لأنها كانت حلم مريم فالصراحة مش قادر أقفلها لأنها من ريحة الغالية علي قلبي يوسف كان باصصلي ومبتسم وكذلك محمد اتنهدت وحاولت أغير الموضوع_نكدتوا عليا منك لله يا محمد °اللاه وأنا مالي يا عم ضحكت ورجعت بصيت ليوسف_أنتَ خلاص بقيت معايا في الشركة بصلي شوية بعدين قام حضني وحسيت بدموعه علي كتفي_أنا مش عارف أشكرك ازاي بجد طبطبت علي كتفه_أنتَ زي ابني يا يوسف يا حبيبي بالفعل يوسف اشتغل معايا وبقي دراعي اليمين وحقيقي مش بقدر استغني عنه خالص لا في الشغل ولا في حياتي
_چو ـ نعم يا يوسف _أنا شكلي كده وقعت… #يتبع #بقلم_ڤونا #بقلم_فونا #حواديت_مريم_وچون3 _أنا شكلي كده وقعت… بصيت ليوسف بلهفة_واتعورت حصلك حاجه لقيته بيضحك_موقعتش جسدياً بصيتله بصدمة_آمال ايه قال بهيام_قلبي وقع من الدور العاشر دقيقة اتنين واتفتحت في الضحك_ومين سعيدة الحظ يا واد ابتسم_بتول اللي معانا في الشركة ابتسمت_بتول بنت محترمة ومتربية وأعرفها شخصيا هي ووالدها وحقيقي أسرة محترمة حطيت ايدي علي كتفه_يلا يا بطل شد حيلك ونروح نخطبهالك بصلي وابتسم بعدين رجعت ملامحه للحزن_تفتكر هترضى بيا يعني مش هتستعر مني ومن أصلي
بصيتله وكأني فهمت قصده_حبيبي أنتَ راجل وسيد الرجالة ،لازم تبقي فخور بنفسك أنك اشتغلت علي نفسك لغاية ما وصلت للمستوي ده،غيرك من الشباب كتير بيكسلو يعملوا اي حاجه ويبقو عايزين اللي يصرف عليهم عايزين فلوس من غير ما يتعبو، وللعلم أن الفلوس اللي بتيجي بسرعة بتروح بسرعة،أنتَ لازم تبقي فخور بنفسك يا حبيبي ولازم تحط في دماغك أنك مش قليل أبدا بصلي وابتسم وقرب وحضني فحسيت بدموعه علي كتفي_حقيقي أنا مش عارف أشكرك إزاي يا چو أنتَ سبب كل حاجه حلوة أنا وصلتلها ربنا يجبر بخاطرك دايما
طبطبت علي كتفه وابتسمت وحاولت أغير الموضوع زقيته بلطف_أبعد يا واد عشان أنا راجل حبيبتي بتغير عليا أوعا ضحكنا سوا وبعدين كل واحد اتجه لشغله مرت الأيام وروحنا خطبنا ليوسف أنا وعمه محمد واتجوز هو وبتول وربنا كرمهم بولد جميل وأصرو أنهم يسموه چون “علي اسمي” حاول يكون لك أثر خفيف ولطيف علي قلوب الناس. مفيش حاجه دايمة في الدنيا دي إلا سيرتنا يا تكون سيرة طيبة والناس تفتكرك بالخير ويتقال عاش طيب،جابر بقلوب اللي حواليه
يا يتقال عاش واجع قلوب الناس،كاسر بخاطر اللي حواليه. وشكرا… #يتبع #بقلم_ڤونا #بقلم_فونا #حواديت_مريم_وچون_بتحبي واحد بتاع بيكيا!! ـ فيها ايه يا سلمي!!! _مريم أنتِ اتجننتي ولا ايه! يعني صارفة شيء وشويات علي تعليمك وفي الآخر تقعي مع أي حاجة قديمة للبيع! ـ سلمى لو سمحتي متتكلميش عنه كدا!! وبعدين دي شغلة محترمة وبفلوس حلال! قولت الكلمتين دول وسيبتها ومشيت فيها ايه يعني بتاع بيكيا!! مش فلوسه في الآخر بتبقي في حلال ربنا!!!
