مارينا : اكيد عندهم شغل يابنتي ومش فاضيين وانا مش عايزه اتعب مينا نرمين : يا حنينه … بت انتي تخرسي خالص يا مرهفه انتي … ها يا يارا اي رائيك يارا بإبتسامه : هي فكره جميله والله بس مش هعرف اعملها غير اما استأذن من بابا أو أسر نرمين : أستاذتي ياختي واهو لو أسر فاضي يجي هو كمان يارا : اوك وكلمت أسر وقالها روحي وخلي بالك من نفسك وعرضت عليه أنوا يجي معاهم بس هو قالها أن هو مش فاضي
وراحوا عند عمر ف شغلوا ونرمين كل ما ترن عليه يكنسل ويارا رنت رد عليها بسرعه ( خطيبتوا بقا ) نرمين دخلت مكتب عمر من غير استأذن ووقعدت ع المكتب بتاعوا ومسكتوا من شعروا نرمين بزعيق : لا ده انت زودتها اوي بقا ارن عليك تكنسل اقول يمكن مشغول يارا ترن عليك ترد ده اي قله القيمة اللي انا فيها دي ياخي ده انا حتي احتك بقالي 21 سنه وهي مكملتش سنه خطيبتك اي قله الأصل دي
إذ فجأة صوت من ورا : احم احم … لا ممعكش حق يا عمر ينفع تزعلها كده نرمين بصت وراها بصدمة وإذا فجأة بدله ميري بتتكلم انما اي نرمين ف نفسها : انا طول عمري نقطة ضعفي البدل الميري #الاخيره #بداية_جديدة نرمين بصت وراها واتصدمت اما لقت بدلة ميري حاولت تعدل من شكلها ونزلت من ع المكتب نرمين ف نفسها : انا طول عمري نقطه ضعفي الميري نرمين بإحراج : احم احم … لا زعل اي بس ده زي اخويا برضوا
عمر : نرمين اختي ويارا خطيبتي ومارينا خطيبه مينا محمد : تشرفنا … انا بقا محمد زايد عمر : صديق الطفوله نرمين بعدم استيعاب : اي ده انت الواد الغلس البارد اللي كنت بقول لعمر يقطع علقتوا بيك من رخمتك عليا اما كنت بتيجي تلعب معانا عمر بتحذير : نرررررمين محمد بضحكه عاليه : سيبها يا عمر ياه لسه لسانك طويل زي انتي ده حتي لسانك أطول منك خلي لسانك ع قد طولك يا شطره
نرمين : لا يا بابا انا طويله ده انا 175 سم محمد بغرور : 192 سم نرمين : يا شيخ اتنيل فرحان بأي وف الاخر تنتص ف نظرك وتتجوز واحد 150 سم وتعلموا رقم 10 محمد : مش يمكن انتص واتجوز واحده 175 وانتي ف الآخر تتجوزي واحد 170 نرمين بخوف : لا لا لا حرام عليك بعيد الشر دي تبقا مصيبه محمد بمكر : ولي الخوف يعني نرمين : لا وهخاف من اي …
عمر : وبالصلاه ع النبي انا قرطاس لب واقف ف النص محمد : جرا اي يا عمر هو انا عملت حاجه عمر : بقولك اي يا محمد بلاش تخليني اطلع كلام مش عايز اقولوا فإسكت احسنلك محمد : لا ياعم وع اي الطيب احسن عمر بص لنرمين : ها يا نرمين انتي جايه هنا لي نرمين : اصل يارا قالت عايزين نخرج واقترحت أن تجيلك هنا وانت تخرجنا يارا بصدمه : والله ابدا محصلش
عمر بإبتسامه : حصل ولا محصلش عيوني ليكي نص ساعه اخلص اللي ف إيدي ونخرج مارينا : طب هو يعني مينا … مينا من وراها : مينا هنا اهو يا قلب مينا محمد بمشاكسه : اوعا موحد القطرين بقا اسموا البيه الرومانسي مينا بغيظ : وانت مالك انت عمر بخبث : معلش يا مينا اصلوا سينجل يا عم بعيد عنك الله يكون في عونوا يعني محمد وهو بيبص لنرمين : لا ياراجل لا يا برنس انت عارف أن عن قريب اوي مش هبقا سينجل
عمر بغمزه : مبلاش الثقه دي يا مان … اه يا نرمين خدي مفتاح العربيه اقعدي فيها هنخلص ونيجي وراكم نرمين : اوك ماشي يارا حست أن صاحب عمر ده عايز يخطب نرمين وكمان حست أن نرمين مستلطفاه وأكيد هتوافق وهي أصلا بتحب الظباط وف نفسها زعلانه خايفه يكون آسر اخوها اتعلق بيها أو حبها وكده يبقا تاني جرح ليه ودعت لأخوها كتير أن ربنا يسعدوا ويكتب ليه الخير ويجبر بخاطروا ويراضي قلبوا
نرمين بصوت عالي : يا ياااااارااااااا يا زفتةةةةةةة روحتي فيييين يارا بتوهان : ايه اي … ف اي حصل اي نرمين : يا زفته بقالي نص ساعه بكلمك مارينا : مالك يا يارا فيكي حاجه سرحانه كده لي يارا : لا والله مفيش حاجه انا كويسه نرمين بخبث : عارفه انك سرحانه ف عمر اخويا اصلوا كان قمر أوي النهارده يارا بخبث مماثل : هو اللي بس اللي كان قمر النهارده …؟!
