عارضه ازياء بقلم ملك ايمن ج٢

*6* وصل معتز للغرفه اللي محجوزه فيها نور بالمستشفى بسرعه فتح الباب ثبت مكانه بصدمه لما شاف نور قاعده على السرير وسيف قاعد جانبها وسنده راسها على كتفه وهو ماسك ايدها بين اديه و المحاليل متعلقه بدرعها التاني وهي نايمه بهدوء سيف رفع عينه على معتز اللي لسه واقف مكانه على الباب وابتسم بجانبه وهو بيقوم من جنب نور بهدوء وسنده على السرير سيف : تعبت نفسك ليه وجيت يا معتز . ما انا قولتلك هتخلص المحاليل .. وهرجعها البيت علطول ..عموما احنا قربنا نخلص

وانا كنت هصحيها دلوقتي عشان نمشي اصلها نامت على كتفي من غير متحس بمجرد ان انهي جملته.. لقى معتز قدامه و حطت لاكمه قويه على وجهه تراجع بسببها سيف للخلف خطوت حاول معتز أن يلكمه مره اخرى بغضب :انت عملتلها ايه.. وازاي تتجرء وتقرب منها كده.. سيف مسك ايده قبل ماتوصل ل وشه واتكلم بهدوء :هكون عملتلها ايه يعني.. احنا كنا خارجين مع بعض وفجاءه اغمى عليها وجبتها للمستشفى معتز دفعه بقوه على الحائط وحاوط رقبته باديه الاتنين وضغط عليها بغضب : ابعد عنها يلا اا

ومش عايز اشوفك تاني حوليها.. احسنلك خلص كلامه وهو بيضغط بايده اكتر.. وسيف بيحاول يبعده وياخد نفسه بصعوبه .. ومسك سيف ايد معتز وخبطه برجله بقوه بعده عنه ووقف سيف قدامه ياخد نفسه وهو بيمسد عنقه : اظن ان انت اللي هتبعد يا معتز.. دورك خلص.. ووعدك اني مش هخليك تشوفها تاني.. ولا تلمح طفها.. عشان هتبقي ملكي.. فاهم معتز برفض :مش هيحصل. سيف بابتسامه ساخره : هو ايه دا اللي مش هيحصل.. يا معتز

يارجل دا انا مجرد ماعرض عليها الجواز ماعداش ساعتين كانت موافقه واتفقنا على معاد الفرح.. كمان شهر واكيد انت هتحضر.. عشان تشهد على العقد معتز : فرح ايه اللي كمان شهر سيف :فرحي انا ونور .. بس تصدق استغربت انها مش طايقه تعيش معاكم اوي كده.. دي ماصدقت معتز كان سامع الكلام دا من سيف وهو مصدوم “حددت معاد الفرح مع سيف..؟؟ وهو فين!! ” “معتز” فاق من سرحانه على صوت نور الضعيف

وهي بتنادي عليه.. لف ليها وبصلها بصمت و سيف عدل هدومه ومسح مكان الكلمه على وجهه واللي جرحت جنب فمه. وقرب من معتز وهمس :هسيبك تلحق تودعها.. وحق اللي انت عملته دا هاخده منك بس مش دلوقتي. سلام. خرج سيف وساب معتز اللي مهتمش لي حتى وعينه لسه متثبته على نور نور بضغف : معتز.. انت واقف كده ليه.. وبصت للاوضه بستغرب :واحنا فين هنا .. و سيف معتز قرب منها : ماله سيف.. العريس روح يا عروسه.. تحبي انادي عليه يرجعلك

نور :لأ رفضت بضيق ورجعت غمضت عينها و نامت تاني معتز استغرب انها نامت تاني بسرعه. حتي من غير متعرف هي فين طلب الدكتور ووقف قدام شباك في الاوضه يستناه شويه والباب خبط معتز :ادخل دخلت الدكتوره وقربت من نور فحصتها وفكت المحاليل من اديها والكالونه معتز :هو ايه اللي حصل.. وليه نايمه كده الدكتوره : حصلها هبوط بسبب قلت الاكل والسوايل اللي بتدخل جسمها واظن انها اتعرضت ل ضغط وانفعال شديد

معتز : اتعرضت ل ضغط ونفعال !! سيف “معتز اتوعدله جوه بكتير” وضغط على ايده بعيظ وكمل معتز :.. طيب دلوقتي هي كويسه الدكتوره :للأسف لا..محتاجه تراجع دكتور بطنه.. عشان لما وصلت هنا كانت فاقده الوعي وبتنزف من فمها .. واول ما فاقت بقت تصرخ من ألم بطنها.. وبعدها نامت بفضل المسكن معتز بحزن :هي فعلا بتابع مع دكتور..تقدر تخرج أمته.. الدكتوره :لما تصحى.. هطمن عليها واكتبلها على خروج. بما انها بتابع مع دكتور..

