_فرح هي وعد وانا عاوز اعيش معاها هحبها انها وعد _بس انت كدا هتظلمها معاك وحرام دي بتحبك _مش هظلمها دي هتاخد مكان وعد تبقى مظلومه _كل ست بتبقى عاوزها حبها وحياتها لوحدها بعيدا عن ماضيك _هي مش هتعرف حاجه عنو _ازاي وأبو وعد وأبوها مش هيقولها _هتفق معاه ميقولهاش عادي _وهوا هيوفق _هوا اصلا ميعرفش أن عنده بنت فاها هتجوزها وهتعيش معايا هنا وهوا مش هيشوفها هسفره هوا وزوجته عمره عقبال متجوز فرح
_طب متقولها الحقيقه وتريح نفسك لي اللفه دي _لا انا عارف ان فرح مش هتقبل وابقى كدا خسرت وعد زمان ووعد دلوقتى _اسمها فرح يا جاسر مش وعد وتمام اعمل اللي انت عاوزوا سلام يا اخويا…. مشي يوسف وهوا مستغرب من قرار جاسر المفاجئ انو يتجوز فرح واللي زعله انو واخدها بديل لوعد _ربنا يهديك يا اخويا…. في صباح يوم جديد ملئ بالاحداث المثيره فرح صحيت علي شبشب ابو ورده بتاع الحاجه😂
_كل يوم يا حجه صح _اصحي يا اخرت صبري مديرك برا وعاوزك عملتي اي هببتي اي فرح ببلاهه_مدير مين _جاسر الشاب الحليوة اللي كان بيجيلك المستشفي وفجاه نطت فرح من عالسرير _احلفي يا ماما وفضلت تلف حوالينا نفسها اعمل اي البس اي اكيد جاي يقولي مشوفش وشك تاني بعد اللي قولته انا فقر طول عمري _بتقولي اي يا زفته _هلبس وخارجه _ماشي فضلت تكلم نفسها زي الهبل طب هوا جاي الصبح لي هوا انا للدرجادي مش طايقني وكانت هتعيط
وخرجت وهي باصه في الأرض _كويس انك جيتي يا فرح انا طلبت ايدك من ماما وماما وافقت _اي واغمي عليها من الفرحه😂😂😂 يتبع #بقلمي_يارا_عبد_السلام#عشق_طفولتي الجزء السادس والعشرون فوقي يا فرح فوقي يهبله يا بنت الهبله لا مؤاخذه يا ابني اصلها دائما مجنونه كدا مش عارفه اي عجبك فيها فرح فاقت وفجأة صوتت _عااااااااااا امي بتحرض زوجي المستقبلي عليا لي كدا يا ست الكل _اتلهي الواد حليوه وقمر خساره فيكي يا بومه
_انا بومه كان جاسر واقف ما عليه الا الضحك حتى أنه استغرب نفسه لي بيضحك كدا بقاله كتير اووي مضحكش من وقت مو*ت وعد وافتكرها وكشر تاني فرح قربت منو _هوا انت صحيح هتتجوزني _احم ايوا واجهزي كتب الكتاب الخميس الجاي والفرح الخميس اللي بعده _اي حيلك حيلك دانا لسه ولا جبت حلل ولا اطباق ولا اي حاجه ولا حتى الكتشن ماشين انا مش هتجوز الا بيه ضحك هستيري من جاسر
سرحت فرح في ضحكته _اللهم صلي عالنبي هوا في كدا _هوا اي _ضحكتك حلوة اووي اضحك كدا علي طول _اممممم هحاول _اممممم ماشي اه صحيح انت جيت تطلب ايدي لي _هوا دا سؤال يا مجنونه _حتى انت _اه أصل اسألتك قد حجمك بالظبط يا اوزعه يلا سلام *انا عارف هي عوزا اقولها بحبك بس مش هقدر انا قلبي معاكي يا وعد….. بعد ما جاسر مشي فرح فضلك تتنطط وتزغرط وترقص
_انا فرحااانه اوووووي جاسر هيتجوزني معقول الحلم هيبقى حقيقه وانا هبقى معاه قلبي بيدق يارب انت استجبت ليا الحمد لله علي نعمتك انا بحبه اووي يارب يارب هوا كمان يكون بيحبني…… *لا تدرين يا عزيزتي ما انتي به لكنها مجرد سعاده زائفه…. بتمر الأيام وكل يوم بيمر علي جاسر بيقرب من يوم كتب الكتاب بيحس بوجع والم وزعل كبير مش بيروح الشركه مش عاوز يشوف حد حاسس ان حياته وقفت خايف يحب غيرها متحوصل حول نفسه بيبعد عن العالم مش بيشوف حد عاوز يفرح مش عارف هيفرح بايه وهي بعيد ….
