رغم ان بسمع بابا ديما يقول اني شبهه ماما حتي فالطبع الا ان ديما انا وهي مختلفين ومش متفاهمين ابدا ،كنت بسمع بابا ديما وهما بيتناقشوا عشاني وديما يدافع عني وبردو عمرها مافهمتني! خدت شنطتي الصغيره اللي ديما بتلازمني وسبيتهم بيتناقشوا ونزلت.. تّيم بغضب:هو انتي متجيش ابدا في معادك يامهره مهره:متخانقه مع امي كالعاده،وبعدين ماانت تلم الورد ع حوالين النهر ودي اكتر حاجه بتحبها تيم:سيبك من كل دا وشوفي الكتاب اللي انا جايبهولك معايا
مهره:كتاب ..! كتاب اي داا تيم:دا كتاب قديم لاقيته في مكتبه جدي..اقعدي واقري معايا لان فيه حاجات غريبه لا تصدق قعدنا في المكان المفضل ليا انا وتيم وهو قصاد النهر ،مكان هادي وجميل يتحب من القلب.. «..مصدر الطاقه هو حجر النار،وهو حجر مشتعل يوجد في اعماق النهر،يضوي نور شعله ناره في الماء،تعمل ناره ع طرد الماء من حولها..لايمسسه ماء ولو كان داخل المحيط نفسه وليس مجرد نهر ،ولكن لسنا نحن من اهل لجلب هذا الحجر،يوجد من هم اهل له ونحنا نستجلبهم لـ هُنا»
مهره بعد فهم:انا بردو مش فاهمه حاجه في حلقات كتير مفقوده تيم بتفكير:اللي فهمته ان مصدر طاقه بلدنا هنا هو الحجر اللي اسمه حجر النار…لكن اللي مش فهموا ليه مش احنا اللي بنجيبه ليه مكتوب ان في ناس تانيه هما اللي بيجيبوه! امل:ولا انا كمان فاهمه..وكام ورقه مسميهم كتاب اي الهبل دا ياتيم تيم بعصبيه:الله وانا مالي هما زمان مكنوش بيغلفوا الكتب كان عباره عن ورق جدي قالي كدا امل بتفكير:انت لازم توصل لـ ورق اكتر عن المعلومات واضح ان الحجر دا وراه سر كبير ولازم نفهمه
تيم:طب ياامحققه يلا قومي عشان تلحقي تروحي بدل ماتتخانقي مع مامتك تاني وانا الحق اروح كنت ماشيه في طريق البيت وانا بردد كلمه قريتها فالكتاب وبحاول افسر معناها عشان افهم..ديما كان جوايا احساس ان الدنيا اللي انا عايشه جواها دي وراها سر كبير مش مفهموم ابدا في خبايا كتير ومحتاجه افهمها.. دخلت البيت حطيت شنطتي ع الترابيزه وروحت ع السرير وفي ايدي كتاب هقراه امل:مهره مهره بعدم تركيز:نعم ياماما امل بعصبيه:لما اكلمك تبصيلي وتسيبك من الزفت دا
بصتلها بنظره وجع من جوايا ع تصرفاتها لاقيت جت قربت عليا وحضتنتي امل بدموع:انا اسفه والله بس دا من خوفي عليكي انا كنت زيك بالظبط ومش عايزه اعرضك لخطر انا اتعرضتله مهره:ديما تقوليلي انك اتعرضتي لـ خطر وعمرك ماحكيتيلي اي هو وعمرك مافهمتيني بتقولي اني زيك وانتي اصلا مش فهماني امل:فهماكي وفاهمه الفضول اللي جواكي كان جوايا زيه بس في حاجات مينفعش تتحكي اسمعي كلامي وبس مهره بعدم اقتناع:حاضر ياماما حااضر
مقتنعتش ومش هقتنع بكلامها بحس انها شايفه نفسها فيا وكأنها كانت عايزه تمنع نفسها بس هي بتمنعني انا مش نفسها..انا من حقي اخاطر واجرب… سيبتها وكملت قرايه الكتاب “انت طير حُر لستُ عبداً او ماشابه،والطير لا يعيش بدون اجنحه،كُن كالطير،لا تعيش بدون قراءه” خدت الكتاب في حضني وغمضت عيني وحسيت نفس الاحساس وكأن بيطلعلي اجنحه زي الطير الصغير وبرفرف فوق السحاب،عالم تاني بيتخلق جواك بترسمه لنفسك وتعيش فيه،حب الكتب بيجري بين خلايا جسمي .!
