظرة عينه اتغيرت! طلع من جيبه علبه ، فتحتها لقيتها خاتم _ يسطا في أي يسطا؟ انت كويس ؟ =أنا كويس وبحبك _ ايييي! =وطي صوتك احنا في مكان عام! _ انت عاوز تجنني؟ = شوف المتخلفة بردو!
_ يعني اي كويس مش فاهمة؟ = وبحبك دييي عادي؟ متسألي بردو فيها! _ يعني اي كويس مش فاهمة؟ ، بكلمك بجد والله كنت بتضحك عليا؟ مكنتش تعبان ؟ = لا كنت تعبان بس خفيت _ يا راجل!! أنا نمت وصحيت لقيتك اتغيرت! = منتي بتنامي كتير بردو! _ احمد أنا مش بهزر = أنا باخد العلاج من قبل متيجي ، بس مكنتش معرف حد ، جو إثارة وبتاع وتشويق وكده
_ وبعدين ؟ = كنت عارف انك اكيد هتبعدي بعد ما ابقي كويس ، ف قولت مبدهاش بقي عاوزين نعيش _ وبعدين؟ = ابويا قال ل ابوكي اني لما ابقي طبيعي ساعتها ممكن تطلبي الطلاق _ يعني أنا الي طلعت عبيطة؟ = اوييي بجد ايدا _ ولما كنت بتقرب مني كنت بتبقي قاصد؟ = هو انتي كنتي بتديني فرصة! دا انتي كنتي بتقومي من جمبي لما يكون بينا خمسه سنتي
_ انت طلعت بتشتغلني؟ = انتي كده هتتعبيني في الشرح وانا خلقي ضيق ، بشتغلك دييي لما اكون كويس اصلا ، لكن أنا كنت تعبان فعلا افهمي بقي بدل ما اديكي دماغ امددك _ يعني انت دلوقتي كويس ؟ = الحمد لله تمام _طلقني = وحيات امك؟ متهزريش معايا تاني _ المفروض كنت تقولي قبل كده = طب منا قولت اهو ، قولتي أي بعدها؟ طلقني والي كنت متوقعه قولتيه اهو
_ وانت أي الي خلاك تعمل كل دا؟ = مفيش واحدة كانت هتستحمل كل دا ، مشاكلي وطريقتي ، لكن انتي استحملتي ، كنتي دايما طيبة معايا وشيفاني حد كويس ، عشان كده خوفت اقولك تبعدي وانا عاوزك تفضلي دايما معايا يمريم _ لييي؟ = عشان بحبك منا قولت! انتي بتفقدي الذاكرة واحنا قاعدين ولا اييي! هاتي ايدك لبسني الخاتم وباس ايدييي _ عاوزة اتعشي = نعم يختي؟ مسكت المنيو _ ايدا فرانكو؟ هفك ألغاز قبل ما أطلب أكل ولا اي يمعلم!
= طب اسكتي ، هطلب أنا طلبلنا أكل ، من جوايا مش عارفة افرح ولا ازعل! يا ريت الي قدامي ميتغيرش عن الإنسان الطيب الي كان قبل كده = ممكن اسألك سؤال؟ _ باكل والله مش هينفع = مين عبدالله دا؟ شرقت ف اداني كوباية ميا = مش هسيبك تموتي الا لما اعرف _ غريب الحب مين فاهمه = مين دا؟ _ دا ، دا .. = دا دا ؟ امممم
_ الاكس = نعم يما؟ أكس مين؟ _ كنا بنحب بعض وكنا هنتجوز =اه وبعدين؟ _ جيس وات؟ اتجوزتك انت = لسه بتحبيه؟ _ والله علي حسب = بصي يمريم انتي لو متظبطيش هكسر المطعم فوق دماغك ضحكت _ طب اهدي ، لا معتش بحبه والله ، صفحة وقفلتها ومندمتش في حياتي قد ما ندمت علي كل لحظة ضيعتها معاه = طب كويس ، يلا نروح بقي _ نروح لييي؟
= هتعرفي لما نبقي هناك ركبنا العربيه وروحنا ، دخلنا الاوضه وربعت أيدي _ كنا نخرج شويه = بعدين بعدين _ كنا نجيب قصب يعم = هنشرب بعدين _ درة طيب؟ = هنطفح بعدين _ هو انت بتقرب لييي؟ = هو انا شاقطك يبنتي؟ مش انتي مراتي ولا ضاحكين عليكي ولا ايي؟ _ احمد انت محترم ومتربي و.. ضحك = لاء _لاء اييي؟ = أنا متربتش يمريم كفايه اشاعات بقي
