هزيت راسي بمعني لا..انا وصلت لمرحله اني حتي مش عايزه انطق حرف واحد فقدت كل قدرتي وحيلي وطاقتي لاقيت ماما داخله ولابسه اسود كعاده فترتها الاخيره من بعد اللي حصل فايزه بشحوب:مش هتاكلي ياامل هزيت راسي بـ لا.. فايزه: يابنتي انتي اكلك قليل مينفعش كدا وكمان.. قطعت كلامها مع صوت خبط الباب.. فايزه:ايوه اتفضل مازن بتعب وشحوب ظاهر:ازيك يامرات عمي فايزه :اهو بخير ياابني مازن:كنت عايز اتكلم مع امل لوحدنا..
فايزه:اه طبعا اتفضل لاقيت ماما خرجت ومازن قعد قصادي ومسح دموع خانته وعينه حمرا بطريقه توجع القلب مازن:اشتريتي الزرنيخ ازاي فضلت بصه ليه بصدمه ، ومبنطقش مازن بدموع:اشتريتي الزرنيخ ازاي ياامل امل:هما اللي اشتروه عشان يقتلوني مازن:كدابه امل بصريخ:اناا مش كدابه مازن بدموع وتنهيده:قوليلي جبتي الزرنيخ ازاي وقتلتيهم امل برجفه:مش..مش اناا..دي هي ..هي اللي عملت كدا وانا شوفتها مازن باستغراب:هي مين ..! امل :انا اللي قتلتهم مازن باستغراب وحيره:ازاي انتي م لسه قايله ان مش انتي
امل:مش هي ،دي انا اللي قتلتهم.. مازن بتفكير:ووصلتي للزرنيخ ازاي امل:انت ناسي ان احنا عايشين في باب الشعريه ووصلت لعطار جبته منه امل:مش اناا يااماازن مش اناا.. مازن:احكيلي اللي حصل.. امل:كانوا بيكرهوني وبيعاملوني وحش،حتي..حتي..نور خطفت زين..خطفته مني واتجوزته هي..بابا..بابا مكنش بيحبني..وكمان…وكمان امك..امك وابوك بيكرهوني..كلهم كانوا بيكرهوني… مازن بصدمه شديده:بيكرهوكي ونور حطفت زين منك وبيعاملوكي وحش!!!!
انا وانتي بنحب بعض من واحنا صغيرين ياامل وكنا متفقين لما نكبر نتجوز!!! وعارفين ان نور وزين بيحبوا بعض !!! ومين كان بيعاملك وحش،ابوكي،ابوكي اللي كان بيعيط بسبب حالتك وحادثتك…ولا ابوياا اللي كان بيترجاكي يجيبلك عربيه ونوصلك الكليه وناخدك منها وانتي اللي رفضتي..طب امي..ناسيه امي كانت بتعملك كل الاكل اللي بتحبيه..وزين اللي جايبلك كل الكتب اللي بتحبي تقرأيها..وقام وفتح دولابي..بصي نور شوفي كل الهدوم دي نور جبتهالك وهي بتشتري هدومها الجديده لجهازها عشان يكون عندك احسن حاجه وشنطتم وحاجتك دي كل اللي كانت بتجبهاالك
مازن بصريخ قووي:اانتي مجنونه..انتي مجنونه ياامل..ازاي عقلك مصورلك كل دااا ازااي فهميني..قتلتيهم كلهم بدم باارد!!!! امل:ضحكت بقوه،،وبعدين صرخت..كدااب ،كدااب زيهم كدااب مازن:طب مقتلتنيش انا وامك معاهم ليه ردي عليا وفهميني!!!!! …………………………………………… فلاش باك.. بعد ماسمعت هجوم عمي ومرات عمي لما مازن اتقدملي وبابا وماما مدافعوش عني ،دخلت اوضتي وفضلت اعيط ساعات طويله ،طويله لدرجه مبقتش قادره اتنفس..
