سعاد : يخربيته بعشق امه هو تقله ده الي مكسر مقديفي ناردين : مفيش راجل تقيل اكتمي ، انتي مش في دماغه سعاد : يا ناردين بقي بطلي تحبطيني ناردين : لازم احبطك يختي و سيبه ادهم الي هيموت عليكي وبتحبي واحد متجمد الشعور والحواجب سعاد : ملكيش دعوه بحواجبه ناردين : اتنيلي سعاد: والله يا ناردين محتاره ، بقي الموضوع تعبني وخصوصا انه طول واوي وعملت حاجات كتير ولمحت كمان بس هو انسان معندوش دم ومبحسش بدماغه الي محتاجه كسر دي
ناردين : دماغه مش محتاجه كسر هو الموضوع زي ما قلتلك هو مش في دماغه جواز ول نيله هو في دماغو يتسلي واول ما ندخل في جد نخلع ونوع ده ميستهلش كل التضحيات دي يا ست سعاد سعاد : طيب اي رئيك اخد الي بحبه ول ال الي بحبني ؟ سكت فتره قبل ما جوابها ، سوال وقفني لما حسيع بدول حوليا ولقتني برد ببتسامه وثقه جباره ناردين : طبعا الي بيحبك !
الي بيجبك من اهتمامه بيكي هيخليكي تحبي ، هيخاف عليكي ويقدرك ويحميكي ويتقي ربنا فيكي ، الي بيحبك هيحاول يجبلك ال،نيا كلها تحت رجلك هيغمرك بدفه واحساس عمرك ما هتحسي مع شخص يستهلكك انتي ومشاعرك شخص تديلو كل حاجه ومتحسيش بتقديره ليكي علي اي حاجه شخص ميحسسكيش بدفه في عنيه ورقته وضحكته وقوته في حمايتك ، اختري الي يكون ليكي عالم مش انتي الي تخلي عالم . سعاد : امم الست ناردين كبرت ودماغها كبرت معاها اجدعان
ناردين : ايوا اومال احنا بقينا جامدين جدا سعاد : ههه ايوا بقي ، بتحبي ية ناردين اوي كده ؟ مكنتش اتوقع تنسي راجح الصراحه .. ناردين : وانا والله بس هو يستاهل اني احبه بكل حاجه عملها عشاني وعوضني بيها واستحمله ليا بجد يا سعاد اول مره احس للاحساس ده مع حد واكون مبسوطه بي كده سعاد : ربنا يسعدك ديما يا قلبي انا كنت جايه وخايفه عليكي لكن بعد ما شقتك كده اطمنت
ناردين : لاء يختي انا تمام الدور والباقي عليكي سعاد : فكك مني انا زي الفل كده ناردين : اعمليهم عليا وكاني اعرفك ازل امبارح ها انا معرفش اي الدماغ دي انتي اطولي واحد زي ادهم ده مديرك في الشغل والود هيموت عليكي غير انه موز استغفر الله العظيم متفتحناش في الغلط بقي سعاد : ية ستي لاء باد بوي اوي مبحبش كده انا عايزه خزوق احب اعيش في خوزيق انا
ناردين : والله بفكر احبلك رامز عشان تتخزوقي علي اوصوله وتخدي علقتك تمام عشان انتي مش وش نعمه سعاد : مين رامز ابت ؟ حلو ؟ ناردين : قمرز دقيقه اجبلك صفحتهة سعاد : بسرعه من زمان مشفتش باد بوي ! ناردين : ههه يلا يا هبله الهزقه مشيت بعد طبعا ما نمينا علي كل خلق الله وخلصنا كل الاكل الي في التلاجه ومعرفش قره عيني هيجي يلقي اي بس اش مشكله في جبنه واستنيته وحسيت لسيكا كده انه وحشني اي ده هو وحشني فعلا طيب تمام اوي كده .
