_متلمسنيش لو سمحتي! بصيتلها بقرف ومشيت أنا سوزي عندي ٢٣ سنة في كلية طب بشري فيا حاجه يمكن الكل شايف أنها عيب بس في الحقيقة هي أحلي ميزة فيا! أنا بشرتي سمرا جداً بس مش حاجه تعيب فيا! بالعكس أنا مقتنعه أن السمار مش نص الجمال لاء ده الجمال كله! وخصوصاً إني واخداه من بابا السكر معظم المجتمع مقتنع أن أي حد بشرته غامقه شخص مقرف! والله محد مقرف غيركم!
كنا في تدريب عملي وكنت محتاجه أخد حاجه من بنت ولمستها أكيد مش حباً فيها يعني! والصراحه كان ردها قليل الذوق جداً بصتلها بقرف ومشيت الناس مفكراني بقي هزعل وهضايق وهبكي علي الاطلاق عشان التنمر ده أنا ههدم الاطلال علي دماغكم يا حبايب قلبي! خلصت التدريب بالعافية وكل ده تحت نظرات القرف من اللي حواليا وأنا مكانش فارق معايا أصلا مكنتش شايفه حد غيري! مش غرور بس ثقه في النفس!
خلصت التدريب كنت دايخه فروحت كافيه الجامعه أشرب حاجه قعدت والويتر جالي وو يلهوي ياما علي الجمال أجنبي ده أحم اتلمي يا سوزي _ممكن مانجو لو سمحت أبتسم_حاضر بادلته الابتسامه وفتحت فوني قلبت فيه شوية لغاية ملقيت ماما بترن _أيوة يا سمسمة =أيوة يا عيون سمسمة فينك _لسه في الكلية يا حبيبتي قدامي محاضرتين وهخلص =ماشي يا حبيبتي وصح عمتك راجعه من السفر بقالها اسبوع وهنروح عندها انهاردة أتكلمت بضيق_عمتو اي بس يا ماما صلي على النبي كده أنا عندي مذاكرة
قاطع كلامي مع ماما وصول الويتر ابتسم وهو بيحطه_أتفضلي أبتسمت_شكرا كملت كلام مع ماما_سوزي هتروحي يعني هتروحي هي كلمة مش هتنيها _بتجبريني يا سمسمة طب مفيش اندومي يا سمسمة وشوفي مين هيجبلك من ورا الحج ضحكت بعلو صوتها_مش عايزة يا حبيبتي قرة عيني هيجبلي مش هيبخل عليا ضحكت بصوت واطي_ماشي ياعم من لقي احبابه نسي عياله عشان خاطرك بس نروح لعمتو تصدقي الواد أدهم ده واحشني ده بقالي سنين مشوفتوش
قفلت معاها وبصيت قدامي لقيت الويتر باصصلي ومبتسم بصيتله وضيقت عيني لقيته اتوترت ودير وشه مهتمتش وروحت محاضراتي خلصت كنت مفرهدة أنا مش قد التعليم يا ناس!! أنا كتكوته صغننه استاهل بيت جوزي يا ناس روحت البيت وأنا فطسانه _يا أبويااااااا كنت منعتني *تعالي يا هبلة تعالي _حبيبتي يا سمسمة فين الأكل بصتلي بطرف عينها_عملالك محشي حضنتها_أيوة يا سمسمة يا عسل دلعينييييي بابا اجا وأكلنا دخلت عشان أجهز لبست دريس أحمر طويل وبنص كُم حطيت ميكب خفيف وعملت شعري ويڤي