فرح كانت مستغربه تصرفه من يومها مشافتهوش من يومها مكلمهاش بعد فجاه حتى مش بيجي الشركه حست انو مجبور عليها مشافتش السعاده في عنيه مع انها فرحانه واسعد واحده في الدنيا افتكرت كلام تقى لما قالتلها الحب كرامه وهي حاسه انها جت عليها اوووي … جه اليوم المنتظر يوم كتب الكتاب مفيش شغف مفيش فرح جاسر كأنه ميت ميعرفش أن النهارده فرحه رغم حزنه
لازم يرسم الضحكه الزائفة قدامها بس وعد في خياله دائما مبقتش تيجي وكل اللي بيرن في دماغه كلامها ليه عن فرح وأنها العوض هوا لي مش عارف يفرح ذنبها اي وهي حاسه انو بعيد هي بنت ولازم تحس بالحب … فرح مستغرباه حساه عاوزها ومش عاوزها هوا لي بعيد رغم قربي لي وحبي ليه انا عوزا أقرب وهوا بيني وبينه مسافات هوا دا الحب يا فرح اللي عوزاه جربتيه لا بس انا هحارب وهوصله ممكن يكون لسه مخدش عليا ولا حبني وانا لازم احببه فيا واقرب منه …
في اليوم دا اتجمعت الصحاب والاصدقاء والاحباب المقربين ومراد (لو تفتكره صاحب جاسر وكان ماسك شغله)نزل من اوروبا بعد مصفي الشغل ونزل يعيش في بلده اللي وحشته والغربه واستغرب لما لقى يوسف بيعزمه علي كتب كتاب جاسر هوا كان عارف ان مراته ماتت وجاسر بيتجوز تاني …. جه المأذون وكان خالد وكيل فرح❤️ وبدأو المراسم وانتهى ببارك الله لكما وبارك عليكما وجمع بينكما في خير…. فرح كانت منتظره حضن كلمه حلوا اي حاجه زي مبتشوف في الأفلام بس طبعا كالعاده تقريبا تجاهلها
_هوا الواد دا متجوزني لي ماشي يا جاسر يا ابن أم جاسر أما وريتك مبقاش انا فرح ..(يا تري ناويه علي اي فرح😂😂😂) خالد قرب من تقى _اي رايك نستغل الموقف ونتجوز علشان الصراحه كدا كتير انتي مش مخلياني المس ايدك حتى _علشان حرام وانا عوزا ربنا يبارك لنا _طب انا هكلم والدك ونتجوز ومش عاوز اعتراض علشان نكون علي راحتنا اكتفت انها تبتسم وبصت في الأرض راح خالد قال لوالد تقى وبعد محايلات وافق
وتم كتب كتاب تقى وخالد❤️ خالد قام ووسطهم كلهم حضنها وقال _اخيرا فزت بيكي اخيرا بقيتي مراتي حلالي انا بحبك والكل فرح وسقف وفرح كانت واقفه هتعيط هي لسه مكتوب كتابها لي محصلش معاها كدا لي مقالهاش بحبك !؟ لي القدر مستكتر عليها الفرح دائما وخرجت برا في البراندا تشم هوا يوسف كان واقف قرب منها _انا عارف مالك علي فكره _ازاي _علشان باين بس انا عاوز اقولك أن ماضي جاسر مش سهل وانتي هتدخلي في حرب معاه
_حرب؟ _ايوا حرب الحب تسمعي عنها _لا هوا الحب ليه حرب _ايوا لما يكون قلبك متعلق بالماضى وعقلك عاوز ومحتاج الحاضر تبقى حرب صح _ايوا بس دا اي لازمته _مش ضروري هتعرفي بعدين بس اهم حاجه تكوني قويه وتحببيه فيكي وتقربي منو انتي وحاولي تنسيه الماضي _اممممم هحاول بس اخوك شكله تقيل _انا عارف انك تقدري _يارب فضلت تفكر اي الماضى اللي مر بيه جاسر خلاه مأثر علي الحاضر وعليها معاه ….