ترن ترن ترن “تجري ناردين لباب ثم تقف لوهله ثم تضيف بخفه بعض الكلمات ” ناردين بصوت مرتفع : لاء دقيقه نشوف مين من العيو السحريه اي ده ريااان ! مش معقول ! ريان ببتسامه : والله ناردين بضحك وفتح الباب: عشان تعرف اني بسمع الك… من قبل ما اكلم كلام لقتنى جوه ! يجدع بقي احبك اكتر من كده اي ريان : ههه احبك وانتي تافهه والله
ناردين : عشان تعرف انه الزوجه الفرفوشه رزق ريان : لاء متأفوريش مكنوش كلمتين قلناهم يعني ناردين : نينيني ريان بتحرك لداخل : جبت فيلم معايا ناردين : يسطي خد قلبي انا اخترت صح ريان : لاء متقلقيش هخدك كلك علي بعضك انهرده مش قلبك بس ناردين : كاني مقلتش حاجه خالص .. بقلك اي متروحني ي خالتووو . ______________ ريان : ناردين هو فين الرومان الي انا ….
ناردين وفمها مليئ بالاكل : بتقول حاجه ريان : امم تقريبا مربي قرد طفس معايا في الشقه ناردين : خلاص يا عم متزعلش جيب طبق وتعالي خد حبه ريان : ناردين معلش هديقك بسوالي بس ده الكيلو الي كان عباره عن 6 حبيات وقد راسك كده صح ! ناردين : بظبط وملى نص الحله الكبيره بس ريان : بس ! لاء ازاي ناردين : شان مبتعرفش تنقي وضحك عليك ابقي خدني معاك وانا هجبلك واحده زياده ومتنساش تدعيلي في سرك
ريان : ده انا هدعي عليكي من هنا ورايح ! خلصتي كيلو في يوم يا ناردين ! في يوم اي في ساعه ! ناردين : انت بصصلي في 6 حبيات بس علفكره انا مليش نفس بقالي فتره اصلا ونفسي مسدوده ريان : واضح ! ناردين : خلاص متكنش قفوش هسبلك حبه في اخر الحله متزعلش خلاص ريان : صبرني يا رب . ………………… ريان : لاء ناردين : اي هو الي لاء
ريان : قلتلك روحي زوريها من اول اليوم للاخر والعربيه معاكي كمان احم بس حفظي عليها وابقي تعالي انما تقعدي معاهم اسبوع لاء ناردين : علفكره انا مزرتهمش من ازل ما اتجوزنا ريان : مش مهم ناردين : يا ريان متهزرش بقي ريان : ناردين انتي عايزه تبعدي عني وعن البيت اسبوع انتي مجنونه ناردين : طيب هروح اسبوع اغير جو وابقي تعالي يا عم زياره في نص للاسبوع وكمان وحشني لمتهم اوي وكمان اروح اظبط للبت نور المواد ونعمل جدول سوي بدل ما كل يوم بطلتم ليا في المكلمات وخالتو اصرت عليا اجي وانا زهقانه بالله
ريان : لاء ناردين : بقي كده ! طيب تمام اوي انا هرن بالي تقنعك وتزعلك في وقت واحد ريان : رني بالي يعجبك مش هغير راي انا ناردين : اوك يا انا يا انت “تمسك الهاتف وترن علي فدوه ” ناردين : احم الو يا فدوش ريان : نهارك ابيض ، لاء ! طيب هنتفاهم ناردين بضحك وتريقه عليه : رني بالي يعجبك ها ريان : ناردين مديقنيش
فدوه : في اي يا بت انتي وهو ناردين : بصي يا فدوش مش راضي يخليني اروح ل…. مسك التلفون من ايدي ومسكني من الجمب وقربني لي قصاده بظبط ومسك التلفون وكلمها هو وانة فصلت شحن ونطق ورصيد ونبض. ريان بمراقبه عينيها وبتسامه : مفيش يا ست الكل حاجه مشكله وهنحلها دلوقتي فدوه : يلا يا ولاد المجانين رياو : ههه اقفلي في واحد بتسيح قدامي شويه وهكلمك
فدوه : هههه سلام ______________ ريان : لسه بتتحرج مني يا جميل ناردين : مش كده بس … ممكن تبعد شويه بس النفس ريان : مرتاح كده ناردين : هعيط ريان : ههه طيب انا موافف تروحي لخالتك ناردين ببتسامه ووضع يدها علي كتفه : بجد ! شكرا ههه هروح اقول لنوره و… ريان : اهدي كده في شروط لكده ناردين : واي هي بقي ؟ ريان بحملها : هقلك عليها حالا
