يا مديحه هو احنا كنا فين وبقينا فين دلوقتي بلاش بعزقه في الفلوس شمال ويمين علي الفاضي مديحه يووه خلاص يا محروس هات واحده تروق وتكنس وتنضف ليا البيت، انا مش هقدر علي الاتنين وانت شاايف اهو هنا عايزه اهتمام لوحدها، وبعدين بطل بخل ده انت اهو بقي عندك اكبر سوبر ماركت وليه اسم وسمعه كويسه محروس خلاص يا مديحه هتصرف هاتي بقي البنت وروحي جهزي الغدا عشان انزل تاني اتابع الشغل
اديته مديحه البنت وقالت خد اهي علي مهلك عليها وشيلها كويس دي لسه عضمها طري.. محروس حاضر اهو والله حبيبة ابوها يا ناااس.. _وفي بيت محمود كانت قااعده كوثر مدايقه وحماتها قالتلها بحده.. الحما كمان انتي اللي زعلانه يا بت اختي خليتي الواد بقي علي الحديده وانتي اللي زعلانه كوثر وانا مالي يا خالتي هو ما كانش قد الجواز ما كانش اتجوز، مش قد انه يصرف علي مراته ما كانش هز طوله وجه اتقدملي كنتي خليه قاااعد جنبك احسن
الحما ليه هو يعني ما كانش متجوز قبلك، ده كانت هبه بتاخد منه مصروف البيت للشهر كله قد يوم من اللي بتاخديه منه وعمرها ما اشتكت منه، وانتي الواد يا قلب امه قايلك صوابعه العشره شمع وبرضو مش عاجب الست هانم يعملك ابه تاني كوثر جرا ايه يا خالتي هو انتي هتعملي عليا شغل الحمواا وبعدين انتي ازاي اصلا تقارنيني انا بالبت هبه دي، انا اللي اصغر واحلي منها وواخده مؤهل عالي اتقارن بالبنت الجعانه دي
دخل في الوقت ده محمود وقال علي مين انتو قصدكم يتتكلمو علي مين؟ الحما لا يا حبيبي مش قصدنا علي حد، المهم انت عملت ايه في الشغلانه اللي كنت رايح ليها محمود دي شغلانه مش كويسه يا اما دول اغلب شغلهم ممنوع وحاجات خارجه عن القانون وممكن اروح في ستين داهيه كوثر