شدها ليه اكتر و قرب منها : انتي ازاي حلوه كده رفعت ايديها على شعره و نعكشته : انت اللي حلو و زلمه يا ززززم ضحك و قرصها من دقنها : زلمه و زززم اه م انتي قعدتي في الاردن بصلها بحده اكتر و لف ايديها لورا : مين اللي كنتي بتقولي عليه زفت الطين حبيبك نارين وهي بتلف عشان تجري : ياه شوف يا اخي نسيت اجيب الساعة بتاعتي هروح اجيبها و ارجع بسرعة
جري وراها في الميه وهي عماله تحدف ميه عليه وبتجري و تضحك خرج بره بس مقدرتش تجري من وجع ضهرها و رجليها مسكها شالها و ضحك : قولي يلا نارين بكسوف : انت حبيبي .. اياد : يعني مكنش في حد و بتضحكي عليا نارين بتعب : طب نزلتي بقى عشان انت رخم و ضهري وجعني بسببك اياد بخبث : بسببي برضوا ولا بسبب شقاوتك ضحكت و اتكسفت خدها للعربيه كانت بتترعش من البرد قفل العربيه عليهم و مشي بيها و شغلها الدفايه
وصلوا للبيت دخلت وهي بتضحك و سانده على أيده عشان ضهرها شد عليها ابتسمت سهير من فوق وقالت لحسن اللي واقف جنبها : كنت عارفة انها مع اياد هو الوحيد اللي بيخليها تضحك من قلبها اياد بهمس في ودنها : اشيلك ولا هتعرفي تطلعي لوحدك يا بطل اتكسفت و خبت وشها: لا هطلع انا اياد قرب منها اكتر وقال بصوت يكاد يسمع : كده كده هشيلك في فرحنا تعالي بقى
بصتله بكسوف غمزلها و ضحك شالها فعلا و جري بيها على فوق وهي بتضحك عليه بس اول ما شاف امها ابتسم باحراج و نزلها سهير : احم احم ..مش كفايه كده ولا ايه حسن بتريقة : كفايه ايه هو حد يقدر يتكلم مع هتلر بيه هتلر وهو بيضحك : انا اوضتي يعني هنا هدخل ..و خدي بنتك خلي بالك منها بقى ضحكت نارين و دخلت اوضتها ضحكت سهير ل حسن : انا بقول نجوزهم بسرعة
حسن بتكشيرة : مش لما ترضي عليا و تتجوزيني الاول نبقى نفكر نجوزهم ضحكت بصوت عالي و اتكسفت في الوقت ده الباب اتفتح و دخل محمود ووراه ماهر اللي كان قاعد على كرسي بسبب الجرو ح اللي في جسمه و مروة ماشيه جنبه …….. البارت ال 26 🖤🌑 #بنت_اغاريس دخل محمود من الباب و ماهر وراه قاعد على كرسي متحرك بيبص حوليه و مروة جنبه نزلت سهير من فوق هي و حسن : الف سلامه عليك يا بابا و حمدالله على سلامتك
ماهر وهو يتجاهل كل حديثها : فين نارين سهير : في اوضتها تعبانة شويه مروة بحزن : انا اهملتها جدا هطلع اتطمن عليها سهير : متقلقيش هي كويسه و انتي كنتي مع بابا يعني متزعليش نفسك كانت نارين قاعدة على كرسي في البلكونة بعد ما غيرت لبسها و لبست فستان لطيف جدا مقفول لونه كافيه و حجاب ابيض هتلر من البلكونة اللي جنبها بعد ما سمع خرابيش و حركه بسيطه : في قطه هنا ولا ايه
ضحكت نارين و قلدت صوت القطه : ميااااو ضحك هتلر : لا ده صوت غزالة كده ابتسمت زي الاطفال و غمضت عنيها : شكرا جدا يا اياد مش عارفة من غيرك انهاردة كنت هعمل ايه وقف اياد على السور و نط عندها : احم ..في شكر يبقى كده من غير اي هدايا اتصدمت لما لقيته قدامها ضحكت اكتر و فضلت قاعدة كان الوقت بدأ يظلم و غروب الشمس قدامهم نارين بهدوء : هات الكرسي و تعالى اقعد نتفرج على الغروب
شد هتلر الكرسي و قعد جنبها كتفه في كتفها و مسك ايديها باسها : انا هقول لادم انهاردة اني بحبك و يحصل اللي يحصل و هاخدك على حصان ابيض و نهرب نارين بعدم فهم : حصان ابيض ليه مش انت معاك عربيه ضحك بصوت عالي : لا نركز كده مش ناقصه غباء هي نارين وهي بتبتسم ببلاهه : خلاص هسكت اهو ..بس بص في السما كده مع أن لسه الغروب هنا إلا أن في نجمه ظاهرة في السما لوحدها بعيد تلاقيها حزينه
مسك رأسها لفها شويه : طب بصي هناك كده ..شايفة القمر اللي حوليه النجوم دي القمر ده انتي يا نارين حوليكي نجوم كتير بس في نجمه واحده قريبه جدا منه ده انا و لا يمكن هسيب حد يقرب منك غيري بصتله و ابتسم و بدأت تدقق في ملامحه اللطيفة و قربت منه باسته من خده بكسوف و رجعت مكانها تاني برق هو و قرب منها بسرعة و باسها ( عيب يا شباب عيال و غلطو )
برقت عينيها و رجعت لورا فضلت مصدومه لثواني : احنا عملنا ايه هتلر : انتي مقدرتيش تقاومي الكاريزما بتاعتي ضحكت و ضربته على كتفه كل ده و كان في بيصورهم و قفل التليفون و خده و مشي بهدوء نامت نارين على كتف هتلر و غمضت عنيها : كاريزما ايه بالرصاصه اللي في بطنك دي خليك رومانسي شويه و سيبني انام ضحك و حط رأسه على رأسها و ناموا في هدوء لمده عشر دقائق و دخلت سهير من غير ما تخبط
انتفضت نارين من مكانها و كانت هتقوم بس دخلت سهير وهي محرجه : احم ..ممكن اخد بنتي يا هتلر بيه جدها عايز يشوفها و يطمن عليها ارتفعت نبضات قلب نارين و رجعت لورا وهي خايفة و بتبص لأياد بتحاول تستنجد بيه اياد بكل هدوء : هاجيبها انا عشان تعبانة خمس دقايق و انزل بيها ابتسمت سهير و خرجت