فضلت ست شهور عندهم تعالوا اقولكم بقى حصل اي، انا واحمد بقينا صحاب اوي واخوات، عمري ماعرفت كلمه صحاب الا معاه كان معايا في كل حاجه، وعياطي إلى بينتهي بضحكه كل دا كان معاه، مسميني نكديه انا نكديه؟؟ انا يبني!! شبه بعض أوي حبنا للمانجه والايس كريم والكريبات وسندوتشات فول وطعميه والبسبوسه إلى بعملها وبياكلها غصب عنه دي اه لغايه مجه يوم عمري ماتوقعت أن دا يحصل الجرس رن وانا فتحت
_ع عميييي!! =مريم خدني في حضني وطبطب عليا!! _كل دا ومعرفش عنك حاجه! =انت انت عرفت مكاني منين _من صاحبتك إلى جابتك الشغل دا فجأه أحمد جه _اتفضل جوا في الصالون دخل معاه وانا لسه واقفه مكاني وباخد ريقي بصعوبه روحت وقعدت معاهم _دا عمي يا احمد بصلي بحزن وفهم =تشرفنا يفندم .. _انا جاي اخدك يمريم =بس انا مش عاوزه اجي _اهلك هنا من اسبوع عيطت =هما جم؟ _اه ومعتوش ماشيين، وفيه مفاجأه تانيه، قرأنا فتحتك على محمود ابني
انا واحمد =ايه!!! #مربيه ولكن💙 #البارت مش طويل بس الجاي ان شاء الله الأخير وهيبقي طويل، عاوزه تفاعل جامد بقى عشان اعرف اكمل وكومنتس كتير عشان تتشاف💙، بحبكم جامد💙#مربيه ولكن #البارت التالت والأخير انا واحمد :أيه!! _شكرا يفندم انكم خلتوها عندكم الشهور دي، يلا يمريم غيري وهاتي حاجتك عشان نمشي بصيت ل أحمد لقيته بيبصلي كأنه مستنيني اتكلم _ح حاضر يعمي بصلي وحرك راسه بالرفض، طلعت الأوضه وانا وشي كله عياط بلف لقيته في وشي مسحت دموعي بسرعه وابتسمت
_شكرا، شكرا على كل حاجه عملتها عشاني، انك محسستنيش اني لوحدي وانك دايما كنت معايا وبتحاول تضحكني وانك السبب الوحيد الي فرحني طول الست شهور دول، بجد يا احمد شكرا أوي =مريم انا.. قصدي هو _عاوز تقول اي؟ =انا فرحانلك أن اهلك رجعوا ويرب تفضلوا سوا دايما ابتسمت =طب لو عاوزه تعيطي عيطي طيب _وانت كمان هتعيط اهو =تعالى نعيط سوا جامد اوي ضحكنا سوا ودموعنا نازله_تعرف أن دي اول مره اشوفك بتعيط
=دي حاجه دخلت في عيني بس _بس جدع =هتوحشيني، هتوحشيني جامد اوي يمريم، كنت أتمنى انك تفضلي على طول بس اكيد مصلحتك أهم دمعت_وانت كمان هتوحشيني يا احمد الست الكبيره دخلت _صحيح يا مريم هتمشي؟ =ايوه يست هانم _حقيقي كنت ماليا علينا البيت =وانا حبتكم اكتر من عمي ومراته إلى هما المفروض اهلي، لقيت الدفا والحنيه هنا، هنا وبس حضنتها ولقيت أحمد الصغير طلع _ماما =ايوه يحبيبي _انتي هتمشي؟ =..
_هتعملي زي ماما وتسبيني لوحدي؟ =.. _انتي عاوزه تمشي لي انا عملت حاجه زعلتك مني؟ =لا يحبيبي، انا عمري مهسيبك وهاجي نلعب مع بعض على طول _طب وانتي ماشيه دلوقت لي؟ =عشان اشوف ماما وبابا بتوعي، مش انا قولتلك اني نفسي اشوفهم، اروح اشوفهم واجيلك على طول اتفقنا؟ _اتفقنا ملست على شعره _مريم ابقى تعالى خطوبه أحمد علي بنت خالته بصيت لأحمد وابتسمت=اكيد هاجي خدت شنطتي ونزلت _هوصلكم =لا يا احمد مش عاوزه اتعبك
_يبقي اوصلكم لسه مش بيسمع الكلام وبينفذ عكسه يربي عمي ركب جمبه وانا في الكرسي إلى ورا _مريم اعملي حسابك خطوبتك على محمود في الأسبوعين الجايين دول =.. _اي مش هتعزميني يمريم؟ =مش محتاج عزومه يا احمد لقيته كشر وساق ومعتش بصلي بعدها والله بهزر! وصلت البيت، البيت الي كان كاتم على نفسي وممو\ت قلبي أحمد طلع الشنطه من العربيه وعمي دخل جوا _اتمنالك الخير كله مع خطيبك =وانت مع خطيبتك
_بطلي استفزاز =بطل بواخه _هتوافقي عليه ؟ =.. ماما وبابا طلعوا كان نفسي في اللحظه دي من زمان، أو ممكن مكنتش عوزاكم تبعدوا اصلا حضنتهم واحنا التلاته بنعيط _عرفت انتي عيوطه لي، دي طلعت بالوراثه ضحكت=أحمد يبابا صاحب ال… *اخو صاحبتها إلى كانت قاعده عندها _اهلا يبني =اهلا بحضرتك، حمدالله على سلامتكم بصيت لعمي هو قايلهم اني عند صحبتي واني مش بشتغل! _استأذن انا =لازم تتعشي معانا _ملوش داعي =لا ازاي اتفضل اتفضل