……… فاقت نور واستعادة وعيها بعدها بساعتين والدكتوره فحصتها تاني وخرجت مع معتز من المستشفى.. مع تاكدها لضرورة المتابعه مشيت نور مع معتز وركبوا عربيته. وكانت مستغربه نور هدوءه.. وانه محاولش يتكلم معاها او حتي يبصلها.. بيتعامل معاها بتجاهل تام لحد مقربوا من البيت نور بتعب :مالك يامعتز معتز :انا كويس نور :مش باين عليك كده .. انت زعلان مني صح؟؟ معتز بصلها بستغرب ورجع عينه للطريق: هو انتي بتسألي بجد!!

نور بضيق : معتز انا عارفه انك زعلان عشان خرجت مع سيف من غير ماعرفك معتز بغضب صرخ فيها : بس كده اخرسي.. تعرفي تخرسي.. ومش عايز اسمع اسم الزفت دا تاني على لسانك نور : انت بتزعق لي كده ليه.. انا معملتش حاجه غلط… معتز وصل قدام العماره ووقف العربيه بغضب وبص ل نور : ولما ادخل المستشفى والقيكي نايمه في حضنه.. دا عادي نور بستنكار :انت بتقول ايه

معتز بعصبيه : اسمعي يانور.. عشان الكلام ينتهي لحد هنا .. طول ما انتي عايشه معايا.. في انتي مسؤوله مني.. خروجك ودخولك من البيت هيبقى بأذني .. ولو هتتعاملي مع أي حد بأذني .. تنسى موضوع سيف دا خالص وكانه مظهرش ولا هو ولا سالم يبقى افضل ام بقى لو عايزه تعيشي برحتك وعلى مزاجك تخرجي مع دا وتدخلي مع دا.. من غير ماحد يكلمك . يبقى مش عندي.. فاهمه

نور بغضب :لا يامعتز مش فاهمه .. ومش هسمحلك تتخطى حدودك اكتر من كده وتغلط فيا بالشكل دا. .. وانا اللي مش هعيش لا معاك ولا تحت مسؤليتك تاني بعد النهارده . ورسالتك وصلت يا معتز. انا هشوف الحد التاني دا عشان اعيش معاه حاضر.. وشكرا خلصت نور كلامها ونزلت من العربيه بسرعه معتز استغب كلامه . وانها فهمت انه عايزها تمشي.. هو مش قصده كده بس منظر سيف وهو قريب منها مفور اعصابه.. وانها سمحتله يقرب منها وتقرب منه بالشكل دا.. والورد اللي جابهلها وخرجهم سوا..

موافقتها على الجواز.. وحددت كمان معاد الفرح.. كأنه معاداش على بالها تبلغه بالغلط حتى .. معتز بضيق “بيكلم نفسه” : انا قولت كده عشان تبعد عنهم .. تقولي هروح اعيش معاهم.. غبيه… عايزين ايه يا سالم انت وسيف منها.. ايه اللي ظهركم دلوقتي .. احساس معتز انه مش مرتاح ليهم مسيطر عليه.. كان هينزل من العربيه عشان يروح ورها ويفهمها انه مش قصده يغلط فيها هو خايف عليها وبس وقبل ماينزل لقى هنا ركبت جانبه مكان نور..

بصلها بستغرب وهو مش عارف اصلا هي ظهرت أمته …… دخل سيف البيت وهو بيدندن وبيضحك شافه سالم وابتسم :ايه يا سيف مزاجك رايق اوي النهارده وبتضحك كده .. مش بعاده. سيف :عريس يا عمي عريس عايزني ازعل. سالم :لا يابني يارب يفرحك ديما.. كنت مع نور سيف :اه كنت بقنعها عشان تجي تعيش معاك هنا.. من دلوقتي سالم :ووافقت.. وغاليه وسيف دول كمان مهم نقنعهم سيف : متقلقش يا عمي.. نور شويه وهتلاقيها بتكلمك..

ولو ماكنش النهارده تطلب منك تروح تاخدها.. يبقى يومين بالكتير وهتبقى عندك سالم :ياريت ياسيف .. لما نشوف سيف : هتشوف يا عمي.. بس اول ماتجي البيت هنكتب الكتاب والفرح بعد شهر زي ما قالت.. انا موافق سالم : اللي انت عايزه يا سيف حاضر.. هي هيجلها احسن منك سيف ابتسم بتهكم :مبروووك يا عمي ليا وليك .. هطلع شقيتي انام انا.. و ابقى سلملي عليها. سلام طلع سيف الدور اللي فوق سالم ل شقته ورجع يدندن تاني بمزاج

…… وقفت نور قدام العماره تبص على عربية معتز لما شافت هنا بتركب جانبه لقته بكلمه مع بعض وفجاءه اترمت هنا في حضنه وهو ضمها لي نور دخلت العماره وهي بتكلم نفسها .. اكيد قالها اني انا خلاص همشي عشان كده فرحت وحضنته.. هو انا لسه هنا ليه اصلا.. خليهم يشبعوا ببعض.. …… جوه العربيه. معتز بص ل هنا بستغرب : هنا!! انتي ايه اللي جابك متأخر كده.. وواقف في الشارع بمنظرك دا

