دخلت غيرت وطبعا بدال فستان يبقي احمر علطول ، انا بحب اللون ده اوي يجدعان تخيلو حياه من غير احمر ك بنت من غير اكل مثلا احساس بشع حقيقي … وطبعا طرحه سُكري عشان تسكرها ها ها اني اسف وتقلت ميكب بقي عشان بعد كده يقول من الاول وميعصبنيش وطلعت اتهزقت وتشتمت وتحلف عليا ما انا خارجه ومسحته تاني عادي جدا ، محدش يدايق الضباط لانهم نرفوزه اوي وحسبي االه ونعم الوكيل .
ناردين : كده كويس ريان : اي الجمدان ده يمان ناردين بثقه ودعابه : ديما شياكه فياا ريان بمزاح : جي جي جي شياكه ، جي جي جي اناقه جي جي جي شياكه جي ناردين : هههه ” قرب السياره ” ناردين : ريان ونبي انا اسوق ريان : بتقولي حاجه مسمعتش ؟ حد بيتكلم ؟ ناردين : بطل رخامه بجد ، بالله عليك عشان خاطري ريان : لما تجوزي سوسن ابقي سوقي ، اركبي يختي
ناردين بصوت منخفض : ول انك قمر والبدله مثبتني كنت زعلتك دلوقتي ريان : بطلي رغي وكلام في نفسك زي المجنونه ويلا سرعي شويه ناردين : لما اتكلم من بقك ابقي حسابني ريان : هطلعلك ؟! ناردين : خلاص دخله براحه خُفت ركبت جمبه وانا مربعه ايدي وحلفه انكد عليه ، كنت عايزه أبهره بسواقتي المعوقه ويشتمني واكسر لي العربيه ويتبره مني بس اكون طلعت الاندبندد الي جويا ، شوف مين هيكلمك تاني بقي ، ثانيه هو بيعمل ايه ؟
ناردين بستغراب : في حاجه يا ريان ؟ ريان : لاء لي ناردين : اومال لابس نظاره شمس لي ! ريان : اتقلي كده وهتعرفي قفل ازاز العربيه كلو وفتح الدرج وطلعلي نظاره تانيه غير الي لبسها وشغل اغنيه علي اعلي صوت و شتغل هيبره ، اي ده في اي ؟! ريان : اي ده اي ده اي ده هو اي الي اي ده اي ده هو في كده كده
ايوه في كده كده ناردين بخضه : مالك يبني في اي ! ريان : بصي انا فاصل والمود طالب معايا اغاني ، ولما بكون رايق بعمل كده فعيشي بقي بمزاج وفصلي معايا حافظه ول اقلب ؟ ناردين : حافظه امها شخصيا ريان : ههه ايوا بقي يلا لبست النظاره زيه واشتغلنا رقص وغني وهزار ، ووقتها اكتشفت فيه شخصيه جديده خالص ديما بيبهرني ويخليني احس انه مختلف عمرو ما فشل يضحكني ول يخلي قلبي ينبض
قالولي انه الزوج الفرفوش رزق بس انا اول مره اجرب فعلا وما اجمل التجربه … امام الفندق … ريان : بصي قبل ما ندخل محتاجين نتشاور مع بعضينا كده ناردين : استر قلبي مش مطمن ليك من وقت ما خرجنا اصلا ريان : طبعا يختي ما انتو عندو الحاسه السادسه زي القطط ناردين : مبهزرش ! ريان : هو مش عارف اجبهالك ازاي بس فرح ساره انهارده واحنا بالفعل قدام القاعه
ناردين : امم ساره ! يا قلب ساره ، البطل ريان بضحك : بظاابط ، شايفه نيتها كانت شريفه ازاي ناردين : هي كلمتك تاني ورديت عليها يا ريان ؟! ريان : والله ابدا هو الي عزمني ، كان معانا في نفس الكتيبه القديمه ناردين : امم بحساب ريان : بس يا بخته طبعا مفيش كلام ناردين : الصراحه يا بخته فعلا البت جامده ، معكش رقم تلفونها ريان بضحك : الله يخربيتك !