روحت البيت واللي هو في منطقة شعبية شوية بس ناسها طيبين وأنا ماشية في الشارع لمحته واقف في الدكان بتاعه مع طفل صغير _ يا اسطى چون وافق بقي ـ لاء يعني لاء أنا قولت كلمة واحدة الطفل اتقمص ورفع شفايفه بطريقة مضحكه وأول ما لمحني جرى عليا_ابلة مريم ساعديني بسرعة ضحكت_اساعدك في ايه يا يوسف أتكلم بغضب طفولي_اسطى چون مش عايز يشغلني معاه نزلت لمستواه_وأنتَ عايز تشتغل معاه ليه
أتكلم بحزن_عشان أجيب الدواء اللي الدكتور قال عليه لماما وهنا ظهر صوته جنبنا بعد ما سند علي الحيطة اللي جنب الدكان_وأنا مش قولتلك دواء ماما أنا اللي هجيبه أتكلم يوسف بغضب طفولي_وأنا قولتلك لاء دي مامتي أنا محدش يصرف عليها غيري بصيت ليوسف واتكلمت بهدوء_يعني أنتَ دلوقتي عايز تشتغل عشان تجيب فلوس علاج ماما هز راسه بسرعة عملت نفسي بفكر وهو كان باصصلي وفاتح عيونه علي أمل وكأنه مستني اللي هقوله
ضحكت علي منظره وقرصته من خده_هستناك بليل في المكتبة تيجي تساعدني في رص الكتب وهديك فلوس _هييييييي صرخ بطريقة لطيفة وبعدين حضني جامد وطلع يجري فضلت أضحك علي شكله بس قاطعني صوته_ليه!! بصيتله بهدوء_الولد مش حابب حد يساعده أو يصرف عليه حابب يخدم مامته بنفسه فليه منساعدهوش بس بطريقة غير مباشرة!! خلصت كلامي وسيبته ومشيت واتجهت للبيت سلمت علي ماما وساعدتها في الغداء وبعدين اتغديت وجهزت ونزلت روحت المكتبة بتاعت بابا الله يرحمه
أشهر مكتبة في المنطقة وهتلاقي فيها أي حاجة تتخيلها ولا تتخيلها وكمان في جزء منها زي كافيه صغير كان في طلبية كتب كتيرة ففضلت أظبطهم لغاية ما يوسف جالي وبالفعل ساعدني بكل حماس وشغف _خلاص خلصت يا ابلة مريم ـ شاطر يا حبيبي وشكرا بجد عشان ساعدتني واتفضل فلوسك اهي يا سيدي حضني بسرعة وبعدين طلع يجري بصيت علي أثره بحب ودعيتله من قلبي ربنا يخليه لمامته كنت بحاسب اخر زبون دخلي وبدأت أنضف المكان وبعدين خرجت برا وقفلتها واتجهت لدكان عم سيد عشان اشتري شوية حاجات للبيت
كنت ماسكه حاجات كتير أوي _هاتي عنك لقيته واقف قدامي فرديت بهدوء_شكرا ولسه همشي بس أخد الكياس مني بهدوء وبصلي وشاور قدامه_اتفضلي مشيت بهدوء جنبه وكنا في حالة صمت لغاية ما وصلني لتحت البيت شكرته بهدوء وكان لسه هيمشي بس وقفه صوت سلمي صحبتي_أهلا ببتاع البيكيا برقتلها عشان تسكت بس مسكتتش_اللاه مش بترد ليه هي القطة كلت لسانك مكانش باصص ليها بس كنت شايفه عصبيته بيحاول يتحكم فيها ضحكت بسخريه وهي بترمي كلام_مش تقول مبروك لمريم متقدملها عريس إنما ايه علام ومال وحسب ونسب
وهنا حسيته حِزِن ورد بخنقة_مبروك يا آنسة مريم ملحقتش أرد لأنه مشي بسرعة لفيت لسلمى بعصبية_أنتِ ازاي تقولي كدا قدامه زقتني في كتفي_عشان يفوق ويعرف هو فين وأنتِ فين اتكلمت بعصبية_وأنتِ مالك يا سلمي وأنتِ هتقرري أنا هحب مين ومش هحب مين ولا إيه!!!! اتكلمت بعصبية مماثلة_فوقي يا مريم بقي من الوهم اللي أنتِ فيه حب إيه ونيلة إيه الحب مش هينفع لما تنامو جعانين! رديت عليها بسخرية_ولا الفلوس هتنفع لما ننام زعلانين!
