دخلت وأنا قلبي بيدق جامد ايه العبث ده! أكيد مش اللي في دماغي!!!! تاني يوم صحيت بتعب كنت مصدعة أوي طلعت البلكونه عشان أحط ماية للورد وكنت بكلم مارينا في الفون _ماشي عمتا أنا هتأخر شوية عشان هروح أصلح اللاب توب =يلهوي لو باظ هتعملي ايه في الرواية _بعد الشر يلهوي ده أنا ممكن أروح فيها أنا بقالي ٤شهور بكتب فيها!!! قفلت معاها وجهزت عشان أنزل وأنا نازله علي السلم قابلته!
صباح الخير رديت بهدوء_صباح النور نزلت درجتين _انسه مريم لفيت وبصتله_نعم _ممكن تديني اللاب بتاعك اصلحهولك متخافيش أنا مبرمج وبعرف في الحاجات دي كويس رديت بهدوء_لاء متشغل بالك أنا هتصرف _معلش لو سمحتي أنتِ ساعدتيني مساعدة كبيرة ولازم أقل حاجه اعوضك مش عارفه ليه اتوترت وخوفت اديهوله_معلش هبقي مرتاحه أكتر لما اصلحه انا نزلت وسيبته روحت لشركة الخاصة بالتصليح وسيبته واتقالي تعالي بعد أسبوع روحت علي شغلي واليوم مر عادي وروحت البيت بتعب!
كنت طالعه علي السلم لقيت ست كبيرة طالعة ماسكة كياس وجنبها لولو جريت عليا حضنتني_مريوم اهي يا تيتة اللي حكيتلك عنها أبتسمت للولو ولطنط اللي اتكلمت_تصدقي يا بت يا لولو طلعت جميلة زي ما قولتيلي اصل لولو دي من ساعة ما شافتك وهي مش بتتكلم غير عنك اتكسفت أوي ومعرفتش أرد حقيقي حالة السكوت بتجيلي في أوقات!! لقيتها شايلة كياس كتير اخدتهم منها بإصرار برغم من رفضها!
طلعنا وعطيتها الكياس وطبعاً أصرت إني أدخل بس كنت برفض لغاية ما لقيت لولو بتحضني_عشان خاطري أدخلي العبي معايا أنا محدش بيلعب معايا خالص خالو بيرجع متأخر من الشغل وتيته علي طول في المطبخ بصيتلها بحزن_طب بصي ايه رأيك تيجي تقعدي معايا نعمل فشار ونتفرج علي كرتون روبانزل بس طبعاً لو تيته وافقت صرخت بحماس_موافقه جريت علي جدتها_وافقي عشان خطرييييييي ضحكت بغلب_موافقه يا قردة أنتِ اتغدينا سوا ولأول مرة من بعد وفاة اهلي حد يشاركني غدايا في البيت
عملنا فشار سوا واتصورنا برضو كتير واتفرجنا علي الكرتون وفي نص الكرتون لقيتها نامت في حضني كنت بصالها بابتسامة الباب خبط بعدها عني براحه عشان متصحاش وروحت فتحت لقيت خالها بصلي وبعدين بص ورايا وابتسم_نامت بصيتلها وابتسمت_اتبسطت أوي رجعت بصيتله لقيته باصصلي ومبتسم اتوترت_احم هتدخل تاخدها؟ _طبعا مقدرش أنام وهي مش في حضني دخل شالها براحه وخرج وقبل ما يروح شقته وقف وبصلي_شكرا أنك استحملتيها ابتسمت_بتشكرني علي ايه أنا اتبسطت جداً معاها
دخل شقته وأنا دخلت شقتي ومش عارفة ليه كنت بضحك! شكلي اتجنيت يتبع… #حواديت_مريم_وچون #بقلم_ڤونا #حواديت_فونا #روايات_بقلم_فونا #بقلم_فونا٢” تاني يوم مصحتش بدري عشان مكنتش عندي شغل بس للاسف صوت الجرس صحاني صحيت بالعافية بصيت في الساعة لقيتها ١٠ قومت ظبطت نفسي وفتحت الباب لقيت لولو _صباح الخير أبتسمت_صباح النور أتكلمت بحماس_تيته بتقولك تعالي أفطري معانا بلييييز أبتسمت_شكرا يا لولو بس… مسكتني من ايدي_مفيش بس يلا يلا تعالي بصيتلها بتوتر ولإيدها_مهو بصي مش مش هينفع…
