آسر : يابنتي ربنا خلقنا آدم وحواء مخلقش ادم بس ولا خلق حواء بس عارفه لي …؟! أقولك انا لي عشان نكمل بعض عشان آدم اما ميقدرش يسامح ف حاجة حواء تقدر تسامح بتكون صعبه بس هتقدر ع عكس آدم ميقدرش ابدا… وطبعا ف جوانب كتير بس خلينا دلوقت ف الحته دي … يارا : بس يا آسر صعبه اوي آسر : بس تقدري … وبعدين البت حلوه واحنا غلابه اوي اوي يا باشا
يارا : مهو ده اللي غيظنييييييي آسر : الصراحة انا لو مكانوا ولقيت حاجة زي دي مش هسيبها من ايدي حد يجيلوا الرزق ويرميه ده يبقا غباء يا شيخه يارا : واما تتقلي حضرتك ف نار جهنم يبقا كويس آسر : استغفر الله … بارك الله فيكي اختاه ذكرتيني وآسر قعد يهزر ويضحك ويتكلم هو ويارا وبعدين خرجوا وقعدوا مع العيله وكانتوا بيخططوا هيعملوا اي ف الخطوبه اللي قربت دي
لا اله الا انت سبحانك اني كنت من الظالمين ♥️ ف منزل عائلة طاحون نرمين : اصدق بالله يا عمر انت مهزء شايف اخرت اللي كنت بتنيلوا زمان عمر بنفاذ صبر : نرمين الله يكرمك سيبيني ف حااااااااللللي بقااااااا ودخل اوضتوا نرمين دخلت وراه الأوضة نرمين : اسيبك ف اي بالظبط انت مستوعب انت عملت اي وزمان البت حصل ليها اي اصلا عمر : ارجوكي يا نرمين اسكتي بقا نرمين : اهاااا اسكت عشان ترتاح عارف يا عمر انا مش متخيله انا لو مكانها كان هيحصلي اي ده حتي الخطوبه لسه متمتش ويحصل موقف بايخ زي ده
عمر بصياح : كان قبل ما اتقدم ليها قبلهاااا قبلهاااااااا افهمي بقا نرمين : مهو الماضي القذر بيرجع تاني عمر بصوت عالي : قذر اي كنا بنتكلم عادي والله عادي نرمين بزعيق: طب لو هي اللي كانت بتكلم واحد عادي قبلك برضوا كان هيبقا عادي بالنسبالك . عمر بصوت حزين: انتوا اي مظبطين كلامكم مع بعض قالتلي برضوا كده … نرمين ارجوكي كفايه بقا صدقيني انا دلوقت مش مستحمل اي حاجة والله ما مستحمل
نرمين بصوت حنين : خلاص يا عمر خلاص اهدي بس عمر : نرمين تفتكري كده هي مش هتكمل الخطوبه ولا هتكملها نرمين : معرفش يا عمر بس لو مكملتش انا مقدرش الومها ويكون حقها عمر : اوووووووف… يارب نرمين : عمر انت ممكن تكلم البت دي تاني او تكلم غيرها عمر : والله يا نرمين من يوم ما كلمت اسر حتي قبل ما هي توافق انا قطعتي علاقتي بيها وبغيرها وعمري ما هكلم حد تاني ف حياتي والله
نرمين :بص يا عمر انا هحاول معاها حتي لو كانت ناويه متكملش هقنعها بأي طريقه … بس وربي يا عمر لو شميت ريحة انك بس بتكلم اي حاجة مونثه تاني لهطربقها فوق دماغك عمر : والله ما هتحصل ابدا نرمين : وعد …؟! عمر : وعد وكلمة راجل نرمين : توكلنا ع الله لا حول ولا قوه الا بالله العلي العظيم ♥️
نرمين دخلت ف جروب البنات ع الواتس وقعدوا يتكلموا شويه ف موضوع الخطوبه وهيعملوا اي وكده وكانت عايزه تعرف ردود أفعال يارا وناويه ع اي بس يارا اتكلمت عادي ونرمين دخلت كلمتها خاص وعرفت انها عادي بس هتربيه بعد كده ونرمين قالتها وانا معاكي نرمين كلمت عمر وطمنتوا وقالتلوا يدخل يكلم يارا عمر : يارا … يارا : نعم عمر : زعلانه …؟! يارا : لا ابدا انت عملت حاجه تزعل …؟!
