البارت الثالث عشر كان خارج من السطح بس هي وقفته بكلامها الي صدمه صدمه عمره بسخريه ٪ هتنقذ ابن الست الي فضلته عليك و سابتك مرمي فالملجأ و اعتبرته ابنها الوحيد ؟! إياد وقف في مكانه وهو مش مصدق الي سمعه .. ~ لا لا اكيد فيه حاجه غلط .. اكيد بتقولي كدا عشان بس تخليني احقد علي تميم و امي .. الكلام دا اكيد مش صح كنت واقف فمكاني مش قادر اتحرك ولا قادر افكر .. كأن عقلي اتشل عن التفكير
اتقدمت نحوي بخطوات ثابته ووقفت قدامي ٪ مكنتش عايزاك تعرف بالطريقة دي بس انت الي اجبرتني علي دا .. انا بردو عندي بنت وميرضنيش ان تتصدم زيك كدا والي مرضاهوش علي بنتي اكيد مش هقبله علي غيري حاولت اتكلم بس الكلام مكنش راضي يطلع ٪ طبعا عايز تسأل انا عرفت ازاي صح ؟ لو عايز بقا تعرف التفاصيل يبقا تلتزم بخطتي وكمان عقابا ليك عشان عايز تفسخ الاتفاق الي بينا ، هتيجي الاسبوع دا تتقدم ل رزان
ونزلت عالسلم و سابتني و انا لسا جملتها بتتردد في ودني بعد عشر دقايق كنت بدأت استوعب الموضوع قعدت عالأرض و انا دافن راسي بين ايديا كنت بصرخ بوجع و ألم .. وجع التخلي .. انا اول مره احس ان تم التخلي عني بالشكل دا .. انا كنت عايش كويس وفاكر ان امي ماتت مع ابويا فالحادث .. دا كان اهو ليا من الحقيقه كنت بصرخ بصوت عالي ~ لا لا يا امي اكيد معملتيش كدا .. اكيد متخلتيش عني و ربيتي واحد تاني و نسيتيني كأني مجتش الدنيا اصلا .. لا يا امي انتي متخلتيش عني ..
انهارت اكتر واكتر وانا بفتكر انها طول الوقت دا كانت قدام عينيا .. بس مفتكرتهاش و حتي هي .. مفتكرتنيش .. معقول فيه ام بتنسي ابنها ؟! طيب انا كنت صغير اوي ويمكن مفتكرتش وشها وكمان كنت فاكر انها ميته لكن هي ! نسيتني لدرجه انها معرفتنيش ؟! كان صوتي عالي تقريبا الشارع كله سمعه فجأه حسيت بحد بيحضني جامد و بيطبطب عليا بس عيني من كتر الدموع مكنتش شايفه حاجه قدامها
بعياط – إياد اهدي يا اياد ايه الي حصلك !! لما اتكلمت عرفت انها رزان بعياط ~ انا تم التخلي عني يا رزان .. حتي امي الي المفروض تحبني اكتر واحده فالدنيا اتخلت عني و مسحتني من حياتها … هو انا وحش يا رزان ؟ انا حتي مش فاكر اني عملتلها حاجه تضايقها لدرجه انها تمسحني كدا من حياتها بعياط – اكيد متخلتش عنك يا اياد .. اكيد مكنش ب ارادتها مستحيل ام تعمل كدا
بعياط وانهيار ~ لا اتخلت عني يا رزان و اتجوزت كمان وخلفت غيري .. رزان انا طول عمري عايش وحيد بس دلوقتي حاسس اني وحيد اكتر من الاول بكتير .. انا كان ليا ام ومع ذلك اتربيت فالملجأ .. كنت فالمدرسه بغير من زمايلي الي عندهم امهات و كنت بتغلب علي شعور الوحده دا بالمذاكره يا رزان .. كنت بذاكر عشان اهرب ومفكرش ف الآمي ووحدتي بعياط – انت مش وحيد يا اياد انا اهو معاك ومش هسيبك
بعياط ~ معايا يا رزان ! رزان انا حبيتك و اتمنيت اني اكون معاكي عيله سعيده زي الي بشوفها فالأفلام بس انتي بتحبي تميم .. حتي انتي مكنش ليا حق اني احبك ولا انتي كمان حبتيني رزان بعدت عني اول لما اعترفتلها بمشاعري -اياد .. انا .. انا مسحت دموعي و سندت عالحيطه ~ كمان هتشفقي عليا يا رزان .. مفيش داعي تقولي حاجه .. انا عارف الي هتقوليه -طيب قوم تعالا هوصلك الفندق
~ عايز اقعد لوحدي يا رزان -يا اياد الجو شمس اوي وكدا هتتعب بعصبيه و زعيق ~ قولتلك عايز ابقي وحدي يا رزان !! -حاضر يا اياد بس ساعتين بس و انزل .. اول لما ماما تحضر الفطار هطلعلك شويه منه عشان تاكل ~ مش عايز -لازم تاكل يا اياد انت زمانك مأكلتش حاجه من امبارح بعصبيه و زعيق ~ قلتلك مش عايز اطفح !! رزان نزلت بسرعه لشقتهم وهي خايفه منه .. اياد طول الوقت الي عرفته فيه كان شخص لطيف و بيساعدها وواقف جمبها .. اول مره تشوفه وهو متعصب كدا
اما اياد ف مسك موبايله وفتح فيس تميم و بدأ يقلب فالصور .. كانت تميم متصور كتير اوي مع مامته ~ باين ليه كدا كأنك ام مثاليه فالصور .. ايه الموجود فيه زياده عني عشان تحبيه هو ومتحبنيش انا بعدها افتكر كلام رزان وانها لو امها سابتها وهي صغيره كانت مش هتحكم عليها غير لما تسمع منها بس بما ان امه ماتت اصلا ف كان الوحيد الي يعرف الحكايه هي ام رزان
كان عنده صراع رهيب جواه .. يروح يخطب رزان فعلا و يكمل الاتفاق عشان يعرف الحقيقه و لا يقول للكل علي حقيقه ام رزان وتسميمها لتميم .. بس وقتها مش هيعرف الحقيقه لاخر حياته ضحك بسخريه لما استوعب ان هو واخوه بيحبو نفس البنت بعدها افتكر اول مره شاف فيها تميم لما رزان قالتله ان اياد هيخطبها .. كان تميم اصلا طول الوقت غيران من اياد عشان فاكر ان رزان بتحبه
ضحك اكتر زي المجنون لما جه علي باله الفرق الرهيب فالشكل بينه وبين تميم .. واحد اشقر و عيونه خضرا و التاني شخص عادي شعره بني فاتح وعيونه عسلي دماغه وجعته من كتر الاحداث الي بيفتكرها و التفكير ف الصراع الي جواه قام عشان يشوف تميم .. مكنش عارف هو عايز يشوفه ليه بس اهو يروح وخلاص يمكن لما يشوفه دا يساعده علي اتخاذ القرار فالصراع الي جواه رزان شافته من البلكونه وهو نازل من العماره وندهت عليه كتير بس هو مردش عليها
في طريقه للمستشفي لما نزل من التاكسي كان فيه عربيه مكروباص بتنزل الناس الي فيها من ضمن الناس الي نزلو منها ريهام ( الممرضه لو فاكرينها) بس كانت حالتها عجيبه .. دايخة و كأنها مش ف وعيها و بمجرد لما مشيت خطوتين اغمي عليها طبعا الي نزلو من المكروباص اتلمو حواليها عشان يشوفو مالها بس طلع فيهم واحد غريب وهو بيصرخ ويقول ساعدو اختي ارجوكم انا مش عارف مالها وقتها جه ف باله حوار الخطف ب شكه ابره الانسولين ف جري بسرعه عليها
شالها وهو بيحمد ربنا انه بعته فالوقت المناسب عشان يكون سبب في انقاذها لكن وقفه الشاب الي بيدعي انه اخوها € انت واخد اختي و رايح علي فين !! ~ وريني بطاقتك € ايه ! ~ وريني بطاقتك بقولك ؟! وبعدين علي فكره انا زميلها فالمستشفي و عارف اسمها بالكامل ف وريني بطاقتك الراجل اتوتر و خاف و جري بسرعه اياد اخدها و دخل بيها المستشفي زميلاتها فالمستشفي اول لما شافوها جريو عليها
¥ مالها ريهام ! ~ السكر بس عندها وطي .. هاتو ميه بسكر بسرعه قعدها عالسرير و شربها الميه بسكر و فعلا ابتدت تفوق شويه + انا .. انا فين ~ ربنا بعتني ليكي عشان انقذك فاللحظه الاخيرة حاولت تقوم ~ ريحي شويه بس لغايه لما السكر يتظبط عندك و طلبتلك ديلفري عشان تاكلي بصوت ضعيف + ليه بس تعبت نفسك .. ~ اتعب نفسي ازاي بس .. مش فاكراني ؟! انا الي ساعدتيني انا و قريبتي من كام يوم وقولتيلنا علي حوار تسميم تميم
هي ريهام اصلا كانت فاكراه ومكنتش ناسياه .. الانسان لما بيعدي عليه اشخاص كاريزما و محترمين فنفس الوقت مش بينساهم ~ كدا اظن مفيش عليا دين .. انقذتك وانتي ساعدتيني فموضوع تميم ريهام ابتسمت + هي خطيبتك مجتش معاك انهارده ؟ ~ لا خطيبتي ايه .. انا مش خاطب .. ينفع معلش تدبريلي زياره قصيره ل تميم ؟ بعدها ضحك ~ وابقا انقذك مره تانيه لو حابه ريهام ندهت علي اسم صحبتها و صحبتها دبرت ل اياد الزياده بس بشرط تكون قصيره
اياد دخل الاوضه عند تميم وقعد جنبه ~ مش عارف ايه هيكون رده فعلك لما تعرف الحقيقه يا تميم .. حتي مش عارف اذا كنت هتتقبلني ولا ترفضني زي امي . تعرف انا طول عمري كنت بحلم يكون عندي عيله سعيده .. اخ احكيله علي مشاكلي و اساعده وهو يساعدني و اخت تستعين بيا ف مواقفها الصعبه .. بس فنفس الوقت انا عايز اعرف الحقيقه يا تميم .. يمكن امي مش وحشه زي م انا فاكر .. لازم اختار بين اني اعرف الحقيقه او اني انقذك
يتبع تفتكرو اياد هيختار ايه ؟؟ #magnona_chan #عناد_العشاق #Nada_mahmoudالبارت الرابع عشر ~ لازم اختار بين اني اعرف الحقيقه او اني انقذك اياد كأن جواه شخصيتين مختلفتين .. واحده بتقوله ازاي لسا قادر تبص ف وش تميم بعد لما عرفت ان امك اختارته هو وسابتك انت و المفروض اصلا تكرهه و شخص تاني جواه بيقوله ان دا اخوه و ملهوش ذنب ان امه اختارته هو .. قام من جنب تميم وهو سرحان وخبط ف ريهام الي كانت داخله الاوضه فنفس الوقت
+ اه ! فاق من سرحانه و بصلها بقلق ~ حصلك حاجه ؟! انا اسف كنت سرحان + لا لا مفيش .. بعدها كملت كلامها +عارف اني عندي فضول اعرف حكايتك ! يعني ليه مساعدتش تميم اول لما قولتلك و ليه دلوقتي جاي تزوره .. انت شخص غامض علي فكره اياد ضحك ضحكه مستخبي وراها كل الالم والحزن الي حاسس بيه فالفتره دي ~ ولا غامض ولا حاجه .. انا بس جوايا صراع بين حاجتين ومش عارف اختار
+ تحب اساعدك ؟ ~ كدا هيبقا ليكي جميلين لازم اردهملك + ولا تردهملي ولا حاجه . طبيعي الانسان يساعد اخوه الانسان بضحك ~ طيب ماشي ساعديني طالما مش هردهالك + اكيد الحاجتين دول واحده فيهم هتفقدك احترامك لذاتك والتانيه هي شخصيتك الحقيقيه صح؟ يعني حاجه خير وحاجه شر .. بما انك لما عرفت الحقيقه ومع ذلك متدخلتش بس فنفس الوقت بتيجي تزوره اهو ~ كملي
+ بص رغم اني مش عارفاك كويس بس انت شخص طيب يعني مثلا انقذتني من شويه من الخطف رغم ان لو حد غيرك كان هيقول وانا مالي انا فيا الي مكفيني بس انت كنت شجاع و انقذتني ف من رأيي خليك علي طبيعتك و اختار الاختيار الي يخليك مرتاح نفسيا اياد وقتها خطر علي باله فكره جهنمية بفرحه ~ شكرا يا ريهام مش عارف اقولك ايه بجد و حط ايده علي كتفها
~ شكرا مره تانيه ومشي بعدها اما ريهام ف حطت ايدها علي كتفها وهي سرحانه في اياد .. اد ايه هو شخص كاريزما و طيب و الطيبين نادرين فالزمن دا و بدأت تحس انه عاجبها و خصوصا لما قالها انه مش خاطب خرج من المستشفي و راح الفندق *اليوم الي بعده* اتصل ب ابو رزان و اخد منه معاد عشان يجي يقابله و رغم ان ابو رزان حزين علي حال تميم بس ام رزان اقنعته ان الدنيا مش هتتوقف علي تميم وانه كدا بيضيع فرصه كويسه من بنته بحجه ان ابن عمها فالمستشفي
اياد لبس قميص اسود علي بنطلون رمادي و جزمه سوده راح بعدها لبيت اهل رزان الي استقبلوه بشكل كويس كانت رزان مستغربة من الي بيحصل لان مش اول مره مثلا اياد يزورهم عشان يبالغو اوي كدا فالاستعداد بس مرضيتش تطلع تشوفه لما وصل عندهم عشان اتعصب عليها اليوم الي قبله بس اتصدمت لما كانت ف اوضتها و امها دخلت عليها ٪ يلا يا حبيبتي اياد مستنيكي برا -قوليله مخاصماه يا ماما
٪ يا بنتي مخاصماه ايه بس .. اياد جاي يتقدملك تاني و كمان هيحدد معاد الفرح رزان ضحكت -بطلي هزار بقا يا ماما .. اول مره دخلت عليا دلوقتي لا .. شوفي نكته تاني ٪ طيب اطلعي برا وشوفي بنفسك رزان قامت من علي سريرها و بصت علي شكلها فالمرايه وكان كويس ف طلعت الصاله كان فعلا اياد لابس كلاسيك زي الي بيروحو يتقدمو و ابوها قاعد معاه و دا عكس العاده اصلا لان ابوها مقعدش معاها غير مره واحده وهي لما اتقدملها اول مره
بصت ل اياد بصدمه .. كانت مستنياه يقولها ان الي بتقوله امها مش صح -ايه يا اياد الي بيحصل هنا !! > تعالي يا بنتي اقعدي مع خطيبك و جوزك المستقبلي قعدت جنب ابوها وهي لسا مش مستوعبة الموضوع ٪ يلا بقا نسيت العرسان وحدهم يا سليم > يلا قامو وسابوهم لوحدهم -ايه الي بيحصل يا اياد ! اياد اتظاهر بعدم الفهم ~ مش فاهم رزان علت صوتها -مش فاهم ازاي !!