مهره:هاا عملت اي قولي بسرعه تيم باحباط:وصلت لـ ورق كمان وقريته بس بردو مفهمتش حاجه مهره:طب وريني كدا «خلقنا هنا ضعفاء لسنا قادرين مساعده انفسنا..ولكن مهلا ولِما اليأس،ثمه من هم يشبهوننا،اشخاص مثلنا ولكن هم مميزون عنا وحدهم من يمكنهم احضار حجر النار،خلقوا في عالم تاني ووادي اخر،أيمكنهم مساعدتنا..فـ لنجرب!» تيم:فهمت حاجه؟!! مهره بتفكير:اصبر بس كدا ياتيم واهدي كنت محتاجه اركز كويس جدا ،واجمع الكلام واربطه ببعضه مهره بعد تفكير طويل:في عالم تاني غير اللي احنا عايشين فيه وفي ناس تانيه والناس دي هي اللي تقدر توصل لـ حجر النار
تيم بعدم تصديق:عالم تاني!!! انتي مصدقه الهبل دا مهره:الهبل دا موجود فالكتب مش من دماغي اهو بيقول فالورق اشخاص خلقوا في عالم تاني ووصف انهم زينا يبقا يشبهونا تيم:بردو مش فاهم فين العالم دا واشمعنا هما بس اللي بيوصلو لحجر النار مهره بتفكير:الاهم من دا ياتيم حاجه مهمه..احنا عندنا مصدر طاقه وعايشين عليه من سنين معني كدا ان وسطنا ناس من العالم التاني دا بيستخرجوا الحجر تيم:عندك حق..بس انتي عمرك لاحظتي حاجه زي دي او شوفتي حد غريب عننا
مهره:بصراحه لا ولا عمري شوفت حد عند النهر بيستخرج الحجر دا تيم:تفتكري الكلام دا اسطوره ومش حقيقه مهره:ممكن وممكن تبقا حقيقه وفي خبايا احنا منعرفش عنها..احنا بكرا نروح المكتبه الكبيره اللي فالسوق وندور ع كتب فيها تدلنا تيم:وانا هدور في مكتبه جدي وبابا تاني مهره بتفكير:وانا هدور في صندوق خشب قديم ماما حاطه فيه كتب بس هي مخبياه ورا الانتيكه الخشب المتعلقه في الحيطه تيم:وانتي عرفتي مكانه ازاي مهره:هاا..؟! بعدين…بعدين هبقا احكيلك ياتيم
وخدت شنطتي وطلعت جريت ع البيت بسرعه مهره:اامل يااموله انتي فييين يااموله
مسمعتش رد…ابتسمت لاني كنت متوقعه هي فالوقت دا بتبقا قاعده مع طنط نادره جارتنا يعني انا جيت فالوقت المناسب..روحت ناحيه الانتيكه اللي متعلقه وشيلتها من مكانها ولمحت الجزء الخشب اللي بلون الحيطه فكيته ونزلته ولاقيته زي جحر كدا واسع محطوط في صندوق صغير في كتب كتير..بقيت اشيل منه الكتب،وانا بشيل الكتب لاقيت ورق بيقع من وسط الكتب مع دقه الساعه 5 ودا معاد رجوع بابا ومااما بتجيبي قبله يبقا لازم انجز..لميت الورق في الكام كتاب اللي خدتهم ورجعت كل حاجه مكانها بسرعه وروحت شيلت الحاجه دي تحت سريري وظبطت كل حاجت وع صوت تكه فتحه الباب مسكت كتاب من عندي وقعدت
