*** ايوة اشكرى حزنك فى مواقف وتجارب واحاسيس ومشاعر من حقها عليكى انك تشكريها وعلى رأسها أحزانك بردوا مفهمتش حاجةمن ال يقصده لقيت رسالة تانية ****الحزن عامل زى الجنس المجهول ال بيعلمك مبدأ التخلى…التخلى عن اى حاجة بتحبيها او حتى متعلقة بيها زيادة عن اللزوم .. الحزن دا اختبار من ربنا ليكى واما تتحطى فى الاختبار دا..قدامك حلين ملهمش تالت اول حل..انك هتبدأى تسحبى من كل حاجة حواليكى وتعيش فى دور الضحية وتتخلى عن اى خطوة اخدتيها وتحسى ان القدر مستقصدك انت بس وكأن الحاجة ال حصلتلك محصلتش لملايين قبلك ولا هتحصل لملاين بعدك…
ربنا بيقول الحكمة وراء الحزن “ما أصابكم من مصيبة فى الارض ولا فى السماء الا فى كتاب من قبل ان نبرأها لكم ان ذلك على الله يسير »»لكى لا تأسوا على ما فاتكم ولا تفرحوا بما آتاكم ان الله لا يحب كل مختال فخور” الحزن بيجى عشان يعرفك ان الفلوس بتروح وتيجى…..وان القلوب ممكن تقسا وان المشاعر ممكن تروح…وان الصحاب ببتغير عشان تتأكدى ان ربنا سبحانه وتعالى هو الوحيد ال مش بيوقف العطاء بسب العصيان ولا بيغلق باب الرحمة بسبب النسيان….
رسالته دخلت قلبى بجد حسيت لراحة كبيرة وانا بقرأها ولقيت نفسى تلقائى كتبت والحل التانى…؟ ****متحاوليش تهربى من حزنك لانه هيفضل يلحقك لكن اقضى عليه بإنك تشغلى وقتك دورى على حاجة بتحبيها واعمليها… اصنعى هدف وحلم جديد واجرى وراه… اشتغلى… حاجات كتير… واهمها اشكى لربنا… وهيكون عند حسن ظنك آخر حاجة بعتها وانا مردتش لانى مشغولة بكلامه وان معاع حق فى كل حرف وقومت صليت ركعتين لله وشكيتله همى ونمت وانا مرتاحة شوية نمت وانا مقررة ابدأ من جديد واكمل حلمى ال بدأته
ــــــــــــــــــــــــــــــــــــتانى يوم والدة غرام باستغراب /انت لابسة وراحة فين يا بينى غرام /راحة اقدم على شغل لانى متعبتش طول السنين دى فى هندسة وفى الاخر اضيع تعبى واستسلم والدة غرام /ربنا يوفقك يا بنتى غرام بسرعة /يارب همشى بقا لان اتأخرت ومشيت بسرعة قبل ما تفتح موضوع امبارح او حاجه تعكننى وروحت شركة كانوا طالبين مهندس…… وصلت بعد مدة وطلعت الشركة ومشيت بثقة معرفش جبتها منين والقوة دى رجعتلى ازاى المهم دخلت مكتب السكرتيرة
غرام /لو سمحتى…؟ السكرتيرة وكانت مشغولة بالاوراق ومردتش غرام بحدة لتجاهلها /انت يا آنسة السكرتيرة رفعت وشها وسرعان ما تحول لصدمة السكرتيرة بتعلثم /مـ ـ ريـ ـم هاـنـ ـم غرام باستغراب لصدمتها /مريم مين حضرتك انا اسمى غرام وجاية بخصوص المهندسة ال طالبنها السكرتيرة بتوتر /آسفة يا فندم اتفضلى ودخلتها لغرفة المدير واول ما دخلت السكرتيرة خرجت غرام /احم احم رفع المدير راسة وكان شاب فى العشرينات وقام من مكانه بانفعال وصدمة
المدير بصدمة/مستحيل…..مريم…..؟ يتبع…… ياترا مين الشخص ال بعت لغرام الرسالة ع الاكونت بتاعها…..؟ وليه السكرتيرة والمدير صدموا اول ما شافوا غرام ومين مريم ال بيقولوا عليها…؟ #وللحزن حكمة #الجزء الاول #أمــنــيــة (وإن أصابك حزن تفائل😊….بأن من جعل للحزن سبباً👈…..سيجعل للفرح أسباباً) رأيكم يهمني…..بعتذر بجد عن التأخير لكن لسة كاتباه حالا وقت مافضيت……🌷♥ اسكريبت #وللحزن_حكمة #الجزء_الثاني المدير بصدمة /مستحيل….. مريم غرام فى نفسها (هو فى اي النهاردة كل ال يشوفنى يقولى مريم هو انا ناقصة معاتيه)
غرام باستغراب /انا مش مريم اكيد حضرتك متلخبط انا المهندسة غرام وجاية بخصوص طلب تقديم للوظيفة المدي لف راسه ورجع بسرعة وحاول يخفى توتره وقال بهدوء /بعتذر المهندس زين الجارجى مدير الشركة اتفضلى غرام جلست بهدوء وجواها فضول تعرف مين مريم دى وليه اول ما شفوها قالوا عليها مريم بس هى من النوع مبتحبش تدخل فى خصوصيات حد غرام /دا cv بتاعى فى كل المعلومات يا بشمهندس زين ببرود وهو بيتفادى النظر ليها /اشتغلتى قبل كدة
غرام /لا انا لسة متخرجة من حوالى اربع شهور زين /اتخرجتى بامتياز ومشروع تخرجك حاجة راقية عموما اهلا بيكى فترة تدريب معانا وبالنسبه ل cv بتاعك فاتوقع مستقبل هايل ليكى واهم حاجة عندنا فى الشركة الالتزام وطبعا الشغل يكون احسن حاجة غرام ببسمة خفيفة /شكرا يا بشمهندس وان شاءالله اقدم ال اقدر عليه…. ممكن اعرف هبدأ امتى….؟ زين /من بكرة ان شاءالله من 8ل7مساءا غرام /تمام عن اذنك
زين وهو لسة بيتفادى النظر ليها /اتفضلى غرام خرجت وفرحت انها حصلت على شغل فى شركة كبيرة زى دى ولكن لما افتكرت المدير قالت فى نفسها(انت حكايتك ايه يا زين فى حاجه غريبة ومين مريم ال لما شفتنى فكرتنى هيا….لدرجة كنت بتتفادى النظر ليا ) طبعا زين مكنش مبين بس غرام عندها قدرة ملاحظة دقيقة وفهم انه بيتفادها لما كان كل تركيزه الورق بس.. وعادت لمنزلها….. ـــــــــــــــــــــــــــــ فور مغادرت غرام وفى مكتب زين سمع حد بيدخل
آسر بمرح/صباح الخير ياهندسة زين لارد آسر /يا صاحبي انت معايا زين لارد آسر بصوت عالي /زيييييىىيين زين /فى اي بتعلى صوتك ليه…؟ آسر بسخرية /ولا حاجة ولا اكنى بنادى عليك من ساعة زين وسرح تانى/اه طيب آسر /لا انت مش طبيعي النهاردة لا شتمتنى ولاهزءتينى فى ايه…؟ زين /انجز يا زفت عايز اى آسر/حمدلله على السلامة ياصاحبى قولى بقا سرحان فى اي زين بتنهيدة /مش هتصدق ال حصل معايا
آسر بفضول /بسرعة احكى زين /مش كنا عملنا اعلان لطلب مهندس