نور نور نور كل حاجه نور انا بكرهكم انتوا الاتنين،لو كان صوت الافكار يتقرا كانوا سمعوني لكن والحمدلله انه مس بيتقرا امل:صح عندكم حق كنت قاعده بعد الوقت عشان يوم الجمعه يجي،تقريبا انا كل اسبوع بعده كدا،دا اليوم اللي بنتجمع فيه مع ومرات عمي وطبعا زين ومازن،ونبقا سوا طول اليوم،بيبقا زين قصاد عيني طول الوقت .. كنا قاعدين بعد الغدا كلهم بيهزرا وبيضحكوا وانا قاعده في مكان قريب تقريبا منهم بقرأ كتاب،او زي ماهما كانوا فاكرين لاني كنت قاعده براقب زين بحركاته اللي بتخطف قلبي
محسن بجديه:بصراحه كدا يااتوفيق يااخوياا من غير لف ودوران زين كلمني وقالي انه عايز يتجوز بنتك نور.. يتبع.. #امل_احمد💜بارت 2 كنت قاعده ع الكرسي المتحرك بتاعي وشايفهم مشغولين بالترتيبات بتاعت نور وزين ..بابا وعمي مشغولين في ترتيبات الديكور..وماما ومرات عمي مشغولين في تجهيزات الاكل وطبعا زين ونور عرسان ومشغولين في مشاوير سوا! اتفقوا يكتبوا الكتاب وبعد امتحانات نور يعملوا الفرح.. -مش يلا ياامل عشان تغيري هدومك قبل ماالضيوف يوصلوا =ماا انا لابسه اهو ياماما
لاقيتها بصت باستغراب لهدومي اللي كانت عباره عن جيب اسود وبلوزه بنفس اللون.. فايزه:هتحضري كتب كتابك اختك بالاسود طب دا ينفع راحت سحبتني بالكرسي ودخلتني الاوضه بتاعتي.. -ياحبيبتي يابنتي هو انتي لسه مشلوله مخفتيش =طب مش كان يعملولك عمليه عشان ترجعي تخفي ولا خلاص مفيش فايده بصيت لاقيتهم اتنين من قرايبنا واقفين يتمصمصوا عليا بشفقه..نظراتهم كانت بتقهر قلبي وكأنها سكين بتغرز فيا امل بتوتر:اانا…اناا ككويسهه حركت الكرسي بتاعي بسرعه واستخبيت في ركن بعيد عن نظرات الناس.. كنت بكتم دموعي بالعافيه
توفيق بغضب:انتي اي اللي مقعدك هنا ياامل امل بتوتر:لا ابدا اصل انا مش حابه اقعد وسطهم توفيق بعصبيه مكتومه:متخلنيش اتعصب عليكي قصاد الناس،الضيوف لما تسال نقولهم مستخيه اصلها مش حابه،اقعدي وسط الناس متعريناش وسابني ومشي..لو في كلمه هنطق واقول بعلو صوتي اني بكرهك .. ‘بارك الله لكما وبارك عليكما وجمع بينكما في خير’
زين قام حضن نور وباسها من دماغها والكل واقف يبارك،انا مش هقول حابسه دموعي،انا كنت حابسه نفسي كمان من خوف مع نفي الدموع تنزل..حركت الكرسي بهدوء وروحت ع البلكونه..سمحت لدموعي تنزل..زين بقا لـ نور خلاص..بقا حقها وملكها..زين راح منها..اختارها هي وحبها هي..وانا حبيته،حبيته من طفولتي لحد شبابي ولسه بحبه معقول مكنش شايف حبي ليه! -القمر قاعد لوحده ليه =لقيته مازن مسحت اثار الدموع من ع وشي -لا ابدا قولت اشم هوا
