شركه المرعبين المحدوده• ياصباح الر.عب الساعه 6 وعلي المقمين خارج مدينه ال.عب المحافظه ع فروق التوقيت.. كنت واقفه قصاد الباب اللي في اوضتي الجديده وبيتردد في بالي جمله الكرتون المحبب لـ قلبي وببتسم -امل!! فوقت من افكاري وسرحاني ع الصوت اللي نادني امل بملل:نعم ياماما سهير:فضي شنطه هدومك وعلقيها فالدولاب ،وشوفي الكراكيب بتاعت ابوكي اللي صممتي تجيبيها دي شوفي هترميها فـ انهي داهيه -حاضر ياماما
رمت عليا تعليماتها وسابتني ومشيت..روحت ع شنطه الكتب بتاعت بابا اللي مهانش عليا افرط فيها بعد مو.ته وقعدت اعيط..سابني ومشي قبل مااشبع منه …سابني ومشي بعد ماالكل وصفه بـ انه مجنون ومتخلف …مشي قبل ماايثبت للناس كلها انه صح وعنده حق مش مجنون انا الوحيده اللي كنت مصدقاه ومقتنعه بكلامه كنت شايفاه قدوتي..كنت بحب اقعد اتفرج وهو بيقرا الكتب ويحلل بتفكيره ويحكيلهالي..حتي ماما نفسها كنت بتقوله انت مجنون..مات زعلان من اقرب الناس ليه!
انهارده وبعد مافات اسبوع ع موته..سيبنا بيتنا وجينا نعيش هنا في بيت جدتي ..او بمعني اصح عشان ماما ترميني عندها انا واختي وتفضي لـ نفسها •طلعت كل هدومي وترتبها فالدولاب وكل كتب بابا حطيتها ع المكتب وتربتها..وخلصت كل حاجه وطلعت الصاله اشوفهم ،لاقيت جدتي قاعده لوحدها -تاتا هو ماما ونور فين =مشيوا -متعرفيش راحوا فين ياتاتا =لا يابنتي -احم..تاتا هو بابا كان بيحب يقرا وهو صغير قدي كدا لاقيتها ابتسمت وطبطت ع شعري• انتي زي ابوكي بالتمام شايفاكي فيه،ابوكي كان بيحب يقرا كتب اوي اوي لدرجه انه كان بيحوش مصروفه كله ويشتري كتب كتير وعلطول كافي وشه ع الكتب دي
-طب وانتي ياتاتا كنتي شايفه بابا مجنون =مجنون!!! دا كان سيد الرجاله ربنا يرحمه ويحسن اليه كان دماغ بسم الله ماشاء الله لما يقعد ويحكي معايا ويحكيلي عن الكتب اللي بيقراها واللي فيها بحس بفخر انه ابني وحته مني،هو بس اللي ياحبه عيني كتر القرايه اثرت ع مخه شويه يمكن الكلام اللي جدتي بتقوله عقلي اصغر من انه يفهمه بالظبط لكن اللي متاكده منه ان بابا عمره ماكان ولا هيكون مجنون
فضلت قاعده مستنياهم يرجعوا لحد ماالساعه عدت 12..كنت متاكده ان ماما خدت اختي وراحوا يسهر فالاماكن المقرفه اللي بتحب تروحها ،وجدتي نامت بدري قومت دخلت اوضتي وروحت ع الكتب بابا وبدات افتحها واقرا فيها..! “هذا المضيق الذي اعبره لن يدوم..ثمه محيط ينتظرني!” صحيح ان تقريبا مكنتش فاهمه اللي بقراه فالكتب واكبر من ان عقلي يستوعبه الا اني وقفت عند قرايه الجمله دي وفضلت اكررها كذا مره… فضلت اقلب وسط الكتب اني الاقي حاجه افهمها لكن الكلام صعب وكبير مش لاقيه ليه تفسيره ولا فاهمه لحد ماعيني وقعت ع كتاب لكن ملوش غلاف وكبير وتقيل ،فتحته
«الخيال ليس للمجانين ،الخيال للعقلاء!» كانت اول جمله قريتها دا خط بابا انا عارفاه بدات اكمل واقرأ اللي فيه •يوجد عالم اخر لا يمت لعالمنا بصله،يعيش فيه اشخاص تشبهنا لكنهم ارقي مننا ،عالم ملئ بالبهجه والراحه،عالم اكبر من الخيال الذي يمكن ان نتصوره،ماذا لو اصبحت تعيش في عالم يقدرك ويحترم كل ذره في كيانك ،عالم كلما ابتسمت ابنتت الارض من تحت قدميك ازهار وكلما حزنت بكت الارض من تحت قدميك!
