كنت واقفه مكمشه ع نفسي وخايفه صحيح كان فضولي بيحركني وعامله فيها الست الشجاعه بس اول مالاقيت وقت الجد خوفت واترعبت وحاسه ببروده اطراف جسمي تيم بسعاده:اي ست المحققه مالك رجلك بتخبط في بعضها بصتله باحتقار مهره:انت ليه محسسني ان احنا رايحين نلعب تيم بسعاده:مش هنلعب احنا هندخل حرب مهره:وانت مبسوط كدا ليه تيم:عشان لما اكبر هكتب كل دا في روايه وابقا كاتب مشهور،اللي بيحصل دا لا يصدقه عقل فهمتي ياام مخل قد النمله
نهره بخوف:انا خايفه ياتيم لـ حد يتأذي تيم:مش هنتأذي وهنفهم كل حاجه كنت واقفه في جنب وشايفه بابا وعمو ماهو وماما وطنط نيره ام تيم واقفين وملفوف حواليهم ناس وبيحكيلهم كل حاجه واحده واحده بقت الناس تزيد حواليهم وانا ابعد خطوه زياده واراقب ملامح الناس وهي بتسمع بين الصدمه والذهول واللي مصدق واللي مش مقتنع واللي بيستهزء بالكلام لكن مع فوات الوقت بدأو يقتنعوا وهمهمتهم زادت وكل ةاحد بدأ يقول حاجه
احنا نروح نقتل الملكه لا لا احنا نروح نقتحم المكان وننقذ الناس الاول وشايفه تيم واقفه بثقه كبيره وسط الناس وبيحكي اللي قرايناه في الورق وبيتكلم بفخر ضحكت من وسط خوفي ع البني ادم دا مجنون بكل ماتحمله الكلمه من معني…عمري ماحسيت زي اللي في سني ان كل همي اللعب او اللبس او غيره كان الكتب هو شاغلي الاكبر ولما لاقيت تيم زي بدأنا نقرب لبعض وبقينا صحاب جدا..فعلا مجانين اتلموا ع بعض
امل:مش صح ياامهره فوقت من سرحاني وماما موجهالي كلامي وبتقولي صح يامهره والناس كلها بتبصلي وكأنهم مستنين اجابه مني مكنتش فاهمه هما بيتكلموا عن اي عشان ارد مهره بتوتر:ااه..اه طبعا صح صح فارس بصوت عالي:شوفتوا صدقتونا اكيد مفيش طفله بريئه زي دي هتكدب لا لحظه قال عليا انا طفله بريئه..لاقيت تيم بيبصلي وبيضحك جامد عكلمه طفله بريئه بصتله بنظره حاده وقويه لان الموقف لا يحتمل الهزار..انا عارفه ان تيم مش هيبطل تريقه ع كلمه بابا دي لسنين قدام
فارس بصوت عالي:جااهزين ياجماعه ناس بصوت عالي جاااهزين ماهر:هنمشي نلم كل ناس البلد رجاله وسات عشان ميفكروش يضحكوا علينا ولازم نفهم كل حاجه كنا مع كل مسافه بنمشيها ووقت بيعدي عددنا بيزيد لحد ماوصلنا للقصر الملكه فضلنا واقفين بعددنا المهول واللي بيزيد كل شويه لحد مانزلت الملكه شمس بشعرها الابيض وجنبها بنت تشبهلهاومن الواضح انها بنتها وراجل في سن التلاتين كمان جنبهم والملكه ليل ومعاها شاب واقف جنبها لحد مالاقينا الشاب دا اتقدم ووقف قصادنا بس حاجز بينا وبينه صف حرس
ميمون:ممكن نفهم في اي ..واي سبب تجمعكم الكبير دا فارس بصوت عالي:ياريت الملكه شمس توضحلا الناس اللي بتموت في المكان اللي ورا القصر وحجر النار والماس اللي بيتصنع كل دا اللي منعرفش عنه حاجه ميمون:اي التخريف دا يلا من هنا بلاش هبل شمس بعصبيه:شويه رعاع جايين تتهجموا علينا وملكوش اي لازمه ماهو بغضب:احنا اللي رعاع ولا انتوا… وكان ماهر بيقرب مع كلامه لحد ماقف قصاده حرس وضربوه رجعوه تاني ورا