هنا وهي بتعيط : الحقني يا معتز.. اخويا هيضيع مني جت الشرطه و قبضت عليه في البيت ومش عارفه ليه .. رحت وراه وحاولت افهم رفضوا وانا مش عارفه اعمل ايه .. وفضلت ارن عليك مابتردتش عليا.. فاجتلك وكويس اني قبلتك تحت .. ارجوك ساعدني يا معتز.. وخرجوا عشان خاطري خلصت هنا كلامها واترمت في حضن معتز تعيط معتز :ماتخفيش يا هنا.. هو في قسم ايه قال كده بضيق كان عايز ينزل وره نور

بس قرر يكلمها في وقت تاني وطلع بالعربيه بسرعه ل لقسم ……. طلعت نور الشقه بعد ماسلمت على غاليه.. واجبرتها تاكل وفجاءه قامت نور حضنت غاليه اوي.. وغاليه ضمتها ليها غاليه :مالك يا نور ياحبيبتي فيكي ايه.. لسه تعبانه. نور في حضنها :انا كويسه بس حسيت اني نفسي احضنك. شددت غاليه عليها في حضنها :انا وحضني تحت امرك ديما يا نور.. انتي بنتي اللي أتمنتها وربنا كرمني بيها نور :وانا بحبك اوي

خلصت نور كلامها وبعدت عن غاليه ودخلت اوضتها تحت استغراب غاليه تصرفات نور في الفتره الاخيره بقت غريبه.. من ساعة ما معتز خطب هنا.. هي عارفه انها بتحبه .. بس تعمل ايه.. بقى في واحده تانيه في حياته.. وكمان ظهور سالم وسيف فجاءه.. الدنيا كلها متلخبطه ……… قاعدتي نور على سريرها وكلمت سالم نور :لو عايزني بجد .. انا محتاجه ابعد يومين.. ممكن تجي تاخدني وافق سالم بسرعه ووعدها دقايق ويكون عندها

…. قفلت معاه وبدات تلم حاجتها بالفعل في شنطه وهي حسه بتعب وضعف عام في جسمها كان نفسها ترتاح وكأن سريرها بينادي عليها عشان تنام فيه.. يمكن لآخر مره بس رفضت الفكره وقفلت شنطتها ..قربت من مكتبها وفتحت الدرج وخرجت صوره ليها هي و معتز و غاليه وابتسمت وهي بتبص عليها كانوا لسه أطفال ومسكين ايد بعض وغاليه حضنهم فاقت من شردها على صوت الجرس وصوت سالم بره مع غاليه..

استغربت انه وصل بسرعه كده و شالت الصوره في الشنطه وعدلت شكلها ومسحت دموعها بقوه خرجت بره وفي اديها الشنطه غاليه:هو في ايه يا سالم وانتي رايحه فين يا نور بالشنطه دي سالم بابتسامه :بنتي جيه تقعد عندي يومين ياست غاليه.. في المشكله غاليه بصت ل نور :انتي ماشيه.. دي تعبانه يا سالم سيبها دلوقتي.. نور. نور :انا اللي كلمت بابا.. هروح يومين بس يا أمي وهرجع تاني.. انا حبه اتعرف عليهم

غاليه :طيب ليه ماقولتيش دلوقتي.. ما انا كنت لسه قاعده معاكي يابنتي.. هو احنا بقينا اغراب فجأ كده.. بتاخدي قرارك و تنفيذه من غير ماترجعي لحد نور :لا يا أمي ماتقوليش كده.. انا قولت ل معتز وهو وافق غاليه :انا مالي ومال معتز.. انا فين.. توافق تتجوزي لوحدك وتلمي هدومك وماشيه.. في ايه يانور سالم :انتي ست الكل يا غاليه.. ونور بنتك.. ومافيش حاجه تحصل غير برضاكي.. انا بس هخطفها يومين.. تتعرف على عيلتها واخوتها وهرجعهالك تاني

غاليه بضيق :امشي يا نور مع السلامه خرجت نور مع سالم وهي بتبص ل غاليه حست غاليه انها بتودعها بعنيها وعيون غاليه دمعت بس كدبت احساسها …….. انا عارفه ان البارت ده صغير جدا وكان المفروض انزله امبارح بس اتمسح مني غصب عني وكتبته تاني بس وعد مني هنزلكم واحد كمان بليل عاوزكم بقى زي ما اتعودنا تقولوا رايكم في الكومنتات على البارت و عاوزه تفاعل حلو زيك كده *عارضة الأزياء*