~ طيب اهدي ووطي صوتك .. انا قولت ادي لعلاقتنا فرصه تانيه بما ان تميم وضعه بيسوء كل يوم بضحك – انت بتهزر صح !! انت قولتلي انك هتقف جنبي ك اخ وصديق بس يا اياد وبعدين بتدي لعلاقتنا فرصه من غير لما ترجعلي حتي ! بتحطني قدام الامر الواقع يا اياد ؟! ~ اسمعيني بس .. انا دكتور اهو وبقولك تميم مستحيل يرجع زي الاول . خلاص هو هيفضل كدا لاخر عمره ف انتي اكيد مش هتستنيه للابد
-هستناه للابد يا اياد .. حتي لو مرجعش هفضل مستنياه ~ بس اهلك مش زيك ومش هيستنو .. انتي ناسيه انك بنتهم الوحيده ومن حقهم يفرحو بيكي ؟ بعدها كمل كلامه ~ ها عايزه يكون عندنا كام طفل -انت بجد مش معقول يا اياد !! لما يجو دلوقتي قولهم انك غيرت رأيك والا انا الي هرفضك وهيبقا شكلك وحش ~ مش هرفض اكيد وبعدين هو فيه حد يرفض رزان ؟
قامت من مكانها وهي بتتأفف -انا بجد مبقتش فاهماك خالص يا اياد .. كنت فكراك شخص كويس و سمحتلك تقف جنبي ك صديق وبعدين الي يشوفك امبارح فوق السطح ميصدقش انك نفس الشخص الي جاي تتقدملي انهارده ~ قررت موقفش الحياه علي حد وانتي كمان اعملي كدا الاب و الام وقتها دخلو الصاله > ها اتفقتو علي معاد الفرح اياد و رزان اتصدمو من كلام الاب ~ فرح !! -فرح ايه يا بابا لسا بدري انا كنت فكراك بتهزر
٪ هنهزر ليه يا حبيبتي ؟ اياد شخص كويس وكمان انتي بتحبيه ف ليه نرفضه او نطول الخطوبه > متنسيش يا رزان انك انتي الي اصريتي عليه فالاول رزان معرفتش ترد تقول ايه و قررت تتكلم مع مامتها لما اياد يمشي اياد مشي من عندهم وهو مصدوم و بعت رساله لام رزان ‘لازم نتكلم ضروري ‘ اول لما مشي اياد . ابو رزان نزل من البيت راح شغله اما رزان ف دخلت اوضه مامتها
-ماما انا عايزه اتكلم معاكي في حاجه ٪ نعم يا حبيبتي اخدت نفس عميق بعدها اتكلمت -خطوبتنا انا واياد كانت اتفاق . انا مش بحب اياد انا بحب تميم الام مثلت انها مصدومة ٪ بقا فيه بنت محترمه يا بنتي تعمل الي عملتيه دا ! اتخيلي لو ابوكي عرف هيعمل ايه .. دا مش بعيد يبطل يدفع فلوس المستشفي الموجود فيها تميم عشان انتي بتحبيه وهتفضلي مستنياه وتدمري حياتك عشانه
-لا لا بابا مستحيل يعمل كدا .. بابا بيحب تميم ٪ حتي لو بيحب تميم ف مفيش حد بيفضل عيال غيره علي عياله .. ابوكي لما يكتشف ان تميم هو الي معطلك حياتك هيخلص منه ومش هيتردد دقيقه واحده -انا هتكلم معاه و هحكيله اد ايه بحبه و .. كانت لسا هتكمل كلامها بس الاول قاطعتها بحزم ٪ محدش يعرف ابوكي اكتر مني يا رزان ف لو عايزاه يتخلي عن تميم و تميم يمـ,ـوت بقا يبقا صارحيه وقوليله الحقيقه
بعياط – كنت فاكراكي اول واحده هتقف جنبي لما اقولك الحقيقه .. انا مش متخيله نفسي مع حد غير تميم ولا هقدر احب غيره ٪ العشره و الموده الي بيدومو انما الحب دا بيختفي ف اول سنه جواز .. و اياد بيحبك وشاريكي و انا متأكده انك هتعيشي في سعاده معاه بعياط – طيب حتي نستني سنه و انا واثقه ان تميم هيكون فاق وقتها .. اجلو الخطوبه سنه يا ماما بالله عليكي
٪ سنه !! هتضيعي سنه من حياتك عشان مجرد امل ؟! وبعدين ايش ضمنك ان اياد هيستناكي فالسنه دي .. اياد شخص كويس واي بنت تتمناه واكيد مش هيفضل واقف عند بابك علطول .. قدري النعمه و اتقبلي خلاص ان اياد هيكون جوزك بعياط وانهيار -طيب علي الاقل اجلو الفرح شويه .. فرح ايه دا يا ماما الي هتعملوه قريب ٪ دا قراري انا وابوكي و خلاص مينفعش تناقشينا فيه
خرجت من الاوضه و دخلت اوضتها وقفلت عليها الباب وهي منهاره ومش مصدقه الي بيحصل بعياط – لا انا اكيد بحلم .. انا .. انا هروح انام دلوقتي و هصحي بكرا اكتشف ان انهارده كان حلم .. لا يمكن ماما تكون بالبشاعه دي ولا يمكن اياد كمان يكون وحش كدا .. ايوا ايوا اكيد دا حلم نامت علي السرير في محاوله انه يكون حلم فعلا ومن ارهاقها و تعبها نامت فعلا
*اليوم الي بعده* صحيت من النوم و خرجت بسرعه من اوضتها وهي بتدعي ف سرها ان امبارح يكون حلم كان ابوها وامها قاعدين بيفطرو ٪ تعالي يا عروسه افطري معانا لما سمعت كلمه يا عروسه اتأكدت ان دا مش حلم و ظهرت الدموع ف عيونها الاب قام من علي الاكل و راح ناحيتها > مالك يا حبيبتي بتعيطي ليه ؟! مين مضايقك بعياط – بابا .. بابا .. انا .. تميم
> اهدي بس و قوليلي ماله تميم الام بصتلها بصه تحذير -لا مفيش حاجه يا بابا .. انا بس كنت عايزاه يكون موجود معانا انهارده الاب حضنها > اكيد تميم لو معانا كان هيكون مبسوط ان اخته اخيرا هتتجوز بعدها بص ف الساعه بتاعته > يا نهار ابيض انا اتأخرت علي العمليه .. يلا سلام اشوفكم بالليل و اه ابقو اعزمو اياد عالعشا عندنا انهارده عشان نتكلم ف تفاصيل الفرح
وخرج من الشقه ٪ لو كنتي قولتيله انك بتحبي تميم كنتي وقتها كأنك قتلتيه .. اهو بيقولك كان هيفرح لاخته يعني هو كان عايزكم تكونو زي الاخوات فما بالك ب رده فعله لما تقوليله انك بتحبيه بعياط -كفايه بقا حرام عليكي كفايه ضغط عليا .. انا المفروض اختار مين الي هكمل معاه حياتي ومليش دعوه بتعتبروه اخ ليا ولا لا .. فالنهايه هو مش اخويا ٪ طيب خلاص انا مش ماسكاكي اهو .. روحي لابوكي وقوليله بقا الكلام دا بس مش مسئوله عن الي هيحصل لتميم بعدها
و فتحت باب الشقه ٪ انا نازله اشتري كام طلب .. اقعدي مع نفسك وفكري بالعقل كدا ومشيت وسابتها راحت للكافيه الي بتتقابل فيه مع اياد ٪ متأخرتش صح اياد رفع حاجبه لفوق ~ انتي كل يوم حقيقي بتبهريني .. كل مره بقول اكيد مفيش انسان وحش اوي كدا بس انتي بتبهريني وتثبتيلي انك اوحش كمان .. فرح ايه دا الي بتقولو عليه !! انا اتفقت معاكي اخطبها بس ٪ و انت يعني كنت هتفضل طول عمرك خاطبها ؟! اكيد طالما اختارت الاختيار دا فكرت كمان انك هتتجوزها فالاخر .. وقت بقا لما تبقا جوز بنتي هقولك علي حقيقه امك
اياد ضحك ~ وايه الي عرفك اصلا اني لسا بحب رزان ؟! علي فكره انا نسيتها فاليوم الي اتأكدت فيه من حبها لتميم ٪ انت بتضحك علي نفسك يا اياد ؟ شايفني عاميه قدامك ؟ انا شايفه نظراتك ليها وعارفه انك بتحبها بعدين المفروض تشكرني اني هجوزهالك ~ اه اشكرك انك هتجوزيني واحده مش عايزاني ٪ والله يعني المهم تتجوزو بعدها بقا هيكون دورك انك تحببها فيك بعدين حتي لو بعد الجواز بردو مبقتش تحبك ف هتكمل معاك علي اساس الموده والرحمه الي بين الزوجين
~ يعني بتقوليلي دوس علي كرامتك واتجوز واحده مش عايزاك صح كدا !! ٪ مش هنستعبط علي بعض يا اياد .. انا وانت عارفين انها لو واحده غير رزان مكنتش هتقبل لكن عشان رزان هتقبل .. المفروض تشكرني انها هتبقا ليك مش لتميم سكت شويه كأنه بيفكر بعدها سألها ~ انا عايز وقت قبل الفرح .. بضحك ٪ هو ب اختيارك يا اياد ؟! يا حبيبي دا اتفاق وانا الي هختار امتي الفرح
~ بس انا العريس ومن حقي اختار حتي لو اتفاق !! ٪ طيب تمام وانا هكون طيبه و هخليك تختار ~ عايز الفرح بعد ٦ شهور ٪ تمام كدا الفرح بعد اسبوع بصدمه ~ ايه !! بتهزري !!! يتبع يا تري ايه الي حول اياد ١٨٠ درجه ؟! ولو مكان رزان هتعملو ايه #عناد_العشاق #magnona_chan #Nada_mahmoud هنزل بارت تاني بالليل لو التفاعل حلو 👀البارت الخامس عشر ~ بس انا العريس ومن حقي اختار حتي لو اتفاق !!
