نبره صوته ونطقه لاسمي كان اشبهه بنزول التلج ع جمر من نار كان يحيي واقف يبنهج بقوه وكأنه جاي جري بسرعه لاقيته جه وقف جنبي ..لمحت ع وش زين اثر غضب لكن محاها بسرعه يحيي:كنتي كويسه فيكي حاجه…اي جابك هنا فهميني زين:مفيش حاجه انسه امل كانت حابه تستفسر اكتر عن شخصيه فرعونيه وانا حبيت اوصلها عشان نتبقاش لوحدها ودي استاذه شفق ،دارسه لغه هيروغليفيه مش كدا بردوا ياامل فهمت من نظره زين التهديد بـ اياكي تحكي او تقولي حاجه ففضلت اني اسكت علي الاقل حاليا
امل:انا كويسه يايحيي..وفعلا زي مااستاذ زين قال جيت استفسر منهم علي شخصيه فرعونيه.. لاقيت يحيي سحبني معاه ومشينا وقف تاكسي يوصلنا لحد الفندق يحيي: لو فاكره اني اقتنعت باللي اتقال جوا دا يبقا انسي..مش هضغط عليكي دلوقتي ،اطلعي نامي ونور فوق مستنياكي كانت عايزه تيجي معايا وانا رفضت هزيت راسي بقله حيله وضعف ،مفيش فيا حيل اني اتنقاش او اتكلم او اقول اي حرف محتاجه انام وبس.. طلعت لقيت نور قاعده عماله تهز في رجليها بعصبيه واول ماشافتني بدات بـ اسئلتها التي لاتعد ولا تصحي
نور:انتي كنتي فين قلقتيني عليكي ازاي تروحي في حته من غير ماتقوليلي يحيي جه يسالني عليكي وهو اللي جابك مش كدا رفعتلها كفي عشان تهدي ورديت عليها بتعب امل:بعدين يانور انا تعبانه بعدين روحت ع السرير لاقيتها غطتني بهدوء ونمت علطول من كتر التعب.. كنت واقفه في مكان يشبهه معبد مهجور مفيش اي حاجه مهدود ،المكان من حواليا فاضي تماما والشمس بترسل شعاعها وكأنه متوجهه كل حواليا سمعت تمتمه بلغه غريبه بصوت انثوي
اتلفت بسرعه ورايا لاقتها واقفه قصاد بشموخ وكبرياء ،احساس اني واقفه قصاد طيف انا اقل من اني المسه وهي ةاقفه قصادي بلبسها الفرعوني ونظرتها وكبريائها لقيتها اتكلمت تاني ،حاولت اركز او افهم هي بتنطق هيروغليفي لكن مش فاهمه ومش فاهمه هي عايزه توصلي اي ،لمحت تميمه في ايدها نفس التميمه اللي بعتها انوبيس انا فاكره شكلها كويس وفي ايدها ورقه بردي ملفوفه فكتها قصادي كان مرسوم عليها انوبيس والتميمه وكلام بالهيروغليفي مفهمتش قصدها حاولت اقرب عشان المس طيفها ،اول خطوه خطتها في اتجاها حسيت برجفه في اطرافي وجسمي كله اترعش …رجعت وقفت تاني مكاني
لاقيتها بصتلي بقوه وفجاه سمعت جمله بتتردد جوايا بصوتها لكن بلغه مفهمومه بس عقلي مشوش مش قادره اسمع هي بتقول ايه …شايفه شفايفها بتتحرك قصادي وكلام بيتردد جوايا كأني سامعاه حقيقي ،فضلت بحاول اركز من التشويش اللي حاصلي لحد مافهمت جمله بصوت نوبيه بتقولها ”الكنوز مِن حق حفيدتي،ولكن احِذري لعنه أنوبيس،التميمه وحدها ستحميكِ من لعنته،ستعرفين مكانها من ورقه البردي هذه” اتفزعت من مكاني وانا بشهق بقوه.. #يتبع.. #أنوبيس_ونوبيه🖤 #امل_احمدبارت 3 والاخير🖤
نور:في اي اهدي اهدي في اي امل:تليفوني هاتي تليفوني يانور لاقيتها قامت بسرعه جابت التليفون ،خدته منها واتصلت بيحيي يحيي:طب نامي شويه انا سيبتك من ساعه واحده بس امل:مش هينفع يايحيي لازم اشوفك في مكان بعيد عن الفندق طب قابليني انتي ونور علي اول الطريق نزلت بسرعه انا ونور نستني يحيي ،فضلت واقفين تقريبا نص ساعه لحد مالاقيته جاي من بعيد نور:اتاخرت كدا ليه كل دا يحيي:كان لازم اطمن ان زين مش باعت حد يراقبنا
بصتله باستغراب •وهو يبعت حد يراقبنا ليه يحيي:لما نوصل ونتكلم يلا بينا خدنا يحيي قعدنا في مكان بيطل علي النيل كنا داخلين علي وقت الغروب والمكان كان هادي ومريح انا كنت محتاجه لـ اي لحظه راحه وامان في الوقت دا يحيي:براحه ككدا تحكيلنا كل حاجه حصلت وتفهمينا بدأت احكيلهم عن اول يوم ليا في سوهاج وتمثال انوبيس ونوبيه والاحلام اللي بترادوني والتراتيل اللي بسمعها بالهيروغليفيه من نوبيه في احلامي وحكايه البرديه والتميمه..