سيبتها وطلعت الشقة ودخلت اوضتي بسرعة وفتحت فوني وبعتله_متزعلش حقك عليا دقايق ولقيته رد_عندها حق هو هيعرف يعيشك عيشة حلوة بفلوسه _بس أنا مش هتجوز حد عشان فلوسه! شافها ومردش!! نفخت بضيق وقومت نمت ومحستش بحاجة بعدها قومت تاني يوم لقيت ماما واقعة علي الأرض ومغمى عليها و د*م جنب دماغها فضلت أصوت لغاية ما تقريبا الشارع كله اتلم علي صويتي وكان أولهم هو! قرب بسرعة_مالها اتكلمت بعياط_معرفش صحيت لقيتها كدا
_متخافيش ساعدته في شيلها وجرينا بيها علي المستشفى _طمني يا دكتور هي بخير ـ متخافيش الحمدلله بخير مجرد جر*ح سطحي واتخيط اتكلمت بتوتر_بجد طب اغــــمي عليها ليه ـ ممكن من أثر الوقعة مش أكتر هي بخير متخافيش حمدت ربنا في سري _الحمدلله أنها بخير بصيتله بامتنان_مش عارفه من غيرك كنت هتصرف ازاي ابتسم بهدوء_أنا في الخدمة دايما بعد مرور يومين كنت في المكتبة وخلصت متأخر والشارع كان فاضي فكنت بنضف المكان وفجأة لقيت شاب داخل
_حضرتك إحنا قفلنا تقدر تيجي بكرا بصلي بطريقة خوفتني وابتسم بسماجة_طب وليه بكرا ما حلو دلوقتي بدأت اتوتر وابص لو حد في الشارع لكن ملمحتش حد _خايفه ولا ايه قال الجملة دي وهو بيقرب خايفه؟ ده أنا مرعوبة!! يارب ساعدني وكأن ربنا استجاب لدعائي وثواني لقيت چون قدامي _في حاجة يا شبح اتطمنت أنه هنا وروحت علي أقرب كرسي أقعد عشان أعصابي سابت الواد اتوتر شوية_أنا كنت بشوف كتاب بس
_وشوفت رد عليه چون بحدة زفر بضيق_ملقتهوش وخرج وفضلت أنا وچون لوحدنا ثواني ولقيته قرب مني_أنتِ كويسه هزيت راسي بهدوء فكمل_طب يلا عشان أروحك بالفعل ساعدني وقفل المكتبة معايا وبدأنا نتمشي شوية كان بينا صمت بس قاطعه هو بتردد_عملتي ايه مع العريس قولت بأستغراب_عريس ايه ثواني وافتكرت_ااه لا أترفض سكت شوية وبعدين قال بهدوء_ليه هنا بصيتله وقولت بهدوء_ببساطة مش بحبه _آمال بتحبي مين سؤال سريع طلع منه فسكت والصراحة مش عارفه اقوله ايه!!