طلعت برا لقيت بابا بيبصلي وبيبتسم_ايه الجمال ده كله برينسس يا ناس ضحكت_حبيب قلبي وطي صوتك بس عشان منتكشفش *سمعتكم علي فكرة بصيتله وضحكت_أتصرف يا سكر زقني براحه_اوعي يا بت أنتِ سيبيني مع مراتي شوية بصتلهم وضحكت ماما وبابا متجوزين بقالهم ٢٤ سنه متجوزين وحبهم لسه زي ما هو ويمكن بيزيد كل يوم كل يوم بدعي ربنا يرزقني بحد يحبني زي حب بابا لماما حقيقي أجمل قصه حب شوفتها نزلنا ركبنا اوبر وروحنا
ياه بجد مروحتش هناك من وأنا في ابتدائى آخر مرة روحت كنت في ٢ ابتدائى وصلنا بابا خبط فعمتو فتحت فضلنا نحض ونبوس زي اي حد مصري بيبقي له حد في الغربة بعد وصله السلامات علي عمتو وجوزها دخلنا قعدنا فضلنا نتكلم شوية وفجأة لقيت عمتو بتكلمني _وأنتِ يا سوزي مفيش حد في حياتك =لاء يا عمتو كملت وهي بتغمزلي_مش حابه يكون في غمزت_عندك عريس ولا ايه كانت لسه هترد قاطع كلامها خبط علي الباب
بصتلي بخبث_روحي افتحي ضحكت بسخرية_مش معقول العريس يكون وصل روحت فتحت وبسم الله ما شاء الله ده الولا القمر الويتر _أنتَ =أنتِ قولنا في صوت واحد بصدمه قربت منه عمته_أدهم حبيبي تعالى همست بصدمه_أدهم عمتو شدته معاها دخل سلم علي بابا وماما كل ده وأنا واقفه مصدومه عند الباب روحت وراهم وقعدت جنب بابا بسكات عيوني متشالتش من عليه معقول ده أدهم! أدهم اللي كنا بنلعب مع بعض وإحنا في حضانه!
كبر وبقي حاجه في قمة القمر مخطوب أدهم؟احم اتلمي يا سوزي قاطع تفكيري صوته_ازيك يا سوزي بصيتله ورديت بهدوء_الحمدلله وأنتَ رد بهدوء_الحمدلله لقيت بابا قرب عليا وهمس_ايه الهدوء ده يا بنتي العزيزه همست نفس الهمس_مش معقول اديهم انطباع سئ في أول مقابلة يا أبي العزيز ضحك_ده أنتِ مشكلة الكبار فضلوا يتكلمو شوية ويسترجعو ذكرياتهم وأنا كل ده قاعدة مش مركزة أصلا وجعانه وعايزة أنام مش عارفه ايه اللي جابني بس
قاطع صوت تفكيري صوت عمتو_ما تدوقينا قهوتك يا سوزي _حاضر يا عمتو المطبخ فين بصتلي وأتكلمت بخبث_مش معقول تكوني نسيتي مكانه مأنتِ وأدهم ياما بوظتوه وأنتم صغيرين _ههه عسل يا عمتو هقوم أنا بقي أهدي يابت يا سوزي خلاص مش عشان الواد قمر هنقع كده لاء ريلاااكس مش عايزين نعيدو تاني _أساعدك =يلهوي بصيتله وأتكلمت بضيق_خضتني يا عم أبتسم_آسف _ولا يهمك يا صديقي _اساعدك في اللي بتعمليه رديت وأنا بحط القهوة علي النار_لا لا أنا هتعامل شكراً
فضل واقف في مكانه فبصيتله لقيته مبتسم ضيقت عيني_في حاجه سكت شوية واتكلم_كبرتي أتكلمت بسخرية_ما طبيعي هكبر آمال هفضل صغيره _واحلويتي أتصدمت من الكلمة اللي طلعت فجأة كدا منه =تسلم ضحك_يخربيت ردودك بصيتله بقله حيلة وضحكت_اه صح مش أنتم بقالكم أسبوع هنا _فعلا =أمال إزاي انهاردة كنت في الكافيه بتشتغل يعني _بصي هحكيلك قصه حياتي ضحكت_أحكي _أنا كائن مش بيحب قعدة البيت نهائي وبحب أنزل أشتغل أنا في كلية هندسة عمتا فاضلي سنتين واتخرج لسه