*البــ( 6 )ــارت*‍ Malak Ayman *7* نور كانت بتبص من شباك العربيه.. مستغربه الطريق اللي طول جدا ……. .. وبداء العمار يختفي نور :هو احنا رايحين فين . سالم :البيت عندي نور :بس الطريق طول اوي.. هو فاضل كتير سالم :لا خلاص قربنا نوصل …… كمل سالم الطريق ووصل بالعربيه اخير قدام بوابه نور كانت بتبص حوليها بستغرب المكان فاضي جدا مافيش حد ولا بيوت حوليها غير البوابه الضخمه اللي واقفه قدمها العربيه و سور عالي جدا بيحاوط المكان

اتفتحت البوابه ودخلوا بالعربيه وظهر اراضي زراعيه واسعه بدور حولين بيت كبير في نص وصل سالم قدام باب البيت الكبير سالم :انزلي يا نور قالها سالم وهو بينزل من العربيه ومعه نزلت نور وهي مستغربه المكان برغم انه شكله روعه ومريح للاعصاب دخلوا البيت سوا بعد مايفتح ليهم راجل غريب سالم : نورتي بيتك يابنتي نور :هو انتم عايشين هنا ضحك سالم :اه اكيد عايشين هنا.. المكان مش عاجبك ولا ايه

نور :مهجور!! حاسه انه مهجور.. و فين اخواتي اللي قولت عليهم ومراتك.. سالم :الوقت اتأخر والكل نايم.. الصبح هعرفك عليهم… احنا بنحب نعيش في هدوء بعيد عن الناس يانور .. المكان هنا هيعجبك نور بصت ل لفون في اديها :هو مافيش شبكه هنا سالم :للأسف لا.. حبه تكلمي حد نور :اكيد.. انا عندي شغل وعندي حياه والفون بتاعي ماينفعش يكون فاصل كده سالم :نور حبيبتي انسى كل دا.. انا عايزك ماتفكريش في اي حاجه.. وتستجمي هنا اليومين دول.. سيف قالي انك تعبتي النهارده

الف سلامه عليكي يا روحي المكان هنا هيريح أعصابك ونفسيتك.. دي فرصه ترتاحي نور بعدم اقتناع :انا عندي شغل مهم جدا.. ماقدرش اسيبه سالم :حبيبتي هم يومين.. الدنيا مش هطير.. واكيد في غيرك يشوف الشغل دا.. تعالي افرجك على اوضتك مشيت نور معاه ودخلت وطلعوا الدور التاني وفتح سالم اوضه في آخر الدور دخلت نور معه.. الاوضه وسعه وكبيره وليها حمام خاص.. سالم :عجبتك الاوضه. نور :جميله.. شنطتي في العربيه انا سبتها

سالم :هبعت حد يجبهالك.. ارتاح يا روحي عشان الصبح عايز اتكلم معاكي في حاجات كتير مهمه خرج سالم من الاوضه ونور راحت تنام وفردت جسمها على السرير و دماغها سرحت في تفكير بعيد ………. سيف كان اقعد بيتفرج على نور في كاميرات المراقبة ويبتسم وتحولت ابتسامته ل ضحك عالي “الفار دخل المصيده” ………. معتز رجع البيت بعد ماخرج اخوه هنا بصعوبه وكان نهار تاني يوم ظهر فتح. باب الشقه ودخل

شاف غاليه واقفه قصاده بغضب :كنت فين معتز ماحبش يحكلها :حصلت مشكله مع هنا وكنت معاها غاليه :لحد دلوقتي.. ومابتردش على تلفونك ليه .. سيبني كل دا احر.ق في اعصابي معتز بص ل تلفونه وشاف فعلا عشر مكالمات فائته :امي انا مش قادر اتكلم دلوقتي وهمو*ت و انام.. ممكن لما اصحى نتكلم.. وانا والله ماسمعت التلفون ومعرفش ايه اللي وطي صوته كده غاليه شافت فعلا معتز مش قادر يفتح عينه :ماشي يا معتز ادخل نام .. ولما تصحي لينا كلام كتير مع بعض.

…. صحيت نور تاني يوم واول ما فتحت عينها شافت سالم قاعد قدمها نور :بابا هو حضرتك قاعد كده ليه سالم :دخلت اشوفك صحيتي ولا لسه.. لقيتك نايمه.. ماردتش اصاحيكي وقولت استنى لما تصحى لوحدك نور :كنت صحيني عادي انا كده كده متعوده اصحى بدري.. عموما. هو حضرتك كنت عايز حاجه سالم : اه.. المهم قومي الأول و فوقي وغيري هدومك كده .. ولما نفطر الأول هقولك.. هستناكي في الجنينه بره نفطر سوا

نور :حاضر ……. قاعدت نور مع سالم علي تربيزا يفطره. في الحديقه اللي وره البيت وانضم ليهم سيف :صباح الخير سالم :صباح النور.. كويس انك صحيت بدري.. عاداتك بدأت تتغير يا استاذ سيف سيف بص ل نور وابتسم :كل حاجه هتتغير يا عمي صدقني مش عاداتي بس.. ولما يرضى عني الغضبان نور بصتله بضيق ولفت وشها الاتجاه التانيه سالم :هو انت لحقت تزعلها سيف :لا انا كنت بهزر معاها بس هي اللي فهمت غلط

