_بصي هروح أسلم علي صحابي واجيلك أقعدي هنا =تمام قعدت علي ترابيزة بعيد شوية عن الناس كنت بصاله ومركزة معاه مكنتش شايفه حد غيره فجأة لقيت واحده مايعه لابسه لبس مفتوح أوي قربت منه وكانت بتحاول تلمسه أتضايقت! بس في أقل من الثانية هو بعد عنها منغير ما يحرجها وده خلاني أحترمه أكتر فجأة لقيته بصلي وأبتسم وأنا أبتسمت قرب مني_معلش سيبتك لوحدك أبتسمت_ولا يهمك فجأة برضو نفس البنت قربت مننا وقعدت علي الكرسي اللي جنبه
أتكلمت بدلع_أدهوم نورت الفرح رد منغير ما يبصلها_شكرا _مالك يا حبيبي مش مبسوط ولا ايه =حبيبك؟ بصتلي وردت بغرور_ايه ده معلش مشوفتكيش يا حبيبتي =ليه يعني دبانه قاعدة _نعم أبتسمت بتصنع_ولا يهمك يا حبيبتي قوليلي أنتِ لازقه في الواد كده ليه متبعدي شوية يا حبيبتي محسساني أنه جوزك بصتلي بضيق وبعدين قامت مشيت بصتلها بقرف_مايعه والتاني كان بيحاول يكتم ضحكته أتكلمت بضيق_بتضحك علي ايه أنتَ كمان _احم متاخديش في بالك
فضلنا حبه وطبعاً كل شوية بنت شكل تقرب مننا مش عارفه ايه القرف والتلزيق ده! وفجأة قرب مننا حد مكنتش أتمني إني أشوفه! يتبع… #بقلم_ڤونا #روايات_بقلم_ڤونا #بقلم_فونا ٣ فجأة قرب مننا حد مكنتش أتمني إني أشوفه! مد ايده عشان يسلم_اذيك يا سوزي بصيتله بضيق ومردتش عليه أدهم بصله من فوق لتحت_مين حضرتك مردش عليه ووجهلي الكلام_مش هتسلمي عليا قومت من مكاني_يلا بينا يا أدهم وقف قدامي بسرعه_سوزي ارجوكي اديني فرصه
اتكلمت بحده_اوعي من قدامي فجأة أدهم شدني وراه_ابعد بس كده مين ده يا سوزي أتكلمت بضيق_اللي حكيتللك عنه انبارح بصلي بصدمه بعدين بصله بعصبيه_وانتَ عايز منها ايه تاني مش كفاية القرف اللي هببته أدهم مسكني من ايدي وشدني وراه طلعنا برا اتنرفز_ده بجح أوي له عين بعد اللي هببه ده يجي لعندك!! لاء وكمان عايزك تسمعيه كنت ساكته ودموعي نازله كان رايح جاي كان بيحاول يهدي عصبيته وفي الآخر بصلي لما لقاني بعيط قرب مني بسرعه
_متعيطيش يا سوزي علي واحد شبه ده خليه يغور! اتنهدت ومسحت دموعي_أنا عايزة أروح اتنهد_يلا بينا بالفعل ركبنا العربية وروحنا في صمت وصلني نزلت بهدوء_تصبح علي خير قبل ما أنزل مسك ايدي_سوزي بصيتله بتعب_نعم _ أولا شكرا عشان جيتي معايا ثانياً مش عايزك تزعلي من اللي حصل أنتِ أقوي من كده بكتير وصدقيني ربنا هيعوضك بحد أحسن منه مليون مرة خلص كلامه واخد بوكس من ورا وعطهولي بصيت للبوكس وبصيتله ابتسمت_حقيقي شكراً ليك يا أدهم
طلعت البيت دخلت أوضتي وغيرت هدومي فتحت البوكس لقيته مليان سناكس وشوكليت وحاجات بحبها كتير ولقيت ورقه مكتوب عليها “أدهم مش بيحب يشوف سوزي زعلانه” ضحكت وافتكرت موقف طفولي كان علي طول يقولي مش بحب أشوف سوزي زعلانه فتحت فوني وبعتله مسدچ “كلمة شكراً هتبقي قليلة علي كل اللي عملته بس حقيقي شكراً من كل قلبي يا أدهم حقيقي عملت حاجات كتير انهاردة فرحتني ربنا يخليك لينا” شافها بعدها بدقايق ورد
