عمر : اممممم متخدي صوره مع السجاده احسن يارا رفعت وشها : نعم عمر.: ايوة كده اخيرا نطقتي ده انا كنت فقدت الأمل يا شيخه يارا : عمر : الله اكبر هنسكت تاني يارا : يعني اقول اي يعني عمر : معرفش اتكلمي وخلاص يارا : والله ازاي بقا عمر : هما بيقولوا اي في وقت زي ده يارا : وانا ايش عرفني عمر : بقولك اي طب متسأليني ولا اسئلك ولا اي حاجة بدل ما شكلنا وحش قدام نفسنا كده
يارا : اعمل اي يعني عمر : باااااس متعمليش انا اللي هعمل … بصي ياستي انا عمر ظابط زي ما انتي عارفه واخوا نرمين صاحبتك اللي برا دي وبرضوا انتي عارفه واخويا سليم صاحب الشركة اللي شغال فيها اخوكي واختك وبرضوا انتي عارفه هااا عايزه تعرفي اي تاني انتي عارفاه يارا ضحكة جامد : لا كفايه اوي كده عمر : ده اي القمر اللي بيضحك ده يارا بطلت ضحك وسكتت
عمر : خلاص ياستي متزعليش مش هعاكسك تاني هاا قولي اي حاجة. يارا : لي يعني اتقدمتلي عمر : امممممم بصي يا ستي ابقا كداب لو قولتلك اني بحبك بقا والكلام الفكسان ده … انا ف مرحله إعجاب بيكي … معجب بشخصيتك…بتفكيرك…فيكي الصفات اللي كنت بتمنها تكون في شريكة حياتي … معجب بصيفاتك حتي قبل اعجابي بشكلك … فأكيد انا كشاب لقيت ف بنوته الصفات اللي بتمناها وهسيبها من إيدي كده ابقا بني أدم غبي بعيد عنك وكده هتكون عيبه ف حقي وطبعا هنعمل فتره خطوبه وهنكتشف بعض اكتر وكل واحد يتعمق ف شخصيه التاني … ها اي رائيك
يارا : بص هو كلامك منطقي جدا ولو كنت أفورت وقولت حب وبتاع والكلام الفاضي ده كنت مستحيل أصدقك … بس دلوقت ممكن يعني أصدقك عمر : موافقه يعني ولا اي يارا : ولا ولا فين الذوق اي ده عمر : ولا ولا اي يا بنتي ده انا ظابط قد الدنيا يتقلي ولا ولا يارا : تمااااام اوي ده معناه انك مش عجبك اسلوبي يبقا نفركش عمر : استهدي بالله كده مش عجبني اسلوبك اي بس هو انا اتنيلت اعجبت بيكي الا بإسلوبك ده …وبعدين نفركش اي احنا لسه اتخطبنا يا عبيطه
يارا : بيجااااااااد عمر : انا بقول اتفق مع عمي ع كل حاجةبقا يارا : عمر : صلاة النبي أحسن السكوت علامة الرضا … عمي يا عمي يا آسر يلا نتفق ع معاد الخطوبه… اتفقوا ع ان الخطوبه هتكون بعد الإمتحانات … وكمان مينا اتقدم لمارينا وحددوا معاد خطوبتهم بعد عمر ويارا بإسبوعين … وكانوا البنات مبسوطين جدا … وساره وسليم بيزيد بينهم الإحترام والإعجاب المتبادل الصامت (دول ناس صامته ملناش دعوه بيهم يا مهييي)
واخر يوم ف امتحانات البنات وطبعا اتحط عليهم جامد بس فشرررررر ولا حاجة تزعلهم وكان الشباب مستنينهم عشان هيخرجوهم ويجيبوا مستلزمات الخطوبه والبنات خرجوا من الكليه واقف تلات عربيات عربيه واقف جمبها مينا ومارينا اما شافتوا سابت البنات وضحكت وراحت مع مينا وركبت معاه العربيه مروه : شوفي البت سابتنا ولا عبرتنا ازاي اي ده نرمين: ندله بقا نعمل اي مروه : انا عارفه اي… ولسه هتكمل لقت ابراهيم واقف مستنيها … مروه : احم احم عن اذنكم يا بنات ابراهيم مستنيني وسابتهم ومشيت