ناردين : اااه لاء كده بنهزر بقي ، طيب مش عايزه اروح خلاص بالله نزلنى ريان بضحك : عايزه كام عيل ناردين : ههه يا مهزق بطل قذاره ريان : انا قذر! طاايب انتي الي جبتي لنفسك بقي ________ امام منزل سيده … ريان : طيب منرجع اي رىيك ناردين : دي تقريبا المره ال 20 اقسم بالله مزهقتش ريان : طيب نمشي ونيجي بكره ناردين : بقلنا اسبوع ناجل فيها ارحم امي
ريان : طيب نطلع نقعد شويه ونمشي سوي اي رئيك ناردين : ريان خدي بالك من البيت ، ماشي يا حبيبي يلا في حفظ الله ريان : متنسيش الي قلته ناردين : يومين مفيش تالت ، ممنوع بلكونه ، ارن عليك كل اربع ساعات ، اذا محمد جيه هعيش معاها علطول حفظنا خلاص ريان : شطوره ناردين : ممكن امشي بقي يخربيت الي يطلب منك حاجه ريان : طيب هاتي حضن
ناردين بفتح باب السياره : يلا يا قمر من هنا وانا راجعه ان شاء الله سلام ريان : ناردين ناردين : نعم ريان : غوري من قدامي لخطفك ناردين : والحضن ريان : مش عايز ناردين : وفرت يا رخم “تخرج ناردين وتقفل الباب وتتحركك قبيلا ثم ترجع لسياره وتفتحها مجددا وتعانقه ” ناردين : لاء مش قادره اقوام كان الندم هياكلني لو مشيت كده ريان: ههه خدي بالك من نفسك يا جزمه
مشي وطلعت فوق وكاني رجعت ناردين الي عندها 14 سنه وبستقبلوني بنفس الترحيب والحنيه ودلوقتي طاني رجعه بيت العيله الي تربيت فيه وبجي لازل مره كضيفه ومعمول ليها احلي ترحيب وكلام متخزن وحكاوي كتير نحكيها … نوره : وحشتيييني ناردين : وانتي كمان يا فصعونه نوره : تعالي اتقظيني اني اغرق اغرق اغرق ناردين : احلي مساعده ليك يا قمر سيده : هي لسه دخلت يا بت عشان تقولي كده سبيها تقلع الشنطه حتي
ناردين : ههه متقلقيش يا خالتو عمله اي سيده : حلو يا قلبي ، الاكل بيترص اهو وهيتعشو علي حسابك اكله حلوه ناردين : ايوا بقي عدو الجمايل نوره : اسكتي انا بزغرط من الصبح ناردين : فين الفصعونه سيده : جوه في الاوضه بتلعب روحي غيري يا قلبي مستنينك ، وانتي يا نوره تعالي ساعديني في رص ونادي اخوكي من جوه عشان ناكل يلا نوره : حاضر جايه يلا
قعدت تلات ايام وبكره الرابع وطبعا بضرب الجزم واصرار فدوش قلبي عليه وحقيقي كانو تلات ايام تحفه ومتشوقه جدا اني اشوفه وحشني وحشني قد الكوكب كلو … في المنزل … ناردين : ريااان ، يسطي فينك وحشني ، رورو … “تفتح ناردين الهاتف تجده خارج الخدمه فتبحث عنه#كان صديق زوجي 19 ناردين : مستشفي وتصاب ! انتي بتقولي اي ! الممرضه : متقلقيش هو فاق دلوقتى هبعتلك العنوان حالا
ناردين : طيب بسرعه لو سمحتي بعتت المكان في رساله ورميت كل حاجه من ايدي وجريت باقصي سرعه عندي علي السلم ، قلبي تخلع من مكانه ، مش قادره اوصف الي عشته غير انى روحي نسحبت مع اول كلمه سمعتها منها يا رب يكون حلم ، يا رب ما يكون هو ، يا رب متوجع قلبي عليه ! “في المستشفي ” “تدخل ناردين بخضه وجفونها مبلله ومليئه بدموع من شده الخوف وتاخذ نفسا هادئا لجريها السريع من السياره وتقول بلهفه ”
ناردين : غرفه الظابط ريان لو سمحتى بسرعه الممرضه : انتي الي كلمتك في التلفون صح ناردين : اه انا الممرضه : اتفضلي من هنا مشيت وراها وانا بتامل في كل باب وبشوفه في كل جزء من كل مكان واتجاه قدامي ، هيكون كويس انا مت…. اه يا قلبي ! الممرضه : ده جوزك مش كده ؟ ناردين :…..
