اسكريبت …./غرام ممكن افهم بتقلعى الدبلة ليه..؟ 🤔 غرام /زى ما انت شايف ي أحمد انا جبتك النهاردة عشان اقولك ان كل شيء قسمة ونصيب وفرصة سعيدة… احمد /انت بتهزى صح..؟ داحنا مكملناش شهر مخطوبين 😲 غرام /انا آسفة يا احمد اكيد هتلاقى حد احسن تحبه ويحبك أحمد بغضب /انت فاكرانى لعبة بين ايديكى انت فكرانى ايه…؟ وقت متحبى تقوليلى بكل ببساطة كل شئ قسمه ونصيب ولا دا جزاتى عشان حبيتك فى اي بالظبط انا عايز افهم….
غرام /فى اى…؟! فى انى تعبت…فى انى مش قادرة اكمل مسرحية تافهة واضحك على نفسى وعليك…..فى ان حاولت اديك فرصة وادى نفسى فرصة يمكن احبك ومش قادرة….عارفة انك بتحبني ومتستهلش كدة بس انا ذنبى ايه؟…انا مش لايقة نفسى معاك…بقيت ببص فى المراية مش عارفة نفسى بقيت برضى الكل على حساب مشاعرى… انا مضحكتش عليك من الاول وقولتلك انى وافقت عشان أرضى امى مش أكتر… قولتى وقتها ادينى فرصة وعطيتك ومقدرتش تفتح قلبى… مقدرتش تزيل الحزن والكآبة ال مالية حياتى انت بس زدتها عليا وشيلتنى ذنب انك بتحبنى وانا مش قادرة ابادلك المشاعر ولا أقدر أبقا منافقة….
صدقنى يا أحمد انا قلبى مش صالح للحب… قلبى متراكم جواه حزن وتايه ومش قادر يكمل وتانى يا أحمد أنا آسفة وهتلاقى بنت الحلال ال من نصيبك لانك تستاهل حد يحبك لانك انسان محترم بجد أحمد بحزن /بس انا عايزك انت.. غرام /مقدرش يا أحمد صدقنى هبقى بظلمك معايا ودى شبكتك اتفضل وسبته ومشيت بسرعة وهو بينادى عليا بس اتجاهلت كل شئ وروحت مشى للبيت وحطيت الزونط على وشى عشان يخفى دموعى وضعفى ودموعى نازلة لانى جرحته بس مش بإدى قلبى مش بإيدى اعمل ايه…. هيتألم دلوقتي احسن منتألم احنا الاتنين بعدين وطلعت البيت
والدة غرام بغضب /ممكن افهم ايه ال بيقوله احمد دا غرام ببرود /قال ايه..؟ والدة غرام /قال انك فسختى الخطوبة غرام /وهو دا ال حصل.. والدة غرام بغضب وض-ربتها بالألم /يا خسارة تربيتى فيكى… بتتصرفى من دماغك وكأنها سايبة والشاب كويس ومحترم شاريكى ناقصه ايه…؟ ولا هتفضلى طول عمرك جنبى…. واسمعنى كويس يابت انت أحمد هتعتذري له وترجعيله فاهمة والا هتشوفى منك وش عمرك ما شوفتيه…
غرام بغضب وحدة /لا مش هرجعله فى حياتى تانى…انا تعبت بجد..انت ليه بتعاملينى كأنى مش بنتك ونكرة بالنسبالك وانى حمل عليكى عايزة تخلصى منه😢..ليه بتحسسينى ان مليش قيمة وان الست لو متجوزتش تبقى ماشية على حل شعرها وعودها فالت…..وكملت بدموع 😭😭 بحاول اعمل كل حاجة عشان ارضيكى غصبت على نفسى ووفقت على خطوبة وانا من جوايا منهارة ومش قد ان ادخل علاقة مع اى حد… عملت كل حاجة عشان احس انك بتحبني….
ليه عمرى محسيت انك بتحبني زى اى أم وعمرك محاولتى تفهمينى وتفهمى مشاعرى ولا حتى شوفت الحزن ال جوايا💔… عارفة من يوم ما بابا مات وانا بم-وت من جوايا💔 وانت عمرك ما حسيتى بيا عمرك ما أخدتينى فى حضنك وطبطبتى عليا بحجة ان الدلع بيبوظ البنت ويمرعها انت بإديك دمرتينى وخلتينى مش عارفه نفسى وبتمنى ام-وت وارتاح واريحك طالما انا حمل كبير اوووى كدة عليك… والدة غرام ضر-بتها ألم تانى
غرام بصتلها بألم ولسة هتتكلم ودموعها نازلة اتفجأته لما لقت مامتها بتمسح دموعها وبتحضنها والدة غرام بدموع /الالم دا عشان فكرتى انى مش بحبك…هو فى ام مش بتحب بنتها..انا يمكن مش بعرف اعبر عن مشاعرى وحبى ليكى بس دا مش معناه انى بكرهك… يمكن فكرت كدة بحميكى وطلعت غلطانة سامحينى يا بنتى انا واللهي ما كنت بعمل اى حاجة غير عشان بحبك وعايزة مصلحتك غرام بعدت عنها /مصلحتى فى انك تقفى جنبى وتفهمينى حاولتى مرة واحدة بس تعرفى ال جوايا وانا بحس بإيه…؟!……. ولا مرة جربتى تاخدينى فى حضنك وتطمنينى ان فى سبب اعيش عشانه
والدة غرام /آسفة يا بنتى سامحينى واوعدك هتغير آسفة انى مكنتش شايفة الوجع دا كله وانك فاكرة نفسك لوحدك وانا موجودة….. آسفة على اى دمعة نزلت من عيونك بسبى واخدت غرام فى حضنها وبكوا هما الاتنين وبعدها بوقت غرام دخلت غرفتها وجلست ع السرير بتعب صح امها لاول مرة تحس انها بتحبها بس بعد ايه بعد ما فات الآوان والحزن عشش جواها وبعد ما روحها ارهقت بعد ايه….؟ فتحت اكونت ليها ع الفيس باسم مستعار (وجع قلب 💔) وكتبت
»»والى متى يا قلب ستظل تشتاق لبسمة محاها الزمن…. ولـ ضحكة ترمرم بقايا الروح….؟!……. ومتى……؟ ستختفى سحابة الحزن وترسم ابتسامة من قلبك من بعد مانسيت ازاى تبتسم…..«« كنت هقفل الموبايل واهرب بالنوم كعادتى لفتنى رسالة مهتمتش بالاسم ولا بصيت عليه ال لفتنى الرسالة *** اشكرى حزنك…. استغربت الرسالة اشكر حزنى ال دمرنى..!؟ وكأنه فهم ال بفكر فيه