منار : لا مؤمن اوي حوش حوش الإمان اللي بيصر… ده يابا لو بتكلم حد ليك كلمه عليه انت ليك التلت وانا التلتين ولو فتحت بوقك بكلمه انت عارف هعمل اي عصام : الله الله جرا اي يا منار بهز اي مبتهزرش يا عماد منار : لا بهزر يا أخويا بس اعرف ان كلامي انا اللي هيمشي ماشي وسبيتوا ودخلت أوضتها #Doaa_Elawdan في منزل عائله طاحون عمر : بصوا يا جماعة انا قولت لأسر ان انا عايز اخطب يارا اختوا اي رائيكم
نرمين بفرحة وصياح : قول والله ومقولتليش لي يا مهزء وقولتتلوا من أمتا ها انطق عمر : اهدي بس يا نرمين عايزين نتكلم جد شويه … ها يا ماما اي رائيك انتي وسليم الأم : يا حبيبي ما دام انت عايز كده وهتكون مبسوط أكيد مش هعترض بعني عمر قام باس راسها :تسلميلي يا ست الكل … ها يا سليم اي رائيك سليم : بص يا عمر انا منطقي شويه بس كان المفروض قبل ما تطلبها من اخوها تاخد رائينا افرضي حدفينا كان اعترض كنت هتصغر نفسك وترجع ف كلمتك ولا هتعارض رائينا
عمر بحيرة : والله يا سليم انا … انا … انا … سليم قام وقف وشد عمر ف حضـ,ـنوا : بطل عبط يلا اكيد مش هقف ف طريق حاجة انت عايزها مبروك مقدما يا حبيبي بس بعد كده ناخد رائينا الأول عمر بفرحة : الله يبارك فيك … عيوني نرمين بتحاول تزعرط : مبروك مبروك يا حياه قلبي مبروك … كاچولوه الواد ده كاچولوة روشنوه الواد ده روشنوه مبروك يا موووووري
عمر :يكجولوا اي بس ويروشنوا اي بإيدي دي سليم بضحكة : وياريتك عاتق االا راريح تخطب اهو عمر وهو بيفرد كفوا ف وش اخوه : قل اعوذ برب الفلق …قل أعوذ برب الناس…سمي يا اخويا كده أومال ده ماشيه معانا بالزق سليم :واضح فعلا … هااا العروسه وافقت ولا لسه عمر : معرفش … استني اسأل اسر واتصل عمر بآسر عمر : السلام عليكم … ازيك يا اسر اخبارك اي
آسر : بخير يا باشا انت اخبار الجرح اي عمر : تمام سيبك مني المهم انت اي الأخبار آسر بخبث : أخبار أي عمر بحرج : يا أسر الأخبار يا آسر افهم بقا الله يكرمك آسر : الله مش فاهم فهمني عمر حس انوا محرج يتكلم ومش عارف يتكلم سليم شد منوا الفون سليم : جرا اي يا آسر اختك اي رئيها ف الواد نازل احراج فيه وخليتوا لابخه خالص
آسر : طب بالله عمر ابوا لسان طويل بيتكسف سليم: ياعم تعالي شوفوا ولا العروسه عمر : لم نفسك يا سليم سليم: بس يا بيضه بس …ها يا آسر اختك اي رئيها بجد عشان نحد هنيجي امتا آسر : بص انا قولتلها وهتصلي استخاره وان شاء الله خير سليم : ان شاء الله … هتنزل الشغل بكرا آسر : بإذن الله سليم :ع خير … هايز حاجة آسر : سلامتك … في رعايه الله♥️
عمر : هاا هااا هاااوافقت ولا اي سليم : هو قالها وهي هتصلي استخاره وتفكر بقا عمر : يارب بقا سليم : اي يابني ده انت واقع أوي نرمين : الحب ولع ف الدره يا سعديه عمر : مش حكايه واقع فيها ولا بحبها لان لو قولت كده هبقا كداب … انما فيها صفات كتير حسيتها منسباني اوي وده اعجاب وبما اني اعجبت بيها فقولت الحقها قبل ما تتشقط مني
سليم : لا ناصح يا ولا نرمين : لا وصريح كمان عمر بغرور : اخوكم اختراع يا ولاد نرمين وسليم كل واحد من اتجاه وكفين زغرطوا ع وش عمر وف صوت واحد : اتنيل واسكت عمر ( زي سعد الصغير ) : مااااشي نرمين : عارف احسن حاجة انك مش هتقدر تجري ورايا عمر : سيبيني ف حالي يا نرمين … هي صاحبتك ممكن ترفض نرمين : متخافش يا حبيبي انا في ضهرك
عمر : حببتي يا نرمين نرمين : لو هي موافقه هخليها ترفض عمر : منك لله يا نرمين . نرمين : بتدعي عليا وانا اللي كنت ناويه اقنعها عمر : نرمين اختي وحبيبتي اللي ليها خروجة جامده اوي بس اما اخف نرمين ( بصوت ميس انشراح ) : متثبتنيش عمر : لا متخافيش ثبتك خلاص نرمين : حصل سليم : اطفال بالصلاه ع النبي الأم : ربنا يحفظكم ويباركلي فيكم يارب وافرح بيكم كلكم
اتجمعوا حولين مامتهم وباسوها وقعدوا جمبها وقضوا يوم يفتكروا فيه طفولتهم وشبابهم وأيامهم الحلوه والوحشه &الأهل دفا وحب ووئام وسند الاخوات رغم الخناق الكتير والزعيق الإ انهم اقرب ناس لينا اكتر ناس عايزين مصلحتنا اكتر ناس وقت الشده هيكونوا ف ضهرنا … بلاش يكون في كره وشروخ ف العلاقات مع الإخوات مهما اتخانقنا والخناقات كبرت نرجع تاني نتراضي ونصفي بسرعة … الأهل سند … الأب أمان … الأم حنان …الاخ حمي …الأخت دفا
العيله هي السند ♥️ صلوا ع من بكي شوقا لروئيتنا ♥️ في منزل عائله العربي آسر : ها يا يارا اي رائيك . يارا بكسوف : رائيي ف اي آسر : لا بقولك اي اخلصي اه ولا لا عشان انا ع اخري يارا : متشكرين يا إخوه آسر : يابت انجزي بقا تعبتي قلبي يارا : هي اي انجزي دي آسر : صليتي استخاره يارا : اه . اسر : هااا وحسه بأي .
يارا : مش حسه بحاجة آسر : يا مصبر الوحش ع الجحش ياربييييييي … يعني مرتاحة ولا مش مرتاحة يارا : معرفش اسر : يعني اي موافقه ولا لا يارا : معرفش اسر : بقولك اي انا هحدد معاد يجوا وتقعدي معاه وبعدها تحددي ماشي يارا : معرفش آسر : ده انتي علقتي رسمي تسريع احداث
نرمين كلمت يارا وطبعا قعدت تقنعها بأخوها وان اي بنت تتمناه وطبعا جروب الشله نقاشات وحوارات وزعرطه وبيتشاوروا هيجيبوا فساتين لونها اي ولسه اصلا مفيش حاجة حصلت هو البنات كده ما بيصدقوا عايزين هيصة… وجه اليوم اللي عمر وأهلوا ريحين يخطبوا يارا رسمي … وطبعا اهلا وسهلا والكلام المعروف ده واحنا مش محتاجين رسميات بقينا اهل والذي منوا وعملوا الواجب واسر دخل يارا وطبعا هيسيبوا العرسان يقعدوا مع بعضهم ويارا بصه في الارض ومكسوفه كأي بنت طبيعيه
عمر : احم احم يارا :