ياسمين : ايجار البيت اللي انا فيه انت اكيد اللي دفعته مش معقول صاحبه البيت هتسيبني قاعدة كده ببلاش حضنها باسم تاني : الحمدلله انك بخير من هنا و رايح خليكي معانا بعدت ياسمين و عيطت : مش هقدر انا عايزة امشي خرج معتز من الاوضه وهو بيطلع نار و ض/رب باسم و شد ياسمين جامد : هربتي ليييييه ..و ازاي تسمحيلوا يمسك ايدك ندى جريت على باسم تشوفوا كانت شفايفه بتنزف : انت كويس
مسك باسم ايديها و باسها : كويس متقلقيش يا روحي راح باسم على معتز و بعده عنها و خد ياسمين وراه بس فجأة لقيت اللي بيشدها في حضنه و كان عز لما حس انها في ورطه عز لمعتز : اياك تمسكها كده تاني اتعصب معتز و كان هيض/ربه بس باسم مسكه معتز : انت مين عشان تمنعني ها انت مين انت اق*تلك هنا عز : مش عارف اجيبهالك ازاي بس انا جوزها
برقت مريم ام عز و ندى أخته و باسم و سكت معتز من الصدمه كمل عز كلامه : ايوه جوزها امال انت فاكر انا وصلت لأختك الهربانة قبل ما انتو توصلولها ازاي انا اتجوزتها بس لما لقيت الاخ باسم خد ندى و سافر من غير ما يقولي قررت استفزكم ب مراتي عشان يبقى يعرف ازاي ياخدها و يسافر من غير علمي ندى : أبيه انت بتقول ايه ياسمين هربانة من سنه بس انت لحقت تتجوزها امتى
باسم : كذبك ده يا عز مش هيفيدك ياسمين لسه صغيرة ما بلغتش السن القانوني عشان تجوز نفسها ضحك عز و قرب من ياسمين اكتر وقال بكل رومانسيه: احنا اتجوزنا عرفي اصلي مكنتش قادر اقاوم جمالها و شقاوتها مستحملش معتز الكلام و جري على عز و كان هيضر/به بس طلع عز مسدسه و عمره و رفعة على رأس معتز وقال بكل غضب : انت اتجننت ولا ايه نسيت نفسك انا ادفنك هنا
اتصدمت ندى من اخوها و أمه كمان كانت قاعدة مصدومة ازاي اتجوز و ازاي كان عايز يق*تل اخو جوز أخته شد باسم اخوه و رجعه لورا مسك عز ياسمين و طلع بيها على فوق معتز ل باسم : اتجو… زها ..بيقولك ..اتجوزها حط باسم أيده على بوق اخوه و شده بصعوبه لبرا البيت دخله العربيه و دخل و قفل عليهم صرخ معتز : لاااااااا مفيش حد اتجوزها دي بتاعتي انا انت فاهم ..لولا غبائك كانت هتبقى مراتي انا هق*تلك و اقت*لها لو كان لمسها فاهم
باسم بعصبية : أنت اتجننت هتفضحنا قدام الناس هيقولوا بتحب اختك يا مجنون معتز : يقولو اللي يقولوه ياسمين بتاعتي لوحدي وهي هتتقبل ده بإرادتها أو غصب عنها فاهم باسم بغضب : ايه فاهم ..فاهم ..لا مش فاهم دي اختنا بدل ما نحميها تروح انت تحاول تعتد ي عليها غصب عنها ليها حق تهرب و الف مرة كمان مش مرة واحده ..ارحمها من كل ده سيبها في حالها مسك معتز باسم من رقبته و ضغط عليه و قال بصوت جنوني : ابعد عن الموضوع ده احسن لك عشان انت اللي هتخسر
كانت ياسمين في الاوضه مع عز بتبص للسما مبتتكلمش عينيها كلها حزن و تعب قعد عز على السرير فتح قميصه و رماه و قام عشان يدخل الحمام بس وقف لما اتكلمت ياسمين : ليه بتنقذني .. عز و هو بيقرب منها : عشان انتي هتحكيلي حاجه ياسمين : حاجه ايه عز : اخواتك انا بكرههم وانتي كمان تقريبا ..لو قولتيلي حاجه توقفهم عند حدهم هخلصك منهم و اسيبك يعني زي اعمال مش مشروعة تجارة نصب هكذا
ياسمين وهي بتبص للسما تاني :هما مش اخواتي بس انا مش هبيعهم عشانك عز : مش اخواتك؟! ياسمين : ولاد جوز امي الله يرحمها عز بشك : من امتى وانتو سوا ياسمين : من وقت ما كنت 3 سنين لقيت نفسي في وسطيهم كنا عيله لطيفة جدا كنت البنت المدلعة اللي كلمتها بتتنفذ عز : و بعدين ليه هربتي ياسمين : مش مهم ..مش لازم تعرف نزل عز لمستواها و قرب من شفايفها و قال بهمس : اه طيب هعرف بطريقتي انا اصلا نفسي فيهم
برقت ياسمين و لسه هتبعد باسها بكل حب و ثبتها عشان متتحركش ولكن اتفتح الباب فجأة 😳….. التفاعل سئ جدا لو فضل كده هوقفها 🖤 #طوفان_قلبِ #SomayaAmerالبارت الخامس 🖤🌼 #طوفان_قلبِ ” لقد بدأ قلبي في الانهيار، لا تقترب ف نيران قلبي ستحرقك ” فتح الباب فجأة دخلت ندى اخت عز اتصدمت لما شافته بيبوس ياسمين اللي دفعته عنها بكل قوتها و ض/ربته بالقلم صوتت ندى و قفلت الباب عليهم هما التلاته
جريت ندى على ياسمين وقفت قدامها عشان عز ميقربش منها بس العكس ضحك عز و راح قعد على الكرسي حط أيده على خده و ابتسم استغربت ندى و جريت ياسمين على الحمام من غير ما تتكلم ندى ل عز : انت بتعمل ايه يا عز بتبوسها ليه عز : ببوس مراتي ليه ..ده سؤال ندى بعصبية : لا يمكن تكون اتجوزت انا عارفاك اكتر من نفسك ليه عايز تكسر باسم و معتز بأي طريقة هتكسرهم باختهم ده حل بالنسبالك
قام عز وقف قدام الشباك و ضحك باستهزاء : انا كمان كنت فاكر اني اعرفك وأننا اسرارنا سوا بس اختي الحبيبه من سنه راحت اتجوزت من غير حتى ما تقول لاخوها اللي بتقول انها عارفاه و مش بس كده لا دي سافرت من غير ما تتكلم ولا تقول اي حاجه ندى : أما اخويا يرفض الشخص اللي بحبه من غير سبب يبقى كان لازم اعمل كده عز : عملتي اللي يريحك ؟
ندى : عز خلينا ننسى اللي فات الموضوع مش مستاهل كل الغضب ده منك سيب ياسمين تروح لإخواتها البنت مصدومة من كل ده عز راح عند باب الحمام فتحه بكل عنف كانت ياسمين قاعدة تعيط شدها من ايديها عند أخته و زعق : انا مين يا روحي قولي لاخت جوزك انا ابقى مين افتكرت ياسمين معتز و اخر ليله بينهم لما حاول يعتد ي عليها و مرحمهاش و غمضت عينيها و قالت : احنا متجوزين عز جوزي
ندى : طب فين ورقه جوازكم العرفي