_في ايه بصينا لمصدر الصوت لقيته! أتكلمت بحماس طفولي_تيته قالتلي اروحلها واجيبها تفطر معانا بصلها بعدين بصلي اتوترت_معلش بقي مرة تاني عشان نازلة أبتسم وبعدين بصلها_خلاص يا لولو هي مش فاضية تعالي أفطر معاكي أنا! بصتلي بزعل طفولي وبصتله بغضب_لاء مش هفطر معاك أمشي روح شغلك ودخلت شقتها بصلها بصدمة_شوف البت كنت بضحك بصمت بصلي فجأة حاولت أكتم ضحكتي _احم معلش لو هي بتزعجك كتير و… قاطعته_مش مضايقة صدقني بالعكس مبسوطة جدا بوجودها بدل ما أنا لوحدي كده
أبتسم وبعدين اتكلم_معلش بقي عن اذنك أبتسمت_أتفضل مر الأسبوع بروتين يومي مفيش تغير غير اني قربت من لولو وطنط شوية وبقينا نروح عند بعض واكتشفت أنه اسمه چون اسم لطيف وجميل ووو اتلمي يا مريم! كنت قاعدة بخلص شغل علي اللاب توب اه مهو اتصلح الحمدلله كنت بشتغل اون لاين وفجأة لقيت حد بيصوت جريت فتحت باب الشقة ولقيت باب شقتهم مفتوح والصويت من جوا دخلت بسرعه وأتكلمت بخضه_في ايه
لقيت طنط حاضنه لولو جامد وكان في راجل كبير وشاب جنبه طنط صرخت_الحقيني يا بنتي عايز ياخد البت بالعافية قربت منها_مين دول _دول أهل أبوها! أتكلم الراجل الكبير_انجزي يا سعاد وهاتي البت من غير شوشرة قرب ومسك ايد لولو جامد فصرخت مسكت ايده وشديتها بعنف_ايدك جنبك لتوحشك بصلي من فوق لتحت_وأنتِ مين أنتِ كمان وبتدخلي ليه سابني ولسه هيقرب منهم فوقفت قصاده_كلامك يبقي معايا أنا وبعدين جاي أنتَ والشملول ده
شاورت علي الشاب وكملت_جاي عايز تاخد البت بالعافيه ليه مفكر أنك عشان من أهل أبوها بقي ليك الحق أنك تاخدها! بصلي بغل_البت دي بت أخويا وهتتربي معانا!!! وملكيش دخل زقني جامد لدرجة أن ضهري اتخبط جامد في ترابيزة قرب الشاب من لولو وقعد يشدها جامد بطريقة قذرة وطنط كانت بتصرخ مكنتش عارفه أعمل وطبعاً مكنتش هعرف أقف قصادهم لوحدي محستش بنفسي غير وأنا ماسكه فاظه وضربته علي دماغه بيها ساب البنت جريت حضنت جدتها والشاب وقع علي الأرض والراجل الكبير أتصدم وبصلي بغل_ده أنتِ يومك أسود
قرب مني جامد ومسكني من شعري وشدني جامد لدرجة حسيت أن شعري اتقطع! سابت طنط لولو وأتكلمت بسرعه_كلمي چون بسرعة يا لولو بسرعة البنت جريت علي الاوضه بسرعه وطنط كانت بتحاول تبعده عني فجأة لقينا صوت متعصب_ايه اللي بيحصل هنا بصينا لقيته چون وهنا بدأت عيوني تسود لغاية ما فقدت الوعي!!! عند چون” كنت في الشركة بشتغل وفجأة لقيت راجل كبير ساكن في البيت بتاعنا بيرن عليا _ألو _أيوة يا چون يا ابني ألحق يا ابني في صوت صويت طالع من شقتكم
مش عارف إزاي في خلال ربع ساعة كنت هناك نظراً لبعد الشركة عن بيتي كنت سايق بسرعة جدا أول ما طلعت لقيت أخو جوز أختي الله يرحمهم كان ماسك مريم من شعرها هنا زعقت بغضب شديد_ايه اللي بيحصل هنا لقيت مريم بتبصلي وفجأة اغمي عليها جريت مسكت ايده وشديتها بعنف من شعرها وقعت علي الأرض أمي جريت عليها وأنا بصيتله بغضب اتعصبت وضربته في دماغه_ايه اللي أنتَ عملته ده أنتَ أتجننت
