= اسكتي ..مش طلع متجوز مرتين، الأولى مراته ما.تت، و التانية ما.تت بردوة و مخلفش . _ و ماله . = و فى سمعة كدة ؟! خير اللهم أجعله خير، أنه بمو.ت أي حد يقرب منه . _ و ماله . = و أنتِ يا بنتي لسة صغيرة، خليكِ عايشة معانا ؟! _ و هقعد من غير شغل ؟! = بسرعة : لا مينفعش تقعدي من غير الشغل ؟! _ لية ؟
= بتوتر : ها ..عشان..عشان ..أة ..عشان تصرفي على نفسك . _ أنتِ شايفة أن عندي كام سنة؟! أنا قربت على الثلاثين . = بردوة لسة صغننة . _ بجد ! = بجد ..و قمرين كمان مش قمر واحد، هو فى حد زيك . _ ماشي يا طنط ..هو هيجي أمتى ؟! = لسة مصره بردوة…هتمو.تي يا بنتي . _ لا ..ما أنا هطفشه . = بفرحة : هى دي بنتي إلِ أعرفها …متوفقيش خالص .
_ حاضر . خرجتها من البيت بالعافية …كنت بحسبها مرات عم كويسة و كنت بساعدها بجزء كبير من مرتبي ..بإعتبارها أمى، بس كالعادة ..مش هاممها غير نفسها، قفلت باب الشقة و أنا بسند بظهري على الباب ..قعدت وراه و أنا بعيط، لية يا ماما أنتِ و بابا سيبتيني كدة ؟! لية ؟! حياتي بايظة ؟! و بيتقال عني عانس، دة كله عشان عندي ٢٧ سنة، نفسي أفهم لية ؟! سمعت صوت الباب بيخبط تاني …مسحت دموعي بسرعة و فتحت الباب و بصيت بملل، كانت مرات عمي طنط حشرية .
= نعم ؟! فى حاجة ؟! _ الحق عليا أني جاية أقولك..تعملي أية ؟! = أنا عارفة هعمل أية ؟ متخافيش ! _ أنتِ زي بنتي ب….. = يمكن أنام شوية . _ نامي . قفلت الباب بعد ما لقيتها واقفة متنحة ليا، هى السبب ؟! حياتي باظت ! كل حاجة فى حياتي خربت …سمعتها و هى بتتكلم بنرفزة برة ..بس مردتش . _ قليلة الأدب ..بتقفل الباب فى وشي .
ابتسمت بألم و دخلت أشوف هعمل أية ؟! وقفت فى البلكونة و أنا بكلم نفسي بغضب، دي عادة فيا…دايمًا بعملها عشان أفضي إلِ جوايا …أنا فرفوشة يا جماعة ..معلش ..شكل حتة النكد إلِ فى الأول قصرت . = بتذمر : أة ..ما الست هانم يعجبها دة كله و تقعد تشتم فيا، اة ..ما هى….. هى حشرية فعلا …بتجيبة منين ؟! روحي يا فاطمة ..تعالي يا فاطمة، أمشي يا فاطمة …أقعدي يا فاطمة، فاطمة …فاطمة ..فاطمة …أوف، أقتل نفسي يعني ولا أية ؟!
نكشت شعري بغضب ..بس شكلي بيبين أني طفلة لما بعمل كدة ! سمعت صوت من ورايا، و دة صوت جاري زياد . = بضحك : فظيعة فى كل حالاتك . المفروض أنا كا بنت أكسف و اختشي على دمي، بس بصيتله و أنا ماسكة السكينة و بضيق عيوني . _ بص بقا يا نصة، أنتَ أكيد سمعت عن الست إلِ قتلت جوزها صح ؟! أنا بقا هقتلك و أعملك كفتة .
رفع إيده بإستسلام و هى بيبين أنه خايف . = أية يا بنتي؟! أنا صاحبك مش جوزك . نفخت و أنا مربعة إيدي . _ نفخنا ..يبقى فى حاجة كبيرة قولي ؟! = طنط حشرية ..قصدي مرات عمي، قالتلي أن فى عريس . _ و دي حاجة تزعل. = ما هى حطت التاتش بتاعها و أنتَ عارف بقا . _ ضحك و قالي : و أنتَ متنرفزة عشان أية بالضبط ؟!
= عشان كل حاجة . _ طيب هى قالتلك عليه أية …مثلا ! = قالتلي أنه متجوز مرتين ..و بيموت أي حد يتجوزه تصدق . _ بجد ؟! = إذا كنت أنا مش مصدقة . _ لا ..ربنا معاكِ . = سحر مراتك عاملة أية؟! _ حامل أهية ..أدعيلها ربنا يكرم . = ألهي يا رب تولدي يا سحر على خير و يجيلك الطلق بسهولة . فجأة سمعوا صوت سحر بتصوت و تقول إنها بتولد.
فاطمة بصيتله ببراءة : هو أنا عكيت .