ناردين : اصل ده جسم متعوب عليه ولازم ناخد منها بعض الخبرات ريان : للاسف مش هنلحق الطيار بتاعنا هياخدها ويسافر ناردين : اوباا ! هو طيار وضابط تلقي متريش لكعوب رجليه ريان : الراجل هيتحرق من كتر النم عليه قومي نعدي اليوم بالله عليكي ناردين : مش عايز واحده اقصر شويه ، الشرع محلله اربعه عادي ريان :…. ناردين : متقلبش كده بالله ! بخاف وربنا ! طيب انا اسفه والله
ريان بجز علي اسنانه : انزلي خلينا نخلص واذا فكرتي تهزري في حوار زي كده تاني هنقلبه عذاء ناردين : لاء ضابط ضابط مفيش كلام ريان : ناردين ناردين: خلاص والله سكت اهو دخلنا وكان في جنينه واسعه كده بندخل منها الاول بعد كده لقينا القاعه قدامنا ، كل الانظار التفتت علينا ومن اغرب الحاجات الي شوفتها مجموعه كبيره من الشباب قامو ووقفو واقفه عسكريه اوى ما شفه وشاور ليهم يقعدو فقعدو
عرفت انه له مكانه كبيره اوي في مكان الشغل بس اول مره احس ب هيبته دلوقتي ، ولاه انت قماار لي وفي عز ما انا سرحانه وحسه بالفخر بيه يسبني في حالي لاء ازاي ينكد عليا طبعا ريان بمزاح : بنتي ماشيه جمبي ، كنتي لبسي كعب اعلي شويه توصلي كتفي حتى ناردين : ريان بطل اوفر وعند فيه.. وألا اقلع الصندل خالص وموصلش لعند كتفك فعلا خصوصا اني بلق زي المسمار ومستحملني فسكت
ريان : ههه اكتر واحده بتحب تتنمر علي نفسها بجد ناردين : تيجي مني احسن ما تيجي من الناس ريان : مهما حصل قلبي واحلي واحد شوفتها في حياتي ناردين : احم طب اي العسل ده بقي ريان : ههه وفي عز الانسجام الي بينا واحد بارد شور ليه فقعدني علي كرسي قريب من نظره كده واتجه ليهم كان روحه حلوه جدا وكأنه شخصا تاني متجه ليهم ، جدي ، واثق من نفسه ، وعينه مفهاش ذره حنان
عرفت انه بيضحك معايا بس وعينه بتلمع وبتتملي حنان لما يكون برضه معايا بس وهزاره وجنونه و طبيعته وكل حاجه تخصني انا ولوحدي فضحكت ومعرفش وقتها علي جماله ول بختي الي وقعني فيه … جيه ناس كتير وسألوني انا مين وقلتلهم مرات ريان فؤاد ولقتهم كلهم مصدومين ومبسوطين ومرات الضابط ريان بجد ! وبدل ما كنت قاعده لوحدي بقيت التربيزه بتاعتي مليانه وحقيقي كان يوم قمر بيهم …
” تنظر لريان فيشاور لها ب هاتفه فتفهم وتفتح الهاتف ايضا ” محادثه واتس .. ريان :”متيجي نهرب ” ناردين : ” موافقه طبعا بس بعد البوفيه ، انا جيه اكل وامشي اصلا ” ريان ” لاء ده شيئ اكيد خصوصا اني بقيت باكل الحاجات دي مره كل اسبوع ها ” ناردين :” واضح انه في تلقيح عليا جامد ” ريان : ” يكون البعيد يحس بس ” ناردين :” لاء مبحسش واقفل عشان ال 100 فلاكس الهديه مش يخلصه ، انا فودافون دي قلبي اوي ”
ريان :”يلا يا جلده ” ناردين :” شكرا خالص ” “اثناء البوفيه ، الاكل ” ناردين : بص انا اصلا مش جعانه ريان : بعد تشمير الايد بشكل ده انا مش متفائل ولو بجنيه ناردين : والله يبني انا ما ليا في الاتيكيت والجو بتاعكو ده خليك انت في الشوكه والسكينه بتاعتك دي وانا خليني في طرتيف صوابعي ريان : ناردين متفضحناش ابوس ايدك ! ناردين : والله يا ميمس جعانه خليها عليك
ريان : خليها عليا ! ناردين متهزريش ناردين : الا قولي صحيح في جاتو بعد الاكل صح “بطريقه مصطفى خاطر ” انا بحب الجاتو اوي ريان بضحك : عارف يختي ناردين : انت تروح للعريس وتقولو اخر تورتين يلزموني وانت تاخد واحده وانا واحده ريان : واحنا كنا من بقيت اهله ناردين : يا عم تخيل ريان : تخيلت اننا هنطرد من ام القاعه دلوقتي وكوني طفسه في صمت لو سمحتي عشان صدعت
ناردين : ضد المتعه انت اصلا ” يصمتون قليلا ثم يضيف ريان مزاحا ” ريتن : عايزه التورته عليها ورد ول من غير “يقومون بضحك ” خلصنا اكل وسلمنا علي العرسان القمر وبصتلي وضحكت كده فضحكت معاها ، وهو طيار فورتيكا الصراحه احم ونتلم بقي جيه وقت الضلمه ورقصه ال سلو ولاني اخترت نفس الاغنيه وكنا مختارين شبه ديكور القاعه دي فكل الزكريات اتجمعت قدامي كان نفسي اوي افرح واعمل كده وميتكسرش بخطري اليوم ده بس زعلي وقتها كان مفرحني وبعترف بده لانى وقتها كنت هعمل كده مع شخص الغلط وكنت هسيب الشخص الصح ..
