حور: عيب عليك ي تيم بعد كل ده تقولي اندم… ي تيم انت الوحيد اللي دخل قلبي وكشفتلو حقيقتي اللي بخبيها عن كل الناس تيجي تقولي اندم تيم: غصب عني ي حور انا بس مش مصدق ان في حد اتقبلني كده حور: ي حبيبي ده ابتلاء من ربنا عشان يختبر مدى صبرك بكرا هتبقى احسن من الاول كمان تيم: ازاي بس ي حور م انتي عارفه ان العمليه فلوسها كتير حتى نسبه نجاحها متتعداش ال ٢٠ ٪
حور: يعم متبقاش متشائم بقى الفلوس وهتتحل ان شاء الله تيم: طب فالنفرض ان عرفت اجمع الفلوس بتاعه العميله اي الي يضمنلي ان العمليه هتنجح حور:ربنا قادر يشفيك حتى لو نسبه نجاحها ١ ٪ تيم: طب لو منجحتش هتسبيني حور: انت عبيط ي تيم اسيبك اي ده انا روحي فيك تقولي اسيبك انت مجنون.مسكت ايدو: ي حبيبي خليك واثق فيا صدقني وسواء خفيت ولا لا ف انا يستحيل اسبيبك انا حبيت قلبك ي تيم اللي بيبقى اعمى بيبقى اعمى القلب والمشاعر مش العين وانت مفيش اطيب ولا انضف من قلبك ي تيم
تيم بتنهيده: احبك اكتر من كده اي بس حور بضحك: شوفتني وانا عاقله اجنن وانا عاقله صح تيم بضحك وهو يحتضنها: انتي بتجنينيني في كل حلاتك ولله ي حبيبتي حور بابتسامة: ربنا يخليك ليا واشوفك ديما مبسوط والضحكه مرسومه على وشك تيم: عيزاني مبسوط توعديني انك مش هتسبيني ابدا حور: ولله العظيم مش هسيبك ي تيم ي ابن الحج محمد بحبك يواد تيم بضحك: والواد بيحبك ولله بعد شويه حور وهي داخله البيت وقفها صوت و
: الي انا سمعتو ده بجد انتي هتتخطبي لتيم حور بصت لصاحب الصوت: لا مش هتخطبلو ي فارس فارس اتنهد بارتياح ولسه هيرد قاطعتو حور وهي بتقول: انا هتجوزو فارس فتح عينو على اخرها: اي. قال بصوت عالي: ملقتيش غير الاعمى وتفضليه عليا كمان حور: يتبع#البلطجيه_و_الاعمى الجزء الثالث ༺༺༻༻ حور بصوت عالي: اخرس ي *** تيم ده سيدك وسيد الرجاله كلهم لو لسانك الزفر ده نطق كلمه متعجبنيش عن تيم اقسم بالله لوريك الويل انت فاااهم. قالت كلمتها الاخيره بزعيق
فارس محاول استعطافها : انا بحبك ي حور معقوله تتجوزي واحد زي ده… ده حتى مش من مقام المعلمه حور ست ستات المنطقه حور: مش انت اللي تقول مين مقامي ومين لا فارس بصوت عالي نسبيا: لا مهو مش معقول كده ازاي توافقي على واحد اصلا هيعرف يحميكي ولا يهتم بيكي ده واحد اعمى و اسكتته صفعه قويه من حور: كلمه كمان وهخليك تخرج برا المنطقه وشك بيلحس التراب من اللي هعملو فيك ومتنساش نفسك. قالت بدلع: تيم ده حبيبي روحي راجلي وتاج راسي لو حب اعيشلو خدامه تحت رجلو العمر كلو هعمل كده في سبيل راحتو
فارس بصدمه: بتضربيني ي حور وعشان اي عشان واحد اعمى فيه اي احسن مني حور: راجل تيم راجل وشهم واحد اقدر اتسند عليه ومخافش اكون مطمنه في حضنو ومش خايفه يوم متكسر الاقيه في ضهري تيم راجل وده الفرق بينة وبينك ي فارس فارس: حور ا قاطعته حور بحده: المعلمه حور متنساش نفسك فارس بعصبيه وغل: مش هخليكي تتهني بيه حور بغضب: اقسم بالله ي فارس لو فكرت مجرد تفكير تأذي تيم ليكون اخر يوم في عمرك متنساش انا مين فاهم
فارس لسه هيتكلم فحور قالت بحده: فااهم فارس بتوعد: ماشي ي حور ماشي. وخرج وهو بيتوعد ليها ولتيم حور بقرف وهي بتفتح الباب: عيل تنح اللهي يفور دمك زي مفورت دمي قادر ي كريم في صباح اليوم التالي صحي تيم على صوت في خبط في البلكونه فمسك العصايه وفتحها: مين حور رمت باقى الطوب اللي في اديها: اي ي حبيبي كل ده نوم تيم ضحك: هو انتي.. بس مش المفروض انا اللي اعمل كده
حور: الاختلاف حلو بعدين تعالى هنا يخرب عقلك تيم باستغراب: في اي حور: اي ي ولا الحلاوه دي يخربيت جمال امك ده منظر واحد لسه صاحي من النوم يالهوي على القمر تيم ضحك بصوت عالي: بتعاكسيني ي حور حور بدلع: مش كلها ايام وتبقى جوزي براحتي بقى تيم بإبتسامة: طبعا براحتك يحبيبتي حد يقدر يقول حاجه ده انتي روح قلبي حور: طب خش البس التشيرت عشان متخادش برد تيم: حاسك امي اوي
حور: طبعا امك وحبيبتك وكل حاجه في حياتك ولا عند الايتاذ تيم اعتراض تيم ضحك وعينو غمضت وبانت غمزاتو حور: استغفر الله العظيم خش يبني بدل ماجي ابوسك خش يخربيت عضلاتك تيم بضحك: انتي رهيبه بجد صوت واحده: اي الجمال ده من امتى القمر بيطلع الصبح حور بغيره وعصبيه: وحيات امك طب وربنا لانزل اجرك من شعرك واوريكي تعاكسي جوزي ازاي اصبري عليا بس تيم: اهدي ي حور محصلش حاجه يعني
حور بعصبيه: متقوليش اهدي بعدين انت اي اللي موقفك يلا خش جوا تيم بابتسامه جذابه: طب بحبك طيب حور وقد نست عصبيتها وقالت بحنان: وانا بعشق امك يولا بعد شويه حور قاعده على القهوه وبتشرب شيشه: واد ي عنبه تعالى غيرلي الحجر يولا عنبه جه جري: امرك ي معلمه وسط مهي بتشوف الحسابات لقت اللي سحب كرسي وقعد قدامها رفعت عنيها ببرود: اهلا ي معلم خير ان شاء الله حسن: كل خير عايزك في موضوع على انفراد
حور وهي بتطبطب على كتف عنبه: عنبه ده اخويا مش غريب قول اللي انت عايزو وياريت مطولش عشان ورانا مشاغل اديك شايف حسن: ٥٠٠ الف حور ببرود وهي بطلع الدخان: مالهم حسن: مهرك ي معلمه حور حطت الشيشه على المكتب وسندت عليه: بقى انا المعلمه حور على سن ورمح ست ستات المنطقه مهري يبقى ٥٠٠ الف حسن: تستاهلي دهب الدنيا كلها ولله يمعلمه خلاص خليهم ٧٠٠ مش خساره فيكي حور رجعت بضهرها ورا وحطت رجل على رجل: لا يخويا خلهملك
حسن: قصدك اي