ضحكت ومشيت قدامه _يلا أنزل =أدخلي جوا يلا وأقفلي _ماشي تصبح علي خير أبتسم وغمز=وأنتِ من أهلي اتخضيت من الجمله وقفلت الباب بسرعه مفكرتش كتير و دخلت أخدت شاور ونمت عشان الوقت اتأخر تاني يوم جهزت عشان أروح الشغل لبست دريس أبيض عليه ورد أزرق صغنن كان تحت الركبه وبنص كُم ولبست كوتشي أبيض حطيت ميكب بسيط وعملت شعري كيرلي ونزلت من غير فطار _صباح الفل غمز_ده صباح الجمال ضحكت بكسوف_ايه رأيك في الموف أون
ضحك_ده أحلي موف أون ده ولا إيه ضحكت_يلا أنا هروح شغلي عايز حاجه وقف قدامي بجسمه منعني من النزول_فطرتي بصتله ببراءة بصلي بغيظ_ولما تتعبي وتدوخي نعمل ايه _خلاص بقي يا چو قلبك أبيض =قدامي يا آخرة صبري نزلت بهدوء مردتش أكتر في الكلام لأنه عنيد ومش هايسبني غير لما أكل _يلا أتفضلي عطاني سندوتشات فول وفلافل =شكرا يا چو كملت بضحك_مش عارفه من غيرك كان مين هيفطرني أتكلم بغرور_أي خدمه
ضحكت_يلا بقي همشي باي مشيت روحت المستشفى مركبتش مواصلات لأنها قريبة من بيتي *أنا دكتوره جراحه *چون ظابط وصلت المستشفى ودخلت مكتبي لبست البالطو بعد وقت صغير وبدأت شغلي خلصت علي الساعه ٧ طلعت برا المستشفى لقيت چون في وشي _ حمدلله على السلامه أبتسمت_الله يسلمك _طبعا مأتغدتيش ضحكت فبصلي بغضب _مستفزة بجد مستنية لما تدوخي يعني ولا ايه أتكلمت ببراءة_خلاص يا چو متبقاش قفوش اتنهد وابتسم_تعالي يا اخره صبري نتغدي سوا وبعدين عايزك في موضوع
_ليتس جووووو بالفعل روحنا في أرقي مكان في القاهرة _بس حلو ساندوتش الكبدة ده =عيب عليكي قولتلك هيعجبك ده بجنيه ونص _إحنا ناكل من هنا وعلي غسيل المعده علي طول ضحكنا سوا وخلصنا أكل واتمشينا شوية _بقولك =قول _فاضية بكرة =اه ليه _عندي فرح أخت صاحبي وعازمني وصراحه مش حابب أروح لوحدي وأنتِ عارفه مش بحب جو الأفراح فتعالي معايا أتكلمت بأستغراب_وأجي بصفتي ايه _بنت خالتي عادي مش حوار بصيتله شوية وبعيدن وافقت أصل صراحه أنا محتاجه أغير جو شوية
مر اليوم بسلام وجيه تاني يوم ومعاد إني أجهز أخدت شاور ولبست فستان أحمر بنص كم قصير شوية والفستان طويل ولبست هيلز لونها أحمر وحطيت ميكب بس مش خفيف أوي وعملت شعري ويڤي لقيت الباب بيخبط فتوقعت أنه چون روحت فتحت وفعلاً كان هو كان لابس قميص أسود كان مبين عضلاته وبنطلون أسود وكان شكله سكر فضل باصصلي كتير لدرجة أنه سرح هزيته من كتفه _يا أخ بصلي وابتسم_ايه الجمال ده
ضحكت بكسوف_شكلي حلو رد وعيونه كانت بتلمع_جدا نزلنا وركبنا عربيته ولقيته طلع ورد من الكرسي اللي ورا لونه أحمر وعطهولي _أتفضلي أبتسمت وحقيقي فرحت_شكرا جداً أبتسم وشغل العربية وشغل أغنية “الحب يبان في عيوني” كان عمال يدندنها وكل شويه يبصلي ويبتسم وأنا حقيقي كنت فرحانه جداً مش عارفه ليه بس كنت مبسوطه وكنت حاسه بشعور تجاه چون أول مرة أحسه _وصلنا كنت لسه هفتح الباب بس سبقني هو نزل بسرعه وفتحلي