٪ طيب تمام وانا هكون طيبه و هخليك تختار ~ عايز الفرح بعد ٦ شهور ٪ تمام كدا الفرح بعد اسبوع بصدمه ~ ايه !! بتهزري ؟! ٪ لا . تيجي انهارده عشان ابوها عايزك وتقوله انك عايز الفرح بعد اسبوع .. يلا سلام مشيت وسابته اما اياد ف قعد يفكر فحل لان كدا هي بتخرب خطته الي بينفذها .. قرر فالاخر انه يعمل الي هي عايزاه لان الي هي عايزاه اصلا هيكون بردو ف مصلحته و هيخليه يكسب وقت
راح المستشفي عند تميم عشان يتطمن عليه .. هو بدأ رحله علاج تميم الي هتاخد تقريبا ٦ شهور بس من غير م حد يعرف .. وقف الأودية ( كانت أدويه بتوقف الدماغ وكانت مع الوقت هتسببله اضرار دايمة زي الزهايمر ) و بدأ يديله ادويه تشفيه طيب عمل ايه فالدكتور المشرف علي حالته والي ام رزان متفقه معاه اصلا ؟ اياد كان عنده شقه ف القاهره ( هو اصلا من القاهره بس جه اسكندريه عشان اتفاق رزان ) الشقه دي اخد قرض اصلا من البنك عشان يشتريها و فضل فتره طويله يدفع ف تمنها
باع الشقه و ادي فلوسها للدكتور المشرف علي حالة تميم بحيث انه يسحبه لصفه بس شرط عليه فنفس الوقت انه ميقولش لام رزان علي حاجه و انه يمثل انه بيمشي ورا خطتها و بيسمم تميم و دا سبب انه كان عايز الفرح بعد ٦ شهور .. عشان تميم يكون وقتها فاق و يجي يحط حد لكل دا
هو اصلا خلاص مبقاش همه يعرف حقيقة امه .. هو اختار انه ينقذ تميم بس عشان ينقذه لازم يرشي الدكتور الي متفقه معاه ام رزان وفنفس الوقت يبعدها عن الموضوع عشان متشكش فحاجه ولا تروح تشوف تميم فالمستشفي وتكتشف انه بدأ يتعالج ف عشان يلهيها عن الموضوع راح يخطب رزان بحيث انها تطمن انه اختار خطتها بس هي صدمته بموضوع الفرح وهو فالمستشفي قابل ريهام ~ ازيك يا ريهام + عامل ايه يا اياد .. اتمني تكون اخترت الاختيار الصح
~ اه الحمدلله ربنا وفقني للطريق الصح بس فضلو عشر دقايق باصين علي بعض من غير كلام ~ ايه رأيك اعزمك علي قهوه فالكافيه الي جنب المستشفي بعد لما اتطمن علي تميم ؟ + موافقه بس نص ساعه بس عشان مأهملش شغلي اياد ابتسم و راح للاوضة الي موجود فيها تميم ~ ها طمني ايه حالة تميم بعد لما وقفت الأدوية و بدأت فعلاجه من اثارها £ وقفتها امبارح ف اكيد مش هيبان اثرها بالسرعه دي .. انت عارف ان الادويه دي لازم تاخد فتره عشان يتخلص من اثارها
~ و هطمن ازاي انك معايا فعلا ف صفي و مش متفق مثلا مع ام رزان انك تمثل انك ف صفي ؟ عايز دليل يا دكتور £ تعالي بعد شهر وهتشوف الدليل لما يبدأ تميم يفوق شويه ~ شهر !! انا عايز حاجه دلوقتي £ الممرضه المشرفه علي حالته معايا ( ريهام ) دايما بتراقبني ف اسألها هتقولك اني مديتهوش امبارح نفس الدوا ~ تمام بعد كدا هتوريها كل حقنه قبل لما تحقنها عشان اتأكد انك مش بتلعب بيا
£ تمام و خرج من الاوضه و راح الكافية عشان يشوف ريهام ~ اتأخرت عليكي ؟؟ + لا لا ~ كنت عايز منك خدمه لو ينفع يا ريهام ريهام بصتله بحزن لان مش دا الي هي اتوقعته لما قالها نروح الكافية شويه .. + اتفضل ~ عايزك تكوني مع الدكتور المشرف علي حاله تميم خطوة بخطوة وتسأليه علي كل حقنه هيحقنها + تمام .. ~ مالك حاسس انك متضايقه لاحظت الدبله ف ايده و الي لبسها امبارح لما زار اهل رزان
بصدمه + انت خطبت !! ~ اه .. رزان الي كانت بتيجي معايا + بس انت قولتلي انك معتبرها اخت و صديقة بس إياد استغرب من كلامها الي واضح فيه الغيره والحزن +عموما انا هعملك الي عايزه و هكون مع الدكتور خطوة بخطوة ، عن اذنك عشان عندي شغل ومشيت وسابته اما إياد ف كان لسا قاعد و حاطط ايديه بين راسه ~ لأ يا اياد متكونش زي رزان و تستغل حد ملهوش ذنب عشان خططك .. بس المشكله اني مش هثق فحد غيرها من المستشفي هنا عشان يراقب الدكتور
خرج من الكافية و راح الفندق عشان يجهز و بعدها راح لاهل بيت رزان رزان كانت نايمه لغايه لما اياد وصل عندهم ومكنتش راضيه تصحي بس اضطرت تصحي لما امها قالتلها ان اياد برا حتي مكلفتش نفسها انها تلبس كويس .. لبست اي حاجه قدامها و حتي الطرحه مكنتش لايقه و بعدها خرجت برا فالصاله امها اول لما شافتها اشتعلت من الغيظ اما الاب ف استغرب من الي هي عاملاه فنفسها
امها قامت من مكانها وكانت هتاخدها علي جنب وتهزقها بس اياد قام من مكانه بسرعه و راح ناحيه رزان ~ اتفضلي اقعدي يا رزان واقفه ليه قعدت جنب ابوها ~ بس ايه الشياكه دي يا عروسه .. كل دا عشان قولتلك بحب اللون الاصفر رحتي لبستي كل اللبس اصفر ؟ الاب طبعا صدقه اما ام رزان عارفه انه بيقول كدا وخلاص > احنا اتفقنا علي التفاصيل يا رزان ف انا وامك هندخل جوا و اياد يقولك عليها .. الاحسن تسمعي الاخبار الحلوه دي منه هو
و دخلو جوا -اخبار حلوه ايه الي بيتكلمو عنها و بعدين يبني انا لابسه كدا عشان اطفشك وعشان تسيبني فحالي بقا تروح تقول قدامهم اني لابسه كدا عشان انت بتحب الاصفر ؟! ~ اعمل ايه طيب انا بحبك فكل حالاتك بتأفف – بجد يا اياد متخلنيش اكرهك .. انا مش هقدر ابوظ موضوعنا عشان لو بوظته ماما هتقول لبابا علي موضوع حبي لتميم ف بليز انت الي ارفضني و قولهم مش عايز تكمل
~ مش هقدر -ليه مش هتقدر اياد مكنش عايز يقولها حاجه لانه عارف انه لو قالها ان دي خطه عشان يكسب شويه وقت لعلاج تميم رزان بقا مش هتسكت و هيبان عليها انها مبسوطه وكمان تقتنع قدام امها ب اياد ووقتها امها هتشك و هتروح تشوف تميم فالمستشفي وتكتشف انه بدأ يتعافي .. كمان اصلا رزان ذات نفسها هتروح تشوف تميم كتير لو عرفت انه قرب يخف -سرحت ف ايه ! بقولك ليه مش هتقدر ترفضني
~ عشان .. عشان .. اه عشان انا بحبك يا رزان واكيد مش هرفضك -قولي اتفقتو علي ايه عشان انا داخله جوا .. اخلص ~ فرحنا بعد اسبوع رزان ضحكت علي كلامه -يعني كمان بتكدب و تحور ~ لا دي الحقيقه بصت عليه وعلي نظراته الجاده و استوعبت انه بيتكلم بجد بصدمه – انت بتتكلم بجد ولا بتهزر ولا بتحور !! ~ بجد يا رزان بصت للسقف دقيقتين وهي بتحاول تستوعب الي هو قاله .. اسبوع ازاي يعني اذا كان هي كانت مقرره تطفشه عشان يرفضها بما انها مش هتعرف ترفض بنفسها
-مش هينفع بعد اسبوع .. خليها بعد شهرين علي الاقل ~ احنا خلاص اتفقنا بعصبيه وغضب – وتتفقو ازاي من غير لما تاخدو رأي العروسه !! اسبوع ايه دا الي هنتجوز فيه انا مش فاهمه ! فين الشقه و فين اصلا القاعه الي اتحجزت و فين الفستان ~ الفستان امره سهل و القاعه كمان .. اما الشقه ف هنقعد فالشقه الي فوق شقتكم .. انتي عارفه انها تبع اهلك ف هنقعد فيها لغايه لما اشتري شقه لينا
بعياط – اياد بالله عليك قولي انك بتهزر ومفيش فرح بعد اسبوع ولا حاجه .. اياد انا مش عايزه اتجوزك حرام عليك ازاي هتتجوز واحده بتحب غيرك وبتفكر فيه طول الوقت .. انت مش راجل يا اياد علي فكره !! و دخلت اوضتها وهي بتعيط الاب خرج بسرعه للصاله > رزان بتعيط ليه يا ادهم !! ~ بتعيط عشان مش عايزه تسكن فالشقه الي فوق بتقول انها اكيد متبهدله بما انكم قافلينها بقالكم سنين
> بكرا هجيب ناس تنضفها و ام رزان هتروح تجبلكم عفش جديد ك هديه مننا لجوازكم ~ شكرا يا عمي مش عارف اقولك ايه و ودع الاب بعدها مشي وهو بيتردد ف ودانه جملة رزان ‘ انت مش راجل يا اياد ‘ راح المستشفي الي فيها تميم و الي بقا بيروح هناك لما بيحس انه متضايق شاف ريهام وهو رايح لاوضه تميم بس هي اتجاهلته استغرب من تصرفها و راح وراها عشان يكلمها
+ بتمشي ورايا ليه ؟! ~ هو انا عملت حاجه تضايقك يا ريهام وانا مش حاسس ؟ + لا ابدا هتعمل حاجه تضايقني ليه .. احنا نعرف بعض اصلا ؟! كل الي بينا شغل و تميم وبس ~ عموما اسف لو ضايقتك و كان ماشي بس ريهام وقفته ب كلامها + ليه قولتلي ان رزان زي اختك و رحت خطبتها بعد كدا ~ لاني مجبر علي كدا بضحك + مجبر ليه ان شاء الله
~ عشان انقذ تميم و اكسب وقت وفهمها الموضوع بس مجبلهاش سيره الفرح + اسفه اني افتكرتك كداب و شخص غير موثوق .. انا بس مش بحب الكدابين يا اياد ~ ولا يهمك انا بردو تصرفاتي كانت متناقضه واكيد اتضايقتي من اتفاقك مع شخص منافق بيناقض نفسه .. ايه رأيك اعزمك علي الغدا انهارده ريهام اتبسطت من عزومته ليها علي الغدا بس مبينتش دا + بس انا معنديش وقت ل دا يا اياد .. يعني انهارده عليا ورديه كامله فالشغل ومينفعش اخرج من المستشفي
~ تمام مفيش نصيب بقا + نعوضها مره تانيه ان شاء الله و راح معاها يشوفو تميم *بالليل خالص الساعه ١٢ نص الليل * ريهام اتفاجئت ب اياد وهو رايح ناحيتها ومعاه كيس اسود كبير + اياد مش انت لسا شايف تميم انهارده ؟ و ايه الكيس الاسود دا ~ انا مش جاي المره دي عشان تميم .. جاي عشان اعزمك عالغدا + يا اياد انا قولتلك الصبح ان مينفعش اخرج من ..