لما فوقت كنت مخططه لكل حاجه هعملها ..طلبت من ماما تنزلني لان اعصابي تعبانه ..واقنعتها تسيبني في مكان وتروح تشتريلي كتب ..لما سابتني اتحركت بالكرسي المتحرك بتاعي وروحت لعطار في باب الشعريه عندنا وطلبت كمان زرنيخ،،كانت تقريبا 70 ملليجرام ودفعت 150 جنيه ورجعت للمكان اللي ماما سابتني فيه وكأن شئ لم يكن ..استنيت يوم الجمعه وكبيت كميه الزرنيخ في العصير عملت مشكله مع نور كبيره، وطلبت من مااما ومازن ينزلوا بيا من البيت لان اعصابي تعبانه..كنت عارفه ان موتهم بالزرنيخ مش هيبقي وقتي ويفضل ساعات وايام كمان..بدات تظهر عليهم الاعراض كانت تشبهه اعراض الحمي ..واحده واحده ابتدوا يموتوا ورا بعض..انا..انا مكنتش
عامله حساابي ان مازن ممكن يكشفني!!!! ياريتني كنت موته معاهم …………………………………………………… مازن بجنون:انتي اازاي تعملي كداا!!! ابويا وامي هجموني لان كنا مستنين معاد عمليه ليكي هنعمله وترجعي تمشي ع رجليكي..مقالتش هجوزك مشلوله..انا هتجنن..كل اللي بتحكيه دا محصلش ومكنش بيحصل اصلاا!!! طب..مسالتيش نفسك اشمعنا انا مموتنيش معاهم…لانك بتحبيني ياامل..طب نسيتي واحنا صغيرين لما كنا بتلعب سوا وحبنا لبعض..بدموع..طب نسيتي اتفقنا اننا نتجوز لما نكبر ونور وزين يتجوزو واحنا الاربعه نخرج سوا ونبقا مع بعض ديما…هان عليكي تقتليهم ياامل..هان عليكي تعملي دا فيهم..
طب..مامتك كان زمانك قاتلها معاهم..!!!! لولا انك استخدمتيها عشان تبعدي كان زمانها ماتت!!! لولا اني بعد مافوقت من الصدمه اسنتجت ان الاعراض اللي عندهم كانت واحده ،وعملت تحليل للتربه اللي ادفنوا فيها وطلع فيها نسبه زرنيخ..! مكنش زماني كشفتك امل:فضللت اصررخ بصوت عاالي..ااانت كداااب…كداااب…هقتللك معااهم..هقتلللك..هخلص منك..بكرهك زيهم..بكرهككك!!! فضلت اصرخ بطريقه هستريه وانا سامعه مازن بيواجهني بالحقيقه البشعه وهي اني مجرمه وقاتله!! فضلت اصرخ لحد ماسمعت جمله مازن مازن:انا لازم اتصل بمصحه نفسيه حالاا..!!! وسابني وطلع
حاولت اخد نفسي بقوه ومسكت ورقه من مذاكرتي وكتبت فيها.. “لم اكن المجني عليها..كنت انا الجاني” وسيبتها ع المكتب واتحركت بالكرسي لحد السرير وطلعت ‘موس’ وقطعت شراييني ايدي..!!! يتبع.. #صاحبه_الكرسي_المتحرك لـ امل احمد💜البارت الاخير🖤 مازن بدموع وخوف:لو سمحت يادكتور فهمني عشان انا تايه مش فااهم اي حاجه بتحصل الدكتور:قبل ماافهمك الحمدلله انكم لحقتوا جرح ايدها قبل ماكان يحصلها حاجه وكمان عايزك تحكيلي حياه امل،من صغرها وسبب الحادثه
مازن بعد تنهيده قويه:انا وامل وزين اخويا ونور اختها احنا ولاد عم كنا مع بعض علطول انا وامل بنحب بعض ونور وزين بيحبوا بعض وكنا عارفين كدا وكان كل اتنين مننا متفقين لما نكبر نتجوز،وكانت كل حاجه في حياتنا ماشيه عاديه جدا ،احنا عايشين في بيت واحد
لحد ماجه اليوم اللي شقلب كل حاجه،كان اول يوم لـ امل في كليتها وهي علوم ،عملت حادثه كبيره جدا ،كان سبب انها متقدرش تمشي،كانت محتاجه عمليه كبيره وبالفعل احنا كنا بندبر فالفلوس عشان العمليه ..لكن بعد الحادثه بفتره قصيره امل اتغيرت اووي..بقت علطول لوحدها..علطول مضطربه ومتوتره..ديما في عالم تاني حتي لو قاعده معانا بقت تصرفاتها عدوانيه جدا بتتكلم كلام غير مفهوم في اوقات كتير…انا لما قريت المذاكرت بتاعتها لاقيتها بتحكي كل الموقف اللي حصلت بالعكس تماما..بشكل اللي يطلع اللي حواليا وحشين وهي لا..وكمان في مواقف محصلتش اصلا!!!