نور :انا فطرت بعد ازنكم سيف :لا استنى يا نور انا عايز اتكلم معاكي نور :انا مافيش كلام بيني وبينك سيف :بعد اذنك يا عمي.. هاخد خطبتي اصلحها نور :ماتقولش الكلمه دي تاني.. وانا اصلا غيرت رأيي ومش موافقه سالم : في ايه يانور.. طيب اسمعي الاول عايز يقولك ايه وبعدها اعملي اللي يريحك.. ماحدش هيغصبك على حاجه.. سواء وافقتي او رفضتي نور :حاضر نور اتمشت قدام سيف وهو حصلها

سيف باعتذار :انا اسف.. ماكنش قصدي ازعلك.. انا بس هزاري رخم شويه نور : دا ماكنش هزار.. دي كانت بيعه وانت بتسعرها سيف :انا بجد اسف.. انتي اللي استفزتني على فكره.. في المشغل.. جايبلك ورد.. وعامل جو رومانسي وقولت نخرج نتعرف على بعض.. ونتكلم تاخدي الورد من ايدي ترميه على المكتب و تتجاهليني بالشكل دا.. ينفع يعني.. تضيعي برستيج جوزك كده.. قدام الناس نور ضحكت عليه :جوزي.. انت طموحك عالي اوي

سيف :لا ما انا خلاص كده بقيت جوزك.. مش قولتي موافقه.. دي فرصة عمري ماقدرش اسبها تروح كده نور :انت ايه الافوره اللي انت فيها دي سيف :تعرفي ان انا عشت عمري كله احلم بيكي.. نور :ياسلام هو انت اصلا كنت تعرفني سيف : تخيلت.. تخيلي انتي بقى معايا لو كنتي عايشه هنا وكبرتي وسطينا.. مش يمكن كنا حبيني بعض بجد ما انا اكيد كنت هحبك .. وكنا اتجوزنا من زمان وبقي عندنا كمان طفل

نور بضحك :كل دا سيف :اه صدقيني تخيلته.. اول ماشوفتك وانتي داخله مع معتز.. حسيت بالغيره. او المفروض انا اللي اكون مكانه.. انتي بنتي عمي واظن اني أولى بيكي نور :غريب انت مش طبيعي.. الزمن اتغير.. مافيش حاجه اسمها أولى بيكي القلب اللي بيختار قالتها نور بستغرب تفكيره ومشت قدامه سيف :قلبك كان هيختارني نور :انا مش عارفه ثقتك دي جايبها منين سيف : طيب تعرفي ان انا اللي سميتك نور

نور بضحك :وانا اقول مابحبش اسمي ليه؟؟ قالتها نور وجريت في الأرض الواسعه وهي بتتفرج عليها سيف : بقى كده طب تعالي جري وراها وشد اديها نور :انت بتعمل ايه سيف :تعالي بس قالها وجرى وهو ماسك اديها ل مكان في مرجيحه كبيره ومتزين بورد ابيض يخطف الانظار سيف :ايه رائيك فيها نور حبت شكلها :تحفه سيف :تعالي جربيها قاعده نور عليها وبدات تهز رجليها وتحركها وهي بتبتسم سيف خرج موبايله بضحك :انا لازم أوثق اللحظه دي

.. تسمحلي عارضة الأزياء المشهوره نور سالم اني اتصور معاها نور بابتسامه :اوفر اوي قالتها وهو بداء يصورها واتصور سلفي معاها وفضلوا يتكلمه وقضوا اليوم سوا وسيف حاول يلطف الجو معاها ……. معتز بغضب : ازاي تسمحلها يا أمي تمشي كده غاليه :هي قالتلي انها متفقه معاك.. وانت وافقت معتز :متفقه معايا ايه بس.. الهانم تلفونها مقفول.. وسالم كمان. والأرقام اللي في الكارت بتاع الزفت سيف. بردوا مقفلين. غاليه :خلاص يا معتز اهدي .. شويه وتلفونها يتفتح

معتز :يتفتح ايه بس .. انتي تعرفي سالم دا قاعد فين غاليه :اعرف عنوانه القديم معتز: هاتيه خد معتز العنوان من غاليه ونزل بسرعه ركب عربيته .. وراح للعنوان . بس البيت كان مقفول من فتره.. سأل عنهم كتير.. وماحدش يعرف هم فين ركب معتز عربيته وهو مش عارف يروح فين ولا يدور عليها فين.. فكر يروح يبلغ.. بس هيقول ايه ابوها خطفها فاق معتز من شروده على صوت رساله