لو كان قلبي بينطق كان رج المكان كله بخضته ووجعه عليه ، كان متخدر ونايم وانا كل حواسي تخدرت معاه ، شعره المبعثر ولبسه الاسواد مع دمه الاحمر الي ضاغي عليه وزياده هيبه وفخر وخربشه في خده اليمين اثر تحرك عشوائي في الضرب ضيفه لي جمال . لكن كل ده تمحي ورجعت ورا برتباك وقله تحكم لما شفت رجله وجسمي مشلنيش ! الممرضه بمسك زراعها : انتي كويسه ناردين : مش انتي قلتيلي فاق
الممرضه : خد مخدر عشان ألم رجله ناردين : خد رصاصه فيها صح ؟ الممرضه : اه بس متقلقيش طلعت ومفيش خطر عليه ناردين : طيب تعرفي هيفوق امتي ؟ الممرضه : علي حسب جرعه المخدر وتحمل جسمه لي ناردين : طيب شكرا جدا ليكي انا هنا وهخد بالي منه الممرضه : تمام لو احتجتي حاجه او هو فاق نادي عليا عشان اقول لدكتور ونيجي نطمن عليه ناردين : حاضر
مشيت وقعدت قدامه علي الكرسي ومسكت ايده و نهرت من جويا ، يارتني ما مشيت ، يارتني كنت معاه الفتره دي وكنت منعته انه يتحرك من جمبي ويسبني دقيقه واحده ، انا اسفه والله ما هخرج تاني بس افتح عيونك وقولي انك كويس وريح قلبى بالله عليك . “الساعه 2 صباحا ” “يحرك ريان عينيه ويفتحهم ببطئ يجد ناردين نائمه امامه فينظر لها ببتسامه مريحه ثم يحرك يده من يدها بخفه لعدم استيقاظها لكن تشعر بحركته وتنظر له بلهفه وتقفز من المقعد بخفوت ”
ناردين : ريان ! ريان : قلبه ناردين بدموع وصراخ : واخيرا فوقت ! ريان انت كويس ..حصل اي ..ازاي تعمل فيا كده ريان ببتسامه واخذ نفسه ببطئ : ششش اهدى مش قادر اتكلم ناردين : انا اسفه انا الي غلطانه مكنش ينفع اسيبك لوحدك وامشي ريان : “يحرك راسه بسلب ” ناردين : في حاجه تعبك طيب ؟ هروح اشوف الدكتور او الممرضه هنا دقيقه ” تترك ناردين يده وتتحرك فيمسك يدها فتقف وتنظر له ”
ناردين : اي في حاجه اجبلك حاجه ريان : متناديش حد انا عايز ممرضتي انا بس ، لفي من الاتجاه التاني وتعالي ناردين : ورجلك ؟ ريان بغمزه : عشان كده ربنا خلق اتنين ناردين : ههه لفيت الجهه التانيه و تخبيت جواه وسمعت “اااه براحه مش عربيه كرو هيه ” ومهمنيش غير انه كويس ويستاهل ضرب علي رخمته ولقتني بعيطت بحرقه من قلبي وكأن حياتي رجعتلي تاني .
