_اي رأيك في البدلة بجد ؟ =تسمح تطلع برا عشان اغير الفستان ؟ _انتي مكسوفه مني ولا اي ؟ =برا بدل ما ألم عليك العمارة _طب أنا برا بقي لو احتاجتي حاجه اوعي تفكري تناديلي ضحكت وانا طلعت برا قلعت الجاكت وحطيته جمبي وقعدت علي الركنه ، طلعت وهي لابسه بيجامه فاردة شعرها كان طويل واسود ، دا طلعت شوكولاته مغلفه اقسم بالله _معاكي دوا القلب ؟ =انت عيان؟ _لا بس قلبي مش علي بعضه من ساعه مشوفتك
=خضتني عليك يبني بطل قلش ! _دعم الصحاب فن =مين كان يصدق اني اتجوز البيست في الأخر ! _معروفه علي فكره لو متابعه ، الكل دلوقتي بقي بيتجوز البيست =حاسه إني في كابوس مش عارفه هفوق منه أمتي _حاولي تتأقلمي عشان دا مش حلم يمريم دي حقيقه وانا جعان ف لا صدقي بسرعه عشان ناكل ضحكت =والله انت الي مهون عليا الي حصل _فيه حته صنيه علي السفره فيها من خيرات الله هروح اجيبها واجي
جبت الاكل وقعدنا ناكل من غير محد فينا يتكلم ، خلصنا وشالت الاكل دخلته المطبخ =تحب نتفرج علي فيلم ؟ _ماشي شغلت فيلم وقعدت بعيد _هو فيلم 3D؟ =لاء ، اشمعنا ؟ _اصلك شايفك علي بُعد =انا بحب انام بدري اصلا احسن من القلش كل شويه ، مش هيبقي في الشغل وهما كنان لا ، منا ليا ضغط منا بني ادمه وبحس !! _خلاص خلاص مع إن دمي خفيف والله جدا
=بطل نرجسيه _وواد حليوة =يبني ! _يبخت انك هتشوفيني كتير =يبابا !! _امي مكنتش بتدخل حلويات البيت كان بتقول دايما كفايه عليا احمد =يا احمد !! _افندم ؟ عاوزة أي يفصيله ؟ =هو احنا هنتطلق أمتي ؟ _نعم يختي ؟ #زواج_صدفه❤️ #مريم_سمير ❤️.#البارت التاني _احنا هنتطلق امتي؟ =نعم يختي !! _مهو اكيد مش هنفضل عايشين كده ، وبصراحه عمري مشوفتك غير اخويا وبس =لا تبقي عاميه مش مشكله _احمد أنا مش بهزر
=وانا مش هتطلقك ، دا انا مصدقت ! _صدقت ايي؟ =مريم خشي نامي دلوقت وبكره نشوف الحوار دا _منا عاوزة افهم ! =هفهمك كل حاجه في وقتها بس ادخلي نامي عشان اكيد تعبانه _ماشي يا احمد الي تشوفه دخلت نامت وانا فضلت قاعد في الصاله ، اقولها ازاي اني عمري محبيت غيرها !! بعد شويه لقيتها خارجه ببطانيه _الدنيا برد =اه ، وبعدين؟ _اتغطي ب البطانيه دي =لاء شكرا مش عاوز
_بطل حركات عيال يا احمد بقولك الدنيا برد اوي بجد =وانا قولتلك مش عاوز قعدت جمبي وغطتني هي فضحكت =انتي بتعملي أي ؟ _خايفه انام جوا ، الاوضه مش مريحاني =وهتعملي أي ؟ _هقعد معاك بقي وخلاص =خلاص ادخل انام جوا أنا _انت كده روش يعني؟ ضحكت =خلاص والله بهزر هو انا قومت من جمبك اصلا ! _طب ابعد شويه =طب ما كده كويس _لاء ابعد سيكا قربت كمان =كده؟ ولا ابعد اكتر؟
_انت بتعمل عكس الكلام؟ خلاص قرب =منا بقرب فعلا اهو ! _انا لو اتجننت ف هتبقي انت السبب =يعم عادي فدايا _وحيات امك !! =حماتك عيب الباب خبط =يفضحتي ادخلي ب البطانيه ديي _هفكر =يمريم هيقولوا قاعدين علي الركنه هنتفضح _خلاص خلاص صعبت عليا دخلت ب البطانيه وفتحت الباب _اهلا يماما اتفضلي *جبتلكم لقمه كده عشان تاكلوا _متحرمش منك يغاليه دخلت الاكل وسلمت عليا ونزلت _يعروسه =اي عروسه ديي !