ولقيت اجمل واحن ايد بتلمسني وقتها بكل الخوف والحب وثبات الي في الدنيا وانا ببص في عيونه وبقول بكل ثقه ، هو احسن من اي فرح. ريان : يلاا ناردين ببتسامه : يلا امام الكافيه … ناردين : انت وقفت هنا لي ؟ ريان : هدوقك احسن قهوه ممكن تشربيها في حياتك ، انزلي يلا ناردين : ننزل يا عم عادى ريان : علي الدور التاني وانا هجبها واطلعلك
ناردين : دور تاني ؟ يتبع… Rahma Ayman#كان صديق زوجي 17 ناردين : دور تاني ؟ ريان : السلم الي في جمب ده اول تربيزه ، دقيقه وجي شورلي علي السلم ودخل الدور الاول وتجه لنادل عشان يطلب وانا طلعت فوق وحرفيا انبهرت ! كان مكان مكشوف وعليه سور حديد زي السطح بظبط بس في نجيله وانوار هاديه ومريحه للقلب والعين . كان في كراسي وتربيزات وناس خفيفه ومروقه
اتنين مسكين ايد بعض وعيونهم بتنور من الحب واتنين محتارين ومشغولين بإبنهم الشقي الي مركزين عليه ونسين نفسهم بيه واتنين كمان بيتخانقو وشويه وهيشدو شعر بعض وكاني بشوف الحب من جميع الاتجاهات بطرق مختلفه وبتامل ، معقول في قصه منهم زي قصتي ؟ اكيد لاء. اتمشيت شويه ووقفت عند السور وانا مغمضه عيني والهوا بيخبط فيا من كل اتجاه وببتسم بخفه علي الاحساس الي عمره ما عشته قبل كده غير دلوقتي ، ولقيت حاجه دافيه علي كتفي فلفت بسرعه .. لقيت الدفه كلو .
ريان : اي رئيك في المكان كنت واثق انه هيعجبك ناردين بضم الجاكت إليها : حركه مسلسلاتي اوي الي انت عملتها دي ريان بمزاح : شوفي انا احب اوي اطلع مع الترند “ينظرون لبعضهم ويضحكون بخفوت ثم ياتي النادل عليهم بالقهوه ” النادل: القهوه يا باشا ريان : شكرا يا متر نزلهم علي التربيزه دي احنا جاين اهو النادل : تحت امرك . ناردين بتحرك : يلا
ريان : لاء ثانيه واحده خليكي واقفه زي ما انتي ناردين بفضول : في اي ؟ ريان : هقلك اتحرك علي التربيزه وجاب 3 كراسي من هناك وحط اتنين قصاد بعض قدام السور و واحد في النص للقهوه وشولي اقعد وحقيقي موت ضحك كأننا بنشرب قهوه في البلكونه مثلا ريان : اي رئيك ناردين : انت مجنون ريان : ديما لما اجي هنا بجيب القهوه وكرسي وقعد هنا واعيش بقي
ناردين بتريقه : باقي الست ويكون اخر رواق ريان : طلباتك اومر ، عندي مجموعه تجيب من الاخر ناردين : ههه مش بقول مجنون . شغل التلفون ووطي الصوت وقلبه وقاعدنا بقي بمزاج وكاني اول مره اشرب قهوه واشوف نجوم واشوف قمر بيقعد عادى علي كراسي . هو لو العشق حياه فانا حبيتك قد الكون ، فاي ممكن يجي بعد العشق اوصفك بي ؟؟.. _____________ ناردين : كنت بتيجي هنا كتير ؟