عمر : الله اكبر ابتدينا ف شغل ما انت لو مهتم كنت عرفت يارا ضحكت وقالت : حصل وقعدوا يتكلموا شويه وهزروا عمر : يارا بجد انتي خلاص مش زعلانه يارا : يعني … عمر : يعني اي يعني …؟! يارا : يعني يا عمر لو خلاص ده كان ماضي ومش هترجعلوا تاني ف اوك هسامحك غير كده صدقني تصرفي مش هيعجبك خالص عمر : خلاص والله مش هيتكرر تاني ابدا وبعدين هي الِ شقطتني
يارا : وانت عادي يا اخويا اي حد يشقطك لي بيبي صغير ولا ملكش راي عمر : يارا كان في جبهه كده انا لا اراها شفتيها ف حته يارا : هل تقصد الجبهة الِ انا طيرتها من شويه عمر : مترجلين يا شكوره وخلصوا ترتيبات الخطوبه وعمر ويارا اتخطبوا ع خير وبعديهم ب اسبوعين مارينا ومينا اتخطبوا ومروه وابراهيم حددوا كتب كتبهم و معاد فرحهم … ولسه سليم مش عارف ياخد خطوه أنوا يتقدم لساره … و آسر لسه مش حاسس ان هو لقا المواصفات اللي محتاجها …
صل ع محمد ف شركة طاحون سليم : يا ابراهيم نشرت الإعلان أننا محتاجين خريجين هندسة ابراهيم : ايوه نزلتوا و النهارده ف ناس جايه تعمل الانترڤيوا سليم : تمام اوي قول لأسر يجهز عشان هو اللي هيعمل الإنترڤيوا معاهم ابراهيم : تمام سليم : بالله يا هيما قول لساره تخلص الملف الِ معاها وتجيبوا ضروري ابراهيم : تمام استغفر الله العظيم و اتوب اليه من كل ذنب ف مكتب أسر
شاف ملفات كتير بس معظمها ناقصة وكان هيطق لحد ما شاف ملف و قرأ الاسم آسر : رغده أحمد الهلالي … رغدة أحمد الهلالي … رغده أحمد الهلالي … الاسم ده حاسس اني سمعتوا قبل كده وقلب ف الملف لقاه كامل وكمان من دفعتوا وال CV بتاعها مناسب لشغلهم. آسر قال السكرتير يدخل ليه رغدة أحمد الهلالي رغدة وهي بتدخل المكتب : احم السلام عليكم آسر بصلها جامد وحس أنوا عارفها
آسر : وعليكم السلام اتفضلي اقعدي وكان لسه السكرتير بيقفل الباب رغده : لو سمحت ممكن تسببوا مفتوح السكرتير : مينفعش يا فندم عشان … آسر مقاطعا : سيبوا مفتوح وروح انت … اتفضلي اقعدي يا بيش مهندسة رغده بإحراج : شكرا جدا آسر : الشكر لله … المهم انا شفت الCV بتاعك بس واضح انك مشتغلتيش قبل كده رغدة : ايوه فعلا انا مشتغلتش قبل كده عشان كنت باخد كورسات لغات وبرمجة وكمان كرسات ف التخصص بتاعي
آسر : اها واضح بس انتي متخرجه من كام سنه ؟! رغدة : من 4 سنين من جامعة عين شمس آسر : ده احنا دفعه واحده بقا اتاريني بشبه ع الاسم رغدة بحيرة : ازاي ؟! اسر : انا أسر محمود العربي ده لو تفتكري يعني ؟! رغدة بصت لأسر وكانت أول مره تبصلوا لأن من اول ما دخلت وهي عنيها ف الأرض رغدة بتذكر : ايوه ايوه افتكرتك انت ومنار اما كنت بترتب ع الدفعه
آسر : ياه هو انا كنت معروف بمنار ولا اي رغدة بضحكة : جدا والله يا فندم كنتوا روميوا وجوليت الدفعة … اه صحيح سلملي عليها كتير آسر بحزن : ياااه للدرجادي … ع العموم انا ومنار اتطلقنا رغدة بحزن : لا حول ولا قوة الا بالله … لي بس كده ومن امتا آسر : عادي مش مرتاحين وداخلين ف سنة رغدة : بص لو انت متجوزتش ولا هي اتجوزت حاولوا تتفاهموا بالله متضيعوش حبكم لبعض
آسر بضحكه الم : حب مين بس ده واضح أن كان حب مراهقة مش اكتر واحنا اللي كبرنا الموضوع … ها وانتي اي اخبارك اتجوزتي ولا لسه رغده : لا انا الحمد لله لسه سنجوله آسر : اي ده مش كنتي اتخطبتي لقريبك واحنا ف اخر سنه كانت منار بتقول رغدة : عادي بقا محصلش توافق بينا … ومكنش قريبنا ده كان جارنا مش اكتر آسر : لعله خير … المهم انتي مطلوبه معانا هنا موافقه
رغدة : انا اللي مقدمه ع الشغل ع فكره اكيد موافقة اسر : اتفقنا …نظام شغلك هيكون … وفهم آسر رغده نظام شغلهم واتفقوا ع كل حاجة … لا حول ولا قوة الا بالله العلي العظيم ♥️ عند البنات نرمين : يارا مارينا مروه تعالوا نخرج مروه : اعفوني انا من الخروجه دي مش قادره يارا : خليكي عمله شبه البطه البلدي كده انا معاكي يا نيموا مارينا : اوك وانا كمان معاكم
نرمين : هااا يا مروه مروه : والله لو عملتوا اي مهيحصل مش هخررج نرمين : غووووري من وشي يلا يا بنات نتقابل ف كافية … يارا / مارينا : تمام ف الكافيه نرمين : انا ف دماغي فكره جهنميه يارا : اشجيني خير يا حاجة نرمين : احنا نروح نطب ع عمر ومينا دلوقت ونخلوهم يودونا دريم بارك نااااو