كانت لسا هتكمل كلامها بس اياد فتح الكيس و كان فيه شموع واكل و بيبسي بصدمه + ايه دا كله !! ~ تعالي ناكلهم ف اوضه الاستراحه بتاعتكم راحو الاوضه و هي راحت وراه وهي لسا مصدومه طلع الشموع من الكيس و ولعهم و حطهم بشكل رومانسي و طلع الاكل من الكيس + ايه دا انت عرفت ازاي ان البيتزا هي الاكل المفضل عندي !!ً ~ الفيس بقا وعمايله ريهام اتبسطت بكل الي اياد عمله وانه كمان دخل الاكونت بتاعها عشان يشوف هي بتحب ايه و كمان انه اصلا جاب الاكل والشموع و عملها عشا حلو اوي فالمستشفي
+ اياد انت فعلا انسان لطيف اوي ~ تعرفي .. وسكت شويه بعدها كمل بألم ~ رزان انهارده قالتلي اني مش راجل .. رغم انها خطه يا ريهام واني اكيد مكنتش هتجوز واحده م بتحبني لو الموضوع مكنش خطه بس كلامها وجعني + انت سيد الرجاله والله يا اياد ومعلش متفكرش فكلامها هي قالت كدا عشان مش عارفه انها خطه منك .. انا اهو مش عارفاك غير من فتره قصيره بس شايفه انك شخص كويس جدا و نادرا لما يكون فيه رجاله زيك كدا
~ تسلمي يا ريهام والله مش عارف اقولك ايه وظهر عليه الخجل + لحظه كدا ! معقول مفيش حد شكر فيك قبل كدا !! ~ مش فاكر بس مكنش فيه حد بيحبني ابدا فحياتي ولا فعلا بيهتم بيا .. يعني كل الي قربو مني واهتمو بيا كان عشان مصلحتهم . مثلا فالمدرسه كذا واحد مثل انه صاحبي بس عشان ابعتلهم تلخيصات و افهمهم الي مش فاهمينه و حتي لما دخلت الجامعه الموضوع زاد جامد و حتي بعد التخرج اهو رزان كمان لما قربت مني كان عشان خطتها .. يعني ب اختصار كل حد كلمني او قرب مني كان عشان مصالحه
+ انا اهو مش شايفاك ك صديق مصلحه ولا حاجه .. يعني انا شايفاك شخص كويس و طيب ف معتبراك صديقي بضحك ~ حاسس فالاخر انك هتطلبي مني حاجه .. كأنك بتهيئي لصداقتنا عشان فالاخر تطلبي مني حاجه + لا خالص ~ انا سألت هنا فالمستشفي وعرفت انك هتاخدي بكرا اجازه .. يعني دا يوم اجازتك الوحيد فالشهر ف ايه رأيك نقضي اليوم مع بعض ؟ يعني ننسي اصلا رزان والخطه و كل حاجه و انتي كمان انسي شغلك والمستشفي
+ والله يعني هفكر بس الحقيقه ان ريهام كانت مبسوطه اوي كدا ان اياد بيمشي ناحيتها و بيقرب منها .. مبسوطه ان الشخص الي عجبها هو كمان باين عليه معجب بيها ~ فكرييي يا ريهام دا انا هفسحك واخليكي تفرفشي + خلاص موافقه ولو مكنش اليوم حلو يبقا تروح للمدير تطلب منه يديني يوم اجازه تاني بضحك ~ خلاص اتفقنا .. يلا بقا عشان انا اتأخرت .. هعدي عليكي بكرا
+ ماشي مستنياك و لما مشي اياد ريهام بصت لنفسها فالمرايه وهي مبتسمة .. +ايه دا انا وقعت بجد ولا ايه ؟! ايه الابتسامه من الودان للودان دي ! و بعدين لحظه انا هلبس ايييه بكرا هلبس ايه *اليوم الي بعده * رزان كانت نايمه طول اليوم ومرضيتش تقوم ولا تصحي .. عالاقل في احلامها بتفتكر ايامها مع تميم وتحلم انه فاق وبقا كويس > مالها رزان ؟! نايمه ليه طول اليوم
٪ انت عارف التوتر الي بيكون قبل الفرح > لو مش مبسوطه من اياد و الجوازه دي بلاها منها ٪ لا لا هي مبسوطه يا سليم متقلقش اما اياد ف لبس كاجوال و بص علي شكله فالمرايه ولاحظ انه مبسوط .. اتصل ب ريهام واخد منها عنوان بيتها و راح هناك بصوت عالي ~ يلا يا ريهام هنتأخر !! الجيران بصو من الشباك اما ريهام ف نزلت بسرعه و صربته علي دراعه
+ الجيران يبني بيبصو علينا !! ليه بتنادي عليا بصوت عالي اياد ضحك ~ شكلك حلو وانتي متعصبه يا جميل .. وبعدين ايه الجمال والشياكه دي .. لا لا دا الاسكراب طلع ظالمك والله كانت دي اول مره اياد يشوفها من غير لبس المستشفي وكان مبسوط و حس انه اتشد ليها اكتر واكتر ريهام اتكسفت جدا من كلامه + علي فكره انت كمان مش بطال يعني بضحك ~ مش بطال ؟! طيب قوليلي مثلا انت كمان عسل انت كمان قمر
بكسوف + يلا علي فكره اتأخرنا ~ انا قولتلك اني بمـ,ـوت فالبنات الي بتتكسف ؟! وضحك و وقفو تاكسي و راحو للملاهي + ملاهي يا اياد !! انت اكيد بتهزر ~ ايه يعني مالها الملاهي .. دي احلي مكان نبدأ منه يومنا .. امتي اخر مره رحتي الملاهي + كنت ف اعدادي تقريبا ~ ياه ازاي مرحتيش الملاهي من اعدادي ؟! دا انا لما كنت فالقاهره كنت كل فتره قصيره اروح الملاهي لدرجه انهم حفظوني هناك .. تعالي نشوف ملاهي الاسكندريه احسن ولا القاهره
قعدو فالملاهي فتره مش قصيره و ريهام كانت بتبص علي اياد طول اليوم .. اد ايه هو لسا جواه روح طفل متهناش بطفولته و اضطر يكبر بدري .. كانت بتتشد ليه اكتر واكتر مع كل ساعه بتعدي وهما بيركبو العربيات الي بتخبط ف بعض كتف ريهام اتخلع من مكانه لان اياد خبط فيها بالعربيه جامد ف جسمها طلع لقدام بقوه و كتفها اتخلع صرخت من الالم و اما اياد ف شاور للراجل المسئول عن اللعبه انه بسرعه يفصل الكهربا عنها
قام بسرعه من العربيه بتاعته و راح يشوفها بقلق ~ مالك يا ريهام ! انتي كويسه !! ب الم + كتفي اتخلع يا اياد اياد شالها من جوا العربيه و حطها علي كرسي وجابلها ميه وساعدها تشرب لان كتفها الي اتخلع هو الكتف اليمين ~ هعد من ١ ل ٣ بعدها هرجع كتفك لمكانه يا ريهام بعياط + يا اياد هيوجعني جامد ~ ١ .. ٢ .. ٣ رجعلها كتفها جامد و طبعا دا فعلا بيوجع جامد جدا
صرخت من الالم وهي بتعيط مسحلها دموعها و حاول يهديها ~ انا اسف .. + اسف علي ايه يا اياد ~ ان كتفك اتخلع بسببي هديت شويه وبصت ف عيونه + انا الي بشكرك يا اياد انك رجعتني طفله زي زمان .. انا اضطريت اشتغل من بعد وفاه بابا وانا ف ثانوي يا اياد عشان اصرف علي عيلتي ومن وقتها وانا نسيت معني الاستمتاع بالحياه .. اياد ابتسم و اتبسط انها متضايقتش منه
لما استريحت شويه اخدها للمطعم عشان ياكلو وكان بيبص عليها اغلب الوقت + بتبصلي ليه كتير يا اياد اياد اتصدم ووشه حمر لان مكنش فاكر انها ملاحظه بكسوف ~ لا لا مفيش حاجه + ايه الدكتور الكيوت الي بيتكسف دا ~ يلا بقا عشان اروحك روحها البيت بعدها رجع الفندق ~ انا ايه الي بيحصلي ؟! ليه بقيت عايز اروح المستشفي كتير و ليه بفرح لما اشوفها .. نزل يشتري البدله بتاعت الفرح و اتصل علي رزان بس هي عملتله بلوك
ضحك وبعتلها رساله ‘ فرحنا بعد ٥ ايام يا رزان ف اختاري فستان عشان متتزنقيش فالوقت .. انا جبت البدله ‘ عدت الايام و اياد مش بيشوف رزان بس كل يوم بيروح المستشفي و يقعد طول اليوم فيها مع ريهام .. هو وريهام قربو من بعض جدا ففتره قصيره و الحب كان واضح فعيونهم .. ريهام حاسه انه عوض ربنا ليها وكانت مبسوطه انها حبت شخص كويس زيه بس اياد مع مرور الايام كان بتزيد حيرته اكتر واكتر .. يقول لريهام علي الفرح ازاي .. يا تري هل ممكن اصلا تتقبل الموضوع دا ؟!
لغايه لما جه يوم الفرح *يوم الفرح * رزان كانت قاعده ف اوضتها حزينه جداا و حتي الميكب ارتيست الي حطتلها الميكب لاحظت اد ايه العروسه مش مبسوطه في يوم فرحها لبست الفستان والميكب خلص و طلعت من اوضتها وهي جاهزه وكان ابوها وامها مستنيين فالصاله ابوها اول لما شافها بكي من الفرحه وانه مش مصدق ان بنته هتتجوز اما امها ف راحت تحضنها بس رزان رجعت ل ورا همستلها ف ودانها ٪ اعدلي وشك دا يوم فرحك
ردت عليها رزان ب همس – انا عمري م هسامحك علي اجباري اني اتجوز من حد انا مش عايزاه ٪ هتشكريني مع الوقت > يلا بقا انا كمان عايز احضن بنتي حبيبتي الاب حضنها وهو مبسوط اما رزان فكانت بتعيط > مالك يا حبيبتي !! -انا مش عايزه اسيبكم يا بابا > دي سنه الحياه يا بنتي .. وبعدين انتي هتسكني فالشقه الي فوقينا بالظبط وتقدري تجيلنا وقت م تعوزي
اياد وقتها وصل لبيتهم اول لما شافها محسش ب اي انبهار رغم انها كانت جميله جدا جدا .. دا اثبتله ان فعلا حبه لرزان مات و انه بيحب ريهام بس اضطر يمدح فيها عشان ام رزان ~ ايه الجمال دا يا رزان بس رزان مردتش عليه ~ يلا العربيه مستنيه تحت اخدها ف عربيه العروسين و راحو للقاعه وامها وابوها مانو وراهم دخلت القاعه وهي زعلانه -لا شكلك اهتميت اوي بتزيين القاعه الي هيتوقع فيها فرمان مـ,ـوتي
~ مش انا اصلا دي امك انا مش بفهم ف امور الزينه قعدو علي الكوشه و رزان بتمثل انها مبسوطه وبتبسم عشان محدش يقول ان رزان متجوزه غصب عنها ¥ بارك الله لكما و جمع بينكما علي خير المفروض وقتها كان فيه حضن كتب الكتاب ف اياد اضطر يحضن رزان عشان محدش يشك في حاجه بهمس -انا بكرهك يا اياد وكانت بتعيط وهي مستوعبه ان خلاص فرمان مـ,ـوتها اتوقع .. خلاص هي رسميا بعدت عن تميم وحتي لو خف مش هيكون بينهم اي حاجه ..
الناس استغربت من عياط العروسه فنص الفرح بس ام رزان بررتلهم الموضوع ب ان دي دموع الفرح جه وقت الرقص السلو و طبعا اياد مضطر يمثل انه فرح عادي عشان محدش يشك فحاجه خصوصا ام رزان الي لو شكت في حاجه هتروح تشوف تميم و تكتشف انه بدأ يتعافي كان بيرقص معاها سلو و هي زي الجـ,ـثه بهمس -خليك عارف انك قتلتني بنفسك يا اياد .. خلصو رقص و خلص الفرح خالص و اياد اخدها طبعا للشقه بتاعتهم الي كانت فوق شقه ام رزان وابوها
ابوها وامها ودعوها وهما بيعيطو بس هي دي سنه الحياه قفل باب شقتهم وهي دخلت اوضتهم كان متوقع انها مثلا هتاخد حاجتها وتروح اوضه الاطفال تبات فيها بس الي حصل كان غير المتوقع خالص يتبع تفتكرو ايه الي حصل ؟
و انا شفت انتقادات كتير البارت الي فات ف اصريت انزل دا قبل لما ابدأ مذاكرتي عشان حابه اشوف هل الامور وضحت و تصرفات اياد وضحت بعد البارت دا ؟ وطبعا لو فيه انتقادات عالبارت دا ف انا يسعدني انكم تكتبوها 💖 وبالمناسبه النهايه قربت انا مش بطول القصه بمزاجي لو عليا ف انا عايزاها تخلص ف اسرع وقت بس هي الاحداث الي طولت #عناد_العشاق #magnona_chan #Nada_mahmoud
و اه فيه حاجه تانيه .. فيه بنوته سألتني فالبارت الي فات ليه اياد ميقولش علي حقيقه ام رزان قدام رزان وابوها و بكدا يخلص منها خالص و مش هيكون وقتها مضطر يتجوز رزان ولا يعمل خطه اصلا ..