ريان : امم ديما لما اكون مدايق بجي هنا مع القهوه و السجاره واظبط المود عشان اقدر أقاوم لتاني يوم ناردين : انت كنت بتشرب سجاير ! ريان : ينهار ابيض ! كنت حريقه ناردين : لي كده؟ ريان بشرب القهوه ونظر امامه بتجاهل : كنت بحب واحده مش وخده بالها مني ناردين : احم ” يارتني ما سالت ” ريان : ايوا ايوا داري وشك بيدك هه ناردين : انا مش فهمه انت بتكلم عن اي اصلا
ريان : يسلام ، ماشي يا ست ناردين ناردين : وبعدين اي الي حصل ريان : الي حصل اني عمري ما كنت ضعيف قدام حاجه ، وديما بحاول اتحكم في عصابي علي حساب اي حاجه في الدنيا ، فلاما ابطلها واكون قد كلامي لاما اخسر كل حاجه وديما ماشي بالمبدأ ده في حياتي وعمرو ما ضيعني خصوصا اني امي شتمت نفسها وهي بتكلمني لما عرفت ولو فكرت ارجع البيت يبقي ارجع موقف اي قرف بضربه ، هي قالت كده
ناردين : حلو مبدئك عشان كده دخلت شرطه ريان : عمري ما فكرت ادخل شرطه اصلا ناردين : اومال ! ريان : كنت بحلم اوي ادخل هندسه وتخصص ميكانيكا كنت احب اوي التركيب والفك والعربيات واي حاجه تخص الرياضه ودخلت علم رياضه وكنت فاشل طبعا بس عرفه الناس الي تزنق نفسها اخر شهرين كده وضغطت علي نفسي وجبت 89% وده كان رقم وقتها ناردين : ومازال رقم واله ،نوره لو جابت نص دول يبقي حلو بطاراق شوقي الي معلم عليهم دول
ريان : دول جيل في الطروه والله ناردين : هقول ل نوره تهزقك ريان : حبيبتي نوره مش هتعملى حاجه ناردين بديق : امم طيب كمل يا عسل ريان: ههه المهم يا ستي طولت هندسه عادي الا انه الدهشوري يعترض ويجب العيله كلها تعترض معاه وادخل شرطه غصب عني والي حصل بقي ناردين : بس انت ناجح جدا في شغلك ريان : لاني تقبلت ده بعد كده ! لازم تحب الي انت بتشتغل فيه عشان تبدع فيه عشان تنجح فيهوده الي عملته .
ناردين : وبعدين ريان : بعدين يا ستي اعرفت انه ده مكاني ، ده الي انا لقيت نفسي فيه ، تعرفي بابا مساعدنيش غير اني ادخلها بس وبعد كده كملت لوحدي واعتمدت علي نفسي وكان لازم وقتها افرق بين حياتي الشخصيه والعمليه واعتقد اني نجحت ناردين : لاء متعتقدش انت نجحت فعلا يسطى ريان : ههه وانتي ناردين : انا بقي دخلت علم علوم و… ريان لاء مش قادره هي نوره مين الي حبيبتك معلش ؟
ريان : يا تافهه ناردين : مش تافهه بس انت اصلا مقلتهاش ليا قبل كده و…. “يبعد ريان الكرسي الثالث ويمسك كرسيها ويقربه لها حتي تكون امامه وينظر لها ببتسامه فتنظر للارض بتوتر ” ناردين : احم ريان ! ريان : عيونه ! ناردين : يبني بقي ! ريان : تعرفي اني قدرت اسيطر علي كل حاجه ، شربي لسجاير ، نجاحي في شغلي ، بس مقدرتش اسيطر علي مشاعري ول حبي ليكي واقول لقلبي ابن جزمه ده الي زي صحبه كفايه .