اه إحنا بقالنا أسبوع هنا و نفس اليوم اللي رجعنا فيه كلمت واحد صاحبي وشافلي شغل في الكافيه ده =سبحان الله يا أخي أنا بقي كائن بيتوتي جداً بيعشق حاجه اسمها البيت اتنهدت_هيح بس لازم استمرار السعي غصباً حتي لو مفيش شغف أصل هقولك قولتلهم مش عايزه أكمل تعليم راحت ماما مشوحه كدا وقالت أنا بنتي متكملش تعليم عايزة عيال عمك يشمتو فينا لحظه وأدركت انا قولت ايه ضحكت بحرج وبصيتله لقيته كاتم الضحكه_أحم الواضح إني ارتحت في الكلام ودا يدل علي إني قولت كلام مينفعش يتقال احم
أنا هطلع القهوة قبل ما أخرج قاطعني بصوته_وأنتِ برضو كنت واحشه أدهم لحظه يلهوي هو سمعني وأنا في الكافيه ياختاااي خرجت بسرعه وأنا قلبي بيدق جامد يلهوي علي غبائي!! فضلنا طول القعدة نهزر ونضحك واندمجت معاهم أكتر في الكلام وكل ده تحت نظراتنا لبعض اللطيفه ودعناهم ونزلنا وأدهم أصر أنه يوصلنا بعربيته بابا ركب جنبه وأنا وماما كنا ورا كان بابا ببتكلم معاه وماما كانت بتنام جنبي عجيبة أمي بتنام في أي وقت في أي مكان شبهي بالظبط
چينات دي خدو بالكم! فجأة فوني رن برقم غريب مردتش فضل يرن كذا مرة فلقيت بابا كلمني _مين يا مريوم =معرفش يا بابا رقم غريب _أفتحي طيب يا حبيبتي وافتحي الاسبيكر =حاضر يا حبيبي _ألو *مريم أول ما سمعت الصوت أتصدمت أنا وبابا بصينا لبعض بصدمه مردتش ف الشخص ده كمل_مريم خلينا ننسي الماضي ويلا نرجع لبعض يتبع….. رواية جديدة يا سكاكر😔💗💗💗 رأيكم بكل صراحة💗” #بقلم_ڤونا #بقلم_فونا #حب_الروايات #روايات_بقلم_ڤونا٢ _سوزي خلينا ننسي الماضي ويلا نرجع لبعض
*حصل غلطة صغنونه في البارت الأول في نهايتة كتبت مريم بدل سوزي ف عذراً” كنت مصدومه قفلت الخط بسرعه وبصيت لبابا وأنا دموعي بدأت تظهر اتنرفز بابا_بعد كل اللي عمله ده وعايز يرجع ده أنا هبهدله لو شوفته أدهم كان قاعد مش فاهم حاجه حاول يهدي بابا_أهدي يا عمي في ايه حصل ايه أتكلم بضيق_ده الزفت اللي كان هيخطب سوزي أتكلم أدهم بأستغراب_وماله ده اتنهد بابا وكان لسه هيتكلم قاطعته بسرعه وأنا بكتم دموعي_بابا لو سمحت قفل الموضوع
بصلي بابا بقله حيله واتنهد بحزن كان أدهم بيبصلي في المرايا بأستغراب بس مهتمتش وصلنا البيت وطلعنا أنا وماما وبابا وقف مع أدهم يودعه وطلع هو كمان أول ما طلعت انهارت وماما حاولت تهديني_اهدي يا حبيبتي صدقيني مايستاهلش ضفرك حتي بابا قرب مني وخدني في حضنه_أهدي يا قلب أبوكي حقك علي عيني صدقيني لو السماء انطربقت علي الأرض مش هترجعيله تاني أتكلمت بعياط_هو ليه بيعمل فيا كدا!! يرجع وقت ما يحب ويمشي وقت ما يحب لعبة في ايده أنا!!!