=طب وانا هشم اكل امتا لاحسن امك وامي موتوني من الجوع ضحكت عليه ياريتني كان عندي لامبالاه للدنيا كدا زيه.. كنت قاعده في اوضتي بقرأ كتاب وكل شويه ابص ع الساعه اتاخروا اوي ،لحد ماسمعت صوت الباب بيتفتح حركت الجرسي وطلعتلهم برا الصاله امل:اي ياماما اتاخرتوا اوي كدا ليه توفيق بعصبيه:انتي اتعميتي مش شايفه شنط جهاز اختك اللي كنا بنجيبها نور:بابا عنده حق ياامل،انتي مش شايفه كل شنط جهازي وحاجاتي ولا اي
امل:ااه شايفه..شايفه سكت مقدرتش انطق،اصل مبقاش فيه كلام ينفع..سحبت الجرسي ودخلت ع اوضتي ولاقيت نور جايت ورايا.. نو بسعاده:عارفه ياامل عايزه اجيب فستان اسود وبلوزه زهري اه صح وكمان شنطه سمرا لان واحده بس مش هتنفع امل:بتحبيه نور باستغراب:هو مين دا امل:زين يانور نور:ااه طبعا طبعا بحبه اوي سمعت منها الجمله وتوهت في عالم تاني هو بيحبها وهي بتحبه واختاروا بعض لكن انا مليش مكان ومليش لازمه كنت سامعه صوت نور بتتكلم وبترسم في احلامها الورديه،من حقها خدت اللي بتحبه واي عروسه مكانها كانت هتعمل كدا وترسم في حياتها بسعاده كدا،انا لو مكانها كان زماني طايره من الفرحه..
كنا قاعدين نور بتقلب فالتليفون وانا كالعاده سرحانه في ملجأي وهي الكتب فايزه:افتحي يانور الباب انا فالمطبخ مش فاضيه نور بملل:حاضر يماما..اي دا زين! زين:وحشتيني اوي يانور نور:وانت وحشتني ياقلب نور زين:ازيك ياامل امل:كويسه زين:عامله اي فالمذاكره ياحبيبتي ركزي كويس عسان نتجوز بعد الامتحانات علطول يانور نور:حاضر ياحبيبي..بقولك اي ماتجي نقف فالبلكونه كنت بتقول لزين الجمله دي وعينها عليا ،كانت عايزه تبعده عني وكأنها شايفه حبي لـ زين في عيوني..
نور:مش هتنزلي نجيبي لبس جديد عشان تحضري فرحي انا وزين..عشان الهدوم اللي عندك دي قدمت امل بقوه:لااا نور:يعني اي لاا هتروحي بالهدومي الزباله دي الناس تقول اي ،اهو ع الاقل تلاقي عريس بدل قعدتك ع الكرسي امل بعصبيه:انتي اتجننتي هو انا رايحه ادور ع عريس!! نور:امال هتفضلي قاعده من غير جواز ،يبقا لا كليه ولا جواز امل بغضب شديد:انتي واحده زباله وقليله الادب نور بعصبيه:انا زباله دا انتي اللي ملكيش اي لازمه
امل:انتي واحده قليله الادب ومريضه.. توفيق بعصبيه:في اي صوتكم عالي كدا ليه نور بدموع:شوفت يابابا امل بتشتمني عشان قولتلها مش هتنزل تجيب لبس للفرح ،بتقولي اني قليله الادب امل بصريخ:كداابه والله دي كانت بتقول.. توفيق بغضب:ششش اخرسي،مسمعش صوتك انتي اللي قليله الادب،بقيتي عدوانيه اكتر من الاول اختك مش اول مره تشتكي منك انك شتمتيها،انا مش عارف انتي ليه بالغل دا ،طب حتي احترمي سنك دا انتي الكبيره توفيق:متزعليش يانور ياحبيبتي انتي عروسه ومينفعش تتضايقي وتعيطي..