ع السرير كأني بقرا فيه امل بابتسامه:اي ياحبيبتي رجعتي انهارده بدري هو تيم مجاش ولا اي مهره:لا جه بس مكنش معاه كتب حلوه نقراها واتفقنا نروح المكتبه بكرا امل:طب تعالي حضري الاكل معايا زمان بابا جاي فالطريق.. كنت صاحيه بدري وشيلت الحاجه بسرعه من تحت السرير وحطيتها في شنطتي مهره بصوت عالي:ماما انا هنزل رايحه وانا تيم المكتبه امل:بدري كدا مهره :ماهو..ماهو عشان نرجع بدري امل:طب خلي يقول لـ ماهر ابوه ان ابوكي عايزه يجي يقعد معاه لاحسن بقاله كتير مشفهوش وسلميلي عليه
مهره بزهق:حاضر ياماما بعيدا عن ان ابو تيم هو عمو ماهر صاحب بابا من زمان وكمان معررفه ماما فـ لازم ديما جو السلامات دا بس تيم هو اقرب صديق ليا فعلا روحت ع بيت تيم عديت عليه عشان مكنش يعرف اننا هنتقابل بدري تيم:بدري كدا ليه يامهره..الشمس بتبقا حاميه دلوقتي مهره:يلا بينا ع المكتبه معايا حاجات مهمه كنا قاعدين في ركن بعيد قصادنا ترابيزه من الخشب القديم وكراسي من الخشب القديم وارفف كتير من الكتب
«الخيال ليس للمجانين..الخيال للعقلاء!» كنت جمله في بدايه كتاب ،كتاب شكله غريب حتي غلافه غريب وكبير جدا.. كملنا بقيت الكتاب وبدأنا نقرا فيه… شهقت بصدمه•دا بيوصف عالمنا هنا ياتيم بدانا نقرا ونقرا…بيوصف ازاي تيجي هنا وبردوا ازاي تخرج من هنا..بيوصف المضيق اللي عند الجبل الكبير! تيم بصدمه:دا الموضوع بجد مهره:عندك حق..بس الكتب دي بتعمل اي عند ماما .. وفجاه افتكرت الورق اللي انا لميته بسرعه ،طلعته من الشنطه بتاعتي وبدات اقرا فيه،دا زي مايكون ورق مذاكرات
بيتكلم عن ملكتين وواحد حبوه وهو محبهمش ومشي وكان عايز يرجع يصلح اللي عمله تاني تيم:فهمتي حاجه مهره:لا تيم:طب شوفي معاكي اي تاني مهره وهي بتفتح الشنطه:كان موجوده حاجه صغيره كدا تقريبا دي مذاكرات واكيد بتاعت ماما تيم:طب افتحيها نشوف فيها حاجه مهمه كنت بقرأ اللي مكتوب وانا حاسه ان الصدمه هشتلني بجد،ماما وجت هنا غلط من عالمها حبت بابا ورجعتله تاني وحجر النار هي اللي نزلت جابته..و…و…و وحاجات كتير مكنتش اعرف عنها اي حاجه
خلصت وانا مصدومه بقوه تيم بصدمه كبيرره:مهره دي مامتك كانت من.. مهره:هششش اسكت وشيلت كل حاجه والكتب بسرعه في شنطتي وطلعت اجري يتبع… ……………… كل سنه وانتوا طيبين😙💙💙💙💙💙”2″ روحت ع ضفه النهر وقعدت اعيط بقوه..عمري ماتخيلت اللي حصل دا وازاي ماما تخبي عني حاجه زي دي ازاي كل دا انا معرفوش! تيم:نفسي اتقطع من الجري وراكي مهره:تيم سيبني بعد اذنك لوحدي تيم:اي دا اي شغل العيال دا…دا احنا بيقولو علينا اكبر من سننا بكتير نعمل شغل العيال دا
مهره بعصبيه:انت بتتبارد ومش مقدر اللي انا فيه لاقيته قعد جنبي تيم:مقدر والله..بس الاهم من مشاعر دلوقتي حاجات كتير جدا مهره وهي تمسح دموعها:حاجات اي دي تيم:لازم نكمل قرايه المذاكرت عشان نعرف جابت حجر النار ازاي واي اللي حصل بالظبط واي حكايه ان الملكه شمس وليل مكنوش متحدين فهمتي! بدأنا نكمل قرايه عشان نفهم