“متشكرنيش أنا معملتش حاجه وأنا بفرح لما بشوفك مبسوطه وربنا يخليني ليكِ” نهي كلامة بالجملة دي أتوترت قفلت مردتش عليه بس حاجه جوايا فرحت كنت مشغوله الفترة دي بأمتحاناتي كانت فترة صعبة جداً كنت من الكلية للبيت والبيت للكلية بدأت أتعب تعب نفسي وجسدي كمان بس كنت بقول أن التعب بسبب الارهاق والسهر بسبب الامتحانات الفترة دي أدهم قرب مني وكان معايا وبيوصلني الكلية وكان مشجعني طول فترة الامتحانات _فينك
=أنا لسه مخلصه امتحان أهو وهطلع أنتَ اللي فينك _انا واقف برا يلا اطلعي قفلت المكالمة وطلعت لقيته واقف ساند علي العربية بدأت أقرب منه بس فجأة حسيت بدوخه وقفت مكاني فجأة فهو اتخض وقرب مني بخوف _مالك في ايه =مش عارفه دوخت فجأة كده فجأة بلا مقدمات لقيت مناخيري بتنزل د**م أتخضيت وهو اتخض أكتر قرب مني بسرعه وطلع منديل وحطه علي مناخيري بسرعه وأتكلم بخوف_مناخيرك بتنزف ليه حصل ايه
مسكت المنديل من ايده_مش عارفه يا أدهم بس أنا دايخه قرب مني ومسك ايدي_طب تعالي معايا هنروح المستشفى كنت لسه هعترض_مفيش اعتراض هتروحي يعني هتروحي أنتِ بقالك فترة مش كويسة يلا هنروح بالفعل روحنا والدكتور كشف عليا وطلب مني شوية تحاليل مر ٤ أيام علي اليوم ده كان بين امتحانات ومذاكرة وتعب ودوخه انهاردة روحت أنا وادهم للدكتور وشاف التحاليل اتنهد وبعدين قال_انسه سوزي حضرتك عندك كانسر يتبع… عارفه أنه قصير وناس كتير بتقولي طوليه بس أنا بحاول أكتب البارت بالعافية فأعذروني♥️
#بقلم_ڤونا #روايات_بقلم_ڤونا #بقلم_فونا ٤ _انسه سوزي حضرتك عندك كانسر أنا وأدهم بصينا لبعض بصدمة الدكتور كمل كلامه_ في المرحلة التانية يعني يعتبر في البداية شوية وان شاء الله يتلحق كنت ساكته تماماً مدتش أي ريأكشن خالص أتكلمت بهدوء رهيب_هبدأ علاج أمتي بصلي بأستغراب من هدوئي بس رد_محتاج بس نعمل شوية تحاليل واشعه قبل ما نبدأ العلاج بالفعل كان عمال يتكلم ويقولي اللي هيحصل الفترة الجاية وكنت برد عليه بهدوء وكل ده أدهم ساكت
خرجنا برا المستشفى كنت ماشية عادي ولا أكن في حاجه فجأة أدهم وقف قدامي وبصلي_أنتِ كويسة أبتسمت_الحمدلله بصلي بقلق_متأكده اتنهدت_عارفه ايه اللي بيدور في مخك دلوقتي بس صدقني راضية الحمدلله مسكته من ايده وسندت علي دراعه راسي_تعالى نتمشي _عارفه أنه ممكن يكون الوضع صعب ومش عارفه هنقول الخبر لأهلي إزاي بس أنا مش فارق معايا كل ده عارف ايه اللي فارق معايا اتنهد_ايه خدت نفس عميق_تعرف أن كان أمنيتي أن يجيلي المرض ده
وقف وبصلي بصدمه_نعم أبتسمت وسحبته عشان نكمل مشي_كان في كل صلاة ودعاء أدعي بيه أن المرض ده لو هيتشال من أي طفل صغير ويجي فيا كنت بدعي ربنا يحصل كده والحمدلله حصل فبشكر ربنا اتنهدت بحزن_عارفه أن دي حكمة ربنا بس بحزن بحزن لما بشوف الأطفال بدل ما بيلعبوا زي صحابهم بيتعالجو من مرض صعب بس يلا الحمدلله علي كل شئ وصلنا عند البحر فوقف فوقفت معاه وبصتله لقيته باصصلي وعيونه بتلمع بدموع أتصدمت وأتكلمت بخضه_مالك في ايه