هو معملش كدا وصارحهم قدام ام رزان لان هي وقتها لما تتكشف خططها ويكون معندهاش حاجه تخسرها وقتها هتكون اقوي وشريره اكتر .. لان هي حاليا بتعمل كل دا وهي عندها حاجات تخسرها فما بالك لما ميكونش عندها حاجاه تخسرها .. ممكن بكل بساطه تقتل تميم بنفسها وتخلص منه او تخلي الدكتور المشرف عليه يديله ماده تمـ,ـوته ف ثواني ومن غير كمان م يظهر ف تحليل الطب الشرعي بدل م هي بتمـ,ـوته بالبطئ
يعني ب اختصار هو معملش كدا عشان خايف علي تميم ف هو لجأ للحل الي مفيش فيه اي ريسكالبارت السادس عشر قفل باب شقتهم وهي دخلت اوضتهم كان متوقع انها مثلا هتاخد حاجتها وتروح اوضه الاطفال تبات فيها بس الي حصل كان غير المتوقع خالص دخل الحمام ياخد شاور و بعد لما خلص راح لاوضتهم عشان ينام .. كان متوقع انه لما يروح الاوضه مش هتكون موجوده فيها واكيد اخدت لبسها و راحت اوضه الاطفال
بس اتصدم لما شافها واقفه فالاوضه و لابسه لبس مكشوف ( لبس عرايس ) بص الناحيه التانيه بسرعه وهو متعصب بعضبيه و زعيق ~ انتي بتعملي ايه !! ايه الي لابساه دا ببرود – مش راضي تبص ليه ؟ مش دا الي اتجوزتني عشانه ؟ اتفضل زي م نهيت حياتي و خلتني زي الجـ,ـثه و نهيت امل ان يكون ليا حاجه مع تميم اتفضل خد مني الي انت عايزه والي انت اتجوزتني عشانه .. انا كدا كدا حياتي انتهت وبقيت جـ,ـثه ومبقاش فارق معايا حاجه
بص علي وشها الي كان مفيش فيه تعابير صدمه او زعل او اي حاجه كأنها جثـ,ـه فعلا قرب منها وهي كانت بترجع ل ورا لغايه لما خبطت فالحيطه وغمضت عينها طلع مطوه من جيب البيجامه كان ناوي يعمل بيها حاجه قبل لماا يتفاجئ ان رزان لسا فالاوضه جرح ايده جرح بسيط و حط ايده عالملايه عشان الدم ينزل عليها اما رزان ف فتحت عيونها عشان تشوف ايه الي حصل واتصدمت ب الي شافته
بعد لما اياد عمل كدا راح لاوضه الاطفال وهو ساكت اما رزان ف حست انها خلاص مبقتش فاهمه ولا عارفه حتي هو عايز ايه وليه اتجوزها رمت الملايه الي عليها الدم عالارض و نامت عالسرير اياد لما راح اوضه الاطفال كانت ريحه البرفيوم الي رزان كانت حاطاه لازق فيه بطريقه عجيبه وكانت ريحه قويه رجع تاني لاوضتهم عشان ياخد بيجامه تاني بعدها راح لبسها بدل الي عالقه فيها ريحه البرفيوم بس بردو الريحه لسا موجوده
حاول يطنش الريحه و قعد عالسرير وهو بيفكر هيعمل ايه الايام الجايه لغايه لما الصبح طلع اول لما سمع صوت باب الشقه بيخبط جامد قام من عالسرير وخرج من اوضه الاطفال خبط كتير علي رزان بس هي مكنتش سامعه او يمكن مكنتش عايزه تفتحله اخد المفاتيح الاحتياطيه من الدرج الي جنب باب الشقه وفتح الباب كان بيهزها بلطف عشان تصحي ~ رزان اصحي اهلك بيخبطو علينا !! قامت وهي مخضوضه و رجعت ل ورا
-انت دخلت هنا ازاي !! عملت فيا ايه انطق ~ لو كنت عايز اعمل حاجه يا رزان كنت استغليت الفرصه الي اديتهاني امبارح .. قومي عشان افرش الملايه دي الي رميتيها عالارض عشان واثق ان امك هتخترع حجه وتدخل اوضتنا عشان تشوف جوازنا حقيقي ولا لا رزان مكنتش فاهمه حاجه بس قامت من علي السرير شال الملايه الي رزان فرشتها و حط الملايه الي عليها الدم كانت رزان لابسه نفس لبس امبارح بس لابسه روب
~ هتقابلي ابوكي كدا !! -بابا قالي انه هيسافر الفجر عشان عنده عمليات .. ف اكيد الي بتخبط ماما بس ~ اه تمام فتح الدولاب و اخد بيجامه مناسبه ليوم الصباحيه و دخل الحمام عشان يلبسها اما رزان ف راحت فتحت الباب مامتها اول لما شافتها حضنتها بس رزان بعدتها عنها ٪ اخلعي كدا الروب وريني لبستي ايه امبارح بس رزان طنشتها و راحت الصاله -تعالي اتفضلي ام رزان قعدت فالصاله
٪ اومال فين العريس -فالحمام شويه و جاي وقتها اياد دخل الصاله ب ابتسامه مصطنعه ~ازيك يا حماتي ٪ ايه يا ولاد بقالي ساعه بخبط ~ معلش اصل نمنا متأخر .. انتي عارفه بقا العرسان الجداد ٪ اه طبعا عارفه .. انا هروح احضرلكم الفطار وانتو ارتاحو و عملت نفسها داخله المطبخ بس دخلت اوضتهم .. المطبخ اصلا كان جنب اوضتهم ~ شوفتي قولتلك هتخترع حجه عشان تشوف اوضتنا اول لما ام رزان شافت الملايه اتبسطت جدا واتطمنت ان جوازهم حقيقي
اخدت لانشون وجبنه رومي و عيش من التلاجه و دخلت الصاله بفرحه ٪ افطرو دول لغايه لما الديلفري يجي -انا مش جعانه ~ يلا بس يحبيبتي كلي واحده بس حتي و مسك اللانشون وبيأكلها و بيغمزلها عشان تجاريه ف الي هو بيعمله اما ام رزان ف كانت بتبص عليهم وهي مبسوطه -عن اذنك يا ماما هروح اخد شاور .. اصل الجو حر دخلت الحمام و اياد استغل الفرصه انه يكلم ام رزان
~ انتي قولتيلي لما اتجوز رزان هتقوليلي حقيقه امي ٪ لا غيرت رأيي .. لما تبقا حامل هقولك اياد اصلا اختار تميم و مبقاش يهمه اوي الحقيقه .. كدا كدا مش هتفضل مستخبيه للابد بس كان بيجرب ويشوف يمكن تلتزم بكلامها المره دي ٪ يلا بقا شدو حيلكم انا عايزه احفاد كتير ~ ان شاء الله ام رزان حست انها المفروض تمشي ف استأذنت منهم ومشيت عشان تسيبهم علي راحتهم
بعدها بشويه اياد كان واقف ف اوضه الاطفال بيتجهز و بيتشيك -رايح فين ؟ ~ شغل -اه طبعا شغل ف اول يوم جواز .. بص انت تطلقني دلوقتي حالا بعدها روح المكان الي انت عايزه ~ مفيش طلاق يا رزان -حرام عليك بقا عايز مني ايه انا بجد بكرهك ~ هتعرفي كل حاجه فالوقت المناسب بضحك – كل شويه تقولي وقت مناسب ! بعدين هيهمني ف ايه اعرف اتجوزتي ليه مثلا .. كدا كدا حياتي انتهت خلاص و بسببك مش هقدر اجتمع مع الانسان الوحيد الي حبيته ف طلقني انا مش عايزه اعيش معاك
~ رزان انا حابب اننا نتعامل زي الاخوات و بعد ٦ شهور هطلقك بضحك -تطلقني بعد ٦ شهور !! بقولك مش هستحمل اعيش معاك يومين تقولي ٦ شهور ! طلقني دلوقتي بقولك ~انا اتأخرت يا رزان ولازم امشي جريت علي باب الشقه وقفلته بالمفتاح و رمت المفتاح من البلكونه واخدت المفاتيح الاحتياطيه رمتها من البلكونه بزعيق ~ انتي عملتي ايه !! -مش هتروح فمكان غير لما تطلقني ~ طيب تمام يستي اهو قاعد .. اعملك اكل ولا حاجه ؟!
-لا طلقني ~ يوووه مفيش علي لسانك غير الطلاق .. قولتلك هطلقك بعد ٦ شهور !! ريهام وقتها اتصلت علي اياد -من امتي موبايلك بيرن يا اياد؟ و خطفت منه الموبايل و ردت ~ هاتي الموبايل !! -رديت خلاص.. ايوا مين معايا + انا ريهام .. هو اياد مش موجود ؟ دا صوتك يا رزان صح -اه بس انتي مين اياد كان بيشاورلها عشان تديله الموبايل بس هي بتحرك راسها بالرفض
+ انا الممرضه ريهام لو فكراني -ايوه يا ريهام بتتصلي ليه علي اياد + مش فاضي ؟ طيب خلاص هتصل بيه وقت تاني -استني بس يا ريهام .. لما تكلميه قوليله يطلقني عشان هو شخص كداب و حقير ومنافق بعدم فهم + مش فاهمه .. مين الي يطلق مين -اياد يطلقني بضحك + هقوله علي فكره علي هزارك البايخ دا -ههزر معاكي ليه يا ريهام وانا شفتك مره واحده بس .. انهارده كانت صباحيتنا
وقفلت المكالمه بعصبيه و زعيق ~ ليه عملتي كدا حرام عليكي ليه !! -طالما باين عليك بتحب ريهام وبتتقابلو يبقا ليه اتجوزتني ؟! اخدت عهد علي نفسك مثلا انك تدمرلي حياتي ؟ طلقني و روح اتجوزها لو عايز المهم طلقني دخل اوضه الاطفال وهو متعصب بعد لما اخد منها الموبايل اتصل علي ريهام بس ريهام عملتله بلوك من كل مكان مكنش عنده اي حل غير انه يستني اليوم الي بعدو .. نام و هو اصلا كان تعبان ف نام بسرعه
اما رزان ف قعدت ف اوضتها زي العفريت .. بتبص فالاوضه حواليها وتضحك و شويه تعيط و تنهار .. هي لسا متقبلتش حقيقه ان حياتها اتدمرت اليوم الي بعدو صحي وكانت مفاتيح الشقه جنب سريره اخدهم و لبس ونزل راح للمستشفي الي فيها تميم عشان يطمن علي تميم ويشوف ريهام بس ريهام اول لما شافته جريت بسرعه علي اوضه الاستراحه وقفلت الباب عليها ~ ريهام افتحي وانا هفهمك كل حاجه
بعياط + انا سبق وقولتلك يا اياد اني مش بحب الكدابين و انت كدبت عليا وخدعتني .. قولتلي الخطوبه عباره عن خطه و خلتني احبك واتعلق بيك فالاخر رحت اتجوزتها .. هان عليك تلعب بيا يا اياد وبمشاعري ؟ ~ صدقيني يا ريهام انا بحبك .. ريهام فرحت للحظه لما قالها بحبك بس رجعت للحقيقه المره وهي انه كداب و مخادع وكمان متجوز + روح شوف مراتك اكيد مستنياك فالبيت .. عالاقل احترم مراتك و سبني فحالي
~ طيب اطلعي بس وانا هفهمك كل حاجه + عايز تخدعني تاني يا اياد !! امشي بدل م اتصل عالامن يرموك برا وكمان مش هيدخلوك المستشفي تاني ~ طيب خلاص انا هسيبك تهدي … متحكميش عليا قبل لما تسمعيني و راح لاوضه تميم عشان يتطمن عليه عدت الايام و تميم كل يوم بيتحسن لدرجه انه بقا بيرجع لوعيه و كان بيسأل عن رزان بس اياد بيقوله انها تعبت نفسيا بعد الي حصله ف ابوها سفرها برا تغير جو ( مكنش ينفع يقوله الحقيقه ولا علي خطه جوازه من رزان لان النفسيه مهمه جدا فعلاجه )
اما ريهام ف كانت رافضه انها تسمع اياد رغم محاولاته .. هو ندم انه مقالهاش قبل الفرح .. هو بس كان خايف يخسرها ومكنش عارف يقولها الموضوع ازاي ..