كنت انا واقفه بعيد لكام خطوه وشايفه والراجل اللي تقريبا في عمر باب بيتسحب من جنب الملكه شمس بخطوات بسيطه من غير ماحد يشوفه…اول ملاحظته والكل مشغول في الكلام اللي بيحصل روحت بسرعه ورا عشان اشوفه بيعمل اي! بص ملقاش حد من الحرسراح ناحيه باب خسب صغير جنب الباب اللي كما واقفين جنبه انا وماما كان قصاد الباب صندوق كبير هو زاحه بصعوبه وبعدين فتحه ودخل
جريت اتسحبت بسرعه ودخلت وراه من غير ماياخد باله..كان بيتحرك ويبص وراه ، كنت بستخبي عشان ميشوفنيش واللي كان مساعدني ان جسمي صغير مش باين ،لاقيته بيروح ناحيه صندوق بيفتحه وبيجيب شنطه صوف صغيره وبدأ يحط في الماس من الصندوق وكل شويه يتلفت وراه يبص مكنتش عارفه اتصرف ازاي او اعمل اي يعطله بيها..بصيت ع الارض كان في الواج خشب كتير من الواضح ان المكان مخزن خشب..روحت ناحيه لوح خشب موجود واستغليت انه مركز في شيل الماس وقربت منه ولسه برفع اللوح لاقيته اتلفت ومسك ايدي جامد ولوي دراعي كله ونفض اللوح الخشب من ايدي
ادريس:فكراني مش شايفك دا انتي حته عيله صغيره وبسخريه•ششش اياك اسمعلك صوت … فجاه قطع كلامه وصرخ لكن بردو كان مسكني في ايده جامد بيبص وراه لاقيته تيم وفي ايده لوح خشب من اللي كانوا ع الارض مهره بدموع:الحقني…الحقني ياتيم لاقيته الراجل الكبير دا مسكني من شعري جامد وقرب ع تيم ضربه بالقلم ع وشه وبيشد منه اللوح وانا بحاول اخلص نفسي منه ثانيه واحد طب من انا ممكن اصوت!
روحت قعدت اصرخ وانادي ع ماما وبابا بصوت عالي راح اتشغل بيا انه يكتم صوتي،شاورت لتيم بعينه راح مسك اللوح الخسب ورفع نفسه عشان يطوبثله وضربه ع دماغه باللوح لاقيت ايده بتترخي من عليا ودماغه بتنزل دم كتير..جريت اناادي عليهم من برا وتيم ماسك الشنطه اللي فيه الماس مهره بدموع:ياماما الحقيني ياماما وقطعت كلامي وصرنت لما حسيت بحد بيكتم بوقي لاقيته واقف توازنه مش ثابت وتيم مضروب وااقع ع الارض وهو بيكتم بوقي
ادريس بدوخه وعدم اتزان:انتي طلعتي مش سهله كاتم نفسي بقوه حسيت بـ الهوا بدا يقل في جسمي وواحده واحده مبقتش قادره اخد نفسي..مع صوت خطوات كتير جاي بتجري علينا ..كنت بغمص عيني وانا حاسه بروحي بتنسحب وفي اخر لحظه اترميت ع الارض وخدت نفسي جامد لاقيته بابا وماما ومعاهم عمو ماهر وناس من جيرانا ولسه ماما بتسندني عشان اقوم اقف وهي بتعيط مهره بتعب:متخافيش ياماما انا كويسه… قطعت كلامي مع وجع اترشق في كتفي بقوه..كان سهم من حراس بس جه فيا انا..فضلت اصرخ من الوجع لحد مااغمي عليا
………………… بدات افوق وانا حاسه بصداع قوي ووجع رهيب في كتفي مهره بوجع:ااه كتفي كتفي لاقيت ماما قربت عليا وهي بتعيط وبابا كمان امل بدموع:ياحبيتي اهدي اهدي انتي كويسه مهره بتعب:الراجل ..الماس..الشنطه فارس:اهدي كل حاجه اتحلت اهدي وكان جمله كل حاجه اتحلت كانت طوق نجاه رجعت في نوم طويل بسهوله! مهره:ياماما احكيلي بقا اي اللي حصل بقيت كويسه امل بتنهيده قويه:اللي حصل ان الملكه شمس بني ادمه مريضه ..