أبتسمت علي الحركة بتاعته ونزلت دخلنا القاعه وكل الناس كانت مركزة معايا وده خلاني أتوتر _بقولك خلينا نقعد في مكان بعيد عشان متوترش =حاضر تعالي وفعلا روحنا عند تربيزة في زاوية بعيدة _هروح أسلم أنا وأجيلك =تمام متتأخرش راح سلم علي صاحبه ووقف مع صحابه شوية وشوفت حاجه مكنتش عامله حسابي إني أشوفها لقيت خطيبي القديم واقف مع واحده وبيضحكو ويهزرو اتصدمت لما شوفته حاولت علي قدر الأمكان مضعفش بس دموعي خانتني للأسف قومت بسرعه دخلت الحمام قبل م حد يشوفني
حاولت أهدي نفسي _خلاص هو اللي خسر أنتِ جميلة وتستاهلي كل خير حاولت أهدي ومسحت دموعي وعدلت الميكب وطلعت لقيت چون أول ما شافني جري عليا بقلق _كنتِ فين حصلك حاجه حد ضايقك =أهدي متخافش دخلت الحمام بس اتنهدت بأرتياح_تمام تعالي نقعد يلا روحنا قعدت أنا وهو راح جابلي حاجه من البوفيه _عامله ايه بصيت لمصدر الصوت لقيت البنت اللي كان واقف معاها خطيبي القديم اتوترت بس حاولت مبينش =الحمدلله
بصتلي من فوق لتحت بصه غريبه وبعدين أتكلمت بغرور_مش عارفه كان بيحبك علي ايه أستغربت كلامها_نعم؟! كملت بقرف_خطيبك مش عارفه كان بيحبك علي ايه كان علي طول معاكي في نكد وهم كنتي منكده عليه عيشته كان مرتاح معايا كنت مصدومه من كمية الاتهامات الكذب دي! أنا؟! أنا اللي كنت منكده عليه؟!!!! _واه علي فكرة هو كان مرتبط بيا وأنتم مخطوبين وكان معرفني أنه هيسيبك وهيخطبني بالأذن سابتني في صدمتي ومشيت!
يعني ايه! كان خاطب واحده وبيحب واحده تانية!كان بيخوني!!!! فوقت من تفكيري علي حضور چون كان جايبلي أكل قومت_أنا همشي مستنتش رده وطلعت برا بسرعه لو كنت فضلت كنت انهارت في العياط طلعت بسرعه بس لقيت ايد بتمسكني بصيت لقيته چون أتكلم بقلق_في ايه يا مريم مالك حصل ايه مقدرتش أمسك نفسي أكتر من كده وانهارت حكيتله كل اللي حصل _كان بيخوني وهو خاطبني المهزق بصلي بصدمه وصدمته اتحولت لغضب
_اللي زي ده ميتزعلش عليه وبعدين أنا هجبلك حقك منه أتكلمت وأنا بعيط_أوعي عشان خاطري بجد أوعي بصلي والغضب بدأ يروح _اهدي طب متخافيش مش هروح تعالي خدني في حضنه فضلت أعيط معرفتش قد ايه فضلت لغاية مهديت خالص _أحسن دلوقتي ؟ هزيت راسي روحنا ركبنا العربية وخدني وراح علي النيل _چون لو سمحت محتاجه أروح =مش هتروحي وأنتِ زعلانه كنت لسه هتكلم منعني من الكلام ونزل وفتحلي العربية مسك ايدي نزلني وراه وروحنا قعدنا
_ارتاحي هنا وأنا هروح أجيب حاجه نشربها وهاجي راح وانا فضلت قاعده بفتكر كل اللي حصل في الفرح ودموعي بتنزل بدون صوت فوقت علي ايده وهو بيمسح دموعي وبيديني عصير _ مش عارف أقولك ايه بس الإنسان ده كان قذر والحمدلله أن ملكوش نصيب سوا وربنا كشفه ليكي ده كان شخص مؤذي وميستاهلش الزعل عليه أتكلمت بحزن_انا اللي مزعلني أن وقت من عمري ضاع مع الشخص الغلط مش عارفه ليه عمل كده بصيتله وكملت بدموع_ده أنا كنت بقدمله كل خير ده جزاتي!!