اما رزان ف كانت كل يوم بيزيد استغرابها من تصرفات اياد و تعبت من انها تقوله يطلقها كل لما تشوفه لدرجه انه بقا اغلب اليوم برا البيت بيرجع البيت عشان ينام بس .. ام رزان كانت كل يوم بتسأل بنتها حاسه انك حامل ولا لا .. فيه ترجيع ولا لا بس طبعا مكنش فيه حمل ولا حاجه .. ام رزان بدأت تحس ان فيه حاجه غلط و قررت بعد جوازهم ب ٥ شهور انها تخترع حجه وتبات معاهم فالشقه
**بعد فرحهم ب ٥ شهور ** طلعت شقه رزان و اياد بالليل -ايوا يا ماما فيه حاجه ؟ ٪ يا حبيبتي انا زهقت من القعده وحدي ينفع ابات معاكم انهارده كانت رزان عايزه ترفض بس قالتلها هتشوف اياد لحظه وقفلت الباب لغايه لما تشوف اياد -الحق ماما عايزه تبات معانا ~ يبقا شكت ف حاجه يا رزان .. -طبعا لما تشوف جوز بنتها بيرجع كل يوم الفجر اكيد هتشك . طلقني يا اياد اهو عدي ٥ شهور وصبرت و انت مع ذلك مش راضي تطلقني
~ نشوف الموضوع دا بعدين .. تعالي انتي رتبي اوضه الاطفال و رجعيها زي م كانت وانا هرتب اوضه النوم رتبو بسرعه الاوضتين وفتحولها ~ ازيك يا حماتي ٪ اهلا يا اياد .. انا مش هزعجكم متقلقوش .. هنام ف اوضه الاطفال ~ تنوري يا حماتي اياد دخل الحمام عشان يفكر هيعمل ايه فالليله المهببه دي .. خلاص فاضل تكه وتميم يخف خالص واكيد مش هيضيع مجهوده طول ال ٥ شهور لو ام رزان شكت فحاجه فالليله دي
اما ام رزان دخلت اوضه رزان وفتحت دولابهم -بتدوري علي حاجه يا ماما ؟ طلعت فستان نوم مكشوف جدا جدا .. ٪ البسي دا انهارده يا رزان رزان ضحكت -انتي كمان هتقوليلي البس ايه !! عيب عليكي والله ٪ لما تكون بنتي فاشله و جوزها بيرجع البيت الفجر يبقا لازم اتدخل و افوقها .. عدي خمس شهور علي جوازكم ومفيش حمل كمان -ماما لو سمحتي دي حياتي وانا حره فيها .. كفايه انك اجبرتيني اتجوزه كمان هتتدخلي في حياتي !!
٪ طب خلاص خلي جوزك تلف عليه واحده و تخليه يتجوزها وخليكي انتي هنا قاعده ف البيت زي الهبله -ايوه يا ماما خليني زي الهبله اياد وقتها دخل الاوضه ~ ايه دا مكنتش اعرف انك فالاوضه يا حماتي .. عايزه حاجه يا حماتي ؟ ٪ لا كنت بدي لبنتي درس بس .. اتمني تستفيد منه وتتعلمه وخرجت من الاوضه و راحت اوضه الاطفال اياد قفل باب الاوضه بتاعتهم و رزان بصتله وهي رافعه حاجبها لفوق
-بتقفل الباب ليه !! ~ عايزه امك تفتح علينا الباب بالليل يعني ؟! انا متوقع منها اي حاجه و بعدين بصي متقلقيش يعني انا هنام علي الارض وانتي نامي عالسرير و سيبي بس الي ماسكاه ف ايدك دا ودخليه الدولاب رزان خبته ورا ضهرها -علي فكره ماما الي طلعته مش انا ~ امك يا رزان متخلهاش تتدخل بينك وبين جوزك .. يعني مينفعش اصلا تخليها تفتح دولابك مش كمان تفتحه و تختارلك لبس
-م انا سمعتها كلمتين وبعدين طلقني ~ هتمـ,ـوتي يعني لو مقولتليش طلقني كل لما تشوفيني .. يلا نامي نامت عالسرير وهو فرش عالارض بس الاتنين كان عندهم ارق ومكنوش عارفين ينامو -اياد .. انا تعبت من اني عايشه معاك وانا مش فاهمه حاجه .. لو سمحت طلقني بقا وارحمني ~ كلها شهر وهتفهمي كل حاجه -طيب تميم كويس ؟ حالته اتحسنت ولو شويه ؟؟ ~لسا زي م هو -ينفع لما يفوق متقولهوش اننا اتجوزنا ؟؟
~ نامي يا رزان *بعد شهر * ( يعني كدا عدي ٦ شهور علي جوازهم ) ٪ ايوا اهو هفتح الباب لحظه خلي فيه صبر ! فتحت الباب و اتصدمت صدمه عمرها لما شافت انه تميم بسخرية = ازيك يا مرات عمي اول لما شافته حست انها بتحلم بس قرصت ايدها و حست ف معني كدا انه مش حلم .حست بضيق نفس و وقعت عالارض واغمي عليها ( جتلها نوبة قلبية )
يتبع #عناد_العشاق #Nada_mahmoud #magnona_chan تفتكرو هل ريهام هتسامح اياد ؟؟ و تفتكرو ايه رده فعل تميم لما يعرف ان رزان اتجوزت ! خلاص كدا الروايه بتفنش فاضل بارتين بالكتيرالبارت السابع عشر والأخير ٪ ايوا اهو هفتح الباب لحظه خلي فيه صبر ! فتحت الباب و اتصدمت صدمه عمرها لما شافت انه تميم بسخرية = ازيك يا مرات عم اول لما شافته حست انها بتحلم بس قرصت ايدها و حست ف معني كدا انه مش حلم .حست بضيق نفس و وقعت عالارض واغمي عليها ( جتلها نوبة قلبية )
تميم وقف زي التمثال وهو باصص عليها بحقد بس وقتها رزان نزلت علي السلم (عشان شقتها فوق شقه امها ) -ايه الي وقع يا ماما وعمل صوت جامد كدا !! اول لما شافت تميم تنحت فيه وهي مش مصدقه وفركت عينيها -تميم !! تميم كان مستغرب انها نزلت من الدور الي فوق بس فرحته انه شاف رزان بعد كل الوقت دا كانت طاغيه علي اي حاجه بصت عليه و هي بتعيط من الصدمه و من صدمتها وفرحتها ب تميم ملاحظتش اصلا امها الي واقعه علي الارض
وقفت قدام تميم و حطت ايدها علي كتفه عشان تتأكد انه حقيقي ومش بتتخيل بعياط -انت حقيقي !! تميم كمان دمع اول لما شافها و قرب منها عشان يحضنها بس هي رجعت ل ورا استغرب تصرفها و بصلها بصدمه بعياط – تميم انا مش مصدقه انك رجعت اخيرا .. انت خفيت يا تميم و رجعت زي الاول = ششش خلاص متعيطيش يا رزان انا كويس اهو بعياط – ياريتك كنت فوقت من ٦ شهور يا تميم ياريت
تميم مفهمش قصدها طبعا وقتها رزان لاحظت امها الي واقعه عالارض قعدت جمبها وهي بتعيط بس المره دي بتعيط من الحزن .. صحيح امها اذتها و جوزتها غصب عنها بس فالاول والاخر امها الي ليها فضل عليها بعياط و صريخ -تميم ايه الي حصل لماما !! = سيبيها يا رزان بصت لتميم وهي مش مصدقه الي قاله -اسيبها ازاي !! ببرود = سيبيها تمـ,ـوت قامت من جمب مامتها و فضلت تضرب ف تميم علي صدره
بعياط و صريخ -انت بتقول ايه يا تميم بتقول ايه !! = امك هي الي كانت بتسممني طول الوقت دا وبتديني حقن تخلي عقلي مغيب .. امك كانت عايزه تخلص مني يا رزان بس هي كانت مكمله ضرب فيه بعياط و صريخ – انت كداب يا تميم كداب حط ايده علي ضهرها ومسح علي راسها = انا بقول الحقيقه يا رزان .. امك شخص مش كويس ومتستحقش انك تنقذيها رزان ضربته بالقلم وبعدت عنه
بعياط و زعيق -ارجع من المكان الي جيت منه يا تميم !! انت مش تميم الي انا اعرفه .. تميم الي اعرفه مكنش كداب ومفتري زيك و طلبت بسرعه الاسعاف لمامتها و الاسعاف وصلو بسرعه واخدوها للمستشفي و رزان ركبت معاهم فالعربيه و قبل لما يقفلو باب عربيه الاسعاف تميم ركب معاهم بعياط و زعيق -جاي ليه !! مش كنت عايزها تمـ,ـوت ؟! مش بعيد تكون انت الي عملتلها حاجه عشان تفقد وعيها
= مش هسيبك لوحدك في حالتك دي بعياط و زعيق – انزل يا تميم من العربيه انا مش عايزه اشوفك !! بس تميم كان مطنشها وصلو المستشفي و اخدو امها لغرفه العمليات كانت رزان بتمشي فالطرقة وهي خايفه ومتوتره اتصلت ب إياد و قالتله الي حصل لامها و اياد قالها انه فالطريق للمستشفي = ليه بتتصلي ب اياد انا معاكي اهو مسكت تميم من ياقه قميصه و زقته بقوه لغايه لما خبط فالحيطه وهو مكنش بيقاومها
بعياط و زعيق – قولتلك امشي يا تميم !! = انا عارف ان تصرفي غلط لما قولتلك سيبيها تمـ,ـوت بس انتي افهميني يا رزان و صدقيني .. انا ليه هفتري عليها بزعيق – بعد لما ماما اعتبرتك زي ابنها دلوقتي بتفتري عليها و تقول انها هي الي عملت فيك كدا طول الشهور الي عدو ؟! انت ناكر للجميل = اسمعي التسجيل دا
شغلها تسجيل سجله للدكتور المشرف علي حالته وهو بيعترف ان ام رزان هي الي اتفقت معاه انه يسمم تميم وانه اصلا لما وصل المستشفي كان بالفعل بدأ ياخد الادويه دي من شهر وهو بس استمر عليهم عشان تسوء حالته مع الوقت بضحك – دا اكيد تسجيل متفبرك تميم اتنهد بعد لما فقد الامل ف انها تصدقه وقتها اياد وصل المستشفي اول لما رزان شافته حضنته وهي بتعيط اما تميم ف بص الناحيه التانية و اياد اتصدم من تصرفها
~ مالك يا رزان ايه الي حصل لامك ؟! -تميم شكله عملها حاجه يا اياد .. كانت واقعه جمبه وهو مفكرش يساعدها حتي وكمان بيقولي سيبيها تمـ,ـوت بس اياد كان ساكت -ساكت ليه يا إياد ؟ انت حتي متصدمتش من الي تميم عمله ولا قاله ~ لان تميم كان عنده الحق يعمل كدا و كمان يقول كدا -مش فاهمه ~ امك هي السبب فحالة تميم طول الشهور الي فاتت وهي الي اعترفتلي ب دا بنفسها و قالتلي انها بتكره تميم و مش عايزاكم تجتمعو مع بعض و لا تتجوزو ف عشان كدا كانت بتسممه
رزان بصتله بصدمه وهي مش مستوعبه الي هو قاله او يمكن مش عايزه تستوعب ضربته علي كتفه -بطل هزار يا إياد علي فكره الوقت مش مناسب للهزار ~ انا مش بهزر يا رزان .. دي الحقيقة بصت علي تميم الي اومأ ب رأسه بالايجاب بعدين ضحكت -انتو اكيد بتهزرو .. الكلام دا لا يمكن يكون حقيقي .. ماما طول عمرها بتحب تميم زي م بتحبني ومستحيل تأذيه ~ للاسف دي الحقيقه يا رزان
قعدت عالارض و هي حاطه ايديها الاتنين علي وشها زي الاطفال وبتعيط و بتصرخ -انا ازاي كنت عايشه فالوهم دا ازاي .. ازاي كنت عامية و فاهمه الي حواليا غلط اياد همس ل تميم ~ اقف جنبها يا تميم .. رزان بتحبك تميم بصله ب استغراب = بتحبني ؟! ~ ايوه هي الي قالتلي كدا بنفسها .. خليك جنبها ومتسبهاش ف الوقت الصعب دا تميم شكر اياد و بعدها اياد مشي من المستشفي
