_ذاكر يا حبيبي عشان متبقاش زي الزبال ده ـ ماما لو سمحتي عيب اسمه عامل نظافة!! كنت قاعد في القهوة بتاعتي اللي شكلها قديم بس روحها حلوة نظراً لكبر سني وإني بحب الأجواء دي حتي لو كبرت وبقي عندي ٦٠ سنة وفجأة سمعت الحوار اللي دار بين أم وابنها والصراحة رد الولد كان لطيف جدا بالرغم من صغر سنة الست بصت للشاب بقرف ومشيت هي وابنها وأنا قربت من عامل النظافة بهدوء
كان شاب جميل وملامحه هادية بس واضح أن الدنيا جاية عليه أوي ـ مساء الخير يا ابني ومديت ايدي عشان اسلم بصلي وابتسم بحزن واضح عليه وفضل يمسح في ايده _مساء النور يا والدي الصراحه صعب عليا فشديت ايده ومسكتها وهزرت معاه_يا راجل بتمسح ايه يعني أنا اللي غاسل ايدي بكلور!!! ضحك وضحكته كانت هادية أبتسم وطبطبت علي كتفه_متزعلش حقك عليا أبتسم بهدوء_عادي متعود علي كده اتنهد وكمل_طول ما مفيهاش فلوس حرام فـأنا مش بعمل حاجة غلط
_صح قولتها وأنا مبتسم فقربت منه وحضنته فجأة تحت استغرابه_تعرف إني في يوم من الأيام كنت مكانك بعد عن حضني وبصلي بصدمة وفضل يبص لشكلي وهدومي فضحكت_ميغركش المنظر ده الجتة اللي قدامك ياما حصلها بلاوي شوفت في عيونه لمعة غريبة! فأبتسمت وكملت_قولي صحيح اسمك الجميل ايه ابتسم_يوسف _عاشت الأسامي يا يوسف،طب تعالى معايا علي القهوة كده نرغي شوية عشان عمك محمد صدع من رغي شاورت علي راجل كبير علي القهوة فبصلي يوسف وضحك _يا سلام ده أنا كلي أذان مصغية لحضرتك
_چون اسمي بس قولي يا چو كل المنطقة هنا بتناديني چو أبتسم_حاضر يا چو _عملتلك بقي يا سيدي كوكتيل جامد بس كل بسرعة قبل ما عم محمد يشوفك °مين جايب في سيرتي _كبسة يا معلم مشمش يوسف كان عمال يضحك فضلنا نهزر أنا ومحمد معاه شوية عشان نخليه يفك وميتوترش °اللي قدامك ده يا يوسف يا ابني كل بنات المنطقة كانت هتموت عليه _وطبعا يا يوسف يا ابني كلنا عارفين الكذاب بيروح فين
°يعني أنا كذاب يا چو شهقت بطريقة مضحكة_أنا قولت كده يقطعني هنا لقينا يوسف بيضحك بعلو صوته_خلاص يا جماعة صلو علي النبي مش كده ضحكنا وشاركناه الضحكة ـ الصراحة يا جماعة أنا مش عارف أشكركم إزاي علي اليوم ده بس حقيقي بجد شكراً من كل قلبي ليكم اليوم كان وحش أوي الصبح بس دلوقتي أنا حقيقي مبسوط أوي اتنهدت وأنا ببتسم وشايف صورتي في يوسف وأنا قده! _يوسف أنتَ تعليمك ايه
أبتسم بهم_كلية تجارة محمد بصله بصدمة_وليه يا ابني مش شغال بشهادتك اتنهد_عشان معروفة يا عم محمد محدش بيشتغل بشهادتة بصيتله شوية بهدوء وبعدين اتكلمت_يوسف أنتَ هتشتغل معايا في الشركة #يتبع #بقلم_ڤونا #بقلم_فونا #حواديت_مريم_وچون2 _يوسف أنتَ هتشتغل معايا في الشركة بصلي بصدمة وتقريبا كان بيحاول يستوعب كلامي فحبيت أوفر عليه تفكير كتير_أنا صاحب شركة**** ومحتاج حد يمسكلي الحسابات لقيته فجأة برق وقام وقف منطور_حضرتك مدير أشهر شركة في مجال ال**** بصيتله وضحكتك_تخيل
بص للقهوة ورجع بصلي تاني ففهمته_القهوة دي مقدرش استغنى عنها دي روحي فيها، أقعد بس وهحكيلك الحكاية قعد وبدأت احكيله القصة من أولها _كنت مكانك كده يا يوسف ويمكن كنت أسوء منك كمان الدنيا كانت دايسة عليا جامد أوي لدرجة إني خلاص فقدت الأمل في كل حاجه حرفيا خريج تجارة ومش شغال ومش لاقي تمن رغيف العيش حتي فضلت ألف في الشوارع علي أي شغلانة وفي الأخر مفيش أمل!! أو ده اللي كنت أنا فاكره!كنت فاكر أن مفيش أمل وكنت بفضل أدعي لربنا وأصلي والصراحة احيانا كنت أعاتبه وأقوله ليه!!
وكأن ربنا سمع صلاتي وطلباتي وعوضني عوض كبير أوي وهنا اتأكد أنه بيقفل باب وبيفتح ألف واحد غيره… شافني حمايا وكان راجل كبير وتقيل كده وساعدني وشغلني معاه في شركته اللي دلوقتي بقت بتاعتي كان حنين عليا أوي أوي وكان معتبرني ابنه الصراحة لأنه مكانش عنده ولاد كان عنده بنوته جميلة واسمها مريم ودي يا سيدي تبقي العسلية بتاعتي “المدام” حبيتها من أول نظرة وحبيت أدخل البيت من بابه واعترفت لوالدها وحقيقي هو رحب جدا وجوزهالي
كان يوسف باصصلي بانتباه_وبعدين حصل ايه اتنهدت_كانت جميلة خالص وهادية وطيبة زي ما بيتقال ملاك نازل من السماء ربنا مأردش أننا نخلف فكنا مكتفين ببعضنا وقولنا الحمدلله لكن حصل اللي مكناش متوقعينه ومريم جالها كانسر وللأسف توفت دمعة فرت من عيوني محمد فضل يطبطب علي كتفي فاتنهدت وكملت_اه أنا فاتح شركة وفلوسها مكفياني بس مقدرش استغنى عن القهوة دي