في بوابه بتوصل للعالم التاني اللي هو العالم اللي انا منه واحنا بس اللي نقدر نجيب حجر النار دا لان كان في ساحره من العالم بتاعي وصلت هنامن سنين طويله عن طريق كتاب قديم ولما جت وعرفت المكان طمعها زاد وخصوصا بعد ما عرفت حجر النار واهميته،راحت لجده الملكه شمس وطلبت منها ان يكون ليها سلطه هنا فالمكان مقابل انها تساعدها بسحرها ،طبعا جده الملكه شمس رفضت،راحت الساحره رمت لعنه ع البلد هنا ان نفيش اي حد منها يقدر يوصل لحجر النار،وفضلت البلد هنا عايشه في سنين طويله من الذل واللعنه والسحر لحد ماشاءربنا وماتت الساحره دل لكن لعنتها مازالت مستمره
حوال كتير من السحر يفكوا فشلوا…مكنش قصادهم حل غير انهم يستجلبونا من عالمنا عشان نجبلهم الحجر دا…في الاول كان الموضوع في تفاهم وبيتم تقسيم الماس بينهم…لكن جشع العيله المالكه واستدادها زاد بقوا بيستجلبوا الناس بالعافيه يجيبوا ليهم حجر النار وبيثعدين يعذبوهم لحد مايموتوا والناس دا يتوارث للعيله المالكه مهره:طب وازاي وانتي لما جبتي الحجر دا فضلتي عايشه وسابوكي
امل:انا لما جيت هنا مجتش عن طريقهم اللي هما بستجلبوا بيه الناس جيت بالكتاب اللي قريته مش البوابه المفتوحه بين العالم دا والتاني وكمان كان معايا فارس وماهر ومنتصر وكل دا مكنوش يقدروا يأذوني لان دا هيخليهم موضع شك ..فضطروا يسيبوني عادي نفس الامر بردو مع عم منتصر..فهمتي! مهره:اااه فهمت…طب وبعدين اي اللي حصل لشمس وعيلتها امل:بعد مالاقيناكي واتلاقي الماس..كل حاجه اتكشفت وكان الموضوع وصل لقاضي البلد والحراس والناس كلها بقت ضد الملكتين ونسلهم ،اتحكم عليهم بالسجن في كهف الجبل.. واتقفلت البوابه اللي بتوصل العلمين لعبض والناس هيتوزع ع اهل البلد بالعدل
مهره بابتسامه:يااه دي حكايه ولا في الحواديت والقصص اللي كنت بقراها فالكتب امل:مش كل الخيال مستحيل ومش كل اللي بنقرا في الكتب يبقا محصلش،جزء من الكتب بيمس الواقع حتي لو الواقع ميتصدقش كنت لسه هتكلم لاقيته تيم داخل ودماغه ملفوفه ومعاه باباه ومامته وبابا ماهر:كدا مهره قلقتينا عليكي وتيم كان هينوت من القلق عليكي نيره:اه والله فعلا مكنش بياكل ولا بيشرب غير لما اطمن انك بخير واول ماعرف انك فوقتي جابنا ع هنا علطول
بصيت ع تيم اللي كان بيبصلي ومبتسم وشوفت في عيونه نظره الخوف والقلق اللي بيحكوا عنها وكأن عيونه بتحكيلي كلام كتير واايزه تجري وتحضني عشان تطمن عليا..عيونه بتوصفلي قلقه وحركه ايده بتوصف توتره وانرعايز يقرب عشان يطمن عليا اكتر واكتر..وقتها بس حسيت ان احنا مش مجرد صحاب …………… بعد 10 سنين مهره بتعب:ياتيم بقا كفايه كتابه وتعالي عايزاك تيم وهو بيعدل نضارته وبيكمل كتابه:معلش يامهره ياحبيبتي انتي عارفه اني مشغول في الروايه اللي بكتبها
مهره:بردو بتعمل اللي في دماغك هتستفاد اي لما تحكي اللي حصل من سنين في كتاب وروايه تيم:هستفاد كتييير..اهمها ان يوم مايفوت سنين ويبقا في بنت او ولد شبهنا بيحبوا القرايه ويلاقوا الكتاب ويقروا هيعرفوا قيمه اللي حصل ويبعدوا عن الطمع والجشع هستفاد اني اهلد نهايه الحقد والجشع فهمتي مهره بدموع:طب اجل الكتابه دي انا واحده حامل ع وش ولاده وانت بتهملني كتير انا عمري ماشوفت واحد يهمل مراته اوي كدا
لاقيته جه وقرب عليا تيم بحب:دا انتي دنيتي كلها يامهره هانم مهره بابتسامه خفيه:لا لا مش هتثبت لا بردو لاقيت بيلمس بطني اللي كبرت قصادي مع قرب مده ودلاتي تيم بخبث:دا انا كنت جايبلك حته كتاب جديد تقريه هيعجبك اوي مهرت بسعاده:بجد بجد ياتيم تيم:بس خلاص بقا انتي زعلانه مني مهره:انا زعلانه منك دا مين العبيط الزي قال كدا حد يزعل منك انت ياصديق الصدوق تيم بضحكه قويه:طالما قولتي صديقي الصدوق يبقا مش زعلانه مني ياست المحققه..
تمت.. #ماوراء_الجبال🖤 ………. مستنيه رايكم🥺💜 وشكرا ع الكومنتات القمر في البارت والجزء اللي فات واسفه اني مكنتش بعمل منشن لحد لان كان كتير بيطلب منشن.💜