تميم مكنش عارف يتصرف ازاي فالموقف دا ولا يقولها ايه اصلا = رزان انا مش زعلان منك ولا متضايق .. انا وانتي كنا فاهمينها غلط بعياط -تميم روح انا مش عارفه ابص ف وشك ازاي بعد الي ماما عملته فيك = و انا بحبك يا رزان ومش هسيبك وحدك تنحت ف تميم وهي مش مصدقه الي قاله -قولت ايه !! = قولت مش هسيبك وحدك -لا لا الي قبلها اتنهد تميم لما فهم قصدها و مسك ايدها
= كنت بقولك اني بحبك من كذا سنه وان البنت الي رحنا القاهره عشان نخطبها كانت مجرد خطه عشان اشوف غيرتك عليا واتأكد بتحبيني ولا بتعامليني ك اخ بس لما اتخطبتي ل اياد انا اتراجعت ل ورا يا رزان لان وقتها اتأكدلي احساسي انك مش بتحبيني بعياط – تميم .. اياد كان خطه انا عملاها و .. كانت لسا هتكمل كلامها بس حط صباعه علي بوقها = ششش انا عارف الحكايه اياد حكالي كل حاجه
اتسعت عينيها بصدمه -كل حاجه كل حاجه ؟! =ايوه مالك مستغربه ليه تميم وقتها طلع خاتم من جيبه و مسك ايدها = تقبلي تتجوزيني يا رزان و نعيش الي باقي من حياتنا مع بعض ؟ رزان عيطت لما سمعت عرض جوازه الي طول عمرها بتحلم بيه بس يوم لما اتحول حقيقه مش هتقدر تقبله = طيب بتعيطي ليه دلوقتي بس رزان قامت من مكانها وجريت برا المستشفي وسابت تميم وهو مادد ايده ب الخاتم
تميم طبعا زعل من تصرفها بس لام نفسه جامد لانه افتكرها رفضت بسبب انه عرض عليها الجواز و امها فالمستشفي و دا وقت مش مناسب اصلا لحاجه زي دي بس الحقيقه ان رزان مسحت امها بالاستيكه من حياتها بعد لما سمعت حقيقتها وبعد كمان لما الامور ابتدت تتضح قدامها .. امها كانت عارفه ان رزان بتحب تميم ومع ذلك اصرت تبعدهم عن بعض لدرجه انها كانت بتسممه و كمان جوزتها ل اياد بالعافيه .. بس كانت عندها اسئله تاني مش فهماها
اتصلت علي اياد وهي بتعيط بعد لما رفضت الحلم الي طول عمرها بتحلم بيه ~ ايوا يا رزان بعياط – روح شقتنا قدامي وانا اهو جيالك ~ تمام يا رزان ركبت تاكسي ووصلت للبيت وطلعت شقتها هي واياد -اظن عدي ال ٦ شهور وتقدر تقولي ليه اتجوزتني ~ اتجوزتك عشان امك بعد لما اعترفتلي ب الي عملته ف تميم قالتلي انها كدا كدا هتجوزك لحد تاني غير تميم و عرضت عليا اني اتجوزك مقابل انها تقولي حقيقه اهلي
بعياط و زعيق -وانت طبعا قبلت عشان حقيقه اهلك صح ! دمرتلي حياتي عشان مصلحتك يا ندل يا حقير ~ انا خلاص اصلا مش عايز اعرف الحقيقه .. انا اتجوزتك عشان الهيها عن تميم و اقدر اعالجه فال ٦ شهور الي فاتو .. لو مكنتش عملت كدا كانت هتستمر ب تسميمه انما لما اتجوزنا هي انشغلت بينا و مبقتش تتابع حوار تميم زي الاول و معرفتش حتي اني اشتريت الدكتور الي هي متفقه معاه
بسخريه – وانت ليه هتعمل كدا مثلا ؟! ايه الطيبه الي نزلت عليك فجأه عشان تنقذ حياه الشخص الي البنت الي بتحبها بتحبه ~ اولا انا بحب ريهام .. مشاعري ناحيتك كانت اعجاب مؤقت و ثانيا تميم اخويا عشان كدا ساعدته رزان بصت ل اياد وهي مصدومه -اخوك ازاي يعني ! ~ اخوات من نفس الام بضحك – مين بقا الي قالك الكدبه دي ~ دي مش كدبه دي حقيقه .. عمك اتجوز مراته وهي عندها كام سنه
-كان عندها ٣٥ سنه بعدها استوعبت سبب سؤاله -يعني قصدك تقول انها كانت متجوزه قبل عمي ! ~ ايوه بس مش مشكله اعرف ليه سابتني .. ومكنتش هكره تميم عشان حاجه ملهوش ذنب فيها فالنهايه دا كان اختيارها هي مش اختياره هو -انا اسفه يا اياد مش عارفه اقولك ايه .. ~ ولا يهمك .. بكرا هنروح للمأذون نتطلق متقلقيش . انا نازل هقعد مع تميم و انتي لو عايزه ترجعي لامك فالمستشفي ارجعي
رزان نزلت وراه عشان تروح لامها وتستني لما تفوق .. كانت عايزه تسألها سؤال واحد بس قبل لما تتصل ب ابوها المسافر وتقوله الي امها عملته ف تميم . السؤال دا كان ‘ليه ‘ ليه عملت كدا ف تميم وليه بتكرهه وليه دمرتلها حياتها اياد راح لتميم الي كان قاعد فالمستشفي وهو متضايق و ف ايده علبه الخاتم بقلق ~ مالك يا تميم .. حاسس انك تعبان ؟! = لا لا مش تعبان .. انا مش عارف اشكرك ازاي يا اياد علي انقاذي من المـ,ـوت .. انت من الناس الطيبين القليلين فالدنيا
~ لا متشكرنيش علي حاجه المهم انك بخير و بص علي علبه الخاتم الي ف ايد تميم و اتضايق جداا لما استنتج الي حصل .. اتضايق لانه واقف فطريق سعادتهم حتي لو دا بسبب خطه بس كان بيقلل عذاب ضميره ب انه يفكر نفسه انه هيطلقها الصبح وب كدا تقدر ترجع ل تميم ~ تميم .. فيه حاجه لازم اقولهالك = ايه هي ~ ام رزان اعترفتلي من فتره انك اخويا ..
= مش فاهم ازاي اخويا ~ احنا اخوات من نفس الام يا تميم .. امي كانت متجوزه قبل لما تتجوز ابوك بس ابويا مات فحادث وبعدها هي رمتني فالملجأ واتجوزت ابوك تميم بصله وهو مش مصدق الي اياد بيقوله = متأكد انك بتتكلم عن امي !! ~ ايوه .. اياد كانت بيتكلم مع تميم وهو بيبتسم ابتسامه كلها الم ووجع و تميم كان ملاحظ دا ودا الي خلاه يصدق كلامه بسرعه
= امي لا يمكن تعمل كدا يا اياد .. اكيد فيه حاجه غلط فالموضوع اياد بص الناحيه التانيه عشان تميم ميشوفش الدمعه الي نزلت من عينه ~ للاسف دي الحقيقه تميم حضن اياد و اياد وقتها ممسكش نفسه و فتح فالعياط بعياط ~ انا طول عمري كان نفسي يكون عندي عيله يا تميم .. بس حتي عيلتي الحقيقيه اتخلت عني = من انهارده مش هنفترق يا اياد و هتعيش معايا .. انا عيلتك و وهقف معاك علطول
بعياط ~ يعني هيكون عندي اخ اخيرا يا تميم ؟ = ايوه و انا اصلا مبسوط اني عندي اخ زيك يا اياد .. انت انقذتني من المـ,ـوت رغم ان اي حد مكانك كان هيسيبني امـ,ـوت بعد لما ماما فضلتني عليك قعدو فحضن بعض خمس دقايق بعدها تميم مسح دموع اياد = انا افتكرت حاجه يا اياد ~ اي هي
= لما تميت ١٨ سنه امي قالتلي انها كانت متجوزه قبل ابويا و كان عندها ابن .. بس الابن دا نزل الشارع وقت لما قعدت فالمستشفي هي و جوزها يومين و طبعا كان ابنها وحده فالبيت ف فتح الباب وحده ونزل الشارع .. اهلها قالولها كدا و هي فضلت فتره طويله تدور عليك ~ اكيد كانت بتكدب عليك يا تميم .. اكيد مكنتش هتقولك رميت ابني فالملجأ عشان اعرف اتجوز تاني
= لا مكنتش بتضحك عليا يا اياد .. كان معاها صندوق فيه صورك وانت صغير و كمان العابك وكذا حاجه من لبسك كانت كل ليله تفتحهم تبص عليهم و تشم الهدوم و تنام وهي بتعيط عليك ~ ومين ليه مصلحه انه يبعدني عنها !! = دلوقتي لما فكرت فالموضوع حسيت ان اهلها هما الي عملو كدا لان حسو انك هتكون حمل زايد عليهم او انها هترميك ليهم و تروح تعيش حياتها و هما يتدبسو فيك .. اهل امي مكنوش ناس كويسه يا اياد
اياد كان بيستوعب الي تميم قاله وهو مبسوط ان امه متخلتش عنه بعياط ~ يعني متخلتش عني !! = بتعيط ليه دلوقتي بس يا اياد ~ دي دموع الفرح .. انا بقالي فتره بأنب نقسي انها اكيد عملت حاجه عشان امي تسيبني فالملجأ = لا انا متأكد انهم لو مكانوش كدبو عليها مكنتش هتسيبك ابدا ابدا .. يلا بقا امسح دموعك وقتها رزان وصلت المستشفي ~ قلبك مطاوعكيش تسيبيها فحالتها دي صح
-لا ابدا .. انا جيت عشان لسا عندي اسئله ليها عايزه اسألهم لما تفوق ~ تمام .. قعدت جنب اياد وهي باصه علي تميم بس تميم كان باصص الناحيه التانيه و مكسوف يبص ف وشها بعد لما رفضته *بالليل* اياد و رزان كانو نايمين اما تميم ف مكنش قادر ينام ¥ الدكتور بيقولك المريضه فاقت بس مسموح بزياده خمس دقايق بس حاليا = تمام انا هدخل ليها دخل اوضه ام رزان الي اول لما شافته ضحكت
٪ انت زي القطط عندك سبع ارواح سحب كرسي وقعد جنبها ٪ قوليلي بقا ليه عملتي فيا كدا ؟ انا عملتلك ايه عشان تكرهيني اوي كدا ؟ ٪ امك السبب .. اخدت جوزي مني و اتجوزها بعد مـ,ـوت ابوك و كمان مكتفاش ب دا لا دا حبها و حاول يقنعها ميتطلقوش وقت لما انت دخلت الجامعه بضحك = اه وانا المفروض اصدق حكايتك البايخه دي ٪ اسأل عمك و اياد وهيأكدولك كلامي
= نفترض انه صح .. اكيد امي اتجوزته لسبب ما .. امي كانت بتحب ابويا و فضلت وفيه ليه لاخر حياتها ٪ كانت حجتها انها مش قادره تربيك وحدها وفنفس الوقت مش قادره تاخد مصروف شهري ك شفقه = دا بردو مش سبب انك تكرهيني .. امي معملتش حاجه غلط دي اضطرت تتجوزه عشان تعرف توفرلي حياه كويسه ٪ لا امك خطفت جوزي مني و انت كنت عايز تخطف بنتي مني وكان لازم اتصرف
= انتي مريضه والله ولازم تتعالجي… انا بحب بنتك اكتر من نفسي اصلا و كانت هتعيش كويس معايا ٪ يخساره بقا دا كان زمان .. انا مش ندمانه علي الي عملته فيك لانه جاب فايده .. انت و رزان لا يمكن تجتمعو = مش فاهم ٪ رزان متجوزه اياد بقالهم ٦ شهور و ممكن كمان تكون حامل بضحك = فكراني هصدقك ؟ شوفي كدبه احسن من كدا ٪ اسأل رزان او اياد وهتعرف اني بقول الحقيقه
تميم قفل عيونه وهو بيحاول يستوعب الي هي قالته خرج بسرعه من الاوضه و صحي رزان واياد بعنـ,ـف بزعيق = اصحو !!! رزان واياد صحيو وهما مخضوضين بخوف – فيه ايه يا تميم بزعيق = انتو فعلا اتجوزتو!!! رزان بصت ل اياد وهي بتدمع ~ اهدي بس يا تميم انا هفهمك كل حاجه بضحك وسخريه = تفهمني ايه يا .. اخويا !! تفهمني انك رحت اتجوزت حبيبه اخوك !! و لا تفهمني انها هتكون حامل منك قريب !! احكيلي كدا ازاي قدرت تلمسها وانت عارف ان اخوك بيحبها !
