_معاكي سكرتيرة شركة الرفاعي للهندسة والعقارات وببلغ حضرتك بقبول عملك بعد ما نال مشروع تخرجك اعجاب مكتب الادارة وحضرتك تقدرى تبدأى شغل من بكرة الساعة 9صباحاً… =وحيات امك بتتكلمى جد _أفندم حضرتك بتقولى حاجة =احم لا ابدا تمم هكون موجودة فى المعاد بإذن الله…. واغلقت الهاتف (انا بحلم ولا شو يا جدعان معقول اتوظفت بالسرعة دى دى لعنة النحس اتفكت ولا ايه ) لينا بصراخ /عااااااا ماااااااااااماااااااااااااا
ياماااااااااا ياجدعاااااااااااان ياااااااالهوووو والدة لينا /جرا ايه يابت مش هتعقلى ابدا لينا /يا نبع الحنان العقل ليه وقت وطالما دخلت البيت انسى انى عندى عقل اوكى والدة لينا /يا مثبت العقل والدين يارب… يجوا يشوفوا ال بيقولوا عليكى عاقلة ودماغك كبيرة مخدوعين فيكى لينا /خلينا فى المهم زغرطى يا ام نياااازى واتفشخرى ببنتك والدة لينا /عوضى عليك يارب ماتتكلمى زى الناس وبطلى جعفر ال جواكى دا
لينا /بس ياماما مضيعيش فرحتى والدة لينا /فرحتك يبقا اكيد لقيتى فيلم فروزن الجزء التانى لينا /ياريت بس لا والدة لينا /يبقا بارت جديد من الرواية ال بتابعيها نزل لينا /لا لا حاجة تانية والدة لينا/يبقا عملتى نصيبة ومقلب فى حد وفرحانة مفيش غير كدة لينا /دايما آخده صورة وحشة عنى متشكرين يا آمومة أقولك وأمرى لله عارفة انا لسة كنت بكلم مين
والدة لينا/صحبتك المهزئة زيك لينا /ياستى لا صبرك بس ادينى فرصة والدة لينا /أللهم انى لا أسألك رد البلاء ولكنى أسألك اللطف فيه….. ما تنتطقى يا بت بدل ما تلاقى الشبشب بيسلم عليكى …. لينا /خلاص هقولك بنتك القمر العسل الكيوت بزيادة ال لسة متخرجة من أربع شهور بس اتقبلت فى أشهر شركة للهندسة والعقارات وبكرة هبدا شغل والدة لينا /الحمدلله الشركة هتعلن افلاسها قريب وصاحبها هيكره اليوم ال دخل فيه هندسة
لينا خبث /متقلقيش ياماما تعرفى عنى كدة والدة لينا بريبة /مش مطمنالك ابدا ربنا يستر ع الشركة لينا /كدة يا مامى خايفة ع الشركة منى مكنش العشم صدق ال قال قلبى على أمى انفطر وقلب أمى عليا حجر عاااااااا ما تلمى شباشبك دى يا حجة ميصحش الله ــــــــــــــــــــــــــــــــــــــــــــ فى اليوم التالى استيقظت لينا بنشاط وقامت بروتينها المعتاد وشربت قهوتها وتذكرت الورقة ولكن سرعان ما اخرجتها وتجاهلت التفكير فيها….. وارتدت ملابسها واتجهت للشركة
_أفندم اقدر اساعدك فى حاجة =أنا المهندسة لينا المهدى وتم ابلاغى امبارح بقبولى فى الشركة _أيوة يا فندم أهلا وسهلاً اتفضلى معايا أدلك على مكتبك لينا فى نفسها(مكتب مرة واحدة يا حظك يابت يا لينا بركة دعا امك عليكى بتيجى بالعكس هههههه تسلميلى يا نبع الحنان) _اتفضلى المكتب الاخير دا بتاع حضرتك =تمم شكرا وتقدمت باتجاه المكتب وفتحته بهدوء وبجرد ما فتحته حتى فتحت اعينها بصدمة ودهشة وانبهار حقيقى……؟