مسك ايدي بحنيه_لا يا حبيبتي ده انسان مريض حقك علي عيني يا نور عيني حقك عليا حسيت بإحراج شديت ايدي بسرعه بس هو مسكها جامد بصتله بإستغراب _أنتَ بتعمل ايه أتنهد وأتكلم بحزن_بعمل اللي كان حلم حياتي أعمله زمان رديت بعدم فهم_نعم أتنهد وبعدين قرب مني وبصلي في عيوني _مريم أنا بحبك يتبع… #بقلم_ڤونا #حب_الروايات ٢ اتصدمت من كلامه برقت مكنتش مستوعبه هو قال ايه _ايه أنتَ قولت ايه!!!!
اتنهد_بحبك يا مريم ومش من دلوقتي لاء من زمان زمان أوي أوي من وإحنا صغيرين من وأنتِ علي ايدي صغننه من وأنتِ في مدرسه ولسه بنوته بضفاير كنت بحبك بس كنت كاتم في قلبي طول السنين دي وكنت مستني لما تكبري عشان اتأكد من مشاعري وبعدين اعترفلك بس… اتنهد بحزن وخنقه بانت في صوته_لقيتك جاية فرحانه وبتقوليلي أنا بحب واحد وهيجي يتقدملي ساعتها سمعت صوت تكسير قلبي كنت شايف الفرحه في عينك بس كانت الفرحه في عيني مكسورة
مقدرتش أتكلم ساعتها وحبيتك من طرف واحد كنت شايفك مع راجل غيري شوفت البنت الوحيده اللي قلبي حبها مع راجل تاني بس للأسف الراجل ده مقدرش يحافظ عليها كنت سمعاه بصمت بس دموعي نازله معقوله! معقوله حد حاببني الحب ده كنت ساكته بصلي بحزن وحاول يكتم دموعه_مش عايز أسمع ردك دلوقتي ولو مش حابه تردي عادي بس أنا مكنتش قادر أكتم في قلبي أكتر من كده اتنهدت بحزن وأتكلمت منغير مأبصله_ممكن نروح
رد بهدوء_تمام ركبنا العربية وروحنا البيت في صمت رهيب _وصلنا حمدلله علي السلامة =الله يسلمك سكت شوية وبعدين قولت_تصبح علي خير _وأنتِ من أهل الخير نزلت بهدوء وطلعت بس خدت بالي أنه مطلعش ورايا لاء خد عربيته ومشي طلعت شقتي بهدوء وخدت شاور ولبست بيچامه واسعه مريحه وروحت المطبخ عملت قهوة تروق عليا هم اليوم وطلعت قعدت في البلكونه فضلت كتير أفكر في اللي حصل وفي كلام چون مش عارفه أعمل ايه
مش عارفه أتصرف إزاي دماغي وقفت بجد مش عارفه أفكر مش عارفه فضلت قد ايه قاعده كده بس مفوقتش غير علي رنه من فوني لقيتها خلتو _ألو ردت عليا بقلق_مريومه حبيبتي أنتم فين استغربت_أنا روحت من بدري يا خلتو كانت الساعه ١ چون وصلني أتكلمت بقلق وتوتر_چون مرجعش لغاية دلوقتى يا مريم بقاله ساعتين برا وعمره معملها واتأخر كده ده حتي مش بيرد عليا قلقلت انا كمان_أهدي طيب يا حبيبتي وأنا هجيلك
قفلت ولبست بسرعه اي حاجه قدامي ونزلت لها _تعالي يا مريم اتكلمت بقلق_أنتِ كويسه يا حبيبتي عيطت_لاء مش كويسه يا مريم خايفه أوي علي چون حاسه حصله حاجه حاولت أهديها_أهدي يا حبيبتي متقلقيش تلاقيه مخنوق شوية فبيلف بالعربية أنا هكلمه بعدت عنها ورنيت عليه كتير بس مكانش بيرد دخلت الواتساب لقيته فاتح بعتله بسرعه _أنتَ فين أتأخرت ليه رد! چون إحنا قلقانين عليك طب أنتَ كويس طمني عليك چون أرجوك رد خلتو قلقانه أوي!!