جاسر كان حاسس انت حياته هيلدا فيها صراعات والحرب هتشتغل بعد اسبوع بالضبط هتكون شبيهة حبيبته معاه في البيت يا تري هيقدر يستوعب يا تري هيقدر يعيش معاها هوا اللي عمل في نفسه كدا بس لازم يواجه وهوا عارف ومتأكد أن مفيش حاجه هتأثر علي حبه لوعد…. عدي اليوم دون إحداث تذكر في صباح يوم جديد كان مراد بيجهز نفسه علشان ينزل الشركه وافتكر زكريات زمان والبنت اللي كان بيحبها ايام الجامعه وهي سابته وراحت اتجوزت بسبب أهلها ضغطه عليها وهوا كان لسه صغير بيكون نفسه
*انسي بقى يا مراد وعيش حياتك هي زمانها عايشه وعندها عيال دلوقتي من وقت اللي حصل وانا كاره اي علاقه خايف اتخذل تاني بس ازاي وانا تحت سيطرة نفسي …. وخرج ونزل ركب عربيته وهوا في الطريق شاف بنت جميله لابسه خمار بتعدي من كتر سرحانه كان هيخبطها فوق يا مراد وفرمل العربيه علي اخر لحظه ونزل واتفاجئ _ملك!؟ _مراد….. يا تري اي اللي هيحصل…. #بقلمي_يارا_عبد_السلام#عشق_طفولتي الجزء السابع والعشرون
_ملك _مراد _مراد بتوهان:اتغيرتي يا ملك _الزمن يا مراد عن اذنك علشان مينفعش أقف معاك كدا عن اذنك وسابته ومشيت مراد فضل يفكر *معقول دي ملك معقول لا ازاي دي ملك اللي كانت بتمشي في الجامعه تسلم عالكل شباب وبنات دي ملك اللي كانت بتلبس لبس يظهر أكثر ما يخفي دي ملك اللي كانت بتصاحب شباب وعايشه حياتها بيس كدا يا تري اي غيرها ممكن تكون اتجوزت وجوزها غيرها
بس ازاي دي كانت اصغر مني واول لما دخلت الكليه كانت بتتكلم معايا عادي وكانت مصاحبه حبيبتي وكانت بتبقى معانا دائما معقول الزمن ليحول الشخص كدا حولها من واحده ضاربه الدنيا طناش وعامله دماغ لواحده كدا بالجمال كدا والحياء دا انا كنت طول عمري نفسي في بنت كدا لكن مكنتش متخيل أن ممكن واحده منهم كانت حاجه وليها ماضي وتتحول كدا انا مبسوط جدا اني شوفتها حقيقي هي بقت جميله جدا…..
راح الشركه وكان طول الوقت بيفكر فيها وفي شكلها ومستغرب الموقف ومستغربها هي نفسها معقوله التحول الجميل دا انا حبيتها بجد❤️❤️ عند فرح كانت تايهه مش عارفه رجليها مودياها فين هوا دا الحب اللي كنت بقرا عنو هوا دا الحب اللي يشوفه في الأفلام والمسلسلات وبقرا عنو في الروايات اه الروايات انا طلعت مخدوعه جدا بيصورولنا حاجه جميله وانا مش عايشاها لي يا جاسر اتجوزتني لي لي عملت كدا ومعني كلام يوسف أن كان في حد في حياتك وانت اللي هعوضك وانا اللي هعمل لنفسي شخصيه بس ازاي….
