بس دي شكلها نصابة يا عز بيه هتدخلها بيتك ازاي في بنات انضف منها و نفس ظروفها كده ضحك عز الدين و حط رجل على رجل و هو شايفها قدامه من العربيه بتسرق تليفون الراجل اللي بتشرحله المنتجات اللي معاها عز الدين للسواق بكل غرور : انت مش فاهم حاجه هي دي عز الطلب بس محتاجة تنضف شويه جريت ياسمين على عربيه ادهم و هي ماسكه قلم وورقه و بتبتسم بعينيها العسلي : معايا كل اللي يحتاجة بيتك يا فندم و اولادك
عز الدين : انتي اسمك ايه يا شاطرة ياسمين بخبث وهي بتضحك بدلع : اسمي فيفي وانت يا حلو ضحك عز الدين و شاورلها تقرب على العربيه قربت ياسمين كان وشها بريئ عينيها واسعة لابسه حجاب بس شعرها كان باين منه اثر تعبها وأنها مش بتقعد طول اليوم عز الدين وهو بيشاورلها بسبابته : اركبي جنبي ياسمين بخوف و توتر : نعم ايه يا بيه اركب فين انا مش من دول يا بيه انا معايا مكنه حلاقه لو عايز تشتريها و تنفعني يبقى كتر خيرك
عز بجفاء و غرور : وريها الفيديو اللي صورتهولها وهي بتسرق الراجل يا عبده ياسمين بابتسامه خبيثة : وانت بقى عندك كام سنه يا حلو افتح الباب كده خليني اقعد جنبك اشوف القمر ابو عيون زرق دول ابتسم عز الدين وهو واخد باله من حركاتها الخبيثه وقال : عيون زرقة ايه انا عيني عسلي مبتجيش غير بالتهديد يلا اركبي من الناحيه التانيه راحت ياسمين قعدت جنبه وضحكت : عينك عسلي يا عسل انت ها عايز ايه بقى يا بيه
عز الدين وهو بيقرب منها : انا هشتري كل حاجاتك اللي ملهاش لازمة دي بس تقضي معايا الليله و تدلعيني كده بصتله ياسمين من تحت لتحت : انت شكلك باد بوي ولا ايه و عايزني اجي البيت كمان د انت جامد اوي بقى طب هتديني كام