ناردين : حسيت انه كل حاجه في حياتي انتهت ، حسيت اني خسرت كل حاجه وانه اي حاجه من غيرك ملهاش طعم ، عرفت انك غالي اوي اوي علي قلبي يا ريان ، وتمنيت اكون مكانك وكل ده يجي فيا انا ومشفكش كده “يقبل ريان راسها بحب ويضيف بحنيه ” ريان : بعد الشر عليكي يا قلبي ، انا زي الفل و بعدين مش اول مره يعني تحصل لازم تجمدي قلبك شويه معايا
ناردين : شوف مين هينزلك شغل بعد كده اصلا ريان : تقدري ناردين : ريان متعصبنيش ومش كفايه وجعي علي شكلك وانا داخله وشيفاك متكسر ومتخرشم كده ريان : متخرشم ! اه عشان الجرح الي في وشى ده ، ده شكلو كريتف خالص والله ضحكت وانا بمسح دموعي وبرد عليه بتريقه ناردين : ما انا عكستك لما شفته ريان وبضع راسه علي رأسها : تربيتي ” يقومون بضحك ” ريان : متقلقيش يا حبيبي انا كويس
ناردين : طيب اوعي كده عشان اقوم ريان : لاء متشليش الغطى هيجيلك برد ناردين بتحرك : امم عشان يدخلو علينا كده ويفهمونا غلط ويكون شكلنا زي الزفت ريان : طيب اي يعني مراتي ثم انه في حد عمرو فهمنا صح اصلا ناردين : تصدق اقنعتني ريان : شوفتي ، تعالي بقي في حضني ناردين : اتلم يلا حتي وانت تعبان مهزء ريان : ههه طيب الجو تلج هتلقي غطى علي الكنبه روحي جيبي ومش عايز اسمع نفس
ناردين : خلاص براحه هجيبه ، وبعدين اي الاوضه الكبيره دي ريان : انا الضابط ريان ي اخت لازم اكبر جناح في اي مكان اروحو يكون جاهز ناردين : يا ود يا جامد انت ريان بتغميض عينه بارهاق : مبحبش اتكلم عن نفسي كتير ناردين : ريان ريان : امم ناردين : انا بحبك اوي ريان ببتسامه ونظر لها : وانا كمان . ______________________ الدكتور: اخبارك يا بطل ريان : بخير يا باشا شكرا لتعبك
الدكتور : والله انا الي تعبتلك يخي ، كل ٣ شهور القيك عندي ارحم جسمك ريان بنظر لناردين : احم منور يا دكتور والله ناردين : متقلقيش يا دكتور مش هتشوفه تاني هنا ريان : ههه هنطول المسافه شويه عشان عيونها الدكتور : مين الجميله ريان : ناردين مراتي الدكتور : اي ده انت اتجوزت ! وانا كنت برتب خطوبتك علي بينتي يخساره ناردين : تصدق قفلتني ! يعني بقول الدكتور الفرفوش رزق وبتاع وتقول كده بزمتك
الدكتور : هههه لاء وواخده دمها خفيف زيك ، لاء مبروك من قلبي بقي مش شايل منك ريان : وممرضه جامده جدا ، ميغركش قصرها تنفع الدكتور : والله ! لو عوزتي اي حاجه ابقي كلميني “يمد يده للمصافحه ” انا عم الحيوان ده ناردين باحراج ومد يدها بسرعه : انا … مختش بالي والله يا عمو الدكتور : لاء عادي يا عمو نورتي المكان كله وربنا يعينك علي ما بلاكي
ريان : عمووو متنساش اني بغلبك كل يوم في الطاوله الدكتور : ريان ده راجل محترم و بلسم كده يتحط علي جرح يطيب “يضحكون ” الدكتور : طيب انا ماشي لو عوزته حاجه ابقو كلموني ” يخبطه برفق ” خد بالك منها يلا ريان بالم : حاضر براحه ناردين : احسن الدكتور : ههه سلام يا جميله ناردين : باي يا عمو ” بعد خروجه ” ريان : اي الفرحه والعيون الي بتلمع دي ، قلبي غار