لبست وراحت الشركه لجاسر دخلت بدون استئذان _مش تخبطي _لا انا بقيت مراتك ادخل براحتي قالتها بعفويه لكنه هذه الكلمه هزت كيانه جعلت لسانه غير قادر عالحديث وحاول إنهاء الحديث _عاوزه اي يا فرح _عاوزه اي!؟ لو قولتلك وحشتني وبحبك هتقول اي جاسر واقف مش عارف يتكلم يرد عليها يقول اي مش عارف مش قادر خلاص قربت فرح منو ووقفت قدامه مباشرة وبصت في عنيه _بصلي يا جاسر
_فرح ارجوكي امشي دلوقتي _لا مش همشي انا بحبك جاسر يصلها وهوا تايهه _انا عوزا اعرف ليه التوهان انت مش بتحبني لوهله تخيلها وعد ملامح وشه استرخت وارتاحت وبصلها في عينيها _انا بحبك فرح فرحت جدا وقربت جامد وحضنته _اخيرا يا جاسر أخيرا وانا كمان بحبك يا حبيبي جاسر فاق للي قاله وافتكر أن اللي قدامه فرح مش وعد وندم انو قال بحبك لواحده غير حبيبته وزوجته بعد عنها بسرعه
وبتوتر:معلش يا فرح امشي دلوقتي علشان محدش يدخل _حاضر وباسته من خده ومشيت وهي في قمه السعاده *اخيرا قالي بحبك وانا كمان بم*وت فيك يا قلب فرح الدنيا كلها بقت بانبي ووردي وكانت اسعد واحده في الكون هل الفرحه ستستمر…؟ جاسر ظل تائه لوهله يؤنب نفسه لأنه يظلم تلك المسكينه معه لأنه يحب وعد وغير قادر علي النسيان وسيقضي علي حياة تلك المسكينه دون أن يدري فهوا يري الحب في عينيها فهل سيحبها يوما ما
هل سيقدر علي العيش معها هل سيبني معها أحلامه مثل وعد اه وعد تلك البريئه التي أخذها القدر منه كان ومازال يحبها بشده ظل يدعي ربه أن يريح قلبه ويجعل له الخير وقام وصلى وفضل يدعي وبعدين جلس ليكمل شغله…. …يا تقى كفايه لف بقى انا رجلي ورمت انتي مزهقتيش بقالنا 8ساعات بنلف علي فستان واحد حرام عليكي كنتي هاتي فرح ولا ماما معانا _لا انا عوزا احنا اللي نعتمد علي نفسنا
_بالطريقه دي مش عاوز انا اتمرمطت حرام عليكي بجد _ههههههههه يا حبيبي خلاص اخر محل دا متزعلش _حاضر وتديني بوسه _لا يا اخويا بعد الجواز _خلاص هي بعد اخويا دي اتاكدت اننا مش هنكمل مع بعض يا تقى اخوكي مين يا روح امك امال حضن كتب الكتاب دا كان اي حضن اخوي _هههههههههه اسفه يا حبيبي _ايوا كدا اتعدلي يلا قدامي ودخلو المحل _حلو دا يا خالد _لا بس مفتوح من عند الرقبه شويه مينفعش غيره
_شوف انت اللي بتعترض ازاي _مهوا انا والله مش متجوزك علشان ابين جمالك وحلاوتك دا ليا انا مش لاي حد رايح جاي كدا _طيب اي رايك فاللي هناك دا تحفه ومقفول خالص وهلبس حجاب _ايوا كدا دا ذوقك _احم منا كنت بقولك كدا علشان اشوف رد فعلك _والنبي اي يعني انتي يا تقى بتشككي في حبي ليكي _لا طبعا بس دايما ببقى عوزا أو محتاجه اتاكد هتفضل تحبني كدا علي طول يا خالد
_طبعا يا قلب وروح خالد انا كنت بدعي ربنا بيكي معقول اخلف وعدي مع ربنا _بحبك _وانا بمو*ت فيكي…. في المساء ظل مراد يفكر في ملك ميعرفش اي اللي جذبه ليها ممكن تكون متحوزه بس هوا مشدود ليها وجه في باله حبيبته القديمه فنفض الفكره ونام وهوا حتى ميعرفش اي غير ملك هوا نفسه يعرف… _مش عوزا فرح يا يوسف _لي بقى أن شاء الله هوا مش احنا هنتجوز مش عوزا تفرحي يا ساره
_لا مش عوزا فرح كفايه عليا انت _لي يا ساره _انت عارف ان اللي بيتعملها فرح دي بتبقى بنت ومحدش لمسها و.. _بس اي هوا انتي مبتزهقيش كل لما اقول خلاص هتكملي معايا وتنسي تفضلي كل شويه تعيدي الكلام دا حرام عليكي بقى ومشي وسابها وهي فضلت تعيط لأنها كل لما تفرح لازم تحط ماضيها عقبه قدامها …. مش قادره تعيش مع الإنسان اللي بتحبه نفسها تعمل فرح بس هي حاسه انها متستحقش الفرح دا مش من حقها تفرح زي الناس ….