ناردين : هقول لصحبه انك بتشتمه ريان بتقرب لها اكثر قليلا : هتقوليلو اي ناردين : ريان متستهبلش احنا في مكان عام ! ريان : سقعان ناردين : تاخد الجاكت ريان : تؤ عايزك انتي والجاكت ناردين بنظر لعينه : نهارك بيضحك ، انسي ريان : ههه “يقرب لها ويقبل جفن عينيها بدفئ ويضمها بكتفه فتضع راسها داخله ثم تلمس وجهها بيدها بخجل فينظر لها بضحك ثم ينظر امامه ”
ريان : بحبك يا ناردين ناردين : قلت اي مسمعتش ريان : بحباااك يا ناردين ناردين : نهارك ابيض واطي صوتك ! ريان : هتقوليلي وانا كمان ول اقوم اروح ؟! بعترف لنفسي انه امتلكني ، قدر يفتح باب الحب جويا تاني … بعترف انى فرحانه بشكل تاني وبضحكه تانيه وبقلب تاني . ولاول مره اقلها بكل ثقه انه العوض طرق بابي تاني بعد سنين وهو كان العوض ده .
__________________ “في المنزل ، المساء” طق طق طق ناردين : ادخل ريان بفتح الباب : ادخل بجد ناردين : والله علي حسب الطلب ريان : عايز ارجع اوضتي وكفايه تشرد بقي لحد كده ناردين : تؤ السرير صغير ريان : قول والله ناردين : والله ريان : يا ناردين انجزي احنا داخلين علي الشتاء ، اعتبريني زي عيالك ناردين : معنديش عيال ريان : نجبهم ناردين : ريان الاه !
ريان بغمزه : ها اجي ناردين : لاء قلقت ريان : خلاص اشطا جي “بعد ايام ” ريان بزعيق : ناردين .. ناردين ناردين : نعم جايه ريان : هو رامز جيه امتي هنا ومقلتيش لي ناردين : اه صح ده جالك وقالي اقلك سوري ريان : وانتي بتفتحي لي ناردين : لاء يا عم كنت بحسابه انت و…. ” احم استر ” ريان : افتكرتي انا ، طيب تعالي عايزك
ناردين : لاء الي عايزني يجيلي ريان : نجيلك اي المشكله ناردين برجوع للخلف : والله يسطى كنت بحاسبه انت ريان : يعني طلعنا بشعرنا وبلبس البيت ها ناردين : لاء م هو انا لما عرفته دخلت البست اسود علطول ريان : ناردين مش انا قلتلك في ام دائره في الباب بنشوف بيها اي كائن بشري بره عشان منتعرضش لموقف زي ده تاني ول بكلم نفسي ناردين : بنسى والله خلاص هخد بالي خليك فريش بقي
ريان : ربنا يهديني عليكي عشان مزعلكيش دلوقتي ،انا نازل لي وهتاخر بره شويه ناردين : اشطا مش هعمل حسابك في الغداء ريان : تمام ناردين : اه صح يا ريان وهو واقف قال انه في فارسين فهو كان فاهم انه الحصان الاول الي هيفوز فخد علي قفاه وطلع غلطان وتاني الي فاز في الاخر ، فبقلك يعني ريان : رامز قلك كده ! احتمال لو سمع شرحك ده لاما يقع مضحك ، لاما يقتلنا انا وانتي
ناردين : هه انت صح ، صراحه رامز ده شخصيه وعمال زي توم شيلبي في نفسه كده اصلا كل كلمه بتخرج بحساب ول انه بتاع بنات وباد بوي كنت ارتبطت بيه ريان : وانا همسك ليكو الشمسيه حاضر ناردين : ههه يسطى بهزر فك بقي في اي ريان : خلاص بقي سيبك مني عشان اديقت ، هنزل دلوقتي عايزه حاجه ناردين بتقرب له ومسك طرف قميصه : طيب انا اسفه بعد كده هاخد بالي والله
ريان : انا خايف عليكي عرفه ده صح ناردين : امم ريان بتقبيل جبينها : عايزه حاجه اجبهالك وانا جي ناردين : لاء سلمتك ، اه هتجيلي انهارده زي ما اتفقنا ريان : تمام ابقو قفلو علي نفسكو الباب كويس ناردين : حاضر يسطى ريان بغمزه لفك الجو : قلب ال يسطى ناردين : ههه ريان : ههه سلام . مشي وانا روقت المكان عبال ما بوز الاخص تيجي …
سعاد : يا موزة الموزز واحلي مدام فيكي يا منطقه نارين بضحك : ادخلي يا هبله ، ههه تعالي جيبي حضن سعاد : لاء مبحبش التلزيق ناردين : خلاص مفيش دخول سعاد : بتطرديني ! متشكرين يباشا مكنش العشم ناردين : ده الي عندي سعاد بتحريك الكيس من خلف ظهرها : طيب وكده ؟ ناردين : احم تعالي البيت بيتك يروحي ادخلي سعاد بضحك : الطفاسه ههه ناردين : اي مهلبيه الشكولاتات دي
سعاد : هنخلصها سوي قبل ما امشي ناردين : يا صاحب الحاجه وعينك فيها يا طفس سعاد : تاكليهم لوحدك وبطنك توجعك ول توافقي ناكلهم سوى بزوق ناردين : لا وعلي اي ناكلهم بزوق سعاد : ايوا كده اظبط ناردين : ناس سعرانه اباشا “يضحكون ” في الصالون …. يتبع … Rahma Aymanفي الصالون سُعاد : حقيقيةالبيت جامد زوقه تحفه ناردين : زوق فدوش يختي سُعاد : مين فدوش ؟!