فجأة بدون مقدمات لقيت نفسي في حضنه وحسيت بحاجة سخنه علي كتفي دموعه! _أنتِ جميلة أوي يا سوزي حقيقي جميلة وقلبك جميل جداً أتصدمت من الحضن فضلت واقفه مصدومه متحركتش ولا حتي بادلته الحضن! بعدني عنه وأتكلم بلهفه_أنا هفضل جنبك مش هسيبك صدقيني كل خطوة مش هتخطيها غير معايا مش هسيبك لوحدك في الرحلة دي أبتسمت وحقيقي كان جوايا مشاعر مش عارفه انبساط فرح حب! روحني البيت وكنا في الشارع
_مش عارفه هقول الخبر إزاي اتنهد_لو حابه أطلع معاكي تمام معنديش مشكله سكت شوية_خلاص روح أنتَ علي مهلك وأنا هتصرف وهبقي أكلمك ودعته وطلعت أول ما دخلت لقيت بابا وماما قاعدين في الصاله مع بعض بابا قرب مني وحضني_وحشتيني =حبيبي وأنتَ كمان ماما قربت مني وبصتلي بأستغراب_مالك فيكي ايه مش معقول يا أمي ده أنا حتي مقعدتش وعرفتي إن في حاجة حقيقي الأم دي أعظم نعمة في حياتنا اتنهدت بتعب وقعدت_أقعدو عايزة أقولكم علي حاجه
قعدو وبصولي بأستغراب خدت نفس عميق_أنا عندي كانسر أمي شهقت ولطمت في نفس الوقت وبابا لقيته برق أتكلمت ماما بخوف_اكيد بتهزري وده هزار بايخ صح صح بصيتلها وأتكلمت بهدوء_لا مش هزار أنا بقالي كام يوم تعبانة وادهم خدني وروحنا كشفنا وبعد تحاليل وأشعه طلع عندي كانسر في المرحلة التانية أمي في اللحظة دي انهارت_ليه يارب ليه انشاله كان جالي وأنتِ لاء يا نور عيني حضنتها بسرعه_بعد الشر عليكي يا روحي أنا مقدرش أعيش من غيرك
كل ده كان بابا قاعد في صدمة متحركش وكان بيبص للفراغ وماما جنبه منهارة وأنا مش عارفه أعمل ايه جريت علي فوني كلمت أدهم بسرعه_أدهم تعلالي بسرعه بالفعل دقايق ولقيته عندي لأنه مكنش مشي لسه حاولنا نهدي ماما واطمنها أنه لسه في البداية وهيتعالج بس بابا كان قاعد ساكت تماماً مبيتحركش خوفت عليه قربت منه وسيبت ماما كان أدهم بيهديها مسكت ايده_بابا حبيبي أنتَ كويس وهنا لقيته بصلي ودموعه نزلت!
أول مرة أشوف دموع بابا دموعي نزلت تلقائيا_حبيبي متخافش هبقي كويسه أنا لسه في البداية حضني جامد_واثق في ربنا يا حبيبتي أنك هتبقي كويسه اليوم كان إلي حدما صعب علي كل الأطراف بعد ما ماما هديت شوية طلبت من بابا ياخدها عشان ترتاح ووصلت أدهم لغاية الباب _حقك عليا إني رجعتك تاني بس مكنتش عارفه أتصرف حقيقي آسفه بس شكراً يا أدهم حقيقي أنتَ أكتر من أخويا أبتسم_متعتذريش يا سوزي ومتخافيش هما بس عشان الصدمة ولكن بعد كده هيتقبلو الموضوع
وأتكلم بخبث_وبعدين أنا مش أخوكي ابوكي اسمه حسن وأنا أبويا اسمه حسين نهي كلامه ومشي من قدامي بصيت لأثره وأنا مش فاهمة يقصد ايه بس دخلت وقفلت الباب ونمت بهدومي مقدرتش اغيرها حتي “أول يوم علاج” _متخافيش يا ماما أدهم معايا ولو حصل حاجه هتبقي أكلمك ودعت ماما ونزلت تحت لقيت أدهم واقف قدام العربية _صباح الفل بصلي وغمز_صباح الجمال أتكسفت_أوعي عايزة أركب ضحك وفتحلي الباب ركبت وهو ركب وساق العربية
كنت ماسكه الفون بقلب في الفيس وفجأة لقيته شغل أغنيه في العربية وقابلتك أنتَ لقيتك بتغير كل حياتي معرفش إزاي أنا حبيتك كان بيدندن مع الاغنيه بصوت واضح وكان كل شوية يبصلي أتوترت_أحم قدامنا كتير بصلي وابتسم_لاء بالفعل عشر دقايق ووصلنا نزلت وفضلت واقفه قدام الباب وأنا بدأت اتوترت وحاسه نفسي بدأ يضيق قرب مني_خايفه _متوترة _بصي الموضوع ممكن يبقي صعب ومتعب وهيبقي متعب جسدي ونفسي مسك ايدي فجأة وباسها وبعدين بصلي_بس أنا جنبك ومش هسيبك تتألمي لوحدك هبقي معاكِ