_معلش اندمجت اصل عشا عرسان ، ف بما انك مش عروسه لو مديتي ايدك هقطعهالك =يووه دا انت قفوش اوي بجد ، امال كنت لابسه الفستان الابيض عياقه! _تعالي كلي خلاص =من كرم اخلاقك والله كلنا وقعدنا _دي تاني مرة نتعشي فيها =أيوة خدت بالي _طب اتخمدي يلا =لا اتكلم معايا شويه _هنتكلم في أي ؟ منتي عارفه عني كل حاجه وانا كذلك =احساسك أي دلوقت؟ _زي الزفت علي دماغك
=مش بهزر والله _يمكن مصدوم من الي حصل بس .. =بس ايي؟ _عاوز اقولك حاجه ، عاوز اقولهالك من زمان =قول _انتي مش بتحسي ولا عندك دم والله =ايي!!
_مهو لو عندك كان زمانك حسيتي اني بحبك ، وبحبك اوي كمان ، من ايام الكليه ، بلمح دايما بس انتي مبتفهميش يمريم والله ، وبخاف اتكلم مباشر تبعدي عني ف قولت صحاب وخلاص بس تكوني موجودة ، أنا خطبت صحبتك بعد متخطبتي عشان يأست وقولت هتنسيني حبي ليكي ، لكن فشلت ب الأخص أنها مش شبهك ، لا بتعرف تتكلم معايا ولا بتحب الكلام الكتير ولا مهتمه تسمع عملت أي في يومي ، ف لما لقيتك في الموقف دا قلبي وجعني عشان انتي متستهليش انك وتتسابي وتعيطي وتتوجعي ف قولت أنقذ الموقف واتجوزتك عشان انتي عاوزة تعرفي لي اتجوزتك بس
الصراحه أنا متجوزتش عشان انقذ الموقف بس دا عشان دي الدعوة إلي فضلت علي لساني خمس سنين في كل ركعه انك تبقي من نصيبي ومن غير اي تدخل ربنا جعلنا ب وسيله مكنتش علي البال ، ف عشان كده عمري مهطلقك ومتطلبيش كده تاني =جواك كل دا وساكت ! _والبعيده جبله والله =اسفه يا احمد حقك عليا ، بس احنا اخوات وبس _اعتبريني مقولتش حاجه ، ولا كأني اتكلمت ، بس بطلب منك نستني علي حوار الطلاق دا عشان كلام الناس بس ، تصبحي علي خير
قومت من مكاني ودخلت الاوضه وقفلت الباب ، غبي غبي مكنتش تقول ، نمت بعد تفكير كتير وصحيت علي صوتها =صباح الخير _صباح الخير =انا حضرت الفطار قوم عشان تاكل _مش جعان ، كلي انتي =معلش يا احمد متدخلش الأمور في بعض وقوم كل _انا مبدخلش زفت قولتلك مش جعان يووه رجعت لورا لما لقتني بزعق=أنا اسفه جريت من قدام ف حطيت ايدي علي وشي وقومت وراها _افتحي يمريم ، معلش حقك عليا
=.. _انا عارف انه مش ذنبك ، محدش قادر يتحكم في قلبه ويقوله بتحب مين ومبتحبش مين ، ودي مشكلتي أنا وهحكلها مع نفسي ، أنا عمري مزعقتلك ف بجد مش قصدي فتحت الباب =وانا كمان مش قصدي ازعلك مني _مش بزعل منك ، ها قوليلي بقي عامله فطار اي؟ الباب خبط =ادخلي دلوقتي هشوف مين واجي _حاضر فتحت الباب = أنتوا !! #زواج_صدفه❤️ #مريم_سمير ❤️البارت الثالث والاخير فتحت الباب _أنتوا !!
*ازيك يا احمد ، الف مبروك _ليك عين تيجي لحد هنا لا وجايبها معاك ؟ *ندخل يا احمد ونتفاهم انت ابن اصول يعني وعارف في الواجب نفخت ودخلتهم وقعدوا وأنا قعدت قدامهم _خير !! °انا بجد اسفه يا احمد علي الي عملته في حقك =انتوا أي الي جابلكم هنا ؟ عاوزين ايي تاني ؟ _اهدي يمريم وتعالي نتفاهم =اتفاهم مع مين يا احمد ! دول دمروا حياتي روحت مسكت أيدها وقعدتها جمبي
_اه وبعدين ؟ °انا عارفه انكم كنتوا كويسين معانا ، واكتر ناس تستاهل كل خير لكن احنا معرفناش والله كنا هنبقي بنخدعكم وبنخدع نفسنا لو كنا كملنا =انا كنت واثقه فيكي اكتر من نفسي ، عاوزين بعض تمم مش مشكله كنتي تعالي قوليلي وعرفيني مش تخلي اسعد يوم في حيات أي بنت اتعس يوم ب النسبالي ، وانت يمحمود مقولتليش لي؟ لي مقولتش مش عاوز أكمل ؟ كنت هحترم رغبتك وكل واحد يروح لحاله ، أنا مش عارفه ازعل عليكم ولا علي نفسي عشان اختارت اتنين زيكم والله
