اطلعى يا ريهام قابلى خطيب اختك انتى هتفضلى ساعة وقفه قدام المرآيه؟
حاضر ياماما خارجة اهو هى الدنيا طارت؟
تأكدت من أناقة فستانها ومكياج وجهها، المرة الأولى لبنى ترى فيها خطيب اختها حتى صدفه
كان العريس يوليها ظهره، يتحدث مع والدها، مشت ووقفت بأدب بعيون ناظرة تجاه الأرض
سلمى يا ريهام على فهد عريس اختك
رفعت ريهام عينيها ووقعت على وجهه، ارتعشت يدها وجسدها وكتمت صرخه
ازيك يا ريهام، تحدث ببرود، كيان كلمتنى كتير عنك؟
حملقت ريهام باليد الممدودة، سلمى يا بنتى مالك كده اتخشبتى زى عروسة المولد؟
بعيون متسأله سلمت ريهام على فهد، ادخلى هاتى الشربات اختك لسه ما جهزتش؟
ريهام؟
الشربات يلا
أطلقت ريهام نظره على والدتها، تكاد الدموع تهطل من عينيها
انا، انا تعبانة شوية وركضت تجاه غرفتها
دا مش فهد، دا احمد حبيبى!! طيب ازاى جاى يخطب كيان اختى؟
ومغير اسمه كمان
طرقت كيان باب الغرفه، فيه ياريهام مالك؟ هو ده إلى هملى خطوبتك رقص وضحك؟
معلهش يا كيان تعبت فجأه، ضغطى وطى انا اسفه
ازاى بس ازاى؟
دا انا روحى متعلقه فيه
إلى بيحصل دا مش صدفه، اختى؟
انا هخرج افضحة الكداب الوسخ، خير ان شاء الله يا ريهام؟ سمعت صوت عدى داخل الاوضه
تعبانه شوية يا عدى معلهش، طاب هقلهم ايه؟ انى كنت بغفلهم وأخرج اقابله؟
أخرجت هاتفها، اتصلت بيه عشرين مره
تنحى على جنب ورد عليها
ياكداب يا مخادع يا ابن _الكل_ب تركها تفرغ غضبها
هبقى اكلمك بالليل ماشى سلام
استنى يا واط_ى بالليل ايه ونهار ايه انت
صرخ قلتلك بالليل وأغلق الخط
____ مكنتش مصدقه إلى بيحصل، فاكرة نفسها فى كابوس هتصحى منه، الزغاريد ماليه الشقه، بيلبس اختها الدبل
بيوزع الابتسامات على كل الناس، مقدرتش تمسك نفسها
اتصلت بيه تانى، قفل التليفون فى وشها
بصت من خرم الباب كان بيستعمل تليفونه التانى وبياخد صور مع اختها كيان
خافت صوتها يطلع من الصراخ، كانت مصدومه اكتر من شعورها بالخـ,ـيانه
ازاى انسان ممكن يعمل كده وليه اختار اختها لو كان ناوى يخون؟
استبعدت فكرة انه مكنش يعرف ان كيان اختها لان كدب عليه فى الاسم كان قايل ان اسمه احمد وهو اسمه فهد
هقول لكيان على كل حاجه، هفضحه، كيان هتفهمنى ومش ممكن تقبل على نفسها ترتبط بشخص خاين
خلصت الحفله، وتليفونها فى ايدها بتتصل عليه، فين لما رد عليها، كان وصل شفته واخد شاور وبيدخن سيجارة
اهلا ريرى عامله ايه رد ببرود
متقلش ريرى صرخت، انا مش بتاعتك، انا هفضحك والله لفضحك يا قذ_ر
ضحك، هتفضحى نفسك يا حلوة
دوختها الكلمه، فكرت فيها
وسمعت صوته بيكمل، جربى تفتحى بقك، انت ناسيه الصور الى معايا +؟
يا حيو_ان، يا قذ_ر يا يا
صرخ اسكتى ولا كلمه تانيه، لو فتحتى بقك هتفتحى على نفسك طاقة نار
ماشى يا حلوة؟ بلعت ريم ريقها بصعوبه، احنا هننهى كل حاجه دلوقتى
من اللحظه دى لا انت تعرفنى ولا انا اعرفك؟
مش بمزاجك يا ريرى!! انا الى اقرر ايه هيحصل انتى ملكى!
انا مش ملكك، انت….
اقفلى بقك هتشتمى تانى هسمعك كلام مش كويس وانتى عارفه انى متهور يعنى ابعت صوره لعدى اخوكى او والدك
وشوفى بقا هيحصل ايه؟
همست ارجوك بلاش تعمل كده، سيبنى فى حالى انت عملت إلى فى مزاجك سيبنى بقا
لا مش هسيبك انتى هتفضلى معايا لحد ما ازهق منك ولو فكرتى او جربت فى مره اتصل بيكى ومردتيش هفضحك
بتعمل كده ليه؟ حرام عليك
لانك مكنتيش مطيعه يا حلوة، فهد ميتقلوش لا
همست كنت عارف ان كيان اختى صح؟
أجاب ببرود ايوه
اخترتها علشان كده؟
___ايوه