بصيت بصدمه للي عمله يخربيت الجرأة سحبت ايدي منه بسرعه وجريت قدامي_يا مراري يا مراري سمعت صوت ضحكته أبتسمت غصب عني وبعدين بقي!!!!! كان أول جلسة صعبه كان العلاج وجعني جدا كنت بتألم وحاسه بنار في جسمي بس اللي كان مهون عليا وجوده! كنت ملاحظه أنه كل ما أتألم أو أتلوي بجسمي ملامح وشه تتغير للخوف والحزن والألم كنت من كتر الوجع بمسك في الكرسي جامد بس هو كان بيشيل ايدي من علي الكرسي وكنت بمسك ايده
خلصت الجلسه وكنت خلاص جبت أخري أدهم قرب مني بلهفه_أنتِ كويسه رديت بتعب_الحمدلله قرب مني وخلاني اسند عليه بالعافية طلعنا وركبني العربية براحه وركب هو وبدأ يسوق استمر العلاج وكنت بتعب شوية بس أدهم كان مهون عليا في الفترة دي قربنا من بعض جداً أتكلمت بنرفزة_وأنتَ بتضحكلها ليه يا أدهم كان بيحاول يكتم ضحكته_يا بنتي مضحكتش ده أنا أبتسمت نص ابتسامه مجامله لكلامها بس بصيتله بضيق_عجباك أخطبهالك يعني بصلي وغمز_لا أنا ميملاش عيني غير حد كده
اتوترت ومشيت من قدامه بعد مرور سنة كاملة الحمدلله اتعافيت أتكلمت بدموع_أنا مش مصدقه يا أدهم يعني خلاص بجد الحمدلله بصلي بحب_الحمدلله يا سوزي اليوم ده روحت وأنا فرحانه جداً وكانت فرحة أهلي غير أدهم روحني البيت _رايح فين =طالع عايز خالي في كلمتين _عايز ايه ضربني علي راسي بخفه_أنتِ حشريه ليه وسعي وطلع قدامي المشمحترم خد هناا طلعنا وسلم علي بابا وماما وروحت عملت عصير وجيت وزعته _خالي أنا طالب ايد سوزي
كنت بشرب العصير شرقت وقعدت أكح جامد الله يخربيتك يا أدهم ايه الصدمة دي قرب مني بلهفه_أنتِ كويسه بصتله وأتكلمت بهمس_أنتَ ايه اللي قولته ده بصلي وابتسم ورجع مكانه تاني_ها ايه رأيك يا خالي *والله يا ابني أنتَ محترم ومتربي بس في الأول والأخر الرأي لسوزي بصلي وابتسم فبابا كلمني_ايه رأيك يا سوزي أبتسمت بكسوف_اللي حضرتك شايفه يا بابا بابا ضحك بعلو صوته_أموت في أحترامك ده ضحكنا كلنا وفي الآخر وافقت اتخطبنا بس هنتجوز بعد التخرج
“يوم الفرح” _يلا بقي لفي =هلف بس عارف لو معيطتش يا أدهم هنكد عليك _هحاول لفيت له وكان سكر جدا وه ده مسرح _ولا يا أدهم أول مرة أشوفك مسرح شعرك مش منكوش بصلي بصدمه_منكوش بقي ده كلام يتقال في يوم زي ده ضحكت عليه وبعدين لفيت حوالين نفسي_ايه رأيك أبتسم وقرب مني باس راسي_قمر ما شوفتش في جمالك يا بت _حبيبي أنتَ “في القاعه” وتحديداً وقت رقص السلو _ولا هما بيقولو ايه وقت الرقص السلو
=صدقيني ياختي منا عارف المهم أنتِ عامله ايه _الحمدلله يا أخويا أنا جعانه =تصدقي وأنا مجوعني من الصبح مكلتش شهقت_يا حبيبي خلاص نروح بيتنا وناكل أمي عاملة حلة محشي ايه رهيبة ضحك_أيوة كده دلعنيي الفرح خلص علي خير واليوم عدي والحمدلله اتجوزت الواد أدهم وعيشنا في تبات ونبات وخلفنا بنات بس تمت♥️ آسفه علي التأخير وحاولت أطول البارت شوية♥️ رأيكم يا حبايبي♥️ #بقلم_ڤونا #روايات_بقلم_ڤونا #بقلم_فونا #