بابا شدد علي حضني وفضل هو وماما جنبي لغاية ما هديت ونمت صحيت تاني يوم تعبانة ومصدعه جداً بصيت في الساعه كنت متأخره علي الكلية جهزت بسرعه ونزلت ولحظي الحلو ملقتش مواصلات أتكلمت بضيق_كملت اهي أوف مهو أكيد مش هروح الكلية علي رجلي هو يوم باين من أوله حسبي الله في الرجالة! _طب و الرجالة مالها دلوقتي بصيت لمصدر الصوت لقيته أدهم ركبت العربية بتاعته بسرعه_ابن حلال وصلني الكلية بسرعه اللهي تنستر
ضحك_حاضر يا سوزي بالفعل ساق وكنا في طريقنا للكلية كنا في حاله صمت قاطعه هو_أنتِ كويسه اتنهدت_الحمدلله بصلي وابتسم_مش حابه تفضفضي لأدهم بصيتله وسرحت في موقف طفولي فلاش باك كنت قاعدة مضايقه ودموعي علي خدي _سوسي =نعم يا اتهم _مالِك =مفيس _لاء فيه مالِك =مفيس يا أتهم _مس حابه تفطفطي لأدهم حبيبك باك بصيتله وابتسمت_لسه فاكر بص قدامه بثبات_عمري ما نسيت ده أنتِ كان عليكي واحده اتهم بتدوبني بصيتله وابتسمت وبعدين بصيت قدامي واتنهدت _بليل لو حابب ممكن نتقابل ونتكلم سوا
بصلي وابتسم_أحب ومحبش ليه أتوترت_بص علي الطريق يا أدهم وصلني الكلية وهو راح علي شغله في الكافيه كان يوم متعب وما صدقت خلصته روحت البيت اتغديت ونمت شوية وبعدين صحيت جهزت ولبست لبس مريح ونزلت عشان أقابل أدهم نزلت لقيته واقف تحت البيت بعربيته _يلا بينا بصلي وابتسم_يلا بينا روحنا عند البحر وقعدنا راح جاب آيس كريم ورجع اتنهد وبدأت احكيله_كنت بحب شخص واتقدملي بابا شافه كويس ومحترم فوافق عليه مرت الأيام واجا معاد الخطوبه فلقيته قبلها حرفياً بساعه بعتلي مسدچ وبيقولي
“أنا آسف يا سوزي أنتِ تستاهلي حد أحسن مني” طبعاً حاولت أرن عليه كتير بس للأسف عملي بلوك من كل حته يومها أنا قلبي أتكسر كسرة وحشه أوي أتكسر مرتين مرة لما عشمني ومشي ومرة لما شوفت القهرة في عيون أهلي ضحكت بسخرية_وبعد كل ده البيه كلمني انبارح وعايز نرجع تعبان ميعرفش إني لو هفضل طول عمري سنجل عادي بس مش هكون معاه كان سامعني بهدوء وفي الآخر اتنهد_مش عارف أقولك ايه بس حقيقي شخص زي ده ميستاهلش بس بصه منك ده شخص مش سوي أبدا واناني عايز يقرب ويبعد وقت ما يحب
بصلي في عيوني_أنتِ غالية أوي يا سوزي وأي حد يتمني رضاكي صدقيني أبتسمت علي كلامه_شكرا يا أدهم _ده أنا اللي شكرا يا سوزي أنك لسه بتحكيلي زي زمان أبتسمت وسكت وفجأة لقيته وقف قدامي_محتاجك بكرة معايا بصيتله بأستغراب_فين _عندي فرح واحد زميلي ومش عايز أروح لوحدي =مش عارفه بس عندي مذاكرة أنا امتحاناتي قربت و… قاطعني_مش هنتأخر متخافيش أنا كده كده مش بحب جو الأفراح =طيب بحيس كده اجي مر اليوم بسلام ما بين كلامنا وهزارنا واسترجاع بعض الحواديت من الطفوله
“تاني يوم علي معاد الفرح لبست دريس أزرق فاتح وعملت شعري كيرلي وحطيت ميكب سيمبل ولبست الهيلز لقيته باعتلي مسدچ”أنا تحت نزلت لقيته واقف ساند علي العربية لابس قميص أسود وبنطلون أبيض وكان شكله تحفه أول ما شافني صفر_ايه الحلويات دي ضحكت بكسوف_كمساميدااا(شكراً) ضحك_ويلكم ويلكم فتحلي الباب بحركة رومانسيه ضحكت وركبت أول ما ركب لقيته بيديني بوكيه فراشات أزرق كان تحفه أوي لحظه كنت منزلاه قبل كده بوست وكاتبه عليه “اللهم من قرة عيني” هو عرف ازاااااي
بصيتله بصدمه وضحكت_شكرا بصلي وابتسم وبدأ يسوق وصلنا القاعه نزلنا ودخلنا