يحيي:زين بيكدب في حاجات تانيه هو مخبيها امل:حاجه زي اي ..واي مصلحته يخبي اصلا يحيي:مش عارف بحاول افكر بس جمله ان هو حط قصادك التمثال قصد وبعدين شاله تثبت ان وراهم حاجه كبيره جدا نور:صح يحيي عنده حق..زين زي مايكون عايز يستغلك عشان يوصل لتميمه دي امل:حتي لو دا صح هيعمل اي بالتميمه دي لـ هديه اهداها اله عند الفراعنه لـ واحده نور: متنسيش حاجه مهمه ،وهي كنز نوبيه.. ركزت ع الجمله فعلا ازاي فاتني معقول يكون زين بيعمل كدا دا عشان يوصل لـ كنزها ،طب واشمعنا عن طريقي انا ليه مش اي واحده تانيه ليه مش شفق مثلا
مسكت دماغي من كتر الصداع ودموعي بدات تنزل من كتر هول الموقف اللي بمر بيه انا ابسط من كدا بكتير وحياتي كمان بسيطه مفيهاش مغامرات حياه مسالمه من اي شخص واي حد مؤذي يحيي:انتي لازم تنامي وترتاحي .. امل:مش عارفه انام مش عارفه..هي محاوطاني في تفكيري ونومي وحياتي طيفها حواليا وصوتها بيتردد في بالي ،انا مبقتش قادره استحمل كل دا نور:اهدي متخافيش،صدقيني انا واثقه ان كل حاجه هترجع كويسه تاني
امل:اتمني يانور ..اتمني ………………………………… في الكاتدور كانت نوبيه تجلس ،فتاه ذات التاسعه عشر من عِمرها من اصحاب السمو والشرف اتسمت بالجمال والذكاء الحاد والقليل من الكبرياء والكثير والكثير من كنوز اهلها واجدادها الراحلين..وهي الحفيده الوحيده المالكه لكل تلك الكنوز الذهبيه،والاحجار الكريمه اللامعه! كان لـ أنوبيس رهبه، ووجوده مخيف احياناً من ذا الذي لايخشي اله المـ,ـوت والتحنيط ،وهو المسئول عن محكمه عن المـ,ـوتي،فـ يقوم بوزن قلب المتوفي مع ريشه ماعت اله العدل
رغم غلاظه انوبيس،إلا أنه وقع في غرام نوبيه سيده الجمال انوبيس:تعلمين بغرامي بكِ نوبيه نوبيه:هو غرام بالكنوز الذهبيه ياأنوبيس أنوبيس:تميمتي تحميكِ وتحمي كنوزك حتي ُنبعث للحياه مره أخري نوبيه:انت وحدك من تستطيع نبش المقابر وتابوت المـ,ـوتي انوبيس،انت وحدك من تستطيع الاستيلاء علي الذهب ………………… يحيي:انا عملت سيرش علي كل البرديات اللي كانت موجوده وقت حكم ايزيس وازوريس..ومعايا الصور اهو شوفيهم ياامل البرديه واحده من دول هي اللي شوفتيها في الحلم وحاولي تركزي
فضل يقلب لصور برديات كتير ولا واحده منهم هي البرديه اللي نوبيه نبهتني ليها كل صوره لبرديه متشبههاش وكأنهم نسخ لبرديات تانيه لكنها نسخه رديئه متشبهش عظمه الفراعنه وكأن مجرد عالم وقت فراغ كتبهم.. نور:احنا كدا لسه عند نقطه الصفر موصلناش لـ حاجه امل:انا شايفه ان الحل الوحيد ان امشي من هنا لازم يحيي:تفتكري الهروب هو الحل امل:اكيد هو الحل انا كنت كويسه لحد ماجيت هنا وبس،ومفيش حاجه اسمها لعنه فراعنه مجرد تخاريف ملهاش اي اساس علمي
نور:انا موافقه رأي امل،احنا مفيش في ايدينا اي دليل ملموس واحنا مش مضطرين نفضل هنا …بس زين يحيي:مالوا زين ميقدرش يأذيكي بـ اي شكل من الاشكال. رجعت انا ونور الفندق لوحدنا وبعدها يحيي رجع الفندق اتفقنا اننا هنمشي وقت الفجر عشان محدش يشوفنا .. وصلت القاهره بعد العصر روحت ع البيت ونور صممت تبات معايا عشان مبقاش لوحدي.. طفله صغيره واقفه وقصاد تابوت بينزل لمستواها يظهر منه شخص بـ ملامح رجوليه فصرخن بقوه ‘بــابــا’