*انا بجد آسف يمريم ، حقك عليا =الي اتكسر جوايا عمره مهيتصلح خصوصا انتوا الاتنين _تعرفوا اني مش زعلان واني هاين عليا اشكركم من هنا للسنه الجايه؟ هما الاتنين بصوا لبعض ب استغراب وقالوا °تشكرنا !! _اكيد ، من غيركم مكنتش مع مريم دلوقتي اه وبالمناسبة أنا عمري محبيت غيرها ، ف بجد شكرا ليكم انكم سبب في أننا نبقي سوا *يعني مش زعلان؟
_اكيد زعلان من حركه الندالة بتاعتكم ، بس محدش بياخد اكتر من نصيبه ، اقولكم أي وانتوا فيكم كل العبر ، انتوا فعلا لايقين علي بعض والله مستحيل اتخيل حد من غير التاني بتكملوا بعض في قله الاصل ونكران الجميل *احنا جايين هنا عشان نصفي الي بينا ، وبجد احنا منكاش قصدنا نجرحكم =واحد سايب عروسته وهربان مع خطيبه صاحبه والمفروض صاحبه الي كانت هتبقي مراته لا لا استني كده لا اكيد مش قصدكم تجرحونا ، فيها أي؟ الي عملتوه عادي جدا ، ازاي مكنتش شايفكم كده من زمان
_نورتوا يجماعه وياريت يعني مشوفش وشكم تاني ، لا هنا ولا في المستشفى تلاشوفني بقي مشيوا وقفلت الباب لفيت لقيتها بتعيط _يا ديي النكد ، انتي يبت بتحبي العياط قد عنيكي؟ =اه _ايدا في أي =يلا نعيط سوا _دمعتي قريبه وانتي عارفه أنا علي تكه =يعم عيط يعم _هعيط بس مش عليهم عليكي انتي =هتقتلني ولا اي ؟ _مبتفهمش والله مبتفهم =شكرا يا احمد انك واجهتهم ، مكنتش هعرف اتكلم وانت مش جمبي
_اقل واجب بينا ، احنا مش صحاب ! =صحاب بس ؟ _اه ، صحيح عامله فطار أي ؟ كلنا وفضلنا ساكتين ، خلصنا ودخلت الصنيه ومسكت اللاب توب اخلص شويه شغل اونلاين =هنرجع المستشفى امتي؟ _كني المفروض دي الصباحيه ، لسه شويه ابلعي ريقك =الشغل وحشني اوي _مريم انتي كنتي بتروحي تنامي متظطيش! =مش ناوي تعلمني بقي ابقي شاطرة في العملي؟ _لاء مش ناوي =امال اروح ل مين يعلمني ؟ راجل غريب يعني ولا اي
_ابقي اعمليها عشان اكسر دماغك بمولة السرير الي جوا دا =الاه متعملني انت ! _لما نرجع عشان تشوفي عملي ، مش عارف مين الشمام الي دخلك تمريض والله =احمد بابا الي دخلني ! _هتعملي غدا أي النهارده بجد ؟ ضحكت =انت عاوز تاكل اي؟ _انتي بتعرفي تعملي اي؟ =عليا شويه .. _ابهريني بقي =اندومي هتاكل صوابعك وراهم _وحيات امك؟ لا غيره =اقلي بانيه؟ _الي هو الجاهز يدوب هتحطيه في الزيت؟
=حاكم بتلسع _لا سلامتك وكتر خيرك ويا ريت تقولي بتعرفي تعملي أي بجد =اعملك فراخ مشويه؟ _ايوة هو دا الكلام ، لكن الاكل الي فات دا للعيال التوتو ، ادخلي يفنانه يلا ابدعي =هفتح قناة علي اليوتيوب واقول سلفتي مقموصه مني؟ _ادخلي يمريم اعملي الفرخه ادخلي بعد تلت ساعات لقيتها بتنادي ف دخلت المطبخ =اي رأيك بس من غير مجامله _هي فين؟ =هي اي؟ _الفرخه ! =مهي قدامك اهي _لا دي فحمه بقولك الفرخه بقي فين؟
=أيوة مهي هي دي بس مشويه _دي مهريه!! محروقه صح ؟ =ابو الجهل يبني مشويه بتبقي كده _مريم أنا مش واكل الكلام دا =لا دوق وقولي رأيك _منا لو دوقت مش هلحق اقولك رأيي =يعم اخلص _دا أنا المستشفيات هتقطع نفسها عليا النهارده ، عاوزة تجبيلي تسمم ؟ =اهو اجبلك أي حاجه _احيه ! =دوق بس وهتدعيلي _سؤال بس هي مش مشويه ؟ جبتي الشوربه منين ؟ =سر المهنه _دا سر الخطه ، انتي عاوزة تمو*تيني وش
=عيب عليك والله ، دي تحفه دوق بس شربتها وتفتها _يارتني ما دوقت يارتني ما دوقت =ادخل علي المهم الفرخه انت لي فرعي كده ! _بطني لو بتتكلم هتقولي منك لله ، اعملي اندومي أنا اصلا غلطان اني بطلب منك حاجه =طب والفرخه مين ياكلها ؟