ناردين : احم مش عارفه اجبهالك ازاي بس تقريبا حماتي سعاد : اوبااا ده بينو مامته حلوه بقي ناردين : عسسسل دمها خفيف وشبه وكلو بخاف منها كده وعلاقتها بيه لوحدها كوكب لوحده سعاد : طب الحمد لله يشيخه ، انا كنت بكره حماتك كره يقطع سيرتها ابتسمت ابتسامه خفيفه وانا بفتكرها وبقول بكل رضى، الحمد لله اني خلصت منها . سعاد : اه صح ي حب متعرفيش حاجه عن راجح لسه ؟
ناردين : بلا قرف يقطع سرته علي اليوم الي عرفته فيه سعاد بغمزه : ايزا بقي ريان ملى مركزه في قلبك يسطي ناردين : متتلمي يا بت سعاد : ماشي يا ستي بس عندي فضول هيموتني “بغمزه ” حصل تقدم ول اي “تحدف ناردين عليها الوساده بغضب ” ناردين : هروح اشوف المكرونه تمام ول لاء عشان مرتكبشريمه ها سعاد : جيبي مايه معاكي يا بت ؟ ناردين : غورى
في الكافيه… ريان بمصافحه : الملك رامز برد المصافحه : باشا مصر ريان : لي جيت المكان القديم ؟ رامز : لانه قديم ريان ببتسامه : شكلك ناوي علي مشاكل رامز : بالعكس انا ناوي علي كل خير ريان : …. رامز : جرب ؟ ريان : بطلت وانت عارف اني بدايق من الحركه دي صح رامز : خلاص يا عم بنعرض عليك بحسن نيه يعني ريان : نيه وسخه
“ينظر رامز له ويبتسم ببرود فيضحك ريان فيضحك معه ” ريان : اخبار ايطاليا رامز : قولي اي اخبار بنات ايطاليا ريان : بمهدلك يسطى قاطع برزقك لي رامز بغمزه : احب الدُغري انا ريان : عندك كام ولد غير شرعي يلا رامز بضحك : خمناشر ريان : قليل علي صحتك برو رامز : بدل ما ادبس بجوازه ول انت اي رئيك ريان : خليك كده لما اخدك انا علي السجن بنفسي والكلبش ينور في ايدك كده
رامز : بتحور لي وانت فاهم قصدي ريان : لان انا وانت عارفين كويس اني مش مدبس ول حاحه بالعكس ده كان يوم حظي رامز : ونخسر بعض مش كده ريان : هو انا سبب ول هو ؟ في حد يعمل كده في خطبته يوم فرحهم غير عيل رامز : ولما حصل اتفاق من سنتين كنتو عاقليم برضه ول عيال ؟ ريان : رامز ! متفتحش في القديم رامز : تعالي نروح مطعم ناكل ونشوف الحوار ده بعدين
ريان :……. علي السفره… سعاد : الله يت ست الله يا فنانه ! لاء اطورنا ناردين : ميرسي كتشير سعاد : طول عمرك وانتي شيف المنطقه ، مكرونه برفكت ناردين : ايدك علي تمنها سعاد : هخلص اكل ورد عليكي حاضر . ____________ سعاد : النسكافيه جامد ، بس غريبه مكنيش بتحبيه ! ناردين : هو بيشربه علطول فعودنى عليه وقلي علي الطريقه ددي وعجبتني سعاد : واحد ريان بليز هنا
ناردين بضحك : اسكت يا سنجل اوحدي طرف الحب سعاد : انتي بتتريقي علي حزاني ناردين : اااه سعاد : متشكره اوي بكره لما يطلعلك حبايه في وشك متزعليش بقي ناردين : لسه بتحبي يا بت