التابوت اتخطاني وبعدها جه تابوت تاني نزل مستوايا وكان ملامح انثويه فصرخت للمره التانيه باسم ‘مـامـا’ عودي اتشد شويه لحد بعد ماكنت طفله بقيت بنت في الـ15 مر تابوت تالت قصادي لواحده ولكن باين عليها اثر العجز والشيب سايب اثره عليها صرخت للمره التالته ولكن بحرقه بعاقل ناضج وفاهم يعني اي فراق ،قومت مسحت دموعي ومشيت كام خطوات كان ملامحي بتتغير لحد مابقيت تقريبا في ال 19 كنت مبتسمه ابتسامه مريحه مسالمه للماضي والحاضر لحد مالمحت تابوت بعيد ،قررت اتراجع عشان مشوفش فيه اي …لكن غصب عني رجلي سحبتني لـ هناك
كانت في التابوت وحواليها كفن ابيض ووشها باين،مديت ايدي المس،ملامحها ودموعي نازله غصب عني،كنت بلمسها وكأني عايزه اتاكد هي فعلا هي لحد ماصرخت بقوه -لااا يانور متسبنيش زيهم ياانور خليكي معايا خليكي معايا متسبنيش لاقيت التابوت اختفي من قصادي وظهر قصادي تمثال لـ انوبيس والبرديه ظهرت كان مرسوم عليها انوبيس ونوبيه في ايدها تميمه انوبيس مسكت دماغي وقعدت ع الارض اعيط بقوه وبشهق ،لحد ماحسيت ان حد يطبطب عليا رفعت راسي ،كانت نوبيه واقفه بلبسها الفرعوني وبتبصلي بنظرات كلها رحمه وحنيه،كنت محتاج حد اتعلق في حضنه واعيط وبس
لاقيت نوبيه شفايفها بتتحرك كانت عايزه تقولي حاجه “إن كنتِ تريدين الكنز،فـ الكنز في مقبرتي بـ معبد ابيدوس،والتميمه والبرديه توجد حجر أبيدوس” صحيت من النوم بفزع كانت نور نايمه جنبي…فضلت مكاني دقيقه بتنفس بسرعه بحاول اهدي واظبط نفسي وارتجافي دا،قومت من جنب نور براحه عشان متحسش كنا لسه الصبح بدري ،دورت ع التليفون لاقيت مسدج من رقم..رقم زين! -عرفت انك سيبتي الفندق ومشيتي او بمعني اصح هربتي،حاليا انتي اللي محتاجني اكتر وهترجعي تاني،انتي حفيده نوبيه”
اتصلت بيه بعدها علطول،فضلت ارن كذا مره مردش لحد مارد بعد كذا محاوله امل:تقصد اي بالكلام اللي قولته زين:كلام اي امل:الكلام اللي انت باعته في مسدج دا اني حفيده نو.. زين:ان كان ع كلام الرساله فـ هو واضح مش محتاج تفسير اما بالنسبه لـ اي حاجه تانيه انتي عارفه طريقي كويس ،اه صح نسيت اقولك الناس قريبه ليكِ اول ناس هتتلعن بـ لعنه أنوبيس لازم قبل اكتمال حلقه القمر،وقفل.
وكل اللي شوفته منظر نور وهي في الكفن ،مش عايزه اخسرها زي ماخسرت بابا وماما وانا صغيره وبعدها جدتي انا وحيده من غيرها،لو حد مس طرفها بـسوء انا اتوجع اكتر منها ،هي مش بس صاحبتي ،هي قايمه بكل الادوار في حياتي ،انا كنت يتيمه لحد ماقابلتها ،اللي لو مَال ضهري كتفها بيسندني جبت ورقه وقلم وسيبت رساله لـ نور فيها اني كويسه وخلال يومين بالكتير هرجع تاني خدت شنطتي والتليفون ومشيت حتي من غير مااقول لـ يحيي هو مش ذنبه اي حاجه من اللي بتحصل او انه يتأذي بسببي،ركبت العربيه المتجهه إلي سوهاج بلد المواويل..
وصلت سوهاج كان الشمس غربت والقمر بدأ نوره يظهر ،بعت رساله لـ زين اني رايحه ع أبيدوس روحت علي أبيدوس كانت الدنيا ضلمه الا من نور القمر البسيط وبعض الشموع اللي في المعبد -اانتي مين!!!! -اترجفت من الصوت اللي ظهر فجاه متوقعتش يكون حد موجود في الوقت دا ،كان باين من لبسه ان غالبا غفير هنا زين:هي تبعي ياعم محمد عم محمد:استاذ زين ياألف مرحب ،فكرت الاستاذه غريبه كان زين بيطلع من جيبه حاجه واداها لـ عم مجمد والاكيد ان الحاجه دي فلوس
امل:انا مش هعمل اي حاجه يازين غير لما تفهمني كل حاجه وبصراحه.. لاقيته سند علي حجاره عاليه وطلع سيجاره يشربها وبيحكي