وصلنا للحيطة وفضل يبص في عنيا _ اه انت رجعت لشغل الافلام بقي وكده؟ = مبتوظيش ام اللحظة _ عديني بقولك = مش هينفع والله ، اهدي بقي الباب اتفتح وكان باباه ، خدت نفس وطلعته بالراحة _ والله أنا فيا شئ لله ، أنا ربنا نصرني = انتي ربنا ينتقم منك *انت بقيت كويس يا احمد بجد؟ _ منا قايلك يبابا قبل ما امشي ، حبكت تتأكد دلوقتي! حضنه وهو بيضحك * حمدالله علي السلامه يحبيبي
_الله يسلمك يبابا = حيث كده بقي اروح احضر العشا _ متتحركيش من مكانك ، كوثر تعمله = ودي تيجي؟ لازم اول عشا وانت كويس يبقي من ايدي _ انتي بتتلككي؟ ماشي يمريم ماشي طلعت وانا بضحك ، روحت عملت العشا ، عبدالله رن عليا وانا في المطبخ ورديت ° ها عملتي اي؟ خدتيه ؟ _ لسه يعبدالله ، لما ينام هاخد مفتاح الخزنة متقلقش ° ماشي يحبيبتي اوعي تنسي دا مستقبلنا
_ لاء يحبيبي متخافش ° وحشتيني اوييي شيلت الفون من علي وداني وانا ببص ب ملل علي الفون _ وانت كمان وحشتني ، هقفل بقي عشان محدش يشك في حاجة ° ماشي يحبيبتي ، مع السلامه لفيت وشي لقيت احمد = انتي بتكلميه؟ مفتاح خزنة ؟ انتوا رباطيه بقي ، كنتوا متفقين علينا !! _ احمد انت فاهم غلط ضر*بني بالقلم = الي فاهمه انك حراميه وخاينه ، مكنش ينفع اثق فيكي
احببت مختلا 🤍. مريم سمير 🤍.البارت التامن والاخير لفيت وشي لقيت احمد = انتي بتكلميه؟ مفتاح خزنة ؟ انتوا رباطيه بقي ، كنتوا متفقين علينا !! _ احمد انت فاهم غلط ض*ربني بالقلم = الي فاهمه انك حراميه وخاينه ، مكنش ينفع اثق فيكي مسكني من ايدي جامد وطلعني قدام باباه = اتفضل ، الهانم بتستغفلنا ، بتكلم الاستاذ بتاعها وبيتفقوا عليك عشان ياخدوا فلوسك *ايي الي انت بتقوله دا ، مريم مستحيل تعمل كده
بصلي وهو متعصب = اسمعي ، أنا مش عاوز اشوفك تاني ، لاء هنا ولا في الشركة ، ارجعي من مكان ما جيتي ، ولو عليا ف هطلقك عشان ميرضنيش افرق بينك وبين حبيب القلب عيطت _ احمد اي الي بتقوله دا ، أنا.. = انتي اسكتي خالص ، وتطلعي تلمي حاجتك وتمشي ساب دراعي وطلع ، فضلت اعيط وانا علي الارض ، باباه جه طبطب عليا _والله يعمو أنا مظلومة
*عارف ، بس فهميني أي الي حصل؟ _عبدالله هو الي عاوزني اخد فلوس من حضرتك وادهاله ، بني ادم حقير وانا كنت عاوزة اكشفه ، وكاميرات الشركة تصوره وهو بيسرق ، هو الي كان باعت الراجلين عشان ياخدوا احمد ، كنت عاوزة احميه والله مش عاوزة حاجه *طب خلاص بطلي عياط ، أنا مصدقك _ أنا هطلع ألم هدومي وامشي *اطلعي وتعالي عاوزك في حاجه طلعت لميت هدومي وحاجتي من الاوضه بتاعتي ، فتحت الباب لقيته في وشي ، لف وشه الناحية التانيه ودخل اوضته .