إني بحبه هو!! لما صمتي طال سمعت صوت تنهيدة منه اتكلمت بهدوء_عمري ما هفكر ارتبط بحد عشان شكله ولا فلوسه ولا جاهه وعيلته أصل مفيش حاجه من دي هتنفعني لما أبقي في ضيقة بمعني أصح هبقي محتاجة كتف أتسند عليه مش فلوس وتعليم!! وصلنا تحت بيتي وكنت لسه هطلع بس وقفني بسؤال صدمني!! _لو اتقدملك بتاع البيكيا هتوافقي؟ كنت مدياله ضهري بس وشي الضحكة كانت من الودن للودن حاولت أهدي نفسي ورديت لما حسيت صمتي طال_يمكن
وبعدها طلعت جريي علي فوق فرحانه؟ مبسوطة جدا حقيقي مر يومين مكنتش بنزل من البيت بسبب تعبي بس في اليوم التالت كنت مخنوقة فقولت أنزل اتمشى شوية بالفعل نزلت وبدأت اتمشي شوية وفي الآخر لقيت يوسف قاعد علي جنب وبيحاول يعمل واجبه تقريبا قربت وقعدت جنبه بهدوء_بتعمل ايه بصلي_ابله مريم مش عارف أحل دي ـ هات أساعدك بالفعل فضلت معاه شوية لغاية ما خلص وقام وأنا كنت قاعدة مكاني متحركتش
دقايق ولقيت چون بيقعد جنبي ومدلي ايده بعصير _المكتبة بقالها يومين مقفولة ـ كنت تعبانة شوية بصلي بلهفة_سلامتك بصيتله ومقدرتش اداري ابتسامتي حمحم بحرج_متسرع طول عمري ضحكت بقلة حيلة فكمل_عايز أجي أشرب مع ماما شاي بصيتله ورديت بهدوء_ليه بصلي وكمل بمناغشة_حابب أدوقة من ايدك يا سكر بصيتله وأبتسمت بكسوف بالفعل تاني يوم بليل كان قاعد مع ماما ومعايا كنت لابسه دريس لبني رقيق وعامله شعري ويڤي وحاطه ميكب رقيق وهو؟
كان لابس قميص أسود وبنطلون أسود وشعره معمول بطريقة عشوائية وحقيقي كان شكله عسول أوي _طب يا حماتي أنا طالب ايد مريم بصيتله بسرعة وبعدين بصيت لماما وحقيقي كنت خايفة أوي أنها ترفض عشان شغله!!! ابتسمت ماما_وأنا مش هطمن علي مريم مع حد غيرك يا حبيبي بسلامته خطفني من ماما خطبني ولا العكس؟ مش عارفه المهم أنه خطبني وحقيقي كان حنين أوي عليا بعد ٤سنين كنا في شقتنا بنجهز إحنا وابننا
_يا كوكو يلا بقي البس متتعبنيش كان عمال يجري في الشقة وأنا بجري وراه من الصبح صرخت بغيظ طلع چون بيضحك_مالكم يا جدعان في ايه اتكلمت بغيظ وأنا بحدف عليه هدوم ابنه_خد هدوم ابنك واتصرف أنا داخله أجهز دخلت وكنت سامعه صوت ضحكته _تعالى يا شبر ونص أنتَ مغلب ماما ليه مسكه ولبسه وسرحله شعره طلعت لقيتهم قاعدين بيضحكو فبصيتلهم بحب كوكو قرب مني بص لهدومي وهدومه وهدوم چون _به بد به بد
ضحكت عليه وشيلته وفضلت أبوس فيه_اه شبه بعض يا عيوني أنتَ قرب مننا چون وحضنا إحنا الاتنين وسند راسه علي راسي _مش عايز حاجة من الدنيا تاني غيركم♥️ تمت #حدوتة_لڤونا #بقلم_ڤونا #بقلم_فونا #حواديت_مريم_وچون