فتحها وشاف فيها صور نور مع سيف وهي بتضحك …… انا عارفه ان انا اتاخرت عليكم اعذروني بجد النور عندي قطع ما عرفتش انزله ولما جه الواي فاي كان خلص لسه شحن دلوقتي حالا عشان اعرف انزله بما اني علشان وعدتكم ان انا هنزله بالليل ما كنتش نزلته والله بس عشان انا وعدتكم بس طبعا عايزه اعرف رايكم في البارت ما لحقش اكتب يعني كتير بس يارب البارت يعجبكم ♥️════♫══════♥️

░░▄▀▀▄▄▄▀▀▄░░ ░█░░░░░░░░░█░ ░▀▄░بحبكم░▄▀░ ░░░▀▄░░░▄▀░░░ ░░░░░▀▄▀░░░░░ ♥️════♫══♥️ *:بـــحـــ𝓵𝓸𝓿𝓮 𝔂𝓸𝓾ـبـــک* Malak Ayman*8* فاق معتز من شروده على صوت رساله فتحها وشاف فيها صور نور مع سيف وهي بتضحك معتز عض وجنتيه من الداخل بغيظ : ياينت….. انا عمال ادور عليكي.. وانت عايش اللحظه معه…… معتز فضل يبص للصور ويقلب فيها وكل صوره نور بتبتسم فيها بيحس وكأنها بطلع لسا.نها لي فيها وتزيد غيظه اكتر روح البيت وهو مش طايق نفسه. عينه راحت علي اوضتها راح على الباب وهو متأكد انه هيلقيها مقفل

بس استغرب لما الباب فتح اول مره نور تسيب باب اوضتها مفتوح هي ديما كانت بتقفله بالمفتاح وممنوع حد يقرب منها دخل الاوضه وشاف دولابها وهو تقريبا فاضي واخده كل هدومها وكانها مشيت للأبد رمي نفسه على سريرها وبداء يفتكر حاجات كتير كانت بتجمعهم وازاي ديما كانت متعلقه بي.. دلوقتي مشيت بسهوله كده. وهي حالا قاعده مع واحد غريب بتضحكله وبيتكلموا مع بعض اكيد لمس اديها ويمكن قرب منها .. افكار كتير بطرده وبتزيد غيرته أضعاف

في حد غيره وقدر ياخد مكانه في حياتها.. بين يوم و ليليه هو عارف انه اكيد كانت هتتجوز في يوم بس مش سيف ابدا. لا اي حد احساسه دلوقتي.. اول مره يحسه هي ملكه وبس مش عارف ازاي او أمته .. بس فكرة ان حد يقرب منها وصلت غضبه وعيظه منها للسما ……. نور كانت واقفه على باب المطبخ بتتفرج على سيف اللي قرر يعملهم الاكل بنفسه وهو واقف لابس مريلت المطبخ وبيخبط في كل حاجه بتقبله

نور :انت متأكد انك بتعرف تطبخ سيف بثقه : دا انا هعملك أكل مستحيل تنسى جماله… نور بتريقه :اممم شكلي كده هغير رأئي فيك سيف :مامحبه الا بعد عداوه.. هم مش بيقوله كده نور :دي علاقات توكسك ماليش دعوه بيها..انا احب الإنسان اللي بيحب وقلبه طيب مايعرفش القسوه ولا العد.اوه .. اللي هو بحبك هشيلك في عيني وجوه حضني .. كرهتك هكرمك لان في يوم كان بنا عيش وملح سيف :ماشي يا نور.. هو انا مش كده..

عشان في العادي اللي بكرهه مابعرفش اتعامل معا خالص..بس احاول هو انا ممكن اسألك سؤال سخيفه نور : سخيف اممم .. ماشي اسأل سيف :هو انتي ليه بطلتي تحضري عروض الأزياء.. واختفيتي فجأه نور :معتز رفض اني اكمل.. ومنعني اقبل اي شغل سيف بستغرب :وانتي سمعتي كلامه بسهوله كده.. مع انه خطبته بتشتغل زيك نور : هو مش بسهوله اوي.. وكانت مشكله كبيره حصلت بنا لدرجة سمعنا الناس صوتنا فيها .. بس اكيد هسمع كلامه في الاخر يعني

اساسا معتز كان رافض اني اشتغل خالص.. سيف :وبعدين بدائتي شغل ازاي نور :سافر في مره ل فتره كده من ثلاث سنين.. وانا استغليت فرصة سفره.. ونزلت دورت على الشغل دا .. وكان في شركه مشهور.. وشافه اني مناسبه.. ومع الوقت اتعرفت.. واطلبت في اكتر من مكان.. لحد ما وصل الاخبار ل معتز بره شافني في صور .. قطع سافره ورجع.. وكنت في عرض و فجأه لقيته واقف قدامي ..