بصلي بغضب_أنا جاي باحترام أخد البت معايا بس هي اللي اتدخلت تستحمل مسكته من هدومه جامد_وربنا لو ما مشيت دلوقتي لأكون منيمك في السجن يا روح ماما كمل بصوت عالي جدا_أطلع برا مش عايز أشوف وشكم تاني خرجو بسرعة وهما خايفين كنت متعصب جدا فوقت علي صوت أمي وهي بتحاول تفوق مريم جريت عليها شلتها وحطيتها علي كنبة دخلت بسرعة أوضتي أجيب برفان افوقها بالفعل كانت بتفوق عند مريم” بدأت أفتح عيني بتعب كان عندي صداع جامد ودماغي وجعاني أوي
فتحت عيني لقيت چون قدامي وطنط جنبه كان باصصلي بقلق_أنتِ كويسة غمضت عيني بتعب_دماغي وجعاني أوي طنط قربت مني وطبطبت علي راسي بحنان_حقك علي عيني حقك عليا أنا أسفه بجد فتحت عيني بحاول استوعب اللي حصل وفجأة برقت وأتكلمت بصدمة_لولو مسكت ايدي بحنان_متخافيش هي كويسة اتنهدت براحة وبصيت عليه لقيته باصصلي بحزن وعينه حمرا أوي حاولت أقوم_أنا لازم أمشي دلوقتي طنط مسكت فيا_لاء طبعاً مش هسيبك تمشي وأنتِ كده قومت من مكاني_معلش هيبقي مرتاحه أكتر في البيت
حضنتني فجأة_مش عارفه يا مريم من غيرك كنت هعمل ايه تاني مرة تساعدي لولو بجد أنا مش عارفة أقولك ايه بادلتها الحضن وطبطبت علي ضهرها بحنان_ربنا يخليهالكم بعدت عنها وبصتله _مش عارف أقولك ايه بجد وأنتِ لتاني مرة تتأذى بسببي أبتسمت بتعب_يا عم متقولش كده أكيد كان لازم أساعد واللي حصل حصل الحمدلله ودعتهم ومشيت بهدوء دخلت البيت بتعب راسي كانت وجعاني أوي خدت برشام صداع ودخلت أخدت دش لبست لبس مريح ودخلت نمت
مر شهر قربت منهم جداً وطنط عوضتني عن ماما الله يرحمها ولولو كانت حاجة لطيفة جداً في حياتنا وهو…هو كان أخ فاضل ومحترم وجميل ووو وأخ فاضل يا مريم ها أخ فاضل…. عملت آيس كوفي وطلعت البلكونه حطيته علي السور وكنت بحط ماية للورد _بتشربي ايه لفيت لقيته واقف ومبتسم خدت الكُباية وشربت_بشرب آيس كوفي أعملك _هاتي أدوق =لاء طبعاً بقرف بصلي برفعة حاجب_طب تمام مسك فونه وبص فيه اتقمص ده ولا ايه!
لقيت الفون بتاعي بيرن سبت الآيس كوفي ودخلت أشوف الفون لقيته هو اللي بيرن ايه العبط ده! طلعت لقيته واخد الكُوباية وبيشرب بتلذذ بصيتله بقرف_خليهولك بقي عشان مش هاخده أبتسم باستفزاز_يا سلام ده عز الطلب ضحكت بقلة حيلة ولقيت الفون بيرن بصيت لقيت رقم غريب _انسه مريم =مين _أنا يوسف =يوسف مين نظراً لأن الصوت بتاع الفون كان عالي فسمعني وفجأة لقيته برقلي وو يا ماما هياكلني ولا ايه _اللي قابلتك في الكافيه انهاردة أنا خدت رقمك من مارينا
=مارينا قولتلي ممم عايز ايه طب _احم هو ممكن نتقابل بصيت قدامي لقيته ساب المج علي السور وبصلي بترقب! اتوترت_ليه _مريم هو في حد في حياتك وهوب عم الصمت علي كله أتصدمت واللي قدامي بصلي بصدمة برضو _ااا أنا لازم أقفل دلوقتي سلام! قفلت بسرعة و حرفيا وشي قلب طماطم _مردتيش علي سؤاله ليه اتوترت_عادي مم مش حابه أرد بصلي في عيني_ليه هو في حد في حياتك كنت ببصله وقلبي بيدق جامد مردتش عليه ودخلت بهدوء_عن إذنك