وأنا! كان فاتح بس مكنش بيرد اتعصبت وبعتله ڤويس_علي فكرة لو أنتَ قاصد تعمل كده ومتردش بجد هزعل! دخلت أتطمن علي خلتو وفجأة لقيته بيرن رديت بلهفه_أنتَ كويس رد بصوت تعبان_أنا كويس حسيت أنه بيكذب_متأكد طب أنتَ فين _مريم أنتِ عند ماما =اه _هقولك حاجه بس أوعي تقوللها قلقلت_قول في ايه _أنا عملت حادثه بس مش كبيرة حصلي شوية جروح بسيطة وفي المستشفى بعالجها اتصدمت حرفياً دموعي نزلت بس حاولت أتمالك نفسي عشان خلتو
_أنتَ فين =في مستشفى*** قفلت بسرعه وجريت علي باب الشقه أتكلمت خلتو بقلق_في ايه يا مريم اتوترت_ااا هنزل أجيب حاجه بسرعه يا خلتو ومشيت مستنت روحت المستشفى اللي قالي عليها كنت بجري في الشارع وصلت وسألت عنه وروحتله أول ما شوفت منظره فضلت أعيط قربت منه بسرعه وأتكلمت بعياط_أنتَ كويس فيك حاجه تعبان جسمك واجعك حاول يهديني_اهدي يا مريم متخافيش جروح سطحية عيطت أكتر_سطحية ايه ده أنتَ متدشمل خالص ضحك رغم تعبه ومسك ايدي بحنيه_متخافيش أنا كويس
بصيتله ودموعي نزلت_أنا السبب أنا السبب أنا اللي سبتك تمشي بالعربية مأخدتكش معايا أنا السبب مسك ايدي بحنان_لا يا مريم متقوليش كده ده قدر أنتِ ملكيش ذنب فيه بصيتله مكنتش عارفه أقوله ايه نزلت راسي في الأرض حاسه بالذنب لقيته رفع راسي_مريم راسك متنزلش ابدا لتحت تفضل مرفوعه لفوق كنت بصاله مترددة أعمل كده ولا لاء بس فجأة لقيتني بحضنه وبعيط…. يتبع.. بارت صغنن♥️ #حواديت_مريم_وچون #بقلم_ڤونا #حب_الروايات٣ والأخير _عيطت كتير أوي لدرجة أن صوتي بدأ يعلي وهو كان عمال يهديني
_مريم خلاص أهدي عشان خاطري أنا كويس قدامك أهو وصدقيني مش زعلان بصتله وحاولت اهدي وأتكلمت بصوت طفولي_بجد ضحك علي شكلي وأتكلم بحنان_بجد اطمنت عليه وخرجنا من المستشفى ولقيت عربيته قدام المستشفى بس مخبوطة خبطة وحشه بصيتله شوفت نظره حزن في عيونه لأنها كانت غالية عليه أوي حاولت افك الدنيا _يا عم تتصلح ولا يهمك عند الواد حسونه ولا أجدعها ميكانيكي ضحك_مش ده بردو اللي ولع في عربية عم ابراهيم
ضحكت_بس بجد ولا يهمك خدت الشر وراحت كويس أنك بخير =الحمدلله _يلا بقي أركب كنت رايحه ناحيه كرسي السواقه _رايحه فين =هسوق _وده ليه =أنتَ مش شايف شكلك رايح في داهية ازاي _جبر الخواطر يا جدع ضحكت فهو كمل_مريم إحنا هنروح بتاكسي أنتِ لو سوقتي هروح أنا والعربية بصيتله بعند_وأنا قولت هسوق مفيش تكاسي حاول ينكشني_خلاص بقي أنا كنت خايف عليكي يوه بصتله بقرف_خايف عليا ولا علي العربية وبعدين ما كنت هسوق ونوفر فلوس التوك توك
بصلي بغيظ_مش أنتِ اللي قعدتي تقولي تاكسي لاا وشوحتي كده _ايوة طبعاً ليه ندفع خمسين جنيه وإحنا ممكن ندفع خمسه بصلي بغيظ وبعدين بص قدامه _وصلنا =تعالي هنا رايحه فين _هطلع =وأنا _هتطلع معايا =ونادية طب اتكلمت بثقه_سيبهالي أول ما طلعنا وفتحت الباب جريت عليه فضلت تحضن وتبوس فيه _خلاص يا خلتو مش كده يا حبيبتي عيب وعلي السلم كمان تجاهلتني وكملت وهي بتعيط_ حبيبي أنتَ كويس