نزلت وروحت ل عمو علي مكتبه _انا ماشية *استني ، امسكي دا _دا!! *أيوة المفتاح ، لازم نكشفه وياخد جزاته ، أنا عارف انك بنت كويسه ، ومش عاوزة مقابل ل اي حاجه بتعمليها ، انا هساعدك في الي ناوية تعمليه خدت منه المفتاح _ بكرة بليل هيبقي التنفيذ *وانا هتفق مع ظابط تبعي وهحكيله علي كل حاجه _ ماشي يعمو ، اشوف وشك على خير *هتشوفيني قريب وترجعي تاني هنا إن شاء الله ، إركبي العربيه الي برا وقولي للسواق يوصلك البيت
ابتسمت ب حزن وخدت الشنطة وركبت العربيه ، قعدت افتكر كل حاجه حصلت ، وصلت البيت خبطت وبابا فتحلي ° في اييي؟ واي الشنطة ديي؟ انتي اتطلقتي ولا اي ؟ دخلت وقعد علي كنبة _ لاء بس هيحصل ° الواد بقي كويس؟ _ أيوة ° طب وأبوه وانتي ماشيه مداكيش حاجة كده ولا كده؟ _ مكفكش الي قبضته في جوازي؟ عاوز تقبض كمان في طلاقي؟ *بس يمريم متكلميش ابوكي كده
° سبيها متعرفش اني بعمل كل دا لمصلحتها زعقت _ مصلحتي ؟ انهي مصلحة الي تخليك تبيعني ؟ ، أنا عاوزة انام دخلت اوضتي وفضلت اعيط ، نمت وصحيت علي رن في الفون _ايوة يعبدالله ° صباح الخير يحبيبتي ، ها طمنيني جبتي المفتاح؟ _ ايوة المفتاح معايا ° امال مجتيش الشركة لي النهارده ؟ _ تعبانة شويه ف روحت اقعد عند بابا يومين ° مالك ؟ _ شويه تعب بس ، المهم نتقابل بعد ما تخلص شغل عشان تاخد المفتاح
° ماشي يحبيبتي هرن عليكي تنزليلي تديهولي قفلنا وقومت فطرت وخلص شغل وكلمني ° أنا تحت البيت انزلي _ ماشي نزلالك اهو نزلت وانا بتسحب عشان محدش ياخد باله _ اهو ، بس خلي بالك بقي ، لازم يبقي النهارده بليل ° حاضر ، لما اخلص هكلمك ، هانت ونبقي سوا _ أيوة يحبيبي ، هطلع انا بقي عشان مش عارفين اني نازلة ° ماشي خلي بالك من نفسك طلعت وبدأت اجهز مع ماما الغدا ، خلصت وغسلت المواعين وقعدت في اوضتي ، عمو رن عليا
_ أيوة يعمو عملت اييي؟ *رايح الشركة اهو ، قابليني هناك _ حاضر جاية قومت لبست وقولتلهم في البيت اني هخرج اشم شويه هوا ، ركبت تاكسي وروحت الشركة ، روحت لقيت العساكر قابضين عليه ° مريم إلحقيني يمريم عيطت _ مش هعرف اساعدك المرادي ، انت الي عملت فينا كده يعبدالله ، لما أجرت الراجلين عشان ياخدوا احمد ويجبهولك وبعد كده تطلب فدية ، لما طلبت مني اخد من فلوس الراجل الي معيشني في بيته ، كنت دايما ادعي نبقي مع بعض ، الحمد لله أنه مستجابش ، الحمد لله أنه مستجابش
العساكر خده ودخلوه البوكس ، لفيت ورايا عشان امشي لقيت احمد = مريم أنا.. _ورقتي توصلي لو سمحت ، مش عاوزة اتكلم في حاجه = لازم تسمعيني _ وانت مسمعتنيش لي ساعتها؟ حط وشه في الأرض ومردش ، مشيت خطوتين وسلمت علي باباه *كتر خيرك يبنتي علي كل الي عملتيه _انا معملتش حاجه ، اشوفك وشك علي خير ، مع السلامه مشيت وانا مودعة كل حاجه ، ذكرياتي ، ومشاعري ، وقلبي .
رجعت تاني ل حياتي العادية ، ل خناقاتي معاهم الي مبتخلصش ، بعد تلت ايام وب الليل بالتحديد الباب خبط فتحت لقيته عمو عاصم _اهلا اهلا ، اتفضل دخل وقعد *خطوة عزيزة ° الله يكرمك يحاج ، كده يمريم تسبينا وتمشي _ هاجي ازورك كل فترة اكيد ° كل فترة؟ تعالي يشملول صالح مراتك ، تعالي يا أخرة صبري بصيت علي الباب لقيت احمد _ طب بعد اذنكم دخلت اوضتي بسرعة وقفلت الباب ، فتح الباب ودخل
_ ايدا! ، انت ازاي متخبطش؟ وازاي تدخل هنا اصلا = متهدي بقي ، أي قولتهم هدخل ل مراتي قالوا اتفضل _ أنا مش مراتك ، أنا مستنيه ورقتي = ورقتك؟ أي احنا في امتحان ولا اييي؟ _ ليك نفس تهزر؟ = الصراحة لاء ، يا ريت أيدي كانت اتقطعت قبل ما تتمد عليكي يمريم _.. = بس حطي نفسك مكاني ، مستحملش اسمعك وانتي بتكلميه ، بتقوليله حبيبي وانا سألتك عليه قبل كده المفروض كنتي تقوليلي وتفهميني