يتبع…… #حواديت_مريم_وچون #بقلم_ڤونا #حواديت_فونا #روايات_بقلم_فونا٣” كنت بتمشي في الشارع بليل كالعادة وحيدة ومليش حد يونسني انهاردة ذكرة وفاة أهلي ال ٥ عدي خمس سنين من غيرهم! خمس سنين وأنا لوحدي بواجه الحياة بطولي! كنت ماشية سرحانه ودموعي علي خدي بفكر في أحداث الفترة اللي فاتت ودخول چون وأهله في حياتي فجأة بس حقيقي كانت أجمل مفاجأة! وبالنسبة لچون مش عارفه ليه ببقي مبسوطة لما بشوفه! تفتكرو وقعت؟! فوقت من شرودي علي رنة فوني فبصيت عليه طلعلي اسم طنط سعاد فرديت
_ألو _أيوة يا مريم يا حبيبتي فينك _بتمشي شوية يا طنط _ماشي يا حبيبتي يبقي عدي عليا عشان عاملة حسابك في العشاء _ملوش لزوم يا طنط _بس يا بت أنتِ يلا مستنياكي قفلت وحقيقي طنط سعاد معوضاني شوية عن ماما مش هقدر أقول عوضتني خالص عشان طبعاً محدش يقدر يعوض حنان الأم! بس هي حاولت معايا لأنها كان عندها بنت بس توفت بسبب حادثة فبقت تعتبرني بنتها كنت ماشية في الشارع بتاعي بصمت
_رايحه فين أتخضيت_خضتني يا چون ضحك بهدوء_سلامتك من الخضه ها رايحه فين _معزومه علي العشا وقف فجأة فبصيتله بأستغراب بصلي وأتكلم بحده_مع مين!! بصيتله شوية وفهمت هو بيتكلم كده ليه فضحكت بخبث_مع مين ممم يمكن صديقة أو… صديق بصلي واتنرفز_نعم _وأنتَ مضايق ليه بصلي بغضب_لاء وأنا هضايق ليه وأنا مالي أنتِ حرة سابني ومشي قدامي لابجد!!! هسميه چون القموص! طلعت وخبطت علي شقتهم ففتحلي هو بصلي بضيق_نعم زقيته ودخلت_وسع كده يا سوسوو
*في المطبخ يا حبيبتي تعالي سيبته واقف ودخلت وأنا علي وشي ابتسامة فجأة لقيته داخل ورايا_ايه اللي جايبك شهقت طنط بصدمة_عيب يا واد بصلي بضيق _مش كنتِ معزومه عل العشا مروحتيش ليه بصتله باستفزلز وطنط أتكلمت بخبث_اه كانت خارجة مع صاحبها بس أنا كلمتها عشان محتاجاها بصلي بغضب وبعدين مشي بنرفزة دخل اوضته وقفل الباب جامد أول ما مشي ضحكت جامد وطنط بصتلي بخبث_بيغير اتوترت_قصدك ايه ضحكت بسخرية_مش عليا يا مريوم
أبتسمت فكملت كلامها_انتِ مفضوحه بسبب نظراتك له كملت بحب_يارب بقي أفرح بيكم _تفرحي بمين يا أمي بصيتله لقيته واقف باصصلي بغضب فحاولت أكتم ضحكتي أتكلمت طنط بخبث_بمريم يا ضنايا أصلها متقدملها واحد إنما ايه جمال ودلال وفلوس و… اتنرفز_عريس!! أتخضيت وبصيت لطنط اللي قالت_اه يا حبيبي جالها عريس وطلب معاد عشان يتقدملها وهي جت تكلمني عشان نبقي معاها بدل ما هي لوحدها وكمان هي بتعتبرك أخوها ف…. قاطعها بغضب_واحنا مالنا هي من بقيت عيلتنا ولا ايه عشان نبقي معاها وبعدين إحنا مش أخوات ولا زفت أنا مش أخوها
عم الصمت في المطبخ أتصدمت من كلامه وطنط برقت بصدمة وهو بعدها بدقايق أدرك اللي قاله كنت بصاله بصدمة ودموعي علي وشك النزول _عع عن اذنكم جريت علي شقتي حتي مكلمتش طنط اللي كانت عماله تنادي عليا دخلت جري علي شقتي وقفلت الباب وسمحت لدموعي تنزل هنا افتكرت أوقات مرت عليا وعدت علي قلبي وعلي روحي!! افتكرت أول يوم بعد وفاة أهلي ويوميها نمت لوحدي في الشقة! يعني تخيل كل يوم مع أهلك وفجأة في يوم وليلة تبقي وحيد من غيرهم!!!