نرمين باستنكار : شوفي البت لسه مكملتش الكلمة وسابتنا ومشيت اما لقت ابراهيم يارا : يلا يت نرمين يلا اسر وعمر مستنينا أهو نرمين : يلا ياختي يلا حتي انتي هتشقطي اخويا يارا بضحكة : تصدقي بالله انك مهزءه وراحوا عند عمر وآسر ويارا وقفت مع عمر بعد ما سلمت ع آسر ونرمين واقفة لوحدها وكذالك اسر آسر بكوميديا : تعالي يا بنتي تعالي اكسب فيكي ثواب بدل ما انتي واقفة لوحدك كده شبه الجرجيرة
نرمين : انا أكيد قولتلك قبل كده انت مهزء لي كده … مين دي اللي جرجيرة … ملقوش ف الورد عيب آسر بإستهزء : وارد اي يا شيخة بس اتقي الله اما تجيبي مزيل عرق الأول اتكلمي بدل ما رحتك عمتنا كده نرمين بصدمة: انت بتقول اييييييي نهارك منيل بنيله اي اللي بتقوله ده آسر وهو بيضحك جامد : اي يابنتي الصدمة دي بهزر مبتهزرش يا عماد نرمين : هزارك سخيف يا أستاذ وكمان مقرف
آسر : بس المفروض يكون عندك ثقه ف نفسك يعني مثلا لو حد قالك كلام زي ده او ما شابه دي حاجة ميتردش عليها وتكتفي بنظره استحقار وخلاص اللي قدامك هو اللي هيتحرج نرمين : طب استني انا عندي حتة نظره بص هحرقك مكانك آسر بضحكة عاليه : يا ربيييييييييي همووووت ضحك مش انا مش انا عمر : اي ياعم الخفيف مالك كده واخد راحتك ع الأخر لاحظ ان دي اختي برضوا
آسر : يا عم هو انا كلتها ده انا كنت بلهيها بس بدل ما تيجي وسطك انت وخطيبتك المستقبليه عمر : الرجوله آسر : طبع فينا بقا نعمل اي يلا بقا ع المول ده زمان ابراهيم ومينا وصلوا من بدري عمر : يلاا ونرمين ويارا ركبوا ورا وعمر واسر قدام ووصلوا المول والبنات اتجمعوا مع بعض ولفوا ف المحلات والشباب مشيين وراهم هاين عليهم يصوتوا من كتر المحلات اللي البنات بتدخلها ومبيجبوش حاجة ف الأخر وبعد فتره كبيره من اللف والتعب
يارا اختارت فستان موڤ هادي وعليه طرحة من نفس اللون وكان بسيط و شيك جدا ورقيق ونرمين اختارت فستان كحلي وبرضوا طرحة نفس الدرجة وجابت اكسسوارات مناسبه وكان مخليها جميله جدااا ومروة اختارت فستان بيج وطرحة نفس اللون وبرضوا اكسسوارات مناسبه وكان جذاب جدا وجميل اما مارينا اختارولها فستان رصاصي فاتح وكان تلتين كم ومحتشم وشيك جدا يارا : ايوه كده ده حلو بدل اللي كنتي مختراه مارينا : يابنتي ده خطوبه مالوا التاني يعني الله
يارا : انتي تخرصي خالص واسكتي احسن اجيب ليكي معصم يداري الحته دي كمان مارينا : لا وع أي كده حلو اوي نرمين : ايوه كده احمدي ربنا مارينا : الحمد لله مروة : لا لا مبتقوليهاش من قلبك مارينا : والله من قلبي من قلبي وربنا افتحلك قلبي تشوفيه مروة بضحكة عاليه : لا لا خلاص مش هنوصل للدرجة دي يعني احنا بنثق فيكي
وراحوا البنات عند الشباب اللي جابوا اخرهم واللي مهون عليهم بس انهم مع بعض … وخرج البنات ومعاهم الشباب وكل واحد خد خطيبتوا واتبقا آسر ونرمين مشيين ورا وشيلين الشنط بتاعة يارا وعمر وشنطهم هما كمان ( نعمل اي سناجل غلابه بقا ) آسر : الدنيا داية عليا دامد يا سي دوني نرمين : بالله اسكت عشان مش وقت هزار انا زهقانه آسر : مالك بس يا حجة ف اي ده احنا دخلينا ع فرح
نرمين : يعني عجبك المرمطه اللي احنا فيها وهما سيبنا كده آسر : الطيب احسن ياختي واتهدي بقاااا… ينهار أبيض ف اي تعالي نروح ليهم بسرعة عند عمر ويارا ماشيين عمر : ناقصك حاجة يارا : لا مفيش كده كل حاجة تمام