سيف : وبعدين نور :ما هي مافيهاش بعدين.. خدني من وسط الحفله.. وعينك ماتشوف غير النور سيف بصدمه :ضر.بك !! نور :لا معتز عمره مايعمل كده .. بس اتخانق معايا.. وحبسني حوالي شهر اصل ماكنش مصدق اني ممكن اكسر كلمته. بس بعدها هو اللي صلحني ووصلنا ل حل وسط اني اشتغل معا ونزلت اشتغلت وعملت اول تشكيلة بتاعتي و باسمي و فشلت فيها بجداره.. وخسر معتز من وراها كتير جدا

سيف بضحك :وعمل معاكي ايه ساعتها نور ابتسمت :معملش حاجه.. انا قولته انا عارضة أزياء مش مصممه أزياء ومش حبه شغله وكنت محبطه جدا .. بس هو شجعني تاني وبداء يعلمني وعملت حاجه تانيه ونجحت.. ودلوقتي شغاله على برند جديد وهيكون للمحجبات وهو اشترك ليا في مسابقه بس للأسف المكان اللي هيحصل فيه العرض مشهور بر.فضه للمحجبات.. وانا هشترك في العرض دا.. بس لو فشل معتز هيتسوح سيف ضحك بقوه :كل دي مصايب عماله لي.. وهو لسه سايبك في الشركه عنده.. ومستغرب انه هيفلس

نور : على فكره لو العرض بتاعي دا نجح معتز هيتشهر وهننقذ الشركه من الديون سيف :لو!! يا نور الشغل يا نور.. مافهوش لو.. انتي قررتي تعملي حاجه في مكان مكره في دا.. مين بقى هيدعمك.. وهو اكيد مافهوش الناس اللي انتي عامله البرند ليهم.. نور بحده :مش من حق حد يرفض وجودي في مكان لمجرد ان لبسي مش عاجبه سيف :مش هنقاشك.. بس كفايه انك هدفعي عن حاجه انتي مش مقتنعه بيها

نور :انا مقتنعه بالحريات.. والحجاب فرض.. مافيهاش مجال اني اقول مقتنعه بيه ولا لا .. امر ربنا مافيهوش اقتنع الأول واتمني اني البس الحجاب وربنا يهديني بيه.. وهلبسه بإذن ربنا في أقرب وقت .. وبردوه مش من حق حد يقول لوحده انتي ماينفعش تدخلي لمكان لأنك محجبة او مختمره او منتقبه هم احرار بلبسهم طلما مايأثرش حريتهم على حرية الاخر سيف :اتمنى انك تنجحي في توصيل فكرتك.. بس بردوه معتز بيغامر بالخساره

نور :هننجح سيف :اتمنى… نور :هو ليه لحد دلوقتي ماشوفتش غيرك انت و سالم وفين اخواتي اللي قال عليهم سيف :نزلوا للقاهره الصبح عشان حاجات خاصه ب جامعة يزن و نوران نور في سرها “هو مسمى نوران. بديل يعني” : هم عندهم كام سنه سيف :هم توأم عندهم ١٨ سنه. بكره بالكتير هيكونوا هنا هتحبيهم نور :اتمنى هم اللي يحبوني سيف :اكيد طيب يلا انا خلاص خلصت الاكل هطلع اخد شاور واغير هدمي بسرعه وانزلك

نور : تمام نزل سيف واتجمعوا سوا يأكلوا وبعد العشا قرر سألم يفاتح نور في موضوع جوزها من سيف ……. دخلت غاليه أوضة نور اول ما رجعت من الخارج لما شافتها مفتوحه وفكرت نور جوها واستغربت لما لقت معتز ممدت على سررها وسرحان بصمت غريب. غاليه بلهفه :لقيت نور يا معتز.. لقيتهم في نفس البيت معتز : لا سابوه البيت دا من فتره ومشيوا .. غاليه :ونور فين دلوقتي معتز بسخريه :ماتقلقش على الهانم… وانا ماشي ادور عليها.. وهتجنن.. وهي مقضيه وقتها معاه

وبعتلي صورهم سوا غاليه :صور ايه ومين دول اللي سوا. معتز بعصبيه: الهانم اللي قررت كل حاجه لوحدها وراحت تسلي وقتها مع الزفت سيف.. مش خلاص هيتجوزه.. اديهم بيتعرفه غاليه : طيب خلاص يا معتز هي اخترته.. اهم حاجه اننا اطمنا انها بخير معتز بغيره : اخترته خليها عندها.. انا ماليش دعوه بيها بعد كده مش اترمت في حضنهم غاليه :ماشي اهدي يا حبيبي.. الأمور مابتتحلش بعصبيه كده.. وهي دلوقتي مع ابوها و عيلتها

تلفون معتز رن وكانت المستشفى. خلص المكلمه وبص لأمه. معتز :انا هنزل المستشفى كلموني بخصوص تحاليل الهانم.. هروح اشوف الدنيا فيها ايه.. ولما تظهر.. انا هحسبها كويس على كل اللي عملته …….. سالم :نور سيف.. طلب انه يتكتب كتابكم بكره نور برفض : دا ازاي دا؟؟ لا طبعا سيف:ليه لا يا نور سالم :نور سيف عايز يتعرفي عليكي اكتر وانتي تتعرفي عليه من غير ما يكون في حواجز مابينكم وبعدها هيعملك اكبر فرح في الوقت اللي انتي تحددي