رزان كانت خايفه جدا من تميم لانها اول مره تشوفه فالحالة دي -يا تميم هو مجاش جنبي والله بضحك = علي الاقل وفري كدبك دا لحد يصدقك !! ااه عشان كدا بقي رفضتي عرض جوازي .. عشان متجوزه اصلا و فضل يضرب كف علي كف كذا مره وهو بيضحك = انت طلعت مغفل يا تميم .. واحد جاي من الشارع اعتبرته اخوك بس هو اصلا متجوز حبيبتك رغم انه عارف انك بتحبها
~ تميم .. جوازنا كان خطه و كنا عايشين زي الاخوات والله .. كان لازم اتجوزها عشان الهي امها عنك و اعرف انقذك = ياخي ياريتك كنت سبتني مـ,ـوت عالاقل معيشتش للحظه دي .. حرام عليكم انتو مش بتحسو !!! و راح عند الحيطه وفضل يخبط ب راسه فالحيطه = انا اهو همـ,ـوت نفسي و اريحكم مني خالص رزان واياد قامو بسرعه من مكانهم و اياد حضن تميم ~ متعلمش كدا فنفسك يا تميم والله العظيم كانت خطه و مجتش جنبها اصلا
اياد استغرب ان تميم مخرجش من حضنه ولا زقه ولا اي حاجه بص عليه وكان تميم فقد الوعي نادي علي الدكتور *بعد ساعه * ¥ متقلقوش هو بس عاش صدمه كبيرة لكن هو كويس ~ تمام يا دكتور شكرا رزان كانت لسا بتعيط ~ اهدي يا رزان اهو هيكون كويس .. كلها ساعتين والصبح يطلع وهروح اطلقك بعياط – تميم عمره م هيبص ف وشي تاني يا اياد ~ اهدي رده فعله طبيعيه .. هو بيحبك و فكره ان حد غيره لمسك جننته
بعياط – تفتكر هيسامحني ؟ ~ انتي ملكيش ذنب يا رزان .. لو فيه حد لازم يكرهه ف هو انا لان دي كانت خطتي و بعد ساعتين كان لسا تميم مفاقش بسبب المهدئات الي ادوهاله راحو للمأذون و اتطلقو و رزان حست انها حره اخيرا بس قبل لما ترجع للمستشفي عند امها و تميم راحت للمستشفي الي اتعالج فيها تميم اول لما دخلت المستشفي شافت ريهام -ريهام استني ببرود + نعم عايزه حاجه ؟
-عايزاكي تسمعيني .. عشر دقايق بس + قدامك عشر دقايق بس -انا عارفه انك اتصدمتي لما عرفتي ان اياد اتجوز فجأه بس ريهام قاطعتها + فاضل ٨ دقايق -بصي انا واياد اتطلقنا انهارده + فاضل سبعه -جوازنا كان خطه عشان ننقد تميم .. كان هدف اياد انه يلهي ماما عن تميم و عشان تنشغل بينا احنا و تلتهي عن تميم اضطر يتجوزني بس والله انا وهو كنا عايشين زي الاخوات ومكنتش فاهمه سبب جوازه مني .. قالي امبارح
+ فكراني هصدقك ؟! انتي اكيد كدابه زيه -هكدب ليه يا ريهام و هتجوز اياد ليه اصلا ؟! انا بحب تميم و اكيد لاحظتي دا ف اول مره اتقابلنا و اياد اصلا ميعرفش اني بكلمك دلوقتي .. مطلبش مني حتي اكلمك . صدقيني هو بيحبك انتي ريهام كانت ساكته وبتفكر ف كلام رزان و فعلا كان كلام منطقي بالنسبالها ريهام راحت مع رزان للمستشفي عشان تشوف اياد اول لما اياد شافها اتبسط جدا و استغرب فنفس الوقت
~ ريهام والله دي كانت كان لسا هيكمل كلامه بس هي قاطعته + رزان فهمتني كل حاجه اياد بص ل رزان نظره امتنان بعدها بص ل ريهام ~ريهام انا بحبك … و بعدها وقف علي ركبته ومسك ايدها ~ انا طبعا مجبتش خاتم لاني اتفاجئت اصلا اني شفتك بس تقبلي تتجوزيني ؟! تقبلي نتشارك كل حاجه مع بعض لاخر حياتنا ؟ تقبلي انكد عليكي كل يوم ؟ ريهام ضحكت و ابتسمت بفرحه
+ موافقه موافقه ~ يووه ليه مش هينفع احضنك غير بعد كتب الكتاب ريهام ضحكت علي طريقه كلامه الي زي الاطفال اما رزان ف كانت مبسوطه وهي باصه عليهم .. عالاقل القصه دي متظلمش كل الي فيها .. عالاقل فيه اتنين بيحبو بعض هيجتمعو وقتها الدكتور قالهم ان تميم فاق وكان اياد رايح يدخل عشان يشوفه -انا هدخل لوحدي يا اياد .. عايزه اكلمه وحدنا ~ تمام يا رزان الي تشوفيه
دخلت لتميم الي كان باصص الناحيه التانيه -تميم .. مكنش بيرد عليها -طيب حتي بص عليا يا تميم = عايز افضل وحدي -تميم الي احنا قولناه ليك كان الحقيقه .. اياد اصلا بيحب ريهام و صدقت الحقيقه عشان بتحبه .. لكن انت مش راضي تصدقني ليه تميم مردش عليها = المـ,ـوت كان اهون ليا من انك تتجوزي غيري حتي لو كلامكم حقيقي و جوازكم مش حقيقي
بعياط – انت فاكر ان الموضوع كان سهل عليا !! اني اتجوز حد غيرك .. انا قعدت شهور فاكره ان حياتي ضاعت و ان خلاص مفيش امل لينا مع بعض .. انا كمان اتعذبت اكتر منك يا تميم لما اجبروني اتجوز غيرك بس الفرق انك اتعذبت يوم واحد و انا اتعذبت شهور .. انت اهو مش قادر علي الوجع دا يوم واحد فما بالك بيا انا !! و فالاخر جاي تلومني يا تميم بعد كل دا ؟
تميم مهانش عليه يشوفها منهاره كدا و قام من علي السـ,ـرير وحـ,ـضنها = انا اسف .. دفـ,ـنت نفسها فحـ,ـضنه وهي بتعيط اكتر واكتر -انا بحبك يا تميم وعمري م حبيت ولا هحب حد غيرك .. = انا كمان بحبك ومسحلها دموعها بعدها اخد علبه الخاتم من جيبه = بما ان مفيش ليكي عده .. تقبلي تتجوزيني ؟! بصتله بصدمه وهي مش مصدقه بفرحه – موافقه يا تميم اليوم دا كان يوم مبهج و كل الاطراف فيه كانو سعداء لدرجه رهيبه
بس كان لازم رزان تعمل حاجه الاول اتصلت ب ابوها وحكتله كل الي امها عملته و طبعا هو اخد اول طياره ونزل مصر لما سمع الي حصل قبل لما ابوها يوصل مصر كانت امها خلاص اخدت اذن خروج من المستشفي بس هي مكنتش عايزه تخرج .. خرجت مجبره من المستشفي و راحت بيتها و اتفاجأت انهم غيرو كالون الشقة خبطت كتيير بس محدش فتح ليها رغم انها سامعه صوت رزان جوا الشقه
٪ افتحي يا رزان افتحي !! بس رزان مردتش عليها حتي فضلت تخبط ساعتين كاملين وهي منهاره ومش مصدقه ان بنتها تعمل فيها كدا تميم فتح باب شقته = بتصدعينا ليه ؟ روحي بدل م اطلبلك البوليس ٪ تطلبلي انا البوليس !! = ايوه يلا خلاص رزان مسحتك من حياتها ومحدش فينا عايزك معانا .. و اه استني قبل لما تمشي .. ادالها كرت دعوه = فرحنا انا و رزان بعد شهر .. اهو عملت ب اصلي وعزمتك
وضحك وقفل الباب مسكت دعوه الفرح وهي مش مصدقه .. طب ازاي بعد شهر وهي ليها عده .. وقتها فهمت ان اصلا جواز اياد و رزان مكنش حقيقي و ان اياد اكيد اتجوز رزان عشان يلهيها من انها تتابع تسميم تميم بنفسها كانت لسا خارجه من العماره بس وقتها ابو رزان دخل العماره فنفس الوقت ٪ الحقني يا سليم بنتك مش راضيه تدخلني الشقه ! الاب ضربها بالقلم وكان قلم قوي لدرجه انها وقعت عالارض
> اخرسي مش عايز اسمع كلمه واحده !! بقا هي دي الست الي اتجوزتها ! بتسممي ابن اخويا و عايزه تمـ,ـوتيه ! انتي طالق بالتلاته مسكت رجله وهي بتعيط ومنهاره ٪ ابوس رجلك متعملش فيا كدا يا سليم .. انا مليش مكان اروحه .. والله كل الي عملته عشان مصلحه بنتنا يا سليم زقها برجله بعيد عنه و فتح شقته و دخل وهي فضلت تخبط عالباب وهي بتعيط ٪ افتحو متسيبونيش وحدي افتحو
قعدت ٧ ساعات وهي بتعيط قدام الباب من غير اي رد لما فقدت الامل خرجت من العماره وهي منهاره و مش شايفه قدامها و كانت بتعدي الطريق وملاحظتش عربيه نقل جايه بسرعه عربيه النقل خبطتها جامد و حتي كملت طريقها من غير لما تقف وقعت عالارض و الدم بيغطيها و كان فيه حد فالشارع وقتها شاف الحادثه وطلب الاسعاف اخدوها المستشفي بس للاسف ماتت قبل لما توصل للمستشفي .. دفنوها علي انها مجهوله لان مفيش حد رضي يستلمها سواء رزان او ابوها
*بعد شهر * كانت رزان و ريهام بيتجهزو فنفس الاوضه وهما بيبصو لبعض ب ابتسامه + ايه الجمال يا رزان -ما شاء الله عليكي يا ريهام شكلك قمر وانتي عروسه + تفتكري ايه رده فعلهم لما يشوفونا -والله فيه طريقه واحده عشان نعرف .. و خرجو من الاوضه ل اياد و تميم الي كانو مستنيينهم عشان يروحو القاعه اول لما شافوهم تنحو فيهم و بصو لبعض بضحك = فين رزان انا مش شايفها .. هي الميكب ارتيست ركبتلك راس تانيه ولا ايه ؟!
رزان كشرت و ضربته علي دراعه -لا انا غيرت رأيي مش عايزه اتجوزك بضحك = يرضيكي اموـ,ـت من الحزن دلوقتي ؟! رزان حضنته – لا طبعا ميرضنيش .. خلاص سامحتك ~ لا بس علي فكره شكلك احلي من غير ميكب .. بعد كدا عايز دايما اشوفك علي طبيعتك بكسوف + اه يا بكاش .. كل البنات بتبقا احلي بالميكب ~ الا انتي احلي من غيره وبعدين انا ضحكو عليا ولا ايه ؟ قالولي هتاخد حضن لما تشوف العروسه
+ احنا لسا مكتبناش كتابنا يا اياد .. حد قالك تروح عليك نومه امبارح و نضطر نكتب كتابنا فالفرح ؟! ~ كنت عارف والله انك هتفضلي تفكريني كل شويه + يلا نروح القاعه اتأخرنا علي الناس كل عروسين ركبو عربيتهم ووصلو للقاعه واول لما ابو رزان شافها هي وتميم عينه دمعت -بتعيط ليه يا بابا ؟! > عشت وشوفتك عروسه يبنتي .. خلي بالك منها يا تميم = دي ف عيني يا عمي
قعدو علي الكوشه وهما مبسوطين ~ عايزه تسمي عيالنا ايه يا ريهام + لا علي فكره اول سنتين مفيش عيال يا اياد .. لما احقق كياني الاول نبقا نشوف حوار العيال بضحك ~ اه اه كيانك .. مش عارف مين الي كل شويه كانت تقولي انا امتي ربنا هيتوب عليا و ابطل اشتغل + مش انا اكيد بضحك ~ اه طبعا طبعا .. = علي فكره لما نروح البيت هتشرحيلي كل الي فاتني وانا تعبان .. علينا امتحان بعد شهر يا رزان
-اشرحلك !! اه طبعا طبعا هشرحلك = قولي بقا انك مش عايزاني اطلع اوائل دفعه السنادي -لا اهو هشرحلك حاضر .. متنساش بقا تجيب كشكول وقلم واحنا فالطريق للفندق تميم ضحك *بعد عشر سنين * اياد كان مستمر بالتدريب عند ابو رزان من وقت خطتهم و بعد عشر سنين كان دكتور جراحه مشهور زي ابو رزان لدرجه ان ابو رزان كان بياخده معاه فكل مكان وبيستشيره
اما تميم ف اتخرج من الجامعه وهو التاني علي الدفعه و اشتغل بعدها فمستشفي كبيره جدا في مصر .. كان قدامه يسافر برا مصر بس رزان مكنتش حابه انه يبات بعيد عن بيته ولو ليله واحده وطبعا رزان عنده اهم من الشغل رزان وتميم بقا عندهم ابن جميل اسمه كريم اما اياد و ريهام ف بقا عندهم بنوته جميله اسمها مريم و عاشو عيلتين مترابطين مفيش بينهم اي مشاكل .. عيلتين بيحبو الخير لبعض
#تمت #عناد_العشاق #magnona_chan #Nada_mahmoud لو قدامكم انكم تختارو شخص من الروايه يتحول لشخص حقيقي هتختارو مين ؟ اياد ولا تميم وبالنسبه للولاد هتختارو مين ؟ ريهام ولا رزان و اتمني تكونو استمتعو بالروايه♥️