“لما بدأت افوق من الموجه اللي كانت سحباني فيها ..كنت كل ماافوق الاقي فارس حواليا واول مافوقت لاقيته جنبي….روحنا لـ شمس ،صحيح الموضوع كان اسهل مما اتخيل ودا اللي انا مستغراباه اول ماعرفوا اني معايا حجر النار خدوه مني…لكن اضايقوا لما عرفوا اني بقيت منهم…كل دا مهمنيش الاهم لما لقيت كل حاجه رجعت تاني وان المملكتين اتحدوا” تيم:بردو في معلومات ناقصه ومفهمناش مهره:انت عارف ياتيم اللغز كله فين؟! تيم:فين.. مهره:عند الملكه وحارسها..حجر النار دا هما بيعملوا بيه حاجه ومش عايزين حد يعرفه..في حاجه غريبه..
خصلت مع تيم وكل واحد راح ع بيته..كنت ماشيه بالي مشغول ،مقدرش افاتح ماما غير لما اتاكد ان في حاجه فعلا..الموضوع مريب ولازم يتفهم امل:مش هتاكلي يامهره مهره :لا كلت مع تيم انا هنام دخلت ع السرير وحاولت انام..معرفتش التفكير مش مريح عقلي..! ياريتني كنت واحده عاديه زي زمايلي اللي في المدرسه..بدل ماانا شاغله بالي وافكير بالكتب واللي فيها ديما امل:لسه منمتيش ليه يامهره فوقت من تفكيري وماما قصادي…كان بيتردد في بالي حاجه واحده وان اقولها كل حاجه مهما كانت العواقب
مهره:العالم بتاعك كان احلي من هنا ياماما لاقتها بصتلي بصدمه وساكته قومت وقعدت قصادها•بصي خلينا نتفاهم انا عرفت كل حاجه متبصليش بنظره اني عيله صغيره افهميني واسمعيني للاخر وهعرفك عرفت ازاي وبدأت احكيلها كل حاجه وكل اللي قريناه في الورق بتاع تيم ومعلومات عن حجر النار وكل حاجه كنت شايفه معالم الصدمه ع وشها امل بصدمه:عشاان كداا!!! مهره:عشان كدا اي ياماما؟! امل:كانوا عايزين احاول اجيب امي او اختي او حد كمان من عيلتي وكانوا مصممين ولما عرفوا ان مش هعرف اخرج من هنا سكتوا ومفتحوش الموضوع دا تاني
مهره:صدقيني ياماما الموضوع دا في لغز كبير الملكه بتعمل حاجه بحجر النار وبتسغلكوا بيه لازم نوصل لتفسير لو كان حد بيقولي ان انا وماما هنبقا بندور ورا حاجه وبنكتشفها سوا واحنا متفاهمين وبنتفق كنت مستحيل اصدق بجد مهره:طب مش هنقول لـ بابا امل:هنقوله بس لازم نتاكد الاول مهره:هنتاكد ازاي امل:هنروح القصر ونستني هناك ..تعالي بس وهتعرفي فات ساعه والتانيه واللي بعدها واحنا مستخبين جنب اكوام خشب كبيره موجوده قرب القصر
