حضرتك العمال معاهم طلبات وطالبين أنهم يقابلوا حضرتك وبيقولوا ان حضرتك اللى طلبتي منهم كده
قامت صفاء ايوه ايوه انا رايحه مكتبي اهو ودخليهم عليا واحد واحد
واللى هيطلع منهم بطلبه ممضي يتنفذ فى الحال انتى فاهمه
يارا:حاضر يافندم
وقعدت معاهم كلهم وكلهم خارجين من عندها مبسوطين من تنفيذ طلباتهم وبيدعوا ليها زي ما طلبت منهم
واخر اليوم مازن دخل عليها وقال ليها ها خلصتي
صفاء ايوه تمام انت ما تعرفش انا مبسوطه من انبساطهم قد ايه
انا مش عارفه انا معملتش كده ليه من زمان احساس براحه فظيعه ان يكون كل اللى شغالين
عندك مرضيين ومبسوطين
مازن:ياسلام بجد والله طب يالا عشان نمشي
ونزلوا وركبوا السياره وهما فى الطريق وصفاء هى اللى بتقود لأنهم كانوا واخدين سيارتها فجأه جالها رساله على الواتس من المعمل اول ماشافتها نسيت انها بتقود وفتحت الواتس وداخلت الرسائل تقرأ التحاليل والتقرير
وكان مازن مشغول باتصال ومش واخد باله انها بتقود وهى مركزه فى التليفون وفجأه سياره اخرى قطعت الطريق بتلف من تقاطع دخلت صفاء فيها يتبع…رواية انا مش خائنه الفصل الرابع 4 بقلم منصور سيد
وكان مازن مشغول باتصال ومش واخد باله انها بتقود وهى مركزه فى التليفون وفجأه سياره اخرى قطعت الطريق بتلف من تقاطع دخلت صفاء فيها
اتجمعت الناس حوالين السيارتين وفاقت صفاء من هول الصدمه لتنظر بجانبها لتجدهم بيخرجوا مازن من السياره وهو غايب عن الوعي وراسه مملوء بالدـ,ـماء
صفاء فى ايه مالك يامازن رد عليا وفكت حزام الامان وفتحت باب السياره وجت تنزل صرخت من قدمها اللى اتصابت من الحادثه
فضلت تنده عليه وطبعا مافيش اى رد منه
واحد قال ليها ماتقلقيش هو فيه نفس بس إصابته واضح انها شديده شويه والاسعاف زمانها فى الطريق
وفعلا الإسعاف جت واخدتهم
ووصلوا المستشفى ودخلوا مازن بعد ما الدكتور كشف عليه لغرفة العمـ,ـليات واخدوا صفاء للكشف وعمل فحوصات للاطمئنان عليها