الكتاب كان بيوصف في عالم غريب ،لكنه جميل يارتني كنت عايشه فالعالم دا بعيد عن ماما واختي اللي مش بيحبوني وشايفني مجنونه زي بابا وبعيد عن الناس اللي ديما تقولي انتي بنت المجنون وصحابي اللي بيقعدوا يتريقوا عليا انا مبحبش العالم اللي انا فيه دا! -ماذا لو ان هناك فجوه تنقلك لهذا العالم..امسك بالكتاب بين ضلوعك وردد بلاد ماوراء الجبال لـ ثلاث مرات واغمض عينيك واستعد للرحله
قومت مسكت الكتاب وفضلت اردد زي مامكتوب لكن محصلش اي حاجه ..فضلت مستنيه ان يظهر حاجه تنقلني لكن مظهرتش..سيبت الكتاب ع المكتب وروحت ع سريري وانا مضايقه جدا وعيني متعلقه ع الباب اللي في اوضتي بيفكرني بشركه المرعبين المحدوده ،يااه لو انا مثلا بو والاقي شلبي طالعالي ..سمعت خبط ع الباب! -ادخل!!
كنت سامعه الخبط وكل مااقول ادخل محدش يدخل كنت مفكره انها نور،قومت من ع السرير وفتحت باب الاوضه ملقتش حد قصاد الباب،وبردو سامعه صوت الخبط لكن..لكن جاي من الباب التاني اللي في الاوضه..قفلت الباب الاوضه وشهقت بخوف وفضلت اقرب بخطوات بسيطه للباب التاني اللي المفروض جواه لعب وحاجات قديمه..كنت كل مااقرب اسمع الخبط بيزيد.. قربت وفتحت الباب براحه وانا حاسه بخوف واصل لاطرافي..!
بفتح الباب لاقيت الارض كلها ورد كتير وفي نور جاي من جوا ،كنت متردده وخايفه.. دخلت جوا كنت ماشيه ع الورد وحاسه بيه بيزغزغ رجلي ،وبخطي خطوات لـ جوا وحاسه اني بقرب للضوء واحده واحده ،لحد مافجاه حسيت اني بقع جامد،فضلت اصرخ لحد ماوقعت ع ارض..! الوقعه كانت جامده لدرجه ان دراعي وجعني جامد،قومت من ع الارض ونفضت الرمل اللي ع هدومي وبصيت حواليا ثلاث جبال حوالين بعض لو وصلتهم ببعض هيعملوا شكل مثلث منفرج شهقت من طول الجبال،كانت طويله جدا جدا..حواليت ادور ع ناس لكن مفيش اي حد ،قررت ان امشي ادور ع اي حد هنا يخليني ارجع تاني..!
طب ياتري انا فين ..مكن اكون وقعت في الصحرا اللي كنا بناخدها في الدراسات طب بس الصحرا دي مش بيعيش فيها ناس ولا…ولا انا فالمكان اللي قريت عنه فالكتاب!!! -انتي مين!!!! اتوترت وخوفت وحسيت بجسمي بيترعش وخلاص الدموع ع ابوب عين وهتنزل =نا انا..اناا -انتي علقتي ع انا!!! حسيت بنبره زعيق وعصبيه روحت سيبت دموعي وقعدت اعيط امل بدموع :والله ياعمو انا تايهه لاقيت قرب عليا وبدأ يطبطب عليا وبيبتسم
فارس بابتسامه:عمو والله ياواد يافارس وبقيت عمو طب بس اهدي وقوليلي اي اللبس الغريب اللي انتي لابساه دا وبتعملي اي هنا وانتي ساكنه في انهي شعبه امل باستغراب وعدم فهم:انا مش ساكنه في شعبه انا ساكنه في اسكندريه ولبسي حلو اهو فارس بعدم فهم:اسدكريه يعني اي اسدكريه دي امل بضحك عالي:اسدكريه اي اسمها اسكندريه فارس:دي في شعبه الجنوب امل:يعني اي شعبه الجنوب دي فارس:انا مش فاهم انتي منين ،لبسك غريب ميشبهش شعبتنا هنا وهنا مكان شغل
امل بدموع:انا لقيت الباب بيخبط فتحت لاقيت في ورد كتير وبعدين دخلت وفجاه وقعت هنا فارس بصدمه كبيره:انتي دخلتي من بوابه العالم التاني..يعني انتي من العالم التاني !! تعالي معايا بسرعه امل :اجي معاك نروح فين فارس:تعالي معايا قبل مايخلصوا عليكي امل:هما مين دول اللي هيخلصوا عليا فارس:تعالي معايا بسرعه وهفهمك كل حاجه! يتبع.. لـ امل احمد🖤