مهره:ياماما انا زهقت هنفضل كدا ودا هيوصلنا لـ اي امل بصوت واطي:هشش اسكتي واخرسي بدل مااروحك مهره بصدمه:بدل ماتروحني…دا انااللي جبتها وقولتلها ع كل حاجه هنا..دي اخرتها ……. رغم صدمتي الشديده وانا بسمع مهره وهي بتحكيلي،الا اني كنت فخوره بيها وان اللي في نظري طفله طلعت ذكيه واقدر اعتمد عليها…دي مش بس طلعت شبهي دي طلعت احسن مني كمان.. كان لازم اراقب الجو انا الاول لان فارس مهما كان هو من هنا واكيد مش هيصدق كل دا خصوصا انه مجرد كلام ع ورق كان لازم اتاكد
….. مهره:ماما بصي بصي بسرعه فوقت من سرحاني وبقيت مكان ما كانت مهره بتشاور كان صندوق متشال من حراسين ومتحاوط بحراسه كبيره والصندوق كان من خشب وخارج منه شعل نار بسيطه ومدخلوش ع قصر مشيوا بطول سور القصر ولفوا وراه امل:تعالي معايا براحه واياكِ اسمعلك صوت مهره:حااضر حاضر مشينا بخطوه بسيطه عشان نشوف رايحين ع فين واللي كان مساعدنا ان الدنيا ضلمه وسهل محدش يشوفنا كانوا ماشيين لحد ماوصلوا لـ باب حديد خبطوا خبطتين والباب اتفتح
دخلوا وسابوا الباب وراهم مفتوحه نص فاتحه امل بصوت واطي:انا هشوف اي جوا لو حصلي حاجه تجري ع فارس وتحكيله كل حاجه وهو يتصرف فهمتي! مهرت بتوتر كبير:حاضر ياماما حاضر امل:متخافيش خليكي قويه.. بخطوات بسيطه قربت من الباب كانوا جوا نور بس باللون الازرق وناس متسلسه في سلاسل في ايدها ورجلها رجعت تاني لمكاني ورا بصدمه وعيني بدات تدمع مهره:في اي ياماما جوا امل:هشش اصبري واسكتي لاقيت آله كبيره جدا تشبه المطحنه بيحطوا فيها احجار كتير من حجر النار وواحد واقف قصاد فتحه بينزل منها حجر النار دا ع هيئه احجار صغيره،وبياخدوا يعرضوا لحراره كبيره جدا
فضلت ماشيه بعيني لحد مالاقيت احجار ماس بتنزل من آخر آله موجوده وبتتعبي في صناديق كبيره،كل دا والناس اللي متعلقه بسلاسل دي في منها بيموت ويتفكوا ويتعلقوا مكانهم ناس تانيه بيطلعوا من اوضه موجوده مهره بدموع:ماما ماما بصي امل بعصبيه:اي في اي مهره:في اتنين من الحرس جاي هناك بصت لاقيت اتنين فعلا جايين لكنهم مش واخدين بالهم مننا بسبب الضلمه شديت مهره من ايدها واداريت بسرعه ورا صندوق خشب كبير موجود لحد مادخلوا وقفلوا الباب الحديد تاني وراهم
امل:يلا بسرعه يامهره مهره بدموع وخوف:هنروح فين انا خايفه قربت عليها ومسحت دموعها انتي قويه اياكِ تخافي اتمسكي وخليكي شجاعه ..عشان اللي جاي حرب بكل المقاييس..قوي قلبك وافردي جناحتك واستعدي للي جاي! يتبع ……..البارت الاخير🖤🖤 فارس:انا متلغبط ومش عارف اول خطوه نعملها اي ماهر:لازم البلد كلها تعرف ونروح المكان دا ونعرف كل حاجه فيه فارس:وتفتكر حد هيصدقنا..وهيستفادوا اي لما يعملوا كدا امل:فارس بلاش احباط اكيد هيصدقونا في ناس بتموت ومحدش عارف الماس اللي بيتصنع بحجر النار دا بيروح فين!
فارس:صح عندك حق