لحد ماامل عرفت تجيب زرنيخ ودا ماده سامه من عند عطار وسممت العيله كلها معادا انا واللي جوا معاها دي مامتها!!! الدكتور بجديه شديده جدا: حاله امل دي اسمها الشيزوفرينيا او فصام،دا السبب انها تميز الواقع سببها هلاوس ووهام واضطراب فكري وسمعي،يعني بتسمع حاجات مبتحصلش وبتفكر في حاجات عكس اللي بتحصل تماما..الانفصام دا هو السبب انها تقتلهم لانها شايفاهم مجرمين في حقها مش بعيد تكون اصلا مفكره انهم اللي كانوا هيقتلوهاا
ماازن بدموع وتعب شديد:طب واي السبب ان يحصلها كل دا الدكتور:بعد الحادثه هي اتعرضت لصدمه نفسيه شديده جدا كانت شايفه نفسها قليله او بقت معيوبه كل دا اثر ع نفسيتها بشكل كبير وعملها صدمه نفسيه وانتوا للاسف كان كل اهتمامكوا ع الناحيه الجسديه ليها ودا للاسف اللي سببها فـ الاول اكتئاب واتطور لحاله لفصام الشخصي مازن:طب..طب وهتخف ولا اي اللي هيحصل دكتور:احنا هنحاول بس العلاج النفسي بيحتاج لوقت طويل عشان يبدا يظهر نتيجته،فـ احنا لازم نصبر ونستحمل وان شاء ترجع بخير ،هي هتفضل هنا فالمصحه النفسيه
مازن:بعد اذنك بلاش مامتها تعرف حاجه عن موضوع القتل دا،،يعني قولها انه تعب نفسي دكتور:طبطب كتف مازن..حاضر شد حيلك انت واستقوي كدا عشان المشوار طويل.. •مش عارفه دي المره الكام اللي احاول انتحر فيها،انا فاقده كل شغفي للحياه،مكنش في قصادي غير اني اكتب اكتب وبس ..ماما كانت معايا ديما وكمان..وكمان مازن..مازن صحيح معايا لكن مبقاش مازن اللي بيحبني زي زمان كنت قاعده في اوضتي فالمصحه النفسيه وقاعده قصاد الشباك اللي بيطل ع برا وبراقب عصفورتين شكلهم يخطف قلب
الدكتور :ست البنات بتاعتنا اخبارها اي امل بهدوء:بخير يادكتور الحمدلله فضل الدكتور يتكلم معايا..كان بيطمني عليا وبيسالني بسكل غير مباشر لكني فهمته..دكتور لطيف وطيب ..حلو ان يكون في كل مكان شخص مناسب ليه..لحد مالاقيت ماما حت الدكتور سابنا وطلع فايزه:مازن جه برا امل:بجد طب مدخلش ليه فايزه :مش عارفه يابنتي ………… الدكتور:انهارده احب اقولك ان بنسبه 90%امل بقت كويسه وبخير لكن في ادويه هتفضل منتظمه عليه ولمن بجرعات قليله مش كبيره..
مازن بسعاده:بجد يادكتور،يعني تقدر تخرج الدكتور :طبعا هتخرج قريب،لكنها مازلت عايزه معامله عاديه وخاصه متنساش قولتلك بنسبه90% والعلاج بتاعها تنتظم عليه بالجرعه بتاعته …الاهم من دا كله انا عارف انه صعب عليك جدا لكن سامحها..مرضها النفسي هو السبب..وطبطب ع كتف مازن..حاول تسامحها.. •انهارده وبعد 3 سنين في المصحه خرجت،ولكني رجعت امل تاني..مقدرش اجزم اني رجعت زي الاول بالظبط لكني بجد حاسه اني كويسه.. التفت ابص ع باب المصحه وانا بتنهد بقوه كبيره..بصيت لاقيت الدكتور واقف في شباك اوضتي وبيبتسم وبيشاورلي..ابتسمتله ومشيت وانا بضحك..في ناس بتبقا فيها لطافه العالم كله وكأنها زي الضماد اللي بيداوي الجرح
……… الدكتور نادر:احنا الاول قبل الجراحه هنعملها شويه اختبارات عشان نشوف الاعصاب والانسجه التالفه،والاشعه اللي انت جايبها دي بتقول ان سبب الشلل النصفي دا حصلها مشكله في النخاغ الشوكي بعد الحادثه،احنا ان شاء الله هنتدخل جراحيا وبعدها علاج طبيعي مازن:تمام يادكتور انا هجبها لحضرتك في اقرب وقت ………… فايزه بدموع:بجد ياامازن يعني هترجع تمشي تااني امل بصدمه:يعني..يعني هرجع امشي ع رجلي مازن:ان شاء الله..نروح للدكتور ونعمل العمليه ………… كنت بجهز عشان ادخل العمليات واعمليه العمليه وانا بعيط وبيص ع مازن اللي باين انه واقف متوتر لكنه صامد ،وماما اللي بتعيط من خوفها
امل بدموع:هبقا كويسه،هبقا كويسه ياماما متخافيش امل لـ مازن:سامحني انا اسفه ياامازن