مش عارف ان دا ابتلاء من ربنا ولا انا حظي وحش اني ابقا وسطهم..حاولت اعيط عشان اهدي من النار اللي قايده في قلبي من وجعي لكن زي مايكون دنوعي جفت،بعيط من سنين كتير ع تفصيل نور عليا وحبه ليها اكتر الكل بيحبها اكتر مني حتي عمي ومراته الكل بيحبه وانا لا..انا ديما بعيد وساكته.. عدي شهر الامتحانات بسرعه ع نور وقرب معاد فرحها هي وزين واللي تعتبر جنازتي!! امل بغضب:قولتلك مش عاايزه اروح يماما يعني مش عايزه اروح
فايزه:يابنتي طب ازاي في واحده متحضرش فرح اختها امل بعصبيه شديده:ااه اناا فايزه:يابنتي مينفعش وميصحش لاقيت زين وبابا ونور داخلين ع صوتنا زين :اي في اي يامرات عمي توفيق:في اي يافايزه فايزه بدموع:امل مش عايزه تحضر فرح اختها توفيق بغضب:نعم!!!انتي بتسهبلي وتدلعي،الظاهر انك ادلعتي زياده عن اللزوم وانا هربيكي تاني نور:مش عايزه تحضري فرحي ،دا لو جيتي تعريه زين:عندها حق اصل نظرات الناس ليها هتبقا مش لطيفه عشان قعده الكرسي دي
رغم كل الكلام اللي قالوه الا اني قهرني جمله زين،يااه وكأن قلبك وقع عليه حجر صخر قوي رج قلبي وكسره لمليون حته.. بعد ماسمعت جمله زين استسلمت،استسلمت لكل حاجه بتحصل لوجعي وضعفي وسلبيتي وكل حاجه بتحصل.. كنت قاعده في قاعه فرح زين ونور وشايفهم بيرقصوا وفرحانين والكل حواليهم فرحان،وانا قاعده في زوايه بعيده عن عيون الناس كان قلبي بيغلي من القهر،لييه ،لييه انا وليه كدا.. ………………… توفيق بغضب:اناا معرفتش اربيكي انا هطلع روحك في ايدي دلوقتي ازااي تعملي كدا،عايزه تخربي ببت اختك بتوقعي بينها وبين جوزها
فايزه بخوف:براحه ع البنت يااتوفيق امل بدموع:والله ماوقعت انا زين جه سالني ع اللي حصل وانا حكيتله بس مش اكتر توفيق:كداابه،انتي يوصل بيكي الغيره والغل ع اختك للدرجه دي ،عايز تخربي بيتها بعد شهرين من جوازها كنت هعنل اي لو كانت اتطلقت!!! امل:انا ذنبي اي هي اللي كدابه وبتكدب ع زين و.. توفيق بعصبيه ونظره احتقار:اخرسي مبقتش عايز اسمع صوتك او اشوف وشك حتي كتك القرف.. …………………………… كنا قاعدين سوا يوم الجمعه وانا قاعدده في ركن زي مابعمل علطول اراقب زين لكن الفرق نور كانت قاعده في حضنه..
توفيق:عقبال مانفرح بيك ياامازن محسن:ياارب ياتوفيق يااخويا مازن:ماهو بصراحه انا قررت افرحكم انا عايز اتجوز امل هند بعصبيه شديده:نعم!!!! انت بتستهبل ياامازن عايزاني اجوز ابني لمشلوله محسن بغضب:انت عيل طايش ازاي تقرر من نفسك كدا حاجه زي الجوازه دي متنفعش.. يتبع… #صاحبه_الكرسي_المتحرك لـ امل احمد💜بارت 3 كنت قاعده في اوضتي بهدوء باصه للشباك وساكته تماما،وحاسه بتحركات الممرضه اللي بتراعيني من فتره حواليا ،بعد تتدهور حالتي النفسيه وخصوصا بعد محاولتهم لـقتلي! ..
الممرضه:محتاجه اي حاجه ياامل