_دا ما يسمى بالانبهار مش هتوقع انبهارك بمجرد كلمات…….. التفتت بسرعة وذاد تفاجأها وصدمتها أضعاف لينا بصدمة/آسر _ياترى ليه لينا صدمت اول ما فتحت المكتب….؟ _مين الشخص ال بعت ليها رسالة وليه مسميها معذبتى…. واين حكايته….؟ مين آسر وايه علاقته بلينا ✍️๏๓ภเค ๓๏ђค๓๓єdاسكريبت “مُعذبتى” ☕ الـجـزء_التـانى والاخير
بمجرد دخولها للمكتب فتحت أعينها بصدمة مما ترى… لا تستوعب احقاً هى فى الواقع فالمكتب من تصميمها فقد صممت مكتب احلامها من قبل ولكن تلك الورقة قد اختفت ولم تعثر عليها والآن ترى تصميمها حلمها قد تحقق فالمكت قد صممته بشكل يجمع بين البساطة والرقى وأضافت فيه لامساتها بالمكتب على شكل فنجان قهوة مزخرف ومحور بطريقة تعجز عن الوصف…ولكن الرسمة وتصميمها لم تكن مكتملة بعد _دا ما يسمى بالانبهار مش هتوقع انبهارك بمجرد كلمات……..
التفتت بسرعة وذاد تفاجأها وصدمتها أضعاف لينا بهمس فى نفسها (آسر…..مش معقول بس ازاى شركة الرفاعى انا ازاى ماخدتش بالى…. ) _ضفت عليه لمساتى لان التصميم مكنش مكتمل لينا بصدمة /انت ازاى عملت كدة وليه آسر تقدم منها ببطئ وهدوء وهمس بجانب أذنها /أعمل المستحيل عشانك آسف لينو ….. آسف على كل حاجة لينا بتلعثم من قربه /أنـ ـت آسر بمقاطعة /مش هبعد عنك تانى ولا هسمحلك تبعدى وفكرة انك تقدمى استقالتك تنسيها…
لينا /مش انا ال اهرب +انى نسيتك ومش هيفرق وجودك ورجوعك تانى آسر بثقة خبث /لو نستينى مش هشوف نظرة اشتياق منك مش هشوف نظرة عتاب بسبب بعدى… مش هتتوترى من قربى وتتعلثمى فى كلامك… ولتالت مرة هقولها آسف…… وبعشقك مُعذبتى… وتركها وخرج بعد أن شتت كيانها وانشب حرب بين قلبها وعقله وشردت تتذكر آخر مقابلة بينهم… فلاش باك من 4سنوات _يعنى ايه يا آسر آسر ببرود /ال سمعتيه وكلامى يتنفذ مفيش خروج تانى من غير اذنى…. بعد الجامعة انا مراتى متشتغلش… صوتك ميعلاش عليا… و…
لينا /بسس بس انت فاكر نفسك مين عشان تتحكم فيا بالطريقة دى وحتى مش بتتناقش دنت بتأمرنى وكأنى الخدامة لاهلك جابهوالك لا فوق يابابا آسر بغضب /انا خطيبك يا هانم وقريب هبقا جوزك وكلامى يتنفذ ومش آسر الرفاعى ال خطيبته تمشى كلامها عليه وأسلوبك يتعدل والا…
لينا /والا ايه…. ما تكمل يا كابتن… فوق من أوهامك دى وغرورك دا مش عليا لو انت آسر الرفاعى فأنا لينا المهدى وبعدين أسلوبى كدة وان مكانش عاجبك فرصة سعيدة… لو مفكر إن ممكن أسمحلك تلغى شخصيتى وتمحى مستقبلى وأقبل أكون مجرد أنتيك حلوة جنبك عشان بحبك يبقى دا أكبر وهم انت عايش فيه… آسر / يعنى ايه