نور : انا لازم ماما غاليه و معتز يكونا موجدين معايا ..وانا لسه اصلا مقلقه منه سالم : ليه بس كده يانور.. انا اضمنلك سيف ..و لو على معتز و غاليه هيكونوا موجدين في الفرح وانا اهو هكون وكيل ليكي ونتكتب الكتاب.. انا ابوكي نور :لا مش موافقه.. بعد العرض. هعمل اللي انتم عايزينه. سالم :بس سيف نور :بابا ارجوك. سبيني براحتي سيف بصلهم بتهكم : سيبها براحتها يا عمي وانا راجع القاهره ولما

ترسي على قرار او العرض بتاعها يخلص ابقوا كلموني … خرج سيف من البيت بغضب وركب عربيته وخرج من المكان كله نور بصت ل سالم بصمت وهي حاسه دماغها بتتقل ونفسها بيعلي ونفس احساس سالم وهو بيغمض عينه بثقل ………. معتز :طلعت التحاليل و الاشعه دول. فيهم ايه يا طارق طارق بيبص الاشعه بستغرب :مافيش حاجه معتز :يعني ايه طارق :التحاليل و الاشعه بيقوله انها سليمه تماما.. مجرد انميه والتهابات في المعده ودا طبيعي بسبب المسكنات اللي قالت إنها بتاخدها

معتز :والتعب وكل اللي بيحصل معا كان ايه …. المسكنات كانت بتاخدها كان بعد تعبها.. دا طبيعي طارق :بردوه لا مش طبيعي .. بس انا مش عارف يا معتز معتز بعصبيه :ولما انت متبقاش عارف يا دكتور.. اشوف مين يعرف طارق :انت متعصب عليا كده ليه..الاشعه والتحاليل بيقوله كده ..مافيش حاجه معتز :انا ماشي.. وهبقي اشوف دكتور تاني بيفهم طارق :يا معتز. يا معتز اصبر مشي معتز وساب طارق وهو فعلا محتار

………… استيقظت نور بداخل مكان غريب واحساس الألم مسيطر عليها صباح الخير يا نور.. كل دا نوم …………….. . ياترا اي إللي هيحصل بعد كده ؟؟ ده هنعرفوا في البارت الجاي ملحوظه:. فاضل بارتين و الروايه تخلص عاوزة اعرف رأيكم لو لقيت تفاعل حلو هنزل بكرا البارتين الباقين *عارضة الأزياء* *البــ( 8 )ــارت*‍ *9* ………. استيقظت نور بداخل غرفه غريبه واحساس الألم كان مسيطر عليها. “كل دا نوم.. بقالك كتير اوي نايمه يا نور”

قال سيف جملته وهو قاعد على كرسي بجوار السرير مقابل مدفأه قديمة الطراز نور بتعب حوطت راسها باديها : انا فين وايه اللي جابني هنا سيف قام من مكانه وقرب على السرير وجلس بجورها :انا… انا اللي جيتك هنا يانور حبيت انهي العب معاكي في المكان اللطيف دا نور :لعب ايه.. انا تعبانه اوي سيف بابتسامه : عارف انك تعبانه.. بس لازم تفوقي.. انا مليت من انتظارك يا نور.. خدت وقت طويل اوي لحد ماجبتك هنا

نور سندت نفسها بصعوبه وقاعدت على السرير :انا مش فاهمه حاجه.. سيف بسخريه : ما انا جبتك هنا عشان افهمك و احكيلك حدوته قبل النوم نور :هو انت ليه بتتكلم كده.. وفين سالم.. وانت عايز مني ايه سيف : سالم مش هنا.. انا وانتي لوحدنا بس يانور وعايز منك ايه عايز افهمك كل حاجه يمكن في يوم فكرتي فيها .. زي مثلا ليه سالم اتخل عنك او ليه امك ماتعرفيش عنها حاجه

وليه انا ظهرت في حياتك وجبتك هنا ليه نور بخوف : انا مش عايزه اعرف حاجه.. انا عايزه امشي من هنا قالت نور كلامها وهي بتقوم من السرير عشان تخرج من الاوضه دي بس سيف شدها من دراعها و رمها تاني على السرير وكم.م بوقها باديه وقرب وشه من وشها وهمس بشر : هششش.. انتي مش هتخرجي من هنا.. انا جبتك هنا عشان تسمعيني .. يبقى تقعدي بهدوا وتقولي حاضر وبس فاهمه

نور هزت راسها بصعوبه من تحت اديه.. وهو بعد عنها ورجع قاعد قصدها على كرسيه ولفه ليها.. ونور عدلت اقعدها بخوف وبصتله سيف بهدوء سألها :ايه رأيك في البيت دا يا نور…. لما طال سكوتها زعق فيها سيف .. ها ايه رائك نور بصتله بخوف :حلو.. حلو