ناردين : ولاه انته كلكو طوال وحلوين كده لي ، حتي عمك قمر ريان : اروح اقطع علاقتي بيه دلوقتي عشان ترتاحي ول اي ناردين : اه صح واي ميغركش قصرها دي ، كده بضيع برستيجي قدام عمك ” تمسك قدمه بخفه ” انت مش عارف انك تحت قبضتي ول اي ريان : ااه يا ناردين وجعتني بجد ! ااه ناردين بقلق : انا اسفه والله ! كنت بهزر ! طيب انادي عليه
” يمسك ذراعها ويقربها له فتضع يدها علي صدره اثر السحب فيضحك وينظر لها بحب ” ريان : تحت قبضتك ها ناردين بضربه : تصدق انك حيوان ريان : ههه لاء دي بتوجع بجد ، اهدي بهزر خلاص بعد فتره … ناردين : يلا خطوه كمان براحه ريان : مش قادر تعالي نرتاح شويه ناردين : ريان انت مشيت عليها حاجه بسيطه حاول عشان خاطري ريان : تعالي بس نقعد هنا شويه وهقوم نكمل جامد اوي اوي
…………. ناردين : تعرف لو عمك شافك هيموتك ريان : انا مش هاكل اكل العاينين ده ثم انتي بقالك ساعه تقولي كده وانتي الي مخلصه نص البرجر وربع كيلو بطاطس لوحدك ناردين : اسيبك تاكل كل ده لوحدك وتتخن يعني وتاذي صحتك انا خايفه عليك مش اكتر ريات : ايوا منا عارف ناردين : عايز علبه البطاطس دي في حاجه ول اخدها ؟ ……… ناردين بتعب : هتشششن ريان في السرير المقابل : الف سلامه عليكي يا ست
ناردين : الله يلسمك يسطى شكرا ريان : مش مفروض انا الي تعبان وانتي الي جايه تهتمي بيا وكده ؟ ناردين : اعملك اي هو انا قلت للبرد تعالي وفتحت دراعي كدهو ريان : لاء خالص مجرتيش زي الهبله “وهيي مطر مطر ياض يا ريان ، اول مره ينزل الشتا جيه عااا ” وكانك طفله عندها 6 سنين انتي ملاك بريئ فعلا ناردين : ههه شفت عشان تعرف انك ظلمني
ريان : طيب اخبطك بال كرسي ده في راسك ول اي مش فاهم ناردين : معش منديل سلف ، هتشششن في المنزل … ناردين بسنده : واخيررا رجعنا نورت بيتك يا قلبي ريان : كان مفروض العكس بس مش مشكله انا وانتي واحد ناردين : ههه ريان بمزاح : دخليني جوه يبنتي ضهري ورجلي وجعني اوي ولو تعرفي تشليني اوبح يكون جزاكي الله خيرا ناردين : ريان ! بطل رخامه
ريان :اعملك اي مش لايق خالص المنظر بتاعنا ده ناردين : هسيبك وادخل لوحدي والله ريان : ههه بهزر متقفشيش ودخليني بسرعه لاني مش قادر بجد . بعد ثلاث ايام … ناردين : ريان ريان ريان : نعم ، حاضر حاضر هقلها سلام . ناردين : ريا… مين كان علي التلفون ريان : فدوش ناردين : اه تمام بص بقي القميص ده باهت هتلبسه تاني ول اعملو خلقه للمطبخ
ريان : تعملي اي ! ناردين ده لونه كده مش باهت و كمان مركه يخربيتك ! ناردين : الله بجد ! طيب هبقي البسه علي بنطلون تلجي وادخلو جواه هيكون شيك اي رئيك ريان بالوقوف والمشي لها ببطئ : هتكون بطل طبعا ناردين : انت بتعكسني عيني عينك كده طب والله لقول لجوزي ريان بمسك خصرها وتقريبها له : هتقوليلو اي ناردين : احم اي يا عم بهزر مبتهزرش ريان : ههه طيب جهزي نفسك هنروح لحماتك وحماكي بكره
ناردين : بجد ! لي ريان : لانه عمي رغاي زي حالتنا كده وفضحنا وطبعا عرفه وزعله جدا وإزاى متقلناش ولازم تيجي فهنروح ناردين : طيب هعمل حسابي ريان : طيب عايزك تهدي كده ومتخرميش طبقه الاذن الوسطي عندي لما اقلك المكان تمام ناردين : اي في الغابات ول اي ريان : اممم بتاجرو في اعضاء الحيوانات ناردين : ههه اومال فين ريان :… يتبع….. Rahma Ayman