اليوم ده فضلت صاحيه طول اليوم معرفتش أنام أبدا كنت خايفه جداً كنت مشغلة على الشاشة قنوات دينية عشان كنت خايفه جداً وأنا لوحدي ولسوء حظي أن اهلي موجودين في دولة غير دولتي خالص يعني اليوم ده كنت لوحدي تماماً كان احساسي ساعتها وحش اوي!! وانهاردة بعد خمس سنين حسيت نفس الاحساس إني وحيدة! فوقت من شرودي علي صوت خبط الباب وكانت طنط _مريم حبيبتي أفتحي عشان خاطري مقدرتش أرد!
مقدرتش أفتح!! حسيت بخنقة! حسيت إني لوحدي تاني! الشقة كبيرة أوي عليا ونفس اللي حصل بيتكرر تاني بنفس المشاعر! جريت علي التلفزيون وشغلت قنوات دينية من خوفي! مر الليل كله وأنا صاحية منمتش مقدرتش أنزل انهاردة الكافيه! مقدرتش أكمل شغلي أون لاين! مقدرتش أكمل الرواية! كنت قاعدة في الصالة جسد بلا روح! الباب خبط فجأة وسمعت صوت لولو مقدرتش أفتح كنت علي الحال ده أسبوع أكلي قليل مش بنزل من البيت مش بفتح لحد حتي مارينا مكنتش برد عليها!
كنت مخنوقه ومحتاجة أشم هوا فطلعت البلكونه لقيت الورد بدأ يدبل زي صاحبته!! زعلت الصراحة لأن ده أكتر نوع ورد كانو أهلي بيحبوه بدأت أهتم بيه تاني بعد ما كنت مهملاة بقالي أسبوع حسيت إني محتاجة أخرج من الشقة فطلعت علي السطوح عشان أقعد شوية كنت قاعدة وباصة للنجوم ودموعي نازلة في صمت! _مريم اتنفضت أول ما سمعت صوته وكنت هقوم عشان امشي بس وقفني بإيده_عشان خاطري خليكي أتكلمت بسخرية وأنا ببصله_انا مش من بقيت عيلتك يا چون عشان يكون لك خاطر عندي!
وسيبته ومشيت كنت لسه هنزل بس وقفت بصدمة لما قال _أنا بحبك يتبع… #حواديت_مريم_وچون #بقلم_ڤونا #حواديت_فونا #روايات_بقلم_فونا #بقلم_فونا٤” _أنا بحبك وقفت مكاني بصدمة من اللي اتقال كنت مدياله ضهري وقفت مصدومة متكلمتش اتنهد بحزن_عارف اني زعلتك وضايقتك بكلامي الاهبل بس أنا لما عرفت أن في حد تاني متقدملك أنا أتجننت وللأسف معرفتش اتحكم في غضبي وطلعته عليكي كنت ساكتة تماماً منكرش أن جزء مني فرح أنه أعتذر وأعترف برضو بس مش هسامح بالساهل…..كرامتي!
إلا كرامتي يا شيماااااء!! حاولت أهدي نفسي وأتكلمت من غير ما ألف_وانا مش بحبك يا كذابة يا مريم الكذاب بيروح النار!! _لفي قوليها في وشي وهصدقك! بتزنقني!!طب مش لاعبة =أنا نازلة _أقفي عندك =ملكش دعوة بيا وأنا هقابل العريس ولو مناسب هوافق أتكلم بغضب_نعم يا روح خالتك يا عم بهزر أنتَ مبتهزرش ولا ايه!!! معروفة في المواقف دي الجري نص الجدعنة!! _واحد اتنين تلاته اجراااااااااي نزلت جري علي السلم وهو جري ورايا ايه شغل العيال ده!!!
_اقفي عندك….بقولك اقفي يا مريم كنت بجري بسرعة عشان لو وقفت معاه هسامحه بسرعه وأنا مش عايزة أبقي طيبة توء توء أنا شريرة جريت بسرعة علي شقتي والحمدلله دخلت قبل ما يوصل سمعت صوته من ورا الباب وهو متعصب_طب أشوفك بتقابليه يا مريم وهكسرلك دماغك!! كنت مبسوطه أوي بس طبعاً عمري ما هبين التقل برضو!! حقيقي الحب ده غريب! قادر يطلعنا لسابع سما وقادر ينزلنا لسابع أرض!! كنت بخلص شغل أون لاين