نرمين بغمزه : اي يابت انتي فهماني اوي كده لي مارينا : ف اي مش فاهمه نرمين : عارفه يا مرينا انتي ينطبق عليكي اغنيه ايها الراقدون تحت التراب روحي يابت م-وتي ف حته يارا : معرفش البت دي ماشيه معانا ازاي احنا اذكيه إنما هي لا وجه عمر ومينا ومحمد وكل واحد ركب عرببتوا وخرجوا كلهم صلوا ع محمد ف بيت رغده رغدة سمعت صوت زغريط رغده : اي الصوت ده يا ماما
الام بصلها بقرف : رحمه جارتنا اللي عندها 20 سنه اتخطبت رغده بفرحه : بجد والله ربنا يتمم ليها ع خير الام : خليكي انتي قعدالي كده رغده : عارفاكي بتم-وتي فيا الام بعصبيه : هتفضلي قعدالي كده لحد امتا كل اما واحد يتقدم ليكي تطلعي فيه القطط الفطسانه ولو ملقتيش حاجه تقولي شروط منيله بنيله تطفشوا
رغده بهدوء : بصي يا ماما حدود ربنا مينفعش حد يتعداها مش معني أن الناس كلهم عملوا حاجه يبقا هما الصح سينا محمد صل الله عليه وسلم قال ” ستَأتي على الناسِ سُنونٌ خَدَّاعَةٌ يُصَدَّقُ فيها الكاذِبُ ويُكَذَّبُ فيها الصادِقُ ويؤتَمَنُ فيها الخائِنُ ويُخَوَّنُ فيها الأمينُ ويَنطِقُ فيها الرُّوَيبِضَةُ قيل وما الرُّوَيبِضَةُ قال السَّفِيهُ يتكَلَّمُ في أمرِ العامَّةِ” اظن احنا ف الوقت ده ولو حضرتك بصيتي لكل الناس وتقولي ما اكتريه الناس بتعمل كده شوفي ف القرآن كلمه أكثر الناس هتلاقي لا يعقلون وهتلاقي لا يشكرون وهتلاقي لا يؤمنون وكمان لا يفقهون وع ده كتير فهمتني بقا
الام بندم : يابنتي انا خايفه عليكي من كلام الناس اللي زي السم هو انتي أقل من ولادهم ولا معيوبه ده انتي ست ستهم … ورمي الكلام وحش يا بنتي رغده بمشاكسه : يا ماما كلام الناس هويه وكلام ربنا كفايه الام : ونعم بالله بس … رغده : يا ماما ده أمنا عائشة رضي الله عنها مسلمتش من كلام الناس هسلم انا منهم يا شيخه اتجي الله الام : روحي يابنتي ربنا يكرمك ويسعدك دنيا وآخره ويفرح قلبك ويجبرك جبر يتعجب ليه من ف السماء والأرض
رغده وهي بتبوس مامتها : طب اي الدعوه اللي زي القمر دي بقاااا يباركلي فيكي يا ست الكل ♥️ تسريع ف الأحداث
رغده كانت بتشتغل مع أسر ف الشركه وعلمها كل حاجه ويعتبر بقت قريبه منوا ف الأداء وكانت حطه حدود ليه ولأي شخص وكانت بميه راجل ف الشغل ودي كانت حاجه عجبة آسر جدا لان اي راجل بيتمني يكون متجوز واحده برا البيت تكون راجل … اما سليم كلم ابراهيم يكلم أسر أن هو عايز يخطب ساره لانوا محرج وآسر وافق وكمان ساره وفقت وقرروا أن هيكون فرحهم مع عمر ويارا ومحمد اتقدم لنرمين ونرمين وفقت وكانت مبسوطه جدا … ويارا كانت خايفه آسر يتأثر لكن اتفجأة ان الموضوع مش ف دماغوا اصلا … ومروه وابراهيم اتجوزوا … وعمر ويارا اتكتب كتابهم
وكمان سليم وساره انكتب كتابهم معاهم وباقي شهر ع الفرح … وفرح مارينا ومينا بعدهم بشهرين … وكان فرح محمد ونرمين بعد سنه آسر وسليم كانوا بيدعوا الموظفين معاهم ف الشركه وساره كانت بتدعي صحابها آسر : ساره يا ساره ساره : اي يآسر خير ف اي آسر بتوتر : بصي احم احم يعني أنا … انا …انا ساره : خير يا آسر انت علقت ولا اي آسر : بقولك اي تعرفي رغده اللي بتشتغل معانا هنا
ساره : اه يابني اعرفها خير ف حاجه آسر : بصي عايزك تعزميها وتخليها تيجي الفرح باي طريقه ساره بضحكه : اممممممم وتدني كام آسر بتذمر : يا ساره بقااااا ساره : بس يابني البت محترمه آسر : يابنتي هو حد قالك اني هشقطها ساره : أومال اي ها اي ها اي آسر : يابت اعملي اللي بقولك عليه بس واتاكدي انها هتيجي ساره بضحكه : عيوني يا أسر هو احنا عندنا كام آسر ♥️
في الفرح كل الموظفين حضروا وكمان رغده جت وكان معاها اخوها أصغر منها ف الكليه بس كان خايف عليها اوي وكان ماشي وراها وإيدوا ع كتفها وراحت سلمت علي يارا وساره وبركت ليهم آسر ف نفسوا : شيل ايدك يا روح امك اوووف بلا اخوها بلا زفت بقا … وبعدين افتكر اما كان بيخرج مع حد من اخواتوا وابتسم وراح عندهم وسلم علي اخوها رغده بكسوف لاخوها : ده بيشمهندس آسر مديري ف الشغل واخوا ساره وده مازن اخويا ف رابعه هندسه
آسر : أهلا يا هندسه واضح أن البيت كلوا مهندسين مازن بحده بسيطه : اه الحمد لله آسر فهم الحده اللي ف صوتوا أنوا غاير ع أختوا